Yangiliklar

Chevy Blazer EV modeli GM elektr avtomobillari portfelida noaniq kelajak bilan yuzlashmoqda. 2025-yil boshida elektromobil savdosi barqaror bo‘lgan, ammo yil oxirida keskin pasaygan, deya xabar bermoqda GM Authority.

AQSh bozorida 1-chorakda 6,1 mingta 2-chorakda 6,5 mingta, 3-chorakda esa 8 mingtadan ziyod Blazer EV sotilgan. Biroq 4-chorakdagi yetkazib berish ko‘rsatkichi 1,8 mingtani tashkil qilgan. Bu 2024-yilning 4-choragidan 77 foiz past hisoblanadi. 2025-yil davomida jami 22,6 mingta Blazer EV yetkazilgan. 2024-yil bilan solishtirganda 2,1 foizga kam ko‘rsatkich qayd etilgan. Savdo pasayishiga 2025-yil 30-sentyabrda federal EV soliq imtiyozlarining tugatilishi sabab bo‘lgan.

Kanada bozorida ham vaziyat o‘xshash. 2025-yil 4-chorakda Blazer EV atigi...

Rossiyadagi «Gazprom» kompaniyasining O‘zbekiston, Qozog‘iston va Qirg‘izistonga gaz yetkazib berish hajmi 2025-yilda 22,2 foizga oshdi. Bu haqda kompaniya matbuot xizmati xabar berdi.

O‘tgan yilning oxirida kompaniya bu o‘sishni 20 foizga baholagan edi. Gruziyaga sotilayotgan gaz esa 40,4 foizga oshirildi. 2023-yilda O‘zbekiston tabiiy gazning sof importchisiga aylandi va «Gazprom»dan xaridlarni boshladi. Yetkazib berish teskari rejimda ishlay boshlagan «Markaziy Osiyo – Markaz» quvuri orqali amalga oshiriladi.

2023-yilda «Gazprom» O‘zbekistonga 1,28 milliard kubometr, 2024-yilda esa 5,64 milliard kubometr tabiiy gaz yetkazib berdi. Qozog‘iston Energetika vazirligining ma’lumotlariga ko‘ra, Rossiyaning O‘zbekistonga gaz yetkazib berish hajmi 2026-yilda 6 milliard kubometrgacha oshishi mumkin.

«Gazprom» Qozog‘istonning...

Specialty Vehicle Engineering (SVE) kompaniyasi 2026 yil uchun juda kuchli Yenko/SC Chevrolet Silverado 2500/3500 HD Off-Road pikapini namoyish qildi. GM Authority xabariga ko‘ra, model taxminan 1000 ot kuchiga ega bo‘lib, og‘ir yuklarni ham juda tez va ishonchli tashishga mo‘ljallangan.

Yangi model 2026 yilgi Chevy Silverado HD asosida yaratilgan va atigi 50 dona ishlab chiqariladi. U faqat to‘liq yuritmaga (4×4) ega, 10 pog‘onali avtomat uzatma bilan jihozlangan benzinli versiyalar uchun taklif etiladi. Xaridorlar kuzov turi va yukxona uzunligini tanlashlari mumkin.

Avtomobil kompressor bilan jihozlangan 6,8 litrli dvigatelga ega. U mustahkam po‘lat krank vali, alyuminiy porshenlar va takomillashtirilgan silindr kallaklari bilan...

O‘zbekiston milliy terma jamoasi bosh murabbiyi Fabio Kannavaro yanvar oyida Birlashgan Arab Amirliklarida bo‘lib o‘tadigan yig‘in uchun jalb etilgan futbolchilar ro‘yxatini tasdiqladi.

Murabbiylar shtabi qaroriga ko‘ra, ushbu yig‘inga terma jamoaning xorijda to‘p suruvchi legionerlari Eldor Shomurodov, Abduqodir Husanov, Abbos Fayzullayev, Oston O‘runov, Jaloliddin Masharipov kabi yulduzlar chaqirilmagan. Tarkibdan asosan O‘zbekiston Superligasi futbolchilari o‘rin olgan.

Ma’lumot uchun, Ikrom Aliboyev, Oybek Bozorov va Doston Tursunov kabi futbolchilar uzoq tanaffusdan so‘ng yana milliy jamoa yig‘iniga jalb etildi. Jamoa reja bo‘yicha 20-yanvar kuni BAAga yo‘l oladi.

Avvalroq Kursiv Uzbeksitan Fabio Kannavaro boshqaruvidagi O‘zbekiston milliy jamoasi Kanada bilan o‘rtoqlik o‘yini o‘tkazishi haqida xabar...

General Motors 2027-yilgi Chevrolet Sonic avtomobili Janubiy Amerikada yanada ko‘proq davlatlarda taklif etilishini ma’lum qildi. Model avval Braziliyada taqdim etilgan edi.

Manbalarga ko‘ra, yangi Sonic krossoverining savdosi 2026-yil ikkinchi yarmidan boshlab Braziliyadan tashqaridagi bozorlarga ham yoyiladi. Braziliya mazkur model uchun asosiy ishlab chiqarish markazi va eng yirik savdo bozori bo‘lib qoladi. GM bu avtomobilni kelajakda Braziliyadan eng ko‘p eksport qilinadigan modellardan biriga aylantirmoqchi.

Avvalo, Sonic krossoveri Mercosur hududiga kiruvchi davlatlarda paydo bo‘ladi. Gap Argentina, Paragvay va Urugvay haqida bormoqda. Ushbu davlatlar orasida Argentina modelni qabul qiladigan birinchi bozorlardan biri bo‘ladi.

Argentina bozorida This is Chevrolet marketing kampaniyasi doirasida o‘tkazilgan...

AQSh va Eron o‘rtasidagi vaziyat keskinlashdi. Erondagi norozilik namoyishlari ortidan AQSh mamlakatlarni yangi tariflar bo‘yicha ogohlantirib, o‘z fuqarolarini chaqirib olmoqda.

Xususan, virtual AQSh elchixonasi e’lon qilgan xavfsizlik ogohlantirishida amerikaliklarga Eronni zudlik bilan tark etish va AQSh hukumati yordamisiz chiqib ketish rejasini tuzish tavsiya etildi.

«Eron bo‘ylab norozilik namoyishlari avj olmoqda va zo‘ravonlikka aylanishi mumkin, buning natijasida odamlar qo‘lga olinadi va jarohatlanadi. Xavfsizlik choralarini kuchaytirish, yo‘llarni yopish, jamoat transportidagi uzilishlar va internetni cheklashlar davom etmoqda», – deyiladi xavfsizlik xabarida.

AQSh prezidenti Donald Tramp Eron hukumati namoyishlarni zo‘ravonlik bilan bostirayotgani sababli Eronga aloqador davlatlarga nisbatan...

Rossiyada yangilangan JAC T9 pikapi – Urban versiyasi sotuvga chiqarildi. Bu haqda JAC kompaniyasi rasmiy sahifasida e’lon qilindi.

Asosiy texnik yangilik sifatida orqa rezinalar o‘rniga ko‘p qo‘llanma prujinali Multilink suspenziyasi o‘rnatildi. Bu yo‘l harakatining silliqligini krossoverlar bilan solishtirish imkonini beradi. Urban versiyasi, shuningdek, elektron boshqaruv va majburiy orqa differensial blokirovkasi bilan to‘liq tortish tizimiga ega.

Mashina ikki turdagi turbomotor bilan jihozlangan: 2,0 litrli benzinli dvigatel (224 ot kuchi) va 163 ot kuchiga ega dizel dvigatel. Ikkala dvigatel ham klassik 8 pog‘onali avtomatik uzatmalar qutisi bilan ishlaydi. Urban versiyasining narxi $47,1 mingni tashkil qiladi. Rasmiy narxlar ro‘yxatiga ko‘ra, mashina...

13-yanvar kuni Ravshan Haydarov boshchiligidagi O‘zbekiston U-23 terma jamoasi Osiyo kubogi guruh bosqichidagi hal qiluvchi uchrashuvda Janubiy Koreya termasiga qarshi bahs olib boradi.

Mazkur o‘yin «C» guruhidagi yakuniy vaziyatga oydinlik kiritadi. Bugungi to‘qnashuv nafaqat 3 ochko, balki guruh peshqadamini aniqlash masalasida ham muhim ahamiyat kasb etadi. Ushbu bahs pley-off bosqichidagi raqibni tanlash imkonini beradi.

Ayni paytda O‘zbekiston olimpiyachilari Livan ustida g‘alaba va Eron bilan durangdan so‘ng 4 ochko bilan 2-o‘rinni band qilgan. Xuddi shuncha ochko to‘plagan Janubiy Koreya 1-o‘rinda. Ikki durang qayd etgan Eronda ham imkoniyat bor. So‘nggi turda eronliklar oxirgi o‘rindagi Livan bilan kuch sinashadi.

Avvalroq Kursiv Uzbekistan...

2026-yilgi Chevrolet Traverse modeli uchun AQShda yakuniy narx biroz oshdi. Bu haqda GMAutority xabar bermoqda.

Sabab sifatida yetkazib berish va logistika xarajatlarini qoplovchi majburiy DFC to‘lovining ko‘tarilgani ko‘rsatilmoqda. General Motors ma’lumotiga ko‘ra, 2025-yil dekabr oyidan boshlab Traverse uchun DFC miqdori $1,9 mingdan $2 minggacha oshirilgan. Farq $100 ni tashkil etadi va bu o‘sish barcha komplektatsiyalarga bir xil tatbiq qilingan. Natijada modelning barcha versiyalari tavsiya etilgan chakana narxi oshdi.

GM vakillari bu qaror sanoatdagi umumiy holatga mos ravishda qabul qilinganini bildirgan. Kompaniya narxlar savdo muhiti, avtomobil jihozlanishi, tannarx hamda talab va taklifga qarab shakllantirilishini ta’kidlamoqda.

Narxlar:

Eslatib o‘tamiz, Kursiv...

Apple va Google Apple Intelligence rivojlanishini tezlashtirish maqsadida hamkorlikni e’lon qildi. Kelishuv doirasida Kupertino kompaniyasi o‘z mahsulotlariga Google Gemini texnologiyalarini integratsiya qiladi.

Bitim Google ishlanmalari Apple’ning sun’iy intellekt funksiyalari uchun texnologik poydevor bo‘lishini nazarda tutadi. Bu Apple’ga Google bulutli infratuzilmasi va sun’iy intellekt modellariga asoslangan holda Apple Foundation Models’ning keyingi avlodini yaratish hamda ishga tushirish imkonini beradi.

Hamkorlik natijasida Siri ovozli yordamchisining generativ sun’iy intellekt imkoniyatlariga ega yangilangan versiyasi taqdim etilishi kutilmoqda. Ma’lumotlarni qayta ishlash jarayoni Apple’ning maxfiylik standartlariga qat’iy rioya qilgan holda, Private Cloud Compute tizimi orqali amalga oshirilishi ta’kidlangan.

Hamkorlik doirasida yangilangan Siri’ning ilk ishga tushirilishi 2026-yilning...

Samarqand viloyatining Samarqand tumanini tugatish, Oqdaryo, Pastdarg‘om, Toyloq tumanlari va Samarqand shahri chegaralarini o‘zgartirish to‘g‘risidagi qaror loyihasi muhokama qilindi. Bu haqda quyi palata matbuot xizmati xabar berdi.

Mazkur tashabbus Samarqandni «millionli shahar»ga aylantirish, zamonaviy arxitektura yechimlariga ega turarjoy va noturar binolarni barpo etish, aholining uy-joyga bo‘lgan ehtiyojini to‘liq qondirish hamda hudud infratuzilmasini rivojlantirishga qaratilgan. Shu maqsadda Samarqand tumani alohida ma’muriy-hududiy birlik sifatida tugatilishi rejalashtirilmoqda.

O‘zLiDeP fraksiyasi a’zosi Diyor Husanovning ta’kidlashicha, chegaralarning o‘zgartirilishi natijasida Samarqand shahri hududi 11,8 ming gektardan 28,9 ming gektargacha kengayadi. Bu esa yangi investitsiya va qurilish loyihalarini amalga oshirish uchun keng imkoniyatlar yaratadi. Jumladan, turistik obyektlar...

Propan narxi bo‘yicha 92 ta importchi korxonaga nisbatan ish qo‘zg‘atildi. Raqobat qo‘mitasi propan narxlarini barqarorlashtirish bo‘yicha ko‘rilgan choralar natijasida birja savdolarida o‘rtacha narxlar 9,3 mln so‘mdan 7,8 mln so‘mgacha, ya’ni 18 foizga pasayganini bildirdi.

Unga ko‘ra, 2025-yil noyabr – dekabr oylarida hamda joriy yilning yanvarida propan bo‘yicha birja savdolarida boshlang‘ich narxlarni asossiz oshirish va mahsulot hajmlarini ataylab savdoga chiqarmaslik holatlari aniqlangan. Ushbu raqobatga zid keluvchi kelishilgan harakatlar yuzasidan 92 ta import qiluvchi korxonaga nisbatan belgilangan tartibda monopoliyaga qarshi ish qo‘zg‘atildi.

Mazkur korxonalardan beshtasi Qoraqalpog‘iston Respublikasi, yettitasi Andijon, uchtasi Buxoro, 13 tasi Farg‘ona, to‘rttasi Namangan, beshtasi Qashqadaryo, 17 tasi Samarqand...

Tijorat banklari 13-yanvar kungi xorijiy valyutalarni ayirboshlash kurslarini yangiladi. Kursiv Uzbekistan eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Eslatib o‘tamiz, avvalroq Kursiv Uzbekistan hafta davomida dollar kursi qanday o‘zgargani haqida yozgan edi.  

Xalqaro atom energiyasi agentligi (MAGATE) Markaziy Osiyoda uran chiqindilarini qayta ishlash bo‘yicha 2030-yilgacha bo‘lgan davrni qamrab oluvchi yangi strategiyani qabul qildi. Bu haqda World Nuclear News xabar berdi.

Strategik reja O‘zbekiston, Qirg‘iziston va Tojikistonni qamrab oladi va xalqaro moliyaviy hamda ixtisoslashgan tashkilotlar bilan hamkorlikni nazarda tutadi. Hujjat sovet davrida uran qazib olish oqibatida zarar ko‘rgan hududlarni bosqichma-bosqich tozalash va tiklashga qaratilgan.

Dasturning yangilangan umumiy qiymati 113 million yevroga baholanmoqda. Bunga qurilish va muhandislik ishlari, loyihani boshqarish, favqulodda vaziyatlar uchun zaxira va qo‘shimcha dastur xarajatlari kiradi. Hisob-kitoblar mavjud shartnomalar va joriy xarajatlar smetalariga asoslangan.

Ta’kidlanishicha, yangi strategiya ilgari ustuvor...

O‘zbekiston Respublikasida taqiqlangan manba va kontentlarning yangilangan ro‘yxati e’lon qilindi. Bu haqda Oliy sud matbuot xizmati ma’lum qildi.

Oliy sud 2026 yil 10-yanvar holatiga ko‘ra, ekstremizm va terrorizm g‘oyalarini targ‘ib qiluvchi manba hamda kontentlar ro‘yxatini yangiladi. Jumladan, 249 ta Facebook, 790 ta Telegram, 265 ta Instagram, 167 ta YouTube, 36 ta Odnoklassniki, 53 ta TikTok kabi ijtimoiy tarmoq va videoplatformalardagi sahifalar hamda 13 ta sayt, 20 ta kitob, ma’ruza, matn va qo‘shiqlar «qora ro‘yxat»ga tushdi.

Quyida taqiqlangan manba va kontentar ro‘yxati keltirilgan:

Mazkur materiallar ekstremistik g‘oyalarni tarqatish, zo‘ravonlik va terrorizmni oqlash va konstitutsiyaviy tuzumga tajovuz qilish alomatlarini o‘z...

Rossiyada 1977-yilda ishlab chiqarilgan VAZ-2101 («Jiguli») juda kam yurgan holatda sotuvga qo‘yildi. E’lon Avto.ru platformasida joylashtirilgan.

Ma’lumotlarga ko‘ra, avtomobilning umumiy yurishi atigi 7,3 ming kmni tashkil etadi. Sotuvchi salonida hanuzgacha yangi mashina hidi saqlanib qolganini ta’kidlagan.

Mazkur avtomobil uchun 1 mln 575 ming rubl ($20 ming) so‘ralmoqda. Bu summa hozirda yangi Lada Vesta narxiga teng.

Sotuvga qo‘yilgan model VAZ-21011 modifikatsiyasiga mansub. Ushbu versiya 1974 – 1983-yillarda ishlab chiqarilgan. Model tashqi ko‘rinishidagi o‘zgarishlari, yog‘och ko‘rinishidagi bezakli salon dizayni va 1,3 litrli dvigateli bilan ajralib turadi. Dvigatel quvvati 69 ot kuchini tashkil etadi.

Sotuvchi avtomobil to‘liq original holatda saqlanganini bildirgan. Bo‘yoq...

Ispaniya Superkubogidagi mag‘lubiyatdan so‘ng Xabi Alonso «Real Madrid» bosh murabbiyi lavozimini o‘zaro kelishuvga ko‘ra tark etdi.

Bu qaror yakshanba kuni Ispaniya Superkubogi finalida «Barselona»dan uchralgan 3:2 hisobidagi mag‘lubiyat ortidan dushanba oqshomida e’lon qilindi. Uning o‘rnini qisqa muddatga Alvaro Arbeloa egallaydi.

Alonso klubda atigi yetti oy ishladi. Uning 2028-yilgacha mo‘ljallangan shartnomasi noyabr oyida Chempionlar ligasida «Liverpul»dan uchralgan mag‘lubiyat va La Ligada peshqadamdan 4 ochko ortda qolish sababli xavf ostida qolgan edi. Klub natijalari qisman yaxshilanganiga qaramay, o‘yin sifati rahbariyatni qoniqtirmadi va Saudiya Arabistonining Jidda shahrida o‘tgan final hal qiluvchi nuqta bo‘ldi.

Mavsum davomida «Real» «Pari Sen-Jermen»ga 0:4 hisobida mag‘lub bo‘lib...

Xitoy va YI Xitoyda ishlab chiqarilgan elektr avtomobillarni Yevropaga eksport qilish bo‘yicha narx majburiyatlari yuzasidan kelishuvga keldi. Tomonlar xitoylik BEV eksportchilarga umumiy yo‘riqnoma berish zarurligini tan oldi.

Avvalroq Yevropa Ittifoqi 2024-yilda Xitoy elektromobillariga davlat subsidiyalari sabab tekshiruv boshlagan edi. Natijada 10 foizlik standart boj ustiga 35,3 foizgacha qo‘shimcha tariflar joriy qilingan. Xitoy bu qarorga rozi bo‘lmagan.

2026-yil yanvarda Xitoy Savdo vazirligi Xitoy – YI muzokaralari borasida rasmiy bayonot e’lon qildi. Unda tomonlar o‘zaro hurmat asosida kelishuvga erishgani ta’kidlandi.

Kelishuvga ko‘ra, YI Xitoy kompaniyalari taqdim etadigan narx majburiyatlarini ko‘rib chiqish uchun maxsus yo‘riqnoma chiqaradi. Baholash jarayoni kamsitishsiz, xolis va JST...

Tojikistonning Pomir tog‘laridagi baland Kon-Chukurboshi muzliklarida taxminan 5810 metr balandlikdagi muzlik kengayib borayotgani aniqlandi. Bu haqda Popular Mechanics xabar berdi.

Tadqiqot doirasida olimlar muz qoplamidan har biri 100 metr uzunlikdagi ikkita muz yadrosini ajratib oldi. Bir namuna uzoq muddatli iqlim ma’lumotlarini saqlash uchun Antarktidadagi Ice Memory Foundation yerosti omboriga, ikkinchisi esa Yaponiyadagi Xokkaydo universitetining past harorat tadqiqotlari institutiga yuborildi, u yerda professor Yoshinori Iizuka muzlikning g‘ayrioddiy chidamliligini tushunish uchun uni tahlil qiladi.

Kon-Chukurboshi muzliklari Tojikiston sharqidagi Pomir togʻlarining Sarikol tizmasida, Tog‘li Badaxshon avtonom viloyatida, Xitoy bilan davlat chegarasi yaqinida joylashgan.

Dengiz sathidan 5811 metr balandlikdagi Kon-Chukurboshi nomli cho‘qqining yonbag‘irlarida...

Eron hukumati mamlakat ichida internetga barcha kirish yo‘llarini to‘liq o‘chirib qo‘ydi. Bu haqda IranWire nashri xabar berdi.

Manbaga ko‘ra, vaziyat avvalgi davrlarga qaraganda yanada keskinlashgan. Rasmiylar Starlink sun’iy yo‘ldosh interneti faoliyatiga ommaviy tarzda xalaqit bera olgan. Ilgari deyarli himoyalangan deb hisoblangan servis ishlashi jiddiy darajada izdan chiqqan.

Mutaxassislar hisobiga ko‘ra, Eron hududida minglab Starlink terminallari mavjud. Ular senzura va blokirovkani chetlab o‘tish uchun ishlatilgan. Biroq hozir sun’iy yo‘ldosh trafikning qariyb 80 foizi bloklangan.

Internet tadqiqotchisi Amir Rashidi Eron hududida Starlink sun’iy yo‘ldoshlariga yo‘naltirilgan harbiy radioelektron to‘sqinlik signallari aniqlanganini aytdi. U bu holatni misli ko‘rilmagan va yuqori texnologiyali amaliyot, deb...

Xitoy bozorida Xiaomi SU7 elektromobillari narxida keskin pasayish kuzatildi. Bu haqda «Китайские автомобили» avtonashri ma’lum qildi.

Ma’lumotlarga ko‘ra, oddiy Xiaomi SU7 yarim yil va 10 ming km yo‘l bosgandan so‘ng o‘rtacha 50 ming yuan (narxining 16 – 23%) qiymatini yo‘qotmoqda. Agar mashina 20 ming kmdan ortiq yurgan bo‘lsa, qadrsizlanish darajasi 37% ga yetadi.

Xiaomi SU7 Ultra elektromobilning yuqori darajadagi versiyasi eng tez qadrsizlanayotgan modellar qatoriga kiradi. Mashina 10 ming km yurishidan keyin 150 ming yuan ($21,5 ming yoki 28%) qiymatini yo‘qotadi.

Xiaomi YU7 krossoveri narxi esa barqaror saqlanib turibdi. Ozgina yurilgan mashinalar yangi versiyadan atigi 10 ming yuan...

Qashqadaryo viloyatining Qarshi shahrida jamoat transporti tizimi yangi 43 dona avtobus bilan boyitildi. Bu haqda Transport vazirligi ma’lum qildi.

Unga ko‘ra, viloyatda yo‘lovchi tashish faoliyati bilan shug‘ullanuvchi «Sharofiddin-Nurillo», «Beshkent Qarshi Trans Servis» va «DilSamo-Nur» korxonalari tomonidan 37 dona Yutong rusumli avtobus, «Bazarcha» korxonasi tomonidan esa 6 dona Aziastar rusumli avtobuslar xarid qilindi.

Mazkur avtobuslar Qarshi shahrining transport Bosh rejasiga muvofiq belgilangan 4 ta yo‘nalishga joylashtirilmoqda. Natijada shaharda brutto-shartnoma tizimida faoliyat yuritayotgan avtobus yo‘nalishlari soni 12 taga, ushbu yo‘nalishlarda harakatlanayotgan avtobuslar soni esa 139 taga yetdi.

Ma’lumot uchun, yangi avtobuslar bir sutkada 150 ming nafarga yaqin viloyat aholisiga sifatli...

Shavkat Mirziyoyev «O‘zbekneftgaz» aksiyadorlik jamiyati faoliyatining istiqboldagi vazifalari va rejalari bo‘yicha taqdimot bilan tanishdi. Bu haqda prezident matbuot xizmati ma’lum qildi.

Uchrashuvda energetik xavfsizlikni ta’minlash hamda iqtisodiyot tarmoqlariga energiya resurslarini uzluksiz yetkazib berish masalalari mamlakat taraqqiyotining muhim omili ekani ta’kidlandi. Shu munosabat bilan gaz sohasida ishlab chiqarish samaradorligini oshirish, zamonaviy texnologiyalarni keng joriy qilish va geologiya-qidiruv ishlarini kuchaytirish zarurligi qayd etildi.

Taqdimotda «O‘zbekneftgaz» aksiyadorlik jamiyati oldidagi asosiy vazifa tabiiy gaz zaxiralarini ko‘paytirish va qazib chiqarish hajmlarini oshirish ekani bildirildi. Xususan, kompaniya kunlik gaz qazib chiqarish hajmini 66 mln kub metrdan 70 mln kub metrga yetkazishi, joriy yilda kamida...

13-yanvar sanasi ilk ommaviy radioeshittirish, kino yulduzlarining tavalludi va madaniyat olamidagi o‘zgarishlar bilan tarixda qolgan. Kursiv Uzbekistan kunning eng muhim voqealarini taqdim etadi.

1910-yili Nyu-Yorkdagi «Metropolitan» operasidan dunyodagi birinchi ommaviy radioeshittirish amalga oshirildi. Ixtirochi Li de Forest tashkil etgan ushbu tajribada tinglovchilar mashhur italyan tenori Enriko Karuzo ijrosidagi «Cavalleria Rusticana» va «Pagliacci» operalarini jonli efirda eshitishga muvaffaq bo‘lishdi.

1930-yilda Uolt Disneyning mashhur qahramoni Mikki Maus aks etgan birinchi komikslar gazetalarda chop etila boshlandi. Dastlabki hikoyalar ssenariysini Disneyning o‘zi yozgan bo‘lsa, rasmlarini rassom Ab Ayverks chizgan. Ushbu komikslar tez orada butun dunyo bo‘ylab mashhurlikka erishib, Disney imperiyasining kengayishiga...