Yangiliklar

Airbus Helicopters kompaniyasi O‘zbekistonning harbiy va ikkiyoqlama texnikalarni import qilish bilan shug‘ullanuvchi davlat korxonasi bilan Flexrotor tizimlarini yetkazib berish bo‘yicha shartnoma imzoladi. Bu haqda kompaniya rasmiy sahifasida xabar berdi.

Hozircha nechta dron sotib olinayotgani oshkor qilinmagan. Airbus Helicopters kompaniyasining ijrochi vitse-prezidenti Olive Mikalonning aytishicha, O‘zbekiston ushbu texnologiyani tanlagan birinchi Markaziy Osiyo davlati bo‘ldi. Flexrotor dronlari razvedka, kuzatuv, maqsadni aniqlash va axborot yig‘ish kabi vazifalar uchun mo‘ljallangan.

Xabarga ko‘ra, O‘zbekiston ushbu tizimlardan uchuvchi vertolyotlar bilan birgalikda ishlaydigan zamonaviy crewed-uncrewed teaming operatsiyalarida foydalanishni rejalashtirmoqda.

Flexrotor 25 kilogramm og‘irlikka ega bo‘lib, 12–14 soatgacha parvoz qila oladi va turli sensorlar bilan...

24-noyabr kuni taqdim etiladigan Honor 500 Super seriyasi eng kuchli stabilizatsiya bilan taqdim etiladi. Bu haqda ITHome nashri xabar bermoqda.

Yangi modellarga SOIS deb nomlangan stabilizatsiya tizimi qo‘llanadi. Unda CIPA 5.0 standartiga mos klassik stabilizatsiya, optik tuzatish mexanizmi va sun’iy intellekt yordamida tebranishni kompensatsiya qilish imkoniyatlari birlashtirilgan.

Asosiy kameradagi 200 MP sensorga AI Ultra-HD Portrait 2.0 algoritmi joriy qilinadi. Bu texnologiya portretlarni yanada tiniq va tabiiy qilishga yordam beradi. Sun’iy intellekt orqali yangi tasvir effektlari ham mavjud bo‘ladi.

Honor vakiliga ko‘ra, 500 Super seriyasi sanoatda yagona bo‘lib, portret rejimida ham old, ham asosiy kamerada bir vaqtning o‘zida tasvir yaxshilash...

Aziz Abduhakimov prezidentning ekologiya masalalari bo‘yicha maslahatchisi – Ekologiya va iqlim o‘zgarishi milliy qo‘mitasi raisi lavozimiga tayinlandi. Bu haqda davlat rahbari matbuot xizmati xabar berdi.

Mazkur lavozimga tayinlanish munosabati bilan Abduhakimov ekologiya, atrof-muhitni muhofaza qilish va iqlim o‘zgarishi vaziri lavozimidan ozod etildi.

Bundan avval ham prezident administratsiyasida bir qator kadr o‘zgarishlari amalga oshirilgandi. Unga ko‘ra, Sardorbek Umurzakov O‘zbekiston Respublikasi prezidenti administratsiyasi Tashqi aloqalar departamentining boshlig‘i lavozimiga tayinlandi. U bungacha Prezident administratsiyasi bosh inspektori lavozimida faoliyat yuritgan.

Shuningdek, Alisherbek Paygamov boshqa ishga o‘tishi munosabati bilan Tashqi aloqalar departamenti rahbari lavozimidan ozod etildi.

Rossiyada nikohdan o‘tganlarga davlat 20 ming rubl ($248) berishi, ajrashganlar esa 40 ming rubl ($496) jarimaga tortilishi mumkin. «Yedinaya Rossiya» partiyasining Bryansk viloyati deputati Mixail Ivanov yangi taklif bilan chiqdi.

Uning aytishicha, davlat yosh oilalarni moddiy qo‘llab-quvvatlashi mumkin, lekin budjet imkoniyatlari cheklangani uchun ajrashganlarga jarima belgilash maqsadga muvofiq bo‘ladi.

«Men taxmin qilamanki, davlat nikoh uchun, masalan, 20 ming rublni ta’minlashi mumkin… Har qanday deputatlik tashabbusi cheklangan – unda ajrashish uchun kamida 40 ming jarima joriy etish kerak», – deydi Ivanov.

Deputat, shuningdek, bola tug‘ilgandan keyin beriladigan nafaqalarni uch yoshgacha uzaytirishni ham taklif etdi.

Avvalroq...

VI Islom birdamligi o‘yinlarida ishtirok etayotgan O‘zbekiston delegatsiyasi 18-noyabr kuni turli sport turlarida jami 13 ta medalni qo‘lga kiritdi. Bu haqda MOQ xabar bermoqda.

Yengil atletika bahslarida sportchilarimiz kunning eng yorqin natijalarini qayd etishdi. Ibrohim Mahkamov uch hatlab sakrash bo‘yicha, Amir Nagayev balandlikka sakrash bahsida hamda Nodir Norboyev o‘nkurash yo‘nalishida raqiblaridan ustun kelib, oltin medalni qo‘lga kiritdi.

Shuningdek, Zahiriddin Shokirov o‘nkurash musobaqasida kumush medalni qo‘lga kiritdi. Para yengil atletikada esa Yorqinbek Odilov disk uloqtirishda ikkinchi o‘rinni egallab, delegatsiyamiz jamg‘armasiga yana bir kumush medal qo‘shdi.

Zarinaxon Nosirjonova bosqon uloqtirishda uchinchi o‘rinni band etib, bronza medaliga sazovor bo‘ldi. Kurash musobaqalarida ham...

AQShda «Pivotal Aero» kompaniyasining bir o‘rinli uchuvchi avtomobili ilk bor omma oldida sinovdan o‘tkazildi. Bu haqda autoblog nashri xabar berdi.

Elektr energiyasida ishlaydigan ushbu apparat taxminan 45 metr balandlikka ko‘tarildi. Bir o‘rinli, to‘liq elektr energiyasida ishlaydigan ushbu modelning narxi qariyb $190 mingni tashkil qiladi. U, asosan, xususiy xaridorlar uchun mo‘ljallangan. Sinov uchuvchisi uchuvchi avtomobil haqida shunday dedi. «Bunday mashinaga har kim ega bo‘lishni xohlaydi».

Qanday imkoniyatlarga ega?

Pivotal uchuvchi avtomobili yengil VTOL — vertikal ko‘tarilish va qo‘nish texnologiyasiga asoslangan. U bir marta quvvat bilan taxminan 40 km masofani bosib o‘tadi, maksimal tezligi esa 97 km/soatni tashkil qiladi.

Qozog‘iston dashtlarida eramizdan avvalgi 1600-yillarga oid Semiyarka yodgorligi topildi. Bu haqda CNN axborot agentligi ma’lum qildi.

Unga ko‘ra, yodgorlik «Yetti vodiy shahri» nomi bilan mashhur bo‘lib, uylar, markaziy monumental bino va ehtimol bronza metall ishlab chiqarish inshootlariga ega bo‘lgan.

Hudud 140 gektar maydonni egallab, Irtish vodiysiga qaraydi. Tadqiqotchilar sun’iy yo‘ldosh tasvirlari, 1960-yillarga oid fotosuratlar va magnitometriya usulidan foydalangan holda yer ostidagi tuzilmalarni aniqladi. Shu paytgacha kamida 15 inshoot topilgan bo‘lib, ularning ba’zilari ichki xonali uylar bo‘lishi mumkin.

Ma’lumot uchun, Semiyarka Bronza davrida shahar hayoti va metall ishlab chiqarish markazi bo‘lgan. Tadqiqotlar davomida yodgorlik aholisining soni, yashash davomiyligi hamda boshqa...

Ekologiya vazirligi hukumat tarkibidan chiqarilib, Ekologiya va iqlim o‘zgarishi milliy qo‘mitasi tashkil etiladi. Bu haqda prezident farmonida qayd etildi.

Shuningdek, Turizm qo‘mitasi mustaqil Turizm qo‘mitasi sifatida qayta tashkil qilinishi belgilandi.

Ekologiya qo‘mitasi atrof-muhitni muhofaza qilish, «Yashil makon» loyihasi, o‘rmonlarni ko‘paytirish, iqlim o‘zgarishi oqibatlarini kamaytirish va cho‘llanishga qarshi kurashish bo‘yicha yagona davlat siyosatini yuritadi.

Prezident administratsiyasida ekologiya masalalari bo‘yicha maslahatchi lavozimi joriy etilib, ikki shtat birligi ajratiladi. O‘rmonlar, gidrometeorologiya va chiqindilar boshqaruvi agentliklari yangi tashkil etilgan Ekologiya qo‘mitasi tarkibida faoliyat yuritadi.

2026-yil 1-apreldan boshlab ekologiya sohasidagi qonunchilikni buzganlik uchun yuridik shaxslarga moliyaviy sanksiyalar joriy etiladi. Jarimalar faqat yuridik shaxslarga...

O‘zbekiston Milliy investitsiya jamg‘armasi (UzNIF) 2026-yilning birinchi choragida ommaviy aksiyalarni (IPO) chiqarishni rejalashtirmoqda. Bu haqda Bloomberg xabar berdi.

Unga ko‘ra, Navoiy kon-metallurgiya kombinati (NKMK)ni IPO’ga tayyorlash jarayoni sekinlashgan. Bloomberg manbalari korxona 2025-yil oxirigacha aksiyalarini London birjasiga joylashtira olishiga shubha bildirgan.

Bloomberg ta’kidlashicha, O‘zbekiston hukumati NKMKning IPO’ga chiqishi Davlat budjetiga elib tushadigan yirik dividendlarning kamayishiga sabab bo‘lishidan xavotirda.

«Mirziyoyev IPO’ni o‘tkazish kerakmi yoki yo‘qmi va uni qachon amalga oshirish bo‘yicha yakuniy qaror qabul qilishi lozim. Lekin prezident bu borada hali o‘z pozitsiyasini bildirmadi», – deyiladi xabarda.

NKMK matbuot xizmati Bloomberg’ga IPO muddati haqida izoh berolmasligini...

Portugaliyalik futbolchi Krishtiano Ronaldu Saudiya delegatsiyasi bilan birgalikda Oq uyga tashrif buyurdi. Bu haqda Telegraph xabar bermoqda. U Muhammad bin Salmonning AQShga tashrifi munosabati bilan Oq uyda bo‘lib o‘tgan tantanali kechki ovqatda qatnashdi.

Donald Tramp marosim chog‘ida o‘g‘li Barronning Ronaldo bilan uchrashgani haqida ham ham gapirgan.

«Bilasanmi, mening o‘g‘lim Ronalduning katta muxlisi. Ronalduning o‘zi shu yerda. Barron u bilan uchrashdi vа o‘ylaymanki, hozir meni biroz ko‘proq hurmat qilsa kerak. Faqatgina ikkovini tanishtirganim uchun», – degan Tramp.

Tadbirda AQSh Davlat kotibi Marko Rubio, Moliya vaziri Skott Bessant va Urush vaziri Pit Hegset ham qatnashgan. Qolaversa...

Toshkent shahrida qonunga xilof ravishda dori vositalari sotayotgan shaxs ushlandi. Bu haqda Bosh prokuratura departamenti ma’lum qildi.

Unga ko‘ra, xorijda ishlab chiqarilgan, tegishli hujjatlari bo‘lmagan to‘qqiz turdagi jami 542 quti dori vositalari $6,4 mingga sotilgan. Ekspertiza natijalari ushbu dori vositalariga muvofiqlik sertifikatlari rasmiylashtirilmagani va saqlash shartlari buzilganini ko‘rsatdi.

Ma’lumot uchun, hozirda Jinoyat kodeksining tegishli moddasi bo‘yicha ish qo‘zg‘atilgan va tergov harakatlari olib borilmoqda.

Eslatib o‘tamiz, avvalroq qo‘lbola tayyorlangan alkogol mahsulotlari savdosiga chek qo‘yilgan edi.

Rossiya Ichki ishlar vazirligi (IIV)ning «Maxsus hibsxona»larida saqlanayotgan qariyb ikki ming nafar o‘zbekistonlik Vatanga qaytarildi. Bu haqda «Dunyo» axborot agentligi xabar berdi.

Unga ko‘ra, 2025-yilning to‘qqiz oyi davomida O‘zbekistonning Rossiyadagi diplomatik vakolatxonalari va konsullik muassasalari 50 mingdan ortiq murojaatlarni ko‘rib chiqqan. 3,2 mingdan ortiq fuqarolar ishga joylashish yoki mehnat nizolarini hal etishda yordam olgan. 381 nafar fuqaroga esa $310 minglik maoshni undirishda ko‘mak berilgan.

Shuningdek:

O‘zbekiston Respublikasining Rossiyadagi elchixonasi mamlakat fuqarolarini Rossiya hududida milliy haydovchilik guvohnomalaridan foydalanish tartibi haqida ma’lum qildi.

Rossiya qonunchiligiga ko‘ra, O‘zbekistonning amaldagi milliy haydovchilik guvohnomalari bilan shaxsiy transport vositalarini boshqarish mumkin.

Biroq Rossiya hududida professional faoliyat, ya’ni taksi, yuk yoki yo‘lovchi tashish va boshqalar uchun Rossiya haydovchilik guvohnomasi talab qilinadi, bu esa belgilangan tartibdan o‘tishni talab qiladi.

Elchixona Rossiya mutasaddi idoralari bilan doimiy aloqada bo‘lib, fuqarolarning huquq va manfaatlariga ta’sir qiluvchi barcha o‘zgarishlardan xabardor qilib borishini ham ta’kidladi.

Eslatib o‘tamiz, avvalroq Peterburgda migrantlar taksida ishlash taqiqini uzaytirish rejalashtirilayotgani haqida yozgan edik.

Samsung’ning navbatdagi o‘rta sinf smartfoni Galaxy A57 haqida yangi texnik ma’lumotlar paydo bo‘ldi.

Qurilma Xitoyning 3C sertifikatsiya bazasida SM-A5760 indeksi bilan ro‘yxatdan o‘tdi va unda 45 vattlik simli zaryadlash ko‘rsatilgan.

Bu natija Galaxy A57’ni quvvatlanish tezligi bo‘yicha hatto Samsung’ning flagman bazaviy modeli Galaxy S26’dan ustun qo‘yadi. Ma’lumki, Galaxy S26 yana 25 vattlik zaryad bilan taqdim etilishi kutilmoqda. A5x seriyasi bir necha yildan beri aynan shu jihat bo‘yicha S-seriyaning boshlang‘ich modellari oldida ustun kelmoqda. masalan, hozirgi Galaxy A56 ham Galaxy S25’dan tezroq quvvatlanadi.

Samsung hali Galaxy A57 taqdimot sanasini e’lon qilmagan. Yaqin oylar ichida qurilma haqida qo‘shimcha tafsilotlar paydo...

Samarqanddagi ko‘p qavatli uylar deyarli ikki mlrd so‘mlik gazni o‘g‘irladi. Bu haqda Energetika vazirligi xabar berdi.

Unga ko‘ra, Samarqand shahridagi MChJga tegishli uchta ko‘p qavatli uy tabiiy gaz tarmog‘iga ruxsatsiz ulanib olgan. Uylarda loyiha hujjatlari rasmiylashtirilmagan bo‘lsa-da, ular gazdan to‘g‘ridan to‘g‘ri foydalanib kelishgan.

Dastlabki hisob-kitoblarga ko‘ra, gaz ta’minoti korxonasiga qariyb ikki mlrd so‘m zarar yetkazilgan. Vazirlikka ko‘ra, hozirda holat bo‘yicha tergovga qadar tekshiruv ishlari olib borilmoqda.

Avvalroq Toshkentda avtomobilning gaz quvuriga urilishi ortidan yuzlab uylar gazsiz qolgani xabar qilingandi. Unga ko‘ra, poytaxtning Shayxontohur tumani Charxnovza mahallasida joylashgan o‘rta bosimli gaz quvuriga avtomobil urilishi natijasida quvur shikastlangan va...

Yevropa va KONKAKAF mintaqalarida Jahon chempionati uchun saralash bosqichi yakuniga yetdi. Guruh yetakchilari mundialdagi ishtirokini naqd qilishdi. Mundialda ishtirok etadigan 48 jamoadan 42 tasi Jahon chempionatidagi ishtirokini kafolatladi. Qolgan 6 ta o‘rin uchun jamoalar pley-offda bahs olib borishadi.

Yevropada Angliya, Portugaliya, Norvegiya, Germaniya, Niderlandiya, Xorvatiya, Avstriya, Fransiya, Ispaniya, Shotlandiya, Belgiya va Shveysariya o‘z guruhlarida birinchi o‘rinni egallab to‘g‘ridan to‘g‘ri yo‘llanmani qo‘lga kiritdi.

KONKAKAF mintaqasida esa 3 ta jamoa mundialga yo‘l oldi. Panama, Gaiti va Kyurasao jamoalari o‘z guruhlarida birinchi o‘rinni egallashdi. Kyurasao terma jamoasi uchun bu mundialdagi debyut bo‘ladi. Jamoa hal qiluvchi uchrashuvda Yamayka bilan durang o‘ynadi.

Yevropada jamoalar to‘rt...

Toshkent shahri hokimi tomonidan tasdiqlangan yangi tartibga ko‘ra, poytaxtdagi bozor va savdo majmualarida reklama yoki tijoriy maqsadlarda foto va video suratga olish pullik bo‘ladi. Mazkur qaror 18-noyabrdan boshlab kuchga kirgan.

Rasmiy hujjatga muvofiq, reklama roliklari, kliplar yoki istalgan tijoriy kontent tayyorlash uchun olib boriladigan foto/video suratga olish ishlari soatiga 5 mln so‘m qilib belgilangan.

Xorijiy turistlar va OAV vakillari ushbu to‘lovdan istisno qilingan. Ular uchun suratga olish bepul bo‘lib qoladi.

Yangi tartib bozorlar va savdo majmualarining yangilangan tariflariga kiritilgan bo‘lib, unda inventar ijarasi, xizmatlar va avtoturargoh narxlari bo‘yicha ham o‘zgarishlar aks etgan.

Shuningdek, bozorlar hududida avtomobillarni vaqtincha saqlash uchun...

Sirdaryo viloyatidagi ikki mlrd so‘mlik davlat xaridida qonunbuzilish holatlari fosh etildi. Bu haqda Korrupsiyaga qarshi kurashish agentligi ma’lum qildi.

Unga ko‘ra, xarid Sirdaryo viloyati hokimligi «Yagona buyurtmachi xizmati» DUK buyurtmachiligida hududdagi mahallalarni rivojlantirish master-rejasini ishlab chiqish uchun amalga oshirilgan. Biroq tekshiruvda baholash jarayoni «Davlat xaridlari to‘g‘risida»gi qonun talablariga zid bo‘lgani va xolislik tamoyillariga rioya qilinmagani aniqlangan.

Ma’lumot uchun, xarid komissiyasining g‘olibni aniqlash to‘g‘risidagi bayonnomasi agentlik taqdimnomasi asosida bekor qilindi. Shu bilan birga, to‘plangan hujjatlar qonuniy choralar ko‘rilishi uchun huquqni muhofaza qiluvchi organlarga yuborildi.

Eslatib o‘tamiz, avvalroq UzAirports’ning yetti mlrd so‘mga yaqin davlat xaridi qonunga zid deb topilgan edi.

BMT Turizm tashkiloti «Eng yaxshi turizm qishloqlari» loyihasi doirasida Surxondaryo viloyati Boysun tumanidagi Omonxona qishlog‘i g‘olib deb topildi va «Rivojlantirish dasturi»ga kiritildi. Bu haqda Ekologiya, atrof-muhitni muhofaza qilish va iqlim o‘zgarishi vazirligi huzuridagi Turizm qo‘mitasi xabar berdi.

Tanlovga 65 ta mamlakatdan 270 dan ortiq qishloq nomzod sifatida taqdim etildi. Ushbu global loyiha qishloq turizmini rivojlantirish, mahalliy madaniyat va tabiatni asrab-avaylashni qo‘llab-quvvatlashga qaratilgan. O‘zbekiston nomidan taklif etilgan Omonxona qishlog‘i tanlovda muvaffaqiyat qozonib, BMT Turizmning «Rivojlantirish dasturi»ga kiritildi.

Tog‘li hududda joylashgan Omonxona o‘zining tabiiy manzaralari, shifobaxsh buloqlari, tarixiy merosi va mehmondo‘st aholisi bilan mashhur. So‘nggi yillarda qishloqda...

Huawei 25-noyabr kuni Huawei Mate 80 seriyasi va Huawei Mate X7 bukiluvchi smartfonining namoyish etilishini ma’lum qildi. Bu haqda IThome xabar bermoqda.

Tadbir oldidan kompaniya smartfon haqidagi muhim texnik ma’lumotlar va imkoniyatlarni oshkor qildi. Mate X7 kamida to‘rtta rangda — binafsha, oq, moviy-yashil va qizil ranglarda taqdim etiladi. Huawei tarqatgan yangi tezer videoda qurilmaning mustahkamligi, zarbaga chidamliligi hamda suvdan himoyasi namoyish etilgan.

Huawei qurilmada qo‘llangan yangi arxitektura (ultra ishonchli bukiluvchi konstruksiya) haqida ham ma’lumot berdi. Mate X7 brend tarixida IP58 va IP59 darajadagi himoya olgan birinchi bukiluvchi flagman bo‘ladi.

Rasmiy videodagi izohga ko‘ra, Mate X7 Collector’s Edition versiyasi tashqi...

Tijorat banklari 19-noyabr kungi xorijiy valyutalarni ayirboshlash kurslarini yangiladi. Kursiv Uzbekistan eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Eslatib o‘tamiz, avvalroq Kursiv Uzbekistan 19-noyabr uchun valyuta kurslari qanday o‘zgargani haqida yozgan edi.

Uzbekistan Airways Xitoyning CALC (China Aircraft Leasing Group) lizing kompaniyasi bilan to‘rtta yangi Airbus A321neo samolyotini yetkazib berish bo‘yicha dastlabki kelishuvni imzoladi. Bu haqda aviakompaniya matbuot xizmati xabar berdi.

Samolyotlar ikki klassli salon konfiguratsiyasiga ega bo‘lib, 2027 – 2028-yillarda aviakompaniyaga topshirilishi rejalashtirilgan. Yangi avialaynerlar zamonaviy ko‘ngilochar tizimlar va bortda simsiz yuqori tezlikdagi internet bilan jihozlanadi.

Mazkur kelishuvga ko‘ra, Uzbekistan Airways 2028-yil oxirigacha CALC’dan jami oltita Airbus A321neo qabul qilib oladi. Bu esa kompaniyaga ushbu turdagi samolyotlar sonini 15 taga yetkazish va mintaqadagi yetakchi aviatashuvchi sifatidagi mavqeyini mustahkamlash imkonini beradi.

«CALC bilan hamkorlik Uzbekistan Airways’ni modernizatsiya...

O‘zbekiston U-17 terma jamoasi bosh murabbiyi Islom Ismoilov terma jamoadagi faoliyatini yakunlaganini ma’lum qildi. U bu haqda facebook’dagi sahifasida ma’lum qildi.

«Bugun biz Jahon chempionatidagi ishtirokimizni yakunladik. Shu bilan birga, 3 yil davomida yuragim bilan xizmat qilgan U-17 terma jamoamizning ham faoliyati nihoyasiga yetdi», — dedi Ismoilov.

Murabbiy ushbu davr davomida jamoa bilan mashaqqatli mashg‘ulotlar, quvonchli g‘alabalar va og‘ir mag‘lubiyatlarni birga boshdan kechirganini ta’kidladi. 2025-yilda O‘zbekiston U-17 terma jamoasi Osiyo chempioni bo‘ldi.

«Bu bolalarimizning jasorati, mehnati va intilishi. Bu natija O‘zbekiston futboli tarixiga oltin harflar bilan yozilib bo‘ldi...

Ford Xitoy bozori uchun Ford Bronco Sport modelining maxsus versiyasini taqdim etdi. Bu haqda Autohome xabar bermoqda.

Model gibrid va elektr ko‘rinishida taklif qilinadi, ikkala versiyada ham to‘liq uzatma bor. Gibrid narxi 230 – 273 ming yuan oralig‘ida. ($32 ming)

Krossover Xitoy uchun yirik o‘lchamlar bilan ishlab chiqilgan. Uzunligi 5025 mm, kengligi 1960 mm, balandligi 1815 mm, g‘ildirak bazasi esa 2950 mm. Salonda 15,6 dyuymli displeyli media tizim, Snapdragon 8255 protsessori, 70 dyuymli proyeksiya ekrani va ikkita Nvidia Orin-X platformasi mavjud. Mashinaga 7,5 litrli sovitkich, 21 dinamikli 7.1.4 audio tizimi va elektr lyuk ham o‘rnatilgan.

Gibrid versiyada 1,5 litrli...