Yangiliklar

Shavkat Mirziyoyev Toshkent shahri Yangihayot tumanidagi «Yangi avlod» maxsus sanoat zonasida bo‘lib, yangi alyuminiy qadoq ishlab chiqarish va salqin ichimliklar quyish majmuasining ishga tushirilishida ishtirok etdi. Bu haqda davlat rahbari matbuot xizmati ma’lum qildi.

Mazkur sanoat zonasi 2024-yil 20-martda davlat rahbari qaroriga muvofiq tashkil etilgan bo‘lib, u zamonaviy infratuzilma, qulay logistika va investorlar uchun yaratilgan imtiyozlari bilan ajralib turadi.

Hududdagi yirik loyihalardan biri — «East Can Solutions» kompaniyasining alyuminiy qadoqlash majmuasi bo‘lib, qiymati 90 mln dollarni tashkil etadi. Bu loyiha xorijiy investitsiyalar asosida moliyalashtirilmoqda. Korxona zamonaviy raqamli texnologiyalar bilan jihozlangan bo‘lib, yiliga dastlab 600 mln dona, keyinchalik esa...

O‘zbekiston U-17 ayollar terma jamoasi Osiyo kubogi – 2026 saralash bosqichining so‘nggi guruh bahsida Qirg‘iziston jamoasiga 1:2 hisobida mag‘lub bo‘ldi. Bu haqda O‘FA ma’lum qildi.

Garchi o‘zbekistonlik futbolchilar oxirigacha kurash olib borgan bo‘lsalar-da, tanaffusdan keyingi hujumlarda imkoniyatlarini golga aylantira olishmadi.

Uchrashuv teng kurash ostida boshlandi. Har ikki jamoa markaz uchun faol kurash olib bordi. Hisobni 35-daqiqada mehmonlar ochishdi — Sumaya Maxammadsaliyeva qanotdan o‘tib, jarima maydonchasidan aniq zarba berdi.

Ikkinchi bo‘lim boshida O‘zbekiston jamoasi hujumga o‘tdi, biroq 49-daqiqada Akmaral Sayakbayeva raqib himoyasidagi xatodan foydalanib, hisobni 2:0 ga yetkazdi.

52-daqiqada Shaxzoda Alixonova burchak to‘pidan keyingi kuchli zarbasi bilan farqni qisqartirdi. Qolgan...

Shavkat Mirziyoyev Toshkent viloyatida barpo etiladigan yangi xalqaro aeroport loyihasi taqdimoti bilan tanishdi va qurilish boshlanishiga bag‘ishlangan marosimda ishtirok etdi. Bu haqda davlat rahbari matbuot xizmati ma’lum qildi.

Toshkent megapolisga aylanishi bilan sayyohlar, investorlar va tadbirkorlar oqimi keskin oshdi. So‘nggi yillarda xorijiy sayyohlar soni 3 mlndan 10 mlnga yetdi, 2030-yilgacha esa 15 mlnga chiqishi kutilmoqda. Shu bois transport infratuzilmasini, xususan, aviatsiya sohasini jadal rivojlantirish zarurati tug‘ildi.

Yangi aeroport O‘rta Chirchiq va Quyi Chirchiq tumanlaridagi 1,3 ming gektar maydonda quriladi. Loyiha Saudiya Arabistoni, Yaponiya va Koreya kompaniyalari ishtirokidagi xalqaro konsorsium tomonidan amalga oshiriladi. Birinchi bosqichda $2,5 mlrd evaziga aerovokzal va...

Qozog‘iston sement va beton ishlab chiqaruvchilari assotsiatsiyasi («QazCem») rahbari Yerbol Aqimbayev Forbes Kazakhstan nashriga bergan intervyusida aytishicha, go‘yoki O‘zbekiston Vazirlar Mahkamasi joriy yilning iyul oyida maxfiy buyruq qabul qilgan. Bu hujjat Qozog‘istondan O‘zbekistonga sement yetkazib berish hajmining keskin kamayishiga sabab bo‘lgan.

«Hujjatda Qozog‘istondan O‘zbekistonga keltirilayotgan sement narxi 300 dollardan kam bo‘lmasligi belgilangan, holbuki biz uni $30 ga yetkazib beramiz», — deydi Aqimbayev.

Uning ta’kidlashicha, bu hujjat Qozog‘iston sementini aynan $300 lik qiymatda deklaratsiya qilish va shu asosda soliq to‘lashni majburiy etgan. Natijada, 2025-yil avgust oyida O‘zbekistonga sement importi so‘nggi yetti yil ichida ilk bor...

Shavkat Mirziyoyev Toshkent viloyatining Quyi Chirchiq tumanidagi «TCT Rice» sholichilik klasteriga tashrif buyurdi. Bu haqda davlat rahbari matbuot xizmati ma’lum qildi.

Bu yerda sholi yetishtirishdan tortib, uni qayta ishlashgacha bo‘lgan to‘liq ishlab chiqarish zanjiri yo‘lga qo‘yilgan.

Ilgari sholikorlar faoliyati tarqoq bo‘lib, daromad kam edi. So‘nggi yillarda sohaga berilgan e’tibor tufayli samaradorlik oshdi. Hozir viloyatda 8,7 ming gektar maydonda sholi ekilib, suv tejovchi texnologiyalar yordamida 60 mln kub metr suv tejalgan.

«TCT Rice» klasteri 2 ming gektardan ortiq maydonda «Iskandar», «Guliston» va «Nukus» navlarini parvarishlamoqda. 985 gektarda hosil yig‘ilib, o‘rtacha hosildorlik 65 – 70 sentnerni, ayrim joylarda...

O‘zbekistonda zargarlik sohasida faoliyat yuritayotgan tadbirkorlarni qo‘llab-quvvatlashga qaratilgan yangi prezident qarori qabul qilindi. Bu haqda Adliya vazirligi ma’lum qildi.

Qaror zargarlik mahsulotlari ishlab chiqaruvchilariga yanada qulay sharoit yaratish, yuqori sifatli mahalliy buyumlarga bo‘lgan talabni qondirish va yangi ish o‘rinlarini yaratishni maqsad qilgan.

2022-yilda qabul qilingan PQ–452-son qarorga muvofiq, qimmatbaho metallarni birja savdolari va to‘g‘ridan to‘g‘ri shartnomalar orqali sotishda beriladigan chegirmalar muddati 2029-yil 1-fevralga qadar uzaytirildi.

Shuningdek, 2026-yil 1-fevraldan boshlab chegirmalardan foydalanadigan zargarlar ro‘yxatini shakllantirishda qo‘shimcha mezonlar joriy etiladi. Ular orasida yangi ish o‘rinlari yaratish, zargarlar bilan rasmiy mehnat shartnomalari tuzish hamda kamida bir oy davomida barqaror faoliyat olib borish...

Aralash jang san’ati ustasi va UFC’ning sobiq mutlaq chempioni Habib Nurmagomedov O‘zbekiston Aralash jang san’ati assotsiatsiyasi taklifi bilan Toshkent shahriga tashrif buyurdi. Bu haqda Ichki ishlar vazirligi matbuot xizmati ma’lum qildi.

Mashhur sportchi poytaxtga tashrifi davomida IIV huzuridagi «Jar» sport majmuasida joylashgan Assotsiatsiya markaziy ofisi faoliyati bilan tanishdi.

Habibni O‘zbekiston sport jamoatchiligi vakillari tantanali tarzda kutib olishdi. Mehmonni Assotsiatsiya raisi Aziz Toshpo‘latov, Milliy olimpiya qo‘mitasi raisining birinchi o‘rinbosari, Osiyo ўlimpiya kengashi vitse-prezidenti Otabek Umarov, MOQ bosh kotibi Oybek Qosimov, shuningdek, terma jamoa murabbiylari va sportchilar qarshi oldi.

Tadbir chog‘ida O‘zbekistonda MMA sportining rivoji, sportchilar tayyorgarligi va infratuzilma holati muhokama...

«Manchester Siti» himoyachisi Abduqodir Husanov jarohatdan tiklanib, jamoaning asosiy mashg‘ulotlariga qaytdi. Futbolchi Angliya Premyer ligasining 8-turidan o‘rin olgan «Eveton»ga qarshi bahsda maydonga tushishi kutilmoqda.

«Arsenal»ga qarshi o‘yinda jarohat olgan futbolchi oktabr oyidagi terma jamoa yig‘inini o‘tkazib yubordi. «Siti»da Husanovdan tashqari Omar Marmush va Rayan Ayt-Nurilar ham safga qaytgan.

Eslatib o‘tamiz, «Manchester Siti» va «Everton» uchrashuvi shanba kuni Toshkent vaqti bilan soat 19:00 da boshlanadi.

Avvalroq Kursiv Uzbekistan Abduqodir Husanov jarohati sabab kamida uchta o‘yinni o‘tkazib yuborishi haqida xabar bergan edik.

Prezident Shavkat Mirziyoyev 15-oktabr kuni Toshkent shahrining Yakkasaroy tumanida bo‘lib, Shota Rustaveli ko‘chasida amalga oshirilgan rekonstruksiya ishlarini ko‘zdan kechirdi.

Rekonstruksiya ishlari davomida qariyb yetti kilometr uzunlikdagi yo‘l yangidan ta’mirlanib, 10 ta qatnov qismiga bo‘lindi: oltitasi avtomobillar, ikkitasi avtobuslar uchun, yana ikkitasi esa to‘xtab turish joyi sifatida ajratilgan.

Toshkentda ilk bor BRT (tezkor avtobus yo‘lagi) tizimi joriy etildi. Bu yo‘lovchi tashishni tezlashtirib, qulayliklarni oshirdi. Natijada yo‘lovchilar oqimi soatiga 2,5 mingdan 6 ming kishigacha oshdi, avtomobil harakati esa kuniga 40 mingtagacha yetdi.

Loyiha doirasida 21 ta yangi bekat, 463 ta «aqlli» svetofor o‘rnatildi, intellektual transport tizimi joriy qilindi. Shuningdek, veloyo‘laklar, yashil...

«UzAuto Motors» AJ yangilangan Chevrolet Cobalt avtomobili ommaviy ishlab chiqarilishini e’lon qildi. Kompaniya Chevrolet Cobalt 2025 modelining narxi va shartnomalar ochilish muddatini ham ma’lum qildi.

Yangi Chevrolet Cobalt Style MCM va Midnight MCM versiyalarida ishlab chiqariladi. 2025-yil 3-noyabrdan boshlab ushbu yangi modifikatsiyalar barcha Chevrolet dilerlik markazlarida xaridorlarga taqdim etiladi.

Cobalt Midnight MCM komplektatsiyasi dizayn va texnologiya uyg‘unligiga asoslangan. Avtomobil saloni ekocharmdan tayyorlangan isitish tizimiga ega va yangi tikuv uslubida bezatilgan o‘rindiqlar bilan jihozlangan. Interyer to‘liq qora ranglarda ishlangan. Ruldagi boshqaruv pultlari, polik qoplamasi, asboblar paneli, markaziy konsol, eshik qoplamalari va audio tizim dekorlari yagona rang gammasida bezatilgan.

Eksteryerda...

Yaponiyaning yirik kompaniyasi Sojitz joriy yilda Toshkentda yangi xalqaro aeroport qurilishini boshlaydi. Loyihaning umumiy qiymati $1 milliardni tashkil etadi.

Aeroport Saudiya Arabistonining Vision Invest kompaniyasi bilan hamkorlikda, davlat-xususiy sheriklik asosida barpo etiladi. Yangi aeroport 2028-yilda foydalanishga topshirilishi rejalashtirilgan bo‘lib, yiliga 20 million yo‘lovchini qabul qila oladi. Bu ko‘rsatkich uni Markaziy Osiyodagi eng yirik aeroportga aylantiradi.

Sojitz kompaniyasi bundan avval ham loyihaga sarmoya kiritishini ma’lum qilgandi. Xususan, korporatsiya prezidenti Kosuke Uemura «O‘zbekiston 24» telekanaliga bergan intervyusida kompaniya Toshkentda yangi xalqaro aeroport qurilishiga $200 mln sarmoya kiritishini aytgan. Uzbekistan Airports rahbari Javlonbek Umarxo‘jayevga ko‘ra, loyihada jarayonlar raqamlashtiriladi va eng zamonaviy texnologiyalar qo‘llaniladi.

Sojitz bundan...

FIFA 2026-yilgi Jahon chempionati arafasida klublarga to‘lanadigan kompensatsiya tizimini yangiladi. Mazkur dastur doirasida o‘zbekistonlik futbolchilarni terma jamoaga yuborgan Superliga klublari ham daromad oladi.

Tashkilotning Club Benefits Program deb nomlanuvchi loyihasi 2010-yildan buyon faol bo‘lib, unda Jahon chempionatida ishtirok etgan futbolchilar uchun ularning klublariga to‘lov amalga oshiriladi. Misol uchun, 2010-yilgi Janubiy Afrika chempionatida umumiy fond $40 million bo‘lgan bo‘lsa, 2022-yil Qatardagi musobaqada bu miqdor $209 millionga yetgan. Har bir futbolchi uchun klubiga kuniga $10 950, kamida 14 kun uchun esa $153 minggacha to‘langan.

Yangi tizimga ko‘ra, 2026-yilda Kanada, AQSh va Meksikada bo‘lib o‘tadigan Jahon chempionatida umumiy kompensatsiya miqdori $355 millionni...

Qozog‘istonning VietJet Qazaqstan (Qazaq Air) aviakompaniyasi Ostona — Samarqand — Ostona yo‘nalishida yangi reyslarni yo‘lga qo‘ymoqda. Bu haqda mamlakat Transport vazirligi xabar berdi.

Mazkur yo‘nalishda aviaqatnovlar 7-noyabrdan boshlab haftasiga ikki marta — juma va yakshanba kunlari amalga oshiriladi.

Aviakompaniya Ostonadagi markaziy aeroport orqali yo‘lovchilarga Bishkek, Samarqand, Omsk va Novosibirsk shaharlariga qulay parvozlarni taklif qilmoqda. Yangi yo‘nalishlar mintaqadagi biznes, turizm va madaniy aloqalarning yanada rivojlanishiga xizmat qiladi.

Avvalroq VietJet Qazaqstan Turkistondan Samarqandga qatnovlarni 25-oktabrgacha uzaytirgani haqida xabar berilgandi. Endi qatnovlar yangilangan jadval asosida amalga oshiriladi. Bu yo‘lovchilarga safarlarini yanada qulay va oson rejalashtirish imkonini beradi. Jumladan, juma va yakshanba kunlari...

«UzAuto Motors» AJ yangilangan Chevrolet Cobalt modifikatsiyalarini ommaviy ishlab chiqarishni yo‘lga qo‘ydi. Bu haqda kompaniya matbuot xizmati xabar bermoqda.

Endilikda Cobalt modeli avvalgi uchta komplektatsiyadan tashqari yana ikkita yangi versiyada — Cobalt Style MCM va Cobalt Midnight MCM — xaridorlarga taqdim etiladi.

Modernizatsiya jarayonida avtomobilning texnik imkoniyatlari sezilarli darajada yangilandi. Xususan, yangi dvigatel boshqaruv bloki o‘rnatildi, gaz taqsimlash va elektron boshqaruv tizimlari takomillashtirildi. Shuningdek, ABS tizimi, xavfsizlik yostiqchalari va himoya funksiyalari boshqaruv bloklari yangilandi.

Diagnostika moduli ham yangilangan bo‘lib, u avtomobilning texnik holatini yanada aniqlik bilan kuzatish imkonini beradi. Umuman olganda, yangi Cobalt modifikatsiyalarida 50 dan ortiq muhim...

16-oktabr uchun valyuta kurslari e’lon qilindi. Shu kun uchun AQSh valyutasi 12 233,67 so‘m (+48,56 so‘m) etib belgilandi. Bu haqda Markaziy bank xabar bermoqda.

Dollarning so‘nggi besh kunlikdagi o‘zgarishi

So‘nggi besh kun ichida dollar kursida pasayish ustun bo‘ldi. 9-oktabr 12 072 03 so‘m (+33,35 so‘m) etib belgilandi. 10-oktabr uchun AQSh valyutasi 12 123,38 so‘m (+51,35 so‘m) etib belgilandi. 13-oktabr kuni dollar 12 140,91 so‘mga (+17,53 so‘m) tenglashdi. 14-oktabr uchun dollar 12 149,55 so‘m (+8,64 so‘m) etib belgilangan edi. 15-oktabr kuni dollar 35,56 so‘m oshib 12 185,11 so‘mga teng bo‘ldi.

Markaziy bank ma’lumotlariga ko‘ra, yevro 152,77 so‘mga oshib, 14 233,88 so‘mni, rubl esa 2,26 so‘mga oshib...

Buyuk Britaniyaning nufuzli The Guardian nashri 2008-yilda tug‘ilgan eng iqtidorli 60 nafar yosh futbolchi ro‘yxatini e’lon qildi. Ular orasida O‘zbekiston U-17 terma jamoasi va «Bunyodkor» klubi futbolchisi Sadriddin Hasanov ham joy oldi.

Hasanov Osiyo U-17 chempionatidagi yorqin o‘yinlari bilan e’tibor qozongan. Turnir davomida to‘rtta gol urgan Hasanov musobaqaning eng yaxshi futbolchisi deb topilgan edi.

«Chap qanotdan ichkariga yorib kirishni yoqtiradigan, tezligi, kuchli zarbasi va gol sezish qobiliyati bilan ajralib turadi. U Osiyoda Yilning eng yaxshi yosh futbolchisi unvoniga da’vogar», — deyiladi The Guardian nashri xabarida.

Nashr e’lon qilgan ro‘yxatda, shuningdek, «Barselona» klubi vakillari Toni...

Prezident Administratsiyasi rahbari Saida Mirziyoyeva Buyuk Britaniyaga tashrifi doirasida bir qator muhim uchrashuvlar o‘tkazdi. Bu haqda u o‘z Telegram kanalida ma’lum qildi.

U baronessa Ariel Malard de Rotshild bilan uchrashuv va ekskursiya uchun minnatdorlik bildirgan.

«Rothschild & Co kompaniyasi ushbu yangilanishlar jarayonida faol ishtirok etayotganidan mamnunman hamda o‘zaro manfaatli hamkorlik yanada rivojlanishiga umid qilaman», — deya qayd etgan Mirziyoyeva.

Shuningdek, Saida Mirziyoyeva Buyuk Britaniyaga tashrifi doirasida «Yangi O‘zbekiston — ulkan imkoniyatlarga ega katta mamlakat» mavzuidagi davra suhbatida ishtirok etgan.

Ayni O‘zbekistonda paytda Buyuk Britaniyaning 270 dan ortiq kompaniyalari faoliyat yuritmoqda.

Eslatib o‘tamiz, Kursiv...

O‘zbekiston prezidenti Shavkat Mirziyoyev 15-oktabr kuni Saudiya Arabistoni investitsiyalar vaziri Xolid al-Falih boshchiligidagi delegatsiyani qabul qildi.

Uchrashuvda tomonlar o‘zaro hamkorlikni kengaytirish, yangi loyihalarni amalga oshirish masalalarini muhokama qildi. So‘nggi yillarda O‘zbekiston va Saudiya Arabistoni o‘rtasidagi savdo, investitsiya va aviaqatnovlar soni sezilarli oshgani ta’kidlandi.

Bugungi kunga kelib ikki davlat o‘rtasidagi qo‘shma loyihalar portfeli $27 milliardga yetdi. Shuningdek, ACWA Power kompaniyasi bilan $15 milliardlik energetika loyihalari amalga oshirilmoqda.

Uchrashuv yakunida «yashil» energetika, qishloq xo‘jaligi, elektrotexnika, infratuzilma va ko‘chmas mulk sohalaridagi yangi tashabbuslarni tezroq amalga oshirishga kelishib olindi.

Avvalroq Saudiya Arabistonida maoshini ololmayotgan 19 nafar o‘zbekistonlikka konsullik yordami ko‘rsatilgani haqida...

Andijon viloyatida tovlamachilik jinoyatini sodir etgan fuqaro tergov jarayonini yopish uchun ichki ishlar xodimiga pora bermoqchi bo‘lgani uchun qo‘lga olindi. Bu haqda viloyat IIB matbuot xizmati xabar berdi.

Aniqlanishicha, gumonlanuvchi sheriklari bilan birgalikda Baliqchi tumanida yashovchi fuqaroni aldab Andijon shahridagi uyga chaqirgan. U yerdan esa uni kiyimsiz holda videoga olib, tasvirni tarqatmaslik evaziga $500 talab qilgan.

Jabrlanuvchi ichki ishlar organlariga murojaat qilganidan so‘ng holat hujjatlashtirildi. Tekshiruv jarayonida gumonlanuvchi tergov ishini yopib yuborish uchun IIB boshlig‘i o‘rinbosariga $300 pora taklif qilgan. U pullarni berayotgan paytda ashyoviy dalillar bilan qo‘lga olingan.

Holat yuzasidan Jinoyat kodeksining tegishli moddalari bo‘yicha jinoyat ishi qo‘zg‘atilgan...

2025-yilning yanvar – avgust oylarida 20,7 ming nafar o‘zbekistonlik o‘qish maqsadida chet elga ketgan. Milliy statistika qo‘mitasi ma’lumotlariga ko‘ra, bu ko‘rsatkich o‘tgan yilning shu davriga nisbatan 5,1 ming kishiga yoki 24,6 foizga kamaygan.

Eng ko‘p o‘qishga ketganlar Tojikiston (5,3 ming nafar), Rossiya (4,7 ming nafar) va Qirg‘iziston (3 ming nafar)ni tanlagan. Shuningdek, Janubiy Koreya, Turkiya, Qozog‘iston, Xitoy, Buyuk Britaniya, Germaniya va AQSh ham o‘zbekistonlik talabalar o‘qish maqsadida ketgan mamlakatlar qatoridan joy olgan.

Avvalroq o‘zbekistonliklar Janubiy Koreyada xorijiy talabalar soni bo‘yicha uchinchi o‘rinda ekani ma’lum qilingandi. Koreyada eng ko‘p ta’lim olayotganlar vyetnamlik talabalar 107,8 ming nafar, ikkinchi o‘rinda xitoyliklar...

Joriy yilning dastlabki to‘qqiz oyida O‘zbekiston 8,6 mln.dan ortiq xorijiy sayyohni qabul qildi. Bu ko‘rsatkich o‘tgan yilning shu davriga nisbatan 112,5 foizga ko‘p.

Davlatlar kesimida turistlar oqimi ham sezilarli o‘sgan. 2025-yilda 2022-yilga nisbatan Britaniyadan 2,6 baravar, Qatardan 6,2 baravar, AQShdan 3 baravar, Fransiyadan 2,9 baravar, Rossiyadan 2,1 baravar, Vengriyadan 3,3 baravar, Germaniyadan 2,5 baravar, Polshadan 6,2 baravar ko‘paygan.

Bundan tashqari, turistik xizmatlar eksporti $3,6 mlrddan oshgan.

Eslatib o‘tamiz, Kursiv Uzbekistan nashri O‘zbekistonga tashrif buyurgan sayyohlar soni qariyb 20 foizga oshgani haqida yozgan edi.

O‘zbekiston energetika vaziri Jo‘rabek Mirzamahmudovning aytishicha, Qambarota GES-1 qurilishining dastlabki qiymati $4,2 milliardga baholanmoqda. Loyihani moliyalashtirish uchun xalqaro moliya institutlari tomonidan $5,6 milliardlik portfel shakllantirilgan.

Vazirga ko‘ra, Bryusselda o‘tgan uchrashuvda O‘zbekiston, Qozog‘iston va Qirg‘iziston energetika vazirlari bilan birga Yevropa tiklanish va taraqqiyot banki, Yevropa investitsiya banki, OPEK fondi, Osiyo infratuzilmaviy investitsiyalar banki va Osiyo taraqqiyot banki kabi 10 ga yaqin yirik moliya tashkiloti vakillari ishtirok etgan.

Muzokaralarda moliya tashkilotlarining hammasi loyiha bilan tanishib chiqqach, uning hujjatlari hali to‘liq tayyor bo‘lmasdan turib, ushbu loyihani moliyalashtirishga tayyorligini bildirgan. Vazirning so‘zlariga ko‘ra, Qambarota GES-1 nafaqat iqtisodiy, balki ekologik jihatdan ham foydali loyiha...

Apple kompaniyasi tomonidan navbatdagi Apple M5 MacBook Pro (M5 chip bilan) modeli namoyish etilishi kutilmoqda. Taqdimot 15-oktabr kuni bo‘lib o‘tadi.

Yangi M5 chip

Yangi MacBook Pro Apple M5 chipi bilan ta’minlanadi. Bu chip avvalgi M4’ni almashtiradi. M5 TSMC’ning 3-nanometrli texnologiyasi asosida ishlab chiqilgan bo‘lib, tezlik va energiya samaradorligini sezilarli oshiradi.

MacBook Pro’dagi M5 versiyasi 10 yadroli bo‘lishi kutilmoqda. Bu hozirgi M4 MacBook Pro’dagi darajaga teng, ammo tezlikda ustunlik beradi.

Dizayn o‘zgarmagan

Apple bu safar dizaynni o‘zgartirmagan. M5 MacBook Pro tashqi jihatdan M4 versiyasiga o‘xshash bo‘ladi. Biroq yangi ko‘kimtir rangdagi model paydo bo‘lishi kutilmoqda.

Marketing tasvirlarida ko‘rinishicha, MacBook...

Haval brendi ayrim Haval Raptor PHEV avtomobillarining yukxona ostida suv to‘planishi aniqlangani haqida rasmiy bayonot berdi. Bu haqda CarNewsChina xabar bermoqda.

Kompaniya muammoni zaryad porti qopqog‘i atrofidagi noto‘g‘ri drenaj bilan bog‘lagan. Suv shu joydan ichkariga o‘tib, yukxonada yig‘ilib qolgan.

Haval 14-oktabrda e’lon qilingan bayonotida 15-oktabrdan maxsus tekshiruv kampaniyasini boshlashini ma’lum qildi. Rasmiy servis markazlarida muammo aniqlangan yoki xavf ostidagi avtomobillar bepul ta’mirlanadi. Agar suv tufayli biror detal shikastlangan bo‘lsa, u umrbod kafolat bilan almashtiriladi.

Raptor (Xitoyda Menglong) modeli Haval’ning kompakt yo‘ltanlamas gibrid SUV segmentiga mansub. 2026-yilgi versiya ikki oy oldin taqdim etilgan bo‘lib, yangilangan dizayn, 19 dyuymli g‘ildiraklar...