Yangiliklar

2025-yilning uchinchi choragida O‘zbekistonda aholining iste’mol kayfiyati ijobiy tendensiyalarni saqlab qoldi va umumiy barqarorlik davom etdi. Bu haqda Markaziy bank sharhi e’lon qilindi.

Bu holat, avvalo, daromadlar oshishi bo‘yicha kutilmalarning yaxshilanishi, xarajatlar rejalari barqarorligi, jamg‘arishga bo‘lgan moyillikning kuchayishi hamda kreditga bo‘lgan talabning biroz pasayishi bilan tavsiflanmoqda.

So‘rov natijalariga ko‘ra, respondentlarning 67 foizi kelgusi 12 oy ichida daromadlari oshishini kutmoqda. Bu ko‘rsatkich o‘tgan chorakka nisbatan 1,5 foiz bandga yuqori. Daromadlar o‘sishiga bo‘lgan ishonch asosan 3 – 5 mln so‘m, 7 – 10 mln so‘m hamda 20 mln so‘mdan yuqori daromadga ega aholi qatlamlari orasida kuchliroq shakllangan.

Ishtirokchilarning aksariyati 62 foizi...

«Hayvonlar shahri-2» filmi $1,49 mlrd bilan Walt Disney Animation tarixidagi eng yuqori daromad keltirgan filmga aylandi. Bu natija 2019-yilda $1,45 mlrd bilan rekord o‘rnatgan «Muzyurak-2» filmidan oshib ketdi.

«Hayvonlar shahri-2» filmidan AQShda $333 mln, xorijiy bozorda esa $1,13 mlrd daromad tushdi. Rojdestvo bayramlari haftasida, chiqarilganining beshinchi haftasida, film kinokassaga qo‘shimcha $87,9 mln kiritdi.

Film atigi 17 kunda $1 mlrd darajasiga yetib, tarixda eng tez PG-reytingli filmga aylandi. Ayniqsa, Xitoy bozori film uchun katta muvaffaqiyat manbai bo‘ldi; u yerda film allaqachon $500 mlndan oshiq daromadga erishdi. Bu AQSh filmlari orasida eng yuqori natija hisoblanadi.

Joriy yilda global kinokassada...

Hukumat tomonidan elektr energetikasi tizimida yuzaga keladigan texnologik buzilishlarni tekshirish va hisobga olish tartibi belgilandi. Bu haqda Adliya vazirligi ma’lum qildi.

Nizomga muvofiq, elektr qurilmalarining ekspluatatsiyasi davrida, shuningdek, rejali ta’mirlash, profilaktika ko‘rigi va sinovlar jarayonida aniqlangan shikastlanish holatlari tekshiruvdan o‘tkaziladi.

Shuningdek, elektr qurilmalari va ularning elementlari ishdan chiqishiga olib kelgan yoki texnik (texnologik) holat parametrlarining ruxsat etilmagan darajada chetga chiqishi bilan bog‘liq holatlar ham hisobga olinadi. Iste’molchilarga elektr energiyasini qisman yoki to‘liq, rejalashtirilmagan tarzda yetkazib berishning to‘xtatilishi ham texnologik buzilish sifatida baholanadi.

Texnologik buzilishlar ularning xususiyati va oqibatining og‘irligiga qarab avariyalar hamda I va II darajadagi ishdan...

O‘zbekiston milliy terma jamoasi va «Paxtakor» klubi hujumchisi Igor Sergeyev faoliyatini Eronning «Persepolis» klubida davom ettiradi. Tehron klubi ushbu transferni Instagram’dagi jonli efir orqali rasman e’lon qildi.

Futbolchi tibbiy ko‘rikdan muvaffaqiyatli o‘tib, yangi jamoasi bilan 1,5 yillik bitimga imzo chekkan. Sergeyev Aleksandr Lobanov, Sherzod Temirov va Oston O‘runovdan keyin «qizillar» safiga qo‘shilgan to‘rtinchi o‘zbekistonlik futbolchiga aylandi.

Hujumchi avvalroq Tailandning «Pathum United» jamoasidan «Paxtakor»ga qaytgan va shundan so‘ng o‘tkazilgan 38 ta uchrashuvda raqiblar darvozasini 25 marta ishg‘ol qilgan. Manbalarga ko‘ra, Igor Sergeyev shartnomada ko‘rsatilgan muddat davomida $1,5 mln ishlab topadi.

Avvalroq Kursiv Uzbekistn Igor Sergeyev faoliyatini Rossiyada davom ettirishi mumkinligi...

Bloomberg ma’lumotlariga ko‘ra, dunyoning eng boy 500 kishisi 2025-yilga kelib o‘z boyliklarini rekord darajada $2,2 trillionga ko‘paytirdi.

Bu aksiyalardan tortib kriptovalyutalar va qimmatbaho metallargacha bo‘lgan bozorlarda kuchli o‘sish bilan bog‘liq. Agentlikning yozishicha, ularning umumiy kapitali $11,9 trillionga yetgan.

Oshgan summaning chorak qismi atigi sakkiz kishiga, jumladan, Amerikaning Oracle (ORCL) kompaniyasining asoschilaridan biri va eng yirik aksiyadori Larri Ellison, Tesla rahbari Ilon Mask, Google asoschilaridan biri Larri Peyj va Amazon asoschisi Jeff Bezosga tegishli. Biroq ta’kidlanishicha, ularning hissasi o‘tgan yilga nisbatan kamroq bo‘lgan, o‘shanda o‘sha sakkiz milliarder umumiy foydaning 43 foizini olgandi.

Yil oxiridagi eng muvaffaqiyatli milliarderlar Ellison (sof...

2026-yil 1-yanvardan boshlab Gruziyaga kiruvchi barcha xorijiy fuqarolar mamlakatda bo‘lishning butun davri uchun amaldagi tibbiy sug‘urtaga ega bo‘lishi shart. Uzbekistan Airways Gruziya hukumati chet el fuqarolari uchun yangi talab joriy etganini eslatdi.

Tibbiy sug‘urta bo‘lmagan taqdirda 300 lari miqdorida jarima belgilanadi. Bu taxminan 1,3 mln so‘mga teng. Shuningdek, majburiy tibbiy sug‘urta ingliz yoki gruzin tilida rasmiylashtirilgan bo‘lishi kerak. Sug‘urta muddati Gruziyada bo‘lishning butun davrini qamrab olishi shart.

Minimal qamrov talablari quyidagicha belgilangan. Shoshilinch ambulatoriya xizmatlari kamida $5 ming miqdorida bo‘lishi lozim. Statsionar davolanish, jumladan, baxtsiz hodisalar, jarohatlar, kasalliklar, evakuatsiya va repatriatsiya uchun qamrov kamida $30 mingni tashkil etishi...

Ruben Amorim «Manchester Yunayted» bosh murabbiyi lavozimidan ozod etildi. Klub rahbariyati jamoaning Angliya Premyer-ligasidagi hozirgi o‘rni tufayli o‘zgarish qilish vaqti kelganini ma’lum qildi.

Ruben Amorim 2024-yilning noyabr oyida jamoaga bosh murabbiy etib tayinlangan edi. Uning boshqaruvida «qizil iblislar» o‘tgan yilning may oyida Bilbaoda o‘tkazilgan UEFA Yevropa Ligasi finaliga qadar yetib borgan. Klub rahbariyati murabbiyga amalga oshirgan ishlari uchun minnatdorchilik bildirib, uning kelgusi faoliyatiga omad tiladi.

Rasmiy xabarga ko‘ra, rahbariyat mavsumning qolgan qismida Premyer-ligada eng yuqori natijaga erishish imkoniyatini saqlab qolish maqsadida ushbu qarorni qabul qilgan. Chorshanba kuni «Byornli»ga qarshi o‘tkaziladigan uchrashuvda jamoani vaqtincha Darren Fletcher maydonga boshlab tushadi.

Avvalroq...

Buxoro viloyatining Kogon shahar sudi Rossiya Qurolli kuchlari safida Ukraina hududidagi jangovar harakatlarda qatnashgan 29 yoshli fuqaroga nisbatan hukm chiqardi. Kursiv Uzbekistan sud hujjatlari bilan tanishdi.

Sudlanuvchi O‘zbekiston Jinoyat kodeksining 154-moddasi (Yollanish) va 154-1-moddasi (Chet davlatlarning harbiy xizmatiga kirish) bilan aybdor deb topilib, uzil-kesil 3 yilu 6 oy muddatga ozodlikdan mahrum etildi.

1996-yilda tug‘ilgan shaxs 2014-yildan buyon Rossiyada ishlab kelgan va 2023-yil aprel oyida ushbu davlat fuqaroligini olgan. 2025-yilning may oyida Magadan shahrida mahalliy fuqaro bilan janjallashib qolgani sababli politsiya tomonidan ushlangan. Unga jinoiy javobgarlikka tortilmaslik evaziga «Maxsus harbiy operatsiya»da qatnashish taklif qilingan.

Qamoqdan qochish maqsadida u Rossiya Mudofaa vazirligi...

2030-yilga borib respublikaning eksport hajmini $67 milliardga yetkazish rejalashtirilmoqda. Bu haqda jamoatchilik muhokamasiga qo‘yilgan yangilangan «O‘zbekiston–2030» strategiyasida keltirilgan.

Mazkur hujjatda eksport ko‘rsatkichlarini oshirish, eksport bilan shug‘ullanuvchi subyektlar sonini ko‘paytirish, xorijiy bozorlarga yetkazib berilayotgan tayyor va yuqori texnologiyali mahsulotlar ulushini kengaytirish, xalqaro standartlarni joriy etish hamda milliy brendlarni global bozorlarda qo‘llab-quvvatlash nazarda tutilgan.

Yangilangan strategiyada yozilishicha, mamlakat eksportining umumiy hajmi 2026-yildagi $40 milliarddan 2030-yilga borib $67 milliardgacha oshirilishi lozim. Unga ko‘ra, 2027-yilda eksport hajmi $45 milliardni, 2028-yilda $52 milliardni, 2029-yilda esa $60 milliardni tashkil etishi kutilmoqda.

Eksport faoliyati bilan shug‘ullanuvchi korxonalar sonini oshirish ham muhim vazifalardan biri sifatida belgilangan...

OnePlus Turbo 6 smartfonlari seriyasi bo‘yicha yangi imkoniyatlarni rasman tasdiqlandi. Kompaniya Weibo‘da bergan bayonotiga ko‘ra, OnePlus Turbo 6 sim orqali 27 Vt quvvatga ega teskari tezkor zaryadlashni qo‘llab-quvvatlaydi. Ushbu imkoniyat orqali Apple iPhone 16 smartfoni 30 daqiqada 45 foizgacha quvvatlanadi.

Turbo 6 seriyasi faqat smartfonlarni emas, balki boshqa qurilmalarni ham quvvatlay oladi. Ular elektr tish cho‘tkalari, aqlli qulf tizimlari, Bluetooth kolonkalari, elektron kitoblar, quloqchinlar, elektr ustara va aqlli soatlarni zaryadlash imkoniga ega. Bu holat favqulodda vaziyatlarda ayniqsa foydali bo‘lishi aytilmoqda.

OnePlus Turbo 6 va Turbo 6V modellari yassi displey bilan taqdim etiladi. Ekran aniqligi 1,5K bo‘ladi. Turbo...

The Economist rivojlangan mamlakatlar iqtisodiyotini beshta ko‘rsatkich bo‘yicha taqqosladi va eng yaxshisini tanladi.

2025-yilda Portugaliya kuchli o‘sish va past inflyatsiya tufayli an’anaviy yetakchilarni ortda qoldirib, 36 mamlakat orasida birinchi o‘rinni egallab, «Yil iqtisodiyoti» deb topildi.

Mamlakat 2025-yilda kuchli yalpi ichki mahsulot o‘sishi, past inflyatsiya va rivojlanayotgan fond bozorini birlashtira oldi. 2010-yillarda qiynalgan boshqa yevrozona a’zolari, jumladan, 2022 va 2023-yillarda g‘olib bo‘lgan Gretsiya hamda Ispaniya ham reytingning yuqori pog‘onalariga yaqin. Isroil 2023-yildagi betartiblikdan so‘ng kuchli o‘sishni davom ettirdi va Irlandiya birinchi o‘rinni ozgina boy berdi. Kolumbiya ham kuchli iqtisodiy o‘sishni, ham rivojlanayotgan fond bozorini yaxshi ko‘rsata oldi.

Shu...

Geely Xitoy bozorida yangi Geely Riddara RD6 Mountain Edition va Riddara Horizon High-Altitude Edition gibrid pikaplarini rasman sotuvga chiqardi. Yangi modellar tog‘li va sovuq iqlim sharoitlari uchun maxsus moslashtirilgan.

Riddara RD6 Mountain Edition narxi 139,8 ming yuan ($20 ming) etib belgilandi. Horizon High-Altitude Edition esa 151,8 ming yuanga ($21 ming) baholanmoqda. Har ikkala model NordThor EM-P gibrid tizimi bilan jihozlangan. Ularning umumiy yurish masofasi CLTC sikli bo‘yicha 1 068 kmni tashkil etadi.

Ishlab chiqaruvchi ma’lumotiga ko‘ra, 3 800 metr balandlikda ham yurish masofasining 95 foizi saqlanib qoladi. To‘liq yuk bilan avtomobil 55 foizli qiyalikdan ko‘tarila oladi.

Gibrid tizim...

6-yanvar uchun valyutalar kursi yangilandi. Unga ko‘ra, dollar 52,17 so‘mga pasayib, 11 952,24 so‘mni tashkil etdi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.

Dollarning so‘nggi kunlardagi o‘zgarishi

25-dekabrda dollar 12 067,60 so‘m (+15,27 so‘m), 26-dekabrda 12 078,47 so‘m (+10,87 so‘m), 29-dekabrda esa 21,15 so‘mga pasayib, 12 057,32 so‘mni tashkil etdi. 30-dekabr kuni dollar 31,99 so‘mga pasayib, 12 025,33 so‘m bo‘ldi. AQSh valyutasi yilni pasayish (20,92 so‘m) bilan boshlab, 5-yanvar kuni 12 004,41 so‘mga tenglashdi.

Markaziy bank ma’lumotlariga ko‘ra, yevro 165,39 so‘mga tushib, 13 963,80 so‘mni, rubl 5,78 so‘mga tushib, 147,81 so‘mni tashkil qildi.

Arabistonning No Limits Sports investitsiya fondi Yevroosiyo mintaqasida futbol klublarini sotib olish imkoniyatlarini o‘rganmoqda. TASS xabariga ko‘ra, ushbu jarayonda O‘zbekiston ham ustuvor yo‘nalishlardan biri hisoblanadi.

Fondning Yevroosiyo yo‘nalishi prezidenti Vadim Andreyevning aytishicha, No Limits Sports hozirda Rossiya, O‘zbekiston, Belarus, Gruziya va Qozog‘istondagi klublarni tahlil qilmoqda. Yaqin vaqt ichida 10–12 ta klub bo‘yicha batafsil hisobot tayyorlanib, investorlar uchun eng istiqbolli loyihalar aniqlanadi.

Andreyevga ko‘ra, fondni qiziqtirayotgan asosiy omillar klubning tarixiy obro‘si, infratuzilmasi, yoshlar akademiyasi va hududiy futbol maktablari bilan ishlash imkoniyati hisoblanadi. Fond davlat va xususiy sektor hamkorligiga asoslangan modelni ustuvor deb biladi. Bu usul hududiy resurslardan samarali foydalanish, xarajatlarni...

Hindistonning Assam shtatida 5,4 magnitudali zilzila yuz berdi. Yer silkinishi epitsentri Butan chegarasi yaqinidagi Dhing qishlog‘ida qayd etilgan.

Zilzila o‘chog‘i sayoz chuqurlikda bo‘lib, u Hindistonning Butan bilan chegarasi yaqinidagi Dhing qishlog‘idan 3 km masofada joylashgan. AQSh Geologiya xizmati hududda kuchli silkinish sezilganini, biroq hodisa aholining cheklangan qismiga ta’sir ko‘rsatganini taxmin qilmoqda. Hozircha jiddiy talafotlar haqida xabar berilmagan.

Himoloy mintaqasi seysmik faol hudud hisoblanib, bu yerda har yili yirik zilzilalar sodir bo‘ladi. Tarixiy ma’lumotlarga ko‘ra, 1950-yilda Assam va Tibetda yuz bergan zilzila oqibatida 4,8 mingga yaqin odam halok bo‘lgan.

Avvalroq Kursiv Uzbekistan Tayvanda 6,1 magnitudali zilzila qayd etilgani haqida xabar...

O‘zbekiston Mehnat kodeksi va «Bola huquqlarining kafolatlari to‘g‘risida»gi qonunga asosan, 15 yoshga to‘lmaganlarni doimiy yoki og‘ir ishlarga jalb etish taqiqlanadi, lekin qonunchilikda istisnolar mavjud.

15 yoshga to‘lmagan shaxslar faqat ota-onasi yoki vasiysining roziligi bilan mehnat faoliyati olib borishi mumkin. Bunda ish bolaning sog‘lig‘iga va o‘qish jarayoniga zarar yetkazmasligi hamda tasdiqlangan yengil ishlar ro‘yxatiga mos kelishi shart. Ruxsat etilgan faoliyat turlariga sport, madaniyat va san’at (teatr, kino, konsert), shuningdek, axborot va ijodiy sohalar (dizayn, raqamli kontent yaratish) kiradi.

Qonunchilikda ish vaqti bo‘yicha ham qat’iy cheklovlar belgilangan. 15–16 yoshdagi o‘smirlar uchun haftalik ish vaqti 24 soatdan oshmasligi kerak. Agar bola ta’lim...

2026-yil texnologiya ixlosmandlari uchun sermahsul yil bo‘lishi kutilmoqda. Apple, Samsung, Google va boshqa yirik kompaniyalar yangi formatdagi gadjetlar hamda sun’iy intellektga asoslangan qurilmalarni taqdim etishga hozirlik ko‘rmoqda. Quyida eng ko‘p muhokama qilinishi kutilayotgan yangiliklar jamlanmasini taqdim etamiz.

Apple’dan eng arzon MacBook va ilk aqlli ko‘zoynaklar

Apple tarixida ilk bor nisbatan hamyonbop MacBook’ni chiqarishga hozirlanmoqda. Unga ko‘ra, yangi model narxi taxminan $600 atrofida bo‘ladi. Arzonlashuv qimmat M-seriyali chiplar o‘rniga iPhone 16 Pro’da ishlatilgan A18 Pro protsessoridan foydalanish hisobiga ta’minlanadi. Bu noutbuk asosan o‘qish, internet, hujjatlar bilan ishlash va ijtimoiy tarmoqlar uchun kontent tayyorlashga mo‘ljallanadi.

Shuningdek, 2026-yil oxiriga kelib Apple...

Zeekr kompaniyasi yangi flagman SUV modeli Zeekr 8X modelini rasman tasdiqladi. Avtomobil yuqori unumdorlikka ega PHEV krossover sifatida joylashtirilmoqda. Rasmiy savdo boshlanishi 2026-yilning birinchi yarmiga rejalashtirilgan.

8X SEA-S platformasida quriladi. Model 900V yuqori kuchlanishli arxitekturaga ega bo‘ladi. Haohan AI raqamli shassisi joriy etiladi. Kuch uzatish tizimi Zeekr 9X’ga o‘xshash bo‘ladi. Unda uchta elektromotor va 6C tezkor quvvatlanadigan batareya qo‘llaniladi.

Ishlab chiqaruvchi ma’lumotiga ko‘ra, Haohan SI shassisi og‘ir sharoitlarda ham barqarorlikni saqlaydi. Nam yo‘lda bir tomondagi ikkala g‘ildirak bir vaqtda ishdan chiqsa ham avtomobil 120 km/soat tezlikda xavfsiz tormozlana oladi. Yo‘ldan tashqarida tizim qor, loy, qum va tosh kabi yetti...

Avtomobil boshqarayotgan paytda musiqa tinglash ko‘pchilik haydovchilar uchun odatiy holdir. Pleylistlar kayfiyatni ko‘tarish, charchoqni yengish yoki tirbandlikdagi asabiylikni kamaytirish uchun yoqiladi. Biroq olimlar bu odat har doim ham xavfsiz emasligini ta’kidlamoqda.

Ilmiy tahlillarga ko‘ra, musiqa haydovchining e’tiboriga ikki xil ta’sir ko‘rsatishi mumkin. Bir tomondan, u qisqa muddatga hushyorlikni oshiradi, boshqa tomondan esa miya yuklamasini ko‘paytirib, tezlik va masofani nazorat qilishni qiyinlashtiradi. Tadqiqotlarda musiqa tinglab haydaganlar tinch sharoitdagilarga nisbatan ko‘proq xatolarga yo‘l qo‘ygani aniqlangan.

Ovoz balandligi ham muhim omil hisoblanadi. O‘rtacha va baland ovozdagi musiqa tezlikni oshirishga moyillikni kuchaytiradi, sokin musiqalar esa haydash uslubini nisbatan barqaror saqlaydi. Ayniqsa, agressiv va...

Samsung kompaniyasining kelajakdagi flagmani Samsung Galaxy S27 Ultra bo‘yicha dastlabki tafsilotlar ma’lum bo‘ldi. Modelning kamera tizimi yangilanishi kutilmoqda.

Samsung asosiy kamerani, keng burchakli kamerani va old kamerani to‘liq almashtiradi. Faqat teleobyektiv kamera hozircha o‘zgarishsiz qoladi.

Shu bilan birga, Ultra modellarda odatda ikkita telekamera bo‘lishi hisobga olinsa, ulardan ikkalasi ham eski qoladimi yoki bittasi yangilanadimi, hozircha aniq emas.

Galaxy S27 seriyasining rasmiy taqdimoti 2027-yilda bo‘lib o‘tadi. Ungacha esa kompaniya Galaxy S26 liniyasini taqdim etadi. Ushbu seriyaning premyerasi 25-fevralga belgilangan. Savdolar mart oyida boshlanishi kutilmoqda.

Eslatib o‘tamiz, Kursiv Uzbekistan nashri Samsung 20 000 mA/soatlik batareyaga ega smartfonlarni nega ishlab chiqarmasligi haqida...

Samsung Electronics 2026-yilda sun’iy intellekt yordamchisi Gemini bilan jihozlangan 800 mln dona mobil qurilma sotishni rejalashtirmoqda. Bu ko‘rsatkich o‘tgan yilga nisbatan ikki baravar ko‘p, deb yozadi Reuters.

Google’ning Gemini texnologiyasi nafaqat flagman modellarga, balki o‘rtacha narx segmentidagi Galaxy qurilmalariga ham joriy etiladi. Bu foydalanuvchilarga generativ qidiruv, media kontentni ilg‘or tahrirlash va yangilangan ovozli yordamchi imkoniyatlaridan foydalanish imkonini beradi.

Smartfonlardan tashqari, Samsung Gemini’ni maishiy texnika qurilmalariga ham integratsiya qiladi. Jumladan, Bespoke seriyasidagi muzlatkichlarda ham ushbu sun’iy intellekt texnologiyasi qo‘llaniladi.

Eslatib o‘tamiz, Google Gemini Google DeepMind jamoasi tomonidan ishlab chiqilgan multimodal sun’iy intellekt modellari oilasi bo‘lib, u bir vaqtning o‘zida matn...

«O‘zbekiston – 2030» strategiyasining takomillashtirilgan loyihasiga ko‘ra, mamlakatda ichimlik suvi xizmatlaridan doimiy foydalanish imkoniyatiga ega aholi ulushi 2030-yilgacha 85 foizgacha oshiriladi.

Bunda ichimlik suvi xizmatlaridan doimiy foydalanish qamrovini joriy yilda 82 foizga, 2027-yilda 83 foizga, 2028-yilda 84 foizga, 2029-yilda 84 foizga yetkazish maqsad qilingan. «O‘zsuvta’minot» AJ ma’lumotlarida keltirilishicha, 2025-yilda aholining 82 foizi allaqachon markazlashgan ichimlik suvi bilan ta’minlangan.

Shuningdek, Tuyamo‘yin suv ombori hajmini qo‘shimcha 1 mlrd kub metrga kengaytirib, 1,2 mln gektarda suv ta’minotini yaxshilash va ichimlik suv zaxirasini yaratish reja qilingan.

Hujjatda yozilishicha, suvdan oqilona foydalanish madaniyati va suv ishlatish samaradorligi yanada oshiriladi. 2030-yilgacha suv ishlatish...

CES 2026 texnologiyalar ko‘rgazmasida Mercedes-Benz kompaniyasi mashhur GLC krossoverining to‘liq elektr versiyasini rasman taqdim etdi. Bu haqda Mydrivers nashri xabar berdi.

Yangi model dizayn, texnologiya va texnik imkoniyatlar bo‘yicha brend tarixidagi eng ilg‘or avtomobillardan biri sifatida taqdim etilmoqda.

Yangi GLC ilk bor yoritiladigan radiator panjarasi bilan jihozlandi. Undagi 942 ta polikarbonat nuqta raqamli piksel effektini hosil qiladi. Kuzov dizaynida qiya tom chizig‘i, yashirin eshik tutqichlari hamda orqa bamperdagi aerodinamik qanotchalar e’tiborni tortadi.

Avtomobil 800 voltli platforma asosida ishlab chiqilgan. Elektromotorlar umumiy hisobda 360 kVt (489 ot kuchi) va 800 Nm aylanish momentini ta’minlaydi. Maksimal tezlik 210 km/soatni tashkil etadi...

6-yanvar kuni O‘zbekiston hududlarida asosan o‘zgaruvchan va yog‘ingarchiliksiz ob-havo kuzatiladi. Ayrim viloyatlarda kechasi va ertalab tuman tushishi ehtimoli bor. Bu haqda «O‘zgidromet» xabar berdi.

Toshkent shahrida yog‘ingarchilik kutilmaydi, tonggi soatlarda tuman bo‘lishi mumkin. Sharqdan esadigan shamol tezligi 3–8 m/s atrofida bo‘ladi. Havo harorati kechasi 0–2 darajagacha pasayib, kunduzi 7–9 daraja iliqqacha ko‘tariladi.

Qoraqalpog‘iston Respublikasi va Xorazm viloyatida havo asosan ochiq bo‘lib, ayrim joylarda tuman tushadi. Shamol sharqdan 7–12 m/s tezlikda esadi. Kechasi 3–8 daraja sovuq, kunduz kuni esa 2–7 daraja iliq bo‘ladi.

Buxoro va Navoiy viloyatlarida ham yog‘ingarchilik prognoz qilinmagan. Ba’zi hududlarda tuman kuzatilishi mumkin. Harorat kechasi 0–5 daraja...