Yangiliklar

2025-yil yanvar – dekabr oylarida O‘zbekistonda o‘rtacha oylik nominal hisoblangan ish haqi 6,3 mln so‘mni tashkil etdi. Bu ko‘rsatkich 2024-yilning mos davriga nisbatan 18,9 foizga yuqori.

Hududlar kesimida eng yuqori o‘rtacha oylik ish haqi Toshkent shahrida qayd etildi. Poytaxtda bu ko‘rsatkich 10,7 mln so‘mni tashkil etib, bir yil ichida 18,3 foizga oshdi. Eng past ko‘rsatkichlar Qashqadaryo ( 4,4 mln so‘m), Surxondaryo (4,5 mln so‘m) viloyatlarida kuzatildi.

O‘z navbatida, yuqori o‘sish sur’atlari Namangan viloyatida qayd etildi. Bu hududda o‘rtacha ish haqi 4,7 mln so‘mga yetdi va o‘sish 22,8 foizni tashkil qildi. Shuningdek, Sirdaryo viloyatida ish haqi 20,8 foizga, Jizzax...

Formula-1 afsonasi Mixael Shumaxer 2013-yilgi baxtsiz hodisadan keyin to‘shakka mixlanib qolgan edi. 57 yoshli sobiq chempion oradan 12 yil o‘tib nogironlik aravachasida sayr qila boshladi. Bu haqda The Sun xabar berdi.

Manbalarga ko‘ra, yetti karra jahon chempioni o‘zining Mayorka va Jeneva ko‘li yaqinidagi uylarida aravachada sayr qildirib turiladi. U hamon rafiqasi Korinna va maxsus tibbiy guruhning tunu kun nazorati ostida parvarishlanmoqda. Avvalroq poygachi faqat ko‘zini pirpiratish orqali muloqot qilishi mumkinligi haqida taxminlar mavjud edi, biroq manbalar holat biroz boshqacharoq ekanini ta’kidlashgan.

«U atrofida bo‘layotgan voqealarning ba’zilarini tushunadi, lekin ehtimol hammasini emas...

Istanbulda o‘zbekistonlik fuqaro Durdona Xakimovaning fojiali o‘limi ortidan turk ayollari ommaviy norozilik yurishini o‘tkazdi. Hodisa Turkiya jamoatchiligi orasida katta rezonans uyg‘otdi. Yurish shaharning Shishli tumanida bo‘lib o‘tdi.

Namoyishda ayollar huquqlarini himoya qiluvchi tashkilotlar ishtirok etdi. Ular marhum uchun adolat talab qilib chiqdi. Namoyishchilar ayollarga nisbatan zo‘ravonlikka qarshi qat’iy pozitsiya bildirdi.

Ma’lum qilinishicha, 36 yoshli Durdona Xakimovaning jasadi Istanbulning Shishli tumanida joylashgan chiqindi konteyneridan topilgan. Holat jinoyat sifatida baholanmoqda. Mahalliy huquq-tartibot idoralari tomonidan tergov harakatlari boshlangan.

Bu voqea Turkiyada ayollar xavfsizligi masalasini yana kun tartibiga olib chiqdi. Norozilik yurishida qatnashganlar ushbu fojia yakka holat emasligini ta’kidladi. Ularning fikricha, mamlakatda ayol...

O‘zbekiston Jahon savdo tashkiloti (JST) masalasida Xitoy Taypeyi bilan oxirgi marta 15-dekabrda muzokaralar o‘tkazgan. Prezidentning JST bo‘yicha vakili Azizbek Urunovning aytishicha, keyingi uchrashuv yanvar oxirida bo‘lishi rejalashtirilmoqda. Bu haqda u jurnalistlar bilan uchrashuvda Kursiv Uzbekistan savoliga javob berdi.

Urunovga ko‘ra, Jahon savdo tashkilotiga a’zolik jarayoni siyosiy emas, iqtisodiy muzokaralar maydoni hisoblanadi. Shu sababli bu jarayonda davlatlarning bir-birini siyosiy jihatdan tan olishi yoki tan olmasligi masalasi hal qiluvchi omil bo‘lib qolmaydi.

«Xitoy Taypeyi bilan bizning muzokaralarimiz bugungi kunda faol tarzda kechmoqda va yaqin kelajakda ular bilan ham aniq kelishuvga erishishimizga aminmiz. A’zolik jarayonida bu siyosiy masalalar oʻrtaga...

27-yanvar uchun valyutalar kursi yangilandi. Unga ko‘ra, dollar 13,17 so‘mga tushib, 12 098,12 so‘mni tashkil etdi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.

Dollarning so‘nggi kunlardagi o‘zgarishi

19-yanvarda dollar 6,88 so‘mga pasayib, 11 962,78 so‘m, 20-yanvarda 88,93 so‘mga oshib, 12 050 so‘m, 21-yanvarda 21,58 so‘mga oshib, 12 072 so‘m, 22-yanvarda esa 48,78 so‘mga oshib, 12 122,07 so‘m etib belgilandi. 23-yanvarda 14,85 so‘mga oshib, 12 136,92 so‘mga yetdi. 26-yanvarda 51,97 so‘mga tushib, 12 084,95 so‘mni tashkil etdi.

Markaziy bank ma’lumotlariga ko‘ra, yevro 170,31 so‘mga tushib, 14 353, 21 so‘mni, rubl 0,67 so‘mga tushib...

AQShda dunyodagi yagona Chevrolet avtomobili 2,6 million dollarga sotildi. Noyob superkar Dark Satin Steel rangidagi eksklyuziv bo‘yoq, qo‘lda bajarilgan bezaklar va 1 250 ot kuchiga ega gibrid kuch qurilmasi bilan ajralib turadi. Gap Corvette ZR1X Stars & Steel Limited Edition haqida bormoqda.

Avtomobilning rasmiy premyerasi 2026-yil boshida bo‘lib o‘tgan. 25-yanvar kuni u AQShning Scottsdale shahrida o‘tkazilgan Barrett-Jackson auksionining asosiy lottiga aylandi.

Stars & Steel talqinidagi bu Corvette hatto mavzuli dizaynga ega 250 dona cheklangan seriyaga ham kirmaydi. Ushbu avtomobil yagona nusxada ishlab chiqarilgan. Dark Satin Steel bo‘yoq aynan shu model uchun yaratilgan va GM Design Fabrication Shop’da qo‘lda surtilgan.

2025-yilda Migratsiya agentligi xorijda ishlagan O‘zbekiston fuqarolari foydasiga $1,9 mln undirilishini ta’minladi. Bu haqda idora yil yakunlari bo‘yicha ma’lumot berdi.

Agentlik ma’lumotiga ko‘ra, yil davomida ish haqi bilan bog‘liq masalalar yuzasidan 3 ming nafar fuqaroning murojaati ko‘rib chiqilgan. Ushbu ishlar natijasida fuqarolarga tegishli mablag‘larning qaytarilishiga erishilgan.

Shuningdek, 406 nafar vatandoshning shaxsini tasdiqlovchi hujjatlari qaytarib berildi. Mazkur hujjatlar avval ish beruvchilar yoki vositachilar tomonidan olib qo‘yilgan bo‘lgan.

Hisobot davrida 8,7 ming nafar murojaatchiga huquqiy va maslahat yordami ko‘rsatildi. Bundan tashqari, xorijda ishini yo‘qotgan 9,2 ming nafar O‘zbekiston fuqarosining qayta ishga joylashishiga ko‘maklashilgan.

Eslatib o‘tamiz, Kursiv Uzbekistan nashri Migratsiya agentligi xorijda...

Serxio Ramos «Sevilya» futbol klubini sotib olish bo‘yicha asosiy aksiyadorlar guruhi bilan dastlabki kelishuvga erishdi. Bu haqda Cadena SER nashrining Carrusel Deportivo dasturi xabar bermoqda.

Jarayonda Ramosga uning biznes hamkori, Five Eleven Capital guruhi vakili Martin Ink hamrohlik qilmoqda. Dastlabki kelishuvga ko‘ra, tomonlar o‘rtasida eksklyuzivlik davri ochilgan bo‘lib, unda investorlar klubning moliyaviy holatini har tomonlama tekshirish imkoniga ega bo‘ladi. Manbalarning ta’kidlashicha, bu mish-mish emas, balki qat’iy takli va jarayon jiddiy tus olgan.

Xabarlarga ko‘ra, klubni sotib olish bo‘yicha taklif summasi 450 million yevroni tashkil etadi. 15-yanvar kuni Ramos, Peres Solano va klub aksiyadorlari o‘rtasida ikki soatdan ortiq davom etgan...

Audi kompaniyasi AQshda yangilangan A5 va Q5 modellarini taqdim etdi. Bu haqda Carcoops nashri xabar bermoqda.

Asosiy o‘zgarishlar salon va elektronika bilan bog‘liq. Eng muhim yangiliklardan biri ruldagi mexanik boshqaruv elementlarining qaytishi bo‘ldi. Yangi to‘rt spisali rulda sensorli tugmalar saqlangan, biroq endi ikkita jismoniy aylantirma skroll g‘ildiragi ham mavjud.

Audi Digital Stage interfeysi ham qayta ishlangan. Menyular soddalashtirilgan, ro‘yxatlar qisqargan, grafikalar esa yanada tushunarli bo‘lgan. Kompaniya ma’lumotiga ko‘ra, yangilangan mantiq haydash paytida chalg‘ituvchi omillarni kamaytiradi. Raqamli asboblar paneli bir nechta ko‘rinish rejimini qo‘llab-quvvatlaydi, smartfon interfeysini esa to‘g‘ridan to‘g‘ri shu panelda aks ettirish mumkin.

Old yo‘lovchi uchun mo‘ljallangan ekran ham...

«Toshkent» respublika fond birjasi (RFB)dan joy olgan yuqori likvidli aksiyalarning aksariyati 16-yanvardan 23-yanvargacha bo‘lgan davrda ijobiy dinamikani ko‘rsatib, UCI fond indeksi 1,01 foizga oshdi.

Ushbu davr mobaynida «Ipoteka-bank»ning imtiyozli aksiyalari eng katta o‘sishga erishib, 69,79 foizga qimmatlashdi. Shuningdek, «O‘zsanoatqurilishbank» (+28,51%) va «Aloqabank»ning oddiy aksiyalarida (+25,40%) ham o‘sish qayd etildi. «O‘zsanoatqurilishbank» va «Ipoteka-bank» aksiyalari savdosi 21-yanvardan boshlab vaqtincha to‘xtatildi. Bunda narxlarning keskin o‘sish sabablari o‘rganiladi. 10 ish kuni davomida birjaning Main Board savdo maydonchasida ushbu ikki bankning oddiy aksiyalari mos ravishda 146,28 va 132,38 foizga oshgan.

Bundan tashqari,«Olmaliq KMK» (-1,71%) va «Biznesni rivojlantirish banki» (-1,16%) aksiyalari pasayish bilan ajralib turdi...

Bugun 26-yanvar kuni Shayx Jav’an bin Hamad Ol Soniy rasman Osiyo Olimpiya kengashi (OOK) prezidenti etib saylandi. Bu haqda tashkilotning rasmiy manbalari xabar bermoqda.

Yangi saylangan prezident rahbarligida qit’a sport harakati o‘zining yangi sahifasini ochmoqda. Shayx Jav’an bin Hamad Ol Soniy o‘z faoliyatida uzoqni ko‘zlagan strategik qarashlar va barqaror rivojlanishga urg‘u berishi kutilmoqda. Rasmiy bayonotda ta’kidlanishicha, uning yetakchiligi ostida Osiyo sport hamjamiyati mintaqa bo‘ylab o‘sish, innovatsiyalar va birdamlikni mustahkamlashni maqsad qilgan.

Shuningdek, bugun Toshkentda Osiyo Olimpiya kengashi Ijroiya byurosining 106-yig‘ilishi ham bo‘lib o‘tdi. Unda tashkilot faoliyatiga doir dolzarb masalalar ko‘rib chiqildi. Xususan, ertaga o‘tkazilishi rejalashtirilgan OOKning 46-Bosh Assambleyasi kun...

Hindiston hukumati va Yevropa Ittifoqi erkin savdo bitimini imzolash arafasida turibdi. Rejaga ko‘ra, Yevropadan import qilinadigan avtomobillar uchun bojxona to‘lovlari amaldagi 110 foizdan 40 foizgacha keskin pasaytiriladi. Bu haqda Reuters xabar berdi.

Manbalarning ta’kidlashicha, 27-yanvar kuni e’lon qilinishi kutilayotgan kelishuvga binoan, Hindiston hukumati narxi $17,7 mingdan yuqori bo‘lgan cheklangan miqdordagi avtomobillarga soliqni darhol kamaytiradi. Yillik kvota 200 ming dona ichki yonuv dvigatelli mashinalarni tashkil etishi kutilmoqda.

Kelajakda ushbu boj stavkasi bosqichma-bosqich 10 foizgacha tushirilishi rejalashtirilgan. Bu o‘zgarishlar Volkswagen, Mercedes-Benz va BMW kabi Yevropa avgigantlari uchun ulkan imkoniyat yaratadi. Hozirda Hindiston dunyodagi eng himoyalangan bozorlardan biri hisoblanib, import mashinalariga...

Chery kompaniyasi Xitoyda Jaecoo J7 va Tiggo 7 avtomobillarini qaytarib olmoqda. Bu haqda CarNewsChin xabar bermoqda.

Qaytarib olish 2025-yil 1-apreldan 8-dekabrgacha ishlab chiqarilgan jami 1108 ta avtomobilni qamrab oladi. Gap Chery Tansuo 06 modeli va Tiggo 7 1.6T haqida ketmoqda. Tansuo 06 modeli xorijiy bozorlarda Jaecoo J7 nomi bilan sotiladi. Ushbu avtomobillar Chery’ning ixcham SUVlar qatoriga kiradi va Xitoy bozorida keng tarqalgan modellardan hisoblanadi.

Mutaxassislar ishlab chiqarish jarayonida ayrim avtomobillarda dvigatelning elektron boshqaruv bloki bilan bog‘liq simlar mahkamlanmagan bo‘lishi mumkinligini aniqlagan. Vaqt o‘tishi bilan bu simlar ishqalanib, shikastlanishi ehtimoli mavjud. Natijada avtomobil harakat vaqtida dvigatel to‘satdan o‘chib qolishi mumkin...

AQShda o‘tkazilgan nufuzli Mecum kimoshdi savdosida avtomobil olami uchun tarixiy voqea yuz berdi. 1962-yilda ishlab chiqarilgan va o‘ziga xos tarixga ega bo‘lgan Ferrari 250 GTO modeli rekord darajadagi summaga yangi egasiga nasib etdi.

Floridaning Kissimmi shahrida bo‘lib o‘tgan savdolarda Bianco Speciale nomi bilan tanilgan noyob avtomobil uchun kurash atigi 10 daqiqa davom etdi. Boshlang‘ich narx $20 mlndan boshlanib, tez fursatda $30 mlnga ko‘tarildi. Yakuniy bolg‘a narxi $35 mlnni tashkil etgan bo‘lsa, xaridor to‘laydigan vositachilik haqi bilan birga umumiy qiymat $38,5 mlnga yetdi.

Bu Mecum auksioni tarixidagi eng qimmat sotuv sifatida qayd etildi. Mashinaning yangi egasi kaliforniyalik taniqli kolleksioner Devid...

Hindistonning IndiGo aviakompaniyasi Toshkent, Olmaota, Boku va Tbilisiga parvozlarni 28-yanvargacha vaqtincha to‘xtatdi. Bu haqda NDTV nashri xabar berdi.

Nashr ma’lumotiga ko‘ra, reyslarning bekor qilinishi Eron va AQSh o‘rtasidagi keskinlik kuchaygani, holat harbiy mojaroga aylanishi mumkinligi haqidagi xavotirlar bilan bog‘liq. Aviakompaniya parvozlar xavfsizligini birinchi o‘ringa qo‘ygan holda vaqtinchalik tanaffus e’lon qilgan.

Mazkur qaror sayyohlar uchun kutilmagan bo‘ldi. Turizm sohasi vakillari ham tashvish bildirmoqda, chunki so‘nggi yillarda Hindistondan kelayotgan sayyohlar oqimi barqaror o‘sib borgan. Mutaxassislar fikricha, reyslarning to‘xtatilishi qisqa muddatli bo‘lsa-da, mintaqadagi turizm rejalariga ta’sir ko‘rsatishi mumkin.

Travel and Tour World ta’kidlashicha, O‘zbekiston, Ozarbayjon, Gruziya va Qozog‘iston hind sayyohlarini jalb...

Arizonadagi Pinnacle Nissan dileri xodimi Nik Sherr zavod ishlab chiqarishni rejalashtirmagan Nissan Sentra sport versiyasini mustaqil yaratishga kirishdi. Bu haqda CarBuzz xabar berdi.

Nik Sherr tomonidan yaratilayotgan Sentra SE RS (Special Edition Rally Sport) modeli Nismo osma tizimi, maxsus g‘ildiraklar va T-304 zanglamaydigan po‘latdan yasalgan chiqarish tizimi bilan jihozlanadi. Osma tizimi GT Academy chempioni va poygachi Brayan Xeytkotter tomonidan sozlangan. Mashina salonida mato qoplamalari o‘rniga qizil va qora rangli teri ishlatiladi.

Shuningdek, joriy yilda o‘tkaziladigan SEMA ko‘rgazmasi uchun turbo dvigatelli kuchaytirilgan versiya ham tayyorlanmoqda. Ushbu modelda standart variator olib tashlanib, uning o‘rniga Kanadada sotilgan B18 modelidagi olti pog‘onali mexanik...

FAW Toyota va GAC Toyota Xitoyda xavfsizlikka tahdid soluvchi dasturiy nosozlik sababli deyarli 16 mingta avtomobilni chaqirib olishini e’lon qildi. Bu haqda ITHome nashri xabar berdi.

Mazkur jarayon 2026-yil 23-yanvardan boshlanadi va 2025-yil oxiri – 2026-yil boshida ishlab chiqarilgan ikki mashhur krossover modelini qamrab oladi. Shu jumladan, 10,9 mingdan ziyod Toyota RAV4 (2025-yil 5-dekabrdan 2026-yil 13-yanvargacha ishlab chiqarilgan) va 5 mingdan ziyod Toyota Wildlander (2025 yil 11-dekabrdan 2026-yil 12-yanvargacha ishlab chiqarilgan) avtomobillari chaqiriladi.

Avtomobil multimedia tizimining boshqaruv dasturidagi xatodan kelib chiqqan. Noto‘g‘ri sozlamalar sababli dvigatel ishga tushirilgandan so‘ng ekran qorayishi va tizim ishga tushmay qolishi mumkin. Asosiy xavf...

Qozog‘istonda 2025-yilda Geely avtomobillari savdosi bo‘yicha rasmiy statistika e’lon qilindi. Bu haqda «Kitayskie avtomobili» nashri ma’lum qildi.

Eng ommabop model budjetli sedan Geely Emgrand bo‘lib, yil davomida jami 3398 dona sotilgan. Ushbu avtomobilning narxi qo‘shni mamlakatda 7,29 mln tengedan ($14,6 ming atrofida) boshlanadi.

Ikkinchi o‘rinda kompakt shahar krossoveri Geely Coolray joylashgan bo‘lib, uning 3259 dona nusxasi sotilgan. Bu Coolray’ning ikkinchi avlodi bo‘lib, Rossiyada taqdim etilgan Belgee X50’dan farq qiladi. Avtomobil narxi 9,69 million tengedan ($19,3 ming atrofida) boshlanadi.

Uchinchi o‘rinni Geely Atlas egallagan, yil davomida u 1597 dona sotilgan. Bu modelning narxi 11,29 mln tengedan ($22,6 ming atrofida...

Rossiyada sotilayotgan Chevrolet Tracker avtomobillarining yangi narxlari e’lon qilindi. Bu haqda «Avtonovosti dnya» nashri xabar bermoqda.

Rossiya va O‘zbekiston bozorlarida Chevrolet Tracker narxlari bir-biriga juda yaqin bo‘lib chiqdi. Rossiyada ushbu model rasmiy savdoda yo‘q, biroq u parallel import orqali sotilmoqda. Narxlar dollar hisobida O‘zbekistondagi rasmiy Tracker narxlari bilan deyarli teng.

Rossiyada sotilayotgan Chevrolet Tracker’lar, asosan, Vladivostok va Primorye o‘lkasidagi kompaniyalar orqali taklif qilinmoqda. Minimal narx sotuvchi tomonidan yakuniy narx sifatida ko‘rsatilgan va avtomobilni Vladivostok shahrigacha yetkazib berish xarajatlari ham shu summaga kiritilgan. Shu bilan birga, kengroq jihozlangan va sport dizayniga ega variantlar ham mavjud bo‘lib, ularning narxi ancha yuqori.

Dam olish kunlari Yevropa milliy chempionatlarida bir qator o‘yinlar bo‘lib o‘tdi. Angliyada chempionlik uchun kurashayotgan «Arsenal» o‘z maydonida kutilmagan mag‘lubiyatni qabul qilib olgan bo‘lsa, Ispaniya va Italiya grandlari raqiblari darvozasiga javobsiz to‘plar kiritib, yirik hisobdagi g‘alabalarni nishonlashdi.

APL: «Emirates»dagi triller va mezbonlarning qoqilishi

Angliya Premyer-ligasining markaziy uchrashuvlaridan birida «Arsenal» va «Manchester Yunayted» to‘qnash keldi. Shimoliy Londonda kechgan dramatik bahs «to‘pchilar»ning joriy mavsumdagi mag‘lubiyatsiz uy seriyasiga yakun yasadi.

Uchrashuv mezbonlar uchun omadli boshlanib, Lisandro Martines bosim ostida o‘z darvozasini ishg‘ol qilib qo‘ydi. Biroq keyinchalik o‘yin ssenariysi keskin o‘zgardi. Martin Zubimendining qo‘pol xatosidan so‘ng Brayan Mbeumo hisobni tenglashtirishga erishdi. Tanaffusdan so‘ng...

BMW kompaniyasi elektr avtomobillar davrida sport avtomobillariga xos tovushni saqlash usulini ishlab chiqdi. Bu haqda Motor1 nashri ma’lum qildi.

Kompaniyaning yangi elektr M3 modeli kapoti ostida benzinli dvigatel ishlayotgandek tovush chiqarishi kutilmoqda. BMW Blog tomonidan e’lon qilingan videorolikda klassik dvigatellar tovushi yuqori aniqlikdagi mikrofonlar yordamida yozib olinishi ko‘rsatilgan.

Yangi modelning «tovush banki»ga M4 GTS (F82) biturbinali «oltiligi», M3 GTS (E92) atmosferali V8 dvigateli va M6 (E64) 5,0 litrli V10 dvigatelining shovqini kiritiladi.

Muhandislar shunchaki yozuvni karnaylar orqali ijro etish bilan cheklanmay, tarixiy tovushni elektr dvigatellarning tabiiy shovqini bilan birlashtiruvchi murakkab gibrid aralashma yaratdi.

Elektr M3 modeli kelasi...

2025-yil yakunlariga ko‘ra, Yaponiyada Android smartfonlar segmentida Samsung yetakchi bo‘ldi. Bu haqda Sammobile nashri xabar bermoqda.

Uzoq yillar davomida Android qurilmalari bozorida yetakchilik qilib kelgan Sony so‘nggi yillarda pozitsiyalarini yo‘qota boshladi. Avvalroq u Google va Samsung ortidan qolgan edi. 2025-yilda esa Samsung Android segmentida yetakchilikni to‘liq mustahkamladi.

Yaponiyada Samsung’ning eng ko‘p sotilgan modellari turli narx toifalarini qamrab oldi. Eng ommabop qurilmalar orasida Galaxy A25 va Galaxy A36 alohida ajralib turdi. Shuningdek, Galaxy S24 FE modeli ham xaridorlar orasida yuqori talabga ega bo‘ldi. Oldingi yillar flagmanlari va yangi Galaxy S25 liniyasi ham savdolarga sezilarli hissa qo‘shdi. Bukiladigan Galaxy Z Flip...

McDonald’s 2026-yil «yangi 2016» trendi fonida Happy Meal bolalar setlariga 1980-yillarning oxirida paydo bo‘lgan afsonaviy Changeables transformer o‘yinchoqlarini qayta kiritishni e’lon qildi. Bu haqda USA Today nashri xabar berdi.

McDonald’s marketing bo‘yicha katta direktori Guillaume Ewen shaxsiy X (sobiq Twitter) sahifasida yangilikni e’lon qildi.

«Changeables 27-yanvarda qaytadi. Bu 1987, 1989 va 1990-yillardagi original kolleksiyalardagi robotlar va dinozavrlarning yangilangan versiyalaridir».

O‘yinchoqlar kompaniya menyusidagi mahsulotlar shaklida bo‘lib, ularni transformer prinsipi asosida robot, dinozavr yoki boshqa personajlarga aylantirish mumkin. Internet foydalanuvchilari bu yangilikni katta qiziqish bilan qarshi oldi.

Eski Changeables o‘yinchoqlari hali ham eBay’da faol sotilmoqda...

O‘zbekistonda bojxona rasmiylashtiruvi vaqti 40 foizga qisqartirildi. Bu haqda Shavkat Mirziyoyevning soha vakillariga yo‘llagan tabrigida qayd etildi.

2025-yilda bojxona to‘lovlari hisobidan 76,2 trln so‘m undirildi. Bu ko‘rsatkich avvalgi yilga nisbatan 21 foizga oshdi. Bojxona tushumlarining Davlat budjeti daromadlaridagi ulushi 25 foizga yetdi.

Nazorat va tahlil choralari kuchaytirilishi natijasida 1,2 trln so‘mlik tovarlarning noqonuniy aylanmasiga chek qo‘yildi. Xavflarni oldindan tahlil qilish tizimi orqali 7 trln so‘m budjet mablag‘lari undirilishi ta’minlandi. Tovarlarni rasmiy importga jalb etish hisobiga yana 2,3 trln so‘m qo‘shimcha tushumlar shakllantirildi.

«Mamlakatimiz bojxona laboratoriyasi va kinologiya markazining mintaqaviy filial maqomiga ega bo‘lishi, Bojxona institutining...