Yangiliklar

2025-yil yakunlariga ko‘ra, O‘zbekistonda elektr energiyasi ishlab chiqarish hajmi 84,8 mlrd kVt/soatni tashkil etdi. Bu 2024-yilga nisbatan 4 foizlik o‘sishni anglatadi. Biroq o‘sish sur’ati sekinlashdi: bir yil avval elektr ishlab chiqarish 5 foizga oshgan edi. Bu Milliy statistika qo‘mitasi ma’lumotlari asosida ma’lum bo‘ldi.

Yil davomida elektr energiyasi ishlab chiqarish 3,2 mlrd kVt/soatga ko‘paygan. Shunga qaramay, yirik energetika korxonalarida ishlab chiqarish pasayishda davom etdi. Asosan, gazda ishlaydigan ushbu stansiyalarda elektr ishlab chiqarish 11,4 foizga qisqarib, 71 mlrd kVt/soatdan 62,9 mlrd kVt/soatgacha tushdi. Taqqoslash uchun, 2024-yilda bu ko‘rsatkich 7,8 foizga kamaygan edi.

Mazkur yo‘qotishlar kichik korxonalar hisobiga qoplandi. Jumladan, quyosh va...

23-yanvar sanasi insoniyat tarixidagi eng yirik tabiiy ofat, okean tubini zabt etishdagi jasorat va san’at olamidagi yo‘qotishlar bilan yodda qolgan. Kursiv Uzbekistan kunning eng muhim voqealarini xronologik tartibda taqdim etadi.

1556-yili Xitoyning Shensi provinsiyasida insoniyat tarixidagi eng talafotli zilzila yuz berdi. Taxminan 830 ming kishining yostig‘ini quritgan ushbu tabiiy ofat tarixga «Buyuk Xitoy zilzilasi» nomi bilan kirgan. Zilzila kuchi shunchalik dahshatli ediki, ayrim hududlarda yer relyefi butunlay o‘zgarib, 97 ta okrug vayronaga aylangan edi.

1960-yilda shveysariyalik okeanograf Jak Pikar va AQSh harbiy dengiz kuchlari leytenanti Don Uolsh «Trieste» batiskafida tarixiy sho‘ng‘ishni amalga oshirdi. Ular Yer yuzidagi eng chuqur...

Chiqarilganiga 50 yildan oshgan transportlardan foydalanish taqiqlanadi

O‘zbekiston hukumati yo‘l harakati xavfsizligini ta’minlash sohasini raqamlashtirish bo‘yicha yangi chora-tadbirlar qabul qildi. Bu haqda Adliya vazirligi ma’lum qildi.

Yilning eng yomon filmi nominatsiyasiga da’vogarlar e’lon qilindi

Yilning eng omadsiz kinoloyihalarini aniqlovchi «Oltin malina» mukofoti uchun nomzodlar ma’lum bo‘ldi. Bu haqda Reuters nashri xabar berdi.

Tramp oilasi kriptovalyutalardan 1,4 mlrd dollar ishlab topdi

AQSh prezidenti Donald Trampning oilasi 2025-yilda kriptovalyutadan taxminan $1,4 milliard daromad olgan. Bu haqda Bloomberg xabar berdi.

GM haydovchi nigohi orqali yo‘lakni avtomatik o‘zgartirish tizimini joriy etadi

General Motors haydovchining nigohi orqali avtomobilning yo‘lakni avtomatik almashtirish texnologiyasini...

Xorazm viloyatidagi «Qonun doirasida» loyihasi asoschisi 45 yoshli yurist Furqat Ro‘zmetov va uning xodimi, 33 yoshli yurist Azamat Avezov hibsga olindi. Ular tuhmat, tovlamachilik va boshqa jinoyatlarda ayblanmoqda. Bu haqda viloyat IIB Urganch bo‘limi xabar berdi.

Tergov bo‘limi bir qator fuqarolarning ko‘rsatmalari asosida tergovgacha tekshiruv o‘tkazmoqda. Hibsga olinganlar Jinoyat kodeksining bir nechta moddalariga binoan javobgarlikka tortilmoqda: tuhmat, uyushgan guruh tomonidan sodir etilgan tovlamachilik va firibgarlik, ekinzor va o‘simliklarga zarar yetkazish, hujjatlarni qalbakilashtirish, o‘zboshimchalik va yolg‘on axborot tarqatish.

Tergov jarayonida boshqa shaxslar ham ishtirok etayotgani ma’lum, ammo ularning shaxsi va soni hozircha ochiqlanmagan.

Avvalroq Kursiv Uzbekistan Taftish.uz faoliyati bo‘yicha yangi...

So‘nggi 24 soat ichida sport yulduzlari ijtimoiy tarmoqlarda nimalarni ulashdi? Krishtianu Ronaldu yana tarix yozmoqda, Leo Messining o‘g‘li kataloniyaliklar qalbini eritdi, o‘zbekistonlik legioner esa muxlisalarini biroz «ranjitadigan» surat joyladi.

Saudiya chempionatining navbatdagi turida Krishtianu Ronaldu o‘zining 960-golini «Damak» darvozasiga kiritdi. Portugaliyalik hujumchi ushbu goli orqali 1000 ta gollik dovoniga yanada yaqinlashdi. Maydondagi janglardan so‘ng Ronaldu Instagram’da o‘zining asosiy ilhom parisi, onasining suratni joyladi.

Lionel Messi «Inter Mayami» mashg‘ulotlariga qaytdi. Ijtimoiy tarmoqqa joylagan postida argentinalikning o‘rtancha o‘g‘li Mateo Messi «Barselona» libosida ko‘rinish berdi. Shuningdek, mashg‘ulotlarda Luis Suares va Rodrigo de Paulni ham ko‘rish mumkin.

O‘zbek professional boksining yorqin vakili...

23-yanvar kuni O‘zbekiston hududida ob-havo o‘zgaruvchan bo‘ladi, kechasi va ertalab ko‘p joylarda qor yog‘adi, ba’zi joylarda tuman tushishi kutiladi. Harorat kechalari -12…-3°, kunduz kunlari -5…+2° darajaga yetadi.

Quyida ob-havo ma’lumoti viloyatlar kesimida:

Amerikaning Singer Vehicle Design kompaniyasi birinchi mijoz uchun tayyorlangan Porsche 911 ni taqdim etdi. Bu haqda Tarantas news nashri xabar berdi.

Avtomobil DLS Turbo dasturi doirasida qurilgan bo‘lib, egasi unga Sorcerer (Sehrgar) deb nom qo‘ygan. Mashina Porsche 911 Type 964 bazasida ishlab chiqilgan, Fantasia Blue rangida bo‘yalgan va Champagne rangidagi magnli g‘ildiraklar bilan jihozlangan. Salon esa Pebble Grey terisi va Pearl Grey alcantara bilan bezatilgan.

3,8 litrli oppozit olti silindrli motor ikki turbina bilan jihozlangan bo‘lib, 700+ ot kuchi va 750 Nm moment hosil qiladi. Quvvat orqa g‘ildiraklarga 6 pog‘onali mexanik uzatma orqali uzatiladi. Chiqish tizimi Inconel va titan...

Donald Tramp Grenlandiya aholisiga orolni AQShga qo‘shilish tarafida ovoz bersa, har bir kishiga $1 mln berish g‘oyasini ko‘rib chiqmoqda. Bu haqda Daily Mail nashri ma’lum qildi.

Unga ko‘ra, Tramp moliyaviy to‘lovlarni aholini AQSh yurisdiksiyasiga o‘tishni qo‘llab-quvvatlashga ishontirishning mumkin bo‘lgan usullaridan biri deb hisoblamoqda.

Bundan avval ommaviy axborot vositalari Oq uyda aholi uchun $10 mingdan $100 minggacha bo‘lgan bir martalik to‘lovlar ham muhokama qilinganini xabar qilgan edi. Ushbu chora orolni Daniya tarkibidan chiqishga va AQSh bilan keyingi muzokaralarga undashi mumkinligi aytilgan.

Shu bilan birga, manbalar bunday takliflar Grenlandiya aholisida kamsituvchi taassurot qoldirishi va salbiy reaksiyaga sabab bo‘lishi mumkinligini ta’kidlamoqda...

O‘zbekistonda internet orqali ish taklif qilib, fuqarolardan yirik miqdorda pul undirgan navbatdagi firibgarlik holati fosh etildi. Kiberxavfsizlik markazi huzuridagi UZCERT xizmati tomonidan olib borilgan o‘rganishlar hamda fuqarolardan kelib tushgan murojaatlar asosida «Pioneer Global Media LTD» nomi ostida faoliyat yuritgan shaxslar aniqlangan.

Ma’lum bo‘lishicha, firibgarlar fuqarolarga onlayn ish taklif etib, go‘yoki har hafta muntazam daromad olish mumkinligini va’da qilgan. Onlayn ishga qabul qilish sharti sifatida esa kamida 3 million 500 ming so‘m miqdorida to‘lov talab etilgan. Ushbu mablag‘lar aldov yo‘li bilan undirilgani aniqlangan.

O‘rganishlar davomida respublikaning bir nechta viloyatlarida Telegram messenjerida «Pioneer Global Media LTD», qisqacha PGM, nomi ostida yopiq...

Amerika kinoakademiyasi «Oskar – 2026» mukofotiga nomzodlarni e’lon qildi. Mukofotlarni topshirish marosimi 16-mart kuni Los-Anjeles shahridagi Dolby teatrida bo‘lib o‘tadi.

Filmlar orasida eng ko‘p nominantlikni «Gunohkorlar» filmi qo‘lga kiritdi – 16 ta. Bu «Oskar» tarixidagi mutlaq rekord hisoblanadi. Rayan Kugler suratga olgan xorror deyarli barcha asosiy nominatsiyalar, jumladan, «Eng yaxshi film», «Eng yaxshi rejissyor» va «Eng yaxshi erkak roli» yo‘nalishlarida sovrin uchun kurashadi.

Ikkinchi o‘rinda 12 ta nominatsiya nomzodligi bilan «Jangma-jang» filmi joy oldi. Uchinchi o‘rinni esa birdaniga uchta film bo‘lishdi – «Frankenstayn», «Ajoyib Marti» va «Hissiy qadriyat». Ularning har biri 9 tadan nominatsiyaga ega. «Gamnet» filmi esa...

Yangi Toshkent shahrini barpo etish tashabbusi nafaqat poytaxt, balki butun O‘zbekiston uchun strategik ahamiyatga ega loyiha hisoblanadi. Bu haqda Senat raisining birinchi o‘rinbosari Sodiq Safoyev ma’lum qildi.

Uning ta’kidlashicha, Yangi Toshkentni qurish bo‘yicha qabul qilingan qaror bugungi zamon talablari va mamlakatning uzoq muddatli rivojlanish maqsadlaridan kelib chiqqan holda qabul qilingan muhim qadamdir. Loyihaning amalga oshirilishi hozirgi Toshkent shahridagi ortiqcha yukni kamaytirib, poytaxt infratuzilmasi va ekologik muhitiga sezilarli yengillik beradi.

«Bu qaror nafaqat Toshkent, balki butun O‘zbekiston uchun muhim. Aytish mumkinki, Yangi Toshkent hozirgi poytaxtning yukini yengillashtiradi, unga ma’lum ma’noda nafas olish, rivojlanish uchun yangi imkoniyat...

Tinchlik kengashi Nizomini imzolash marosimi doirasida Shavkat Mirziyoyev, Ozarbayjon Respublikasi prezidenti Ilhom Aliyev va Vengriya bosh vaziri Viktor Orban o‘rtasida muloqot bo‘lib o‘tdi. Bu haqda davlat rahbari matbuot xizmati ma’lum qildi.

Yetakchilar do‘stona ruhda o‘zaro manfaatli hamkorlikni kengaytirish va iqtisodiy, siyosiy sohalarda hamkorlik imkoniyatlarini muhokama qildilar. Shuningdek, ko‘p tomonlama hamkorlik, jumladan, Turkiy davlatlar tashkiloti doirasidagi istiqbollar alohida e’tibor bilan ko‘rib chiqildi.

Shuningdek, Mirziyoyev Davosda «Blackrock» kompaniyasi direktorlar kengashi a’zosi va boshqaruvchi direktori Adebayo Ogunlesi bilan uchrashdi. Uchrashuvda kompaniya bilan investitsiyaviy hamkorlikning ustuvor yo‘nalishlari, ilgari erishilgan kelishuvlarni amalga oshirish masalalari muhokama qilindi.

Unda «Blackrock»ning O‘zbekistondagi ustuvor loyihalarda ishtirok...

Realme kompaniyasi Xitoy bozorida yangi Realme Neo 8 smartfonini rasmiy taqdim etdi. Bu haqda kompaniya kompaniya rasman sahifasida ma’lum qilindi.

Qurilma 12/256 GB — $345, 16/256 GB — $390, 12/512 GB — $415, 16/512 GB — $460 va 16 GB/1 TB — $530 narxlarda sotuvga chiqariladi.

Smartfon yarim shaffof orqa qopqoq, RGB yoritishga ega Awakening Halo bloki va metall yon ramka bilan jihozlangan. Displey 6,78 dyuymli Samsung Sky Screen bo‘lib, yangilanish chastotasi 165 Gtsni tashkil etadi. Ekranning maksimal yorqinligi 3800 kd/m², lokal pik yorqinligi esa 6500 kd/m² ga yetadi. 165 Gts rejimi 30 dan ortiq mashhur o‘yinlarda qo‘llab-quvvatlanadi.

O‘zbekistonda raqamli markirovkalash qoidalariga amal qilinishini masofaviy soliq tekshiruvlari orqali nazorat qilish rejalashtirilmoqda. Oliy Majlis Qonunchilik palatasi 20-yanvar kuni bo‘lib o‘tgan majlisda Soliq kodeksiga tegishli o‘zgartirishlarni nazarda tutuvchi qonun loyihasini birinchi o‘qishda konseptual jihatdan ma’qulladi.

Qonun loyihasida «masofaviy soliq tekshiruvi» tushunchasi huquqiy jihatdan mustahkamlanib, tekshiruvlarni tadbirkor huzuriga bormagan holda, raqamli markirovkalash tizimi ma’lumotlari asosida o‘tkazish ko‘zda tutilgan. Maqsad – sog‘lom raqobat muhitini ta’minlash, yashirin iqtisodiyot ulushini qisqartirish va budjet daromadlari barqarorligini mustahkamlash.

Yangi tartibga ko‘ra, markirovkalash qoidalari buzilgani aniqlansa, soliq to‘lovchiga ikki marta rasmiy ogohlantirish beriladi. Agar shundan keyin ham qoidabuzarlik davom etsa, masofaviy tekshiruv o‘tkaziladi. Barcha jarayonlar soliq...

Noqulay ob-havo sharoiti tufayli Toshkent shahrida joylashgan Yangi O‘zbekiston bog‘i vaqtincha yopiladi. Bu haqda bog‘ ma’muriyati ma’lum qildi.

Unga ko‘ra, 22-yanvar kuni bog‘ soat 17:00 dan boshlab tashrif buyuruvchilar uchun yopiladi. Bog‘ ma’muriyati yuzaga kelgan noqulayliklar uchun uzr so‘rab, aholidan xavfsizlik qoidalariga amal qilishni so‘raydi.

Eslatib o‘tamiz, avvalroq Toshkent shahrida kuchli qor yog‘ishi sababli aholi ogohlantirilgan edi.

2025-yilning yanvar – dekabr oylarida respublikaning tashqi savdo aylanmasi $81,2 milliardga yetdi, bu 2024-yildagiga nisbatan 20,7 foizga ko‘pni tashkil qiladi. Bu haqda Milliy statistika qo‘mitasi hisobotida keltirilgan.

Mamlakatning tashqi savdo aylanmasida eksport hajmi $33,8 milliardga (2024-yilga nisbatan 24 foizga o‘sdi) va import hajmi $47,4 milliardga (18,5 foiz o‘sish) yetdi.

Eksportdagi asosiy davlatlar

O‘zbekiston jahonning 210 mamlakati bilan savdo aloqalarini amalga oshirib kelmoqda. Respublika tashqi savdo aylanmasining yuqori ulushi Xitoy (21,2 foiz), Rossiya (16 foiz), Qozog‘iston (6,1 foiz), Turkiya (3,7 foiz) va Janubiy Koreya (2,1 foiz) hissasiga to‘g‘ri keldi.

Eksport tarkibida tovarlar ulushi 71,1 foizni tashkil etib, jumladan, sanoat...

2025-yil yakunlari bo‘yicha O‘zbekistonda ko‘chmas mulk bozorida faollikning oshishi va hududiy dinamikalarning xilma-xilligi kuzatildi.

Iqtisodiy tadqiqotlar va islohotlar markazining tahliliga ko‘ra, 2025-yil davomida uy-joy sotish bo‘yicha 295 mingta bitim amalga oshirilgan, savdo ko‘rsatkichi 15 foizga ortgan.

Hududlar bo‘yicha eng katta o‘sish Buxoro (25,7%), Sirdaryo (23,3%) va Samarqand (19,7%) viloyatlarida kuzatildi. Toshkent shahrida esa, savdo hajmi 18,2 foizga o‘sib, 84 ming bitimni tashkil etdi.

Ikkilamchi uy-joy bozorida narxlar dinamikasi

2025-yil yakunlariga ko‘ra, respublika bo‘yicha ikkilamchi uy-joy bozorida narxlarning o‘sishi o‘rtacha 8 foizni tashkil etdi, 2024-yilda esa ushbu ko‘rsatkich 6,2% darajasida bo‘lgan edi.

Yil davomida narxlarning eng yuqori...

Kia kompaniyasi o‘zining yangi flagman elektr sedanini ishlab chiqishni boshladi. Bu haqda bike-ev.com nashri ma’lum qildi. Yangi model Kia EV8 deb atalishi mumkin va bu model 2027-yilda chiqarilishi kutilmoqda.

Mundarija:

Quvvat va zaryadlash masofasi

Avtomobilning texnik xususiyatlariga ko‘ra, Kia EV8 uchta versiyada taklif etiladi. Baza versiyasi bitta elektr motoriga va orqa g‘ildiraklardan quvvat olish tizimiga ega bo‘ladi, o‘rta darajali versiya ikki motorli va to‘liq dvigatel tizimi bilan jihozlanadi, eng kuchli Performance versiyasi esa...

Red Magic 11 Air taqdim etilishi avvalgi modelni ikki baravar mashhur qildi. Bu haqda Mydrivers xabar bermoqda. Red Magic 11 qurilma birinchi sotuv kunida avvalgi avlodga nisbatan 102% ga ko‘proq sotilgan.

Red Magic 11 Air bozorda eng yupqa Air-smartfon bo‘lib, uning 144 Hz tezlikda yangilanadigan, 2K sifatli va ekranda hech qanday kesmalar va teshiklar bo‘lmagan ekraniga ega. Ekran butun old panelning 95,1% ini egallaydi, bu esa foydalanuvchilarga maksimal vizual tajriba taqdim qiladi.

Texnik xususiyatlar va innovatsiyalar

Red Magic 11 Air 6.85 dyuymli tekis ekran, 16 megapikselli o‘ziga integratsiyalangan kamera bilan jihozlangan. Ekran 144 Gts yangilanish tezligiga ega bo‘lib...

Rossiyada Zeekr 9X avtomobilining jiddiy muammosi aniqlandi. Bu haqda Motor portali ma’lum qildi.

Manbaning ma’lum qilishicha, model dastlabki 8 ming kilometrni bosib o‘tgach, orqa motor-reduktorining korpusi yorilib, uzelning qattiqligi yo‘qolib, deyarli ishlamay qoladi. Bu nosozlik avtomobilning qimmat narxiga qaramay, o‘ziga xos ehtiyotkorlikni talab qiladi.

Motor xabariga ko‘ra, bu muammo, ayniqsa, BMW va Mercedes’ni afzal ko‘rgan boy mijozlar o‘rtasida mashhur bo‘lgan Zeekr 9X’ni sotib olishda muammo tug‘diradi. Garchi avtomobil premium segmentga mansub bo‘lsa ham, uni sotib olishda bunday texnik xatoliklar ko‘rsatilgan bo‘lsa ham, uning bozordagi talabining yuqori bo‘lishi kutilmagan holatdir.

Hozircha ishlab chiqaruvchi kompaniya qaytarish kampaniyasini e’lon qilmagan. Biroq shunga...

O‘zbekiston prezidenti Shavkat Mirziyoyev 22-yanvar kuni Shveysariyaning Davos shahrida Amerika yetakchisi Donald Tramp tashabbusi bilan tashkil etilayotgan Tinchlik kengashi nizomini imzoladi. Bu haqda Oq uy xabar berdi.

Shuningdek, Shavkat Mirziyoyev qator ikki tomonlama uchrashuvlar o‘tkazishi ko‘zda tutilgan.

Davosda «Tinchlik kengashi» ustavini imzolash marosimi bo‘lib o‘tishi haqida xabar berilgan edi. Nizom loyihasiga ko‘ra, Tramp organning birinchi raisi bo‘ladi va yangi a’zolarni taklif qilish bo‘yicha qarorlarni shaxsan o‘zi qabul qiladi. Tashkilotning doimiy a’zosi maqomini olish uchun AQSh ma’muriyati davlatlardan birinchi yil davomida kamida $1 milliard miqdorida badal to‘lashni talab qiladi.

«Bloomberg»ning qayd etishicha, bunday moliyaviy sharoit ko‘plab jahon yetakchilarini hayratda...

Apple kompaniyasi joriy yil oxirida o‘zining raqamli yordamchisi Siri’ni tubdan yangilashni va uni kompaniyaning birinchi sun’iy intellekt chat-botiga aylantirishni rejalashtirmoqda. Bu haqda Bloomberg xabar berdi.

Manbalarning ta’kidlashicha, Campos nomi ostida ishlab chiqilayotgan yangi chatbot iPhone, iPad va Mac operatsion tizimlariga chuqur integratsiya qilinadi. U hozirgi Siri interfeysini to‘liq almashtiradi, biroq foydalanuvchilar uni odatdagi usulda ovozli buyruq yoki tugmani bosib ushlab turish orqali faollashtirishlari mumkin bo‘ladi.

Yangi tizim imkoniyatlari bugungi versiyadan keskin farq qiladi. Agar hozirgi Siri oddiy savol-javob bilan cheklansa, yangilangan versiya xuddi ChatGPT yoki Google Gemini kabi erkin muloqot qila oladi, veb-qidiruvni amalga oshiradi, matn va rasmlar yaratadi...

23-yanvar uchun valyutalar kursi yangilandi. Unga ko‘ra, dollar 14,85 so‘mga oshib, 12 136,92 so‘mni tashkil etdi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.

Dollarning so‘nggi kunlardagi o‘zgarishi

16-yanvar kuni dollar pasayishda davom etib, 11 969,66 so‘mni tashkil etdi. 19-yanvarda dollar 6,88 so‘mga pasayib, 11 962,78 so‘m, 20-yanvarda 88,93 so‘mga oshib, 12 050 so‘m, 21-yanvarda 21,58 so‘mga oshib, 12 072 so‘m, 22-yanvarda esa 48,78 so‘mga oshib, 12 122,07 so‘m etib belgilandi.

Markaziy bank ma’lumotlariga ko‘ra, yevro 4,03 so‘mga oshib, 14 191,70 so‘mni, rubl 3,6 so‘mga oshib, 159,99 so‘mni tashkil qildi.

Eslatib o‘tamiz, Kursiv Uzbekistan nashri hafta...

Afsonaviy 1966-yilgi Ford GT40 MkII Qo‘shma Shtatlarda auksionga qo‘yildi. Bu haqda Mecum auksion uyi xabar berdi.

Auksionda noyob sport avtomobili $12 mln 475 mingga sotildi va bu uni Ford tarixidagi eng qimmat avtomobillardan biriga aylantirdi.

Sotish narxi bir nechta zamonaviy giperkarlarning narxiga teng. Bu Ford GT40 uchun modelga xos rekord bo‘lmasa-da, ushbu mashhur transport vositalariga doimiy ravishda yuqori talab mavjudligini tasdiqlaydi.

Ford GT40 kupelari brendning eng qimmat avtomobillari hisoblanadi. Narxlar taxminan $5 milliondan boshlanadi, ba’zi namunalari allaqachon $13 milliondan oshib ketgan.

Faqat 11 ta Ford GT40 MkII kupesi ishlab chiqarilgan. Ushbu avtomobil juda noyob XGT-3 versiyasidir – bunday...