Sog‘liqni saqlash vazirligi tomonidan avtomobil xavfsizlik kamarini taqmaslik mumkin bo‘lgan kasalliklar roʻyxati e’lon qilindi. Loyiha jamoatchilik muhokamasiga qo‘yildi.
Quyida to‘liq ro‘yxat bilan tanishish mumkin:
Ushbu holatlar «Elektron sogʻliqni saqlash» tizimi orqali QR-kodli elektron tibbiy ma’lumotnoma bilan tasdiqlanadi va uning amal qilish muddati olti oyni tashkil etadi.
Eslatib o‘tamiz, avvalroq Qirg‘izistonda barcha xususiy avtomaktablar yopilishi haqida xabar bergan edik.
2025-yil 5-noyabrdan 6-noyabrgacha tungi osmonda yilning oxirgi va eng yorqin to‘liq oyi – Bobroviy superoy paydo bo‘ladi. Shu paytda Oy Yerga eng yaqin masofaga – 356 832 kilometrga yaqinlashgani uchun juda katta va porloq ko‘rinadi.
Astronomlar ma’lumotiga ko‘ra, to‘liq oy Toshkent vaqti bilan soat 18:19 da boshlanadi, yarim tunda esa Oy Yerga maksimal yaqinlashadi. Aksariyat hududlarda superoy 5-noyabr kuni, quyosh botgandan so‘ng ko‘rinadi. Toshkentda Oy chiqishi taxminan soat 16:45 – 17:00 da bo‘lib, yarim soat ichida u gorizont ustida yetarlicha balandlikka ko‘tariladi.
Agar osmon tiniq bo‘lsa, Oy butun tun davomida va ertalab 6-noyabrgacha ko‘rinadi. Astronomlar ochiq maydonlarga chiqib, sharq...
4-noyabr kuni O‘zbekiston prezidenti administratsiyasi rahbari Saida Mirziyoyeva o‘zining tug‘ilgan kunini nishonlaydi.
Mirziyoyeva Toshkentdagi Jahon iqtisodiyoti va diplomatiya universitetida xalqaro huquqni o‘rgangan. Keyinchalik Toshkent davlat yuridik institutida magistraturani tamomlagan. Shuningdek, Moskva davlat universiteti (Lomonosov nomidagi)da iqtisodiyot bo‘yicha magistr darajasini olgan.
Saida Mirziyoyeva davlat kommunikatsiyalari tizimida faoliyatini boshlagan. 2019-yil aprelida u O‘zbekiston prezidentining ma’muriyati huzuridagi Axborot va ommaviy kommunikatsiyalar agentligi (AIMK)ning direktor o‘rinbosari lavozimiga tayinlangan. Keyinchalik milliy ommaviy axborot vositalarini qo‘llab-quvvatlash va rivojlantirish jamg‘armasining vasiylik kengashi raisi o‘rinbosari lavozimini egallagan.
2022-yil noyabrida prezident administratsiyasining ijro apparatida kommunikatsiya va axborot siyosati bo‘yicha sektorni boshqargan. 2023-yil avgustida davlat rahbarining yordamchisi etib tayinlangan.
2025-yil...
Аndijonda bojxona hujjatlarini qalbakilashtirish orqali kredit olishga urinish holati fosh etildi. Bu haqda Bojxona qo‘mitasi matbuot xizmati ma’lum qildi.
Unga ko‘ra, Аndijon viloyati va Toshkent shahar bojxona boshqarmalari hamda Bojxona qo‘mitasi tezkor tuzilmalari tomonidan o‘tkazilgan tezkor tadbirda bir guruh shaxslar tomonidan bojxona organlariga oid rasmiy hujjatlarni qalbakilashtirish holatlari aniqlanib, oldi olindi.
Tergovga qadar tekshiruv davomida belgilangan tartibda ko‘zdan kechirilgan xonadonda «O‘zbekiston Respublikasi Davlat bojxona qo‘mitasi Kadrlar Boshqarmasi» yozuvli muhr, oylik ish haqi to‘g‘risida ma’lumotnomalar va go‘yoki bojxona xodimi ekanini tasdiqlovchi guvohnomalar aniqlangan. Ma’lum bo‘lishicha, 3 nafar shaxsdan iborat uyushgan guruh hujjatlarni qalbakilashtirib, ularni banklarga kredit olish maqsadida taqdim etgan.
AQSh sobiq vitse-prezidenti Dik Cheyni 84 yoshida vafot etdi. Bu haqda CNN xabar berdi.
Dik Cheyni 2001 – 2009-yillarda prezident Jorj Bush ma’muriyatida vitse-prezident lavozimini egallagan. Cheyni global terrorizmga qarshi urush tashabbuskorlaridan biri bo‘lgan.
Cheyni keyingi yillarda respublikachilar orasida Donald Tramp siyosatiga qarshi chiqqan kam sonli nufuzli arboblardan biri bo‘ldi. U so‘nggi prezidentlik saylovida Kamala Xarrisni qo‘llab-quvvatlagan.
U mamlakat tarixidagi eng ta’sirli vitse-prezidentlardan biri va terrorizmga qarshi urush siyosatining muallifi sifatida tilga olinadi.
Avvalroq Kursiv Uzbekistan 82 yoshli Jo Baydenga saraton tashxisi qo‘yilgani haqida xabar bergan edi.
Armanistonning «Central depositary of Armenia» (CDA) kompaniyasi kapital bozori yo‘nalishida «Tartibga solish qumdoni» maxsus huquqiy rejimi ishtirokchisi sifatida ro‘yxatdan o‘tdi. Bu haqda Istiqbolli loyihalar milliy agentligi (ILMA) xabar berdi.
Ushbu kompaniya Armanistonda qimmatli qog‘ozlarni hisobga olish va hisob-kitoblar bo‘yicha yagona tizim operatori hisoblanadi. Shuningdek, CDA Thomas Murray agentligi tomonidan berilgan «BBB» reytingiga ega. Bundan tashqari, milliy raqamlash agentliklari assotsiatsiyasi a’zosi va Yevroosiyo markaziy depozitarlar assotsiatsiyasi tarkibiga kiradi.
«Xorijiy ishtirokchilarning Tartibga solish qumdoniga kirishi qimmatli qog‘ozlar bozorining ilg‘or xorijiy amaliyotini joriy etishga, xorijiy investorlarning mahalliy kapital bozoriga kirishini yengillashtirishga, O‘zbekiston Respublikasiga investitsiyalarni jalb etishning yangi shakl va...
Filippinda yuz bergan «Kalmaegi» to‘foni oqibatida kamida 12 kishi halok bo‘ldi. Bu haqda Bloomberg xabar bermoqda.
75 mingdan ortiq odam esa xavfsiz joylarga evakuatsiya qilingan. Filippin meteorologiya agentligi Pagasa xabariga ko‘ra, to‘fon shamollari soatiga 150 km tezlikda esgan, ayrim joylarda esa 185 km/soat gacha kuchaygan. Kalmaegi to‘foni dastlab Janubiy Leyte provinsiyasida quruqlikka chiqqan, so‘ngra yaqinda zilziladan zarar ko‘rgan Sebuda ham talafotlar keltirgan.
Mahalliy OAVlar kuchli shamol evakuatsiya markazlarini vayron qilgani va suv toshqinlari daraxtlarni ildizi bilan sug‘urib ketgani haqida videolar e’lon qildi.
Ob-havo xizmati Kalmaegi Negros oroli hududida hayot uchun xavfli sharoitlarni yuzaga keltirganini bildirgan. Aholiga past...
Qozog‘istonning uchta futbol klubi noyabr oyi oxirigacha xususiylashtiriladi. Bu haqda Kursiv Media nashri xabar berdi.
Qozog‘iston futbol federatsiyasi bosh kotibi David Loriyaning ma’lum qilishicha, «Qaysar» klubi «TAU Group LTD» kompaniyasi tasarrufiga o‘tgan. Yangi egalar jamoa va futbol akademiyasi rivojiga 12 milliard tenge sarmoya kiritadi.
15-noyabrgacha «Qizil-Jar» va «Jenis» klublari ham yangi investorlar qo‘liga o‘tadi. «Jenis» uchun futbol akademiyasi qurilishiga yer ajratilgan bo‘lib, sarmoya hajmi 16 milliard tenge atrofida bo‘ladi. Shuningdek, noyabr oxirigacha Karagandaning «Shaxtyor» klubi ham xususiylashtirilishi rejalashtirilgan.
Qozog‘iston prezidenti Qosim-Jomart To‘qayev futbolni rivojlantirish uchun uning tijoratlashuvi zarurligini ta’kidladi.
«Busiz Qozog‘iston futboli rivoj topmaydi...
FIFA 2027-yilgi Osiyo kubogi saralash bosqichida noqonuniy hujjatlar asosida futbolchilarning ishtirok etgani aniqlangach, Malayziya futbol assotsiatsiyasi va yetti futbolchiga nisbatan sanksiyalar joriy etdi.
Tergov natijalariga ko‘ra, futbolchilar – Gabriel Arrocha, Fakundo Garses, Rodrigo Olgado, Imanol Machuka, Xuan Brandau Figeyredu, Jon Iraurgi va Ektor Serrano soxta hujjatlar yordamida Malayziya nomidan maydonga tushgan. Ular 2025-yil 10-iyun kuni Vyetnam terma jamoasiga qarshi o‘yinda qatnashgan.
FIFA qaroriga binoan, Malayziya futbol assotsiatsiyasi 350 ming Shveysariya franki miqdorida jarimaga tortildi. Shuningdek, har bir futbolchi 2 ming frank miqdorida jarima to‘laydi va 12 oy davomida futbol bilan bog‘liq har qanday faoliyatdan chetlashtiriladi.
Qolaversa, FIFA ushbu futbolchilarning...
Boyligi $30 mln.dan ortiq bo‘lgan insonlar soni so‘nggi yillarda tez sur’atlarda oshmoqda. Altrata kompaniyasi hisobotiga ko‘ra, bu toifadagi aholining 19 foizi atigi 10 ta yirik shaharda yashaydi.
Ro‘yxatda Nyu-York birinchi o‘rindan joy olgan bo‘lsa, undan keyingi o‘rinlarni Gonkong va Los-Anjeles shaharlari egalladi.
Jadvaldan ko‘rinib turibdiki, ro‘yxatdagi 10 shaharning 6 tasi AQShga tegishli. Bu mamlakatda dunyo ultraboylarining 38 foizi istiqomat qiladi. Altrata ma’lumotiga ko‘ra, 2025-yil iyun holatiga dunyoda 510 810 nafar boyligi $30 mln.dan ortiq inson mavjud bo‘lgan. Bu son 2004-yildan beri yetti barobar tez o‘sish sur’atini ko‘rsatgan.
Shunga qaramay Altrata hisoboti...
5-noyabr uchun valyuta kurslari e’lon qilindi. Shu kun uchun AQSh valyutasi 11 950,63 so‘m (-21,71 so‘m) etib belgilandi. Bu haqda Markaziy bank xabar bermoqda.
So‘nggi besh kun ichida dollar kursida pasayish ustun bo‘ldi. 29-oktabr kuni 12 004,47 so‘mga (-48,99 so‘m), 30-oktabr kuni esa 11 990,53 so‘m (-13,94 so‘m)ga tenglashdi. 31-oktabr kuni AQSh valyutasi 12 025,22 so‘m (+34,69 so‘m) bo‘ldi. 3-noyabr kuni dollar 12 005,09 so‘mga (-20,13 so‘m) tenglashdi. 4-noyabr kuni dollar 11 972,34 so‘m (-32, 75 so‘m) etib belgilangan edi.
Markaziy bank ma’lumotlariga ko‘ra, yevro 41,73 so‘mga tushib, 13 744,42 so‘mni, rubl esa 0,09 so‘mga tushib, 147,70 so‘mni tashkil qildi.
Eslatib o‘tamiz...
Tecno kompaniyasi Tecno Spark Go 5G smartfonining yangi versiyasini taqdim etdi. Bu haqda Gizmochina xabar bermoqda.
Qurilma endi yorqin qizil rangda ham sotuvga chiqqan. Smartfon 6,74 dyuymli HD+ LCD ekran bilan jihozlangan bo‘lib, yangilanish tezligi 120 Hz va yorqinligi 670 nitgacha yetadi. Uning yuragi – MediaTek Dimensity 6400 protsessori bo‘lib, 4 GB LPDDR4X tezkor xotira va 128 GB ichki xotira bilan birga ishlaydi. Shuningdek, foydalanuvchi uchun qo‘shimcha 4 GB virtual xotira ham mavjud.
Batareya sig‘imi 6000 mA/soat bo‘lib, 18 Vt tezkor quvvatlash texnologiyasini qo‘llab-quvvatlaydi. Orqa panelda 50 MP asosiy kamera, old tomonda esa 5 MP selfi kamerasi o‘rnatilgan.
Xitoyning GAC Aion kompaniyasi yangi GAC Aion i60 avtomobili uchun oldindan buyurtmalarini qabul qilishni boshladi. Bu haqda CarNewsChina xabar bermoqda.
Model elektr va gibrid (EREV) versiyalarida taqdim etilgan. EREV modelining boshlang‘ich narxi 126,800 yuan ($17,8 ming), to‘liq elektr versiyasi esa 119,800 yuandan ($16,8 ming) boshlanadi.
Aion i60 besh o‘rinli ixcham SUV. CLTC sikliga ko‘ra 210 km sof elektr yurish masofasiga ega. Avtomobil 3C tez quvvatlash tizimi bilan jihozlangan.
Tashqi dizaynida yuqoriga cho‘zilgan LED chiroqlar, uzluksiz kunduzgi chiroqlar paneli va pastki qismda havo kirish panjarasi mavjud. Yon tomondan model Aion V bilan o‘xshash. Lekin uzunligi 4685 mm bo‘lib, 105 mm...
Prezident Shavkat Mirziyoyev Qatar davlatiga amaliy tashrifini yakunlab, AQShga jo‘nab ketdi. Bu haqda davlat rahbari matbuot xizmati xabar berdi.
Dohadagi Shayx Hamad nomli xalqaro aeroportida O‘zbekiston prezidentini bosh vazir o‘rinbosari, mudofaa vaziri Shayx Saud bin Abdurahmon Ol Soniy va boshqa rasmiylar kuzatib qo‘ydi.
Dohadagi tashrifdan so‘ng Mirziyoyev AQSh prezidenti Donald Trampning taklifiga binoan ushbu mamlakatga jo‘nab ketdi. Prezident mazkur davlatda Markaziy Osiyo mamlakatlari va AQSh yetakchilarining «C5+1» formatidagi sammitida ishtirok etadi.
Shuningdek, strategik sheriklik, savdo-iqtisodiy, investitsiyaviy va gumanitar hamkorlikni rivojlantirish hamda mintaqaviy integratsiya masalalari muhokama qilinadi. Dastur doirasida prezident AQShning yetakchi kompaniyalari va moliyaviy institutlari rahbarlari bilan uchrashuvlar o‘tkazilib, ikki...
Amazon Web Services (AWS) va OpenAI o‘rtasida $38 milliardlik kelishuv tuzildi. Ushbu hamkorlik orqali OpenAI Nvidia ishlab chiqargan ilg‘or chiplaridan foydalanish imkoniyatiga ega bo‘ladi.
«AWS’ning ilg‘or infratuzilmasi OpenAI’ning sun’iy intellekt sohasidagi ambitsiyalarini ro‘yobga chiqarishda asos bo‘ladi», – dedi Amazon Web Services bosh direktori Met Garman.
Bloomberg nashrining ta’kidlashicha, OpenAI sun’iy intellekt yo‘nalishida yetakchilardan biriga aylangan va butun texnologik sohani o‘zgartirib yuborgan. Kompaniya o‘z sun’iy intellekt modellarini rivojlantirish uchun $1,4 trillion sarmoya kiritishni rejalashtirmoqda.
Eslatib o‘tamiz, oktabr oyida OpenAI Microsoft bilan ham hamkorlik boshlaganini e’lon qilgandi.
Ushbu kelishuvga ko‘ra, Windows operatsion tizimi ishlab chiquvchisi...
Prezident Shavkat Mirziyoyev Qatarning Doha shahrida bo‘lib o‘tgan ijtimoiy rivojlanish bo‘yicha ikkinchi Butunjahon sammitida ishtirok etdi. Davlat rahbari matbuot xizmati prezident nutqini e’lon qildi.
Mirziyoyev sammitda O‘zbekistonning ijtimoiy rivojlanish sohasidagi strategik maqsadlari hamda xalqaro hamkorlik bo‘yicha quyidagi takliflarini taqdim etdi:
Kambag‘allikka qarshi kurash: prezident xalqaro hamkorlikni kuchaytirish va kambag‘allikni qisqartirishga amaliy yordam beradigan Global ijtimoiy adolat fondini yaratishni taklif qildi. Bandlik va ish o‘rinlari: yuqori texnologiyalar va sun’iy intellektning rivojlanishi natijasida millionlab ish o‘rinlari yo‘qolmoqda. Prezident hukumatlar va biznesni xodimlarni qo‘llab-quvvatlash, ijtimoiy mas’uliyatni oshirishga chaqirdi. Ta’lim imkoniyatlarini kengaytirish: savodsizlikning yillik iqtisodiy zarari $1,4 trillionga teng. Davlat rahbari Ochlik...
2026-yil 1-yanvardan boshlab jismoniy va yuridik shaxslar chiqindi xizmatlari uchun to‘lovlarni faqat onlayn tarzda barcha elektron to‘lov tizimlari orqali amalga oshiradi. Bu haqda Chiqindilarni boshqarish va sirkulyar iqtisodiyotni rivojlantirish agentligi ma’lum qildi.
Bu chora aholiga qulay to‘lov tizimini yaratish, billing hisoblarini shaffof yuritish va korrupsiyaga yo‘l qo‘ymaslik maqsadida joriy qilinmoqda. Internetga ulanmagan hududlarda esa to‘lovlar tijorat banklari kassalari yoki «O‘zbekiston pochtasi» orqali amalga oshirilishi mumkin.
Shuningdek, undirilgan to‘lovlar sanitar tozalash korxonalari, chiqindilarni qayta ishlash punktlari, poligonlar va ekosanoat zonalarida faoliyat yurituvchi tadbirkorlik subyektlariga to‘lanadi.
Eslatib o‘tamiz, Oʻzbekistonda chiqindi xizmatlari boʻyicha qarzdorlik mavjud boʻlgan abonentlar elektr energiyasi uchun toʻlovni...
O‘zbekiston va Qatar o‘rtasida tovar ayirboshlash hajmi 45 foizga oshdi. Bu haqda prezident Shavkat Mirziyoyevning Qatar amiri bilan uchrashuvida ma’lum qilindi.
Davlat rahbari Doha shahriga amalga oshirilgan tashrif davomida Qatar amiri Shayx Tamim bin Hamad Ol Soniy bilan uchrashdi.
Tomonlar O‘zbekiston – Qatar o‘rtasidagi strategik sheriklikni yanada mustahkamlash, amaliy hamkorlikni kengaytirish masalalarini muhokama qildi. Mirziyoyev Qatar tomonini Ijtimoiy rivojlanish bo‘yicha ikkinchi Jahon sammitini muvaffaqiyatli o‘tkazgani bilan tabrikladi.
Muloqot davomida qo‘shma loyihalar faollashgani, tovar ayirboshlash hajmi yil boshidan buyon 45 foizga oshgani qayd etildi. Hozirda qatarlik yirik kompaniyalar O‘zbekistonda investitsiya loyihalarini amalga oshirmoqda.
Shuningdek, uchrashuvda «yashil» energetika, transport, geologiya, turizm...
Surxondaryo viloyati Termiz shahriga 35 ta yangi avtobus olib kelindi. Bu haqda Transport vazirligi xabar bermoqda.
Yaqinda foydalanishga topshirilgan Manguzar avtoshohbekatida avtobuslarni topshirish marosimi bo‘lib o‘tdi. Tadbirda Surxondaryo viloyati hokimi Ulug‘bek Qosimov, Xitoy kompaniyasi vakillari, transport sohasi mutasaddilari, jamoat faollari va nuroniylar ishtirok etdi.
Yangi avtobuslar zamonaviy texnik talablarga to‘liq javob beradi, ekologik toza va energiya tejamkor hisoblanadi. Ular yo‘lovchilar uchun barcha qulayliklarga ega bo‘lib, shahar ichki yo‘nalishlarida «Brutto» shartnomasi asosida qatnovni boshlaydi.
Eslatib o‘tamiz, Kursiv Uzbekistan Toshkentda 12 ta yo‘nalishdagi avtobuslar yangisiga almashtirilgani haqida yozgan edi.
Andijon viloyatining Asaka tumanida joylashgan mas’uliyati cheklangan jamiyati hech qanday ruxsat hujjatlarisiz tabiiy gazdan foydalanib kelgani aniqlandi. Bu haqda Energetika vazirligi xabar bermoqda.
Holat «O‘zenergoinspeksiya»ning Andijon viloyati boshqarmasi, «Hududgaz Andijon» GTF va huquqni muhofaza qiluvchi organlar hamkorligida o‘tkazilgan nazorat tadbirida fosh etildi.
Tekshiruv natijasiga ko‘ra, korxona tabiiy gazdan noqonuniy foydalanib, davlat gaz ta’minoti tizimiga 1,4 mlrd so‘m miqdorida zarar yetkazgani ma’lum bo‘ldi.
Hozirda mazkur holat yuzasidan huquqni muhofaza qiluvchi organlar tomonidan tergovga qadar tekshiruv ishlari olib borilmoqda.
Eslatib o‘tamiz, Kursiv Uzbekistan Boysundagi konda yuz bergan yong‘in yuzasidan vazirlik izoh bergani haqida yozgan edi.
Qirg‘iziston haydovchi tayyorlash tizimini qayta ko‘rib chiqadi. Unga ko‘ra, endi faqat davlat avtomaktablari faoliyat yuritadi, barcha xususiy avtomaktablar yopiladi.
«Kattalar uchun barcha xususiy avtomaktablar yopiladi, davlat avtomaktablari ochiladi», – deydi davlat boshlig‘i ishlarining boshqaruvchisi Qanibek Tumanbayev.
Yangi tartibga ko‘ra, haydovchilikka o‘qish muddati 14 oy etib belgilanadi. Bu vaqt davomida o‘quvchilar har faslda amaliy haydovchilik mashg‘ulotlaridan o‘tishi kerak bo‘ladi.
Shuningdek, 2026-yildan boshlab maktab o‘quvchilariga ham 11-sinfdan haydash bo‘yicha darslar o‘qitilishi ko‘zda tutilgan. Haydovchilik guvohnomalari faqat to‘liq va qonuniy o‘qishdan o‘tgandan keyin beriladi.
Avvalroq O‘zbekistonda 2026-yildan moped va skuterlar uchun «A1» toifali guvohnoma joriy etilishi...
Vivo kompaniyasi tomonidan yangi Vivo Y500 Pro smartfoni haqida qo‘shimcha ma’lumotlar taqdim etildi. Bu haqda Gizmochina xabar bermoqda.
Model o‘z sinfida birinchi bo‘lib 200 megapikselli kamera va optik tasvir barqarorlashtirish tizimi (OIS) bilan jihozlangan.
Smartfon 6,67 dyuymli OLED displeyga ega. 1,5K aniqlik va 120 Hz yangilanish chastotasini qo‘llab-quvvatlaydi. Asosiy kamera – Samsung HP5 sensori asosida ishlovchi 200 MP modul bo‘lib, yuqori aniqlikdagi fotosuratlar uchun mo‘ljallangan.
Vivo Y500 Pro’ning asosiy afzalliklaridan yana biri – 7000 mA/soat sig‘imli akkumulyator. Kompaniya ma’lumotiga ko‘ra, u 90 Vt tez zaryadlash texnologiyasini qo‘llab-quvvatlaydi. Qurilma 120 fps tezlikda o‘yinlarni barqaror ishlatish imkonini beradi.
Korpus IP68/69 himoya...
Chevrolet kompaniyasi tomonidan 2026-yilgi Chevrolet Blazer avtomobili taqdim etildi. Bu haqda GMAutority nashri xabar bermoqda.
Kompaniya Blazer modelini 2025-yildan keyin AQSh bozoridan olib tashlamoqchi edi. Yangi modelda trim darajalari qayta tartiblangan, xavfsizlik tizimlari to‘liq yangilangan, ayrim dvigatellar esa ishlab chiqarishdan olib tashlangan. Eng e’tiborga molik o‘zgarishlardan biri – bazaviy narxning pasayishi.
2LT trim endi $36,095 dan boshlanadi. Bu o‘tgan yilgi modeldan $1,000 arzon. Shu bilan birga, Driver Confidence Package (WPA) endi standart tarzda o‘rnatilgan.
3LT trimda V6 dvigatel butunlay olib tashlangan, endi faqat 2,0 litrli turbo versiyasi mavjud. Narx biroz oshgan – $41,495.
Premier...
6-sentabr kuni Londonda Premyer-liga futbolchisiga agent tomonidan qurol bilan tahdid qilingani haqida tergov boshlandi. Politsiya holat yuzasidan jinoiy ish qo‘zg‘atib, gumonlanuvchini qo‘lga oldi. Bu haqda The Sun nashri xabar berdi.
Manbalarga ko‘ra, tahdid qilingan futbolchining transfer qiymati taxminan 60 mln yevro atrofida. Voqeadan so‘ng sport agenti hibsga olingan va unga qurolli zo‘ravonlik hamda futbolchining do‘stiga tahdid qilish ayblovi qo‘yilgan.
9-sentabr kuni agent garov evaziga ozod qilingan, biroq unga futbolchi bilan aloqa qilish, klub mashg‘ulot bazasiga tashrif buyurish va mamlakatdan chiqib ketish taqiqi joriy etilgan. Keyinchalik sud unga pasportni vaqtincha qaytarib, oldindan rejalashtirilgan safarga chiqishga ruxsat bergan. London politsiyasi tergov...