Yangiliklar

Honor kompaniyasining yangi Honor 500 seriyasi dizayni internetda paydo bo‘ldi. Gizmochina tomonidan e’lon qilingan eskizlarda smartfonning tashqi ko‘rinishi to‘liq yangilanganini ko‘rish mumkin. Yangi model noyabr oxirida Xitoyda rasmiy taqdim etiladi.

Honor 500 va Honor 500 Pro modellari iPhone Air va Google Pixel uslubidagi gorizontal kamera blokiga ega bo‘ladi. Har ikki qurilma tekis ekranli bo‘lib, burchaklari yumaloqlashtirilgan. Pro versiyada uch kamerali tizim o‘rnatiladi, bazaviy model esa ikki kameraga ega bo‘ladi.

Yangi seriya 6,5 dyuymli OLED ekranga ega bo‘lib, 1,5K aniqlikda tasvir beradi. Smartfonlar 80 vatt quvvatdagi tezkor zaryadlash tizimi bilan jihozlangan. Ular Android 16 operatsion tizimida, MagicOS 10 interfeysi asosida...

Avvalroq Surxondaryo viloyatining Boysun tumanidagi kondan gaz sizib chiqish holati haqidagi videolar ijtimoiy tarmoqlarda tarqalgandi. Mahalliy aholi esa havo tarkibida gaz hidi sezilayotgani va nafas olish qiyinlashganini bildirgan.

Ushbu holat yuzasidan Energetika vazirligi izoh berdi. Unga ko‘ra, tumandagi «M-25» konining 202-son gaz qudug‘ida avval yoqib qo‘yilgan olov texnik jarayon sabab vaqtinchalik so‘ngan. Mutaxassislarning ta’kidlashicha, bu holat kondagi geologik jarayon natijasida yuz bergan.

Shundan so‘ng havoga zararli moddalarning tarqalishining oldini olish uchun gaz yana yoqib qo‘yilgan.

«Ushbu jarayon atrof-muhit ifloslanishining oldini olishda standart yondashuv hisoblanadi va xalqaro sanoat xavfsizligi talablariga to‘la javob beradi. Hozirgi...

Eron chempionatining 9-tur yakunlariga ko‘ra, O‘zbekiston terma jamoasi va «Istiqlol» klubi himoyachisi Rustam Ashurmatov ramziy terma jamoadan joy oldi.

Tehron klubi ushbu turda o‘z maydonida «Alyuminium Arak» jamoasini 3:1 hisobida mag‘lub etdi. Ashurmatov maydonda to‘liq harakat qildi hamda havodagi to‘plarda ustunligi bilan ajralib turdi.

Ma’lumotlarga ko‘ra, o‘zbekistonlik himoyachi joriy mavsumda Eron Pro-ligasida 4 ta uchrashuvda maydonga tushgan. U 2025 yil yozida Rossiyaning «Rubin» klubidan Eronning «Istiqlol» klubiga o‘tgan edi.

Avvalroq Kursiv Uzbekistan Shomurodov Turkiya Superligasining tur ramziy jamoasidan joy olgani haqida xabar bergan edi.

Toshkentda Gentra haydovchisi Yo‘l harakati xavfsizligi xizmatining inspektorini avtomobil kapotida sudragani sababli hibsga olindi. Bu haqda YHXX matbuot xizmati ma’lum qildi.

Hodisa 2-noyabr Yashnobod tumani, Farg‘ona yo‘li ko‘chasida sodir bo‘lgan. Surishtiruv davomida aniqlanishicha, haydovchi 2001-yilda tug‘ilgan va uning avtomobilida jami 144 ta yo‘l harakati qoidabuzarliklari qayd etilgan. Shundan 38 tasi muddati o‘tgan va 30 tasi ijro organlariga topshirilgan. Jarimalar bo‘yicha umumiy qarz miqdori 18 mln so‘mni tashkil qiladi.

Hududiy prokuratura haydovchiga nisbatan O‘zbekiston JKning 219-moddasi bo‘yicha jinoyat ishi qo‘zg‘atdi. Qoidabuzarga nisbatan jarima, majburiy jamoat ishlari, tuzatish ishlari yoki 1 – 3 yilgacha ozodlikni cheklash yoki qamoq jazosi tayinlanishi mumkin.

Serbiyaning «Radnichki-1923» klubi bosh murabbiyi Mladen Jijovich «Mladost» jamoasiga qarshi kechgan safar o‘yini paytida vafot etdi.

«iz.ru» portalining ma’lum qilishicha, 44 yoshli mutaxassis o‘yinning 22-daqiqasida o‘zini yomon his qilgan. Tibbiy yordam ko‘rsatilganiga qaramay, Jijovich shifoxonaga olib ketilayotgan vaqtida hayotdan ko‘z yumgan. Uchrashuv «Radnichki-1923» foydasiga 2:0 hisobida to‘xtatilgan.

Mladen Jijovich 2025 yilda «Radnichki-1923» jamoasini qabul qilib olgan edi. U avval Bosniyaning «Zrinski» va «Sloboda», shuningdek, Albaniyaning «Shkupi» klublarida murabbiy sifatida faoliyat yuritgan.

Futbolchilik faoliyati davomida Jijovich «Zrinski», «Boras» va «Radnik» jamoalarida o‘ynagan, ikki marta Bosniya va Gersegovina kubogini qo‘lga kiritgan. U, shuningdek, Bosniya terma jamoasi safida ikki o‘yinda maydonga tushgan.

Joriy yilning 30 – 31-oktabr kunlari o‘tkazilgan ingliz tili o‘qituvchilari attestatsiya natijalari ijtimoiy tarmoqlarda tanqid va e’tirozlarga sabab bo‘ldi. Ayrim o‘qituvchilar imtihon sun’iy ravishda murakkablashtirilgani, maktabdagi amaliy jarayonga mos bo‘lmagan savollar berilgani haqida shikoyat bildirmoqda.

«IELTSdan 8 olish ingliz tili attestatsiyasidan o‘tishdan ko‘ra ancha osonroq», – deydi o‘qituvchilardan biri.

Attestatsiyadan norozi o‘qituvchilar vazir E’zoza Karimovaga murojaat yo‘llagan. Unda imtihon natijalarini qayta ko‘rib chiqish, jarayonni adolatli va shaffof tartibda yana bir bor o‘tkazish so‘ralgan.

Vazirlik keng muhokamalarga sabab bo‘layotgan holat yuzasidan rasmiy munosabat bildirdi. Unga ko‘ra, pedagoglar test jarayonining o‘zida platforma orqali...

Prezident qaroriga ko‘ra, 2025-yildan boshlab «Kelajak merosi» xalqaro mukofoti ta’sis etildi. Bu haqda O‘zA ma’lum qildi.

Mukofotning asosiy maqsadi – O‘zbekistonning madaniy-ma’rifiy merosini, ilmiy yutuqlarini, san’at va raqamli texnologiyalar sohasidagi innovatsion g‘oyalarni targ‘ib etish hamda milliy va global qadriyatlar rivojiga hissa qo‘shayotgan ijodkor va ziyolilarni rag‘batlantirish.

Tanlov har yili quyidagi yo‘nalishlarda o‘tkaziladi: adabiyot, madaniy meros, teatr va kino, musiqa va raqs, tasviriy va amaliy san’at, moda va dizayn, ilm-fan, ta’lim va raqamli texnologiyalar. Har bir yo‘nalish bo‘yicha g‘oliblar statuetka, diplom va $10 ming miqdoridagi pul mukofoti bilan taqdirlanadi.

Mukofotning tashkiliy ishlari «Kelajak merosi» xalqaro mukofoti kengashi tomonidan amalga oshiriladi...

Chery kompaniyasi 3-noyabr kuni Xitoyda o‘zining yangi Jetour Shanhai T1 AWD (to‘liq g‘ildirakli gibrid) modelining taqdimotini o‘tkazdi. Bu haqda CarNewsChina xabar bermoqda.

Krossover 590 ot kuchi (440 kVt), 840 N/m moment va 1 500 km umumiy yurish masofasiga ega. Yangi model ikkita versiyada taklif etiladi:

Model avvalgi old g‘ildirakli Jetour Shanhai T1 dizaynini saqlab qolgan. Kuzov uchun beshta rang mavjud: Midnight Black, Green Mountain, Snow Mountain Silver, Glacier White va Sand Gold.

O‘lchamlari – 4706×1967×1840 mm, g‘ildirak bazasi 2810 mm, ya’ni FWD...

Namangan viloyatining Qamchiq dovonida qor yog‘di. Bu haqda Favqulodda vaziyatlar vazirligi (FVV) xabar berdi.

Unga ko‘ra, hozirda dovonning yuqori qismida mayin qor yog‘moqda. FVV, Yo‘l-patrul xizmati (YPX) va «Qamchiqavtoyo‘l» xodimlari yo‘llarni qordan tozalash, muzlamaning oldini olish va qum-tuz aralashmasini sepish ishlarini davom ettirmoqda.

Qutqaruvchilar tomonidan yo‘lda qolib ketgan haydovchilarga ham yordam berilmoqda.
Favqulodda vaziyatlar vazirligi haydovchilarga dovon hududida harakatlanishda xavfsizlik qoidalariga qat’iy rioya qilishni eslatdi.

Avvalroq 4-noyabr kuni havo harorati 0°gacha tushib ketishi xabar qilingandi. Unga ko‘ra, O‘zbekiston bo‘ylab havo o‘zgaruvchan bo‘ladi, ayrim joylarda yomg‘ir yog‘adi, tog‘ oldi va tog‘li hududlarda qor yog‘ishi mumkin. 

2025-yil 4-noyabr kuni Namangan – Krasnodar – Namangan yo‘nalishidagi HY9833/9834 reyslarining parvoz jadvali o‘zgartirildi. Bu haqda Uzairways ma’lum qildi.

Aviakompaniya yo‘lovchilardan yuzaga kelgan noqulayliklar uchun uzr so‘radi.

Eslatib o‘tamiz, avvalroq Uzbekistan Airways yangi yo‘nalishlarni yo‘lga qo‘ygani haqida xabar bergan edik.

Tijorat banklari 4-noyabr kungi xorijiy valyutalarni ayirboshlash kurslarini yangiladi. Kursiv Uzbekistan eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Eslatib o‘tamiz, Kursiv Uzbekistan AQSh dollari qanchaga pasaygani haqida yozgan edi. 

Jizzaxda «Hududgaz» xodimi ustidan jinoiy ish qo‘zg‘atildi. Bu haqda Davlat xavfsizlik xizmati xabar berdi.

Unga ko‘ra, «Hududgaz Jizzax» filialining yetakchi mutaxassisi korxonaga tegishli gaz hisoblagichdagi nosozlik bo‘yicha dalolatnoma tuzgan. Ammo u bu hujjatni bekor qilib berish va jinoyat ishi qo‘zg‘atilmasligiga yordam berish evaziga korxona vakilidan $6 ming talab qilgan. Davlat xavfsizlik xizmati uni pulni olayotgan paytda qo‘lga oldi.

Laboratoriya tekshiruviga ko‘ra, gaz hisoblagich tashqi ta’sirlarsiz o‘zi nosoz holatga kelgan. Endi xodimga nisbatan Jinoyat kodeksi moddalariga asosan ish qo‘zg‘atildi. Shuningdek, uning bu ishga aloqador tanishini aniqlash va tekshirish ishlari ham boshlangani bildirildi.

Avvalroq Qashqadaryoda aholiga tarqatilmasdan ushlab turilgan gaz ballon...

RedMagic brendi jahon bozorida yangi flagman smartfoni RedMagic 11 Proni rasman taqdim etdi. Bu haqda GSMArena nashri ma’lum qildi.

Ushbu model Xitoyda RedMagic 11 Pro+ nomi bilan tanilgan bo‘lib, hozirgi vaqtda AnTuTu reytingida eng yuqori natijaga ega bo‘ldi.

Yangi modelning asosiy yangiligi – AquaCore tizimi bo‘lib, u suyuq va havoli sovitish tizimlarini birlashtiradi. Ventilyator soatiga 24 ming aylanma tezlik bilan ishlaydi. Nightfreeze va Subzero versiyalarida shaffof orqa panel orqali suyuqlik aylanishi ko‘rinadi, klassik uslubni yoqtiruvchilar uchun esa qora rangdagi Cryo versiyasi mavjud.

RedMagic 11 Pro Snapdragon 8 Elite Gen 5 platformasida qurilgan va o‘zining o‘yin protsessori RedCore R4 bilan...

Chery kompaniyasi tomonidan Jetour T1 Mountain & Sea avtomobili taqdim etildi. Bu haqda ITHome nashri xabar bermoqda.

Model ikki versiyada – Explorer Edition va Discovery Edition taklif etiladi. Narxlari mos ravishda 157,9 ming va 167,9 ming yuan ($22 ming – $23,5 ming).

Tashqi ko‘rinish avvalgi old g‘ildirakli versiyaga o‘xshash. Krossover beshta rangda taqdim etiladi: Midnight Black, Green Mountain, Snow Mountain Silver, Glacier White va Sand Gold.

Mashina o‘lchamlari 4706×1967×1845 mm, g‘ildirak bazasi 2810 mm, klirensi esa 200 mm. U 28° burchak ostida chiqish, 29° burchakda tushish imkoniga ega. 600 mm chuqurlikdagi suv to‘siqlarini bosib o‘ta oladi.

Jetour T1 4WD...

Nepalning Yalung Ri tog‘ida sodir bo‘lgan kuchli qor ko‘chkisi oqibatida beshta xorijiy alpinist va ikki nepallik gid halok bo‘ldi, yana besh kishi jarohatlandi. Bu haqda CNN agentligi ma’lum qildi.

So‘nggi haftalarda Nepalda ob-havo keskin yomonlashgan, tog‘larda qor bo‘ronlari kuzatilgan. Qutqaruvchilar hodisa joyiga piyoda yetib bormoqda, qutqaruv vertolyoti esa yomon ob-havo sabab qaytishga majbur bo‘lgan, biroq seshanba tongida yana urinib ko‘rildi.

Ma’lumot uchun, Yalung Ri 5,6 ming metr balandlikda bo‘lib, avval tog‘ga chiqqan tajribasiz boshlovchilar uchun mo‘ljallangan cho‘qqidir. Nepalda dunyodagi eng baland 14 tog‘ning sakkiztasi joylashgan, ular orasida Everest ham bor. Kuz oylarida esa ko‘plab xorijiy tog‘chilar kichikroq cho‘qqilarga chiqish...

Toyota SEMA 2025 ko‘rgazmasida vodorod yoqilg‘isida ishlaydigan Tacoma pikapining yangi konseptini namoyish etdi. Bu haqda ITHome nashri ma’lum qildi.

Model Mirai sedanidan olingan yoqilg‘i elementlari asosida yaratilgan bo‘lib, 547 ot kuchiga ega elektr agregat va 24,9 kVt·soat sig‘imli batareyaga ega.

Avtomobilning uchta vodorod baloni ramkaga joylashtirilgan, chiqindi esa faqat suv bug‘idan iborat. Toyota bu suvni yig‘ib, uni sayohat paytida yuvinish yoki texnik maqsadlarda ishlatish imkonini yaratgan, ammo ichish uchun yaroqsiz.

Yangi Tacoma elektr energiyasini uyga yetkazib berish yoki ikki elektromobilni bir vaqtning o‘zida quvvatlash imkoniyatiga ham ega. Model off-roud uchun maxsus tayyorlangan bo‘lib, oldida yuqori ishqalanishli differensial, orqasida elektron...

Shavkat Mirziyoyev Qatar amiri Shayx Tamim bin Hamad Ol Soniyning taklifiga binoan amaliy tashrif bilan Doha shahriga keldi. Bu haqda davlat rahbari matbuot xizmati ma’lum qildi.

O‘zbekiston yetakchisini Shayx Hamad nomidagi xalqaro aeroportda Qatar Bosh vaziri o‘rinbosari, mudofaa ishlari bo‘yicha davlat vaziri Shayx Saud bin Abdurahmon Ol Soniy va boshqa rasmiylar kutib oldi.

Tashrif davomida Shavkat Mirziyoyev 4-noyabr kuni bo‘lib o‘tadigan Ijtimoiy rivojlanish bo‘yicha ikkinchi Jahon sammitida ishtirok etadi. Prezident kambag‘allikni qisqartirish, bandlikni ta’minlash, ta’lim imkoniyatlarini kengaytirish va iqlim o‘zgarishiga moslashish kabi masalalarda yangi tashabbuslarni ilgari surishi kutilmoqda.

Jahon sammiti doirasida oliy darajadagi muzokaralar ham o‘tkazilishi rejalashtirilgan.

Eslatib o‘tamiz...

4-noyabr kuni O‘zbekiston bo‘ylab havo o‘zgaruvchan bo‘ladi, ayrim joylarda yomg‘ir yog‘adi, tog‘ oldi va tog‘li hududlarda qor yog‘ishi mumkin. Kechalari harorat 0° sovuqdan 8° iliqqacha, kunduz kunlari 6-13° iliq bo‘ladi, deya xabar bermoqda «O‘zgidromet» agentligi.

Quyida ob-havo ma’lumoti viloyatlar kesimida:

Boysundagi gaz konida yana yong‘in, yangilangan Cobalt uchun shartnomalar — 3-noyabrning eng muhim hodisalari Kursiv Uzbekistan dayjestida.

Afg‘onistonda sodir bo‘lgan zilzila O‘zbekistonda ham sezildi

3-noyabr kuni soat 01:29 da Afg‘onistonning Samangon viloyatida 6,8 magnitudali zilzila qayd etildi. Bu haqda Seysmoprognostik markaz ma’lum qildi.

Unga koilzila o‘chog‘ining chuqurligi 30 km ni tashkil etdi.

Prezident Doha shahrida o‘tkazilayotgan yirik sammitda ishtirok etadi

Shavkat Mirziyoyev Qatar Davlati amiri Shayx Tamim bin Hamad Ol Soniyning taklifiga binoan 3 – 4-noyabr kunlari Doha shahrida bo‘lib o‘tadigan Ijtimoiy rivojlanish bo‘yicha ikkinchi Jahon sammitida qatnashadi. Bu haqda davlat rahbari matbuot xizmati ma’lum qildi.

Turkiyada...

Prezident qaroriga ko‘ra, xorijdan import qilinadigan nasldor qoramol, qo‘y va echkilar uchun subsidiya ajratish tartibi 2030-yil 31-dekabrga qadar uzaytirildi. Bu haqda Adliya vazirligi ma’lum qildi.

2026-yil 1-yanvardan 2030-yil oxirigacha nasldor bir kunlik jo‘jalar bo‘yicha subsidiyalar faqat mahalliy ishlab chiqaruvchilardan go‘sht yo‘nalishida xarid qilinganda beriladi.

Shuningdek, 2026 – 2027-yillarda tirik qoramol va qo‘y-echkilarni import qilishda QQSni 180 kungacha kechiktirib to‘lashga va to‘langan soliqni qonuniy tartibda qaytarishga ruxsat etiladi.

Veterinariya ruxsatnomalari muddati ikki baravar qisqartiriladi. Chorvachilik bilan shug‘ullanuvchi tadbirkorlarga esa yem-xashak ekinlari uchun yerlarni onlayn auksion orqali ijaraga olib, to‘lovni 5 yil davomida bo‘lib-bo‘lib to‘lash imkoniyati yaratiladi.

Eslatib o‘tamiz, avvalroq ozuqabop...

Prezidentning PF–203-sonli farmoniga ko‘ra, AQSh fuqarolari O‘zbekiston hududiga kirgan kundan boshlab 30 kungacha vizasiz bo‘lib turish huquqiga ega bo‘ladi. Bu haqda O‘zA ma’lum qildi.

TIV taqdim etgan rasmiy ma’lumotlarga ko‘ra, hozirda O‘zbekiston 90 ta davlat fuqarolari uchun turli muddatlarda vizasiz kirish tartibini joriy qilgan. 56 ta davlat fuqarolari elektron kirish vizasi (e-visa) orqali kirish imkoniyatiga ega va 48 ta davlat fuqarolari esa besh kungacha tranzit tarzda vizasiz kirishi mumkin. Shu bilan AQSh O‘zbekistonga vizasiz kirish huquqiga ega davlatlar qatoriga qo‘shildi.

Qo‘shimcha sifatida hozirda AQSh fuqarolari dunyoning 182 dan ortiq davlat va hududlariga vizasiz yoki soddalashtirilgan tartibda kirish...

Prezidentning «Aholini oziq-ovqat mahsulotlari bilan barqaror ta’minlashga doir qo‘shimcha chora-tadbirlar to‘g‘risida»gi qarori imzolandi. Bu haqda Adliya vazirligi ma’lum qildi.

Qarorga muvofiq, tijorat banklari ozuqabop va moyli ekinlarni yetishtirish xarajatlarini moliyalashtirish uchun hosil qiymatining 50 foizigacha bo‘lgan miqdorda, yillik 12 foiz stavkada, 12 oygacha muddatga imtiyozli kreditlar ajratadi.

2025-yil 1-noyabrdan 2030-yil 31-dekabrgacha tadbirkorlarga kredit foiz xarajatlarini qoplash bo‘yicha kompensatsiyalar beriladi. Milliy valyutadagi kreditlar uchun asosiy stavkadan 4 foizdan 10 foizgacha, xorijiy valyutadagi kreditlar uchun esa 4 foizgacha bo‘lgan qismi davlat tomonidan qoplab beriladi.

2026-yil 1-yanvardan ozuqabop va moyli ekinlar yetishtiruvchilarning sug‘orishdagi elektr energiyasi xarajatlarining 50 foizi Davlat budjetidan moliyalashtiriladi.

Eslatib...

Shavkat Mirziyoyev 3-noyabr kuni orfan kasalliklarga chalingan bolalarga tibbiy yordamni yaxshilash hamda farmatsevtika sohasidagi loyihalar taqdimoti bilan tanishdi. Bu haqda davlat rahbari matbuot xizmati ma’lum qildi.

Hozirda 5 turdagi orfan va irsiy kasalliklarga chalingan 2174 nafar bola davlat hisobidan bepul diagnostika va dori vositalari bilan ta’minlanmoqda. 2026 – 2030-yillarga mo‘ljallangan dasturga ko‘ra, davolanishi davlat hisobidan qamrab olinadigan kasalliklar soni 10 taga yetkaziladi, yosh chegarasi esa 21 yoshgacha uzaytiriladi. Dasturni amalga oshirish uchun 961 milliard so‘m yo‘naltiriladi.

Farmatsevtika tarmog‘ida qiymati 5 trillion so‘mlik mahsulot ishlab chiqarilib, 172 million dollarlik eksport amalga oshirildi. 35 ta korxona 205 turdagi dori vositalarini ishlab...

Prezident qarori va farmoyishlariga muvofiq, Ichki ishlar vazirligida bir qator kadrlar o‘zgarishi amalga oshirildi. Bu haqda davlat rahbari matbuot kotibi ma’lum qildi.

Qarorga ko‘ra, Bekmurod Tojimirzayevich Abdullayev Ichki ishlar vazirining o‘rinbosari – Jamoat xavfsizligi departamenti boshlig‘i lavozimidan ozod etildi.

Shuningdek, farmoyish bilan Rustam Raxmonovich Tursunov Ichki ishlar vazirligi huzuridagi Jazoni ijro etish departamenti boshlig‘i lavozimidan ozod etildi.

Eslatib o‘tamiz, avvalroq Markaziy bank rahbarining sobiq o‘rinbosari Namangan shahriga hokim bo‘lgan edi.