Yangiliklar

O‘zbekistonda endi sun’iy intellekt yordamida shaxsga doir ma’lumotlarga noqonuniy ishlov berganlik uchun javobgarlik belgilandi. Bu bo‘yicha 21-yanvar kuni ayrim qonun hujjatlariga o‘zgartirish va qo‘shimchalar kiritildi.

Ya’ni «Axborotlashtirish to‘g‘risida»gi qonunga sun’iy intellekt texnologiyalaridan foydalanishning umumiy asoslarini belgilash hamda ushbu sohadagi vakolatli davlat organining vakolatlarini aniqlashtirish bo‘yicha qo‘shimcha va o‘zgartirishlar kiritildi.

Kiritilgan o‘zgarishlarga ko‘ra, sun’iy intellekt – insonning bilim va ko‘nikmalariga taqlid qilish, mustaqil o‘rganish, yechimlarni izlash va aniq vazifalarni bajarishda inson aqliy faoliyati natijalari bilan taqqoslanadigan natijalarni olish imkonini beruvchi texnologik yechimlar majmui. Insonning huquqi va erkinligiga aloqador bo‘lgan yuridik ahamiyatga ega qarorlarni qabul qilishda faqat sun’iy intellektdan foydalanib...

Endilikda fuqaro bir kun davomida faqat bitta bank yoki kredit tashkilotidan onlayn kredit olishi mumkin bo‘ladi. Bu haqda Adliya vazirligi Markaziy bank bilan birga davlat ro‘yxatidan o‘tkazgan yangi nizomda keltirilgan.

Unga ko‘ra, onlayn kredit olish uchun ariza berilganda, kredit tashkiloti avvalo foydalanuvchi ma’lumotlarini kredit bitimini tuzish taqiqlangan shaxslar reyestri orqali tekshiradi.

Agar foydalanuvchi ma’lumotlari reyestrda aniqlanmasa, onlayn kredit berish jarayoni davom ettiriladi. Bir vaqtning o‘zida bir JShShIR bo‘yicha bir nechta kredit tashkiloti so‘rov yuborsa, kredit byurosi faqat birinchi bo‘lib kelgan so‘rovga javob beradi.

Agar birinchi so‘rov yuborgan kredit tashkiloti ushbu JShShIR bo‘yicha onlayn kredit rasmiylashtirilganini ma’lum qilsa, kredit byurolari...

Yaponiyaning Nara okrug sudi mamlakatning sobiq bosh vaziri Shinzo Abeni o‘ldirganlikda ayblangan Tetsuya Yamagamiga nisbatan uzil-kesil hukm chiqardi. 2022-yilda sodir etilgan va butun dunyoni larzaga solgan ushbu jinoyat ijrochisi umrbod ozodlikdan mahrum etildi.

45 yoshli Tetsuya Yamagami sud jarayonida o‘z aybini to‘liq tan oldi. Prokuratura ushbu suiqasdini mamlakatning urushdan keyingi tarixidagi misli ko‘rilmagan hodisa deb baholab, sudlanuvchiga eng og‘ir jazo tayinlashni talab qilgan edi.

O‘z navbatida, advokatlar o‘z himoyasidagi shaxsni diniy zo‘ravonlik qurboni bo‘lganini ta’kidlab, unga reabilitatsiya uchun imkon berishni va jazo muddatini 20 yildan oshirmaslikni so‘rashgandi. Biroq sud prokuratura pozitsiyasini ma’qulladi. Hukm o‘qilish jarayoni jamoatchilikda katta qiziqish uyg‘otgan...

22-yanvar uchun valyutalar kursi yangilandi. Unga ko‘ra, dollar 48,78 so‘mga oshib, 12 122,07 so‘mni tashkil etdi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.

Dollarning so‘nggi kunlardagi o‘zgarishi

14-yanvarda 51,14 so‘mga pasayib, 12 048,04 so‘m, 15-yanvarda esa 46,33 so‘mga pasayib, 12 001,71 so‘m etib belgilandi. 16-yanvar kuni ham dollar pasayishda davom etib, 11 969,66 so‘mni tashkil etdi. 19-yanvarda dollar 6,88 so‘mga pasayib, 11 962,78 so‘m, 20-yanvarda 88,93 so‘mga oshib, 12 050 so‘m, 21-yanvarda esa 21,58 so‘mga oshib, 12 072 so‘m etib belgilandi.

Markaziy bank ma’lumotlariga ko‘ra, yevro 29,32 so‘mga oshib, 14 187,67 so‘mni, rubl 1,23 so‘mga oshib...

Toshkent shahrida muddati 40 yildan oshgan 52 mingdan ortiq avtomobillar aniqlandi. Bu haqda UzA ma’lum qildi.

2026-yil 1-yanvardan Toshkent shahrida «Ekologik transport» tizimi joriy etiladi. Yangi tizimga muvofiq, ekologik talablarga javob bermaydigan avtotransport vositalarining harakati bosqichma-bosqich cheklanadi.

Rasmiy o‘rganishlar davomida poytaxt hududida ishlab chiqarilganiga 40 yildan oshgan 52 mingdan ortiq avtotransport vositasi mavjudligi aniqlangan. Ushbu avtomobillar tezlashtirilgan tartibda texnik ko‘rikdan o‘tkazilib, ekologik holatiga qarab «yashil», «sariq» va «qizil» stikerlar bilan markalanadi. Stikerlar harakatni cheklash yoki ruxsat berishda asos bo‘lib xizmat qiladi.

Mazkur masala Oliy Majlis Qonunchilik palatasida ham muhokama qilingan edi. «Milliy tiklanish» demokratik partiyasi fraksiyasi rahbari Alisher...

2050-yilga borib O‘zbekiston urbanizatsiya bo‘yicha Markaziy Osiyoda yetakchiga aylanadi va Qozog‘istonni ortda qoldiradi. Bu haqda BMTning 2025-yil yakunlari yuzasidan e’lon qilgan hisobotida keltirilgan.

So‘nggi 75 yil ichida global urbanizatsiya darajasi sezilarli darajada oshdi. BMT ma’lumotlariga ko‘ra, 20-asrning o‘rtalarida dunyo aholisining atigi 20 foizi yirik shaharlarda yashagan, kichik va o‘rta shaharlar va qishloq joylari esa 40 foizni tashkil etgan. 2025-yilga kelib, yirik shaharlarda yashovchi aholining ulushi 44,8 foizgacha oshgan va 2050-yilga borib 48,3 foizgacha ko‘tarilishi prognoz qilinmoqda.

Kichik va o‘rta shaharlarda yashovchi aholining ulushi 35,6 foizgacha pasaydi va 2050-yilga borib bu ko‘rsatkich 34,6 foizgacha pasayishi prognoz qilinmoqda. Qishloq aholisi...

BMW kompaniyasi uzoq kutilgan X8 modeli o‘rniga XM gibrid yo‘ltanlamasini ishlab chiqarishga qaror qildi. Carbuzz nashrining xabariga ko‘ra, bu o‘zgarish COVID-19 pandemiyasi va bozorda talab ortishi bilan bog‘liq.

BMW X8 haqidagi ilk xabarlar 2017-yilda paydo bo‘lgan edi. O‘shanda kompaniyaning rivojlanish bo‘limi rahbari Klaus Fryolix X7 modelidan yuqoriroq turuvchi, Xitoy kabi bozorlar uchun mo‘ljallangan o‘zgacha xarakterga ega avtomobil uchun joy borligini ta’kidlagan. Biroq 2020-yilga kelib, Project Rockstar deb nomlangan X8 M loyihasi to‘liq M seriyasidagi XM modeliga aylantirildi.

Ushbu qaror ortida BMW iM superkarining bekor qilinishi turibdi. Afsonaviy M1 vorisi sifatida ko‘rilgan ushbu avtomobil pandemiyasi davridagi iqtisodiy xatarlar va bozorning...

Mercedes-Benz kompaniyasining yangi Mercedes-Benz VLE global taqdimot arafasida namoyish etildi. Bu haqda CarNewsChina xabar bermoqda. Modelning rasmiy debyuti 10-mart kuni bo‘lib o‘tishi rejalashtirilgan.

Xitoyda ishlab chiqariladigan Mercedes-Benz VLE Fujian Mercedes-Benz zavodida yig‘iladi. Ushbu avtomobil brendning yangi VAN.EA elektr platformasida qurilgan ilk model bo‘ladi. Keyinchalik VLS nomli yana bir seriya ham taqdim etilishi kutilmoqda.

VLE 800 voltli elektr arxitekturaga ega bo‘lib, old yoki to‘liq uzatma variantlarida taklif etiladi. Salon sig‘imi 8 o‘rindig‘igacha yetadi. Model oilaviy va yo‘lovchi tashishga mo‘ljallangan keng funksional interyer bilan jihozlanadi.

Dizayn jihatidan VLE Mercedes-Benz’ning so‘nggi uslubini olgan. Old qismida yopiq panjara, yoritiladigan kontur va uch nurlik...

General Motors avtomobillar uchun yangi karta-kalit tizimini joriy qila boshladi. GM Authority’ga ko‘ra, bu karta hamyon o‘lchamida bo‘lib, odatiy kalit pulti o‘rnini to‘liq bosmaydi, balki zaxira kalit sifatida ishlatiladi.

Karta yordamida avtomobilni yopish, ochish va ishga tushirish mumkin. Buning uchun kartani haydovchi eshigi tutqichidagi yoki B-ustundagi maxsus sensorga tekkizish kifoya. Avtomobil ochilgach, uni ishga tushirish uchun ikki daqiqa vaqt beriladi. Agar vaqt o‘tsa, kartani yana bir bor tekkizish talab etiladi.

GM bu yechimni telefon orqali ishlaydigan raqamli kalitdan alohida ko‘radi. Raqamli kalit smartfonni asosiy kalitga aylantirishga qaratilgan. Karta-kalit esa kalit pult uyda qolib ketgan holatlar uchun qulay zaxira vosita...

Ispaniyaning Barselona shahri yaqinidagi Jelida hududida mudhish temiryo‘l halokati yuz berdi. Harakatlanayotgan shahar atrofida qatnovchi poyezd ustiga himoya devori qulab tushishi oqibatida poyezd mashinisti voqea joyida hayotdan ko‘z yumdi.

Favqulodda vaziyatlar xizmati xabariga ko‘ra, hodisa Barselonadan taxminan 40 km g‘arbda sodir bo‘lgan. Kuchli bo‘ron sababli katta beton devor aynan poyezd o‘tib ketayotgan vaqtda temiryo‘l iziga qulagan. Asosiy zarba tarkibning birinchi vagoniga to‘g‘ri kelgan.

Halokat natijasida jami 37 nafar kishiga tibbiy yordam ko‘rsatilgan. Ulardan 5 nafarining ahvoli og‘ir deb baholanmoqda, qolganlar yengil jarohat olgan. Qutqaruvchilar majaq bo‘lib ketgan vagondan bir nafar yo‘lovchini maxsus uskunalarsiz chiqarib olishning imkoni bo‘lmaganini ta’kidlashdi.

Bu...

Xovosda fermer xo‘jaliklari yer maydonlari to‘liq olib qo‘yilishi mumkinligi haqidagi xabarlar jamoatchilikda keskin muhokamalarga sabab bo‘ldi. Ayrim fermerlar majburiy bosim bo‘layotganini aytmoqda. «O‘zagroinspeksiya» bu masala yuzasidan Kursiv Uzbekistan so‘roviga izoh berdi.

Fermerlar nima deydi?

Kursiv Uzbekistan bilan suhbatlashgan Xovos tumanidagi fermer xo‘jaliklaridan birining rahbari vaziyat keskinlashganini tasdiqladi. Uning so‘zlariga ko‘ra, 30-dekabr kuni tuman fermerlariga viloyat hokimi tomonidan yer maydonlari to‘liq olib qo‘yilishi rejalashtirilayotgani og‘zaki tarzda yetkazilgan.

Shundan so‘ng fermerlarning aytishicha, har kuni turli idoralar vakillaridan iborat ishchi guruhlar ularning uylariga kelishni boshlagan. Ular orasida viloyat prokuraturasi, ichki ishlar organlari, Majburiy ijro byurosi, soliq idoralari va boshqa tashkilotlar vakillari...

Kanada bosh vaziri Mark Karni Pekin bilan Xitoy elektr transport vositalarini Kanadaga pasaytirilgan tarif stavkalari bo‘yicha import qilishga ruxsat beruvchi kelishuvni e’lon qildi. Bu haqda CBC xabar berdi.

Kelishuvga ko‘ra, Kanada dastlab 49 mingtagacha Xitoy elektromobillarini 6,1 foizli tarif bo‘yicha import qilishga ruxsat beradi. Kelishuvning boshlanish sanasi hali ma’lum emas. Kanada hukumatining ma’lumotlariga ko‘ra, ushbu chora Xitoy bilan savdoni rag‘batlantirishga qaratilgan va o‘zaro tariflarni pasaytirishni nazarda tutadi: Xitoy kanola uchun bojlarni, Kanada esa Xitoyda ishlab chiqarilgan elektromobillar uchun bojlarni kamaytiradi.

Ushbu kelishuv AQSh prezidenti Donald Tramp Xitoy elektr transport vositalari ishlab chiqaruvchilariga zavodlar qurish va amerikalik ishchilarni ishga olish...

Italiyaning Ferrari kompaniyasi o‘zining Tailor Made dasturi doirasida maxsus buyurtma asosida tayyorlangan eksklyuziv 12Cilindri modelini namoyish qildi.

Avtomobilning eng diqqatga sazovor jihati uning Yoonseul deb nomlangan noyob bo‘yog‘idir. U yorug‘lik tushish burchagiga qarab yashil, ko‘k va binafsha ranglarda tovlanadi. Dizaynerlar ushbu rangni yaratishda Seul shahrining tungi neon chiroqlari va koreys seladon kulolchiligidan ilhomlangan.

Bu rang Ford Mustang Cobra modellaridagi mashhur Mystichrome bo‘yog‘ini eslatadi. Texnik jihatdan model 6,5 litrli V12 dvigateli bilan jihozlangan bo‘lib, uning bazaviy narxi $467 mingdan boshlanadi. Biroq ushbu maxsus nusxaning narxi oshkor etilmagan.

Avvalroq Kursiv Uzbekistan Ferrari Yangi yil munosabati bilan rangini o‘zgartirgani haqida xabar...

Janubiy Amerika General Motors (GM) rahbari lavozimiga Tomas Ovsiyanskini tayinlandi. Bu haqda GMAutority ma’lum qilindi.

Yangi tayinlov avvalgi mintaqaviy rahbar Santyago Chamorro kompaniyadagi 32 yillik faoliyatidan so‘ng lavozimini tark etganidan ikki oy o‘tib amalga oshirildi. Tomas Ovsiyanski 1-fevraldan boshlab General Motors’ning Janubiy Amerikadagi faoliyatiga rahbarlik qiladi.

GM Global bozorlari bo‘yicha ijrochi vitse-prezidenti Rori Xarvining aytishicha, Ovsiyanski turli bozorlarda samarali boshqaruv tajribasiga ega va mintaqaning salohiyatini yaxshi biladi. Uning fikricha, Janubiy Amerika mustahkam sanoat bazasi va katta o‘sish imkoniyatlariga ega bo‘lib, yangi rahbar ushbu imkoniyatlarni to‘liq ishga soladi.

Kompaniya ushbu tayinlovni Janubiy Amerikadagi yirik investitsiyalar, Chevrolet brend portfelini yangilash va...

Netflix kompaniyasi Warner Bros. Discovery mediaxoldingini sotib olish bo‘yicha kelishuv shartlarini qayta ko‘rib chiqdi. Endilikda kompaniya avvalgi aralash to‘lov usulidan voz kechib, butun summani naqd pul ko‘rinishida to‘lash majburiyatini olmoqda.

Yangi kelishuvga ko‘ra, Netflix xarid uchun jami $82,7 mlrd sarflaydi va bu mablag‘ to‘liq pul o‘tkazmalari orqali qoplanadi. Eslatib o‘tamiz, avvalroq striming servisi summaning 84 foizini pul, qolgan 16 foizini esa o‘z aksiyalari hisobidan to‘lashni taklif qilgan edi.

Ushbu o‘zgarishga asosiy sabab sifatida Paramount tomonidan bo‘layotgan raqobat ko‘rsatilmoqda. Paramount ham Warner Bros aksiyadorlarini o‘z tomoniga og‘dirishga urinmoqda va u ancha yuqori summa $108 mlrd taklif qilgan. Biroq Netflix o‘z...

Adliya vazirligi Markaziy bank bilan birgalikda Kredit va to‘lov tashkilotlari, to‘lov tizimi operatorlari tomonidan jismoniy shaxslarga masofadan moliyaviy xizmatlar ko‘rsatishda axborot xavfsizligi va kiberxavfsizlikni ta’minlash hamda frod holatlarining oldini olish bo‘yicha minimal talablar to‘g‘risidagi nizomni davlat ro‘yxatidan o‘tkazdi.

Unga ko‘ra, kredit tashkiloti frod holati natijasida nomiga onlayn kredit rasmiylashtirilgan fuqaroga, surishtiruvchi, tergovchi, prokurorning qarori yoki sudning ajrimiga asosan jabrlanuvchi deb e’tirof etilganda, mazkur onlayn kredit va u bilan bog‘liq foizlarni hisoblashni hamda undan undirishni to‘xtatadi. Kredit tashkiloti onlayn kredit ajratishda frod holatini sodir etgan shaxsdan yetkazilgan moddiy zararni regress tartibida undirishi, frod holatiga shubha qilganda qonunchilikda belgilangan tartibda...

O‘zbekistonda 2025-yilning yanvar – dekabr oylarida qariyb 457,9 ming yengil avtomobil ishlab chiqarildi. Milliy statistika qo‘mitasiga ko‘ra, bu ko‘rsatkich 2024-yildagiga nisbatan 6,7 foizga o‘sishni ko‘rsatadi.

Xususan, Tracker ishlab chiqarish 45,9 mingtadan 50,4 mingtagacha, KIA esa 22,1 mingtadan 26,3 mingtagacha oshdi. Shuningdek, Chery – 7,1 mingtadan 9,4 mingtagacha, Haval – 3,3 mingtadan 9,3 mingtagacha va BYD esa 4 mingtadan 20,2 mingtagacha o‘sdi.

Shu bilan birga, Cobalt ishlab chiqarish 164,9 mingtadan 161,2 mingtagacha, Damas 101,9 mingtadan 93,7 mingtaga, Onix – 41,7 mingtadan 33,1 mingtagacha kamaydi. 2024-yilda 12,8 ming dona ishlab chiqarilgan Gentra modeli va jami 6 dona ishlab chiqarilgan LADA modeli...

YouTube’dagi Xurshid Obzor kanali Sergeli avtomobil bozoridagi real savdoni o‘rganib chiqdi. Video asosida Kursiv Uzbekistan ikkilamchi bozordagi narxlar va holat bo‘yicha tahlil tayyorladi.

Sergeli bozorida bugun e’lonlarda ko‘rsatilgan narxlar bilan real savdo orasida sezilarli farq bor. Ko‘plab sotuvchilar yuqori narx qo‘yadi, ammo kelishuv jarayonida bu summalar pasaymoqda. Quyida eng ko‘p uchrayotgan modellarning bozordagi real holati keltiriladi.

Chevrolet Malibu

Chevrolet Malibu bozorda hanuz eng talabgir modellardan biri bo‘lib qolmoqda. 2013-yilgi, o‘rtacha 70 ming km yurgan Malibu’lar e’lonlarda $15 ming atrofida turibdi. Biroq real savdoda bunday avtomobillar $12 – 13 ming oralig‘ida ketmoqda. 2015-yilgi Malibu’lar esa nisbatan qimmatroq. Probegi...

Xitoy va Markaziy Osiyoning besh mamlakati 2025-yilga kelib savdo aylanmasini $100 milliarddan oshirib, yangi tarixiy rekord o‘rnatdi. Bu haqda Xitoy Tashqi ishlar vazirligi vakili Guo Szyakun 19-yanvar kuni bo‘lib o‘tgan matbuot anjumanida ma’lum qildi.

Savdo hajmining bunday ko‘rinishi birinchi marta $100 milliardlik chegaradan oshib, $106,3 milliardga yetdi, bu 2024-yildagiga nisbatan 12 foizga ko‘p va ketma-ket besh yil davomida ijobiy o‘sishni saqlab qoldi.

O‘tgan yili Xitoy birinchi marta Markaziy Osiyo mamlakatlarining eng yirik savdo sherigiga aylandi. Xitoydan eksport hajmi 2024-yilga nisbatan 11 foizga o‘sib, $71,2 milliardni tashkil etdi, bu mexanika va elektrotexnika mahsulotlari, shuningdek, yuqori texnologiyali tovarlar ishlab chiqarishning o‘sishi...

Hindistonda Skoda kompaniyasi Skoda Kushaq modelining 2026-yilgi yangilangan talqinini namoyish qildi. Bu haqda Carcoops xabar bermoqda.

Model ilk bor taqdim etilganiga besh yil bo‘lganini inobatga olsak, restayling kutilgan edi. Eng e’tiborga molik yangilik shundaki, Kushaq endi budjet SUVlar uchun noodatiy bo‘lgan funksiya – orqa o‘rindiqlar massaji bilan jihozlangan. Bunday opsiya odatda Mercedes-Benz S-Class kabi premium avtomobillarda uchraydi.

Yangilangan modelda panoramali tom yanada kattalashtirildi. Salon arxitekturasi asosan saqlanib qolgan, biroq yuqori komplektatsiyalar endi 10,25 dyuymli raqamli asboblar paneli va Google Gemini sun’iy intellekti qo‘llab-quvvatlanadigan 10,1 dyuymli multimedia tizimi bilan ta’minlandi. Avvalgi versiyada asboblar paneli 8 dyuymli edi.

Tashqi dizayndagi o‘zgarishlar...

«Manchester Siti» hujumchisi Erling Holand Championat.Asia portaliga bergan intervyusida jamoadoshi Abduqodir Husanov ingliz tilini o‘rganib olganini aytdi.

«Biz bir-birimiz bilan ingliz tilida muloqot qilamiz. Husa juda yaxshi yigit, u o‘sishni davom ettirishi va qaysi darajadagi futbolchi ekanini isbotlab qo‘yishi kerak», – dedi Holand.

U, shuningdek, Husanov kelajakda «shaharliklar»ga kerak bo‘lishini va o‘zbek futbolchisi yanada mehnat qilishi zarurligini qo‘shimcha qildi. O‘z navbatida, «Manchester Siti» bosh murabbiyi Pep Gvardiola Husanov ingliz tilini tobora yaxshi o‘zlashtirayotganini ta’kidladi.

Sport portal Sofascore Husanovning Norvegiyaga qarshi o‘yindagi o‘yinini o‘nlik tizim bo‘yicha 6,2 ball bilan baholadi.

Avvalroq, Yevropa Chempionlar ligasining...

Pensiya jamg‘armasi my.gov.uz – Yagona interaktiv davlat xizmatlari portali orqali pensiyani naqd pul shakliga o‘tkazish bo‘yicha onlayn xizmatni ishga tushirdi. Bu haqda jamg‘armaning rasmiy sahifasida ma’lum qilindi.

Yangi xizmat orqali pensiya oluvchilar endi tuman yoki shahar pensiya bo‘limlariga borib, ariza topshirishiga hojat qolmaydi. Barcha jarayon masofadan turib, elektron shaklda amalga oshiriladi. Bu esa yoshi katta fuqarolar hamda imkoniyati cheklangan shaxslar uchun sezilarli darajada qulaylik yaratadi.

Xizmatdan foydalanish bepul bo‘lib, qo‘shimcha hujjatlar talab etilmaydi. Pensiyani naqd shaklga o‘tkazish uchun fuqaro my.gov.uz portalida ro‘yxatdan o‘tishi yoki mavjud akkaunti orqali tizimga kirishi, so‘ngra tegishli xizmatni tanlab, elektron ariza yuborishi kifoya. Ariza topshirilgach...

«Toshkent» respublika fond birjasi (RFB)da «O‘zsanoatqurilishbank» ATB va «Ipoteka-bank» ATIBning oddiy aksiyalari bilan savdolar vaqtincha to‘xtatildi. Bu haqda birja rasmiy sahifasida ma’lum qilindi.

Unga ko‘ra, joriy yilning 6-yanvardan 19-yanvargacha bo‘lgan 10 ish kuni davomida birjaning Main Board savdo maydonchasida «O‘zsanoatqurilishbank»ning oddiy aksiyalari narxi 146,28 foizga, «Ipoteka-bank»ning oddiy aksiyalari esa 132,38 foizga oshgan.

Narxlarning keskin o‘sishi sabablarini har tomonlama o‘rganish va tahlil qilish maqsadida Qimmatli qog‘ozlar savdosi qoidalarining 1687-bandiga asosan, 2026-yil 21-yanvardan boshlab har ikki bankning oddiy aksiyalari bilan savdolar vaqtincha to‘xtatildi.

Eslatib o‘tamiz, birjada 30-dekabrdan 9-yanvargacha bo‘lgan davrda «O‘zsanoatqurilishbank»ning oddiy aksiyalari 75,48 foizga, 9-yanvardan 16-yanvargacha bo‘lgan davrda «Ipoteka-bank»ning...

Forbes jurnali tomonidan boyligi $2,2 milliardga baholangan Oaktree Capital Management asoschisi Hovard Marks oltin inflyatsiyadan himoya qilish uchun hech qanday qiymatga ega emasligini aytdi. Bu haqda Business Insider xabar berdi.

Marksning fikricha, oltinning muammosi shundaki, uning haqiqiy narxini aniqlashning iloji yo‘q. U aktivlarni ikki guruhga ajratadi. Bir guruhga pul oqimini keltirib chiqaradigan va kutilgan daromad asosida baholanishi mumkin bo‘lgan aksiyalar, obligatsiyalar va ko‘chmas mulk kiradi. Ikkinchi guruhga pul oqimini keltirib chiqarmaydigan oltin va boshqa muqobil aktivlar kiradi.

Uning so‘zlariga ko‘ra, bunday moddiy aktivlarga investitsiya qilish ma’lum xavflar bilan bog‘liq. Uning eslashicha, 2008-yilning yozida Brent neftining narxi bir barrel...