Yangiliklar

Toshkent shahar Ichki ishlar bosh boshqarmasi 2025-yilda qidiruvga berilgan shaxslar va ular sodir qilgan jinoyatlar bo‘yicha ma’lumot berdi.

O‘tgan yil davomida shahar IIBB, hududiy tizimlar, prokuratura va sud organlari tomonidan 3923 nafar shaxs qidiruvga berilgan, ulardan 2146 nafari qo‘lga olingan.

Jinoyatlar tahliliga ko‘ra, eng ko‘p qidiruvdagi shaxslar firibgarlik bilan bog‘liq jinoyatlarni sodir etgan – 1084 nafar. Shuningdek, o‘g‘irlikda 293, giyohvandlik moddalari bilan bog‘liq jinoyatlarda 143 nafar shaxs qidiruvda bo‘lgan.

Qotillik, og‘ir tan jarohati, odam savdosi va talonchilik kabi jinoyatlar bilan bog‘liq qidiruvdagi shaxslar soni esa nisbatan kam: qotillikda 6, og‘ir tan jarohati yetkazishda 18, odam savdosida 7, talonchilikda...

Qozog‘iston avtomobil bozori 2025-yilni tarixiy natija bilan yakunladi. Yil davomida avtomobil savdosi 14,4 foizga oshib, jami 234,8 ming dona avtomobil sotildi. Bu haqda Kursiv Media nashri xabar berdi.

Qozog‘iston avtomobil ittifoqi ma’lumotiga ko‘ra, yilning mutlaq yetakchisi Chevrolet Cobalt bo‘lib, u mamlakatda eng ko‘p xarid qilingan yengil avtomobilga aylandi va mashhur Xitoyga tegishli krossoverlarni ortda qoldirdi.

31,8 ming dona sotuv natijasi bilan xalq avtomobili sifatida tanilgan Chevrolet Cobalt Hyundai Tucson (20,7 ming dona) va Kia Sportage (qariyb 11 ming dona) modellaridan ancha oldinga chiqdi. Mutaxassislar Cobalt’ning muvaffaqiyatini uning nisbatan arzonligi hamda xaridorlar uchun qulay moliyaviy takliflar bilan izohlamoqda.

2025-yilda Qozog‘istonda...

Apple kompaniyasi o‘z smartfonlarida sun’iy yo‘ldosh orqali 5G aloqasini joriy qilishi kutilmoqda. Ushbu texnologiyani iPhone 18 Pro modellari qo‘llab-quvvatlashi mumkin, deya xabar bermoqda ishonchli insayderlar.

Sun’iy yo‘ldosh orqali 5G aloqasi mavjud iPhone’larda ishlatilgan texnologiyaga o‘xshash, lekin tezligi yuqori va qo‘shimcha imkoniyatlar beradi. Bu orqali foydalanuvchi xabar yuborishi, qo‘ng‘iroq qilishi va internetdan foydalanishi mumkin bo‘ladi.

WCCF Tech ma’lumotiga ko‘ra, funksiya mobil operatorlar orqali ishlaydi. Shuning uchun ba’zi operatorlar qo‘shimcha to‘lov olishi yoki dastlab barcha operatorlar ham xizmatni qo‘llab-quvvatlamasligi mumkin.

Sun’iy yo‘ldosh orqali SOS funksiyasi iPhone 14’dan boshlab mavjud bo‘lib, Apple dastlab uni ikki yil bepul taqdim etishini va’da qilgan...

2025-yil O‘zbekiston banklari uchun moliyaviy jihatdan juda omadli bo‘ldi. Mazkur yil davomida banklar umumiy 15,5 trln so‘m sof foyda oldi, bu 2024-yilgi inqirozli davrga nisbatan 2,3 barobar ko‘pdir.

Tugatilayotgan «Yangi bank»dan tashqari barcha 34 ta bank yilni foyda bilan yakunladi. Ular orasida Infinbank, Uzum Bank, Ziraat bank, Poytaxtbank va TBC Bank o‘tgan yildagiga nisbatan kamroq foyda olgan.

Bir necha yildan beri yetakchi mavqeyini saqlab kelayotgan Milliy bank 1,9 trln so‘m foyda bilan 2025-yilni yana birinchi o‘rinda yakunladi. Kuchli uchlikka SQB (1,88 trln so‘m) va Kapitalbank (1,79 trln so‘m) kirdi.

2024-yilda ikkinchi o‘rinda bo‘lgan Hamkorbank esa 2025-yilda to‘rtinchi o‘ringa...

O‘zbekistonda turizmni rivojlantirish va aviachipta narxlarini arzonlashtirish maqsadida loukoster aviakompaniyalarni jalb etish masalasi muhokama qilinmoqda. Bu haqda 17-yanvar kuni bosh vazir o‘rinbosari Jamshid Xo‘jayev elchilar va tadbirkorlar ishtirokidagi ochiq muloqotda ma’lum qildi.

Uchrashuvda turizm sohasi vakillari tarixiy obidalarga kirish chiptalari qimmatligi sabab sayyohlar ayrim obyektlarni tomosha qilmasdan ketayotganini bildirdi. Qayd etilishicha, Toshkent, Samarqand, Buxoro va Xivadagi 12 – 14 ta tarixiy maskanni ko‘rish uchun sayyohlar $130 – $150 sarflashiga to‘g‘ri kelmoqda. Shuningdek, turistik xizmatlarga 12 foizlik qo‘shimcha qiymat solig‘i qo‘llanilishi ham xarajatlarni oshirmoqda.

Savdo-sanoat palatasi raisi Davron Vahobov mehmonxonalarda yashash narxi ham yuqori ekanini, bir kecha uchun...

Eron rasmiylari mamlakatdagi internet uzilishini yaqin kunlarda bekor qilishi mumkinligini bildirdi. Qaror ichki noroziliklar va hukumat tomonidan kuch ishlatilishi natijasida yuzaga kelgan yirik tartibsizliklardan so‘ng e’lon qilindi, deya yozmoqda Reuters.

Dekabr oxirida boshlangan noroziliklar uch kun davomida ommaviy zo‘ravonlik bilan bostirildi. Tasdiqlangan o‘limlar soni 5 mingdan oshgan, jumladan 500 nafari xavfsizlik kuchlari a’zolari. Eng katta zo‘ravonliklar shimol-g‘arbdagi kurd hududlarida sodir bo‘lgan.

Internet va xalqaro telefon liniyalari yirik noroziliklardan oldin uzib qo‘yilgan edi. Hozirgi paytda internet qisman tiklangan bo‘lib, hukumat nazorati ostida ba’zi xabarlar tarqatilmoqda. Parlamentning Milliy xavfsizlik va tashqi siyosat qo‘mitasi raisi Ebrahim Azizi...

Samsung kompaniyasi ekranda bukilishi deyarli ko‘zga tashlanmaydigan yangi smartfonni ishlab chiqarmoqchi. Bu haqda DealSite xabar berdi.

Koreys giganti bu maqsadda ikki qatlamli ultratin himoya shisha (UTG) displey yaratishni rejalashtirmoqda. Bunday shisha displey panelining yuqori va pastki qismida joylashtiriladi. Bu esa bukilish chizig‘ining kamida 20% kamayishini ta’minlashi kutilmoqda. Ehtimol, ushbu texnologiya Galaxy Z Fold 8 modelida qo‘llanadi.

CES 2026 ko‘rgazmasida kompaniya bukilmas ekranni namoyish qilgan. Texnologiya ancha murakkab va o‘ylanganidan qimmatga tushishi ham mumkin. UTG esa arzonroq va Samsung’ning barcha bukilmas smartfonlarida bir necha yildan beri ishlatiladigan ishonchli material hisoblanadi.

Hozircha ikki qatlamli shishaning ekranning boshqa texnik xususiyatlariga qanday...

Rossiyada faoliyat yuritayotgan o‘zbekistonlik haydovchilarga vaqtinchalik bo‘lish muddati uzaytirilishi rejalashtirilmoqda. Bu haqda 17-yanvar kuni O‘zbekistonning Rossiyadagi Favqulodda va muxtor elchisi Botirjon Asadov elchilar va tadbirkorlar o‘rtasidagi ochiq muloqotda ma’lum qildi.

Unga ko‘ra, hozirda amalda bo‘lgan 90 kunlik muddat yuk mashinasi haydovchilari uchun yetarli emas. Xususan, Farg‘ona viloyatining So‘x tumanida joylashgan va asosan Rossiyaga mahsulot eksport qiluvchi Lazar Natural Fruits Export kompaniyasi vakili haydovchilar belgilangan limitni tezda tugatib qo‘yayotgani va shu sababli Rossiyaga kira olmayotganini bildirgan.

Elchi Asadovning aytishicha, ushbu masala yuzasidan O‘zbekiston Bosh vaziri o‘rinbosari Jamshid Xo‘jayev Rossiya tomoni bilan muzokaralar olib borgan. Natijada Rossiya hukumati Ichki ishlar vazirligiga...

Honor kompaniyasi rasmiy ravishda yangi yupqa va ixcham flagman smartfoni – Honor Magic 8 Pro Air’ni taqdim etdi. Bu haqda ITHome nashri xabar berdi.

Qurilma korpusining qalinligi atigi 6,1 mm bo‘lib, u iPhone Air va Samsung Galaxy S25 Edge’dan biroz qalinroq, ammo farq millimetrlar bilan o‘lchanadi.

Shu bilan birga, smartfon 5500 mA·soat sig‘imli kremniy–uglerodli akkumulyator bilan jihozlangan. Bu ko‘rsatkich Galaxy S25 Ultra va iPhone 17 Pro Max’dagidan ham yuqori. Qurilma 80 Vt simli va 50 Vt simsiz tezkor quvvatlashni qo‘llab-quvvatlaydi.

Honor Magic 8 Pro Air’ning asosiy ustunliklaridan biri – katta batareya, biroq bu yagona yangilik emas. Smartfon yangi avlod...

Birlashgan Arab Amirliklari prezidenti Shayx Muhammad bin Zoid Ol Naḥayon O‘zbekiston Respublikasining ushbu davlatdagi elchisi Abdulaziz Oqqulovni elchilik faoliyati yakunlanishi munosabati bilan Birinchi darajali «Mustaqillik» ordeni bilan taqdirladi. Bu haqda Gulf Today nashri xabar berdi.

Yuksak mukofot BAA Tashqi ishlar vazirligida bo‘lib o‘tgan uchrashuvda Davlat vaziri Said bin Muborak Al-Hajriy tomonidan topshirildi. Suhbat chog‘ida vazir BAA O‘zbekiston bilan barcha sohalarda munosabatlarni mustahkamlashga sodiqligini yana bir bor tasdiqladi.

Shuningdek, Al-Hajriy elchiga kelgusi faoliyatida muvaffaqiyat tilab, uning vakolati doirasida ikki tomonlama aloqalarni rivojlantirishdagi o‘rnini yuqori baholadi. O‘z navbatida, Oqqulov BAA prezidenti va rahbariyatga chuqur minnatdorlik bildirib, mamlakatning jahon miqyosidagi mavqeyini...

AirlineRatings.com portali dunyodagi eng xavfsiz va ishonchli aviakompaniyalar reytingini e’lon qildi. Reyting 320 ta aviakompaniya ma’lumotlari asosida tuzildi.

To‘liq xizmat ko‘rsatuvchi aviakompaniyalar toifasida birinchi o‘rinni Etihad Airways egalladi. Bu Yaqin Sharq aviakompaniyasining mazkur reytingda ilk bor yetakchilikka chiqishi bo‘ldi. Kompaniya parvozlar boshiga eng kam hodisalar qayd etilgani va turbulensiyaga qarshi zamonaviy texnologiyalarni joriy qilgani bilan ajralib turdi.

Quyida eng xavfsiz 25 ta to‘liq xizmat ko‘rsatuvchi aviakompaniyalar ro‘yxati keltirilgan:

Loukoster aviakompaniyalar reytingida ikkinchi yil ketma-ket birinchi o‘rinni HK Express egalladi. Shuningdek, bu yil ilk bor Spring Airlines aviakompaniyasi TOP-25 ro‘yxatdan joy oldi.

Quyida eng xavfsiz 25 ta budjet aviakompaniyalar...

Bugun, 19-yanvar kuni Shavkat Mirziyoyevga aholini va qishloq xo‘jaligini ro‘yxatga olish tadbirlarini tashkil etish hamda o‘tkazish bo‘yicha amalga oshirilayotgan ishlar yuzasidan axborot berildi. Bu haqda prezident matbuot xizmati xabar berdi.

Ro‘yxatga olish joriy yilning 15-yanvaridan 28-fevraligacha ikki bosqichda o‘tkazilmoqda. Birinchi bosqich 15 – 31-yanvar kunlarini qamrab olib, bu davrda fuqarolar maxsus axborot tizimi orqali onlayn ro‘yxatdan o‘tishi mumkin. Ikkinchi bosqich esa 4 – 28-fevral kunlari bo‘lib, unda mahalla yettiligi xodimlari uyma-uy yurib, savolnomalarni planshet qurilmalari orqali to‘ldiradi.

Ro‘yxatga olish jarayonlari census.stat.uz portali orqali amalga oshiriladi va OneID tizimi yordamida identifikatsiya qilinadi. Barcha ma’lumotlar geoaxborot tizimi asosida monitoring qilinmoqda...

Davlat idoralarida ko‘p yillik samarali mehnati, milliy adabiyot va madaniyat rivojiga qo‘shgan ulkan hissasi uchun prezident maslahatchisi – spichrayter Xayriddin Madriddinovich Sultonov «O‘zbekiston Respublikasi xalq yozuvchisi» faxriy unvoni bilan taqdirlandi. Bu haqda prezident matbuot xizmati xabar berdi.

Unga ko‘ra, Xayriddin Sultonov o‘zining betakror iste’dodi va serqirra ijodiy faoliyati bilan xalqimiz badiiy tafakkuri, ma’naviy-intellektual salohiyatini yuksaltirishga munosib hissa qo‘shib kelmoqda. Uning tarixiy va zamonaviy mavzulardagi yorqin asarlari o‘zbek adabiyoti xazinasini boyitgan.

Shuningdek, u respublikada amalga oshirilayotgan islohotlar mohiyatini aholi o‘rtasida keng targ‘ib etish, yosh avlodni Vatanga muhabbat va istiqlol g‘oyalariga sadoqat ruhida tarbiyalash borasida ham faol ish olib borgan. Ijtimoiy-siyosiy...

Grenlandiya atrofidagi vaziyat tufayli xavfsiz aktivlarga talabning ortishi fonida 19-yanvar kuni oltin va kumush narxlari rekord qayd etdi. Bu haqda Reuters xabar berdi.

Savdogarlar AQSh prezidenti Donald Trampning Grenlandiyaga bo‘lgan da’volari bo‘yicha bosimining kuchayishi AQSh va Yevropa o‘rtasida yirik savdo urushini keltirib chiqarishidan xavotirda. Oltinning spot narxi Toshkent vaqti bilan soat 12:30 da 1,6 foizga o‘sib, bir unsiya uchun 4670,47 dollarni, kumush esa 3,4 foizga o‘sib, bir unsiya uchun $93,17 ni tashkil etdi. Sessiya davomida oltin narxi rekord darajadagi unsiya uchun $4690,59 ga, kumush esa bir unsiya uchun $94,12 ga yetdi.

17-yanvar kuni kuni Tramp Daniya va Grenlandiyani...

Pokistonning Karachi shahrida joylashgan Gul Plaza savdo markazida sodir bo‘lgan yirik yong‘in oqibatida kamida 19 kishi halok bo‘ldi. Bu haqda Reuters agentligi xabar bermoqda.

Shanba kuni kechqurun boshlangan yong‘in 24 soatdan ortiq vaqt davomida 1,2 mingta do‘kon joylashgan majmuani o‘z domiga tortdi. Dushanba kuniga kelib bino konstruksiyalarining katta qismi qulab tushdi, bu esa beqaror vayronalar orasida ishlayotgan qutqaruvchilar faoliyatini qiyinlashtirmoqda.

«Alkhidmat» ofatlarni boshqarish agentligi vakili Sarfraz Shayxning so‘zlariga ko‘ra, binodan tirik qolganlarni topish imkoniyati deyarli mo‘jizaga teng. Fojia joyida to‘plangan yuzlab odamlar yaqinlaridan xabar kutmoqda, do‘kon egalari esa yigirma yillik mehnatlari bir kechada kulga aylanganidan shikoyat qilmoqda.

Sind provinsiyasi...

Yevropada Toyota RAV4’ning oltinchi avlodi savdoga chiqarildi. Speedme’ga ko‘ra, model Toyota brendidagi eng yirik va eng ko‘p sotiladigan SUV hisoblanadi.

Yangi avlodda dizayn, raqamli texnologiyalar va gibrid tizimlar sezilarli darajada yangilandi, ayniqsa PHEV (zaryadlanadigan gibrid) versiyasi to‘liq qayta ishlangan.

Yangi RAV4 2026 Hammerhead dizayn uslubida yaratilgan bo‘lib, avtomobil tashqi ko‘rinishda yanada keng, massiv va sport ko‘rinishga ega bo‘ldi. GR Sport to‘plami esa dizayndagi sport ruhini kuchaytiradi.

Salon to‘liq raqamlashtirilgan: 12,3 dyuymli elektron panel, 12,9 dyuymli markaziy ekran va proyeksion displey mavjud.

Avtomobil uzunligi 4,59 metr bo‘lib, saloni, ayniqsa orqa o‘rindiqlar qatori kengaygan. Texnik jihatdan, gibrid versiya...

Butun dunyo bo‘ylab milliarderlarning boyligi 2025-yilga kelib $2,5 trillionga oshib, yangi rekord ko‘rsatkichni qayd etdi. Bu haqda Oxfam xayriya tashkilotlari birlashmasining 19-yanvar kuni e’lon qilingan yillik hisobotida keltirilgan.

Hujjat Shveysariyaning Davos shahrida bo‘lib o‘tadigan Jahon iqtisodiy forumi (WEF) boshlanishiga bag‘ishlangan. Tashkilotning hisob-kitoblariga ko‘ra, milliarderlarning umumiy boyligi 2020-yil mart oyidan beri 81 foizga o‘sib, $18,3 trillion (15,8 trillion yevro)ga yetdi. Oxfam ta’kidlaganidek, sayyoradagi eng boy odam bo‘lgan Ilon Mask to‘rt soniyada global o‘rtacha yillik daromadga teng daromad oladi.

Bundan tashqari, hisobotda insoniyatning deyarli yarmi qashshoqlikda yashayotgani ko‘rsatilgan. Bu global boylikning atigi 0,52 foizini tashkil qiladi, o‘ta boy 1 foizga...

O‘zJOKU rektori Sherzodxon Qudratxo‘ja global xavfsizlikdagi o‘zgarishlar va ehtimoliy tahdidlar sharoitida kuchli davlatlar ilm-fan va fundamental tadqiqotlarga tayanishini aytdi. Uning ta’kidlashicha, iqtisodiyoti va ilmiy bazasi yetarli bo‘lgan davlatlar, zarurat tug‘ilsa, xavfsizlik masalasida yadroviy choralar haqida ham o‘ylashga majbur bo‘ladi.

«Nimaga Isroilda bor? Nega Eronda va endi bor deyishadi? Nimaga O‘zbekistonda bo‘lmasligi kerak? Va bu dunyoda, kechirasizlar, o‘sha kuch markazlarini nima qiladi. Men o‘ylayman, agarda O‘zbekiston juda xohlasa, O‘zbekistonda biz nima qilishimiz kerak? Fundamental fanni rivojlantirishimiz kerak», – deya qayd etgan rektor.

Eslatib o‘tamiz, Kursiv Uzbekistan nashri Alisher Qodirov maktabni tugatganlarni 1,5 yillik armiyaga yuborishni...

Qozog‘istonning Olmaota viloyatidagi ko‘p tarmoqli klinik shifoxonasida multiorgan donorlik jarayoni amalga oshirildi. 1979-yilda tug‘ilgan va miya o‘limi qayd etilgan bemorning yaqinlari roziligi bilan uning a’zolari transplantatsiya uchun olindi. Bu haqda Qozog‘iston Sog‘liqni saqlash vazirligi matbuot xizmati xabar bermoqda.

Shifokorlar konsiliumi xulosasiga ko‘ra bemorda miya o‘limi tasdiqlangach, uning qarindoshlari o‘limdan keyingi donorlikka ruxsat berishgan. Jarayon Transplantatsiya va yuqori texnologiyali tibbiy xizmatlarni muvofiqlashtirish bo‘yicha respublika markazi tomonidan tashkillashtirildi. Donordan ikkita buyrak, yurak, jigar va ko‘z shox pardalari olinib, zudlik bilan ixtisoslashtirilgan tibbiyot muassasalariga yetkazilgan.

Barcha organlarni, jumladan, yurak, jigar, buyraklar va shox pardalarni ko‘chirib o‘tkazish amaliyotlari muvaffaqiyatli yakunlandi. Natijada respublika kutish...

Shavkat Mirziyoyev nomiga Donald Trampdan Yaqin Sharqda tinchlikni mustahkamlash va mojarolarni hal etishga qaratilgan xalqaro tashabbusga qo‘shilish bo‘yicha rasmiy taklif yuborildi. Bu haqda prezident matbuot xizmati xabar berdi.

Maktubda ushbu tashabbus 2025-yil 29-sentabrda e’lon qilingani, u jahon yetakchilari tomonidan qo‘llab-quvvatlangani hamda BMT Xavfsizlik Kengashining 2025-yil 17-noyabrdagi 2803-sonli rezolyutsiyasi bilan ma’qullangani qayd etilgan. Tashabbus G‘azodagi mojaroni tugatishga qaratilgan kompleks reja asosida ishlab chiqilgan.

Asosiy maqsad uzoq muddatli tinchlik va barqarorlikni ta’minlash uchun mas’uliyatni o‘z zimmasiga olishga tayyor davlatlarni birlashtiruvchi yangi xalqaro tuzilma – Tinchlik kengashini tashkil etishdan iborat.

AQSh tomoni O‘zbekistonni ushbu Tinchlik kengashiga ta’sischi davlat sifatida qo‘shilishga taklif qildi...

Xitoyning sharqidagi Futszyan provinsiyasi qirg‘oqlari yaqinidagi suvlarda noyob 20 megavattli dengiz shamol turbinasi muvaffaqiyatli o‘rnatildi. Bu haqda IFR Energy xabar berdi.

Bu global qayta tiklanadigan energiya sanoati uchun yana bir muhim bosqich bo‘lib, Xitoyning shamol energiyasi sohasidagi texnologik yetakchiligini namoyish etadi. Turbinaning barcha asosiy komponentlari mahalliy sharoitda ishlab chiqilgan.

Xitoyda loyihalashtirilgan va qurilgan dunyodagi birinchi 20 megavattli turbina o‘nta futbol maydoniga teng maydonni egallagan uchta 147 metr uzunlikdagi parraklarga ega. Turbinaning rotori dengiz sathidan 174 metr balandlikda joylashgan bo‘lib, uni o‘rnatish 2000 tonnalik suzuvchi kran yordamida amalga oshirilgan.

Turbina Futszyan provinsiyasi qirg‘og‘idan taxminan 30 kilometr uzoqlikda, 40 metrdan...

LUXYAUTO YouTube-kanalida Chevrolet Matiz 2026 modelidagi o‘zgarishlar haqida sharh e’lon qilindi. Asosiy xulosa shuki, bu endi mutlaqo yangi model. Arzon va sodda avtomobil o‘rniga Matiz 2026 zamonaviy, texnologik va gibrid kuch qurilmasiga ega shahar avtomobiliga aylangan.

Dizayn

Bir qarashdayoq tashqi ko‘rinishdagi o‘zgarishlar ko‘zga tashlanadi. Matiz 2026 keskinroq chiziqlar, zamonaviy optika va yanada «kattaroq» ko‘rinishga ega siluet oldi. A-klassi uchun dizayn ancha dadil. Avtomobil endi utilitar emas, balki shaharda uslubli tanlov sifatida namoyon bo‘ladi.

Gibrid dvigatel

Asosiy yangilik bu gibrid kuch qurilmasi. Oldingi benzinli versiyalar bilan solishtirganda bu sezilarli qadam. Yoqilg‘i sarfi pasaydi. CO₂ chiqindilari kamaydi. Shahar sharoitida...

Ispaniyaning Kordova provinsiyasida, Adamuz shahri yaqinida yuz bergan yirik temiryo‘l halokati qurbonlari 39 kishiga yetdi. Rasmiylar qidiruv-qutqaruv ishlari davom etayotganini va qurbonlar soni o‘zgarishi mumkinligini bildirmoqda.

Dastlabki ma’lumotlarga ko‘ra, Malaga – Madrid yo‘nalishida harakatlanayotgan Iryo kompaniyasiga qarashli poyezd relsdan chiqib ketgan va qarama-qarshi yo‘nalishdagi yo‘lga o‘tib qolgan. Oqibatda u yerda harakatlanayotgan Madrid – Uelva yo‘nalishidagi Renfe davlat poyezdi bilan to‘qnashuv yuzaga kelgan.

Rasmiylar hozirga qadar kamida 39 kishi halok bo‘lganini tasdiqladi, ular orasida poyezd mashinisti ham bor. Shuningdek, 70 dan ortiq yo‘lovchilar turli darajadagi tan jarohatlari olgan. Fojia sababli Madrid va Andalusiya o‘rtasidagi mamlakatning eng gavjum temiryo‘l yo‘laklaridan birida harakat...

20-yanvar uchun valyutalar kursi yangilandi. Unga ko‘ra, dollar 88,93 so‘mga oshib, 12 050 so‘mni tashkil etdi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.

Dollarning so‘nggi kunlardagi o‘zgarishi

13-yanvarda 32,37 so‘mga pasayib, 12 099,18 so‘m, 14-yanvarda 51,14 so‘mga pasayib, 12 048,04 so‘m, 15-yanvarda esa 46,33 so‘mga pasayib, 12 001,71 so‘m etib belgilandi. 16-yanvar kuni ham dollar pasayishda davom etib, 11 969,66 so‘mni tashkil etdi. 19-yanvarda dollar 6,88 so‘mga pasayib, 11 962,78 so‘m etib belgilandi.

Markaziy bank ma’lumotlariga ko‘ra, yevro 121,32 so‘mga oshib, 14 008.91 so‘mni, rubl 0,71 so‘mga oshib, 154,69 so‘mni tashkil qildi.

Eslatib o‘tamiz, Kursiv Uzbekistan...