Yangiliklar

2025-yilning 11 oyi yakunlariga ko‘ra, O‘zbekiston Gruziyadan reeksport qilinayotgan avtomobillar bo‘yicha eng tez o‘sayotgan yo‘nalishlardan biri sifatida qayd etildi. Bu haqda Gruziya Milliy statistika xizmati ma’lumotlariga tayanib Kazinform agentligi xabar berdi.

Manbaga ko‘ra, import hajmi mazkur davr mobaynida $72 mlnlik yengil avtomobillar yetkazib berilgan. Yuqoridagi ko‘rsatkich o‘tgan yilga nisbatan besh barobardan ko‘proq oshganini tasdiqlaydi. O‘zbekiston Gruziyadan avtomobil reeksporti bo‘yicha Markaziy Osiyodagi eng faol bozorlardan biriga aylandi.

Avtomobillar soni bo‘yicha yetakchilikni Qozog‘iston egalladi. Ushbu davlatga 41,6 mingta avtomobil import qilindi. Yetkazib berishlarning umumiy qiymati $735 mlnni tashkil etdi. Pul ifodasida eng yirik importyor sifatida Qirg‘iziston yetakchilikni saqlab qoldi. Bu davlatga...

Pokiston Liviya Milliy armiyasiga $4 mlrddan ortiq qiymatdagi harbiy texnika sotish bo‘yicha kelishuvga erishdi. Bu haqda Reuters agentligi ma’lum qildi.

Kelishuv Pokiston harbiy boshlig‘i Field Marshal Asim Munir va Liviya Milliy armiyasi bosh qo‘mondonining o‘rinbosari Saddam Xalifa Haftar o‘rtasida Benghazi shahrida bo‘lib o‘tgan uchrashuvdan so‘ng yakunlandi. Kelishuv doirasida LNAga 16 dona JF-17 ko‘p vazifali jangovar samolyoti va 12 dona Super Mushak o‘quv samolyoti sotib beriladi.

Kelishuv quruqlik, dengiz va havo harbiy texnikalarini o‘z ichiga oladi va 2,5 yil davomida amalga oshiriladi. Kelishuv qiymati $4-4,6 mlrd atrofida baholanmoqda.

Eslatib o‘tamiz, avvalroq Pokiston sobiq bosh vaziri Imron Xon va uning...

Turkiya Superligasining 17-turi doirasida «Bashakshehir» o‘z maydonida «Gaziantep» ustidan 5:1 hisobida g‘alaba qozondi. Uchrashuvda to‘liq harakat qilgan o‘zbekistonlik futbolchilar Eldor Shomurodov va Abbosbek Fayzullayev raqib darvozasini ishg‘ol qilib, jamoa muvaffaqiyatiga katta hissa qo‘shishdi.

O‘yin davomida Abbosbek Fayzullayev yuqori faollik ko‘rsatdi va «Sofascore» portali tomonidan uchrashuvning eng yaxshi futbolchisi (9,3 ball) deb topildi. U 90 daqiqa ichida 51 marta to‘pga tegindi, 24 ta uzatmadan 20 tasini aniq amalga oshirdi va 15 ta yakkakurashdan 9 tasida g‘olib chiqi. Fayzullayev yo‘llagan 4 ta zarbaning 2 tasi darvozaga aniq bordi va ulardan biri golga aylandi.

Eldor Shomurodov ham samarali o‘yin namoyish...

23-dekabr yig‘ilish va muloqot belgisi ostida o‘tadi. Kun aniq so‘zlar, o‘z vaqtida qilingan tanaffuslar va boshqalar bilan birgalikda harakat qilish qobiliyati haqida. 23-dekabr, seshanba kuni uchun munajjimlar bashoratini taqdim etamiz.

Qo‘y (21.03 – 20.04)

Jamoangizdagi mavqeingizni mustahkamlash uchun ko‘p harakat qiling, bu albatta o‘z samarasini beradi. Ko‘plab hamkasblar sizning tinimsiz mehnatingiz va kasbiy mahoratingizga yuqori baho berib, hurmatingizni yana da oshirishadi. Lekin muhabbat masalasida oilasizlar bo‘lar-bo‘lmas odamlardan maslahat so‘rashdan tiyiling. Bu sohada o‘zingiz harakat qilib, munosabatlarni yangi bosqichga olib chiqishingiz kerak bo‘ladi.

Buzoq (21.04 – 20.05)

Bugun hamkasblar professional yondashuvingizni yuqori baholashadi. Ishda rejali harakat qilganlarni omad quchadi...

Tijorat banklari 23-dekabr kuni xorijiy valyutalarni ayirboshlash kurslarini yangiladi. Kursiv Uzbekistan eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Eslatib o‘tamiz, avvalroq Kursiv Uzbekistan hafta davomida dollar qanday o‘zgargani haqida yozgan edi. 

AQSh ma’muriyati milliy xavfsizlik bilan bog‘liq xavotirlar sabab beshta yirik dengiz bo‘yidagi shamol energetikasi loyihasini to‘xtatdi. Bu haqda Reuters agentligi ma’lum qildi.

AQSh Ichki ishlar vazirligi bayonotiga ko‘ra, qaror Pentagonning murojaatlari asosida qabul qilingan. Pentagon katta turbina qanotlari va ularni ushlab turuvchi minoralar radar tizimlariga xalaqit berib, xavfsizlik tahdidlarini aniqlashni qiyinlashtirishi mumkinligini bildirgan.

Bu chora federal idoralarga loyiha egalari va shtat hamkorlari bilan birgalikda xavflarni kamaytirish imkoniyatlarini baholashga imkon yaratadi. Ichki ishlar vaziri Dag Burgum AQSh hukumatining asosiy vazifasi aholining xavfsizligini ta’minlash ekanini ta’kidladi.

Mazkur qaror Orstedning Revolution Wind va Sunrise Wind, Avangrid va Copenhagen Infrastructure Partners’ning Vineyard...

Xiaomi 17 Ultra rasman taqdim etilishidan oldin kamerasi bilan e’tibor markaziga tushdi. Kompaniya rahbariyati qurilma haqida dastlabki tafsilotlarni ochiqladi. Internetda smartfon dizayni va uning asosiy kamerasida olingan tungi surat paydo bo‘ldi.

Qurilmaning tashqi ko‘rinishini Xiaomi Group vitse-prezidenti Syu Fey namoyish qildi. Dizayn jihatidan Xiaomi 17 Ultra avvalgi 15 Ultra modeliga yaqin. Smartfon orqa panelining yuqori markazida joylashgan katta dumaloq kamera bloki bilan ajralib turadi.

Asosiy kamerada olingan tungi suratni kompaniya bosh direktori Lei Jun Weibo ijtimoiy tarmog‘ida e’lon qildi. Surat parametrlari f/1,67 diafragma, ISO 64 va 1/50 ekspozitsiya bilan olinganini ko‘rsatmoqda. Kadr pastidagi ma’lumotlar Xiaomi va Leica o‘rtasidagi hamkorlik...

Toshkent viloyatining Ohangaron tumanida ikki nafar shaxs Nexia-3 avtomashinasida umumiy qiymati 62,5 mln so‘mlik chet elda ishlab chiqarilgan pirotexnika buyumlarini olib kelayotganida qo‘lga olindi. Bu haqda Bosh prokuratura departamenti ma’lum qildi.

Unga ko‘ra, avtomashinada 1440 quti «Britanik», 1350 quti «Mikki-Maus», 48 dona «7-shots» hamda 16 dona «Karelevskiy» kabi pirotexnika vositalari topildi. Ular ushbu buyumlarni Toshkent shahrida sotish maqsadida bo‘lgan. Huquqni muhofaza qiluvchi organlar xodimlar mazkur pirotexnika vositalarini ashyoviy dalil sifatida rasmiylashtirdi.

Holat yuzasidan Jinoyat kodeksining 250-1-moddasi bilan jinoyat ishi qo‘zg‘atilib, materiallar tuman prokuraturasiga yuborilgan.

Eslatib o‘tamiz, avvalroq G‘ijduvonda davlat zaxirasidagi yerlarni noqonuniy sotgan shaxslar ushlangan edi.

Samsung kompaniyasining Galaxy S Ultra seriyasi Android olamida eng yuqori darajadagi smartfonlar qatoriga kiradi. Ushbu qurilmalar har yili nafaqat kompaniyaning, balki butun bozorning texnologik yo‘nalishini belgilab beradi. Bugun xaridor oldida murakkab tanlov turibdi. Maqolada Samsung Galaxy S24 Ultra va Galaxy S25 Ultra modelllari tahlil qilinadi.

Samsung Galaxy S24 Ultra: sun’iy intellekt davri uchun mustahkam asos

2024-yil boshida taqdim etilgan Galaxy S24 Ultra butun Ultra liniyasi uchun yangi bosqichni boshlab berdi. Aynan shu model keyingi yillardagi dizayn, texnologiya va funksional yondashuvning asosiga aylandi.

Dizayn va ekran

Galaxy S24 Ultra deyarli to‘liq tekis ekran bilan jihozlangan ilk Ultra-smartfon bo‘ldi...

Buxoro viloyatining G‘ijduvon tumanida davlat zaxirasidagi yer maydonlarini sotish bilan bog‘liq firibgarlik holati fosh etildi. Bu haqda Bosh prokuratura departamenti ma’lum qildi.

G‘ijduvon tumanida shaxslar o‘zaro til biriktirib, ikki nafar fuqaroning ishonchiga kirgan hamda «Paxtaobod» MFY hududida joylashgan 10 sotix davlat zaxirasidagi yer maydonini go‘yoki o‘zlariga tegishli ekanini aytgan. Shu tariqa ular yerning 4 sotixini bir shaxsga, 6 sotixini esa boshqa shaxsga sotishga kelishgan.

Mazkur harakatlar natijasida gumonlanuvchilar jabrlanuvchilardan jami 25 mln so‘m pul mablag‘ini firibgarlik yo‘li bilan qo‘lga kiritgani aniqlandi. Tekshiruv jarayonida ushbu mablag‘ning 15 mln so‘mi qaytarilib, bu holat protsessual tartibda rasmiylashtirildi.

Holat yuzasidan Jinoyat kodeksining...

Oxford Insights xalqaro tahlil markazi tomonidan e’lon qilingan sun’iy intellektga tayyorgarlik indeksi (AI Readiness Index) natijalariga ko‘ra, O‘zbekiston so‘nggi ikki yil ichida o‘z o‘rnini 25 pog‘onaga yaxshiladi.

Xususan, mamlakat 2023-yilda ushbu indeksda 87-o‘rinni egallagan bo‘lsa, 2024 yilda 70-o‘ringa ko‘tarilgan. 2025-yil yakunlariga ko‘ra esa O‘zbekiston yana 8 pog‘ona yuqorilab, 62-o‘rinni qayd etdi.

Ma’lumot uchun, AI Readiness Index davlatlarning sun’iy intellekt texnologiyalarini ishlab chiqish, joriy etish va ulardan samarali foydalanishga tayyorgarlik darajasini baholaydi. Reyting davlat boshqaruvi sifati, texnologik infratuzilma, inson kapitali, ma’lumotlar siyosati hamda innovatsion muhit kabi asosiy mezonlar asosida shakllantiriladi.

Eslatib o‘tamiz, avvalroq Jahon intellektual mulk tashkiloti tomonidan e’lon...

23-dekabr sanasi fan-texnika, tibbiyot va adabiyot olamida muhim voqealar bilan tarixda qolgan. Bugun dunyo yuzini ko‘rgan buyuk kashfiyotlardan tortib, o‘zbek adabiyoti namoyandasining tavalludigacha. Kursiv Uzbekistan kunning eng muhim voqealarini taqdim etadi.

1790-yili Fransiyada misrologiya fanining asoschisi Jan-Fransua Shampolyon dunyoga keldi. U qadimgi Misr yozuvlarini o‘qish usulini ishlab chiqqan va mashhur Rozetta toshidagi yozuvlarni shifrlagan olim sifatida tanilgan. Shampolyonning izlanishlari tufayli insoniyat qadimgi Misr sivilizatsiyasi sirlaridan voqif bo‘lgan va bu tarix fanida yangi davrni boshlab bergan.

1900-yili kanadalik ixtirochi Rejinald Fessenden dunyoda birinchi marta ovozli radio signalini uzatishga muvaffaq bo‘ldi. Ungacha radio orqali, asosan, Morze alifbosi signallari uzatilar edi...

23-dekabr kuni kechasi va ertalab ayrim joylarda qor yog‘ishi mumkin. Yo‘llarda yaxmalak kuzatiladi, tog‘li hududlarda esa qor ko‘chishi xavfi bor. Harorat: kechasi -8…-0°, kunduzi -3…+12° atrofida bo‘ladi, deya xabar bermoqda «O‘zgidromet».

Quyida ob-havo ma’lumoti viloyatlar kesimida:

AQShda Tramp ma’muriyati noqonuniy migrantlarga o‘z ixtiyori bilan deportatsiya qilinish evaziga beriladigan stipendiyani uch baravar oshirib, $3 ming etib belgiladi. Bu haqda Reuters agentligi ma’lum qildi.

Unga ko‘ra, ushbu yordam AQShda noqonuniy yashayotgan va yil oxirigacha mamlakatni tark etishga rozi bo‘lgan shaxslarga beriladi va uyga parvoz xarajatlarini ham o‘z ichiga oladi.

Ichki xavfsizlik vazirligi (DHS) kotibi Kristi Noemning bayonot qilishicha, migrantlar bu imkoniyatdan foydalanishlari lozim, aks holda ular topib hibsga olinadi va AQShga qayta kirish imkoniyati berilmaydi. Ma’muriyat mart oyida CBP Home ilovasini ishga tushirgan bo‘lib, bu ilova orqali migrantlar o‘zini deportatsiya qilish jarayonini oson amalga oshirishi mumkin.

Xitoyning Leapmotor kompaniyasi Yevropa bozoridagi ishtirokini kengaytirishni rejalashtirib, Brussels Motor Show 2026 ko‘rgazmasida bir yo‘la uchta muhim yangilikni taqdim etishini e’lon qildi. Bu haqda Speedme.ru nashri ma’lum qildi.

Gap elektr krossover B03X, xetchbek B05 hamda B10 Hybrid EV modeli haqida bormoqda.

Ko‘rgazmada Leapmotor’ning B03X modeli Yevropa uchun ilk bor namoyish etiladi. Ushbu avtomobil B-segmentga mansub to‘liq elektr krossover bo‘lib, yangi global platforma asosida yaratilgan. Dastlabki ma’lumotlarga ko‘ra, avtomobilning uzunligi 4,2 metrga yaqin, eni 1,8 metr, balandligi esa taxminan 1,6 metrni tashkil etadi. G‘ildirak bazasi 2,6 metrdan oshishi kutilmoqda, bu esa ixcham o‘lchamlarga qaramay, salonning keng bo‘lishini ta’minlaydi.

Leapmotor B03X...

Chevrolet Tahoe 2025-yilning eng yaxshi yo‘ltanlamas modeli bo‘ldi, Toshkentda firibgar advokatga nisbatan jinoiy ish qo‘zg‘atildi — 22-dekabrning muhim hodisalari Kursiv Uzbekistan Uzbekistan dayjestida.

Toshkentda firibgar advokatga nisbatan jinoiy ish qo‘zg‘atildi

Toshkent shahrida faoliyat yurituvchi advokatlar hay’atining ilgari sudlangan advokati firibgarlik yo‘li bilan $2 mingni olayotgan vaqtida ashyoviy dalillar bilan ushlangan. Bu haqda DXX matbuot xizmati ma’lum qildi.

Aniqlanishicha, advokat Shayxontohur tumani IIO FMB TB ish yurituvidagi Jinoyat kodeksining 168-moddasi bilan qo‘zg‘atilgan jinoiy ish bo‘yicha dastlabki tergov jarayonida gumonlanuvchiga nisbatan «qamoq» ehtiyot chorasi qo‘llanmaslik masalasini mansabdor tanishlari orqali hal etib berishni va’da qilgan.

Chevrolet Tahoe 2025-yilning eng yaxshi...

O‘zbekistonda elektr energiyasi iste’moli uchun soatbay tariflar ishlab chiqilmoqda. Bu haqda 11-dekabr kuni Oliy Majlis Qonunchilik palatasida so‘zlagan energetika vaziri Jo‘rabek Mirzamahmudov ma’lum qildi.

Vazirning ta’kidlashicha, yangi tizim orqali elektr energiyasi narxlari nafaqat mavsumlarga, balki kun davomida iste’mol vaqtiga qarab ham tabaqalashtiriladi. Xususan, eng yuqori yuklama kuzatiladigan soatlarda tariflar oshiriladi, kam iste’mol bo‘ladigan paytlarda esa elektr energiyasi arzonroq bo‘ladi. Masalan, elektromobillarni kechasi yoki kunduzgi sokin vaqtlarda zaryadlash arzonroq, tig‘iz davrlarda esa qimmatroq bo‘ladi.

Masala muhokamasi chog‘ida O‘zLiDeP fraksiyasi vakili Saydullo Azimov aholi energiya tariflaridan norozi ekanini bildirib, ularni mavsumga qarab o‘zgartirishni taklif qildi. Uning fikricha, yoz oylarida tariflarni oshirish...

Huawei kompaniyasi arzon narxlardagi yangi MatePad 11.5 planshetini namoyish etdi. Qurilma narxi modifikatsiyasiga qarab $250 dan $390 gacha bo‘ladi.

MatePad 11.5 plansheti 11,5 dyuymli IPS ekran bilan jihozlangan bo‘lib, 2456×1600 piksel o‘lcham va 120 Hz yangilanish tezligini qo‘llab-quvvatlaydi. Shu bilan birga, Soft Light Edition nomli versiyada qo‘shimcha aks sado qarshi qoplama va maxsus yoritish tizimi mavjud.

Qurilma Kirin T82/T82B protsessori asosida ishlaydi va faol sovitish tizimi bilan ta’minlangan. Planshetda 8 yoki 12 GB RAM va 128 yoki 256 GB ichki xotira mavjud.

Shuningdek, unda 13 MP asosiy kamera, 10 100 mAh batareya 40 vatt quvvat bilan ishlaydi. Planshetning...

23-dekabr kuni soat 10:00 dan 16:00 ga qadar O‘zbekiston bo‘yicha barcha metan «zapravkalar» odatdagi rejimda faoliyat yuritadi. Bu haqda Energetika vazirligi ma’lum qildi.

Unga ko‘ra, Farg‘ona vodiysi hududlarida metan zapravkalarning ish vaqti gaz bosimi holatidan kelib chiqib, mahalliy hokimliklar bilan kelishilgan holda belgilanadi. Bu gaz bosimi pasaygan paytlarda tabiiy gaz resurslarini birinchi navbatda aholiga, jamoat transportiga hamda ijtimoiy ahamiyatga ega obyektlarga uzluksiz yetkazib berishni ta’minlash zarurati bilan izohlanadi.

Bundan tashqari, vazirlik ta’kidlashicha, jamoat transportining barqaror ishlashi, aholi ehtiyojlari va ijtimoiy soha obyektlari ustuvor yo‘nalish hisoblanadi. Shu sababli gaz ta’minotidagi umumiy holat, bosim darajasi va iste’mol hajmiga qarab metan zapravkalar...

Kambodja va Tailand mudofaa idoralari vakillari 24-dekabr kuni sulh masalasini muhokama qilish uchun uchrashadi. Bu haqda Tailand Tashqi ishlar vaziri Sihasak Phuangketkeo ma’lumotiga tayanib, Reuters xabar berdi.

Uchrashuv o‘tkazish qarori 22-dekabr kuni Kuala-Lumpurda kechgan Janubi-Sharqiy Osiyo davlatlari Tashqi ishlar vazirlari yig‘ilishida qabul qilingan.

Sihasakning so‘zlariga ko‘ra, AQSh va Xitoy muzokaralar o‘tkazish qarorida ishtirok etmagan. Tailand va Kambodja o‘zaro kelishuv orqali kelishmovchiliklarni hal etishga qaror qilgan.

Dekabr boshida Bangkok va Pnompen o‘rtasidagi chegara mojarosi kuchaygan edi. Ikki hafta davomidagi to‘qnashuvlarda taxminan 80 kishi halok bo‘lgan, 500 ming kishi o‘z uyini tark etishga majbur bo‘lgan.

Reuters xabariga ko‘ra...

Yaponiya dunyodagi eng yirik yadro elektr stansiyasini qayta ishga tushirishga kirishdi. Bu haqda Reuters agentligi ma’lum qildi.

Niigata prefekturasida o‘tkazilgan mintaqaviy ovoz berish natijasiga ko‘ra, Kashiwazaki-Kariwa stansiyasining faoliyatini boshlashga ruxsat berildi. Bu stansiya 2011-yildagi zilzila va sunami natijasida yuz bergan Fukushima halokati ortidan yopilgan edi.

Kashiwazaki-Kariwa stansiyasi Tokiodan 220 km shimoli-g‘arbda joylashgan bo‘lib, avval halokatga uchragan Fukushima zavodini boshqaruvchi Tokyo Electric Power Co (TEPCO) tomonidan qayta ishga tushiriladi. TEPCO birinchi reaktorni 20-yanvarda ishga tushirishni rejalashtirmoqda. Stansiyaning umumiy quvvati 8,2 GW bo‘lib, bu bir necha million uylarni elektr bilan ta’minlashga yetadi. Birinchi qayta ishga tushiriladigan reaktor 1,36 GW quvvatga...

Shavkat Mirziyoyev 22-dekabr kuni Sankt-Peterburg shahrida MDH davlatlari rahbarlarining norasmiy uchrashuvida ishtirok etdi. Bu haqda davlat rahbari matbuot xizmati ma’lum qildi.

«Ermitaj» davlat muzeyida boʻlib oʻtgan tadbirda Rossiya Federatsiyasi prezidenti Vladimir Putin, Belarus Respublikasi prezidenti Aleksandr Lukashenko, Qozogʻiston Respublikasi prezidenti Qasim-Jomart Toqayev, Qirgʻiz Respublikasi prezidenti Sadir Japarov, Tojikiston Respublikasi prezidenti Emomali Rahmon, Turkmaniston prezidenti Serdar Berdimuhamedov hamda Armaniston bosh vaziri Nikol Pashinyan qatnashdi.

Uchrashuvda joriy yilda amalga oshirilgan birgalikdagi ishlar yakunlari sarhisob qilinib, kelgusi yil uchun ustuvor vazifalar belgilandi. Shuningdek, mintaqaviy va xalqaro ahamiyatga ega dolzarb masalalar yuzasidan fikr almashildi.

Davlat rahbarlari oʻzaro tovar ayirboshlashni oshirish uchun qulay...

A-373 «Toshkent – Ohangaron – Angren – Qo‘qon – Shahrixon – Andijon» avtomobil yo‘lida yuk avtotransport vositalari harakati qayta tiklandi. Bu haqda «Qamchiqavtoyo‘l» IYFK ma’lum qildi.

Ma’lum qilinishicha, mazkur avtomobil yo‘lining 180-kilometrida joylashgan transport vositalarining vazn parametrlarini nazorat qilish punkti 2025-yil 19-dekabrdan boshlab ta’mirlash ishlari sababli vaqtincha faoliyatini to‘xtatgan edi. Shu munosabat bilan 174-kilometrda joylashgan «Sherobod» YPX maskanidagi ko‘chma tarozidan vaqtincha foydalanib kelinayotgani haqida axborot berilgan.

Ayni paytda A-373 avtomobil yo‘lining «Vodiy – Toshkent» yo‘nalishida yuk avtotransport vositalari harakati to‘liq qayta tiklandi.

Eslatib o‘tamiz, avvalroq Qamchiq dovonida kanatdan yiqilgan qiz haqida xabar bergan edik.

O‘zbekistonda 2025-yilning noyabr oyida sotilgan mashinalar soni o‘tgan yilning noyabr oyiga qaraganda 6 foizga ko‘proqni tashkil qildi. Bu haqda Iqtisodiy tadqiqotlar va islohotlar markazi Kursiv Uzbekistan’ga ma’lum qildi.

Unga ko‘ra, noyabr oyida avtotransport vositalarining barcha toifalari bo‘yicha jami savdolar hajmi 101,1 ming donani tashkil etdi. Bu ko‘rsatkich o‘tgan yilning shu davriga nisbatan 6 foizga yuqori. Hududlar kesimida barcha yengil avtomobillar savdosi o‘sish sur’ati bo‘yicha Toshkent shahri (33,7%) va Qoraqalpog‘iston Respublikasi (8%) yetakchilik qildi.

Birlamchi avtomobil bozoridagi vaziyat

Birlamchi bozorda yengil avtomobillar savdosi yillik hisobda 15 foizga oshdi, bu o‘tgan yilning noyabr oyiga nisbatan taxminan 4,4 ming donaga ko‘pdir. Mahalliy...