Yangiliklar

16-yanvar sanasi jahon adabiyoti, kosmonavtika va siyosiy maydondagi o‘zgarishlar bilan tarixga muhrlangan. Kursiv Uzbekistan kunning eng muhim voqealarini xronologik tartibda taqdim etadi.

1605-yili Madridda Migel de Servantesning jahon adabiyoti durdonasi hisoblangan «Don Kixot» romanining birinchi qismi ilk bor nashr etildi. «Lamanchelik uddaburon ritsar Don Kixot» deb nomlangan ushbu asar o‘z davrining ritsarlik romanlariga parodiya sifatida yozilgan bo‘lsa-da, keyinchalik insoniyat madaniyatining eng muhim kitoblaridan biriga aylandi. Roman qisqa vaqt ichida butun Yevropada mashhurlik qozonib, ko‘plab tillarga tarjima qilingan.

1901-yilda Kuba tarixida o‘chmas iz qoldirgan harbiy arbob va diktator Fulxensio Batista dunyoga keldi. U mamlakatni uzoq yillar davomida boshqargan bo‘lsa-da...

O‘zbekiston chegaralarini qo‘riqlaydigan Bayraktar dronlari va Venesuela neftini sota boshlagan AQSh — Kursiv Uzbekistan tomonidan e’lon qilingan 15-yanvarning muhim hodisalari.

O‘zbekiston chegaralarini Bayraktar dronlari himoya qiladi

O‘zbekistonda Bayraktar dronlari bilan butlangan yangi maxsus bo‘linmaning jangovar navbatchiligi yo‘lga qo‘yildi. Bu haqda Davlat xavfsizlik xizmati raisi Bahodir Qurbonov Xavfsizlik kengashining 13-yanvar kuni o‘tkazilgan kengaytirilgan yig‘ilishida ma’lum qildi. Uning aytishicha, davlat chegarasini qo‘riqlash tizimiga zamonaviy raqamli vositalarni joriy etishda davlat chegaralarining 42 foizi videokuzatuv tizimi bilan jihozlangan.

AQSh Venesuela neftini sotishni boshladi

AQSh hukumati Venesueladan olingan neftni birinchi marta sotib, global bozorga chiqarishni boshladi. Bu haqda AQSh ma’muriyati rasmiylari xabariga...

16-yanvar kuni Zeekr brendi o‘zining yangi Zeekr 8X krossoverini rasman taqdim etadi. U qanday xususiyatlarga egaligi haqida to‘xtalamiz.

Avtomobil parallel gibrid tizimga ega to‘liq o‘lchamli SUV hisoblanadi. Uning o‘lchamlari uzunligi 5100 mm, kengligi 1998 mm va balandligi 1780 mm. Avtomobil 5 va 6 o‘rindiqli konfiguratsiyalarda bo‘ladi. Model allaqachon ommaviy ishlab chiqarish uchun tasdiqlangan va bozorga chiqarishga tayyorgarlik ko‘rilmoqda.

8X kapoti ostida 279 ot kuchiga ega ikki litrli benzinli dvigatel bo‘ladi. Elektr dvigatellarining umumiy quvvati 898 dan 1401 ot kuchigacha bo‘lishi mumkin. Krossoverning elektr yurish masofasi 256 – 328 kilometrni tashkil qiladi (CLTC).

Avtomobil SEA-S (Barqaror Tajriba Arxitekturasi) platformasida qurilgan...

Shavkat Mirziyoyev mamlakatning Tashqi siyosat faoliyati konsepsiyasini yangilab, uning ustuvor yo‘nalishlarini qayta ko‘rib chiqish zarurligini aytdi. Bu haqda prezident Tashqi ishlar vazirligi va xorijdagi diplomatik vakolatxonalar faoliyati yuzasidan videoselektor yig‘ilishida so‘z ochdi.

Prezidentning so‘zlariga ko‘ra, jahonda bo‘layotgan geosiyosiy o‘zgarishlar, xalqaro munosabatlar tizimidagi beqarorlik, mintaqaviy qarama-qarshiliklar va global iqtisodiy transformatsiyalar har bir davlatdan tashqi siyosatni doimiy ravishda qayta ko‘rib chiqishni, uni milliy manfaatlar va zamon talablariga moslashtirib borishni taqozo qilmoqda.

Shu munosabat bilan respublikaning Tashqi siyosat faoliyati konsepsiyasini yangilab, uning ustuvor yo‘nalishlarini qayta ko‘rib chiqish, milliy manfaatlarni himoya qilish va xalqaro maydonda O‘zbekistonning o‘rnini mustahkamlashga qaratilgan aniq vazifalarni belgilab olish...

Motorinvest kompaniyasiga tegishli bo‘lgan Rossiyaning Evolute brendi i-Space gibrid krossoverining to‘liq g‘ildirakli versiyasini sotishni boshladi.

Avtomobillar vakolatli dilerlik markazlarida besh o‘rindiqli bitta konfiguratsiyada mavjud. To‘liq g‘ildirakli versiya deyarli 2,9 mln rubldan ($36,4 ming) boshlanadi. Rossiyada gibrid krossover narxining 35 foizi miqdorida, maksimal 925 ming rublgacha ($11,7 ming) bo‘lgan davlat subsidiyalari ham bor.

To‘liq g‘ildirakli Evolute i-Space orqa qismida qo‘shimcha elektr motori o‘rnatilgan quvvat blokiga ega bo‘lib, jami 367 ot kuchi (470 Nm) ishlab chiqaradi, bu esa 0 dan 100 km/soat gacha (62 milya/soat) tezlikni 7,1 soniyada oshirish imkonini beradi. WLTC sikliga ko‘ra, masofa 1000 kmgacha. Yoqilg‘i sarfi...

Qozog‘iston musulmonlari diniy boshqarmasi tasdiqlangan va ishonchli manbalarga asoslangan diniy savollarga tezkor javob berish uchun sun’iy intellektdan foydalanadigan mobil ilovani ishlab chiqish va ishga tushirish niyatida. Bu haqda muftiy Naurizbay hoji Taganuli 2026-yil uchun dasturiy hisobotni taqdim etish chog‘ida ma’lum qildi.

Uning so‘zlariga ko‘ra, diniy sohaga sun’iy intellekt texnologiyalarini joriy etish zamon talablariga javob beradi va jamoatchilik bilan o‘zaro aloqalar sifatini yaxshilaydi. Diniy xizmatchilarning ish yukini kamaytiradi.

Shuningdek, u sun’iy intellektdan foydalangan holda kundalik hayotda yuzaga keladigan diniy savollarga javob beradigan maxsus mobil ilova ishlab chiqilishi kerakligini aytdi.

Oliy muftiyning aytishicha, ilovaning asosiy afzalligi faqat tasdiqlangan diniy manbalarga...

O‘zbekiston prezidenti Shavkat Mirziyoyev xorijiy davlatlarda o‘tkazilayotgan turli reydlarda o‘zbekistonliklarning huquqlari buzilayotgani haqidagi xabarlar jamoatchilikda jiddiy norozilik uyg‘otayotganini aytdi. Bu haqda u Tashqi ishlar vazirligi va xorijdagi diplomatik vakolatxonalar faoliyati yuzasidan videoselektor yig‘ilishida to‘xtaldi.

O‘zbekiston yetakchisi aksariyat holatlarda Tashqi ishlar vazirligi rasmiy nota berish bilangina cheklanib qolayotganini tanqid qilib, elchi va konsullar har bir holat yuzasidan malakali yuridik yordam ko‘rsatib, xorijdagi fuqarolarning huquq va manfaatlarini himoya qilishi shartligini urg‘uladi.

Uning ta’kidlashicha, xorijdagi yoshlar yoki talabalarning turli oqimlarga qo‘shilib qolayotgani barchani jiddiy tashvishga solishi kerak. Elchilar esa «kabinet diplomatiyasi»dan voz kechib, xorijdagi vatandoshlar ishlayotgan qurilish maydoniga, yotoqxonaga, talabalar auditoriyasiga borib...

Chet eldan loyiha topib, uni O‘zbekistonga olib kelgan va loyihani yakuniga yetkazgan elchilarga ustama to‘lash amaliyoti yo‘lga qo‘yiladi. Bu haqda Shavkat Mirziyoyev Tashqi ishlar vazirligi va xorijdagi diplomatik vakolatxonalar faoliyati yuzasidan videoselektor yig‘ilishida ma’lum qildi.

Davlat rahbarining so‘zlariga ko‘ra, elchilar loyiha topish, uni olib kelib ishga tushirishdan manfaat ko‘rishi kerak. Jami $90 milliardlik to‘qimachilik mahsulotlarini import qilayotgan AQSh, Turkiya, Birlashgan Arab Amirliklari, Xitoy, Germaniya, Saudiya Arabistoni, Rossiya va Polshada Yengil sanoatni rivojlantirish agentligining vakolatxonalari faoliyati yo‘lga qo‘yiladi.

Ushbu davlatlardagi elchilar vakolatxonalar bilan birgalikda kamida 15 ta xorijiy sorsing kompaniya va xalqaro brendlarni O‘zbekistonga olib kelishi, 100 ta mahalliy korxona...

Omonatlarni kafolatlash agentligi va Markaziy bank vakillari ishtirokida o‘tkazilgan ochiq muloqotda «Yangi bank» AJ tugatilishi jarayoni, omonatlar va kreditlar taqdiri bo‘yicha muhim ma’lumotlar berildi. Agentlik rahbari Ulug‘bek Hamdamovning aytishicha, jarayon to‘liq qonunchilik asosida, bosqichma-bosqich va shaffof tarzda olib boriladi.

Ma’lum qilinishicha, bank bo‘yicha kafolatlash hodisasi 15-yanvar sanasi bilan rasmiylashtirilgan. Hozirda bankda 32 mingdan ortiq omonatchilar mavjud bo‘lib, dastlabki hisob-kitoblarga ko‘ra, ularning 32 153 nafari davlat tomonidan kafolatlangan omonatlar toifasiga kiradi. Ushbu omonatlar bo‘yicha 240 milliard so‘m mablag‘ Omonatlarni kafolatlash fondi hisobidan qoplab beriladi.

Tugatish jarayoniga ko‘ra, 8 ish kuni ichida omonatchilar reyestri shakllantiriladi, shundan so‘ng 9-ish kunidan boshlab...

Tugatilgan «Yangi bank»ning 171 mlrd so‘m zarari borligi ochiqlandi. Bu haqda Markaziy bankning jurnalistlar bilan qilgan mediamuloqotida ma’lum qilindi. Joriy yilda zarar 1 mlrd so‘m miqdorida qayd etilgan.

Ma’lum qilinishicha, aktivlarning eng katta qismini kredit portfeli egallaydi. Kreditlar hajmi 190 mlrd so‘mga teng. Yuqori likvidli aktivlar 126 mlrd so‘mni tashkil etdi. Ular tarkibida Markaziy bankdagi mablag‘lar 31 mlrd so‘m, boshqa banklarda joylashtirilgan mablag‘lar 14,5 mlrd so‘m, REPO bitimlari bo‘yicha sotib olingan qimmatli qog‘ozlar esa 80 mlrd so‘mni tashkil qilgan.

Bank aktivlari tarkibida asosiy vositalar ham katta ulushga ega. Ularning umumiy hajmi 254,7 mlrd so‘m. Shundan bank binosi qiymati 155 mlrd...

Brest chegara punktida o‘zbekistonlik yuk tashuvchilarga alohida yo‘lak ochilishi mumkin. Bu haqda Shavkat Mirziyoyev Tashqi ishlar vazirligi va xorijdagi diplomatik vakolatxonalar faoliyati yuzasidan videoselektor yig‘ilishida ma’lum qildi.

Yig‘ilishda bugungi geosiyosiy vaziyat sabab Yevropa yo‘nalishida yuk tashish xarajatlari qariyb ikki barobarga oshgani, bu esa O‘zbekiston mahsulotlarining Yevropa bozorida raqobatbardoshligiga salbiy ta’sir ko‘rsatayotgani qayd etildi. Shu bois logistika masalalarini qayta ko‘rib chiqish va xarajatlarni kamaytirish muhim vazifa sifatida belgilandi.

Polsha Yevropa bozorlariga chiqishda asosiy darvoza ekani ta’kidlanib, ushbu mamlakatdagi elchi logistika xarajatlarini qisqartirish bo‘yicha aniq takliflar bilan chiqishi lozimligi ko‘rsatib o‘tildi. Xususan, Polsha tomoni bilan hamkorlikda yuk tashish jarayonlarini tezlashtirish va soddalashtirish masalalariga e’tibor...

Yevropa Ittifoqi 2026-yil 1-fevraldan boshlab Rossiya nefti narxining eng yuqori chegarasini 1 barrel uchun $44,1 gacha tushiradi. Bu haqda Yevropa Ittifoqi o‘zining rasmiy jurnalida xabar berdi.

2022-yilning oxirida $60 lik cheklov joriy etilgandi va 2025-yil kuzining boshida narx $47,60 gacha tushirildi. G‘arb mamlakatlari Ukrainadagi davom etayotgan harbiy mojaro tufayli Rossiya xom neftiga narx cheklovini joriy etishga qaror qildi. 2023-yilning fevral oyida neft mahsulotlariga cheklovlar kuchga kirdi: dizel yoqilg‘isi barrel uchun $100 (chunki u xom neftga nisbatan yuqori narxda sotiladi) va yoqilg‘i moyi barrel uchun $45, u chegirma bilan sotiladi.

Rossiya javob choralarini qo‘lladi va neft narxining eng yuqori chegarasi...

Elchilar Vyetnam, Bahrayn va Portugaliya bozorlarida yangi hamkorlar topishi kerak. Bu haqda Shavkat Mirziyoyev Tashqi ishlar vazirligi va xorijdagi diplomatik vakolatxonalar faoliyati yuzasidan videoselektor yig‘ilishida ma’lum qildi.

2025-yilda ikki va ko‘p tomonlama uchrashuvlar doirasida umumiy qiymati $160 milliardlik investitsiya loyihalari va savdo shartnomalari bo‘yicha bitimlar imzolandi. Natijada tarixda ilk bor O‘zbekistonning tashqi savdo aylanmasi $80 milliarddan oshdi. Eksport hajmi $33,5 milliardga yetdi, xorijiy investitsiyalar esa $43 milliarddan oshib, keskin o‘sish qayd etildi.

Shuningdek, o‘tgan yili 75 ta davlatga eksport hajmi qariyb $4,5 milliardga ko‘paygani alohida ta’kidlandi. Bu natijalar elchilar va diplomatik vakolatxonalar faoliyati bilan bevosita bog‘liq ekani, biroq imkoniyatlar bundan ham...

Prezidentga Samarqandda yangi «Ipak yoʻli» muzeyini qurish loyihasi taqdim etildi. Shavkat Mirziyoyev turizm va madaniyat sohasidagi ishlar, xalqaro madaniy tadbirlar natijalari hamda kelgusidagi ustuvor vazifalarga bag‘ishlangan taqdimot bilan tanishdi.

2025-yilda O‘zbekistonga kelgan sayyohlar soni 11 milliondan oshdi, turistik xizmatlar eksporti esa $4,8 milliardga yetdi. Vizasiz rejim joriy etilgan davlatlar soni 94 taga yetkazildi. Shu bilan birga, turizmni loyiha boshqaruvi asosida rivojlantirish, yagona mexanizm joriy etish va yirik tadbirlarni muvofiqlashtirish zarurligi ta’kidlandi.

Raqamlashtirish va marketing

Soha faoliyatini raqamlashtirish muhim vazifa sifatida belgilandi. Milliy turizm platformasini ishga tushirish, turistlar va tadbirkorlar uchun raqamli xizmatlarni kengaytirish, naqdsiz to‘lovlarni rivojlantirish rejalashtirilmoqda...

O‘zbekiston so‘nggi yillarda 11 ta davlat bilan strategik sheriklik munosabatlari o‘rnatdi. Bu haqda Shavkat Mirziyoyev Tashqi ishlar vazirligi va xorijdagi diplomatik vakolatxonalar faoliyati yuzasidan videoselektor yig‘ilishida ma’lum qildi.

Ta’kidlanishicha, bunday davlatlar soni 19 taga yetdi. Xorijiy davlatlarda 2017-yildan buyon 16 ta yangi diplomatik va konsullik vakolatxonasi ochildi. Ularning umumiy soni 60 taga yetdi. Diplomatik aloqalar o‘rnatilgan davlatlar soni esa 165 taga chiqdi.

«Barcha diplomatik vakolatxonalarimiz buni to‘g‘ri anglab, mavjud imkoniyatlarni to‘liq ishga solyaptimi? Diplomatik faoliyatni baholashning bitta o‘lchovi bor, u ham bo‘lsa – natija!

Shu bois hozirgi sharoitda elchi degani faqat siyosiy muloqot yurituvchi...

Tesla 14-fevraldan boshlab avtoboshqaruv dasturini faqat oylik obuna asosida taklif qiladi. Bu haqda kompaniya bosh direktori Ilon Mask ma’lum qildi.

Qarorga ko‘ra, ushbu sanadan keyin avtoboshqaruv tizimini bir martalik to‘lov evaziga sotib olish imkoni bo‘lmaydi. Hozirda Tesla avtomobillari egalari dasturdan $8 minglik bir martalik to‘lov orqali yoki oyiga $99 obuna asosida foydalanishi mumkin. Yangi tartib bu modelni bekor qiladi va foydalanuvchilarni faqat obunaga o‘tishga majbur qiladi.

2025-yilda Milliy avtomobil yo‘llari harakati xavfsizligi boshqarmasi ushbu tizim bilan jihozlangan 2,88 mln Tesla avtomobili yuzasidan tekshiruv boshlagan edi. Bunga yo‘l harakati qoidalari buzilgani haqidagi 50 dan ortiq xabar va bir qator...

2025-yilning yanvar – oktabr oylarida global elektromobillar savdosi jami 17,1 million dona avtomobilni tashkil etdi, bu 2024-yilning shu davriga nisbatan 25,5 foizga ko‘p. Bu haqda SNE Research ma’lumotlarida keltirilgan.

Umuman olganda, o‘tgan yili butun dunyo bo‘ylab elektromobillar savdosi 2024-yilga nisbatan 26,1 foizga ko‘pni tashkil etdi.

Elektromobillar tez sur’atlar bilan ommalashmoqda: 2021-yilgacha yillik savdo 10 milliondan oshmagan, 2022-yilda 10,6 millionga yetgan va 2023-yilda transport vositalari 14 milliondan oshgan.

2025-yilning dastlabki 10 oyi oralig‘ida butun dunyo bo‘ylab sotilgan barcha elektr transport vositalarining deyarli uchdan ikki qismi faqat Xitoyda sotilgan: 10,9 million dona – bu 2024-yilning shu davriga nisbatan 24,2 foizga ko‘p.

Qish odatda mehnat bozorida «sokin» davr hisoblanadi. Shunga qaramay, aynan yil boshida ko‘plab ish izlovchilarda ish joyini o‘zgartirish haqida fikr paydo bo‘ladi. HeadHunter (hh.uz) platformasi 500 nafardan ortiq o‘zbekistonlik ish izlovchilar o‘rtasida so‘rov o‘tkazib, bu kayfiyat ortida nima turganini aniqladi.

So‘rov natijalariga ko‘ra, respondentlarning 45 foizi ishini o‘zgartirish fikriga faslning umuman ta’siri yo‘qligini aytgan. Shu bilan birga, qariyb uchdan bir qismi yil boshini yangi boshlanish ramzi sifatida qabul qilishi yoki yil yakunlarini sarhisob qilib, ko‘proq narsaga loyiqman degan xulosaga kelishini bildirgan. 14 foiz ishtirokchi bayramlardan keyingi moliyaviy bosimni sabab sifatida ko‘rsatgan. Qolganlar esa yil davomidagi charchoq, qisqa kunduz kunlari tufayli energiya...

2026-yildan Valyuta birjasida qozoq tengesi savdolari yo‘lga qo‘yilishi mumkin. Bu haqda Valyuta birjasi rahbari Rashid Usmonov jurnalistlar bilan uchrashuvda «Kursiv» muxbiriga ma’lum qildi.

Unga ko‘ra, Qozog‘iston O‘zbekistonning yaqin savdo hamkorlaridan biri hisoblanadi. Ikki mamlakat iqtisodiyotlari o‘zaro chambarchas bog‘langan. Shu sababli qozoq tengesiga bo‘lgan ehtiyoj mavjud. Mazkur masala bir necha bor muhokama qilingan.

Birja rahbari aytishicha, hozir banklar bilan marketmeykerlik bo‘yicha ham maslahatlashuvlar olib borilmoqda. Marketmeyker kursni shakllantirmaydi, ammo bozorni doimiy likvidlik bilan ta’minlashga hissa qo‘shadi. Agar savdolar muntazam bo‘lmasa, bu kursga salbiy ta’sir ko‘rsatishi mumkin.

«Qozoq tengesida yetarli likvidlik shakllanib, marketmeykerlar tomonidan sotib olish va sotish...

16-yanvar uchun valyutalar kursi yangilandi. Unga ko‘ra, dollar 32,05 so‘mga pasayib, 11 969,66 so‘mni tashkil etdi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.

Dollarning so‘nggi kunlardagi o‘zgarishi

7-yanvar kuni 16,35 so‘mga oshib, 11 968,59 so‘mga, 8-yanvarda 64,69 so‘mga oshib, 12 033,28 so‘mga, 9-yanvarda esa 75,74 so‘mga oshib, 12 109,02 so‘mga yetdi. Dollar hafta boshi uchun yuqoriladi: 12-yanvarda 22,53 so‘mga oshib, 12 131,55 so‘mni tashkil etdi. 13-yanvarda 32,37 so‘mga pasayib, 12 099,18 so‘m, 14-yanvarda 51,14 so‘mga pasayib, 12 048,04 so‘m, 15-yanvarda esa 46,33 so‘mga pasayib, 12 001,71 so‘m etib belgilandi.

Markaziy bank ma’lumotlariga ko‘ra, yevro...

Oʻzbekistonda Bayraktar dronlari bilan butlangan yangi maxsus boʻlinmaning jangovar navbatchiligi yoʻlga qoʻyildi. Bu haqda Davlat xavfsizlik xizmati raisi Bahodir Qurbonov Xavfsizlik kengashining 13-yanvar kuni o‘tkazilgan kengaytirilgan yig‘ilishida ma’lum qildi.

Uning aytishicha, davlat chegarasini qoʻriqlash va himoya qilish tizimiga zamonaviy raqamli vositalarni joriy etish jarayonida davlat chegaralarining 42 foizi videokuzatuv tizimi bilan jihozlangan. Shuningdek, 1117 kilometr optik tolali aloqa liniyalari tortilgan.

Bundan tashqari, chegara qoʻshinlari 98 foizga avtozirhli texnika, 86 foizga suzish vositalari, 100 foizga qurol-yarogʻ va oʻq-dorilar, 78 foizga elektron-optik vositalar bilan taʼminlangan. Boʻlinmalar zamonaviy dronlar bilan taʼminlangan.

DXX raisining ta’kidlashicha, jangovar tayyorgarlik tadbirlarining shiddati va sifat koʻrsatkichlari oshirilgan.

Valyuta birjasi rahbari Rashid Usmonov Valyuta birjasining oltin fyucherslar bilan rejalari haqida ma’lum qildi. U jurnalistlar bilan uchrashuvda Kursiv Uzbekistan muxbirining savollariga javob berdi.

Rashid Usmonovning aytishicha, bu yo‘nalishda qonunchilik va bozor tayyorgarligi muhim omil hisoblanadi. Fyuchers mexanizmlarini ishga tushirish uchun me’yoriy hujjatlar va infratuzilma to‘liq shakllanishi kerak.

«Birjaga yangi instrument kiritishda uning real ishlashini kutish zarur. Qonunchilik, me’yoriy hujjatlar va bozor tayyor bo‘lgandagina ushbu mexanizm samarali ishlaydi», – dedi u.

Usmonovning ta’kidlashicha, bunday o‘zgarishlar Valyuta birjasining litsenziyasini kengaytirishni ham talab qiladi. Hozirda bu masala ustida konseptual ishlar davom etmoqda.

«O‘z...

14-yanvar kuni Qozog‘istonning Atirau aeroportida FlyArystan aviakompaniyasining samolyoti qo‘nishni amalga oshirib, uchish-qo‘nish yo‘lagidan chiqib ketdi. Bu haqda aviakompaniya matbuot xizmati xabar berdi.

Olmaota – Atirau yo‘nalishidagi FS7202 reysi samolyoti past tezlikda harakatlanayotgan bo‘lgan. Samolyot bortida jami 166 nafar yo‘lovchi bo‘lgan. Barcha yo‘lovchilar havo kemasidan tushirilgan, ular va ekipaj a’zolari orasida jarohat olganlar yo‘q. Hodisa aynan samolyot to‘xtash joyiga qarab harakatlanayotgan vaqtda yuz bergan.

Ayni paytda aviakompaniya aeroport xizmatlari va aviatsiya ma’muriyati bilan hamkorlikda hodisa sabablarini aniqlash bo‘yicha belgilangan tartibda tekshiruv ishlarini olib bormoqda. FlyArystan yo‘lovchilar xavfsizligi ta’minlanganini ma’lum qilgan.

Avvalroq Kursiv Uzbekistan Atirau – Toshkent yo‘nalishida to‘g‘ridan to‘g‘ri aviaqatnovlar...

FIFA 2026-yilgi futbol bo‘yicha Jahon chempionati uchun chiptalarga bo‘lgan talab rekord darajaga yetganini ma’lum qildi. Unga ko‘ra, hozirga qadar turnir o‘yinlariga 500 milliondan ortiq chipta so‘rovlari kelib tushgan.

FIFA xabarida aytilishicha, mezbon davlatlar — AQSh, Meksika va Kanadadan tashqari eng ko‘p chipta so‘rovlari Germaniya, Angliya, Braziliya, Ispaniya, Portugaliya, Argentina va Kolumbiya muxlislari tomonidan yuborilgan.

Avvalroq FIFA ayrim chiptalar narxi $8,6 minggacha yetgani sababli tanqidlarga uchragandi. Shundan so‘ng tashkilot har bir o‘yinga $60 lik chiptalar ajratilishini e’lon qildi. Ushbu chiptalar turnirda ishtirok etayotgan 48 milliy federatsiya orqali tarqatiladi va ularni avvalgi o‘yinlarga borgan muxlislar o‘rtasida taqsimlash masalasi federatsiyalarning o‘z ixtiyorida...