Yangiliklar

Toshkent shahar hokimligi poytaxtda qish mavsumi va yog‘ingarchilik davrlariga tayyorgarlik ko‘rish maqsadida yo‘llarda asfalt-beton qoplamasini yangilash jadvalini e’lon qildi. Xabarga ko‘ra, ishlar davomida harakat to‘xtatilmaydi.

Ishlar jadvali quyidagicha:

Hokimlikning ma’lum qilishicha, poytaxta jami maydoni 19 012 m² bo‘lgan yo‘l qoplamalari yangilanadi.

Avvalroq Shota Rustaveli ko‘chasida uchta avtobus harakati qayta tiklanishi xabar qilingandi. Unga ko‘ra, 2025-yil 26-oktabrdan boshlab Shota Rustaveli ko‘chasidagi markaziy avtobus yo‘lagi (BRT) orqali 80, 114 va 127-sonli avtobuslar harakatni boshlaydi.

Samarqand, Surxondaryo va Xorazmda 11 kilogrammdan ortiq giyohvandlik moddalari musodara qilindi. Bu haqda Davlat xavfsizlik xizmati (DXX) xabar berdi.

Unga ko‘ra, Samarqand viloyatining Urgut tumanida 1998-yilda tug‘ilgan shaxs Tojikistondan 8,9 kg «opiy» moddasini noqonuniy olib kirishga uringan. U DXX chegara qo‘shinlarining to‘xtash haqidagi talabiga bo‘ysunmay qochgan, biroq tezkor chora-tadbirlar natijasida qo‘lga olingan. Shuningdek, uning 1966-yilda tug‘ilgan sherigi ham ushlangan.

Boshqa holatda esa Surxondaryo viloyatining Denov tumanida ilgari giyohvandlik bilan bog‘liq jinoyat sodir etgan shaxs yonidan 31 gramm «opiy» topilgan. Tekshiruvda u bu moddalarni 1978-yilda tug‘ilgan boshqa shaxsdan sotib olgani aniqlangan. Ushbu shaxsning uyidan yana 1,5 kg «opiy» topilib, ashyoviy...

O‘zbekiston va Birlashgan Millatlar Tashkiloti (BMT) o‘rtasida 2026 – 2030 yillarga mo‘ljallangan barqaror rivojlanish sohasidagi hamkorlikning yangi dasturi imzolandi. Marosim Toshkent shahridagi Jahon iqtisodiyoti va diplomatiya universitetida bo‘lib o‘tdi.

Mazkur dastur aholining hayot sifatini yaxshilash, tengsizlikni kamaytirish va barcha uchun teng imkoniyatlar yaratishga qaratilgan. Uni amalga oshirishda BMTning 25 ta agentligi, jamg‘armasi va dasturi ishtirok etadi. Ular mamlakatning rivojlanish maqsadlariga erishishiga ko‘maklashadi.

Hamkorlik quyidagi olti asosiy yo‘nalishni qamrab oladi:

Alohida e’tibor...

Hukumat qarori bilan dorixonalarda dorilar va tibbiy buyumlar savdosi hamda tibbiy xizmatlarni nazorat qilishda «sirli mijoz» tadbirlarini o‘tkazish tartibi bo‘yicha nizom tasdiqlandi.

Ushbu nizom dorixonalar va tibbiy muassasalarda belgilangan qoidalarga rioya etilishini nazorat qilish hamda iste’molchilar huquqlarini himoya qilish maqsadida ishlab chiqilgan.

«Sirli mijoz» tadbirining asosiy vazifalari quyidagilardan iborat:

Tadbirni o‘tkazish to‘g‘risida maxsus vakolatli organ tomonidan buyruq chiqariladi. Bunda «sirli mijoz» dorixonaga oddiy xaridor sifatida kirib, dori...

Xitoyda iPhone 17 seriyasi chiqqanidan atigi bir oy o‘tib, 5,3 million dona yangi iPhone sotildi. Bu haqda MyDrivers nashri xabar berdi.

Uchala model ham milliondan oshgan, eng ommabopi esa iPhone 17 Pro Max bo‘lib, u 2,52 million dona bilan yetakchilik qilmoqda. Shundan 800 mingdan ortig‘i so‘nggi bir haftada sotilgan.

Xitoyda 19-oktabr holatiga ko‘ra iPhone 17 sotuvlari:

iPhone 17 Pro Max eng ko‘p sotilayotgan model bo‘lib, u alyuminiy qotishmasidan yasalgan korpus, yangi to‘q sariq rang va o‘ta mustahkam shishadan yasalgan. Qurilma...

Hukumat qaroriga muvofiq, 2025 – 2026-yillarda ayrim tuman va shaharlarda mahalliy boshqaruv organlari uchun yangi ma’muriy binolar quriladi.

Yangi binolar foydalanishga topshirilgach, ularning 1 va 2-qavatlari savdo va xizmat ko‘rsatish faoliyati uchun «E-auksion» platformasi orqali ijaraga beriladi.

Qurilish va obodonlashtirish ishlarining buyurtmachilari sifatida Qoraqalpog‘iston Respublikasi Vazirlar Kengashi hamda viloyatlar hokimliklari huzuridagi «Yagona buyurtmachi xizmati» injiniring kompaniyalari belgilandi.

Yangi ma’muriy binolarning loyiha-smeta hujjatlarini ishlab chiqish, qurilish-montaj va obodonlashtirish ishlarini 2026-yil 1-dekabrga qadar yakunlash belgilangan.

Avvalroq mahalla binolarini servis obyektlariga aylantirgan tadbirkorlarga qo‘shimcha imtiyozlar berilishi xabar qilingandi. Bunda viloyat «Islohotlar shtabi» tadbirkorlar bilan birgalikda mahalla binosi uchun joy tanlaydi va...

Tashqi ishlar vazirligi Rossiyada joylashgan konsullik muassasalari faoliyati davomida ayrim o‘zbekistonliklar tomonidan qalbaki hujjatlar taqdim etish holatlari aniqlanayotganini ma’lum qildi.

Ma’lum bo‘lishicha, Telegramdagi ayrim guruh va kanallarda soxta hujjatlar tayyorlab berish xizmatlari haqida e’lonlar keng tarqalyapti. Shu kabi jinoiy faoliyatlar oqibatida ayrim fuqarolar qalbaki hujjatlardan foydalanib, muammolarga duch kelgan. Bulardan biri sifatida o‘zbekistonlik fuqaro «Vatanga qaytish guvohnomasi»ni rasmiylashtirgan, ammo O‘zbekistonga qaytish jarayonida hujjat qalbaki ekani fosh bo‘lgan. Shuningdek, yana bitta holatda qalbaki nikoh asosida «tug‘ilganlik haqidagi guvohnoma» olingani ma’lum bo‘ldi.

Vazirlik fuqarolarga ijtimoiy tarmoqlarda tarqatilayotgan «hujjat tayyorlab berish» haqidagi e’lonlarga ishonmaslikni qat’iy tavsiya qildi. Rasmiy hujjatlar faqat O‘zbekiston Respublikasining...

Ayrim qonun hujjatlariga kiritilgan o‘zgartirish va qo‘shimchalarga ko‘ra, bolalar va kattalar uchun qo‘shimcha ta’limning yangi tartibi joriy etildi.

Unga ko‘ra, bolalar uchun qo‘shimcha ta’lim uzluksiz ta’lim tizimining bir qismi sifatida amalga oshiriladi. Uning maqsadi – bolalarning iste’dodi va qobiliyatini rivojlantirish, ma’naviy ehtiyojlarini qondirish. Bunda davlat idoralari, nodavlat tashkilotlar va xususiy kompaniyalar madaniy-estetik, ilmiy, texnik, sport va boshqa yo‘nalishlarda ta’lim tashkilotlarini ochish huquqiga ega bo‘ladi.

Kattalar uchun esa bu tizim qo‘shimcha bilim va ko‘nikmalarni egallash, o‘zini rivojlantirish imkonini beradi. Ularning ta’limga bo‘lgan ehtiyojlarini qondirishga qaratilgan kurslar va o‘quv dasturlari tashkil etiladi.

Avvalroq Osiyo taraqqiyot banki (OTB) Oʻzbekiston oʻrta ta’lim tizimida...

O‘zbekiston Yevropa Ittifoqi bilan Jahon savdo tashkilotiga a’zolik bo‘yicha muzokaralarni yakunladi. Bu haqda prezident matbuot xizmati xabar berdi.

Shavkat Mirziyoyev Belgiya poytaxti Bryusselda Yevropa kengashi prezidenti Antoniu Koshta, Yevropa komissiyasi prezidenti Ursula fon der Lyayen va Belgiya qiroli Filipp bilan uchrashdi.

Tashrif davomida O‘zbekiston va Yevropa Ittifoqi o‘rtasida kengaytirilgan sheriklik va hamkorlik to‘g‘risidagi bitim imzolandi. Bu hujjat savdo, investitsiya va boshqa sohalardagi hamkorlikni mustahkamlash uchun yangi asos yaratadi.

Shuningdek, davlat rahbari Yevropaning yirik kompaniyalari va moliyaviy institutlari rahbarlari bilan ham uchrashib, qo‘shma loyihalar istiqbollarini muhokama qildi. Ular bilan umumiy qiymati 10 milliard yevrodan ortiq yangi loyihalarni amalga...

Banklarning sanksiyaga uchrashiga Markaziy Bankning izohi, o‘zbek so‘mining mustahkamlanishi va dollarning qadrsizlanishi, asosiy stavkaning o‘zgarmaganligi — Kursiv Uzbekistan 24-oktabrning eng muhim yangiliklarini bir maqolada jamladi.

Markaziy Bank banklarning sanksiyaga uchrashiga juda ham jiddiy qaraydi

Markaziy Bank boshqaruvi raisi Timur Ishmetov O‘zbekiston banklarining sanksiyalarga uchrashi mumkinligi haqida o‘z fikrlarini bildirdi. Bu haqda Kursiv Uzbekistan muxbiri ma’lum qildi.

Batafsil

Eksport, pul o‘tkazmalari, oltin narxi — so‘mni nima mustahkamladi

Yanvar-sentabr oylarida so‘mning qadri 6,5 foizga oshdi. Bu haqda Markaziy Bank boshqaruvi raisi Timur Ishmetov OAV vakillari bilan yig‘ilishda aytib o‘tdi.

Batafsil

Yangilangan Chevrolet Cobalt qanday dvigatelda chiqadi — foto, video

Dam olish kunlari O‘zbekiston bo‘yicha iliq va quruq ob-havo saqlanib turadi, yog‘ingarchilik kutilmaydi. Bu haqda «O‘zgidromet» xabar berdi.

Unga ko‘ra, 25-oktabrda havo harorati 23–28 daraja, 26-oktabrda 21–26 darajani tashkil etadi. Shimolda esa ushbu kunlari harorat 19–24 daraja atrofida bo‘ladi. Shamol sharqdan 7–12 metr tezlikda esadi.

Shuningdek, Toshkent viloyatida 25–26-oktabr kunlari havo biroz o‘zgaradi. Tog‘li hududlarda qisqa muddatli yomg‘ir yog‘ishi, baland tog‘larda esa qor yog‘ishi mumkin.

Toshkent shahrida havo o‘zgaruvchan, ammo yog‘ingarchilik kutilmaydi. Shamol sharqdan 3–8 metr tezlikda esadi. Shanba kuni 25–27 daraja, yakshanba kuni esa 24–26 daraja issiqlik saqlanadi. Kechasi harorat 13–15 daraja atrofida bo‘ladi.

Avvalroq dam olish kunlari qaysi...

Bryussel shahridagi rasmiy tashrif davomida Shavkat Mirziyoyev belgiyaliklar qiroli Filipp bilan Laken saroyida uchrashdi. Bu haqda prezident matbuot xizmati xabar berdi.

Uchrashuvda tomonlar savdo, investitsiya va madaniy sohalardagi hamkorlikni yanada rivojlantirish masalalarini muhokama qilgan.

Qirol Filipp prezident Mirziyoyevni O‘zbekiston va Yevropa Ittifoqi o‘rtasida imzolangan kengaytirilgan sheriklik va hamkorlik bitimi bilan samimiy tabrikladi.

Shuningdek, uchrashuvda O‘zbekiston – Belgiya aloqalari izchil rivojlanayotgani ta’kidlandi. Vazirliklar o‘rtasida muloqotlar yo‘lga qo‘yilgan, parlamentlarda do‘stlik guruhlari tashkil etilgan. Madaniy hamkorlik ham kengaymoqda: Toshkent va Kortreyk, Samarqand va Lyej shaharlari birodarlik aloqalarini yo‘lga qo‘ydi. Kortreykda Abu Ali ibn Sinoning byusti ochildi.

Belgiya kompaniyalari O‘zbekistonda faoliyat...

Dam olish kunlari bir qator tijorat banklari valyuta ayirboshlash va pul o‘tkazmalari shoxobchalarining faoliyatini yo‘lga qo‘ymoqda. Bu haqda Markaziy bank ma’lum qildi.

Quyidagi banklarning ayrim filiallari 25 – 26-oktabr kunlari aholiga xizmat ko‘rsatadi. Bank nomiga bosish orqali aniq manzilini ko‘rishingiz mumkin:

Shuningdek...

Shavkat Mirziyoyev Ichki ishlar organlari xodimlari kuni munosabati bilan bir guruh soha vakillarini mukofotladi. Bu haqda prezident matbuot xizmati xabar berdi.

Prezident farmoniga ko‘ra, bir guruh ichki ishlar xodimlari «Shon-sharaf», «Mardlik», «Do‘stlik» ordenlari, shuningdek, «Jasorat», «Sodiq xizmatlari uchun» va «Shuhrat» medallari bilan taqdirlandi.

Avvalroq Yangihayot tumanida bolaning hayotini saqlab qolgan talaba Muhriddin Ilashov Oliy ta’lim vaziri tomonidan taqdirlangandi.

Bandixon va Taxiatosh tumanlarida yer maydonlarini noqonuniy sotish holatlariga chek qo‘yildi. Bu haqda Davlat xavfsizlik xizmati xabar berdi.

Unga ko‘ra, Surxondaryo viloyatining Bandixon tumanida yashovchi shaxs chorvachilik bilan shug‘ullanmoqchi bo‘lgan fuqaroga tuman hokimligi zaxirasidagi 3,5 gektar yer maydonini tanishlari orqali uning nomiga rasmiylashtirib berishni va’da qiladi. Buning evaziga 1,5 mlrd so‘m talab qilgan. U $110 ming va 100 million so‘mni olayotgan vaqtida huquqni muhofaza qiluvchi organlar tomonidan ushlandi.

Ikkinchi holatda esa Qoraqalpog‘iston Respublikasining Qo‘ng‘irot tumanida qishloq xo‘jaligi sohasida faoliyat yurituvchi tadbirkor amudaryolik fuqaroning ishonchiga kirib, Taxiatoshda boshqa fuqaro uchun ajratilgan 169 gektar yerni o‘ziga tegishli deb ko‘rsatgan. U...

Bryusselda O‘zbekiston prezidenti Shavkat Mirziyoyev Yevropa kengashi prezidenti Antoniu Koshta va Yevropa komissiyasi prezidenti Ursula fon der Lyayen bilan uchrashdi. Bu haqda prezident matbuot xizmati xabar berdi.

Uchrashuvda O‘zbekiston va Yevropa Ittifoqi o‘rtasidagi ishbilarmonlik va gumanitar aloqalarni kuchaytirish uchun viza tartibini soddalashtirish zarurligi ta’kidlandi.

Shuningdek, Mirziyoyev Yevropaning yirik kompaniyalari va moliyaviy tashkilotlari rahbarlari bilan energetika, kimyo, muhim minerallar, logistika, to‘qimachilik va farmatsevtika sohalarida umumiy qiymati 10 milliard yevrodan ortiq yangi loyihalarni amalga oshirish bo‘yicha kelishuvga erishdi. Bu hozirgi 40 milliard yevrolik loyihalar portfeliga katta qo‘shimcha bo‘ladi.

Bundan tashqari, uchrashuvda xalqaro va mintaqaviy hamkorlik masalalari ham muhokama qilindi. Yakunda...

2025-yil 26-oktabrdan boshlab Shota Rustaveli ko‘chasidagi markaziy avtobus yo‘lagi (BRT) orqali 80, 114 va 127-sonli avtobuslar harakatni boshlaydi. Bu haqda Тоshkent shahar transport bosh boshqarmasi xabar berdi.

Bu yo‘lak faqat avtobuslar uchun mo‘ljallangan bo‘lib, boshqa transport vositalarining harakatlanishi va to‘xtashi qat’iyan taqiqlanadi. Haydovchilar bu yo‘lakda chapga burilish yoki ortga qayrilish qoidalarini buzmasligi lozim.

Yo‘lovchilar esa avtobusga chiqishda xavfsizlik qoidalariga rioya etishlari, platformaga faqat belgilangan piyodalar o‘tish joylaridan chiqishi kerak bo‘ladi.

Vazirlikka ko‘ra, loyihaning asosiy maqsadi jamoat transportiga ustuvorlik berish, tirbandliklarni kamaytirish va yo‘lovchilar uchun qulay hamda xavfsiz sharoit yaratishdan iborat.

Eslatib o‘tamiz, joriy yilning 22-oktabridan boshlab ushbu ko‘chadagi markaziy avtobus...

O‘zbekistonning Dubaydagi Bosh konsulxonasi xodimlari Dubai Taxi Company PJSC rahbari Sayid Amin Abdulrahmon bilan uchrashuv o‘tkazdi. Muzokaralarda o‘zbekistonlik malakali haydovchilarni BAA hududida qonuniy ravishda ish bilan ta’minlash masalalari muhokama qilindi.

BAA vakili mamlakatimiz hukumati tomonidan xorijda ishlayotgan vatandoshlarimizning huquqlarini munosib himoya qilish yuzasidan ko‘rilayotgan chora-tadbirlar, O‘zbekiston prezidentining «Xavfsiz, tartibli va qonuniy mehnat migratsiyasi tizimini joriy qilish chora-tadbirlari to‘g‘risida»gi Farmoni mazmun-mohiyati bilan tanishtirildi.

Sayid Amin Abdulrahmon O‘zbekiston bilan tashqi mehnat migratsiyasi sohasida o‘zaro manfaatli hamkorlikni rivojlantirishga tayyorligini bildirdi.

«Dastlab 200 nafar o‘zbekistonlik haydovchini ishga olishni rejalashtirganmiz. Agar ularning natijalari yaxshi bo‘lsa, yana 500 nafar haydovchini jalb qilish mumkin», – dedi...

24-oktabr kuni Markaziy bankda bo‘lib o‘tgan matbuot anjumanida rais Timur Ishmetov O‘zbekiston Rossiyadan oltin xarid qilayotgani haqidagi xabarlarni rad etdi. Unga ko‘ra, bunday ma’lumotlar mutlaqo haqiqatga to‘g‘ri kelmaydi.

«Biz hech qachon boshqa davlatlardan oltin sotib olmaganmiz va sotib olish niyatimiz yo‘q. O‘zimizga yetadigan oltinimiz bor», – dedi Ishmetov.

Rais bu masala bo‘yicha The Economist jurnalida chop etilgan maqolani eslab o‘tdi. Unga ko‘ra, Markaziy bank nashrga rasmiy murojaat yuborib, unda keltirilgan ma’lumot manbasini so‘ragan va xatolikni ko‘rsatgan.

«Izohimizdan so‘ng jurnal keyingi sonida bu xatoni tuzatdi. Juda tushunarsiz holat bo‘lgan...

BYD kompaniyasi tomonidan BYD Qin L DM-i 2026 avtomobili taqdim etildi. Bu haqda CarNewsChina xabar bermoqda. Modelning narxi $13,6 mingdan boshlanadi.

Yangi model Dragon Face dizayn konsepsiyasida ishlab chiqilgan. U old qismida yirik radiator panjarasi va noodatiy shakldagi LED chiroqlar bilan ajralib turadi.

Salon qismida an’anaviy uzatma tutqichi olib tashlangan. Unda rul yoniga o‘rnatilgan yangi tizim joriy etilgan. Yangilangan DiLink100 multimedia tizimi esa endi hayvonlar mavzusidagi interfeys, mikrofonsiz karaoke va telefon orqali manzilni ishora orqali navigatorga yuborish imkonini beradi.

Texnik jihatdan avtomobil 1,5 litrli benzin dvigateli (74 kVt, 126 N·m) va elektr motor (120 yoki 160 kVt) kombinatsiyasiga...

Markaziy Bank boshqaruvi raisi Timur Ishmetov O‘zbekiston banklarining sanksiyalarga uchrashi mumkinligi haqida o‘z fikrlarini bildirdi. Bu haqda Kursiv Uzbekistan muxbiri ma’lum qildi.

Uning aytishicha, Markaziy Bank mamlakatdagi banklarning sanksiyalarga uchrashiga juda ham jiddiy qaraydi va banklarga doimiy sanksiyaga uchragan banklar bilan operatsiyalarni qat’iy amalga oshirmaslik bo‘yicha ko‘rsatmalar berib boradi.

«Biz banklarni bu borada qat’iy nazorat qilamiz. Aynan shunday ishlashimiz tufayli banklarni sanksiyaga uchrashini oldini olmoqdamiz», – dedi Markaziy bank boshqaruv raisi.

Timur Ishmetov, shuningdek, AQSh tomonidan Rossiyaning «Lukoil» va «Rosneft» kompaniyalariga sanksiyalar joriy etilishiga izoh berdi:

«Dunyoda bo‘layotgan o‘zgarishlar O‘zbekiston iqtisodiyotiga...

UzAutoMotors Chevrolet Cobalt modelining yangilangan versiyasi haqida ma’lumot berdi. Endilikda avtomobil Euro-5 ekologik standartiga javob beradigan yangi dvigatel bilan ta’minlanadi.

Yangi B-DOHC (B15D2 L2B) tipidagi dvigatelda gaz taqsimot fazalarini o‘zgartiruvchi VANOS tizimi qo‘llanilgan. Bu texnologiya yonilg‘i sarfini kamaytirib, chiqindi gazlar miqdorini ancha pasaytiradi.

Kompaniya ma’lum qilishicha, dvigatelda yangi E64 elektron boshqaruv bloki va ikkita taqsimlovchi valda (kirish va chiqish) fazaviy o‘zgarish tizimi mavjud. Shuningdek, alyuminiy silindr boshi va cho‘yan silindr bloki saqlanib qolgan.

Cobalt uchun mo‘ljallangan yangi motor benzinda (AI-95, ruxsat etilgan AI-91/98) yoki gazda ishlaydi. Avvalroq ayrim manbalarda ushbu model Euro-2 standarti bilan ishlab chiqarilishi haqida xato...

O‘zbekiston va Yevropa Ittifoqi «Kengaytirilgan sheriklik va hamkorlik to‘g‘risidagi bitim»ni (EPCA) imzoladi. Marosimda prezident Shavkat Mirziyoyev, Yevropa kengashi raisi Antonio Koshta va Yevrokomissiya prezidenti Ursula fon der Lyayen ishtirok etdi. Bu haqda prezident matbuot xizmati xabar berdi.

Bitimga tashqi ishlar vaziri Baxtiyor Saidov hamda Yevrokomissiya vitse-prezidenti Kaya Kallas imzo chekdi. Mazkur hujjat 2019-yildan beri olib borilgan 10 ta muzokara va 150 dan ortiq uchrashuvlar natijasida tayyorlandi. Bitim O‘zbekiston va Yevropa Ittifoqi o‘rtasida savdo, investitsiya, raqamli xavfsizlik, ta’lim va ilm-fan sohalarida hamkorlikni chuqurlashtirishni nazarda tutadi.

U Yevropa bozorlariga kirish imkoniyatlarini kengaytirish, bojxona va texnik to‘siqlarni kamaytirish orqali tadbirkorlar uchun yangi...

Yanvar – sentabr oylarida so‘mning qadri 6,5 foizga oshdi. Bu haqda Markaziy bank boshqaruvi raisi Timur Ishmetov OAV vakillari bilan yig‘ilishda aytib o‘tdi.

2025-yilning aprel oyidan boshlab milliy valyuta almashuv kursida mustahkamlanish tendensiyasi bilan birgalikda uning tebranishlar darajasining oshishi kuzatilmoqda.

Joriy yilning boshidan sentabr oyigacha O‘zbekistonga kirib kelayotgan valyuta oqimlarida oshish kuzatilgan. Jumladan, eksport tushumlari 18 foizga oshib $19 mlrdga yetdi. Shuningdek, banklar tomonidan xorijiy valyutaga kreditlar hisobidan ichki bozorga $6,3 mlrdlik mablag‘lar sotildi. Bu ko‘rsatgich o‘tgan yilning mos davriga nisbatan 1,6 barobarga ko‘proq.

Timur Ishmetovning ta’kidlashicha, transchegaraviy pul o‘tkazmalari orqali $13,9 mlrd kirib keldi. Bu o‘tgan yilning ushbu davriga...