Yangiliklar

Respublikadagi barcha mahalliy mehmonxonalar va oilaviy mehmon uylari har bir turist uchun kuniga 62 ming so‘mgacha bo‘lgan turist yig‘imidan ozod etiladi. Bu haqda davlat rahbari yig‘ilishda ma’lum qildi.

Tadbirkorlar uchun yer imtiyozlari

Joriy yil boshidan buyon O‘zbekistonga qariyb 7 million xorijiy sayyoh tashrif buyurdi, 15 million aholi esa ichki turizm bo‘yicha safarga chiqdi. Kelgusi 3–4-yil ichida chet ellik sayyohlar oqimi kamida 15 millionga yetkazilishi rejalashtirilmoqda. Shu bois turizmni rivojlantirishning yangi dasturi yo‘lga qo‘yiladi.

Shuningdek, kelgusi uch yilda mehmonxonalar va turistik maskanlar qurish uchun jami 5 ming gektar yer auksionga chiqariladi. Bunda yer sotib olish uchun tadbirkorlardan to‘lov...

Turizmni rivojlantirish bo‘yicha yangi dastur boshlanadi. Bu haqda prezident tadbirkorlar bilan ochiq muloqotda ma’lum qildi. 

Ma’lum qilinishicha, yil boshidan beri yetti million xorijiy sayyoh mamlakatimizga tashrif buyurdi, 15 million aholi ichki sayohatga chiqdi. Kelgusi 3 – 4-yilda xorijiy turistlar oqimi yiliga kamida 15 millionga yetkazilishi rejalashtirilmoqda. Shu maqsadda turizmni rivojlantirish bo‘yicha yangi dastur boshlanadi.

Bundan tashqari, joriy yil hududlarda sanoat infratuzilmasini rivojlantirish uchun 1,7 trillion so‘m ajratildi. Kelgusi yilda bu mablag‘ 25 foizga oshib, 2,1 trillion so‘mga yetkazilishi ma’lum qilindi.

Poytaxtda tadbirkorlar soni ortib borayotgani bois elektr tarmoqlarini yaxshilash uchun yana ikki trillion so‘m yo‘naltiriladi. Shuningdek, tashqi infratuzilmani o‘z...

Sojitz Corporation prezidenti Kosuke Uemura «O‘zbekiston 24» telekanaliga bergan intervyusida kompaniya Toshkentda yangi xalqaro aeroport qurilishiga $200 mln sarmoya kiritishini ma’lum qildi.

Unga ko‘ra, loyiha hamkorlar bilan birgalikda amalga oshirilmoqda. 2024-yil iyulida Sojitz Toshkentda o‘z vakolatxonasini ochgan, yaqinda esa Investitsiyalar, sanoat va savdo vazirligi bilan energetika, sog‘liqni saqlash, infratuzilma va boshqa yo‘nalishlardagi loyihalarni qamrab oluvchi «Yo‘l xaritasi»ni imzolagan.

«Mamlakatdagi iqtisodiy o‘sish investitsiyaga muhit yaratadi. Biz O‘zbekistonning ulkan salohiyatiga ishonamiz va asosiy maqsadimiz mamlakatning rivojlanishiga hissa qo‘shish», — deya qayd etgan Kosuke Uemura.

Prezidentning 1-avgustdagi qaroriga binoan, yangi aeroport qurilishi boshlangan. Birinchi bosqichda u...

Bundan buyon har bir tarmoqning sifatli va raqobatbardosh 10 tadan mahsulotiga «O‘zbekiston ramzi» sifat belgisi beriladi. Bu haqda prezident tadbirkorlar bilan ochiq muloqotida ma’lum qildi. 

Ta’kidlanishicha, ushbu sifat belgisi berilgan mahsulotlarni jahon bozorida targ‘ib qilish uchun keng ko‘lamli kampaniya boshlanadi. Bundan tashqari, yaqin kunlarda to‘qimachilikda «Ishonchli eksportchi» dasturi yo‘lga qo‘yiladi. Shu orqali eksport oldi moliyalashtirish tizimi joriy etilib, buning uchun $200 million mablag‘ ajratiladi.

Mazkur tartib elektr texnika, qurilish materiallari, oziq-ovqat va farmatsevtika kabi eksport salohiyati yuqori, ammo imkoniyatlari to‘liq ishlatilmagan sohalarda ham joriy etiladi. Bu yo‘nalishdagi tadbirkorlarning aylanma mablag‘iga qo‘shimcha $500 million beriladi.

Shu bilan birga, davlat rahbari bosh...

Yakka tartibdagi tadbirkorlar va o‘zini o‘zi band qilgan fuqarolarni qo‘llab-quvvatlash maqsadida 2030-yilgacha maxsus huquqiy rejim joriy etildi. Bu haqda prezident tadbirkorlar bilan ochiq muloqotida ma’lum qildi.

Ushbu muloqotga qadar 26 ta sohaning qariyb 7 ming vakili bilan uchrashuvlar o‘tkazilib, koll-markazlar orqali 13 mingdan ortiq murojaat va tashabbus kelib tushgan. Muhim masalalarga, meva-sabzavot eksporti va to‘qimachilikdagi muammolariga aniq yechimlar topilgan.

Shuningdek, kichik loyiha asosida ish boshlagan va tajriba orttirayotgan yakka tartibdagi tadbirkorlar hamda o‘zini o‘zi band qilgan fuqarolarni qo‘llab-quvvatlash maqsadida 2030-yilgacha maxsus huquqiy rejim joriy etildi.

Endilikda ro‘yxatdan o‘tish va hisobot topshirish jarayonlari raqamli platformalar orqali soddalashtiriladi, hujjatlarni biometriya...

So‘nggi sakkiz yilda O‘zbekistonga $230 milliard investitsiya kirdi, shundan $120 milliarddan ortig‘i xorijiy sarmoya hisoblanadi. Bu haqda prezident tadbirkorlar bilan an’anaviy ochiq muloqot chog‘ida ma’lum qildi.

Jahon iqtisodiyotida turli murakkabliklar kuzatilayotganiga qaramay, O‘zbekistonda birinchi yarim yillikda iqtisodiyot 7,2 foizga o‘sdi.

«Bir qarashda aytishga oson ushbu raqamni oldinlari hisob-kitob qilish tugul, tasavvur qilib ham boʻlmasdi. Lekin biz buni uddaladik», dedi prezident.

Bundan tashqari, bir yil ichida 1,6 ming mikro korxona o‘rta korxonaga aylandi, ulardan 143 tasi esa yirik korxonaga qadar o‘sdi. 122 ta kichik korxona ham yirik biznes safiga qo‘shilgani ta’kidlandi.

Oʻtgan yili aylanmasi...

Xitoyning Pop Mart kompaniyasi 19-avgust kuni yilning birinchi yarmi bo‘yicha Labubu sof foydasi qariyb 400 foiz oshgani haqida hisobot berdi. Bu haqda Reuters yozmoqda.

Xabarga ko‘ra, bunga o‘yinchoqlarga bo‘lgan yuqori talab va yuqori foydali xorijiy bozorlarga yo‘nalish sabab bo‘lgan. Kompaniya ma’lumotiga ko‘ra, sof foyda 396,5 foizga, daromad esa 204,4 foizga oshdi. Bu natijalar iyul oyida berilgan prognozlardan ham yuqori bo‘ldi. O‘shanda Pop Mart daromad 200 foizga, sof foyda esa kamida 350 foizga ko‘payishini kutayotganini bildirgandi.

Pop Mart aksiyalari yil boshidan beri 200 foizdan ko‘proqqa oshib, kompaniyaga Barbie qo‘g‘irchoqlari ishlab chiqaruvchisi Mattel va Hello Kitty brendi egasidan ham yuqori...

Chevrolet Tracker – zamonaviy dizayn va qulay texnologiyalarni o‘zida jamlagan mashhur krossover. Avtombil O‘zbekistonda ham katta mashhurlikka ega. Joriy yilning boshidan buyon 21,3 ming dona sotilgan. Modelning ixcham o‘lchamlari shahar sharoitida juda qulay harakatlanishni ta’minlaydi. Shu bilan birga, kuchli dvigatel va zamonaviy xavfsizlik tizimlari unga ishonchlilik qo‘shadi. Quyidagi maqolada Chevrolet Tracker haqida qiziqarli besh fakt keltiriladi.

Global yaratilish tarixi va ilk taqdimoti

Chevrolet Tracker aslida Suzuki Escudo (Vitara) modeli bilan bog‘liq. U Yaponiyada 1988-yil may oyida ilk bor taqdim etilgan. Bir yil o‘tib, 1989-yilda General Motors va Suzuki hamkorligida Shimoliy Amerikaga chiqarilgan. U yerda u Geo Tracker...

Smartfon tanlashda ko‘pchilik uchun kamera sifati birinchi o‘rinda turadi. Bugun esa yaxshi surat olish uchun qimmat flagman talab qilinmaydi. Samsung o‘rta narxdagi telefonlarda ham kuchli kameralar taklif qiladi. Ayniqsa, O‘zbekistonda A34, A35, A36 va A54 modellariga qiziqish yuqori. Ushbu maqolada eng yaxshi kameraga ega hamyonbop Samsung smartfonlari haqida so‘z boradi.

Samsung Galaxy A54 5G

O‘rtacha narxda kuchli kameraga ega model. Asosiy kamerasi 50 MP keng burchakli sensor bilan jihozlangan. Unda OIS stabilizatsiyasi bor, bu esa tungi suratlarni tiniq olishga yordam beradi. Yana 12 MP ultrakeng va 5 MP makro linzalari mavjud. Old kamerasi 32 MP bo‘lib, yuqori aniqlikdagi selfilar...

Honor kompaniyasi yangi flagman smartfonlarini tayyorlayapti. Bu haqda ITHome nashri xabar bermoqda.

Ular Qualcomm va Mediatek’ning hali rasmiy taqdim etilmagan eng ilg‘or protsessorlarida ishlaydi. Ma’lumotlarga ko‘ra, Honor bir vaqtning o‘zida to‘rtta yangi platformada qurilgan modellar ustida ishlayapti. Ular Snapdragon 8 Gen 5, Snapdragon 8 Elite 2, Dimensity 9500 va Dimensity 8500 bo‘ladi. Dimensity 9500’ning taqdimoti 22-sentabrga, Snapdragon 8 Elite 2 esa 23-sentabrga belgilangan.

Honor’ning yangi Magic8 liniyasi esa oktabr oyida taqdim etilishi kutilmoqda. Smartfonlar Snapdragon 8 Elite 2’da chiqqan ilk qurilmalar bo‘lmasa-da, kompaniya ishlab chiqarish jarayonini avvalgilarga qaraganda tezlashtirgan.

Eslatib o‘tamiz, Kursiv Uzbekistan Honor’ning Dimensity 8500 telefoni 10000 mA/soatlik...

O‘zbekistonda kriminogen vaziyati og‘ir mahallalarda xavfsizlikni ta’minlash maqsadida Namunali xavfsiz ko‘cha va Namunali xavfsiz uy tashkil etish bo‘yicha yangi talablar tasdiqlandi. Bu haqda Adliya vazirligi ma’lum qildi.

Unga ko‘ra, kechasi ko‘chalar to‘liq yoritilishi, odam kam yuradigan hududlar esa qisman yoritilishi belgilangan. Shuningdek, avtoturargohlar texnik kuzatuv talablariga javob berishi, noqonuniy savdo rastalari tartibga solinishi hamda qarovsiz yerto‘la, chiqindixona va chordoqlar bo‘lmasligi shart.

Mahallalarda bu ishlar uchun har oy va har chorakda yo‘l xaritalari ishlab chiqiladi. Shuningdek, Mahalla yettiligi tomonidan xavfsiz hududlarning kirish-chiqish nuqtalariga maxsus belgi-stikerlar o‘rnatiladi.

Eslatib o‘tamiz, avvalroq mahallalarda huquq-tartibot maskanlari tashkil etilishi haqida yozgan edik.

Jinoyatchilik yuqori bo‘lgan mahallalarda yangi tizim joriy etiladi. Bunga doir prezidentning yangi qarori qabul qilindi.

Unga ko‘ra, jinoyatchilik darajasi yuqori bo‘lgan mahallalarda zamonaviy kuzatuv kameralarini o‘rnatish va ularni sun’iy intellektga ulangan dasturlar bilan boshqarish rejalashtirilmoqda.

Shuningdek, yil yakuniga qadar fuqarolarning mol-mulki texnik qo‘riqlash tizimi bilan 30 foizga, yuridik shaxslar mol-mulki esa 60 foizga himoyalanishi ko‘zda tutilmoqda.

Qaror doirasida ichki ishlar organlari uchun yuqori malakali kadrlar tayyorlash ham kuchaytiriladi. Shu maqsadda Ichki ishlar vazirligi Akademiyasida masofaviy ta’lim yo‘lga qo‘yiladi va bakalavriat qabul kvotalari bosqichma-bosqich oshirib boriladi.

Bunga qadar prezident davlat idoralari faoliyatini faqat jinoyatlar kamaygani bilan emas, balki ularning...

Prezident farmoni asosida Turkmaniston — Xorazm — Qoraqalpog‘iston — Qozog‘iston yo‘nalishi bo‘ylab turistik yo‘lak-halqa ishlab chiqildi. Bu haqda Ekologiya vazirligi huzuridagi Turizm qo‘mitasi xabar berdi.

Yo‘nalishda gastronomik, ekoturizm, etnoturizm va ziyorat turizmi kabi yo‘nalishlar birlashtirilgan. Bundan tashqari, marshrut doirasida 15 dan ortiq tarixiy va madaniy obyektlar qamrab olingan. Masalan, Turkmanistonda — Qadimgi Marv shahri va Darvoza krateri, Xorazmda — Ichan qal’a, Qoraqalpog‘istonda — Savitskiy muzeyi va qadimiy qal’alar, Qozog‘istonda esa Torish vodiysi hamda Shaqpaq Ota maqbarasi joy olgan.

Mutaxassislarning ta’kidlashicha, yangi turistik halqa nafaqat sayohat ixlosmandlari, balki tarix, madaniyat va tabiatni qadrlaydiganlar uchun ham katta qiziqish uyg‘otadi. Sayyohlar bu yo‘nalishda...

Rossiyaning Xakasiya respublikasida O‘zbekiston meva-sabzavotlarini qabul qiladigan yirik transport-logistika markaz tashkil etilishi rejalashtirilmoqda. Bu haqda «Dunyo» axborot agentligi xabar berdi.

Xakasiya hukumati raisi Mixail Pobizakovning ta’kidlashicha, O‘zbekiston bugungi kunda Xakasiya bilan savdoda MDH mamlakatlari orasida birinchi o‘rinda turibdi. Joriy yilning olti oyi davomida o‘zaro savdo hajmi $22 millionni tashkil qilgan.

O‘zbekiston bosh konsuli Aslam Akbarov O‘zbekistondan Xakasiyaga qishloq xo‘jaligi mahsulotlarini ko‘proq yetkazib berish, Xakasiyadan esa chorva mollarini olib kelish bo‘yicha takliflar berdi. Rossiya tomoni esa kuniga 30 – 40 yuk mashinasini qabul qila oladigan logistika markazi qurilishi g‘oyasini to‘liq qo‘llab-quvvatladi.

Shuningdek, mehnat migratsiyasi masalalari ham muhokama qilindi. Xakasiya Savdo-sanoat...

Hukumat qarori bilan «Kriminogen vaziyati murakkab mahallalarda jinoyatlarning oldini olish bo‘yicha manzilli choralar» konsepsiyasi tasdiqlandi. Bu haqda Adliya vazirligi ma’lum qildi.

Unga ko‘ra, 2025-yil yakuniga qadar tuman va shahar ichki ishlar organi rahbarlari hamda prokurorlarning xizmat xonalari bevosita mahallalarda tashkil etiladi. Ularning kundalik faoliyati ham shu yerda olib boriladi.

Konsepsiyaning asosiy maqsadi – mahallalarda jinoyatchilikning oldini olish, xavfsiz muhit yaratish va profilaktika choralarini kuchaytirishdir.

Bosqichma-bosqich mahalla huquq-tartibot maskanlari faoliyati yo‘lga qo‘yiladi. Jamoat joylari, ko‘p qavatli uylar oldida «tashvish» tugmalari o‘rnatiladi. Shuningdek, oila-turmushda nizolar keltirib chiqaradigan shaxslarning holidan muntazam ravishda xabar olinadi.

Mahallalarda «mahalla yettiligi» hamda «mahalla targ‘ibotchisi» jamoat guruhi...

Vladimir Putin Donald Tramp bilan telefon orqali bo‘lgan suhbatda Zelenskiy bilan Moskvada ikki tomonlama uchrashuv o‘tkazishni taklif qildi. Bu haqda AFP nashri xabar berdi.

Manbaga ko‘ra, o‘sha vaqtda Oq uyda Yevropa yetakchilari bilan birga bo‘lgan Ukraina prezidenti «yo‘q» deb javob bergan.

O‘z navbatida, Zelenskiy hozirda «aniq xavfsizlik kafolatlari mazmuni ustida ishlayotganini» bildirgan. Shu bilan birga, Buyuk Britaniya xavfsizlik kafolatlarini muhokama etish uchun Yevropa va Amerika yetakchilari yig‘ilishini e’lon qildi.

AQSh prezidenti ikki davlat yetakchilari o‘rtasidagi ehtimoliy ikki tomonlama munosabatlarni muhokama qilish chog‘ida uning ishtirokisiz uchrashsa, yaxshiroq bo‘lishini aytdi.

«Men prezident Zelenskiy bilan juda muvaffaqiyatli...

Xitoyda GAC kompaniyasi yangi yirik krossover — Haobo HL Extended-Range modelini namoyish etdi. Bu haqda Autohome xabar bermoqda.

Modelning asosiy xususiyati 60 kVt·soatlik katta batareyaga ega bo‘lib, u faqat elektrda 350 km masofani bosib o‘tadi. Umumiy yurish zaxirasi CLTC usuliga ko‘ra 1369 kmga yetadi.

Avtomobil to‘rt xil komplektatsiyada taklif qilinadi: ikki 5 o‘rinli va ikki 6 o‘rinli variant. Narxi 269,8 ming yuandan boshlanib ($37,5 ming), 299,8 ming yuangacha ($41,7 ming) boradi. Bu hajmdagi va 5126 x 1990 x 1750 mm o‘lchamdagi mashina uchun nisbatan arzon hisoblanadi.

Haobo HL 800 voltli platformaga qurilgan bo‘lib, 10 daqiqalik tezkor quvvatlash orqali...

Volkswagen sentabr oyida Myunxen avtosalonida yangi Volkswagen T-Roc modelini taqdim etadi. Kompaniya avtomobilning ilk rasmiy tizerini chiqardi. Bu haqda Carcoops xabar bermoqda.

Unda qora prototip sariq yozuvlar bilan qoplangan holda ko‘rsatilgan. Avtomobilning old va orqa qismi to‘liq yangilangan. T-Roc Yevropada eng ko‘p sotiladigan modellar qatorida turadi va Volkswagen Golf, Renault Clio hamda Dacia Sandero bilan raqobatlashadi. Shu sababli kompaniya xaridorlarga kengroq tanlov taklif qilmoqchi. Model tarixida birinchi marta yangi gibrid tizim qo‘llanadi. Uning afzalligi shundaki, benzin dvigateli va elektromotor g‘ildiraklarni birgalikda yoki alohida aylantira oladi. Elektromotor orqa o‘qqa joylashtirilgani sababli mashina avtomatik tarzda to‘liq uzatmali bo‘ladi.

Volkswagen bosh direktori...

O‘zbekiston terma jamoasi yarim himoyachisi Abbosbek Fayzullaev rasmiy ravishda Moskvaning «SSKA» klubidan Turkiyaning «Istanbul Bashakshehir» jamoasiga o‘tdi. «SSKA» direktori Kirill Breydo futbolchi transferi uchun to‘lov klub hisobiga tushganini ma’lum qildi.

«Abbos Fayzullaev transferi uchun mablag‘ shartnomada belgilanganidek klubimiz hisobiga o‘tkazildi. Biz esa darhol transfer sertifikatini jo‘natdik va endi bitimni to‘liq yakunlangan deb hisoblash mumkin. Kelishuv ko‘plab jihatlari bilan o‘ziga xos bo‘ldi – tomonlar bir-biriga yon bosdi va barcha kafolatlar inobatga olindi. «Istanbul Bashakshehir» klubiga ham, albatta, ProSports Management kompaniyasi rahbari German Tkachenko janoblariga ham minnatdorchilik bildiraman. Bu bitim barcha tomonlar uchun yutuqli bo‘ldi. Abbosga esa...

Samsung kompaniyasi Samsung Galaxy S25 Ultra kamerasidagi muammoga yechim topdi. Bu haqda Sammobile nashri xabar bermoqda.

Samsung Galaxy S25 liniyasi uchun One UI 8’ning beshinchi beta-versiyasi chiqarildi. Yangilanish Germaniya, Hindiston, Buyuk Britaniya va AQShda tarqatilmoqda. Uning kodi ZYH6 bo‘lib, hajmi 1,78 GB ni tashkil etadi.

Ushbu versiyaga avgust xavfsizlik patchi kiritilgan va Android hamda One UI’dagi o‘nlab zaifliklar bartaraf etilgan. Shuningdek, dasturda o‘nta xato tuzatildi. Eng muhim yangilik – 100 karra zoom rejimida Oy tasviri binafsha tusda chiqib qolish muammosi bartaraf etilgani bo‘ldi. Hozircha Samsung oltinchi beta-versiyani chiqaradimi yoki darhol yakuniy One UI 8 reliziga o‘tadimi noma’lum. Yakuniy versiya...

Tijorat banklari 20-avgust uchun xorijiy valyutalarni ayirboshlash kurslarini yangiladi. Kursiv Uzbekistan eng qulay narxdagi xorijiy valyuta kurslari haqidagi ma’lumotlarni taqdim qiladi.

Sotib olish

Sotish

Eslatib o‘tamiz, Kursiv Uzbekistan AQSh dollari hafta davomida qancha qiymatga pasaygani haqida yozgan edi. 

Xorijiy va nodavlat oliy ta’lim muassasalaridan davlat oliy ta’lim muassasalariga o‘qishni ko‘chirish bo‘yicha 2025-yil 18-avgust kuni o‘tkazilgan test sinovi natijalari e’lon qilindi. Bu haqda Oliy ta’lim, fan va innovatsiyalar vazirligi xabar berdi.

Test sinovida ishtirok etgan talabgorlar o‘z natijalarini my.uzbmb.uz saytining «O‘qishni ko‘chirish (xorijiy va nodavlat) natija» bo‘limidan pasport seriyasi va raqami hamda shaxsiy identifikatsiya raqamini kiritgan holda bilishi mumkin.

Shuni alohida ta’kidlash lozimki, mutaxassislik fanlaridan kasbiy (ijodiy) imtihon topshirgan talabgorlarning natijalari oliy ta’lim muassasalari ushbu natijalarni Bilimni baholash agentligiga taqdim etganidan so‘ng e’lon qilinadi.

Bundan avval Kursiv Uzbekistan abituriyentlar uchun apellyatsiya jarayoni boshlangani haqida yozgandi.

26-avgust kuni soat 10:30 da Fattoh Shodiyevning Yevrosiyo moliya kompaniyasiga (YMK) qarshi da’vosi bo‘yicha dastlabki sud majlisi bo‘lib o‘tadi. Mazkur kompaniyaga Yevrosiyo banki va sug‘urta kompaniyasi kiradi. Bu haqda sud materiallarida qayd etilgan.

Fattoh Shodiyev YMK aksiyadorlaridan biri hisoblanadi. U joriy yilning iyul oyi boshida sudga murojaat qilib, 2025-yil 2-iyunda kompaniya kuzatuv kengashi qabul qilgan qarorlarni haqiqiy emas deb topishni va YMKni navbatdan tashqari aksiyadorlar umumiy yig‘ilishini o‘tkazishga majbur etishni talab qilgan. Kengash 2-iyunda qanday qarorlar qabul qilgani esa noma’lum.

Olmaota tumanlararo iqtisodiy sudi Shodiyevning da’vosiga ta’minot choralarini qo‘llashni rad etdi. Sud qarorida bu «aksiyadorlik jamiyatining butun faoliyatini falaj...

Rossiya, Tojikiston va Afg‘onistondan kontrabanda yo‘li bilan olib kirilgan qariyb 80 kg giyohvandlik vositalarining noqonuniy aylanmasiga chek qo‘yildi. Bu haqda DXX ma’lum qildi.

Surxondaryoda ikki nafar fuqaro 20 kg 374 gr «opiy» va 41 kg 668 gr «gashish» bilan ushlandi. Ularning sheriklari ham qo‘lga olindi. Toshkent viloyatida esa marmar quymaning ichiga yashirilgan 7 kg 902 gr «mefedron» aniqlanib, Rossiyadan olib kirgan kuryer va buyurtmachisi hibsga olindi.

Shuningdek, Farg‘ona viloyatida afg‘on narkosavdogarlaridan giyohvandlik vositalarini olib sotish bilan shug‘ullangan ona-bola ushlanib, ulardan 5 kg 878 gr «opiy» va 3 kg 922 gr «gashish» ashyoviy dalil sifatida olindi.

Umumiy hisobda 79 kg...