Yangiliklar

Rossiyaning «Iqtisod oily maktabi» milliy tadqiqot universitetida tahsil olayotgan 31 nafar o‘zbekistonlik talabaga nisbatan qo‘llanilgan ma’muriy choralar bekor qilindi. Bu haqda Oliy Majlisning Inson huquqlari bo‘yicha vakili matbuot xizmati xabar berdi.

Muammo joriy yilning oktabr oyida O‘zbekiston Ombudsmanining Rossiyaga tashrifi davomida o‘tkazilgan sayyor qabulda ma’lum bo‘lgan. Universitet ma’muriyati talabalarning migratsiya hisobiga turish muddatini uzaytirish bo‘yicha ma’lumotlarni o‘z vaqtida taqdim etmagan. Buning oqibatida talabalar Rossiya hududida 90 kundan ortiq noqonuniy qolib ketgan deb hisoblanib, ularga 40 ming rubl miqdorida jarima solish talab qilingan edi.

Rossiya Federatsiyasining Inson huquqlari bo‘yicha vakili va Ichki ishlar vazirligi migratsiya xizmati hamkorligida o‘tkazilgan tekshiruvdan so‘ng...

2029-yildan boshlab «Oskar» mukofotini topshirish marosimi butun dunyo bo‘ylab YouTube platformasida bepul efirga uzatiladi. Bu bo‘yicha Amerika Kino san’ati va fanlari akademiyasi va YouTube ko‘p yillik hamkorlik to‘g‘risida kelishuvga erishdi.

Kelishuv shartlariga asosan, YouTube 2033-yilgacha marosimni namoyish etish bo‘yicha eksklyuziv global huquqlarga ega bo‘ladi. 2026, 2027 va 2028-yillardagi marosimlar esa AQSh hududida avvalgidek ABC telekanali orqali translyatsiya qilinadi.

Yangi format tomoshabinlarga nafaqat asosiy marosimni, balki qizil gilamdan jonli reportajlar, sahna ortidagi lavhalar hamda Gubernatorlar bali – mukofot topshirish munosabati bilan o‘tkaziladigan yopiq tadbirni ham tomosha qilish imkonini beradi. AQShdagi YouTube TV obunachilari ham ushbu kontentdan foydalanishi mumkin bo‘ladi.

Kinoakademiya...

Honor kompaniyasi Honor Magic 8 Pro flagmanini Yevropa bozoriga chiqarishga tayyorlanmoqda. Bu haqda GSMArena xabar bermoqda.

Smartfon Xitoyda kuzda taqdim etilgan va noyabr oyida Malayziyada savdoga chiqqan edi. Oldindan buyurtmalar Bolgariyada 15-yanvardan qabul qilina boshlaydi. Narxi 1100 yevro etib belgilangan. 29-yanvardan sotuv boshlangach narx 1299 yevroga oshadi. Ushbu summa evaziga xaridor 12 GB operativ va 512 GB ichki xotirali versiyani oladi. Ranglar – qora va oltin.

Magic 8 Pro Honor Care+ xizmati bilan yetkaziladi. Bu ekran shikastlanganda uni 50 yevro to‘lab bir marta almashtirish imkonini beradi.

Smartfon 6,71 dyuymli LTPO OLED ekranga ega bo‘lib, 120 Hz yangilanish tezligi...

Toshkent shahrining Mirzo Ulug‘bek tumanida joylashgan Avtomobil yo‘llari qo‘mitasi ma’muriy binosi auksion orqali sotildi. Savdolar bugun, 18-dekabr kuni bo‘lib o‘tdi.

Auksion yakuniga ko‘ra, obyektni 242 milliard so‘mlik taklif bilan Qobiljon Norbekov qo‘lga kiritdi. Xaridor binoni muddatli to‘lov asosida xarid qiladi.

Ma’lum qilinishicha, Avtomobil yo‘llari qo‘mitasi Yangi Toshkent shahri hududiga ko‘chib o‘tishni rejalashtirmoqda va uch yil davomida mazkur binoni to‘liq bo‘shatib berish majburiyatini olgan. Agar Yangi Toshkentdagi yangi ma’muriy bino belgilangan muddatdan oldin foydalanishga topshirilsa, hozirgi obyekt ham xaridorga avvalroq beriladi.

Sotilgan bino poytaxt markazida, Hamid Olimjon metro bekati yaqinida joylashgan. Obyekt barcha zarur kommunikatsiyalar – suv, gaz, elektr va...

Ford kompaniyasi $6,5 mlrdlik batareya shartnomasini bekor qilib, bir qator elektromobillar loyihasidan voz kechdi. Bu haqda Bloomberg xabar bermoqda.

Kompaniya LG Energy bilan tuzilgan yirik batareya yetkazib berish shartnomasini bekor qilgan. Ford elektr avtomobillarning ayrim modellari ishlab chiqarilishini to‘xtatishga qaror qilgani sababli LG bilan $6,5 mlrdlik kelishuv bekor qilindi. Ushbu shartnoma bo‘yicha LG 2027 – 2032-yillar oralig‘ida Ford’ga akkumulyatorlar yetkazib berishi kerak edi. Bu LG uchun jiddiy zarba, chunki shartnoma kompaniyaning yillik daromadining 30 foiziga yaqin ulushni tashkil qilardi.

Ford elektromobil strategiyasini keng miqyosda o‘zgartirmoqda. Dushanba kuni kompaniya $19,5 mlrdlik aktivlarni hisobdan chiqarishi va bir nechta elektr modellarni...

Hongqi elektromobillari 2027-yildan qattiq holatli batareyalar bilan jihozlanishi kutilmoqda. CarNewsChina xabariga ko‘ra, kompaniya 2027-yil oxiriga borib prototipdan kichik seriyali ishlab chiqarishga o‘tishni rejalashtirgan.

FAW 66 Ah sig‘imli qattiq holatli batareya elementlarining sinov ishlab chiqarishini yakunlagan. Bundan tashqari, kompaniya energiya zichligi, resurs muddati, termal boshqaruv va masshtablash kabi texnik muammolarni hal qilish uchun 27 ta sanoat hamkori bilan ilmiy-tadqiqot ishlarini olib bormoqda.

Prototip batareyalar Hongqi’ning yuqori toifali sedan va yo‘ltanlamas modellarida uzoq masofaga mo‘ljallangan ishlash rejimlarida sinovdan o‘tkazilmoqda.

Sanoat prognozlariga ko‘ra, Xitoyda qattiq holatli batareyalar 2026 – 2027-yillarda kichik hajmda avtomobillarda qo‘llanila boshlashi mumkin. Dastlabki namunalarda energiya zichligi...

O‘zbekiston milliy terma jamoasi 2026-yilgi Jahon chempionatidagi ishtiroki uchun kamida $10,5 mln miqdoridagi mablag‘ga ega bo‘ladi. Bu haqda FIFA xabar berdi.

Belgilangan tartibga ko‘ra, har bir ishtirokchi jamoaga tayyorgarlik xarajatlarini qoplash uchun $1,5 mln ajratiladi. Guruh bosqichida ishtirok etishning o‘zi uchun yana $9 mln to‘lanishi belgilangan. Agar O‘zbekiston terma jamoasi guruhdan keyingi bosqichlarga o‘tsa, daromad miqdori sezilarli darajada ortib boradi.

Xususan, 1/16 finalga chiqqan jamoalarga $11 mln, 1/8 final ishtirokchilariga $15 mln, chorak finalchilarga esa $19 mlndan beriladi. Musobaqa g‘olibi $50 mln, finalchi $33 mln, bronza medali sohibi esa $29 mln mukofot puliga ega bo‘ladi. Umumiy sovrin jamg‘armasi...

OnePlus o‘zining yangi OnePlus 15R smartfonini namoyish qildi. Bu qurilma Xitoyda sotilayotgan Ace 6T’ning global versiyasi bo‘lsa-da, ba’zi farqlarga ega.

Modelda sig‘im 8300 mA/soatdan 7400 mA/soatgacha qisqartirilgan. Biroq bu ko‘rsatkich ham hali juda yuqori hisoblanadi. Tez zaryadlash quvvati ham 100 vattdan 80 vattga tushirilgan.

Smartfon Snapdragon 8 Gen 5 flagman protsessori bilan jihozlangan. Unga 12 GB tezkor xotira va 256 yoki 512 GB ichki xotira juftlik qiladi. AMOLED ekrani 6,83 dyuymli, Full HD+ aniqlikda va 165 gers yangilanish chastotasiga ega. Ekran Gorilla Glass 7i bilan himoyalangan.

Asosiy kamera Sony IMX906 50 MP sensorga tayanadi. Qo‘shimcha ravishda 8 MP ultra-keng...

Rossiyaning Moskva viloyatida joylashgan maktabda tojikistonlik 10 yoshli o‘quvchining o‘ldirilishi ortidan Tojikiston rasmiylari keskin bayonot bilan chiqdi. Tojikiston Tashqi ishlar vazirligi ushbu jinoyat millatga nisbatan nafrat asosida sodir etilganini ta’kidlab, Rossiyaning Dushanbedagi elchisini vazirlikka chaqirtirdi.

Tojikiston TIV ma’lumotiga ko‘ra, Moskva viloyatining Gorki-2 posyolkasidagi Uspenskiy o‘rta maktabida 4-sinf o‘quvchisi Qobiljon Aliyev pichoq bilan o‘ldirilgan. Vazirlik hodisani qat’iyan qoralab, Rossiya tomonidan voqeani tezkor, xolis va to‘liq tergov qilish, aybdorlarni esa qonun doirasida javobgarlikka tortishni talab qilgan.

Shuningdek, bayonotda Tojikistonning Rossiyadagi elchixonasiga marhum bolaning oila a’zolari bilan doimiy aloqada bo‘lish va ishni nazoratga olish topshirilgani ham qayd etilgan.

Qotillik tafsilotlari

Hodisa...

Ijtimoiy tarmoqlarda Toshkent qassoblarining chiqindilari sabab Yangihayot tumani hududida noxush hid tarqalayotgani haqida xabarlar tarqaldi. Holat yuzasidan Ekologiya va iqlim o‘zgarishi milliy qo‘mitasi rasmiy munosabat bildirdi.

O‘rganish davomida murojaatda tilga olingan joy O‘rta Chirchiq tumani «Sayid ovul», «Baxt» MFY hududidan oqib o‘tuvchi ochiq suv havzasi ekani aniqlangan. Mazkur hududda holatni nazorat qilish maqsadida kunduzgi va tungi reydlar tashkil etildi.

Nazorat tadbirlari vaqtida tumanning G‘afur G‘ulom mahallasida yashovchi fuqaro o‘z xonadonida hosil bo‘lgan chiqindi suvlarni avtomashina orqali olib kelib, ushbu hududga to‘kayotgani aniqlanib, to‘xtatildi.

Mazkur holat bo‘yicha fuqaro Ma’muriy javobgarlik to‘g‘risidagi kodeks asosida javobgarlikka tortildi va unga 2 mln so‘m...

Toshkent, Samarqand va Guliston shaharlarida uch nafar advokatning noqonuniy harakatlari aniqlanib, ularga nisbatan chora ko‘rildi. Bu haqda DXX matbuot xizmati ma’lum qildi.

Toshkent shahrida faoliyat yurituvchi advokat Mirobod tumani IIO FMB tergov bo‘limi yurituvidagi jinoyat ishining ayblanuvchisidan $10 ming talab qilgan. Advokat $5 mingni olgan vaqtida ushlangan. U sud tizimidagi tanishlari orqali 135-modda bo‘yicha jazoni o‘zgartirishda yordam berishni va’da qilgan.

Shuningdek, Samarqand shahrida esa mahalliy advokatlik firmasi advokati jinoyat ishining ayblanuvchisidan $4 ming olgan va sud idoralaridagi tanishlari orqali ozodlikdan mahrum qilinmaydigan jazo tayinlanishida yordam berishga uringan.

Guliston shahrida faoliyat yurituvchi advokat Oqoltin tumanidagi MChJ rahbaridan $1,5 mingni...

SpeedmeRu nashri salon ichida musiqa deyarli studiya darajasida yangraydigan yetti model reytingini e’lon qildi. Bu haqda Tarantas News xabar berdi.

Dastlab, Volvo EX90 krossoveri 25 karnayli Bowers & Wilkins tizimi va Abbey Road Studios rejimi bilan ajralib turadi. Ushbu sozlama musiqa tinglash jarayonini avtomobil salonidan ko‘ra, professional ovoz yozish studiyasiga yaqinlashtiradi.

Mercedes-Maybach S 680 modeli 30 karnayli Burmester audio tizimi va faol shovqin bostirish texnologiyasi bilan yo‘l tovushlarini deyarli yo‘q qiladi. Natijada musiqadagi eng nozik detallar ham aniq eshitiladi.

Lincoln Aviator Black Label’da o‘rnatilgan 28 karnayli Revel Ultima tizimi ovozni yo‘lovchilar atrofida aylantirib, hajmli va chuqur sahna hosil qiladi...

OnePlus kompaniyasi global bozorda OnePlus 15R smartfoni bilan bir qatorda OnePlus Pad Go 2 nomli yangi o‘rta narx toifasidagi planshetni ham taqdim etdi.

Qurilmaning rasmiy narxi 350 yevro etib belgilangan bo‘lib, dastlabki davrda uni 300 yevroga xarid qilish mumkin. Yangi planshet MediaTek Dimensity 7300-Ultra protsessori asosida ishlaydi. Xotira konfiguratsiyalari sifatida 8/128 GB va 8/256 GB variantlari taklif etiladi.

OnePlus Pad Go 2 12,1 dyuymli IPS displey bilan jihozlangan. Ekran 2800×1980 piksel aniqlikka ega bo‘lib, 7:5 tomonlar nisbatida ishlaydi. Displey 120 Hz yangilanish chastotasini qo‘llab-quvvatlaydi, maksimal yorqinligi esa 900 nitni tashkil qiladi.

Planshetning asosiy ustunliklaridan biri...

Transfermarkt portali Turkiya chempionatida ishtirok etayotgan futbolchilarning yangilangan narxlarini e’lon qildi.

O‘zbekiston milliy terma jamoasi sardori Eldor Shomurodovning narxi o‘zgarishsiz qoldi. Maydonda ajoyib o‘yin namoyish etayotganiga qaramasdan, hujumchining ayni vaqtdagi bozor qiymati 5 mln yevroni tashkil qilmoqda.

Shu bilan birga, ro‘yxatdagi boshqa ikki nafar o‘zbekistonlik futbolchilar Abbosbek Fayzullaev va Husniddin Aliqulovning narxlarida pasayish kuzatildi. Xususan, Fayzullaevning qiymati 1 mln yevroga arzonlashib, hozirda 7 mln yevroga baholanmoqda. Himoyachi Husniddin Aliqulovning narxi esa 200 ming yevroga pasaydi va hozirgi qiymati 1,5 mln yevroni tashkil qildi.

Avvalroq Kursiv Uzbekistan Shomurodov Turkiya Superligasida noyabr oyining ramziy tarkibidan joy olgani haqida xabar...

Google sun’iy intellektning takomillashtirilgan modeli Gemini 3 Flash’ni ishga tushirdi. Bu haqda kompaniya rasmiy sahifasida ma’lum qildi.

Kompaniya bu model qidiruv tizimidagi SI natijalar uchun asos bo‘lishini va yaqin vaqt ichida millionlab foydalanuvchilar uchun ochilishini bildirdi.

Gemini 3 Flash tezkorlik va samaradorlikka urg‘u berilgan bo‘lib, avval taqdim etilgan Gemini 3 Pro’ning kuchli imkoniyatlarini saqlab qolgan. Yangi model Gemini ilovasi hamda Google qidiruvidagi AI Mode orqali bosqichma-bosqich joriy etiladi. U murakkab so‘rovlarga qisqa va aniq javoblar berishga mo‘ljallangan.

Google ushbu yangilanish orqali sun’iy intellekt bozoridagi pozitsiyasini mustahkamlashga harakat qilmoqda. Analitiklar Gemini 3’ni Alphabet aksiyalari uchun muhim o‘sish omili sifatida baholamoqda.

Ijtimoiy himoya xodimlarining qonuniy faoliyatiga to‘sqinlik qilganlik uchun javobgarlik belgilandi. Bu haqda Adliya vazirligi ma’lum qildi.

Shaharsozlik hujjatlarida nogironligi bo‘lgan shaxslar uchun shart-sharoitlar ko‘rsatilmagan holatda ekspert tashkilotlar ijobiy xulosa bersa, BHMning 50 – 70 baravari miqdorida jarima belgilanadi.

Ijtimoiy himoya milliy agentligi va uning hududiy boshqarmalari xodimlarining qonuniy faoliyatiga to‘sqinlik qilish yoki qonun talablarini bajarmaslik fuqarolar uchun BHMning 3 – 5 baravari, mansabdor shaxslar uchun esa 5 – 10 baravari miqdorida jarima belgilanishini ko‘zda tutadi.

Ijtimoiy himoya reyestriga kiritilgan oilalarga homiylik mablag‘lari daromad solig‘idan ozod qilinadi. Nogironligi bo‘lgan shaxslar, faxriylar, xotin-qizlar va bolalar jamoat birlashmalarini davlat ro‘yxatidan o‘tkazish...

Counterpoint Research kompaniyasi 2026-yil uchun smartfon bozori bo‘yicha prognozini qayta ko‘rib chiqdi. Tahlilchilarga ko‘ra, dunyo bo‘yicha smartfon yetkazib berish hajmi 2,1 foizga kamayadi. Bunga asosiy sabab xotira chiplarining keskin qimmatlashuvi bo‘lib, bu qurilmalar tannarxi va ayniqsa, arzon smartfonlarga bo‘lgan talabga salbiy ta’sir ko‘rsatmoqda.

DRAM xotirasi narxining oshishi sabab prognoz avvalgi kutilmalarga nisbatan 2,6 foizga pasaytirildi. Eng katta zarba Xitoy brendlariga, jumladan, Honor, Oppo va Vivo kompaniyalariga to‘g‘ri kelishi aytilmoqda.

Baholashlarga ko‘ra, 2025-yil boshidan beri arzon segmentdagi smartfonlar tannarxi qariyb 25 foizga, o‘rta segmentda 15 foizga, yuqori segmentda esa 10 foizga oshgan.

Mutaxassislar bu jarayon hali to‘xtamasligini ta’kidlamoqda. 2026-yil...

Angliya liga kubogi doirasida bo‘lib o‘tgan «Manchester Siti» va «Brentford» jamoalari o‘rtasidagi uchrashuvda o‘zbekistonlik futbolchi Abduqodir Husanov asosiy tarkibda maydonga tushdi.

«Shaharliklar» uchrashuvning birinchi bo‘limida hisobni ochdi. 32-daqiqada burchak zarbasidan keyin raqib vakillari to‘pni qaytardi. Qaytgan to‘pni Rayan Sherki kuchli zarba bilan darvozaga yo‘llab, darvozabonni ojiz qoldirdi. 67-daqiqada esa Reyndersning pasidan keyin Savinyo gol kiritib uchrashuvdagi yakuniy hisobni o‘rnatdi – 2:0.

Husanov uchrashuvning dastlabki daqiqalaridanoq «Manchester Siti» mudofaasining markazida harakat qildi va 16-daqiqasida qo‘polligi uchun sariq kartochka ko‘rsatildi. O‘zbekistonlik himoyachi o‘yin davomida bir necha bor xavfli vaziyatlarni bartaraf etib, havodagi kurashlarda ustunlik ko‘rsatdi. Sofascore portali Husanovning o‘yinini 7,2 ballga...

Tijorat banklari 18-dekabr kungi xorijiy valyutalarni ayirboshlash kurslarini yangiladi. Kursiv Uzbekistan eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Eslatib o‘tamiz, avvalroq Kursiv Uzbekistan hafta davomida dollar qanday o‘zgargani haqida yozgan edi. 

18-dekabr — kamroq so‘z, ko‘proq harakat, kamroq impuls, ko‘proq natija kuni. Kunning astrologik manzarasi tartib, o‘z-o‘zini nazorat qilish va sokin samaradorlikni rag‘batlantiradi, tartibsizlik uchun qattiq jazolaydi. Kursiv Uzbekistan 18-dekabr kuni barcha burjlar uchun munajjimlar bashoratini taqdim etadi.

Qo‘y (21.03 – 20.04)

Ish joyida arzimas sabablar ortidan obro‘yingizga putur yetishi xavfi bor. Agar maqsadingiz yo‘lida hamkasblarni xafa qilib qo‘ysangiz, bu sizga qaytib salbiy ta’sir qiladi. Har bir gap va qadamni o‘ylab bosing — shunda yo‘l ham ravon bo‘ladi. Sizga yordam berishni istaydiganlar ko‘p, faqat vaziyatni to‘g‘ri tushuntirib, ochiq muloqotda bo‘lish yetarli. Tanani chiniqtirish, sport bilan shug‘ullanish va ovqatlanish ratsionini yangilash...

O‘zbekistonda 2026 – 2030-yillarga mo‘ljallangan bolalarni zo‘ravonlikning barcha shakllaridan himoya qilish strategiyasi va harakatlar rejasi tasdiqlandi. Bu haqda Ijtimoiy himoya milliy agentligi ma’lum qildi.

Strategiya zo‘ravonlikning barcha shakllarini qamrab oladi va eng yaxshi jahon tajribasiga tayangan. Hujjat zo‘ravonlik holatlarini aniqlash, tezkor javob choralarini ko‘rish, profilaktika va monitoringni o‘z ichiga oladi.

2026-yildan boshlab professional mutaxassislar oilalar bilan ishlaydi. Bolalar psixologlar va huquqshunoslar yordamini oladi, oilalar esa zarur ko‘mak va terapiya xizmatlari bilan ta’minlanadi. Oilani qo‘llab-quvvatlash va qayta tiklash ustuvor vazifa sifatida belgilangan.

Strategiya doirasida jabrlangan bolalarga oilaviy muhitga yaqin sharoitda ijtimoiy xizmatlar ko‘rsatish, reabilitatsiya va ijobiy ota-onalikni rivojlantirish choralari...

Huawei aqlli soat va fitnes-braslet bozorida yetakchi bo‘ldi. Bu haqda IDC tahlilchilarining hisobotida qayd etildi. AQSh sanksiyalari ostida bo‘lgan kompaniya bu segmentda sezilarli ustunlikka erishgan.

Ma’lumotlarga ko‘ra, 2025-yilning birinchi uch choragi davomida Huawei 28,6 mln aqlli soat va fitnes-treker sotgan. Natijada kompaniya bozorda 18,6 foiz ulushni egalladi va sotuv hajmini 21,6 foizga oshirdi. Sotuvlarning katta qismi Xitoy bozoriga to‘g‘ri kelgani muvaffaqiyatning asosiy sababi sifatida ko‘rsatilmoqda.

Ikkinchi o‘rinni Xiaomi egalladi. Kompaniya 27,9 mln qurilma sotib, 18,1 foiz ulush qayd etdi. Bu ishlab chiqaruvchi yetkazib berishni 36,1 foizga oshira olgan.

Apple uchinchi pog‘onani oldi. Kompaniyaning sotuv hajmi 27,9 mln bo‘ldi, ulushi...

Apple arzon narxdagi yangi MacBook ustida ish olib bormoqda. Kod fayllarida topilgan ma’lumotlarga ko‘ra, kompaniya yuqori unumdor A18 Pro emas, balki A15 Bionic platformasidagi modelni ham sinovdan o‘tkazayotgan bo‘lishi mumkin.

MacRumors aniqlagan kod satrlarida Mac’lar bo‘limida hali taqdim etilmagan MacBook konfiguratsiyasi qayd etilgan. Unda A15 Bionic chipi, «mac14p» loyihasi va H14P platformasi ko‘rsatilgan. Bu qurilma ichki kod nomi J267 bo‘lishi taxmin qilinmoqda.

A15 Bionic – iPhone 13 liniyasi, oldingi avlod iPad mini va oxirgi iPhone SE’da ishlatilgan platforma. U kuchsiz emas, biroq zamonaviy Apple chiplaridan ancha ortda qoladi.

Mutaxassislar fikricha, Apple ehtimol ikki xil variantni ko‘rib chiqmoqda: A...

Toshkent tumanida faoliyat yurituvchi dorixona omborida tekshiruv o‘tkazildi. Bu haqda DXX matbuot xizmati ma’lum qildi.

Tekshiruv natijasida jami 1209 turdagi, umumiy qiymati 38 mlrd so‘mlik dorilar mavjudligi aniqlangan. Shulardan taxminan 20 mlrd so‘mlik dorilar GDP sertifikatiga ega emas va Farmatsevtika agentligi Sertifikatlash organidan litsenziya olinmagan holda saqlanmoqda.

Omborda 30 turdagi, qiymati salkam 264 mlnlik 10509 quti dorilarning yaroqlilik muddati o‘tgan, 3 turdagi 639 quti dorilar va 243 dona gel vositalarining yaroqlilik muddati qalbakilashtirilgan.

Farmatsevtika mahsulotlari xavfsizligi markazi xulosasiga ko‘ra, dorixona mas’ul shaxslar dorilarni litsenziyada ko‘rsatilgan binodan tashqarida saqlagan. 10 turdagi dorilarda muvofiqlik sertifikatlari rasmiylashtirilmagan. Shuningdek, 1 turdagi dori...