Yangiliklar

Qozog‘iston Tashqi ishlar vazirligi 13-yanvar kuni Qora dengizda Kaspiy quvurlari konsorsiumi dengiz terminaliga yo‘l olgan uchta tankerga dronlar orqali qilingan hujumlar yuzasidan munosabat bildirdi.

Unga ko‘ra, yuzaga kelgan vaziyat yuzasidan Yevropaning bir qator davlatlari elchilari bilan favqulodda uchrashuvlar o‘tkazilgan, shuningdek, AQSh tomoni va boshqa xorijiy hamkorlar bilan aloqalar olib borilgan. Ushbu muloqotlarda uglevodorodlarni, jumladan, dengiz yo‘llari orqali tashish xavfsizligini xalqaro huquq normalariga qat’iy rioya etgan holda ta’minlash bo‘yicha samarali choralar ko‘rish zarurligi alohida ta’kidlangan.

Qozog‘iston TIV mamlakat hech qanday qurolli mojaroda ishtirokchi emasligini, global va Yevropa energetika xavfsizligini mustahkamlashga muhim hissa qo‘shib kelayotganini hamda energiya resurslari yetkazib berilishini xalqaro...

Qirg‘iziston yengil avtomobillar savdosida 2029-yil 1-yanvargacha amal qiladigan keng ko‘lamli soliq imtiyozlari joriy etilganini rasman e’lon qildi. Bu haqda mamlakatning Davlat soliq xizmati xabar berdi.

Iqtisodiy qo‘llab-quvvatlash to‘g‘risidagi qonunni amalga oshirish doirasida Soliq kodeksiga o‘zgartirishlar kiritildi. Yangi qoidalar jismoniy shaxslar uchun ikkilamchi bozor qoidalarini tubdan o‘zgartiradi.

Jismoniy shaxslar tomonidan yengil avtomobillar savdosi endi tadbirkorlik faoliyati hisoblanmaydi, hatto jismoniy shaxs bir kalendar yilida ikkitadan ortiq avtomobil sotgan taqdirda ham. Ilgari bunday operatsiyalar biznes sifatida tasniflanishi va ro‘yxatdan o‘tish va soliq to‘lashni talab qilishi mumkin edi.

Shuningdek, avtotransport vositalari bilan bog‘liq operatsiyalar uchun asosiy soliq yig‘imlariga to‘liq moratoriy joriy etildi...

Xitoyning Milliy neft-gaz kompaniyasi (CNPC) Turkmanistonning ulkan «Galkinish» gaz konining To‘rtinchi bosqichi deb nomlangan sektorida ishlarni boshlashga tayyorgarlik ko‘rmoqda. Bu haqda Turkmaniston hukumatining hisobotida keltirilgan.

Ushbu sektor to‘liq quvvat bilan ishlay boshlagach, yiliga taxminan 30 milliard kubometr gaz ishlab chiqarishi kutilmoqda. To‘rtinchi bosqichni rivojlantirish uchun barcha mablag‘ni Turkmaniston taqdim etmoqda.

Ashxobod u yerdan chiqqan gazni qayerga jo‘natishni rejalashtirayotgani haqida hech qanday ma’lumot bermagan. Hukumat hisobotida Xitoy hozirda turkman gazining eng yirik xaridor ekani va yiliga taxminan 40 milliard kubometr gaz sotib olishi ta’kidlangan.

Unda, shuningdek, eksport yo‘nalishlarini diversifikatsiya qilish Turkmaniston gaz siyosatining asosi bo‘lib qolmoqda deya ta’kidlanadi va...

Kaliforniyada joylashgan Galactic Resource Utilization Space (GRU) startapi Oyda joylashadigan ilk mehmonxona loyihasi uchun bronlarni ochdi. Bu haqda Space.com nashri xabar berdi.

Kompaniya ma’lumotiga ko‘ra, badavlat sarguzasht ixlosmandlari Oyda dam olish uchun oldindan $1 million depozit to‘lab, birinchi mehmonlar safidan joy egallashi mumkin.

GRU’ning ta’kidlashicha, mehmonxona 2032-yilga qadar ishga tushirilishi rejalashtirilgan. Bu obyekt yer tashqarisida doimiy barpo etiladigan ilk inshoot bo‘lishi kutilmoqda. Qurilish ishlari 2029-yilda, zarur ruxsatnomalar olinganidan so‘ng boshlanishi mumkin.

Loyihaga ko‘ra, mehmonxona Oy tuprog‘ini maxsus texnologiyalar yordamida mustahkam qurilish materialiga aylantirish orqali bunyod etiladi. Kompaniya bu jarayon uchun o‘ziga xos modulli yashash tizimi va avtomatlashtirilgan ishlab chiqarish...

2025-yil yanvar – dekabr oylarida O‘zbekistonda 427 mingdan ortiq avtomobil sotildi. Yil yakunlariga ko‘ra, Chevrolet yetakchilikni saqlab qolgan bo‘lsa-da, sotuv hajmida pasayish qayd etildi, Kia’da esa barqaror o‘sish kuzatildi.

2025-yilda Chevrolet sotuvi 355,3 ming donani tashkil etdi va bozor ulushi 83,2 foizga tushdi. Taqqoslash uchun, 2024-yilda ushbu ko‘rsatkich 87,9 foiz edi. Bu Chevrolet ulushida pasayish borligini ko‘rsatmoqda.

Kia aksincha o‘sish qayd etdi. 2025-yilda brend 25,7 mingta avtomobil sotib, bozorning 6,0 foizini egalladi. 2024-yilda Kia ulushi 4,8 foiz bo‘lgan. BYD ham ijobiy dinamika ko‘rsatdi: 2025-yilda ulushi 5,6 foizga yetdi, 2024-yilda esa bu ko‘rsatkich 4,3 foiz edi.

Chery bozordagi ulushini...

Ijtimoiy tarmoqlarda Toshkent shahar hokimi Shavkat Umurzoqov nomidan foydalanib ochilgan soxta akkauntlar orqali fuqarolarga murojaatlar yo‘llanayotgani aniqlandi. Bu haqda shahar hokimligi matbuot xizmati xabar berdi.

Ushbu akkauntlarda hokimning rasmi, ismi va familiyasidan foydalanilib, turli xabarlar yuborilmoqda.

Shahar hokimligi matbuot xizmati rasmiy bayonot bilan chiqib, hokim nomidan shaxsiy yozishmalar olib borayotgan yoki turli iltimos va takliflar bilan murojaat qilayotgan barcha akkauntlar soxta ekanini ma’lum qildi. Fuqarolardan bunday sahifalarga ishonmaslik va ular bilan muloqotga kirishmaslik qat’iyan so‘ralmoqda.

Qayd etilishicha, Toshkent shahar hokimi yoki hokimlikka aloqador mansabdor shaxslar aholi bilan shaxsiy tartibda xabar almashmaydi. Rasmiy sahifa yoki aloqa kanali ochiladigan bo‘lsa, bu...

OpenAI ish qidirishni soddalashtirish, rezyumeni yaxshilash uchun mo‘ljallangan virtual karyera yordamchisi – ChatGPT Jobs uchun yangi funksiyani sinovdan o‘tkazmoqda. Bu haqda Hi-Tech Mail xabar berdi.

Nashrning yozishicha, sog‘liqni saqlash muammolariga bag‘ishlangan ChatGPT Health bo‘limi ishga tushirilgandan ko‘p o‘tmay, debyut qilingan ushbu funksiya ChatGPT’ni kundalik vazifalar uchun universal ilovaga aylantirishga qaratilgan yana bir urinishdir.

Jobs funksiyasi ChatGPT’dan shaxsiy karyera maslahatchisi sifatida foydalanish imkonini beradi. Uning yordamida nomzod rezyumesini tahrirlashi, mehnat bozorida o‘zini to‘g‘ri va kuchli qilib ko‘rsatishi yoki karyera rejasini tuzishi mumkin. Funksiya tavsifida uchta asosiy yo‘nalish ko‘rsatilgan. Ular rezyume va professional profilni yaxshilash, mos ish o‘rinlarini topish va boshqa...

O‘zbekiston Janubiy Koreya granti asosida 100 ta zamonaviy tez yordam avtomashinasi xarid qiladi. Bu haqda Sog‘liqni saqlash vazirligi matbuot xizmati xabar berdi.

Sog‘liqni saqlash vaziri o‘rinbosari boshchiligidagi delegatsiya Koreya Respublikasiga tashrifi doirasida DK Consultants kompaniyasi rahbariyati bilan uchrashuv o‘tkazdi. Muzokaralarda sog‘liqni saqlash sohasidagi ikki tomonlama hamkorlikni yanada kengaytirish hamda istiqbolli loyihalarni amalga oshirish masalalari muhokama qilindi.

Uchrashuv davomida respublikada 103 tez tibbiy yordam xizmatini takomillashtirish maqsadida kompaniya tomonidan ajratiladigan grant mablag‘lari hisobidan 100 ta tez tibbiy yordam avtomashinasini yetkazib berishni nazarda tutuvchi, qiymati $7 millionga teng memorandum imzolandi.

Kelishuvga muvofiq, ushbu zamonaviy rusumdagi transport vositalarini 2026-yilning birinchi yarmida xarid...

15-yanvar uchun valyutalar kursi yangilandi. Unga ko‘ra, dollar 46,33 so‘mga pasayib, 12 001,71 so‘mni tashkil etdi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.

Dollarning so‘nggi kunlardagi o‘zgarishi

7-yanvar kuni 16,35 so‘mga oshib, 11 968,59 so‘mga, 8-yanvarda 64,69 so‘mga oshib, 12 033,28 so‘mga, 9-yanvarda esa 75,74 so‘mga oshib, 12 109,02 so‘mga yetdi. Dollar hafta boshi uchun yuqoriladi: 12-yanvarda 22,53 so‘mga oshib, 12 131,55 so‘mni tashkil etdi. 13-yanvarda 32,37 so‘mga pasayib, 12 099,18 so‘m, 14-yanvarda esa 51,14 so‘mga pasayib, 12 048,04 so‘m etib belgilandi.

Markaziy bank ma’lumotlariga ko‘ra, yevro 78,08so‘mga pasayib, 13 984,39 so‘mni, rubl...

DxOMark mutaxassislari o‘tkazgan sinovda Xiaomi 15T Pro kamerasi Galaxy S25 Ultra darajasida baholandi. Qurilma flagmanlar qatoriga juda yaqin ekanini ko‘rsatdi.

Xiaomi 15T Pro asosiy kamera sifatida 50 MP, 1/1,31 dyuymli yirik sensor bilan jihozlangan. Shuningdek, 50 MP telekamera va 12 MP keng burchakli modul mavjud. Testlarda smartfon jami 149 ball oldi. Foto uchun 152 ball, video uchun esa 144 ball berildi.

Bu ko‘rsatkich bilan Xiaomi 15T Pro umumiy reytingda 28-o‘rinni egalladi. U DxOMark ro‘yxatida Honor Magic7 Pro va Samsung Galaxy S25 Ultra bilan bir qatorda joylashdi. Taqqoslash uchun, Xiaomi’ning haqiqiy foto-flagmani hisoblangan Xiaomi 15 Ultra 159 ball bilan ancha...

«Milliy tiklanish» demokratik partiyasi fraksiyasi rahbari Alisher Qodirov maktabni tugatganlarni 1,5 yillik armiyaga yuborishni taklif qildi. Bu haqda u o‘z Telegram sahifasida yozdi.

U dunyo ayni paytda inqirozlar davriga kirayotgani, bu qancha davom etishi va qanday yakunlanishini taxmin qilib bo‘lmasligini yozgan. Qodirov bunday vaziyatda milliy taraqqiyot uchun yoshlarning nafaqat bilimli, hunarli va raqobatbardosh, balki jasur, intizomli, sog‘lom va harbiylardek fikrlay olishi ham zaruratga aylanayotganini ta’kidlagan.

Deputatning yozishicha, bundan buyon virtual, sun’iy va yuqori texnologiyalar nafaqat daromad ko‘rish, balki vatan sarhadlari va manfaatlarini himoya qilish uchun ham hayotiy ahamiyatga ega bo‘ladi.

Partiya raisi maktablardagi chaqiruvga tayyorlash fani mazmunini tubdan qayta...

Apple ijodkorlar uchun mo‘ljallangan yangi Creator Studio obuna paketini taqdim etdi. Bu haqda kompaniya rasmiy sahifasida ma’lum qildi.

Unga ko‘ra, mazkur paket video montaj, musiqa yaratish va vizual dizayn bilan shug‘ullanuvchi foydalanuvchilar uchun mo‘ljallangan bir nechta professional ilovalarni yagona obuna orqali taqdim etadi.

Creator Studio obunasi oyiga $12,99 yoki yiliga $129 etib belgilangan. Talabalar va ta’lim muassasalari xodimlari uchun esa maxsus narxlar joriy qilinadi: oyiga $2,99 yoki yiliga $29,99. Obuna 28-yanvardan boshlab ishga tushadi va yangi foydalanuvchilarga bir oylik bepul sinov muddati taqdim etiladi.

Paket tarkibiga Mac va iPad uchun Final Cut Pro, Logic Pro va Pixelmator Pro ilovalari...

Vivo V70 va Vivo V70 Elite modellari Hindistonda fevral oyining o‘rtalarida taqdim etilishi kutilmoqda. Bu haqda bir qator manbalarga tayangan holda GSM Arena xabar berdi.

Ma’lum qilinishicha, Vivo V70 seriyasi Snapdragon protsessorlari, katta o‘lchamli Sony sensorlari hamda Zeiss optikasi bilan jihozlanadi. Shuningdek, yangi smartfonlar OriginOS 6 operatsion tizimi bilan chiqadi va sun’iy intellektga asoslangan bir qator funksiyalarni taklif qiladi.

Dastlabki ma’lumotlarga qaraganda, Vivo V70 Xitoyda yaqinda taqdim etilgan Vivo S50 modelining qayta nomlangan versiyasi bo‘lishi mumkin. U 6,59 dyuymli AMOLED ekran, 50 MP asosiy kamera, 50 MP periskop telefoto kamera va 8 MP ultrakeng kamera bilan jihozlanishi kutilmoqda. Smartfon...

Redmi kompaniyasi Turbo 5 Max smartfoni haqida yana bir bor eslatib, rasmiy taqdimot oldidan auditoriyani faol tayyorlashni boshladi. Bu haqda Gizmochina nashri xabar berdi.

Qurilma Turbo liniyasining yirik yangilanishi sifatida taqdim etilmoqda va 2500 yuan, ya’ni taxminan $360 narx segmentida eng kuchli smartfonlardan biri bo‘lishi kutilmoqda.

Xiaomi Group prezidenti Lu Veybinning ta’kidlashicha, Turbo seriyasi uch avlod davomida sezilarli rivojlandi. Uning so‘zlariga ko‘ra, aynan Redmi Turbo 5 Max o‘z narx toifasida eng yaxshi smartfon sifatida e’tirof etilishi kerak.

Joriy yilda Turbo seriyasi metall ramkalar, yumaloqlangan burchaklarga ega yirik tekis displeylar hamda yangi MediaTek platformalari bilan jihozlanadi. Shuningdek, yuqori versiyalarda...

O‘zbekistonlik shaxmatchi Javohir Sindorov nufuzli Titled Tuesday onlayn turnirida g‘oliblikni qo‘lga kiritdi. Umumiy mukofot jamg‘armasi $3 mingni tashkil etgan musobaqada 440 nafar ishtirokchi bellashdi.

Turnirda FIDE reytingi yetakchisi Magnus Karlsen, Fabiano Karuana, Yan Nepomnyashiy va Hikaru Nakamura kabi nomdor grossmeysterlar ishtirok etdi. Sindorov musobaqa davomida deyarli barcha o‘yinlarda g‘alaba qozonib, faqat vatandoshi Nodirbek Abdusattorov va perulik Renato Terri bilan durang o‘ynadi. Bu barqarorlik unga yakunda birinchi o‘rinni taqdim etdi.

Musobaqada qatnashgan boshqa o‘zbekistonlik shaxmatchilar ham yuqori natijalarni qayd etdi. Nodirbek Abdusattorov turnirni 5-o‘rinda yakunlagan bo‘lsa-da, o‘zining azaliy raqibi Magnus Karlsenni mag‘lub etishga muvaffaq bo‘ldi.

Shuningdek, yosh iqtidor egasi...

Qozog‘iston neftini tashish uchun mo‘ljallangan ikkita tankerga Qora dengizdagi Kaspiy quvur liniyasi konsorsiumi (CPC) terminali yaqinida dronlar hujum qildi. Bu haqda mamlakat Energetika vazirligi xabar berdi.

Vazirlik bayonotiga ko‘ra, hodisalar 13-yanvar kuni sodir bo‘lgan va ikkala holatda ham qurbonlar bo‘lmagan. Dronlar KazMunayGas milliy kompaniyasining sho‘ba korxonasi tomonidan ijaraga olingan Malta bayrog‘i ostidagi Matilda tankeriga va Liberiya bayrog‘i ostidagi Delta Harmony tankeriga hujum uyushtirgan.

Matilda kemasiga qilingan hujum oqibatida portlash sodir bo‘lgan, ammo keyinchalik yong‘in chiqmagan. Texnik xizmatlarning dastlabki baholashlariga ko‘ra, tanker «dengizda suzishga yaroqliligicha qolmoqda va hozircha korpusning jiddiy shikastlanish belgilari aniqlanmagan». Hujum paytida Delta Harmony tankeri yuklashni...

Xitoyning Sunwoda Electronic Co. kompaniyasi rahbari Van Vey internetda tarqalgan mish-mishlarni rasman inkor etdi. Unga ko‘ra, Volvo Car tomonidan Volvo EX30 elektr avtomobillari qaytarib olinayotgani Sunwoda batareyalari bilan bog‘liq emas.

Van Veyning aytishicha, muhokama qilinayotgan yuqori kuchlanishli batareyalar bevosita Sunwoda tomonidan yetkazib berilmagan. Batareyalar Volvo‘ning o‘z ichki ishlab chiqarish tizimiga kiruvchi zavodlar tomonidan taqdim etilgan. Shu bilan birga, batareya elementlari Geely va Sunwoda qo‘shma korxonasi orqali ishlab chiqarilgan bo‘lsa-da, Sunwodaning ulushi atigi 30% ekani ta’kidlandi.

Mazkur izohlar Volvo‘ning butun dunyo bo‘ylab 33,7 ming dona EX30 avtomobilini qaytarib olishi fonida yangradi. Buyuk Britaniyada bu ko‘rsatkich 10,4 ming donani tashkil etdi...

2025-yilning yanvar – noyabr oylarida O‘zbekistonda ko‘rsatilgan sug‘urta xizmatlari hajmi 10,9 trln so‘mni tashkil etdi. Bu ko‘rsatkich 2024-yilning mos davriga nisbatan sezilarli darajada, ya’ni 2,9 trln so‘mga oshgan. Bu haqda Milliy statistika qo‘mitasi xabar bermoqda.

Statistik tahlillarga ko‘ra, bozorda eng katta ulushni umumiy sug‘urta turlari egallagan. Xususan, baxtsiz hodisalar, avtotransport vositalari, yuk va mulkni sug‘urtalash kabi xizmatlar umumiy hajmning 81,7 foizini tashkil qiladi. Bu aholi va biznes vakillari orasida aynan mulkiy va transport xatarlarini sug‘urtalashga talab yuqori ekanini ko‘rsatadi.

Qayta sug‘urtalash xizmatlari bozorning 14,1 foizini band etgan bo‘lsa, hayotni sug‘urtalash yo‘nalishi nisbatan kichik ulushga ega bo‘lib qolmoqda. Hisobot davrida...

Toshkent shahrining Bektemir tumanida AQSh prezidenti Donald Tramp ustidan shikoyat qilishini aytib, 102 raqamiga qo‘ng‘iroq qilgan erkakka nisbatan sud hukmi chiqarildi. Bu haqda Toshkent shahar sudi matbuot xizmati Kursiv’ga bildirdi.

Jinoyat ishlari bo‘yicha Bektemir tumani sudida 7-yanvar kuni ko‘rib chiqilgan ish materiallariga ko‘ra, fuqaro mast holatda ichki ishlar organlarining tezkor aloqa raqamiga qo‘ng‘iroq qilib, Donald Tramp go‘yoki odam o‘g‘irlab ketgani va Oq uyda yashayotgani haqida ariza qabul qilishni so‘ragan.

Sud hujjatlarida keltirilishicha, mazkur shaxs o‘z harakati bilan maxsus xizmatlarni qasddan aldab chaqirgan hamda jamoat tartibini buzgan. Shuningdek, u surishtiruv olib borish maqsadida ichki ishlar organlari binosiga borish haqidagi qonuniy talablarni...

Tesla Xitoyda yangi arzon Tesla Model Y modelini taqdim etishga tayyorlanmoqda. Bu haqda CarNewsChina nashri ma’lum qildi.

Xitoy bozorida ham Model 3, ham Model Y ning arzon versiyalari taqdim etilishi rejalashtirilgan. Model 3 avvalroq chiqishi kutilyapti, keyin esa Model Y chiqadi.

Arzon Model Y ning tashqi o‘lchamlari yangilangan Model Y bilan deyarli bir xil bo‘lsa-da, uning ishlash ko‘rsatkichlari pasaytirilgan. 0-100 km/soat tezlanishi orqa g‘ildirakli versiyada 5.9 soniyadan 7 soniyaga oshgan. EPA reytingiga ko‘ra, batareya bilan yurgan masofa 575 km dan 517 km ga kamaygan.

AQSh bozorida taqdim etilgan budjet versiyasida standart modellarga qaraganda 20 dan ortiq xususiyatlar olib tashlangan...

Janubiy Koreya prokuraturasi sobiq prezident Yun Sok Yolga nisbatan o‘lim hukmini chiqarishni talab qildi. Agar u 2024-yil dekabrida mamlakatda harbiy holat joriy etishga bo‘lgan muvaffaqiyatsiz urinishda aybdor deb topilsa, ushbu jazo qo‘llanilishi mumkin. Bu haqda BBC xabar bermoqda.

Isyonga rahbarlik qilish Yun Sok Yolga qo‘yilgan eng og‘ir ayblov bo‘lib, qonunchilikka ko‘ra, bu jinoyat uchun o‘lim jazosi yoki umrbod qamoq jazosi ko‘zda tutilgan. Janubiy Koreya qonunlariga asosan, isyon bilan bog‘liq ishlarda prokurorlar suddan aynan ushbu ikki jazodan birini so‘rashga majbur.

Yun barcha ayblovlarni rad qilib, harbiy holat joriy etilishi ramziy xarakterga ega bo‘lganini ta’kidlamoqda. Maxsus prokurorlarning ta’kidlashicha, garchi harbiy holat...

Venesuela hukumati 400 dan ortiq mahbuslarni ozod qilganini e’lon qildi, biroq muxolifat haqiqiy raqamlar boshqacha bo‘lishi mumkinligini bildirgan, deya yozmoqda Reuters agentligi.

Milliy Assambleya raisi Xorge Rodrigez parlament sessiyasida ozod qilinganlarning siyosiy mahbuslar emas, balki qonunni buzgan va Konstitutsiyani poymol qilgan ba’zi siyosatchilar ekanini aytdi. U buni tinchlikni ta’minlash maqsadida qilganini qo‘shimcha qildi.

Muxolifat esa uzoq vaqtdan beri siyosiy sabablar bilan qamoqda saqlanayotgan odamlarni ozod qilishni talab qilib kelgan. Venesuela hukumati 2024-yilgi bahsli saylovdan keyin qo‘lga olingan ikki mingdan ortiq odamlarning aksariyatini allaqachon ozod qilganini ma’lum qilgan.

Mahalliy nodavlat tashkilotlari ozod etish jarayoni sekin kechayotganini va jarayon haqida...

2025-yilda O‘zbekiston 157 ta davlat orasida qullik indeksi (Global Slavery Index) bo‘yicha 99-o‘rinni egalladi. Bu haqda xalqaro World Population Review media platformasi ma’lumotlarida keltirilgan.

Ko‘rsatkich 56 ball bo‘lib, bu Markaziy Osiyodagi ayrim davlatlarga qaraganda yomonroq natija hisoblanadi. Global qullik indeksi 1 balldan 100 ballgacha baholanadi. Ball qancha past bo‘lsa, holat shuncha yaxshi hisoblanadi. Indeks ikki asosiy omil asosida hisoblanadi. Bular har 100 ming aholiga to‘g‘ri keladigan qullik holatlari soni hamda davlat va huquqni muhofaza qiluvchi organlarning bunday jinoyatlarga munosabati.

Manbaga ko‘ra, O‘zbekistonda qullik holatlari 100 ming aholiga 7,4 ta, hukumatning bu muammoga munosabati esa 100 balldan 46 ball...

14-yanvar kuni O‘zbekiston Qurolli Kuchlari tashkil etilganining 34 yilligi hamda Vatan himoyachilari kuni munosabati bilan Shavkat Mirziyoyev bayram tabrigini yo‘lladi. Bu haqda prezident matbuot xizmati xabar berdi.

Davlat rahbari o‘z murojaatida askar va serjantlar, ofitser va generallar, shuningdek, Qurolli Kuchlar faxriylarini va butun ko‘p millatli xalqni bayram bilan samimiy qutladi. Prezident Vatan himoyasidek sharafli va mas’uliyatli vazifani sidqidildan ado etib kelayotgan harbiy xizmatchilarga yuksak hurmat va ehtirom bildirdi.

Shuningdek, Vatan oldidagi burchini bajarish chog‘ida halok bo‘lgan qahramon harbiylar xotirasi chuqur ehtirom bilan yod etildi.

Tabrikda qayd etilishicha, Yangi O‘zbekistonni barpo etish yo‘lida amalga oshirilayotgan keng ko‘lamli islohotlarda Qurolli Kuchlarning...