Yangiliklar

2025-yilda iqtisodiyotda nominal va real ish haqining yuqori o‘sishi davom etdi. O‘rtacha oylik maosh 6,4 mln so‘mga yetdi. Bu haqda Markaziy bankning mehnat bozori sharhida ma’lum qilindi.

Yil yakuniga ko‘ra nominal ish haqi 18,9 foizga, real ish haqi esa 9,3 foizga oshdi. Sohalar kesimida eng yuqori o‘rtacha ish haqi moliya va sug‘urta sohasida 17,6 mln so‘mni tashkil etdi. Axborot-kommunikatsiya xizmatlarida esa bu ko‘rsatkich 15,3 mln so‘m bo‘ldi.

Eng past ish haqi qishloq xo‘jaligida 3,4 mln so‘m va ijtimoiy xizmatlarda 4,1 mln so‘m darajasida qayd etildi.

Ma’lumotga ko‘ra, real ish haqi eng ko‘p Namangan (13,1%), Sirdaryo (11,5%) va Jizzax...

2025-yilda O‘zbekistonda jami 879 mingta tirik tug‘ilish holati qayd etildi. E’tiborli jihati, 48 nafar erkak 70 yoshdan oshganda, 12 mingdan ortiq ayol esa 40 yoshdan keyin farzand ko‘rgan. Bu haqda Milliy statistika qo‘mitasi xabar bermoqda.

Statistikaga ko‘ra, ota bo‘lganlarning mutlaq ko‘pchiligi 25 – 39 yosh oralig‘iga to‘g‘ri keladi — 718,7 ming nafar. Shuningdek, 25 yoshgacha bo‘lgan yigitlar orasida 97,9 mingta, 40 – 59 yoshdagi erkaklar orasida 62 ,2 mingta hamda 60 yoshdan oshganlar orasida 638 ta ota bo‘lish holati kuzatilgan.

Onalarning yosh ko‘rsatkichlari tahlil qilinganda, chaqaloqlarning asosiy qismi, ya’ni 58,2 foizi (512 ming nafar) 25 – 39 yoshdagi ayollar...

Respublika va mahalliy ijro etuvchi hokimiyat organlarida ish jarayonlarini raqamlashtirish hamda qog‘ozdan foydalanishni tartibga solish bo‘yicha yangi choralar belgilandi. Bu haqda Adliya vazirligi xabar berdi.

Qarorga ko‘ra, shu yilning 1-iyuniga qadar barcha tashkilotlarda ishlatilgan qog‘ozlarni yig‘ish uchun maxsus konteynerlar o‘rnatiladi va ularni qayta ishlash tizimi yo‘lga qo‘yiladi. Shuningdek, har bir bo‘linmada xodimlar soni va real ehtiyojdan kelib chiqib, qog‘oz sarfiga aniq cheklovlar joriy etiladi.

Shuningdek, 1-maydan boshlab esa yanada qat’iy tartiblar amal qiladi. Jumladan, kelgusi 5 yil davomida smetalar tuzishda qog‘oz, siyoh va ofis texnikalariga ajratiladigan mablag‘lar har yili 15 foizga kamaytirib boriladi.

Bundan tashqari, printerlardan markazlashgan holda foydalanish...

1-apreldan boshlab O‘zbekistonda ko‘chmas mulk va avtomobil oldi-sotdisi eskrou tizimi orqali amalga oshiriladi. Markaziy bank ushbu tizim qanday ishlashini tushuntirib berdi.

Eskrou — bu xaridor va sotuvchi o‘rtasidagi hisob-kitobni bank nazoratida amalga oshiruvchi maxsus hisobvaraq. Mablag‘ bitim to‘liq yakunlanmaguncha himoyalangan holda saqlanadi.

Jarayon qanday ishlaydi

Yangi tartib uch bosqichdan iborat:

Mablag‘ni qanday kiritish mumkin

Naqd pulni...

Yevropa Chempionlar ligasining 1/8 final o‘yinlari yakuniga yetgach, turnirning chorak finalida ishtirok etadigan barcha juftliklar aniqlandi. Bu haqda UEFA xabar bermoqda.

Ispaniyaning ikki klubi «Barselona» va «Atletiko Madrid» yarim final yo‘llanmasi uchun o‘zaro bahs olib boradi. Shu bilan birga, Germaniyaning «Bavariya» klubiga musobaqaning yana bir ispan jamoasi «Real Madrid» raqiblik qiladi.

Angliya vakillaridan biri «Liverpul» klubi Fransiyaning PSJ jamoasiga qarshi maydonga tushadi. Chorak finalning so‘nggi juftligida Portugaliyaning «Sporting» klubi Londonning «Arsenal» jamoasini sinovdan o‘tkazadi. Chorak final bahslari 8 – 9-aprel kunlari o‘tkazilishi rejalashtirilgan.

Eslatib o‘tamiz, 1/8 final o‘yinlarida «Liverpul» «Galatasaroy»ni umumiy 4:1 hisobida yenggan bo‘lsa, «Bavariya» «Atalanta»ni mehmonda va...

Tijorat banklari tomonidan 19-mart kungi xorijiy valyutalarni ayirboshlash kurslari yangilandi. «Kursiv» eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Eslatib o‘tamiz, avvalroq Kursiv Uzbekistan hafta davomida dollar kursi qanday o‘zgargani haqida yozgan edi.

23-martdan boshlab Toshkent — Chorbog‘ yo‘nalishida avtobus qatnovi yana ishga tushiriladi. Bu haqda «Toshshahartransxizmat» AJ xabar berdi.

Unga ko‘ra, avtobus «Mashinasozlar» metrosidan Humson qo‘rg‘onigacha harakatlanadi.

Yo‘nalishga zamonaviy MAN RR3 rusumli turistik avtobuslar biriktiriladi. Ular 47 o‘rinli bo‘lib, konditsioner va qulay o‘rindiqlar bilan jihozlangan. Yo‘l haqi 25 ming so‘m etib belgilangan.

Avtobuslar har kuni soat 06:00 dan qatnay boshlaydi va 1,5 soat oralig‘ida harakatlanadi. Safar davomiyligi taxminan 1 soat 30 daqiqani tashkil etadi. Oxirgi qatnov Chorbog‘dan 20:30 da yo‘lga chiqib, 22:00 da Toshkentga yetib keladi.

Marshrut Mashinasozlar metrosi — Maxtumquli ko‘chasi — Yangi O‘zbekiston bog‘i — Xojikent — Chinorkent orqali...

Rejissyor Denis Vilnyov tomonidan suratga olingan «Dyuna: Uchinchi qism» (Dune: Part Three) filmining ilk treyleri namoyish etildi. Yangi qismda Timoti Shalame va Zendaya yana asosiy rollarga qaytgan.

Frenk Gerbertning 1969-yilda nashr etilgan «Dyuna: Masih» asariga asoslangan so‘nggi qism voqealari ikkinchi filmdan 17 yil o‘tib sodir bo‘ladi. Treylerda kosmik kemalar jangi va Robert Pattinson gavdalantirgan yangi yovuz qahramon Skayteyl ko‘rinish bergan. Shuningdek, filmda Jeyson Momoa hamda Anya Teylor-Joy ham ishtirok etmoqda.

«Agar birinchi film izlanish, ikkinchisi urush haqida bo‘lsa, bu qismi trillerdir. U jangovar sahnalarga boy va keskin», – dedi rejissyor Denis Vilnyov.

Filmning asosiy...

Ijtimoiy tarmoqlarda navbatdan tashqari attestatsiyadan o‘ta olmagan o‘qituvchilarni ishdan bo‘shatish haqida tarqalgan xabarlar asossiz ekani ma’lum qilindi. Bu haqda Maktab va maktabgacha ta’lim vazirligi ma’lum qildi.

Rasmiy munosabatda ta’kidlanishicha, maktab rahbariyati yoki boshqa mansabdor shaxslarning pedagoglarga bunday talab qo‘yishi amaldagi qonunchilikka zid hisoblanadi. Amaldagi tartibga ko‘ra, navbatdan tashqari attestatsiyada yetarli ball to‘play olmagan o‘qituvchilarning malaka toifasi saqlanib qoladi va ular o‘z toifasi bo‘yicha ish haqi olishda davom etadi.

Shuningdek, bunday holatda pedagog bilan mehnat shartnomasini bekor qilish uchun huquqiy asos mavjud emas.

Faqat ayrim hollarda, ya’ni oliy ma’lumotga ega bo‘lmagan va mutaxassis lavozimida ishlayotgan pedagoglar majburiy attestatsiyadan o‘ta olmagan...

Sun’iy yo‘ldosh loyihalarining asosiy qismi harbiy yo‘nalish orqali moliyalashtiriladi. Bu haqda «O‘zbekkosmos» agentligi direktorining o‘rinbosari Muxiddin Ibragimov agentlik hamda Oliy Majlis Qonunchilik palatasi deputatlari ishtirokida o‘tkazilgan davra suhbatida ma’lum qildi, deya xabar berdi «Kursiv» muxbiri.

Agentlik vakiliga ko‘ra, bunday loyihalarning o‘rtacha 70 foizi aynan harbiy budjet hisobidan qoplanadi. Shuningdek, tayyor sun’iy yo‘ldosh ma’lumotlaridan foydalanish tinch sharoitda ancha arzon.

«Ochig‘ini aytaman, tinch holatda tayyor sun’iy yo‘ldoshlarning ma’lumotlaridan foydalanish arzon. Biz hech qachon o‘zimiz uchirgan sun’iy yo‘ldoshimizni iqtisodiy oqlay olmaymiz. Bunaqa davlat yo‘q. Nimaga? Chunki asosan bunaqa texnologiyalar, buni bekitish kerak emas, bu harbiy yo‘nalishlar bo‘yicha moliyalashtiriladi...

Chery kompaniyasi yangi Exeed EX7 modeli uchun oldindan buyurtmalarni ochdi. CarNewsChina’ga ko‘ra, avtomobilni bron qilish uchun $145 to‘lanadi va bu summa keyin $435 chegirma sifatida hisoblanadi. Xitoyda rasmiy savdolar aprel o‘rtalarida boshlanadi.

Yangi model ikki xil versiyada taqdim etiladi. Birinchisi gibrid, ya’ni benzin dvigatelli va elektr tizimiga ega. Unda 1,5T dvigatel va taxminan 40 kVt/soat batareya bo‘ladi. Bu versiya faqat elektrda 182 – 203 km yuradi. To‘liq elektr versiyada esa ikkita motor bor va 97,6 kVt/soat batareya bilan 682 – 726 km masofa bosib o‘tadi.

EX7 modeli yangi avlod aviatsiya darajasidagi elektron-mexanik tormoz tizimi bilan jihozlanadi. Kompaniya, shuningdek, hozircha...

19-martga o‘tar kechasi Yevropa Chempionlar ligasining 1/8 final javob uchrashuvlari bo‘lib o‘tdi. Unga ko‘ra, «Barselona», «Bavariya», «Liverpul» va «Atletiko Madrid» jamoalari turnirning chorak final bosqichiga yo‘llanmani qo‘lga kiritdi.

«Barselona» – «Nyukasl Yunayted» 7:2 (8:3)

«Barselona» o‘z maydonida «Nyukasl Yunayted»ni qabul qilib, yirik hisobda g‘alaba qozondi. Rafinya va Robert Levandovski ikkitadan gol urib, jamoasining muvaffaqiyatiga katta hissa qo‘shdi. Mehmonlar safida Entoni Elanga birinchi bo‘limda ikki bor hisobni tenglashtirishga erishgan bo‘lsa-da, kataloniyaliklar ikkinchi bo‘limda to‘liq ustunlikni o‘z qo‘liga oldi.

Uchrashuvda Lamin Yamal, Mark Bernal va Fermin Lopes ham o‘z nomiga gol yozdirib qo‘ydi. «Nyukasl» himoyadagi qator xatolar sababli javobsiz beshta...

20-mart – Ramazon hayiti dam olish kuni etib belgilangani sababli bugun, ya’ni 19-mart kuni xodimlar ishni odatdagidan 1 soat oldin tugatish huquqiga ega. Bu haqda Mehnat qonunchiligida keltirilgan.

Unga ko‘ra, bayram arafasida ish kuni barcha xodimlar uchun qisqartiriladi. Xususan, Mehnat kodeksining 187-moddasida bayramdan oldingi kun ish vaqti kamida 1 soatga kamaytirilishi belgilangan.

Biroq ayrim uzluksiz faoliyat yurituvchi tashkilotlarda ish vaqtini qisqartirish imkoni bo‘lmasligi mumkin. Bunday holatlarda ortiqcha ishlangan vaqt uchun xodimlarga qo‘shimcha dam beriladi yoki ularning roziligi bilan qo‘shimcha ish haqi to‘lanadi.

Avvalroq «Kursiv» nashri o‘zbekistonliklar Ramazon hayiti va Navro‘z munosabati bilan necha kun dam olishi haqida yozgandi.

General Motors o‘zining eng arzon krossoverlari Chevrolet Trailblazer va Tracker modellari uchun yangilanishlar tayyorlamoqda. Bu haqda GMAuthority nashri xabar berdi.

Manbalarga ko‘ra, asosiy o‘zgarishlar avtomobillarning salon qismiga qaratiladi. Xususan, interyer ergonomikasini yaxshilash rejalashtirilmoqda, ammo aniq tafsilotlar hozircha oshkor qilinmagan.

Hozirgi modellarda ayrim kamchiliklar ham mavjud. Masalan, Tracker modelida eshikdagi qo‘l qo‘yiladigan joy juda qattiq ekani tanqid qilingan va bu hatto hazil tariqasida maxsus «himoya yupqa kurtka» g‘oyasiga sabab bo‘lgan.

Trailblazer va Tracker Chevrolet’ning eng ommabop va kirish darajasidagi krossoverlari hisoblanadi. Ular Honda HR-V, Hyundai Kona, Mazda CX-30 va Subaru Crosstrek kabi raqobatchilar bilan bir segmentda bellashadi. Shu sabab, salon...

Afg‘onistonda Ramazon hayiti bugun, 19-mart kuni nishonlanishi rasman e’lon qilindi. Tegishli qaror 18-mart kuni mamlakat Oliy sudi tomonidan qabul qilingan.

Ma’lum qilinishicha, hayit sanasi Hilmand, Farah va G‘or viloyatlarida yangi oy ko‘ringani haqidagi kuzatuvlarga asoslangan holda belgilangan. Shu asosda diniy me’yorlarga muvofiq hayit kuni aniqlangan.

Shu bilan birga, Pokiston tomoni ham bayram munosabati bilan Afg‘onistonga nisbatan olib borilayotgan harbiy operatsiyalarni vaqtincha to‘xtatdi. Rasmiylarga ko‘ra, bu qaror Saudiya Arabistoni, Qatar va Turkiya iltimosi bilan qabul qilingan bo‘lib, 18-martdan 24-martga qadar amal qiladi.

Avvalroq «Kursiv» nashri O‘zbekistonda Ramazon hayiti sanasi rasman belgilangani haqida yozgandi.

Shuningdek, Nega bu yilgi Ramazon...

Geely yangi avlod kupe-krossoveri – Geely Boyue REV modelini rasman e’lon qildi. Xitoyda ushbu model 22-martdan oldindan buyurtmaga qo‘yiladi. Ayrim bozorlarda u Geely Atlas nomi bilan tanilgan. Bu haqda Autohome nashri xabar berdi.

Yangi avtomobil to‘liq yangilangan platformada yaratilgan bo‘lib, o‘lchamlari ham sezilarli: uzunligi 4680 mm, g‘ildirak bazasi esa 2778 mm. Shu jihatdan u ilgari mashhur bo‘lgan Geely Tugelladan biroz kattaroq.

Salon dizayni zamonaviy krossoverlarga xos bo‘lib, u Geely EX5 interyeriga yaqin. Ichkarida katta ekranli multimedia tizimi, simsiz quvvatlash paneli va Flyme Sound audio tizimi o‘rnatilgan. O‘rindiqlar dekorativ tikuvlar bilan bezatilgan.

Modelning asosiy jihati – uning gibrid tizimi. U...

Ijtimoiy tarmoqlarda Shahzod Gold nomi bilan tanilgan Shahzod Uzoqovga nisbatan ilgari belgilangan ozodlikni cheklash jazosi ozodlikdan mahrum qilish bilan almashtirildi. Bu haqda Toshkent shahar sudi kassatsiya instansiyasi qarori e’lon qilindi.

Unga ko‘ra, 2025-yil noyabr oyida Olmazor tumani sudi Uzoqov va uning sherigini bezorilikda aybdor deb topib, ularga 3,5 yildan 4 yilgacha ozodlikni cheklash jazosi bergan edi. Tergov davomida ular yo‘ldagi kelishmovchilik ortidan yuzaga kelgan janjalda fuqaroga nisbatan kuch ishlatgani, mojaro paytida yana bir kishiga ham jarohat yetkazgani aniqlangan. Shuningdek, hodisa vaqtida jabrlanuvchining telefoni shikastlangan.

Kassatsiya bosqichida sud jinoyat tarkibi to‘g‘ri baholanganini tasdiqlagan bo‘lsa-da, jazoni yengil deb topdi. Sudlanuvchilarning avval...

O‘zbekiston musulmonlari idorasi Fatvo markazi bosh mutaxassisi Abdug‘ofur domla Niyozqulov «Ko‘zimga dori tomizaman, bir tomchidan har bir ko‘zimga 12 soat vaqt oralig‘ida qat’iy tomizishim kerak, bir kunda ikki marta. Ozgina vaqtdan so‘ng bu dorining ta’mi tomizganimdan keyin tomog‘imga keladi. Shunda ro‘zam ochilmaydimi?» degan fuqaroning savoliga quyidagicha javob berdi:

«Hanafiy ulamolar asli o‘zi eski fatvo kitoblarimizda aytadiki, ko‘zga dori qo‘ysa, ro‘za ochilmaydi, deydi. Ochiq keladi bu. Lekin boshqa mazhablarda ro‘za ochiladi, deydi. Va bugungi kunda zamonaviy tibbiyot ham ko‘z orqali burunga, halqumga yo‘l borligini ta’kidlashyapti. Ana shu e’tibordan bugungi kunda ulamolarimiz aytayaptilarki, agar ro‘zador odam ko‘ziga dori qo‘yishlik...

19-mart kuni O‘zbekiston hududida havo o‘zgaruvchan bo‘lib, ayrim joylarda yog‘ingarchilik kuzatilishi mumkin. Kunduzgi harorat 5–20° iliq, kechki harorat 0–10° iliq bo‘lishi kutilmoqda.

Quyida ob-havo ma’lumoti hududlar kesimida:

BMW kompaniyasi klassik 3-seriya sedanining butunlay elektr versiyasi – BMW i3’ni taqdim etdi. Model zamonaviy texnologiyalari bilan ilgari ishlab chiqilgan 3-seriya sedanidan mutlaqo farq qiladi.

Dizayn va o‘lchamlar

BMW i3 Neue Klasse platformasida ishlab chiqarilgan bo‘lib, ishlab chiqarish 2026-yil avgust oyida Myunxenda boshlanadi, birinchi yetkazib berishlar esa kuz oylarida rejalashtirilgan.
Elektr sedan uzunligi 4760 mm, kengligi 1864 mm, balandligi 1481 mm va g‘ildiraklar oralig‘i 2898 mm. Yangi dizayn ramka va chiroqlar integratsiyasi, eshik tutqichlarining yopiq shakli hamda g‘ildirak arkalarining aniqroq ifodalanishi bilan ajralib turadi.

Ichki jihozlar va texnologiyalar

Avtomobil Panoramic iDrive tizimi, old oynaning ostida keng displey...

Livandagi ikki haftadan beri davom etayotgan urush bolalarning hayotini xavf ostiga qo‘ymoqda va ularning kundalik hayotini izdan chiqarmoqda, deya bayonot berdi BMTning bolalar agentligi vakili.

Livandagi Sog‘liqni saqlash vazirligining ma’lumotlariga ko‘ra, 2-martdan boshlab Isroil zarbalari natijasida kamida 111 bola halok bo‘lgan va 334 bola jarohatlangan, bu kuniga taxminan 30 bolaga to‘g‘ri keladi. Shu davr mobaynida Yaqin Sharq mintaqasida jami 1,2 ming nafar bola qurbon bo‘lgan, ulardan qariyb 200 nafari Eron, 4 nafari Isroil va 1 nafari Kuvaytdan.

UNICEFning ijrochi direktor o‘rinbosari Ted Chaibanning ta’kidlashicha, zarbalar bolalarni uy, maktab va odatiy hayot tarzidan mahrum qilmoqda. Ayrim bolalar oilalari bilan...

Dunyo bo‘ylab aviakompaniyalar yonilg‘i narxining keskin oshishi sababli xarajatlarning ko‘payishi va chiptalar narxining o‘sishidan xavotirda. Bu haqda Reuters agentligi ma’lum qildi.

Delta Air Lines kompaniyasi bosh direktori Ed Bastianning aytishicha, mart oyining o‘zida yonilg‘i narxi tufayli kompaniya xarajatlari $400 mln dollarga oshdi. American Airlines’da ham birinchi chorak xarajatlarining $400 mlnga ko‘tarilishi kutilmoqda. Air France-KLM kompaniyasi esa uzoq masofali reyslar narxini oshirishni rejalashtirmoqda.

Skandinaviya aviakompaniyalaridan SAS AB yonilg‘i narxi keskin oshgani sababli ba’zi reyslarni qisqartirdi. Yevropada narxlar ikki barobar, Osiyoda esa deyarli 80 foizga oshgan. Bu aviatsiya sohasida tartibsizlikka olib keldi. Ko‘plab reyslar bekor qilinmoqda, qayta rejalashtirilmoqda yoki yo‘nalishlari...

19-mart, payshanba kuni muborak Ramazon oyining so‘nggi kuni bo‘lib, Toshkent shahrida saharlikning tugashi soat 5:10 ni tashkil qiladi. Iftorlik esa 18:38 da boshlanadi.

O‘zbekistondagi qolgan shaharlardagi vaqtlar quyidagi jadvalda keltirilgan:

Ro‘za tutish (saharlik, og‘iz yopish) duosi

Navaytu an asuvma sovma shahro ramazona minal fajri ilal mag‘ribi, xolisan lillahi ta’aalaa, Allohu akbar.

Iftorlik (og‘iz ochish) duosi

Allohumma laka sumtu va bika amantu va a’alayka tavakkaltu va ’ala rizqika aftartu, fag‘firli, ya G‘offaru, ma qoddamtu vama axxortu.

Ma’lumot uchun, O‘zbekistonda Ramazon hayiti sanasi rasman belgilangani haqida yozgandi.

Pokiston Afg‘onistondagi terrorchilar va ularning infratuzilmalariga qarshi olib borilayotgan Ghazab-lil-Haq operatsiyasini vaqtincha to‘xtatishga qaror qildi. Bu haqda Pokiston Axborot va radioeshittirish federal vaziri Attaullah Tarar rasmiy sahifasida ma’lum qildi.

Bu chora Ramazon hayiti munosabati bilan qabul qilingan bo‘lib, qaror Saudiya Arabistoni, Qatar va Turkiya tomonidan bildirilgan so‘rovlar asosida amalga oshiriladi.

Vaqtincha to‘xtatish bugun 18-mart tunidan 23-mart tungacha amal qiladi. Pokiston ushbu chorani Islomiy odatlarga muvofiq va tinchlik niyatida bildirgan.

Biroq agar chegaradan o‘tuvchi hujum, dron zarbasi yoki Pokistonda har qanday terror xuruj yuz bersa, Ghazab-lil-Haq operatsiyasi darhol kuchaytirilgan tartibda davom ettiriladi.

Avvalroq Kursiv Uzbekistan Pokiston hujumi oqibatida Afg‘onistondagi shifoxonada...