Yangiliklar

Xitoyda yangilangan Voyah Dreamer 2026 avtomobili taqdim etildi. Bu haqda Mydrivers nashri xabar bermoqda.

Avtomobilning o‘lchamlari 5315×1980×1820 mm, g‘ildirak bazasi esa 3200 mmni tashkil etadi. Salonida 15,6 dyuymli markaziy ekran, 29 dyuymli AR-HUD proyeksiya displeyi, raqamli panel va simsiz quvvatlash tizimi o‘rnatilgan. Orqa qatordagi yo‘lovchilar uchun elektrli pardalar, 13 litrli sovutish va isitish funksiyasiga ega muzlatkich hamda 17,3 dyuymli 3K ekran mavjud. Shuningdek, massaj, isitish funksiyalariga ega kreslolar ham taklif etiladi.

Model elektr va gibrid versiyalarda ishlab chiqariladi. Eng kuchli gibrid modifikatsiya 62,5 kVt·soat sig‘imli batareya, 800 voltli tezkor zaryadlash tizimi va 1500 km gacha umumiy yurish masofasini ta’minlaydi...

Oliy ta’lim tashkilotlarining bakalavriatiga o‘qishga qabul qilish tartibi belgilandi. Bu haqda hukumat qarori qabul qilindi.

Yangi nizomga ko‘ra, abituriyentlar prezident hujjatlari bilan tasdiqlangan yo‘nalishlar bo‘yicha davlat granti, jumladan, ta’lim grantlari asosida hamda Davlat qabul komissiyasi tasdiqlagan umumiy parametrlarga muvofiq qabul qilinadi.

Kirish imtihonlari ikki bo‘limdan iborat bo‘ladi. Birinchi bo‘limda barcha abituriyentlar ona tili, matematika va O‘zbekiston tarixi fanlaridan test topshiradi. Ikkinchi bo‘limda esa tanlangan yo‘nalishga mos ikki fandan test sinovi yoki kasbiy (ijodiy) imtihon o‘tkaziladi.

Qabul jarayoni ikki bosqichda amalga oshiriladi: 5 – 25-iyun oralig‘ida abituriyentlar fanlar majmuasi, ta’lim tili va test topshirish hududini tanlaydi. Test sinovlaridan so‘ng...

Qozog‘istonning «Qayrat» klubi UEFA Chempionlar ligasining umumiy bosqichi doirasida Olmaotada o‘tkaziladigan uy uchrashuvlari uchun chipta sotuvini yo‘lga qo‘yishini e‘lon qildi.

Klub matbuot xizmatining xabariga ko‘ra, eng qiziqib kutilayotgan bahslardan biri – «Qayrat» va «Real Madrid» o‘rtasidagi bahsga chiptalar 23-sentabr kuni soat 17:00 dan boshlab sotuvga chiqadi.

Chipta narxlari 30 ming tengedan (taxminan 690 ming so‘m) boshlanib, 250 ming tengeni (taxminan 5,7 mln so‘m)  tashkil etadi. Har bir muxlis ikkitadan ortiq chipta sotib ololmaydi. Shuningdek, xarid  shaxsni tasdiqlovchi hujjat (pasport) orqali amalga oshiriladi.

Klubning ta’kidlashicha, chipta narxlari UEFA bilan kelishilgan bo‘lib, Chempionlar ligasining umumiy bosqichidagi barcha uy uchrashuvlari uchun yagona...

Yangi yildan boshlab kamida 15 yil stajga ega oliy toifali pedagoglarga ipoteka krediti boshlang‘ich badalining 25 foizi qoplab beriladi. Bu haqda prezident matbuot xizmati xabar berdi.

Shuningdek, kelgusi o‘quv yilidan davlat oliygohlariga o‘qishga kirgan pedagoglar farzandlarining kontrakt summasiga 30% chegirma beriladi. O‘qituvchilar yangi ta’lim texnologiyalarini qo‘llashi uchun esa 10 million so‘mgacha imtiyozli kredit ajratiladi.

Bundan tashqari, kelasi yildan pedagoglar uchun davlat xizmatlari to‘lovi ikki barobar kamaytiriladi. Boshlang‘ich ta’lim o‘qituvchilari uchun ham milliy sertifikat tizimi joriy qilinadi. Sertifikat olganlarga har oyda 15 foiz ustama belgilanadi.

Bakalavrni imtiyozli diplom bilan tamomlab maktabda ishlashni boshlaganlarga avtomatik ravishda 2-malaka toifasi, magistrlarga esa...

16-sentabr uchun valyuta kurslari e’lon qilindi. Shu kuni uchun AQSh valyutasi 12 344,61 so‘m (-82,22 so‘m) etib belgilandi. Bu haqda Markaziy bank xabar bermoqda.

Dollar kursining so‘nggi besh kunlikdagi o‘zgarishi

Markaziy bank ma’lumotlariga ko‘ra, yevro 65,52 so‘mga tushib, 14 501,21 so‘mni, rubl esa 2,74 so‘mga oshib, 149,70 so‘mni tashkil qildi.

Yevro va rubl valyutasining so‘nggi besh kunlikdagi o‘zgarishi

Eslatib o‘tamiz, Kursiv Uzbekistan AQSh valyutasining hafta davomida qanday o‘zgargani haqida yozgan edi. 

Dortmundning «Borussiya» klubi sobiq bosh murabbiyi Nuri Shahin «Istanbul Bashakshehir» bilan uch yillik shartnoma imzoladi. Bu haqda turk klubi matbuot xizmati rasman e’lon qildi.

«Bu men uchun o‘ta muhim kun. Klubga kelgan zahotimdanoq qanday qimmatli joyga qadam qo‘yganimni his qildim. Bu yerda oilaviy muhit bilan birga raqobatbardosh va professional sharoit mavjud. Oldinda uzun yo‘l bor, ammo qo‘limdan kelgan barcha kuch – g‘ayratimni ishga solaman», — dedi 37 yoshli mutaxassis.

Ma’lumot uchun, Nuri Shahin joriy yilning yanvar oyigacha «Borussiya Dortmund»ni boshqargandi. Chempionlar ligasida «Bolonya»ga qarshi 1:2 hisobidagi mag‘lubiyatdan so‘ng jamaoning natijalari pasayib ketgach, klub rahbariyati...

Xiaomi yangi Xiaomi 17 flagmanlar qatorini rasman e’lon qildi. Bu haqda ITHome texnologiyalar nashri xabar bermoqda.

Kompaniyaning Weibo‘dagi rasmiy akkaunti ikonkasi yangilandi va unda asosiy kamera blokida kichik ekran joylashgan smartfon tasviri paydo bo‘ldi. Ostida esa Leica yozuvi ko‘rinib turgan edi. Oradan ko‘p o‘tmay bu rasm tezda o‘chirildi va Xiaomi MIX Flip 2 Diamond Limited Edition rasmi bilan almashtirildi, biroq tasvir allaqachon internetda keng tarqalib ulgurgan.

Insayderlarning ma’lumotiga ko‘ra, bu rasmda aynan Xiaomi 17 Pro tasvirlangan. Uning asosiy o‘ziga xosligi — kamera blokida joylashgan qo‘shimcha ekran. Bunday yechim oldin Xiaomi 11 Ultra modelida ham qo‘llanilgan edi, ammo yangi versiyada...

Chet eldagi Top-100 talikka kirgan oliygohlarning filiallari O‘zbekistonda ochiladi. Ushbu tashabbuslar natijasida talabalar xalqaro standartlarga mos bilim olish imkoniga ega bo‘ladi. Bu haqda prezident matbuot xizmati xabar berdi.

Bugungi kunda to‘rtta oliygoh dunyoning Top-1000 reytingiga kirgan bo‘lsa, yaqin yillarda ularning soni 10 taga yetkaziladi.

Shuningdek, oliygohlarda xorijiy Top-500 universitetlari bilan hamkorlikda axborot texnologiyalari, sun’iy intellekt, agrotеxnologiya, tibbiyot, «yashil» energetika kabi yo‘nalishlarda qo‘shma ta’lim dasturlari joriy etiladi.

Kelgusi yilda esa 10 dan ortiq xalqaro tashkilotlar, 500 ta nufuzli oliygoh rektorlari va bir mingdan ziyod xalqaro ekspertlar ishtirokida Markaziy Osiyo xalqaro ta’lim forumi o‘tkazilishi belgilangan.

Shu bilan birga, xorijlik talabalar...

Yekaterinburg shahrida faoliyat yurituvchi yakka tartibdagi tadbirkor noqonuniy ravishda xorijlik ishchilardan foydalangani uchun katta miqdordagi jarimaga tortildi, deb xabar bermoqda Realtagil.ru.

Sverdlovsk viloyat sudining ma’lumotiga ko‘ra, jarimalar umumiy summasi 5 mln 750 ming rublni tashkil etdi.

2024-yil yozida Rujev non mahsulotlari kombinatida o‘tkazilgan tekshiruv davomida Shri-Lanka va O‘zbekistondan bo‘lgan 23 nafar ishchi aniqlangan. Ular mahsulotlarni yuklash, qadoqlash va yig‘ish bilan shug‘ullangan, biroq zarur ruxsatnomalarga ega emasligi ma’lum bo‘ldi.

Tekshiruv natijalariga ko‘ra, mazkur ishchilarni aynan tadbirkor Rybachenok Ye.Ye. vositachiligida korxona hududiga jalb qilingani tasdiqlandi.

Chkalov tuman sudi uni har bir epizod bo‘yicha aybdor deb topib, 250 ming rubldan jarima...

Kelasi yildan sanoatda $45 milliardlik 456 ta yirik loyiha boshlanadi. Shu munosabat bilan «Investоr – tarmoq – texnikum» zanjiri asosida texnikumlarda dual ta’lim yo‘lga qo‘yiladi. Bu haqda davlat rahbari matbuot xizmati xabar berdi.

Dual ta’lim qamrovi besh barobar kengaytiriladi. Hamkor korxonalar uchun besh milliard so‘mgacha imtiyozli kredit ajratiladi, dual ta’limdagi o‘quvchilar uchun yagona ijtimoiy to‘lov ikki baravar kamaytiriladi. Bundan tashqari, texnikumlarda chet tillari darslari to‘rt barobar ko‘paytiriladi. Maxsus raqamli platforma orqali bitiruvchilarning ko‘nikmalari haqidagi ma’lumotlar nafaqat mahalliy, balki xorijiy ish beruvchilarga ham ochiq bo‘ladi.

Shuningdek, bir yil ichida 100 ta texnikumda Germaniya, Shveysariya, Xitoy, Koreya, Britaniya kabi davlatlarning...

Gonkong shahrida o‘tkazilgan «Bir kamar, bir yo‘l» sammiti doirasida Uzbekistan Airports kompaniyasi va Gonkong xalqaro aeroporti o‘zaro hamkorlik memorandumini imzoladi. Bu haqda kompaniya matbuot xizmati xabar berdi.

Bitim O‘zbekiston va Gonkong o‘rtasida to‘g‘ridan to‘g‘ri havo qatnovini yo‘lga qo‘yish hamda aeroport boshqaruvi, xizmat ko‘rsatish sifati va operatsion samaradorlikni oshirishga qaratilgan. Shuningdek, hujjatda Gonkong Xalqaro Aviatsiya Akademiyasi (HKIAA) dasturlari orqali kadrlar tayyorlash, malaka oshirish va aviatsiya sanoatini barqaror rivojlantirish bo‘yicha qo‘shma tashabbuslar belgilangan.

«Gonkong aeroporti bilan memorandum imzolanishi to‘g‘ridan to‘g‘ri reyslarni rivojlantirish va aviatsiya sohasida hamkorlikni kengaytirish uchun yangi imkoniyatlar yaratadi. Ushbu kelishuv yo‘lovchi oqimini oshirish, turizmni...

Ikki vazn toifasida sobiq UFC chempioni, irlandiyalik aralash yakkakurash ustasi Konor Makgregor prezidentlik saylovida ishtirok etmaslikka qaror qildi. Bu haqda u o‘zining X (sobiq Twitter) ijtimoiy tarmog‘idagi sahifasi orqali ma’lum qildi.

«Oilam bilan maslahatlashib, chuqur o‘ylab ko‘rgach ushbu poygadan chiqishga qaror qildim. Bu oson bo‘lmadi, biroq ayni paytdagi eng to‘g‘ri yo‘l shu deb hisoblayman», – dedi Makgregor.

Irlandiya qonunchiligiga ko‘ra, prezidentlikka nomzod bo‘lish uchun 20 nafar parlament a’zosi va to‘rt nafar mahalliy kengash tomonidan qo‘llab-quvvatlanish zarur. Shuningdek, nomzod Irlandiya fuqarosi va 35 yoshdan katta bo‘lishi kerak.

Ma’lumot uchun, Irlandiyada prezidentlik saylovlari 2025-yilning noyabr oyida...

Mustaqil Davlatlar Hamdo‘stligi (MDH) mamlakatlarida ishsizlik darajasi turlicha bo‘lib, ayrim davlatlarda bu ko‘rsatkich qisqarayotgan bo‘lsa, boshqalarida hanuz yuqori darajada qolmoqda, deb xabar bermoqda Abc.az.

Ma’lumotlarga ko‘ra, 2024-yilda MDH bo‘yicha eng ko‘p ishsiz Rossiyada qayd etilgan — 1,915 mln kishi. 2010-yilda bu ko‘rsatkich 5,5 mln edi, so‘nggi 14 yil ichida ishsizlar soni qariyb 3,6 mln kishiga kamaygan.

Rossiyadan keyingi eng katta ko‘rsatkich O‘zbekistonga to‘g‘ri keladi. 2020-yilda mamlakatda ishsizlar soni 1,56 mln kishini tashkil qilgan bo‘lsa, 2024-yilda bu raqam 836,4 ming kishigacha qisqardi. Shunga qaramay, bu MDH hududida Rossiyadan keyingi eng yuqori ko‘rsatkich bo‘lib qolmoqda.

Rossiya aholisi 146 milliondan ortiq...

Prezident maktablari kabi har bir viloyatda «Yangi avlod» bog‘chalari tashkil qilinadi. Bu haqda prezident matbuot xizmati xabar berdi.

Xabarga ko‘ra, ushbu bog‘chalarda tarbiyachilar ilg‘or pedagogik texnologiyalarni o‘rganadi. Shuningdek, yangi metodikalardan foydalanish imkoniyati xususiy bog‘cha tarbiyachilari uchun ham doim ochiq bo‘ladi.

Hozirda mamlakatda yetti mingdan ortiq davlat bog‘chalarida 120 mingga yaqin tarbiyachi ishlaydi. Lekin ularning atigi 34 foizi oliy ma’lumotga ega. Tarbiyachilar maktab o‘qituvchilari singari toifa olishlari uchun oliy diplom talab etiladi. Shu bois oliy ma’lumotli va o‘rta ma’lumotli tarbiyachilar oyligi o‘rtasida farq mavjud.

Endilikda davlat va xususiy bog‘cha tarbiyachilari ish joyidan ajralmagan holda oliygohlarda o‘qitilib, har yili 10 ming...

Joriy yilning oktabr oyidan boshlab O‘zbekistonda «Elektron retsept» tizimini ishga tushirish rejalashtirilmoqda. Bu haqda yagona integrator Uzinfocomning sog‘liqni saqlashni raqamlashtirish bo‘yicha direktori Ruslan Sultonov ma’lum qildi.

Integrator, shuningdek, kelasi yil oxirigacha ishga tushirilishi rejalashtirilgan respublika tibbiyot tizimining asosiy yadrosi ustida ham ishlamoqda. Bundan tashqari, Uzinfocom sog‘liqni saqlash sohasini raqamlashtirish ustida faoliyat olib bormoqda.

«Yadro – bu barcha ma’lumotnomalar, tasniflagichlar (klassifikatorlar), zarur ma’lumotlar bazasi. Ular himoyalangan Ma’lumotlarni qayta ishlash markazida (MQM) saqlanadi», deydi Sultonov.

Ushbu tizimdan faqat muvofiqlik sertifikatiga ega bo‘lgan tibbiyot muassasalari foydalanishi mumkin bo‘ladi. Bu esa davlat va xususiy muassasalar o‘rtasida ma’lumot...

Apple yaqinda iPhone 17 Pro Max modelini taqdim etdi. U 2025-yilning eng kuchli smartfonlaridan biri bo‘lishi kutilmoqda. Uning asosiy raqibi esa allaqachon bozorda o‘z o‘rnini egallagan Samsung Galaxy S25 Ultra. Har ikki flagman premium segmentga mansub. Ular dizayn, ishlash tezligi, kamera imkoniyatlari va batareya quvvati bilan ajralib turadi. Ushbu maqolada iPhone 17 Pro Max va Samsung Galaxy S25 Ultra smartfonlari taqqoslanadi.

Dizayn va ekran

Apple iPhone 17 Pro Max’da kvadrat kamera blokini olib tashladi. U Pixel uslubidagi kamera panelini joriy qildi. Yangi avlodda yorqin ranglar paydo bo‘lgan. Samsung esa S22 Ultra’dan beri tanish dizaynni saqlab qolgan.

Ikkala qurilmada ham...

Shavkat Mirziyoyev ishtirokidagi yig‘ilishda xalqaro sertifikatga ega yoshlar uchun imkoniyatlarni yanada kengaytirish masalasi ko‘tarildi. Bu haqda prezident matbuot xizmati xabar berdi.

Unga ko‘ra, O‘zbekistondagi maktab o‘quvchilarining xalqaro sertifikatlari soni yildan-yilga ortib bormoqda. 2016-yilgacha atigi 2 ming nafar o‘quvchi bunday hujjatni qo‘lga kiritgan bo‘lsa, o‘tgan yili faqat xorijiy tillar yo‘nalishida 150 ming nafar yosh sertifikat olgan.

Endilikda xalqaro sertifikatlar maktabdagi yakuniy imtihonlarda ham rasmiy tan olinishi belgilandi.

«Bugungi tadbirimizda o‘zi yosh bo‘lishiga qaramasdan, yuzlab o‘g‘il-qizlarimizni yuqori marralarga yetaklayotgan kogonlik qizimiz Billura Ikramova ham qatnashyapti. Billura qizimiz top-200 talikka kiradigan Buyuk Britaniyaning Reding oliygohini bitirib, katta-katta idoralardan...

2025-yil 15-sentabr kuni soat 05:40 larda Mirzo Ulug‘bek tumani Gulsanam ko‘chasida 101-sonli yo‘nalishda qatnovchi «MAN» rusumli avtobus (saroy raqami 10, davlat raqami 01 897 OJA) TTZ bozori bekatiga to‘xtaganida yer cho‘kishi kuzatildi.

«Toshshahartransxizmat» AJ ma’lumotiga ko‘ra, mazkur hududda ilgari suv quvurlari o‘tkazilgan bo‘lib, suv sizishi natijasida yo‘l qatnov qismida cho‘kish yuzaga kelgan. Avtobusning og‘irligi tufayli uning o‘ng tomoni cho‘kib, transport vositasi vaqtincha harakatdan to‘xtagan.

Voqea joyiga «5-Avtobus saroyi» rahbari va mas’ul xodimlar zudlik bilan yetib borib, avtobusni yerdan olib chiqish choralarini ko‘rishgan. Mashina soat 10:10 da cho‘kish joyidan chiqarilgan.

Hodisa oqibatida yo‘lovchilarga tan jarohati yetmagan. Avtobus hozirda soz holatda...

Yil yakunida aholi jon boshiga daromad $3,5 mingga yetishi, yalpi ichki mahsulot hajmi esa $130 milliardga chiqishi kutilmoqda. Bu haqda davlat rahbari pedagoglar bilan muloqotda ma’lum qildi.

Bundan tashqari, zamonaviy texnologiyalar va innovatsiyalar barcha sohalarga kirib kelayotgani tufayli bu yil eksport hajmi $25 milliardga yetishi ta’kidlandi. O‘tgan sakkiz yil ichida mamlakatga $130 milliard xorijiy sarmoya jalb qilindi. Avvallari investitsiyalar asosan xomashyo sohalariga yo‘naltirilgan bo‘lsa, bugun ular yangi mahsulot ishlab chiqarish va infratuzilmani yaxshilashga qaratilmoqda.

«Men bu iqtisodiy ko‘rsatkichlarga nima uchun ko‘p to‘xtalyapman? Chunki iqtisodiyot qanchalik mustahkam bo‘lsa, ta’lim rivojlanadi. Ta’lim sifati yuqori bo‘lgan mamlakatda...

Bugun, 15-sentabr kuni Shavkat Mirziyoyev Toshkent viloyatining Bo‘stonliq tumanida joylashgan «Renessans» bolalar sog‘lomlashtirish oromgohida yaratilgan sharoitlar bilan tanishdi. Bu haqda prezident matbuot xizmati xabar berdi.

Respublikada ta’lim va yoshlar masalasi davlat siyosati darajasiga ko‘tarilib, so‘nggi yillarda 14 ta Prezident maktabi, 201 ta ixtisoslashtirilgan, 2 ta sport va 9 ta ijod maktabi tashkil etildi. Ularning o‘quv va baholash tizimi 1500 dan ortiq maktablarda joriy qilingan.

Bu ilk bor 1,5 ming nafar o‘quvchi saralanib, ularga Prezident va ixtisoslashtirilgan maktablardan 208 nafar maslahatchi biriktirildi. Mazkur oromgoh esa ushbu tizimning muhim bo‘g‘ini bo‘lib, o‘quvchilar yil davomida 3 haftalik intensiv kurslarda bilimlarini mustahkamlaydi. Natijalarga...

2025-yilning yanvar – iyul oylarida O‘zbekistonda umumiy ovqatlanish sohasi korxonalari jami 963,3 mlrd so‘m soliq to‘lagan. Bu haqda Davlat soliq qo‘mitasi ma’lum qildi.

Eng ko‘p soliq to‘lagan uchlikni International Foodchain (KFC), Mak Food Servis (Evos) va Oqtepa Food Service (Oqtepa Lavash) kompaniyalari egalladi.

Umumiy hisobda 20,1 mingta ovqatlanish korxonasi soliqlarni to‘lagan bo‘lib, faqatgina 20 ta yirik kompaniya umumiy tushumning 184,2 mlrd so‘mini (19,1%) ta’minladi. Ularning jami tovar aylanmasi 2,4 trln so‘mni tashkil etdi.

20 ta yirik soliq to‘lovchilardan tushgan soliqlar quyidagicha taqsimlandi:

Farg‘ona viloyati hokimi Xayrullo Bozorov Qo‘shtepa tumanida tashkil etilayotgan maxsus sanoat zonasidagi qiymati $40 millionlik loyihalar taqdimoti bilan tanishdi. Bu haqda viloyat hokimligi matbuot xizmati xabar berdi.

Bu loyihalar qurilish, meva-sabzavotlarni qayta ishlash, sanoat va trikotaj yo‘nalishlariga mo‘ljallangan.

Shuningdek, amalga oshirilishi rejalashtirlayotgan 9 ta loyihaning umumiy qiymati $40 million bo‘lib, natijada 1210 ta yangi ish o‘rni yaratiladi. Loyiha moliyalashtirish manbalari sifatida tadbirkorlarning o‘z mablag‘lari hamda xorijiy investorlar sarmoyasi jalb qilinadi. Korxonalarni 2026-yilning o‘rtalarida ishga tushirish ko‘zda tutilgan.

Avvalroq Kursiv Uzbekistan Fargʻona vodiysida metan cheklovi sababli ikki ming tonna benzin ajratilgani haqida yozgandi.

«Toshkent» respublika fond birjasida (RFB) joy olgan yuqori likvidli aksiyalarning aksariyati 5-sentabrdan 12-sentabrgacha bo‘lgan davrda turli dinamikani ko‘rsatib, UCI fond indeksi 0,03 foizga o‘sdi.

Mazkur davrda «O‘zbektelekom» aksiyalari eng katta o‘sishga erishib, 7,82 foizga qimmatlashdi. Shuningdek, «O‘zbekneftgaz» (+5,91%) va «Olmaliq KMK» (+5,71%) aksiyalarida ham o‘sish qayd etildi.

Biroq «O‘zbekgeofizika» aksiyalari 9,35 foizga arzonlashib, haftaning eng katta pasayishini qayd etdi. Bundan tashqari, «Qo‘qon mexanika zavodi» aksiyalari (-4,39%) va «Aloqabank»ning oddiy aksiyalari (-4,35%) ham pasayish bilan ajralib turdi.

Faqatgina «Aloqabank»ning imtiyozli aksiyalari narxida o‘zgarish kuzatilmadi.

Ushbu davrda bitimlar soni bo‘yicha «Kapital sug‘urta» (1 725 ta), «Aloqabank» (708 ta) va «Chilonzor buyum savdo...

Navoiy viloyatida mehmonxona faoliyati bilan shug‘ullanuvchi tadbirkorga «Hududgazta’minot» AJ va uning filiali tomonidan hisoblangan penya asossiz deb topildi. Bu haqda Raqobat qo‘mitasi xabar berdi.

Unga ko‘ra, qo‘mita tadbirkorning murojaati asosida o‘rganish ishlarini olib borgan. Natijada 68 million so‘mga yaqin penya «Hududgazta’minot» AJning elektron dasturida qayta ko‘rib chiqildi va hisobdan chiqarildi.

Raqobat qo‘mitasi bundan keyin ham tadbirkorlar manfaatlarini himoya qilish hamda adolatli bozor muhitini shakllantirish bo‘yicha faoliyatini davom ettirishini ma’lum qilgan.

Avvalroq Senat mahsulotni shartnomada belgilangan vaqtda xaridorga topshirmagan sotuvchiga penya to‘lash majburiyati yuklash haqidagi qonunni tasdiqlagan edi. Unga ko‘ra, sotuvchi har bir kechikkan daqiqa, soat yoki kun uchun...