Yangiliklar

Jinoyat ishlari bo‘yicha Samarqand shahar sudida opasining qotiliga aylangan fuqaro ishi ko‘rib chiqildi. Sud hukmiga ko‘ra, erkak 16 yilga ozodlikdan mahrum qilindi. Bu haqda Oliy sud matbuot kotibi Aziz Abidov ma’lum qildi.

Voqea uy snosiga ajratilgan tovon puli ustidagi janjal sabab yuzaga kelgan. Sud materiallariga ko‘ra, 36 yoshli erkak mast holatda opasining uyiga kelgan va spirtli ichimlik ichgan. Suhbat davomida u kompensatsiya pulidan ulush so‘ragan. 41 yoshli opa bu talabni rad etgan va pulning bir qismini allaqachon berib bo‘lganini aytgan.

Shundan so‘ng janjal kelib chiqqan. Erkak jahli chiqib, oshxona pichog‘i bilan opasining ko‘krak qafasiga zarba bergan. Ayol voqea joyida...

O‘zbekiston terma jamoasi xokkey bo‘yicha jahon chempionatidagi ikkinchi uchrashuvini ishonchli o‘tkazdi. Jamoa Filippinni 28:3 hisobida mag‘lub etib, turnirdagi yetakchiligini mustahkamladi.

Uchrashuv boshidanoq o‘zbekistonliklar tashabbusni qo‘lga oldi. Birinchi bo‘limda jamoa 6 ta shayba kiritib, atigi bittasini o‘tkazib yubordi. Ikkinchi bo‘limda ustunlik yanada oshdi. O‘zbekiston yana 12 ta gol urdi. Himoya ham ishonchli o‘ynab, raqibga faqat bir bor imkon berdi.

Uchinchi bo‘limda esa jamoa ustunlikni yakuniy hisobga aylantirdi. Yana 10 ta shayba kiritildi va umumiy hisob 28:3 bo‘ldi. O‘zbekiston zarbalar soni bo‘yicha ham katta ustunlikka ega bo‘ldi. Jamoa darvozaga 79 marta zarba berdi, Filippin esa 17 marta.

Uchrashuvning eng yaxshi o‘yinchisi...

Isroil va Livan rasmiylari 1993-yildan beri ilk bor to‘g‘ridan to‘g‘ri diplomatik muzokaralar o‘tkazdi. Bu haqda BBC nashri xabar bermoqda.

Uchrashuv Vashingtonda tashkil etilgan va asosiy maqsad Isroil bilan Eron qo‘llab-quvvatlaydigan «Hizbulloh» guruhi o‘rtasidagi to‘qnashuvni kamaytirishdan iborat bo‘lgan. AQSh davlat kotibi Marko Rubio bu uchrashuvni «tarixiy imkoniyat» deb atadi. Uning so‘zlariga ko‘ra, tomonlar kelajakda bevosita muzokaralarni davom ettirishga kelishib olgan.

«Bu vaqt oladi, ammo biz bu sa’y-harakat bunga arziydi, deb hisoblaymiz. Bu tarixiy uchrashuv bo‘lib, biz uni davom ettirishni umid qilamiz», – deya qayd etgan u jurnalistlar bilan uchrashuvda.

Isroil muzokaralarda barcha nodavlat qurolli guruhlarni...

Sirdaryo viloyati sudining iqtisodiy ishlar bo‘yicha sudlov hay’ati sudyasi hamda «Agrobank» ATB Guliston filiali mansabdor xodimi pora bilan ushlandi. Bu haqda DXX xabar bermoqda.

Ma’lum bo‘lishicha, sudya o‘z ish yurituvida bo‘lgan mahalliy tadbirkorga oid ish bo‘yicha qaror uning foydasiga chiqishini oldindan bilgan. Shundan so‘ng u bank xodimi bilan til biriktirib, tadbirkordan $7,5 ming talab qilgan.

Tezkor tadbir davomida bank xodimi talab qilingan summaning $5,5 mingni olgan. Sud tomonidan tadbirkor foydasiga qaror e’lon qilingach, u ushbu pullardan $3,6 mingni sudyaga berayotgan vaqtida qo‘lga olingan. Hozirda mazkur shaxslarga nisbatan jinoyat ishi qo‘zg‘atilgan. Dastlabki tergov harakatlari olib borilmoqda.

Eslatib o‘tamiz, Kursiv Uzbekistan...

15-aprel sanasi nafaqat siyosiy o‘zgarishlar, balki madaniyat, me’morchilik va sport olamidagi yorqin voqealar bilan ham tarix sahifalaridan o‘rin olgan. Kursiv Uzbekistan kunning eng muhim voqealarini xronologik tartibda taqdim etadi.

1452-yili Italiyaning Vinchi shahrida buyuk rassom, ixtirochi va olim Leonardo da Vinchi dunyoga keldi. Uyg‘onish davrining eng yorqin namoyandasi hisoblangan ijodkor barchamizga yaxshi tanish bo‘lgan «Mona Liza» asarini yaratgan. Uning anatomiya va muhandislikka oid asrlar avval chizgan chizmalari bugungi zamonaviy avtomobillar, vertolyotlar hamda suvosti kemalarining yaratilishiga asos bo‘lib xizmat qildi.

1912-yilda Shimoliy Koreya davlati asoschisi Kim Ir Sen tavallud topdi. U mamlakatni 1948-yildan to 1994-yilda vafot etguniga qadar yopiq...

UEFA Chempionlar ligasining chorak final javob uchrashuvida Fransiyaning PSJ klubi mehmonda Angliyaning «Liverpul» jamoasini 2:0 hisobida mag‘lub etdi. Natijada parijliklar musobaqaning yarim final yo‘llanmasini qo‘lga kiritdi.

Parijda bo‘lib o‘tgan dastlabki uchrashuvda 2:0 hisobida ishonchli g‘alabaga erishgan PSJ javob bahsida ham o‘z ustunligini saqlab qoldi. «Enfild» stadionida kechgan uchrashuvning asosiy qismi teng kurashlar ostida o‘tdi, biroq mehmonlar o‘z imkoniyatlaridan unumli foydalana oldi.

O‘yin hisobi 73-daqiqada ochildi. Xvicha Kvaratsxeliyaning aniq uzatmasidan so‘ng Usmon Dembele mersisaydliklar darvozasini ishg‘ol qildi. Uchrashuvning 90+1-daqiqasida esa Dembele o‘zining ikkinchi golini kiritib, dublni rasmiylashtirdi va yakuniy hisobni o‘rnatdi – 0:2.

Parijliklar yarim finalda «Barselona»ni turnirdan chiqarib yuborgan...

Madriddagi «Metropolitano» stadionida «Atletiko» UEFA Chempionlar ligasining chorak finali doirasida «Barselona»ni qabul qilib, 1:2 hisobida imkoniyatni boy berdi. Ammo ikki o‘yin natijasiga ko‘ra yarim finalga yo‘l oldi.

Uchrashuvda tezkor gol kiritildi. 4-daqiqadayoq Lamin Yamal raqib xatosidan unumli foydalanib hisobni ochdi. Ferran Torres hisobiga assist yozib qo‘ydi. 24-daqiqada esa Ferran mehmonlarning ikkinchi golini kiritib kombek amalga oshirdi. Oradan 7 daqiqa o‘tib Ademola Lukman hisobni qisqartirib, «Atletiko»ning ustunligini ta’minladi.

Ikkinchi taymning 55-daqiqasida Ferran Torres dubl rasmiylashtirib, jamoasining uchinchi golini kiritdi. Ammo hakam offside sababli golni bekor qildi. 80-daqiqada esa so‘nggi umid foli uchun Erik Garsiyaga qizil kartochka ko‘rsatildi. «Barselona» 10 kishi...

Mirziyoyevga xat yo‘llagan Toqayev, da’vosi rad etilgan Tramp — 14-aprel kuni e’lon qilingan yangiliklar Kursiv Uzbekistan dayjestida.

Tibbiy mahsulotlarning noqonuniy savdosiga chek qo‘yildi

Qoraqalpog‘istonda dori vositalari va tibbiy buyumlarning noqonuniy savdosi aniqlanib, yirik hajmdagi mahsulotlar musodara qilindi. Bu haqda Bosh prokuratura huzuridagi departament ma’lum qildi.

Departamentning To‘rtko‘l tumani bo‘limi va boshqa huquqni muhofazalovchi organlar o‘tkazgan tekshiruvda «A.F.» MChJ mansabdor shaxslari qonunbuzarlikka yo‘l qo‘ygani ma’lum bo‘ldi. Kompaniyaning dori savdosi bilan shug‘ullanish uchun litsenziyasi sud tomonidan bekor qilinganiga qaramay, faoliyat davom ettirilgan.

Sud Donald Trampning 10 mlrd dollarlik da’vosini rad etdi

AQSh Florida okrug sudi prezident Donald Trampning The Wall...

15-aprel kuni ko‘plab viloyatlarda yomg‘ir yog‘ishi, ayrim joylarda esa momaqaldiroq va kuchli shamol kuzatilishi mumkin. Harorat hududlarga qarab 7–27° oralig‘ida bo‘ladi, deya prognoz qilmoqda «O‘zgidromet».

Quyida ob-havo ma’lumoti viloyatlar kesimida:

Eslatib o‘tamiz, O‘zbekistonda 14 – 17-aprel kunlari sel xavfi e’lon qilingan edi.

O‘zbekistonlik yosh grossmeyster Javohir Sindorov Kiprning Peyya shaharchasida o‘tkazilayotgan, mukofot jamg‘armasi 1 mln yevroni tashkil etuvchi Nomzodlar turnirida muddatidan avval g‘oliblikni qo‘lga kiritdi.

13-turda u asosiy raqiblaridan biri, niderlandiyalik Anish Giri bilan durang o‘ynadi va ochkolari sonini 9,5 taga yetkazdi. Ushbu natija unga muddatidan oldin chempionlikni naqd qilish imkonini berdi.

Shu tariqa so‘nggi tur natijalaridan qat’i nazar, boshqa ishtirokchilar Sindarovni ortda qoldira olmaydigan holat yuzaga keldi va vatandoshimiz turnir g‘olibiga aylandi.

Mazkur g‘alaba orqali Javohir Sindorov jahon chempionligi uchun da’vogarlar turniridagi muvaffaqiyatini ta’minlab, amaldagi jahon chempioni hindistonlik Dommaraju Gukesh bilan jahon toji uchun o‘ynash huquqini qo‘lga kiritdi.

Eslatib...

Endilikda yaroqsiz holga kelgan yoki shikastlangan davlat raqami belgilarini almashtirish uchun navbatlarda turish talab etilmaydi. Ushbu xizmat Yagona interaktiv davlat xizmatlari portali – my.gov.uz orqali onlayn tarzda taqdim etilmoqda.

Xizmatdan foydalanish uchun foydalanuvchi my.gov.uz portaliga kirib, «Shikast yetgan avtotransport vositasining davlat raqami belgisini tiklash» xizmatini tanlashi, arizani to‘ldirishi hamda shikastlangan raqamning fotosuratini ilova qilishi lozim.

Ariza vakolatli organ tomonidan ko‘rib chiqilgach, foydalanuvchiga to‘lov uchun invoys yuboriladi. To‘lov amalga oshirilgandan so‘ng, fuqaro hududiy bo‘linmaga borib, eski davlat raqamini topshirgan holda yangisini qabul qilib oladi.

To‘lov miqdori bazaviy hisoblash miqdori (BHM)ga asoslanadi. Unga ko‘ra, 1 juft (oldi va orqa) davlat...

OpenAI personal moliya yo‘nalishida faoliyat yuritgan Hiro Finance startapini sotib oldi. Bu haqda startap asoschisi Ethan Blochga tayanib, TechCrunch nashri xabar berdi.

Hiro kompaniyasi o‘z faoliyatini 20-aprel kuni to‘xtatishi, 13-may kuni esa serverlardagi barcha ma’lumotlarni o‘chirib tashlashi rejalashtirilgani bildirildi. Bitim asosan jamoani jalb qilishga qaratilgan «acquihire» sifatida baholanmoqda.

Startap asoschisi Ethan Bloch Hiro xodimlari bilan birga OpenAI tarkibiga qo‘shiladi. Xodimlar soni aniq ko‘rsatilmagan bo‘lsa-da, LinkedIn ma’lumotlarida kompaniyada taxminan 10 nafar mutaxassis faoliyat yuritgani qayd etilgan.

Ma’lumot uchun, Hiro 2024-yilda tashkil etilgan bo‘lib, qisqa vaqt oldin sun’iy intellekt asosidagi moliyaviy rejalashtirish vositasini ishga tushirgan. Ushbu ilova foydalanuvchilarga daromad, qarz...

Shavkat Mirziyoyev raisligidagi uy-joy qurilishi va urbanizatsiya sohasida amalga oshirilayotgan ishlar yuzasidan o‘tgan videoselektor yig‘ilishida joriy yilda hududlarda 140 ming xonadonli ko‘p qavatli uylarni foydalanishga topshirish asosiy vazifalardan biri etib belgilandi.

Qayd etilishicha, shahar va shaharchalarning eniga kengayib borishi infratuzilma xarajatlarini 4-5 barobarga oshiradi, ijtimoiy obyektlargacha bo‘lgan masofani uzaytiradi hamda qishloq xo‘jaligi yerlarining qisqarishiga olib keladi. Shu bois eskirgan uy-joy fondini yangilash orqali ko‘p qavatli uylar qurish ustuvor yo‘nalish sifatida belgilandi.

Xususan, Samarqand shahrining temir yo‘l orti hududi, Kattaqo‘rg‘on, Oqtosh, Ishtixon, Bulung‘ur, Juma va Jomboy kabi hududlarda «barak» tipidagi uylar ko‘pligi sababli renovatsiya asosida yangi uy-joylar barpo etish...

Xiaomi kompaniyasi yangi Redmi R70 5G va Redmi R70m 5G modellarini rasman taqdim etdi. Bu haqda ITHome nashri ma’lum qildi.

Har ikkala qurilma oq (Feather White), qora (Starry Black), ko‘k (Cold Mist Blue) va binafsha (Feather Purple) ranglarda taqdim etilgan bo‘lib, hozircha «tez orada sotuvda» maqomida turibdi.

Narxlarga ko‘ra, Redmi R70 5G modeli 4/128 GB xotira bilan $234, 8/256 GB versiyasi esa $336 etib belgilangan. Redmi R70m 5G esa 6/128 GB uchun $269 va 12/256 GB talqini uchun $380 narxda taklif qilinadi.

Texnik jihatdan, har ikkala smartfon 6 nanometrli Unisoc T8300 protsessori, LPDDR4x operativ xotira va UFS...

Shavkat Mirziyoyev raisligida uy-joy qurilishi va urbanizatsiya sohasida amalga oshirilayotgan ishlar yuzasidan videoselektor yig‘ilishi bo‘lib o‘tdi. Unda mamlakatda qurilish sohasi va uy-joy ta’minotini yaxshilash, shuningdek, mahalliy pudratchilarning xalqaro loyihalardagi ishtirokini kengaytirish masalalari muhokama qilindi.

Xalqaro moliya tashkilotlari bilan hamkorlikda $20 mlrddan ortiq infratuzilma loyihalari amalga oshirilmoqda. Biroq kichik va o‘rta quruvchilar hamda yuqori reyting va yetarli resurslarga ega mahalliy korxonalar ushbu bozorda to‘liq ishtirok eta olmayotgani, ko‘pincha subpudratchi sifatida faoliyat yuritayotgani qayd etildi.

Shuningdek, mutasaddilar va buyurtmachi vazirliklar xalqaro moliya tashkilotlari bilan muzokaralarda mahalliy quruvchilarning imkoniyatlarini yetarlicha ko‘rsata olmayotgani, shartnoma shartlarida ularning manfaatlarini himoya qilmayotgani hamda xalqaro tender...

Shavkat Mirziyoyev raisligidagi uy-joy qurilishi va urbanizatsiya sohasida amalga oshirilayotgan ishlar yuzasidan videoselektor yig‘ilishida qurilish jarayonlarining yillab cho‘zilayotgani tanqid qilindi.

Ta’kidlanishicha, dunyoda qurilish sohasi jadal o‘zgarib bormoqda va unga zamonaviy loyiha yechimlari, yangi texnologiyalar hamda standartlar kirib kelmoqda. Shu munosabat bilan mamlakat qurilish tizimining ushbu o‘zgarishlarga mosligi, soha rahbarlarining tezkorlik va sifat bo‘yicha mas’uliyati, shuningdek, seysmologiya va zilzilabardoshlik xavflarini hisobga olgan holda yangi yechimlar ishlab chiqish masalalari qayd etildi.

Ma’lumotlarga ko‘ra, tadbirkorlik faoliyati uchun yiliga 6,5 ming gektar yer hamda 600 ming kvadrat metr bino-inshootlar savdoga chiqarilmoqda. Shuningdek, kichik va o‘rta biznesni qo‘llab-quvvatlash maqsadida 140 trln so‘m resurs...

Bo‘lib to‘lash sharti bilan sotilgan davlat obyektlari bo‘yicha qo‘llanib kelinayotgan moliyaviy yuklama qisqartirilmoqda. Xususan, bunday obyektlar uchun qoldiq summaga har yili 14 foiz ustama hisoblash amaliyoti bekor qilinadi.

So‘nggi to‘rt yil davomida auksionda sotilgan 11,5 ming gektar yer maydonining 3 ming gektarida qurilish ishlari boshlanmagani qayd etildi. Natijada qo‘shimcha 100 ming ish o‘rni va 20 – 25 trln so‘m miqdoridagi qo‘shilgan qiymat yo‘qotilayotgani ta’kidlandi.

Shuningdek, auksionga chiqarilgan 582 gektar yer uchastkasi hamda 122 ta davlat obyekti bir yildan ortiq vaqt davomida sotilmay turgani ma’lum qilindi. Xususiylashtirish dasturini shakllantirish va obyektlarni sotishda hokimlar ishtirokining yetarli emasligi, tadbirkorlar fikri oldindan...

2025-yilda O‘zbekistonda bosh reja yo‘qligi vajidan yerni xususiylashtirish bo‘yicha tushgan 112 ming arizaning 14 foizi rad qilingan. Natijada 4 ming gektar yerni aktivga aylantirish va Davlat budjetiga tushishi kerak bo‘lgan 550 mlrd so‘m mablag‘ boy berilgan.

Prezident raisligidagi videoselektor yig‘ilishida vaziyatni o‘nglash maqsadida mutasaddilarga uch oy muddatda yerni xususiylashtirish arizalariga inson omilisiz, 5 – 10 daqiqa ichida onlayn javob beruvchi tizimga o‘tish topshirildi.

Shuningdek, tasdiqlangan bosh rejalarda suv, kanalizatsiya, issiqlik, gaz, elektr liniyalari va yo‘llar qachon, qaysi manbalar hisobidan qurilishi noaniq qolayotgani tanqid qilindi. Kompleks dasturlar yo‘qligi oqibatida infratuzilmaga ketadigan xarajatlar 2-3 karra oshib ketayotgani va pala-partish qurilishlar haligacha...

Blue Origin kompaniyasi Air Pioneer nomli Oyda kislorod ishlab chiqarish bo‘yicha yangi texnologiyani taqdim etdi. Bu haqda kompaniya X sahifasida ma’lum qildi.

Unga ko‘ra, mazkur tizim Oy regolitidan kislorod ajratib olishga mo‘ljallangan bo‘lib, jarayon regolitni eritish va elektroliz qilish orqali amalga oshiriladi.

Olingan kislorod Oyda nafas olish uchun ham, raketa yonilg‘isi tarkibiy qismi sifatida ham ishlatilishi mumkin. Bu esa Yerdan katta miqdorda kislorod tashib chiqish zaruratini kamaytiradi.

Natijada Oyga yuboriladigan qo‘nish modullari og‘irligi bir necha tonnaga qisqarishi va kosmik missiyalar xarajatlari kamayishi kutilmoqda. Bu o‘z navbatida Oy atrofida barqaror infratuzilma va kelajakda iqtisodiy tizim shakllanishiga zamin yaratadi.

Blue...

O‘zbekistonda so‘nggi to‘qqiz yilda qurilish ishlari hajmi 2016-yildagi 30 trln so‘mdan 314 trln so‘mga yetdi. Bu haqda prezident Shavkat Mirziyoyev raisligida o‘tgan videoselektor yig‘ilishida ma’lum qilindi.

Ma’lumotlarga ko‘ra, so‘nggi to‘qqiz yilda 10 mingga yaqin yangi qurilish korxonasi ish boshlagan. Aylanmasi 1 trln so‘mdan oshgan yirik kompaniyalar soni 20 tani, 100 mlrd so‘mdan o‘tganlari esa 365 tani tashkil etmoqda. Loyiha tashkilotlari soni 2 mingdan oshib, ularning 650 dan ortig‘i xalqaro sertifikatga ega bo‘lgan.

Sohada ruxsat berish bosqichi 3 barobar, unga sarflanadigan muddat esa 4 barobar qisqartirilgan. Shuningdek, 420 ta eski shaharsozlik norma va qoidalari bekor qilinib, ularning o‘rniga 140 ta...

Germaniyaning Koblenz shahrida joylashgan harbiy texnika muzeyi 26 ta davlat fuqarolari uchun kirishni taqiqladi, ular orasida o‘zbekistonliklar ham bor. Mazkur cheklov joriy yil mart oyidan boshlab amal qilmoqda.

Muassasa ushbu qarorni «ishonchlilikni tekshirish to‘g‘risidagi qonun»ga asoslangan holda qabul qilganini bildirgan. Taqiq faqat o‘zbekistonliklargina emas, balki qozoqlar, rossiyaliklar va ukrainaliklarga ham tegishli.

Mazkur muzey sobiq G‘arbiy Germaniya armiyasining 1960-yillarda sinov poligoni asosida tashkil etilgan bo‘lib, Yevropadagi eng yirik harbiy-texnik kolleksiyalardan biri hisoblanadi. U sobiq Langemark kazarmalari hududida joylashgan.

Muzey eksponatlari orasida Renault FT-17 tanki, asosiy jangovar tanklar Leopard 1 va Leopard 2, shuningdek Germaniya va NATO mamlakatlarida ishlab chiqilgan...

O‘zbek milliy taomlaridan Toshkent to‘y oshi geografik ko‘rsatkich sifatida davlat ro‘yxatidan o‘tkazildi. Bu orqali taomning aynan Toshkent shahri va viloyatiga xosligi rasman e’tirof etildi, deya xabar berdi Intellektual mulk agentligi.

Toshkent vohasida palov tayyorlash an’analari asrlar davomida shakllangan bo‘lib, to‘y oshi ushbu madaniyatning eng muhim qismi hisoblanadi. U oddiy taom emas, balki murakkab texnologik jarayon bo‘lib, tong saharda maxsus cho‘yan qozonlarda tayyorlanadi. Tayyorlash jarayonida mahsulotlar nisbati, harorat va pishirish ketma-ketligi muhim ahamiyat kasb etadi.

«Mazkur maqom «Toshkent to‘y oshi» nomi va anʼanaviy tayyorlash texnologiyasini huquqiy jihatdan himoya qiladi hamda mahsulot sifatining davlat meʼyorlariga muvofiqligini kafolatlaydi...

2026-yilning yanvar–mart oylarida O‘zbekistonda avtomobil bozorida jami 91 ming donadan ziyod avtomobil sotilgan. Bu haqda «O‘zavtosanoat» xabar berdi.

Bozorda eng katta ulushni UzAuto Motors egalladi. Kompaniya 3 oyda 46 ming dona avtomobil realizatsiya qilib, umumiy sotuvlarning yarmidan ko‘prog‘ini (50,4%) ta’minladi. Ikkinchi o‘rinda 26,3 ming dona bilan Khorezm Auto, uchinchi pog‘onada esa 10,9 ming dona bilan ADM Jizzakh joy oldi. Shuningdek, BYD Uzbekistan Factory 7,8 ming dona avtomobil sotgan.

Bozor yetakchisi — Cobalt

Model kesimida esa mutlaq yetakchilik Chevrolet Cobalt hissasiga to‘g‘ri kelmoqda. Ushbu model 3 oyda 24 ming dona sotilib, bozorda eng talabgir avtomobil bo‘ldi.

Keyingi o‘rinlarda:

O‘zbekiston aholisi 38 mln nafardan oshib, mamlakatning urbanizatsiya darajasi 51 foizga yetdi. Hozirgi kunda qariyb 20 mln aholi shaharlarda istiqomat qilmoqda. Bu haqda prezident matbuot xizmati xabar berdi.

Prezident ta’kidlashicha, urbanizatsiya darajasining 1 foizga oshishi iqtisodiyotni kamida 1 foizga ko‘paytiradi. Shuningdek, bu jarayon investitsiya oqimi, biznes, startaplar va mehnat unumdorligining karrasiga o‘sishiga xizmat qiladi.

«Buning uchun respublikada urbanizatsiyani barqaror rivojlantirish bo‘yicha yagona yondashuv bo‘lishi kerak», – dedi davlat rahbari.

Hududlarning bosh rejalarini ishlab chiqish uchun davlat budjetidan yiliga 200 – 250 mlrd so‘m ajratilmoqda. Ushbu mablag‘lar birinchi navbatda, bosh rejasi bo‘lmagan yoki eskirgan hududlarga...