Yangiliklar

2026-yil mart oyida O‘zbekistonda ikkilamchi bozordagi uy-joylar narxi o‘tgan yilning shu davridagiga nisbatan AQSh dollarida 9,4 foizga, milliy valyutada esa 3 foizga oshgan. Bu haqda Markaziy bank ma’lum qildi.

Yangi qurilgan uy-joylar narxi ham o‘sishda davom etgan. Xususan, yangi uylar AQSh dollarida 8,1 foizga, so‘mda esa 1,8 foizga qimmatlashgan.

Shu bilan birga, ijara bozori ham o‘sishni qayd etdi. Respublika bo‘yicha ijara narxlari AQSh dollarida 9,5 foizga, milliy valyutada esa 3,1 foizga oshgan. Toshkent shahrida esa o‘sish nisbatan past bo‘lib, ijara narxi dollar hisobida 6,9 foizga, so‘mda esa 0,6 foizga ko‘tarilgan.

Narxlarning oshishi xaridorlar faolligining yuqoriligi bilan birga kuzatilmoqda...

BMTning Savdo va taraqqiyot bo‘yicha konferensiyasi (UNCTAD) tayyorlagan World Investment Report 2026 hisobotiga ko‘ra, 2025-yilda Markaziy Osiyoga jalb qilingan to‘g‘ridan to‘g‘ri xorijiy investitsiyalar hajmi $5 mlrdni tashkil etdi. Bu ko‘rsatkich 2024-yildagi $4 mlrdga nisbatan 25 foizga ko‘p.

Shunga qaramay, mintaqa hali ham jahon kapitali uchun eng kam ahamiyatga ega yo‘nalishlardan biri bo‘lib qolmoqda.

Hisobotga ko‘ra, Markaziy Osiyoning ulushi dunyodagi jami to‘g‘ridan to‘g‘ri xorijiy investitsiyalar hajmining atigi 0,3 foizini tashkil etadi. Taqqoslash uchun, 2025-yilda dunyo bo‘yicha investitsiyalar hajmi $1,624 trlnga yetgan.

UNCTAD mutaxassislarining qayd etishicha, 2025-yilda Osiyo mamlakatlarida investitsiya oqimlari bir xil kechmagan. Sharqiy Osiyo, jumladan, Xitoyda investitsiyalar kamaygan bo‘lsa, Janubi-Sharqiy...

Toshkent viloyatining Bo‘stonliq tumanida zamonaviy «Beldersoy Resort and Spa» tog‘ kurorti kompleksi ochildi. Bu haqda Turizm qo‘mitasi ma’lum qildi.

130 million dollarlik loyiha

Kurort infratuzilmasi xalqaro talablar asosida barpo etilgan bo‘lib, loyihaga investorlar tomonidan jami $130 mln yo‘naltirilgan. Majmua tarkibida 109 ta mehmonxona xonasi, 40 ta premium toifadagi kottej, kanat yo‘llari, 3,5 kilometr uzunlikdagi tog‘ chang‘isi trassasi, sog‘lomlashtirish majmuasi, yopiq SPA markazi, trenajyor zali hamda zamonaviy restoranlar mavjud.

Turizm salohiyati oshiriladi

Ochilish marosimida ta’kidlanishicha, majmuaning ishga tushirilishi O‘zbekistonga tashrif buyuruvchi sayyohlar geografiyasini kengaytirish, tog‘ va ekoturizm yo‘nalishlarini xalqaro bozorda faol targ‘ib etish, turistlar oqimini ko‘paytirish hamda...

«Manchester Siti»ni tark etayotgan Pep Gvardiola klub bazasidagi so‘nggi lahzalarda o‘zbekistonlik himoyachi Abduqodir Husanov bilan uchrashib, u bilan xayrlashgan. Bu haqda futbolchining agenti G‘ayrat Hasbiullin ma’lum qildi.

Agentning aytishicha, Gvardiola yosh futbolchiga katta individual e’tibor bergan, uning rivojlanishi uchun muntazam ishlagan va ko‘plab muhim jihatlarni o‘rgatgan. Murabbiy Husanovga iliq munosabatda bo‘lgan va unga alohida ishonch bildirgan.

Husanov zaxirada qolgan paytlarda ham Gvardiola uni jamoadoshlariga o‘rnak qilib ko‘rsatgan. Murabbiy futbolchilarga Husanovning mashg‘ulotlardagi mehnatsevarligi va sabr-toqatini misol qilib keltirgan. Keyinchalik u asosiy tarkibda maydonga tusha boshlaganida esa Gvardiola uning imkoniyatni tinimsiz mehnat va o‘z ustida ishlash orqali qo‘lga kiritganini ta’kidlagan.

2030-yilgacha O‘zbekistondagi kamida 5 ta OTM jahonning TOP – 500 reytingidagi universiteti qatoriga kiritish rejalashtirilgan. Shavkat Mirziyoyev xalqaro ta’lim standartlari asosida o‘rta maxsus, kasbiy va oliy ta’lim dasturlarini joriy etishga oid takliflar taqdimoti bilan tanishdi.

Oliy ta’limda yangi maqsadlar

Qayd etilishicha, so‘nggi sakkiz yilda oliy ta’lim bilan qamrov darajasi 9 foizdan 44 foizga, talabalar soni esa 270 ming nafardan 1,7 mln nafarga yetdi. 2030-yilgacha kamida 5 ta oliy ta’lim muassasasini umumiy reyting bo‘yicha, yana 10 tasini fan yo‘nalishlari kesimida dunyoning eng yaxshi 500 ta universiteti qatoriga kiritish rejalashtirilgan. Shuningdek, 100 ta ta’lim dasturini xalqaro akkreditatsiyadan o‘tkazish va...

Jahongir Odilxo‘jayevich Ahmedov Madaniyat vazirining birinchi o‘rinbosari – Madaniyat vazirligi huzuridagi Kinematografiya agentligi direktori lavozimiga tayinlandi. Bu haqda prezident matbuot kotibi ma’lum qildi.

Shuningdek, Nodirbek Baxtiyorovich Sayfullayev Madaniyat vazirining birinchi o‘rinbosari lavozimini egalladi.

Bundan tashqari, Odiljon Abdug‘aniyevich Abduqahorov hamda Sanjar Baxtiyorovich Bobojonov Madaniyat vazirining o‘rinbosarlari etib tayinlandi. Tayinlov munosabati bilan Sanjar Bobojonov prezidentning madaniyat bo‘yicha vakili bo‘linmasining bosh inspektori lavozimidan ozod etildi.

Shuningdek, boshqa ishga o‘tishi munosabati bilan Baxodir Majitovich Ahmedov va Avazxon Baxadirovich Tajixanov Madaniyat vazirining birinchi o‘rinbosari lavozimidan, Murodjon Abdullayevich Majidov hamda Yusufjon Kamoldinovich Usmonov esa Madaniyat vazirining o‘rinbosari lavozimidan ozod etildi.

Eslatib o‘tamiz, avvalroq teatr...

2026/2027-o‘quv yilidan boshlab homilador talaba-qizlar hamda 3 yoshgacha farzandi bor talabalarni qo‘llab-quvvatlashga qaratilgan yangi tartiblar joriy etiladi. Bu haqda «Oila va gender» ilmiy-tadqiqot instituti ma’lum qildi.

2026-yil 3-martdagi prezidentning PF–33-son farmoniga muvofiq, homilador talaba-qizlar hamda 3 yoshgacha farzandi bor talabalar uchun ta’limni davom ettirish imkoniyatlari kengaytiriladi. Yangi tartiblar oilaviy sharoit sabab ta’limdan uzilib qolish xavfi bo‘lgan yosh onalarni qo‘llab-quvvatlashni nazarda tutadi.

Ta’limni davom ettirish imkoniyati

Yangi tartibga ko‘ra, kursdan kursga qolgan yoki talabalar safidan chiqarilgan homilador talaba-qizlar hamda 3 yoshgacha farzandi bor talabalar fanlar farqini qayta o‘zlashtirish sharti bilan, istisno tariqasida, o‘qishini davom ettirish imkoniyatiga ega bo‘ladi...

2026-yilda Rossiyadan O‘zbekistonga quvur orqali yetkazib beriladigan tabiiy gaz hajmi 7 mlrd kub metrdan 10 mlrd kub metrdan ortiq darajaga yetishi mumkin. Bu o‘tgan yildagiga nisbatan 40 foizdan ko‘proq o‘sishni anglatadi, deya keltiriladi Xalqaro energetika agentligi (XEA) prognozida.

Gaz importi Qozog‘iston orqali oshirilmoqda

XEA hisobotida qayd etilishicha, Rossiya O‘zbekistonga gaz eksportini Qozog‘iston hududi orqali o‘tuvchi «Markaziy Osiyo – Markaz» magistral gaz quvurlari tizimi orqali bosqichma-bosqich oshirmoqda.

Import ortmoqda, mahalliy qazib olish kamaymoqda

O‘zbekiston Milliy statistika qo‘mitasi ma’lumotlariga ko‘ra, 2025-yilda Rossiya va Turkmanistondan import qilingan gaz qiymati 1,2 foizga kamayib, 1,66 mlrd dollarni tashkil etdi. Biroq jismoniy hajm...

Navoiy viloyatining Karmana tumanidan oqib o‘tuvchi Zarafshon daryosida cho‘kib ketgan uch nafar fuqaroning jasadi topildi. Bu haqda Navoiy viloyati FVB xabar berdi.

Hodisa 8-iyul kuni soat 13:50 da Katta masjid mahallasi hududida sodir bo‘lgan. Ma’lum qilinishicha, uch nafar fuqaro daryoga cho‘milish uchun borgan va ehtiyotsizlik oqibatida cho‘kib ketgan.

Qidiruv ishlariga g‘avvoslar jalb qilindi

Xabar kelib tushgach, voqea joyiga Navoiy viloyati Favqulodda vaziyatlar boshqarmasining maxsus qutqaruv otryadi, g‘avvoslar va boshqa tegishli xizmatlar yetib borgan.

Olib borilgan qidiruv-qutqaruv ishlari natijasida 10-iyul kuni uchala fuqaro ham Zarafshon daryosining Karmana tumani hududidan oqib o‘tuvchi qismidan topilgan.

Eslatib o‘tamiz, avvalroq Samarqand viloyatida...

GlobalPetrolPrices ma’lumotlariga ko‘ra, O‘zbekistonda AI-95 markali benzin narxi jahon o‘rtacha ko‘rsatkichidan past bo‘lsa-da, Markaziy Osiyo davlatlari orasida eng yuqori hisoblanadi.

Jahon va O‘zbekiston ko‘rsatkichlari

2026-yil 6-iyul holatiga ko‘ra, dunyoda AI-95 markali benzinning bir litri o‘rtacha $1,47 ni tashkil etgan. O‘zbekistonda esa ushbu ko‘rsatkich $1,342 ga teng bo‘lib, bu jahon o‘rtacha narxidan 8,7 foizga pastdir.

Markaziy Osiyoda eng qimmat benzin O‘zbekistonda

Hisobotga ko‘ra, Markaziy Osiyo mamlakatlari orasida AI-95 markali benzin eng qimmat O‘zbekistonda sotilmoqda. Taqqoslash uchun, Turkmanistonda uning bir litri $0,428, Qozog‘istonda $0,687, Qirg‘izistonda esa $1,016 ni tashkil etgan.

Benzin eng arzon va eng qimmat davlatlar

O‘zbekiston milliy terma jamoasi va Toshkentning «Paxtakor» klubi yarim himoyachisi Akmal Mozgovoy oila qurmoqda. Bu haqda Kursiv Uzbekistan manbasi xabar berdi.

Ijtimoiy tarmoq foydalanuvchilari futbolchini hayotidagi muhim voqea bilan tabriklab, bo‘lajak yosh oilaga baxt va totuvlik tilamoqda.

Futbolchi haqida

Akmal Mozgovoy 1999-yil 2-aprelda Qarshi shahrida tug‘ilgan. U markaziy yarim himoyachi sifatida harakat qiladi. Futbolchi to‘pni nazorat qilish, maydon markazida hujumlarni tashkil etish va himoyadan hujumga o‘tishda faol qatnashishi bilan...

S&P Global Ratings «Navoiyuran» davlat korxonasining kredit reytingini «BB» darajasiga ko‘tardi. Reyting bo‘yicha prognoz «Barqaror» deb belgilandi. Bunga korxonaning uran ishlab chiqarish hajmini sezilarli oshirgani va past qarzdorlik darajasini saqlab qolgani sabab bo‘ldi.

Uran ishlab chiqarish 2025-yilda 35 foizga oshdi

S&P ma’lumotlariga ko‘ra, «Navoiyuran» 2025-yilda uran oksidi ishlab chiqarish hajmini 35 foizga oshirgan. Bir yil avval esa o‘sish 30 foizni tashkil etgan.

2024 – 2026-yillar davomida kompaniyaning ishlab chiqarish hajmi umumiy hisobda 80 foizdan ko‘proqqa oshgan. Agentlik bu natijani korxonaning katta xarajatlarsiz va jiddiy ishlab chiqarish uzilishlarisiz quvvatlarni kengaytira olayotganining tasdig‘i sifatida baholadi.

Kompaniyaning qarzdorligi past darajada...

Teatr aktyori va rejissyor Xasan Ravshanovich Salixov prezidentning madaniyat bo‘yicha vakili lavozimiga tayinlandi. Bu haqda davlat rahbari matbuot kotibi ma’lum qildi.

Ma’lumot uchun, Xasan Salixov 1987-yil 28-mart kuni Toshkent shahrida tug‘ilgan. U 2004-yilda Toshkent davlat milliy raqs va xoreografiya oliy maktabining «Xalq xoreografiyasi» yo‘nalishini «Ansambl artisti» mutaxassisligi bo‘yicha tamomlagan. 2008-yilda esa M. Uyg‘ur nomidagi Toshkent davlat san’at institutida «Drama teatri va kino aktyori» mutaxassisligi bo‘yicha oliy ma’lumot olgan.

Xasan Salixov 2006-yildan buyon O‘zbekiston Yoshlar teatrida faoliyat yurita boshlagan. U teatr aktyori va rejissyor sifatida ko‘plab sahna asarlarida turli obrazlarni gavdalantirgan. Shuningdek, milliy va xalqaro ijtimoiy loyihalarda faol ishtirok...

Oliy Majlis Senati tomonidan ehtiyojmand fuqarolar va oilalarni aniqlash, ularga ijtimoiy xizmatlar ko‘rsatish hamda bu tizimni yagona huquqiy asosda tartibga solishni nazarda tutuvchi qonun ma’qullandi. Bu haqda yuqori palata matbuot xizmati xabar berdi.

Qonun yangilangan Konstitutsiyada belgilangan ijtimoiy davlat tamoyilini amalda ta’minlash, aholining ijtimoiy himoyasini kuchaytirish va ijtimoiy xizmatlar tizimini yagona huquqiy asosda tartibga solishga qaratilgan.

Milliy agentlikning vakolatlari kengaytiriladi

Qonunga ko‘ra, Ijtimoiy himoya milliy agentligi ijtimoiy ish sohasidagi maxsus vakolatli organ etib belgilanadi. Agentlik ehtiyojmand shaxs va oilalarni aniqlash, ularga xizmat va yordam ko‘rsatishni tashkil etish, davlat siyosatini amalga oshirish hamda qonunchilik ijrosini nazorat qiladi.

Ijtimoiy...

Shavkat Mirziyoyev Guansi-Chjuan avtonom rayonida yuz bergan suv toshqinlari hamda Futszyan provinsiyasidagi kuchli yong‘in oqibatida ko‘plab insonlar halok bo‘lgani va jarohat olgani munosabati bilan Xitoy Xalq Respublikasi Raisi Si Szinpinga hamdardlik yo‘lladi. Bu haqda prezident matbuot xizmati xabar berdi.

Tabiiy ofatlar katta talafot keltirdi

Hamdardlik maktubida Guansi-Chjuan avtonom rayonidagi suv toshqinlari va Futszyan provinsiyasidagi yirik yong‘in oqibatida ko‘plab insonlar hayotdan ko‘z yumgani, ko‘plab fuqarolar jarohat olgani hamda katta moddiy zarar yetgani qayd etilgan.

Qurbonlar yaqinlariga hamdardlik bildirildi

Mirziyoyev halok bo‘lganlarning oila a’zolari va yaqinlariga chuqur ta’ziya bildirib, ularga sabr-toqat tiladi. Shuningdek, jarohat olganlarning tez fursatda sog‘ayib ketishini...

O‘zbekiston hududida kelasi haftada havo haroratining keskin ko‘tarilishi va ayrim hududlarda kuchli shamol kuzatilishi kutilmoqda. Bu haqda «O‘zgidromet» agentligi ma’lum qildi.

Unga ko‘ra, joriy yilning 13 – 17-iyul kunlari O‘zbekiston hududiga janubdan juda issiq havo oqimlari kirib keladi. Shu sababli respublika bo‘ylab havo harorati sezilarli darajada oshishi prognoz qilinmoqda.

Prognozlarga ko‘ra, eng issiq kunlarda respublikaning katta qismida havo harorati 41–43 darajagacha, shimoliy, janubiy va cho‘l hududlarida esa 44–46 darajagacha ko‘tariladi.

Shuningdek, respublikaning ayrim hududlarida shamol tezligi soniyasiga 13–18 metrgacha kuchayishi, ba’zi joylarda esa chang-to‘zonlar kuzatilishi kutilmoqda.

Eslatib o‘tamiz, avvalroq 8 – 13-iyul kunlari 4 ta hududda sel xavfi...

O‘zbekistonning AQShdagi elchisi Furqat Sidiqov Braziliyaga ham Favqulodda va muxtor elchi etib tayinlanib, Braziliya prezidenti Luis Inasiu Lula da Silvaga ishonch yorliqlarini topshirdi. Bu haqda «Dunyo» AA ma’lum qildi.

Marosimda Braziliya Tashqi ishlar vazirligi hamda prezident ma’muriyati vakillari ishtirok etdi. Uchrashuv chog‘ida Braziliya prezidenti O‘zbekiston prezidenti va butun o‘zbek xalqiga samimiy salomi hamda ezgu tilaklarini yo‘lladi. Braziliya tomoni O‘zbekistonni ishonchli hamkor sifatida baholab, ikki tomonlama munosabatlarni yanada chuqurlashtirishdan manfaatdor ekanini bildirdi.

Shuningdek, oliy darajadagi siyosiy muloqotni faollashtirish, savdo-iqtisodiy va sarmoyaviy hamkorlikni kengaytirish masalalari yuzasidan fikr almashildi. Mezbonlar O‘zbekistonning BMT, BRIKS va boshqa xalqaro maydonlarda Braziliya tashabbuslarini izchil...

13-iyul uchun valyutalar kursi yangilandi. Unga ko‘ra, dollar kursi 63,77 so‘mga tushib, 12 075,98 so‘mni tashkil etdi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.

Dollarning so‘nggi kunlardagi o‘zgarishi

3-iyul kuni esa 24,58 so‘mga tushib, 11 909,66 so‘mni tashkil etdi. 6-iyul kuni 64,24 so‘mga tushib, 11 973,90 so‘mga, 7-iyul kuni 68,15 so‘mga oshib, 12 042,05 so‘mga, 8-iyul kuni 20,73 so‘mga tushib, 12 021,32 so‘mga tenglashdi. 9-iyul kuni 16,57 so‘mga tushib, 12 004,75 so‘m bo‘ldi. 10-iyul kuni 63,77 so‘mga tushib, 12 075,98 so‘mni tashkil qildi.

Markaziy bank ma’lumotlariga ko‘ra, yevro 69,27 so‘mga oshib, 13 800,43 so‘mni, rubl esa...

O‘zbekiston milliy terma jamoasi futbolchisi Abbosbek Fayzullayev nikoh to‘yida o‘zbek futbolining yana bir taniqli vakili Abduqodir Husanov ham qatnashdi. Ijtimoiy tarmoqlarda tarqalgan lavhalarda kuyov Fayzullayev terma jamoadagi safdoshi Husanovga o‘z qo‘li bilan osh yedirgani aks etgan.

Ushbu samimiy holat muxlislarning e’tiborini tortdi. O‘zbek to‘ylarida kuyovning yaqin do‘sti yoki qadrdon insoniga osh tutishi hurmat va yaqinlik ifodasi sifatida qabul qilinadi. Fayzullayev va Husanov nafaqat milliy terma jamoada birga to‘p suradi, balki maydon tashqarisida ham yaxshi munosabatda ekani mazkur lavhada ko‘ringan.

Futbolchiga yaqin manbalarning Kursiv’ga ma’lum qilishicha, Fayzullayevning tanlagan qaylig‘i 21 yoshli Nisobonu bo‘lib, u Namangan viloyati Chust tumanidagi Varzik qishlog‘ida...

Shavkat Mirziyoyev Islom sivilizatsiyasi I Xalqaro forumida ishtirok etish uchun mamlakatimizga tashrif buyurgan Islom dunyosi ta’lim, fan va madaniyat tashkiloti (ICESCO) bosh direktori Salim al-Malikni qabul qildi va uni «Do‘stlik» ordeni bilan mukofotladi.

Uchrashuvda O‘zbekiston va Islom hamkorlik tashkilotining ushbu nufuzli instituti o‘rtasidagi ko‘p qirrali sheriklikni kengaytirish masalalari ko‘rib chiqildi.

Muloqot davomida xalqaro tuzilma bilan amaliy hamkorlik izchil rivojlanib borayotgani mamnuniyat bilan qayd etildi. Xususan, O‘zbekiston xalqaro islomshunoslik akademiyasida ICESCO kafedrasi faoliyat yuritayotgani, joriy yilda Toshkent shahrida tashkilotning ofisi ochilgani ta’kidlandi. Shuningdek, fevral oyida Islom olami madaniy merosi qo‘mitasining navbatdagi yig‘ilishi yakunlariga ko‘ra, O‘zbekistonning 7 ta...

O‘zbekiston milliy terma jamoasi va Angliyaning «Manchester Siti» klubi himoyachisi Abduqodir Husanov 2026-yilgi jahon chempionati yakunlangach sobiq ustozi, belaruslik mutaxassis Anatoliy Yurevich bilan uchrashishni rejalashtirmoqda.

Bu haqda futbolchining agenti Gayrat Hasbiullin «Sport-Ekspress» nashriga bergan intervyusida ma’lum qildi. Uning so‘zlariga ko‘ra, Husanov professional faoliyatining dastlabki bosqichida unga katta yordam bergan murabbiyga hamon minnatdor.

«Fransiya va Angliyagacha yetib borgan yo‘l o‘zbekistonlik futbolchi uchun noyob, biroq katta iste’dod egasi uchun tushunarli. Belarus va u yerdagi unchalik mashhur bo‘lmagan klub bu yo‘lda qanday paydo bo‘ldi? Gap shundaki, u yerda bosh murabbiy Anatoliy Yurevich edi. U Abduqodir bilan katta ish...

Muzaffar Murotovich Kamilov O‘zbekiston Respublikasi prezidentining diniy-ma’rifiy masalalar bo‘yicha maslahatchisi lavozimiga tayinlandi. Bu haqda davlat rahbari matbuot kotibi ma’lum qildi.

Mazkur tayinlov munosabati bilan u O‘zbekiston Respublikasi prezidenti Administratsiyasi Diniy-ma’rifiy masalalar bo‘yicha departamentining boshlig‘i lavozimidan ozod etildi.

Eslatib o‘tamiz, avvalroq Dilnozaxon Sobir qizi Kattaxonova O‘zbekiston Respublikasi bosh vazirining o‘rinbosari – Oila va xotin-qizlar qo‘mitasi raisi qilib, Sardor Umurzakov esa Strategik rivojlanish agentligiga direktor etib tayinlangan edi.

Jahon chempionati – 2026 chorak finalida Fransiya va Marokash terma jamoalari o‘rtasidagi uchrashuvdan so‘ng Londonda yuz bergan tartibsizliklarda bir nafar politsiyachi boshidan jarohat olib, shifoxonaga yotqizildi. Bu haqda The Telegraph nashri xabar berdi.

Yo‘llar to‘sildi, politsiyaga hujum qilindi

Buyuk Britaniya OAV xabariga ko‘ra, bir guruh shaxslar Londonning shimoli-g‘arbiy qismida yo‘lni to‘sib, transport harakatini izdan chiqargan. Voqea joyiga yetib kelgan politsiyachilarga butilkalar va boshqa buyumlar uloqtirilgan, shuningdek, mushaklar otilgan.

Dilnozaxon Sobir qizi Kattaxonova O‘zbekiston Respublikasi bosh vazirining o‘rinbosari – Oila va xotin-qizlar qo‘mitasi raisi lavozimiga tayinlandi. Bu haqda prezident matbuot xizmati ma’lum qildi.

Shu munosabat bilan Kattaxonova O‘zbekiston Respublikasi Yoshlar ishlari agentligi direktorining birinchi o‘rinbosari lavozimidan ozod etildi. U bu lavozimda 2023-yil 20-dekabrdan buyon ishlab kelayotgan edi.

Shuningdek, Zulayxo Baxriddinovna Maxkamova boshqa ishga o‘tishi munosabati bilan O‘zbekiston Respublikasi bosh vazirining o‘rinbosari – Oila va xotin-qizlar qo‘mitasi raisi lavozimidan ozod etildi.

Ma’lumot uchun, Maxkamova 2022-yil 1-martdan buyon Oʻzbekiston Respublikasi Oila va xotin-qizlar qoʻmitasi raisi sifatida ishlab kelayotgan edi.

Eslatib o‘tamiz, avvalroq Sardor Umurzakov Strategik rivojlanish agentligiga direktor bo‘lgan...