Yangiliklar

Realme kompaniyasi o‘rta segmentga mansub yangi Realme 16 Pro smartfoniga bag‘ishlangan navbatdagi reklama posterni e’lon qildi. Bu haqda GSMArena nashri xabar bermoqda.

Unda qurilmaning korpusi yupqa bo‘lishi va tashqi ko‘rinish asosiy ustuvor yo‘nalish sifatida tanlangani aks ettirilgan. Kompaniya ushbu modelda aynan dizayn masalasiga alohida e’tibor qaratayotganini rasman ta’kidlamoqda.

Realme bayonotiga ko‘ra, Realme 16 Pro seriyasi nafis va puxta dizayn orqali yuqori darajadagi mahorat hamda mustahkamlikni uyg‘unlashtiradi, brendning yuzaki xususiyatlardan ko‘ra real qiymat taqdim etishga intilishini ifodalaydi. Posterdagi «seriya» atamasi yangi liniyada kamida ikkita model – Realme 16 Pro va Realme 16 Pro+ bo‘lishini tasdiqlaydi. Ularning dizayni deyarli bir xil...

MKBHD texnokanali 2025-yil yakunlari bo‘yicha eng yaxshi smartfonlar ro‘yxatini e’lon qildi. Unda yil davomida sinovdan o‘tgan o‘nlab modellardan turli nominatsiyalar bo‘yicha g‘oliblar tanlandi.

Ular orasida iPhone 17 Pro bironta ham nominatsiya olmagan, lekin Apple baribir boshqa to‘rtta nominatsiyada g‘olib bo‘lgan.

Reytingga ko’ra, «Yil smartfoni» deb iPhone 17 tanlandi va u «eng muvozanatli va foydali tanlov» deya qayd etildi. Eng muvaffaqiyatsiz deb topilgan model esa iPhone 16e. 2025-yilning MKBHD bo‘yicha g‘oliblari quyidagicha:

Yil smartfoni — iPhone 17

iPhone 17 reytingda eng ko‘p yaxshilangan model sifatida ham qayd etilgan. U 177 gramm, qalinligi 7,2 mm. Qurilma Ceramic Shield...

2025-yil yanvar – noyabr oylarida 112 530 dona Chevrolet Cobalt avtomobili xarid qilingan. Bu haqda «O‘zavtosanoat» AJ matbuot xizmati xabar bermoqda. 2024-yil yanvar – noyabr yakunlariga ko‘ra, savdo 120 499 donaga yetgan edi.

Ikkinchi o‘rinni Chevrolet Damas egalladi. 2025-yilda 97 770 dona sotilgan bo‘lsa, 2024-yilda bu ko‘rsatkich 96 085 donani tashkil etdi. Uchinchi o‘rinda Chevrolet Tracker joylashdi. Zamonaviy dizayn va xavfsizlik texnologiyalari bilan jihozlangan krossoverdan 41 159 dona sotildi.

To‘rtinchi o‘rinni Chevrolet Labo modeli egallagan. 33 169 dona sotilgan ushbu ixcham yuk avtomobili kichik savdo va qurilish sohalarida eng talabgir transport bo‘lib qolmoqda. Beshinchi pog‘onani esa Chevrolet Onix...

Tesla bosh direktori Ilon Mask AQSH prezidenti Donald Tramp ma’muriyati ostidagi Hukumat samaradorligi departamenti (DOGE) faoliyatini «biroz muvaffaqiyatli» deb baholadi va kelajakda ushbu loyihaga qayta rahbarlik qilmasligini bildirdi. Bu haqda Reuters agentligi xabar bermoqda.

Ilon Mask sobiq amaldor Keyti Miller bilan bo‘lib o‘tgan podkastda hukumatdagi roli unga va Tesla brendiga nisbatan noroziliklarni keltirib chiqarganini aytdi.

«DOGE bilan shug‘ullanish o‘rniga, men asosan o‘z kompaniyalarim ustida ishlaganimda edi, ular mashinalarni yoqib yubormagan bo‘lardi», – dedi Mask Tesla avtomobillari bilan yuz bergan holatlariga ishora qilib.

Milliarder ushbu loyihaga qaytish niyati yo‘qligini qat’iy ta’kidladi. Mask boshchiligidagi DOGE jamoasi...

Qozog‘iston madaniyat va axborot vaziri Aida Balayeva OAV atrofidagi sud jarayonlari, jumladan, «KazTAG» va «Orda.kz» ishi bo‘yicha izoh berdi. Unga ko‘ra, vazirlik OAV huquqlarini faqat ular qonunni buzmagan holatlarda himoya qila oladi.

«Bugungi kunda Qozog‘iston media makonida bir nechta sud jarayonlari o‘tkazilishi munosabati bilan muhokamalar davom etmoqda. Qozog‘iston Respublikasi Madaniyat va axborot vazirligi ushbu jarayonlarni, jumladan, «Orda.kz» va «KazTAG» bilan bog‘liq ishlarni alohida e’tiborga olgan. Bunday holatlar media hamjamiyatni doimo tashvishga soladi. Chunki bu so‘z erkinligi va qonuniy jurnalistik faoliyat kabi o‘ta muhim masalalarga bevosita taalluqlidir», – dedi u.

Balayevaning aytishicha, mamlakatda so‘z erkinligi...

YUNESKO Nomoddiy madaniy meros qo‘mitasining 20-sessiyasida qo‘biz yasash va ijro etish san’ati rasmiy ravishda Nomoddiy madaniy meros ro‘yxatiga kiritildi. Bu haqda YUNESКOning O‘zbekistondagi vakolatxonasi xabar berdi.

Qoraqalpog‘istonning boy madaniy merosi hisoblangan qo‘biz va jirav ijrochilik an’anasi so‘nggi yillarda ustalar kamaygani va yoshlar orasida yetarli qiziqish bo‘lmagani sabab xavf ostida qolayotgan edi.

Shu sabab YUNESKO O‘zbekiston Madaniyat vazirligi bilan birga ushbu merosni o‘rganish, hujjatlashtirish va targ‘ib qilish bo‘yicha ishlar olib bordi.

Jarayon haqida maxsus hujjatli film ham suratga olingan bo‘lib, uni youtube.com havolasi orqali tomosha qilish mumkin.

Bundan oldin rubob yasash va chalish san’ati YUNESKO ro‘yxatiga kiritilgandi...

Yangi Motorola Edge 70 Ultra smartfoni stilus qo‘llab-quvvatlashi bilan taqdim etiladi. Bu haqda Android Headlines xabar bermoqda.

Qurilma shu yo‘l bilan Galaxy S25 Ultra va kutilayotgan S26 Ultra modellari bilan to‘g‘ridan to‘g‘ri raqobatga kirishadi. Android Headlines manbalarining xabar berishicha, Motorola Moto G Stylus liniyasida to‘plangan tajribani flagman segmentga ko‘chirmoqchi. Bunda smartfon Snapdragon 8 Gen 5 platformasiga asoslanadi. Ushbu protsessor eng yuqori unumdorlikni ta’minlashi kutilmoqda.

Hozircha stilus qanday amalga oshirilishi ochiqlanmagan. Qurilmaga stylus ichki korpusga joylashtirilishi mumkin. Yoki u tashqi aksessuar sifatida alohida taqdim etilishi ehtimoli ham bor.

Avvalroq chiqarilgan Edge 70 modeli 6 mm qalinlikka ega bo‘lsa-da, stilus...

Bugun, 10-dekabr kuni tungi soat 02:30 da Qamchiq dovonida qor ko‘chkisi xavfi aniqlangani sababli avtomobil harakati vaqtincha to‘xtatilgandi.

Favqulodda vaziyatlar vazirligi soat 12:00 dan boshlab dovon transport harakati uchun to‘liq ochilganini ma’lum qildi.

Shuningdek, O‘zbekiston hududida 10 – 12-dekabr kunlari kutilayotgan kuchli yog‘ingarchilik va havo haroratining keskin o‘zgarishi tufayli bir nechta tog‘li hududlarda qor ko‘chishi xavfi yuzaga kelmoqda. Bu haqda «O‘zgidromet» ma’lum qildi.

Xususan, Toshkent viloyatining Bo‘stonliq, Ohangaron va Parkent tumanlari (Chotqol tizmasi tog‘lari), Namangan viloyatining Pop tumanida xavf darajasi oshgan.

Avvalroq «Kursiv» nashri 8-dekabrdan O‘zbekistonga sovuq va nam havo kirib kelishi haqida yozgandi.

9 – 10-dekabr kunlari...

2025-yilning yanvar – oktabr oylarida O‘zbekistonga 41 ta xorijiy davlatdan umumiy qiymati $15,6 mlnga teng bo‘lgan chinni mahsulotlari import qilindi. Bu haqda Milliy statistika qo‘mitasi ma’lum qildi.

Import mahsulotlar qiymati o‘tgan yilning shu davriga nisbatan 33,3 foizga o‘sganini ko‘rsatmoqda. Asosiy yetkazib beruvchi davlat Xitoy bo‘lib, ushbu davlatdan $13,1 millionlik mahsulot olib kelingan.

Keyingi o‘rinlarni Turkiya ($896,1 ming), Rossiya ($355,7 ming), Germaniya ($265,9 ming) va Italiya ($200,7 ming) band etgan. Shuningdek, boshqa davlatlardan jami $843,9 minglik chinni mahsulotlari import qilingan.

Avvalroq «Kursiv» O‘zbekistonga dengiz mahsulotlari importi 23 foizga oshgani haqida xabar bergan edi.

Samsung budjet va o‘rta segment uchun mo‘ljallangan Galaxy A liniyasining taqdimot jadvalini o‘zgartirmoqda. Kompaniya Samsung Galaxy A37 va A57 modellarini muddatidan oldin taqdim etadi.

Manbaga ko‘ra, Galaxy A07 5G smartfoni dekabr oxiri yoki yanvar boshida taqdim etilishi kutilmoqda. Eng muhim yangilik esa Galaxy A37 va Galaxy A57 modellari bilan bog‘liq. Avval bahorda chiqariladigan ushbu qurilmalar bu safar 2026-yil fevral oyida sotuvga taqdim etiladi.

Yangi smartfonlar Android 16 operatsion tizimi bilan chiqariladi. Galaxy A57 modeli Exynos 1680 protsessori va Xclipse 550 grafik yadrosi bilan jihozlanadi. Arzonroq Galaxy A37 esa Exynos 1480 chipi va Xclipse 530 grafik protsessoriga ega bo‘ladi.

Ushbu...

Toshkent metrosining «O‘zbekiston», «Mashinasozlar», «G‘afur G‘ulom» va «Milliy bog‘» bekatlarining kirish qismlarida texnik yangilanish ishlari to‘liq yakunlandi. Bu haqda metropoliten axborot xizmati xabar berdi.

«Yoʻlovchi oqimining ortib borayotgani hamda shahrimiz aholisining talab va istaklarini inobatga olgan holda, avval yoʻlovchi oqimi kamligi sababli uzoq yillar davomida yopiq boʻlib kelgan ushbu metro bekatlarining bir tomon kirish (vestibyul) qismlarida texnik yangilash ishlari amalga oshirildi», – deyiladi xabarda.

Shuningdek, mazkur vestibyullar zamonaviy texnik uskunalar bilan jihozlandi va barcha xavfsizlik talablari qayta ko‘rib chiqilib takomillashtirildi.

Shu yilning 11-dekabridan boshlab ushbu vestibyullar yana yo‘lovchilar uchun ochiladi.

Avvalroq Kursiv Uzbekistan Toshkent...

Chery konserniga qarashli Jaecoo brendi mahalliy bozor uchun mo‘ljallangan Jaecoo J6 krossoverining yangi tafsilotlarini e’lon qildi. Model 2026-yilda savdoga chiqariladi.

Avtomobil o‘lchamlari kattalashgan bo‘lib, uzunligi 4509 mm, kengligi 1860 mm, balandligi esa 1650 mmni tashkil etadi.

Jaecoo J6 yengil off-road sharoitlariga moslashtirilgan. Bunga yuqori klirens, 20 daraja kirish burchagi va 30 daraja chiqish burchagi imkon beradi. Avtomobil 600 mm chuqurlikdagi suv to‘sig‘ini ham bemalol yengib o‘ta oladi.

Xavfsizlik va haydovchiga ko‘mak tizimlari ham muhim ustunliklardan biri hisoblanadi. Krossover 19 ta elektron yordamchi tizim bilan jihozlanadi. Ular shosse yo‘llarda harakatlanishda, tirbandlikda boshqarishda hamda parkovka jarayonida haydovchini qo‘llab-quvvatlaydi.

Texnik tomondan avtomobil...

Centrum Air aviakompaniyasi AerCap kompaniyasi bilan ikkita yangi Airbus A321neo samolyotini lizingga olish bo‘yicha shartnoma imzoladi. Bu haqda kompaniya matbuot xizmati ma’lum qildi.

Samolyotlar 2027-yilning to‘rtinchi choragida yetib kelishi kutilmoqda. AerCap kompaniyasining tijorat direktori Piter Andersonning so‘zlariga ko‘ra, Centrum Air O‘zbekistondan birinchi mijoz bo‘ldi.

«Yuqori samaradorlik va kengaytirilgan parvoz masofasiga ega A321neo samolyotlari bizga yo‘lovchilarga ko‘proq qulaylik va yangi yo‘nalishlarni taklif qilish imkonini beradi. Shuningdek, O‘zbekistonga jahon bozori bilan aloqalarini mustahkamlashda ko‘maklashadi», – deydi Centrum Holding boshqaruvi raisi va bosh direktori Abdulaziz Abdurahmanov.

Eslatib o‘tamiz, avvalroq Centrum Air’ning 2026-yilda Frankfurt va Kopengagenga to‘g‘ridan to‘g‘ri reyslarni yo‘lga qo‘yishi haqida xabar...

Leonardo Di Kaprio Time jurnali tomonidan 2025-yilning eng yaxshi aktyori sifatida e’tirof etildi. Aktyor juda muvaffaqiyatli karyera qurgan bo‘lib, ko‘plab tengdoshlarining faqat orzu qilishi mumkin bo‘lgan yutuqlarga erishgan, deb yozadi jurnal.

Di Kaprio Time’ga bergan intervyusida yaqinda suratga olingan «Jangdan jangga» filmidagi ishtirokini qayd etdi va filmning hozirgi notinch davrda tomoshabinlar qalbida iliqlik uyg‘otishini ta’kidladi.

«Bu film dunyoda o‘z fikrini aytish yoki qandaydir pozitsiyani himoya qilishga jur’at etolmaydigan odamlar haqida hikoya qiladi, chunki bu dunyo qo‘rquvga to‘la», – deydi aktryor.

Nashrda, shuningdek, striming-platformalar davrida Di Kaprio o‘ziga xos yulduzga aylangani, rollarni ehtiyotkorlik...

Xitoyda Xiaomi SU7 avtomobili «avtoparkovka» rejimida suv havzasiga tushib ketayotgani aks etgan video tarqalib, muhokamalarga sabab bo‘ldi.

Lavhaga ko‘ra, mashina egalaridan biri tushib chiqqach, avtomobil old tomoni bilan hovuz tomonga yurib bordi va bamperi suvga tegganida to‘xtadi.

Mutaxassislar bunday joy standart joylashtirish hududiga kirmagani sabab tizim bo‘sh maydonni noto‘g‘ri talqin qilgan bo‘lishi mumkinligini aytmoqda.

Hodisa Xiaomi 26-noyabrda SU7 uchun chiqargan yangi HyperOS 1.11.0 yangilanishidan keyin kuzatilgan. Yangilanish avtomobilni avtomatik joylashtirish va joylashtirish joyini aniqlash funksiyalarini yaxshilash uchun chiqarilgandi.

Texnik mutaxassislar «avtoparkovka» hali ham haydovchi mas’uliyatida ekanini eslatdi. Unga ko‘ra, standart bo‘lmagan joylar, masalan, hovuz bo‘yi yoki notekis...

UEFA Chempionlar ligasining 6-tur bahslari kambeklarga boy o‘tdi. Beshta uchrashuvda hisobda ortda borayotgan jamoalar yakunda g‘alaba qozondi. «Liverpul» safarda «Inter»ni, «Barselona» esa o‘z maydonida «Ayntraxt»ni mag‘lub etgan bo‘lsa, «Chelsi» Italiyada «Atalanta»ga imkoniyatni boy berdi.

«Liverpul» Milanda kechgan bahsda Muhammad Salohsiz harakat qildi va Dominik Soboslaining penaltidan kiritgan goli evaziga 1:0 hisobida g‘alaba qozondi. «Inter» esa jarohatlar tufayli birinchi bo‘limdayoq ikki o‘zgarishni amalga oshirishga majbur bo‘ldi. Hisob o‘yin yakunigacha o‘zgarmadi.

5-turda «Chelsi»ga uchralgan mag‘lubiyatdan keyin ketma-ket g‘alabalarga erishayotgan «Barselona» Jyul Kundening uch daqiqa ichida urgan ikkita goli evaziga «Ayntraxt» ustidan 2:1 hisobida irodali g‘alabaga erishdi. Gollarga Reshford va Yamal assistentlik...

Sirdaryodagi issiqlik elektr stansiyasi (IES) uchun Yaponiyadan yangi rotor olib kelindi. Bu haqda Energetika vazirligi xabar berdi.

Unga ko‘ra, Sirdaryo viloyatidagi 1500 MVt quvvatli IESning 2-sonli gaz turbinasida nosozlik aniqlangach, uni tiklash uchun Yaponiyaning Mitsubishi kompaniyasi qisqa muddatda yangi rotor tayyorladi.

Xabarga ko‘ra, 114 tonnalik uskuna 8-dekabr kuni maxsus reys orqali Toshkentga yetkazildi va to‘g‘ridan to‘g‘ri stansiya hududiga olib borildi. Rotorni o‘rnatish va sinov-sozlash ishlari taxminan bir oy davom etadi. Shu vaqt ichida quvvat yetishmovchiligini qoplash uchun zaxira bloklar ishlatiladi.

Hozirgi bulutli ob-havo sababli quyosh stansiyalarida ishlab chiqarish kamaygan. Shu bois vazirlik iste’mol ko‘payadigan paytlarda, asosan soat...

Xiaomi Xitoyda Mi Home Super Energy 2HP va 3HP nomli yangi napol konditsionerlarini taqdim etdi. Bu haqda Gizmochina nashri xabar berdi.

Kompaniya ma’lumotiga ko‘ra, ikkala model ham 115° darajali keng havo oqimini ta’minlaydi, tezkor sovitish va isitish imkoniyatiga ega: xonani 30 soniyada sovitadi, 1 daqiqada to‘liq isitadi.

Tezlik va quvvat farqi

Model o‘rtasidagi asosiy farq – havo oqimi tezligi:

Yangi konditsionerlar energiya samaradorligiga urg‘u berib yaratilgan. Ular ichiga o‘rnatilgan sun’iy intellekt algoritmi elektr sarfini 30 foizgacha kamaytiradi. Qurilmalar Xitoyda 1-toifali energiya tejamkorlik standartiga mos keladi.

Konditsionerlarni Xiaomi ilovasi...

SpaceX AQSh bo‘ylab o‘rnatilgan o‘z-o‘ziga xizmat ko‘rsatish kiosklari orqali Starlink qurilmalarini rekord darajada arzon narxda sotishni boshladi. Bu haqda NoteBook Check nashri xabar berdi.

Ayova shtatidagi Des-Moines shahrida joylashgan Jordan Creek Mall savdo markazida Starlink avtomati paydo bo‘lgani kuzatildi. Eng qiziq tomoni Standart Kit atigi $90 ga sotilmoqda, bu Starlink paydo bo‘lganidan beri eng past narx hisoblanadi.

Odatdagi bepul ijara tizimidan farqli ravishda, bu uskunalar xaridorning o‘zida qoladi. Avtomatda shuningdek, qo‘shimcha uskunalar – o‘rnatish moslamalari va routerlar ham taklif etiladi.

SpaceX xaridorlar uchun yana bir taklifni yo‘lga qo‘ydi: agar foydalanuvchi bir hafta ichida xizmatni faollashtirsa, $100 lik bonus...

Realme kompaniyasi to‘liq taqdimotdan oldin Narzo 90 va Narzo 90X modellarining asosiy texnik tafsilotlarini rasman ochiqladi. Qurilmalar allaqachon kompaniyaning rasmiy saytida paydo bo‘ldi.

Seriyaga ikkita smartfon kiradi va ularning har ikkisi 7000 mA/soat sig‘imli batareya hamda 60 Vt tezkor quvvatlash qo‘llab-quvvatlashi bilan ajralib turadi. Narzo liniyasining odatda arzon segmentga mansub ekanini hisobga olganda, bu juda kuchli ko‘rsatkich hisoblanadi.

Bazaviy model Narzo 90 suv va changdan himoya qiluvchi IP69 sertifikatiga ega bo‘ladi. Yuqori model – Narzo 90X uchun bunday ma’lumot rasman tasdiqlanmagan, biroq xuddi shunday himoya darajasi taklif etilishi ehtimoli yuqori.

Texnik jihatdan Narzo 90 4000 nit yorqinlikka ega ekran...

Xitoy 2025-yil 9-dekabr kuni uchta muvaffaqiyatli kosmik parvozni amalga oshirib, sun’iy yo‘ldoshlar va texnologiyalarni sinovdan o‘tkazish bo‘yicha navbatdagi yirik yutuqqa erishdi. Bu haqda ITHome ma’lum qildi.

Pekin vaqti bilan 06:11 da Tayuan kosmodromidan Long March-6A raketasi («Chanchjen-6A») past orbitadagi 15 ta sun’iy yo‘ldoshni orbitaga chiqardi. Soat 11:41 da Jiuquan kosmodromidan Long March-4B raketasi («Chanchjen-4B») Yaogan-47 sun’iy yo‘ldoshini kosmosga jo‘natdi.

Kun so‘ngida, Pekin vaqti bilan 23:08 da Sichan kosmodromidan Long March-3B raketasi («Chanchjen-3B») Communication Technology Experiment Satellite-22 sun’iy yo‘ldoshini belgilangan orbitaga chiqardi. Bu Long March raketalari oilasining 615-parvozi bo‘ldi.

Eslatib o‘tamiz, avvalroq Xitoy Shenzhou-21 kosmik missiyasini ishga tushirgani haqida...

8-dekabr holatiga ko‘ra, tijorat banklarida amal qilayotgan mikroqarz va avtokreditlarning so‘nggi 10 ish kuni bo‘yicha foiz stavkalari e’lon qilindi. Bu haqda Markaziy bank xabar berdi.

Mazkur davrda mamlakatdagi tijorat banklari tomonidan taqdim etilayotgan mikroqarzlar bo‘yicha o‘rtacha foiz stavkasi 31,7 foizni tashkil etdi. Shundan jismoniy shaxslarga ajratilayotgan kreditlarning (mikroqarzlardan tashqari) o‘rtacha foiz stavkasi 22,5 foizni, yuridik shaxslar ulushi esa 21,8 foizni ko‘rsatmoqda.

Bunda eng yuqori foiz stavkasi quyidagi banklarda qayd etilgan:

Eng past mikroqarz foiz stavkalari quyidagi banklarda:

General Motors kompaniyasi Meksika bozori uchun mo‘ljallangan Chevrolet Express Max EV 2026 elektr furgonini rasmiy ravishda e’lon qildi. Bu haqda GMAutority nashri xabar bermoqda.

Yangi model GM va SAIC alyansi doirasida yaratilgan. Elektr furgon ikki kuzov variantida taklif qilinadi: qisqa (SWB) va uzun (LWB) g‘ildirak bazasi bilan. Express Max tarixida ilk bor past tomli versiya ham paydo bo‘ldi. Bunday dizayn aerodinamikani yaxshilaydi va energiya sarfini kamaytiradi.

Model old qismiga o‘rnatilgan 150 kVtli elektrodvigatel bilan jihozlangan. Uning quvvati 204 ot kuchini tashkil etadi. Aylantiruvchi moment esa 330 Nm darajasida. Qisqa baza 77 kVt/soatli batareya bilan 277 km masofani bosib o‘tadi...

Banklar 10-dekabr kungi xorijiy valyutalarni ayirboshlash kurslarini yangiladi. Kursiv Uzbekistan eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Eslatib o‘tamiz, avvalroq Kursiv Uzbekistan hafta davomida dollar qanday o‘zgargani haqida yozgan edi.