Yangiliklar

«O‘zbekiston – 2030» strategiyasining takomillashtirilgan loyihasiga ko‘ra, mamlakatda ichimlik suvi xizmatlaridan doimiy foydalanish imkoniyatiga ega aholi ulushi 2030-yilgacha 85 foizgacha oshiriladi.

Bunda ichimlik suvi xizmatlaridan doimiy foydalanish qamrovini joriy yilda 82 foizga, 2027-yilda 83 foizga, 2028-yilda 84 foizga, 2029-yilda 84 foizga yetkazish maqsad qilingan. «O‘zsuvta’minot» AJ ma’lumotlarida keltirilishicha, 2025-yilda aholining 82 foizi allaqachon markazlashgan ichimlik suvi bilan ta’minlangan.

Shuningdek, Tuyamo‘yin suv ombori hajmini qo‘shimcha 1 mlrd kub metrga kengaytirib, 1,2 mln gektarda suv ta’minotini yaxshilash va ichimlik suv zaxirasini yaratish reja qilingan.

Hujjatda yozilishicha, suvdan oqilona foydalanish madaniyati va suv ishlatish samaradorligi yanada oshiriladi. 2030-yilgacha suv ishlatish...

CES 2026 texnologiyalar ko‘rgazmasida Mercedes-Benz kompaniyasi mashhur GLC krossoverining to‘liq elektr versiyasini rasman taqdim etdi. Bu haqda Mydrivers nashri xabar berdi.

Yangi model dizayn, texnologiya va texnik imkoniyatlar bo‘yicha brend tarixidagi eng ilg‘or avtomobillardan biri sifatida taqdim etilmoqda.

Yangi GLC ilk bor yoritiladigan radiator panjarasi bilan jihozlandi. Undagi 942 ta polikarbonat nuqta raqamli piksel effektini hosil qiladi. Kuzov dizaynida qiya tom chizig‘i, yashirin eshik tutqichlari hamda orqa bamperdagi aerodinamik qanotchalar e’tiborni tortadi.

Avtomobil 800 voltli platforma asosida ishlab chiqilgan. Elektromotorlar umumiy hisobda 360 kVt (489 ot kuchi) va 800 Nm aylanish momentini ta’minlaydi. Maksimal tezlik 210 km/soatni tashkil etadi...

6-yanvar kuni O‘zbekiston hududlarida asosan o‘zgaruvchan va yog‘ingarchiliksiz ob-havo kuzatiladi. Ayrim viloyatlarda kechasi va ertalab tuman tushishi ehtimoli bor. Bu haqda «O‘zgidromet» xabar berdi.

Toshkent shahrida yog‘ingarchilik kutilmaydi, tonggi soatlarda tuman bo‘lishi mumkin. Sharqdan esadigan shamol tezligi 3–8 m/s atrofida bo‘ladi. Havo harorati kechasi 0–2 darajagacha pasayib, kunduzi 7–9 daraja iliqqacha ko‘tariladi.

Qoraqalpog‘iston Respublikasi va Xorazm viloyatida havo asosan ochiq bo‘lib, ayrim joylarda tuman tushadi. Shamol sharqdan 7–12 m/s tezlikda esadi. Kechasi 3–8 daraja sovuq, kunduz kuni esa 2–7 daraja iliq bo‘ladi.

Buxoro va Navoiy viloyatlarida ham yog‘ingarchilik prognoz qilinmagan. Ba’zi hududlarda tuman kuzatilishi mumkin. Harorat kechasi 0–5 daraja...

Toshkentning «Paxtakor» futbol klubi Qarshining «Nasaf» jamoasidan ikki nafar tajribali o‘yinchi Oybek Bozorov va Sherzod Nasrullayevni o‘z tarkibiga qo‘shib olganini rasman e’lon qildi.

Yarim himoyachi Oybek Bozorov shu vaqtga qadar Superligada 165 ta uchrashuvda maydonga tushib, 23 ta gol urgan va 32 ta golli uzatmani amalga oshirgan. Osiyo klublari miqyosidagi xalqaro musobaqalarda esa 31 ta o‘yinda ishtirok etgan.

Chap qanot himoyachisi Sherzod Nasrullayev ham faoliyatini Toshkent klubida davom ettiradi. Uning statistikasi Superligada 147 ta o‘yin, 10 ta gol va 25 ta golli uzatmani tashkil etadi. Xalqaro maydonda esa himoyachi 27 bor maydonga tushgan.

Avvalroq Kursiv Uzbekistan «Paxtakor» 14-marta O‘zbekiston...

5-yanvar kuni Navoiy viloyatining Tomdi tumanida ichida yo‘lovchilari bilan harakatlanib kelayotgan avtobus ag‘darilib ketdi. Holat yuzasidan viloyat Ichki ishlar boshqarmasi ma’lumot berdi.

YTH Tomdi tumani «Tomdibuloq» OFY hududidan o‘tgan A-379 Navoiy – Uchquduq xalqaro ahamiyatga molik avtomobil yo‘lining 167 – 168-kilometrlari oralig‘ida sodir etilgan. Dastlabki surishtiruvlarga ko‘ra, Zarafshon – Navoiy yo‘nalishida ketayotgan Zhong Tong Bus rusumli avtobusning salonida 47 yo‘lovchi bo‘lgan. 17 yillik ish stajiga ega bo‘lgan 39 yoshli haydovchi Sh.X. rul boshqaruvini yo‘qotgan va avtobus yo‘nalishi bo‘yicha yo‘lning o‘ng tomoniga chiqib ketib ag‘darilgan.

Hodisa oqibatida yo‘lovchi sifatida ketayotgan 2 kishi olgan tan jarohatlari sababli voqea joyida vafot etgan...

Moskvada dumba kattalashtirish operatsiyasidan so‘ng bloger Yuliya Burtseva vafot etdi. Bu haqda Thevoicemag.ru nashri xabar bermoqda. Hodisa 4-yanvar kuni sodir bo‘lgan.

Amaliyotdan keyin bemorda anafilaktik shok rivojlangan. Ayol og‘ir ahvolda shifoxonaga yetkazilgan, biroq shifokorlar uning hayotini saqlab qola olmagan.

Ma’lum bo‘lishicha, Yuliya Burtseva so‘nggi besh yil davomida Italiyada yashagan. U yerda turmush o‘rtog‘i Juzeppe va qizi Sasha qolgan. Bloger ijtimoiy tarmoqlarda Italiyadagi hayoti va oilaviy munosabatlari haqida muntazam hikoya qilib kelgan.

Rossiya Federatsiyasi Tergov qo‘mitasi Moskva shahar bosh boshqarmasi hodisa yuzasidan jinoyat ishi qo‘zg‘atdi. Ish ehtiyotsizlik oqibatida o‘limga sabab bo‘lish moddasi bo‘yicha tergov qilinmoqda. Huquqni muhofaza etuvchi organlar tibbiyot...

iQOO kompaniyasi yaqin kunlarda taqdim etilishi kutilayotgan iQOO Z11 Turbo smartfoni bo‘yicha dastlabki texnik tafsilotlarni e’lon qildi. Bu haqda kompaniya rasmiy sahifasida ma’lum qildi.

Rasmiy taqdimot yanvar oyiga rejalashtirilgan bo‘lsa-da, qurilmaning xususiyatlari allaqachon ma’lum bo‘ldi.

Brend bergan ma’lumotlarga ko‘ra, iQOO Z11 Turbo AnTuTu testida 3,6 mln ball to‘plagan. Bu ko‘rsatkich Snapdragon 8 Gen 5 platformasidagi OnePlus Ace 6T natijasidan biroz yuqori. Ballar taqsimoti ham ochiqlangan: protsessor – 1 057 948, grafik tezlatkich – 1 157 399, xotira – 572 070, interfeys va tizim optimizatsiyasi – 811 621 ball.

Smartfon 6,59 dyuymli LTPS OLED displey bilan jihozlanishi kutilmoqda. Ekran 1,5K...

Chevrolet tomonidan 2026-yilgi Chevrolet Equinox elektromobili qancha yukni torta olishiga oid ma’lumot e’lon qilindi. Bu haqda GMAutority xabar bermoqda.

Model og‘ir yuklar uchun mo‘ljallanmagan bo‘lsa-da, to‘g‘ri jihozlanganda yengil tirkamalarni tortish imkoniyatiga ega. 2026-yilgi Chevy Equinox EV maksimal 1 500 funt yoki 680 kg yukni torta oladi.

Tortish imkoniyati faqat LT 2 va RS komplektatsiyalarida taqdim etiladi. Old g‘ildirakdan tortuvchi va to‘liq yuritmali versiyalar bir xil ko‘rsatkichga ega. Boshlang‘ich LT 1 talqinida tortish quvvati rasmiy tarzda nazarda tutilmagan.

Tirkama ulash uchun maxsus aksessuarli ilgak talab etiladi. U SDE kodi bilan taklif qilinadi. Trailering Package esa faqat LT 2 va RS...

Surxondaryo viloyatining Boysun tumanidagi «M-25» konida 2025-yil dekabr oyining so‘nggi kunlarida tarkibida neft saqlovchi suyuqlikning yer yuziga sizib chiqishi kuzatildi. Energetika vazirligi vaziyat to‘liq nazoratga olingani va suyuqlik jilovlanganini ma’lum qildi.

Suyuqlik tarqalishining oldini olish uchun hudud atrofi va soy o‘zani bo‘ylab qo‘shimcha himoya hovuzlari qurilgan. Yig‘ib olingan neft aralashmasi maxsus ajratilgan, hajmi 5 ming kub metr bo‘lgan ikkita izolyatsiyalangan hovuzga tashilmoqda. Bu usul suyuqlikni xavfsiz saqlash va keyinchalik undan samarali foydalanish imkonini beradi.

Avvalroq Kursiv Uzbekistan Romitan tumanida bir mlrd so‘mlik tabiiy gazni talon-toroj qilgan MChJ aniqlangani haqida xabar bergan edi.

Daniya bosh vaziri Mette Frederiksen AQSh prezidenti Donald Trampga Grenlandiyani egallash haqidagi tahdidlarni to‘xtatish kerakligini ma’lum qildi. Bu haqda BBC xabar bermoqda.

Keskin bayonot Trampning yordamchisi Stiven Millerning rafiqasi Keti Miller ijtimoiy tarmoqda Grenlandiya xaritasini AQSh bayrog‘i ranglarida tasvirlab, «Tez orada» degan yozuv bilan joylashtirgach yangradi. Frederiksen Daniya va Grenlandiya NATO a’zosi ekanini, AQSh bilan mudofaa kelishuvi mavjudligini eslatib, tarixiy yaqin ittifoqchiga tahdid qilmaslikka chaqirdi. Biroq Tramp Air Force One bortida o‘z maqsadini yana tasdiqlagan.

«Milliy xavfsizlik nuqtai nazaridan bizga Grenlandiya kerak, Daniya esa buni uddalay olmaydi», – dedi AQSh prezidenti.

Mazkur diplomatik ziddiyat...

Ukraina Tashqi ishlar vazirligi Rossiya prezidenti Vladimir Putinning qarorgohiga qilingan hujum haqidagi xabarlarga O‘zbekiston, Qozog‘iston, Qirg‘iziston, Turkmaniston va Tojikiston rasmiylarining munosabatini tanqid qildi.

«Biz ushbu besh davlatning Putinning qarorgohiga hujum haqidagi tasdiqlanmagan soxta yangiliklarga munosabatini ko‘rib hayron bo‘ldik», – dedi Ukraina Tashqi ishlar vazirligi vakili Georgiy Tixiy.

Uning so‘zlariga ko‘ra, bunday bayonotlar ushbu davlatlarning Ukraina suvereniteti va hududiy yaxlitligini qo‘llab-quvvatlash bo‘yicha ilgari e’lon qilingan pozitsiyasiga zid keladi. Uning ta’kidlashicha, «Rossiya soxtalari»ga munosabat Ukraina o‘zaro hurmat va manfaatlarga asoslangan do‘stona hamda pragmatik munosabatlarni rivojlantirishga intilayotgan mamlakatlar uchun to‘g‘ri ish emas.

Ukraina Tashqi ishlar vazirligi, shuningdek...

Mirzo Ulug‘bek tumanidagi Sultoniya ko‘chasida qurilish va ta’mirlash ishlari olib boriladi. Shu sababli joriy yil 12-yanvargacha mazkur ko‘chada avtoulovlar harakati vaqtincha cheklanadi.

Shuningdek, Sho‘rtepa, Sho‘rtepa 1-tor va Sultoniya 5-tor ko‘chalarida ham avtoulovlar harakati qisman cheklanadi. Ushbu hududda yashovchi fuqarolar o‘z avtomobillari bilan Buyuk ipak yo‘li ko‘chasi orqali kirib-chiqishi mumkin.

Ta’mirlash ishlari yakunlangach hududda zamonaviy va qulay yo‘l infratuzilmasi foydalanishga topshiriladi.

Eslatib o‘tamiz, avvalroq Xorazmda Cobalt poyezd bilan to‘qnashgandi. Unga ko‘ra, 31 yoshli Cobalt haydovchisi Shovot – Urganch yo‘nalishida harakatlanib kelib, qo‘riqlanmaydigan temir yo‘l kesishmasida yo‘l harakati qoidalari va yo‘l belgilari talablariga rioya qilmagan va poyezdga yo‘l bermagan.

Qozog‘iston prezidenti Qosim-Jo‘mart To‘qayev «Turkistan» gazetasiga bergan intervyusida o‘zining va mintaqa yetakchilarining jismoniy holati haqida fikr bildirdi. U Shavkat Mirziyoyevning ham sport bilan muntazam shug‘ullanishini ta’kidladi.

To‘qayev sog‘lig‘i barqaror, qon bosimi me’yorida ekanini aytgan. U har kuni yoga mashqlari bilan shug‘ullanadi. Haftasiga bir necha bor stol tennisi o‘ynaydi. Prezident so‘nggi paytlarda 9 kilogramm vazn yo‘qotganini va bu holat o‘zini yaxshi his qilishiga yordam berganini bildirdi.

Jurnalist savoliga javoban To‘qayev boshqa yetakchilarning ham jismoniy faolligini sanab o‘tdi. Uning aytishicha, Vladimir Putin dzyudo bilan shug‘ullanadi. Ilhom Aliyev doimiy mashq qiladi. Sadir Japarov futbol o‘ynaydi. Mirziyoyev yaxshi sport formasida va zalda shug‘ullanadi.

Telegram 2026-yil uchun ilk yangilanishini taqdim etdi. iOS foydalanuvchilari uchun mo‘ljallangan ushbu versiyada interfeys yangilanishlari, sun’iy intellekt asosidagi xulosalar hamda maxfiylikni kuchaytirishga qaratilgan bir qator funksiyalar joriy qilindi.

Yangi imkoniyatlardan biri – SI xulosalari. Endilikda kanallardagi uzun postlar avtomatik tarzda qisqa va lo‘nda xulosaga keltiriladi. Bu foydalanuvchilarga yangiliklarni tez ko‘zdan kechirish va vaqtni tejash imkonini beradi. Shuningdek, Tezkor ko‘rish sahifalarining yuqori qismida ham avtomatik SI xulosalari paydo bo‘ladi.

Telegram ma’lumotlariga ko‘ra, ushbu xulosalar Cocoon deb nomlangan markazlashmagan tarmoq asosida ishlaydi. U ochiq manbali AI modellarga tayanadi va maxfiylikni yuqori darajada ta’minlashga qaratilgan. Har bir so‘rov shifrlanadi, foydalanuvchi ma’lumotlari esa...

Microsoft kompaniyasi Windows operatsion tizimini internetga ulanmasdan faollashtirish funksiyasini ogohlantirishsiz olib tashladi.

Yangi cheklov nafaqat eng so‘nggi Windows 11, balki Windows 10 va hatto Windows 7 versiyalariga ham ta’sir ko‘rsatgan. YouTube platformasida joylashtirilgan videodalillarga ko‘ra, foydalanuvchilar aktivatsiya uchun telefon orqali bog‘lanishga urinilganda, jarayon faqat onlayn tarzda amalga oshirilishini ma’lum qilinmoqda va aka.ms/aoh saytidan foydalanishni taklif etmoqda.

Foydalanuvchilarning e’tirozlariga sabab bo‘layotgan jihat shundaki, Microsoft rasmiy qo‘llab-quvvatlash sahifasida telefon orqali faollashtirish usuli hali ham aktual variant sifatida ko‘rsatilgan va unga tegishli yo‘riqnoma olib tashlanmagan. Kompaniya hozircha ushbu o‘zgarish yuzasidan rasmiy izoh bermagan.

Avvalroq Kursiv Uzbekistan Windows 11 Android ilovalarini qo‘llab-quvvatlashni o‘chirish...

Yangi qurilayotgan uylardan xonadon xaridini Eskrou tizimi orqali amalga oshirish bo‘yicha tartib 1-yanvardan kuchga kirishi haqidagi xabarlar tasdiqlanmadi. Adliya vazirligi mazkur ma’lumotlarga rasmiy izoh berib, ijtimoiy tarmoqlarda tarqalgan xabarlar hozircha qonuniy asosga ega emasligini bildirdi.

Qayd etilishicha, prezident farmoni bilan uy-joy qurilishi sohasini takomillashtirish bo‘yicha ustuvor yo‘nalishlar belgilangan. Shu doirada Adliya vazirligi tomonidan «Ko‘p kvartirali uylar va boshqa ko‘chmas mulk obyektlarini ulush kiritish asosida qurish to‘g‘risida»gi qonun loyihasi ishlab chiqilib, hukumatga taqdim etilgan.

Aynan ushbu qonun loyihasi orqali Eskrou tizimini joriy etish, uning ishlash mexanizmlari hamda unga oid old shartlar huquqiy jihatdan tartibga solinishi ko‘zda tutilgan. Loyiha muhokamasi 30-dekabr...

2025-yil yakunlariga ko‘ra, Saudiya Arabistoni Qatarga eng ko‘p sayyoh yuborgan davlat sifatida BAA, Misr va Bahraynni ortda qoldirdi.

Saudiya Arabistoni hissasiga Qatarga kelgan barcha xalqaro sayyohlarning 25 foizdan ortig‘i to‘g‘ri keldi. Mehmonlar asosan Islom san’ati muzeyi, Doha qirg‘og‘i (Corniche) va Lusayl shahriga tashrif buyurgan. BAA esa umumiy oqimning 20 foizini tashkil etib, ikkinchi o‘rinni egalladi. Amirliklar ko‘proq hashamatli savdo markazlari va dam olish maskanlariga qiziqish bildirgan.

Ro‘yxatdagi keyingi o‘rinlardan Misr, Bahrayn, Eron, Ummon va Quvayt joy olgan bo‘lib, bu davlatlar vakillari madaniy tadbirlar, eko-turizm va biznes maqsadlarida Qatarga kelgan. 2026-yilda Dohaning «Ko‘rfaz hamkorlik kengashi (GCC) turizm poytaxti» maqomini olishi...

Markaziy bank oltin quymalarini sotish bilan birga qaytarib sotib olish narxlarini ham e’lon qila boshladi. Bu haqda bank matbuot xizmati xabar berdi.

Regulyatorga ko‘ra, 5-yanvar holatiga 5 grammli oltin quymaning narxi 8,9 mln so‘mdan 8,735 mlnga tushdi. Uni qaytarib sotib olish narxi esa qadog‘i but holatda 8,395 mln so‘m, talablarga mos kelmaydigan holatda 8,311 mln so‘mni tashkil etadi.

Quyida oltin quymalarining grammlariga nisbatan sotish va sotib olish narxlari keltirilgan:

Shu bilan birga, Markaziy bank xalqaro qimmatbaho metallar bozori konyunkturasidan kelib chiqib, narxlar kun davomida qayta ko‘rib chiqilishi mumkinligi qo‘shimcha qildi.

Jahon bozorida ham oltin avvalgi rekord narxdan tushdi...

4-yanvar kuni Janubiy Afrikaning shimoliy qismida o‘tkazilgan bayram tadbirida chaqmoq urishi natijasida 2 kishi halok bo‘lgan va taxminan 150 kishi jarohatlangan. Bu haqda mahalliy ommaviy axborot vositalariga tayanib, Caliber ma’lum qildi.

Shimoliy G‘arbiy provinsiyaning tibbiy vakillari ma’lumotiga ko‘ra, jarohatlanganlarning 13 nafari og‘ir ahvolda. Jami 49 kishi kasalxonada qolmoqda, qolganlar esa tibbiy yordam ko‘rsatilgandan so‘ng uylariga qaytgan.

Hodisa mamlakat poytaxti Pretoriya shimolidagi Dertig qishlog‘ida sodir bo‘lgan. Mahalliy aholi an’anaviy musiqa va raqs festivali uchun yig‘ilgan vaqtida to‘fon boshlanib, chaqmoq odamlar orasiga tushgan.

Ma’lumot uchun, ayni patda Janubiy Afrika yomg‘irli mavsumni boshdan kechirmoqda. Bu davrda tez-tez va noodatiy kuchli chaqmoqlar...

Xitoy tashqi ishlar vaziri Vang Yi AQShning Venesuela prezidenti Nikolas Maduroni qo‘lga olish tashabbusiga munosabat bildirdi.

Uning aytishicha, hech bir davlat o‘zini dunyo sudyasi sifatida tutishini qabul qilib bo‘lmaydi. Xitoy bunday yondashuv xalqaro huquq tamoyillariga zid ekanini ta’kidladi.

«Hech qachon biron mamlakat jahon politsiyasi bo‘la olmaydi va hech bir davlat jahon sudyasi bo‘lishni da’vo qilolmaydi. Barcha davlatlarning suvereniteti va xavfsizligi xalqaro qonunchilik doirasida to‘liq himoya qilinishi lozim», – dedi Vang Yi Pekinda Pokiston tashqi ishlar vaziri Ishoq Dar bilan uchrashuvda.

U Venesueladagi voqealarga ishora qilgan, lekin AQShni to‘g‘ridan to‘g‘ri tilga olmagan. Bayonot...

2026-yilning 1-yanvar kuni Xorazm viloyatining Shovot tumanida poyezd va Cobalt avtomashinasi o‘rtasida yo‘l-transport hodisasi sodir bo‘ldi. Bu haqda viloyat Yo‘l harakati xavfsizligi boshqarmasi xabar berdi.

Ushbu YTH soat 14:50 atrofida Shovot tumani Bo‘yrachi mahallasi hududidan o‘tgan, mahalliy ahamiyatga molik 91-02 avtomobil yo‘lining 21-kilometrida yuz bergan. 31 yoshli Cobalt haydovchisi Shovot – Urganch yo‘nalishida harakatlanib kelib, qo‘riqlanmaydigan temir yo‘l kesishmasida yo‘l harakati qoidalari va yo‘l belgilari talablariga rioya qilmagan va poyezdga yo‘l bermagan. U svetoforning taqiqlovchi qizil ishorasida harakatlanishi oqibatida to‘qnashuv ro‘y berib, yo‘l-transport hodisasi sodir bo‘lgan.

Hodisa oqibatida avtomobilga jiddiy shikast yetgan, haydovchi tan jarohatlari bilan shifoxonaga yotqizilgan.

Ijtimoiy...

Qozog‘iston prezidenti Qosim-Jomart Toqayevning «Turkistan» gazetasida intervyusi e’lon qilindi. Unda u Nazarboyev va Putin uchrashuvi haqida ham izoh bergan.

Suhbat davomida jurnalist Toqayevdan sobiq prezident Nursulton Nazarboyevning Rossiya prezidenti Vladimir Putin bilan yaqinda bo‘lib o‘tgan uchrashuvi haqida ham so‘radi. Ushbu tashrif Qozog‘iston jamiyatida muhokamalarga sabab bo‘lgandi.

Toqayevning aytishicha, Putin uni Nazarboyevning tashrifi haqida oldindan ogohlantirgan. Rossiya prezidenti uchrashuv Nazarboyevning shaxsiy iltimosi bilan bo‘lib o‘tganini bildirgan. Davlat rahbari bu muloqot norasmiy xarakterda bo‘lganini ta’kidladi.

«Bunday uchrashuvlar norasmiy hisoblanadi. Bu holatni Rossiya prezidenti shaxsan ta’kidlaydi. Meni bu suhbatlarning mazmuni qiziqtirmaydi. Men hech qachon bu haqda savol bermaganman...

Geely Galaxy brendi yangi Geely Galaxy V900 flagman miniveni uchun global oldindan buyurtmalar 7-yanvarda ochilishini e’lon qildi. Model premium segmentga mansub bo‘lib, oilaviy va biznes maqsadlar uchun mo‘ljallangan.

Galaxy V900 tashqi ko‘rinishda yirik xrom radiator panjarasi bilan ajralib turadi. Yashirin optika va tom qismiga o‘rnatilgan lidar mavjud. Avtomobil o‘lchamlari 5360×1998×1940 mm. G‘ildirak bazasi 3200 mm.

Salon maksimal qulaylikka yo‘naltirilgan. Haydovchi oldida 10,25 dyuymli raqamli panel bor. Markaziy multimedia ekrani 15,4 dyuym. Ikkinchi qatordagi yo‘lovchilar uchun alohida boshqaruv ekranlari o‘rnatilgan. O‘rindiqlar isitish, ventilyatsiya, xotira va SPA-massaj funksiyasiga ega.

Miniven Flyme Sound audio tizimi bilan jihozlangan. Tizimda 27 ta dinamik mavjud...

Prezidentning Jahon savdo tashkiloti bo‘yicha vakili Azizbek Urunovning ma’lum qilishicha, O‘zbekiston tashkilotga a‘zo bo‘lish uchun faqat bitta davlat bilan ikki tomonlama muzokarani yakunlashi kerak.

U o‘zining LinkedIn sahifasida qaysi davlat ekanini yozmagan. Oxirgi marta Rossiya bilan ikki tomonlama muzokaralar yakunlanib, tegishli protokol imzolangandi. O‘shanda Urunov faqat Tayvan qolganini aytgandi.

2025-yil yakunlariga ko‘ra, JSTga a’zo 34 tadan 33 tasi bilan ikki tomonlama bozorga kirish muzokaralari yakunlandi. 40 dan ortiq muzokara raundlari hamda ishchi guruhning 2 ta yig‘ilishi o‘tkazilib, 200 dan ortiq yozma savollarga javoblar berildi. Yevropa Ittifoqi, Xitoy, Rossiya, Buyuk Britaniya, Shveysariya, Kanada, Avstraliya va boshqa...