Yangiliklar

Noyabr oyida BYD 480 mingdan ortiq avtomobil sotdi, bu joriy yilning eng yuqori ko‘rsatkichi. Ammo o‘tgan yilga nisbatan savdo 5,25 foizga kamaydi. Bu haqda CarNewsChina xabar berdi.

Shunga qaramay, yanvar–noyabr oylarida kompaniya umumiy 4,18 mln avtomobil yetkazib bergan, bu 2024-yilga nisbatan 11,3 foiz o‘sishni bildiradi.

BYD prezidenti Van Chuanfu savdo pasayishini texnologiya va mahsulot yangilanishlaridagi tabiiy sikllar, kompaniyaning texnologik ustunligining biroz kamayishi hamda bozorning umumiy bir xillashuvi bilan izohladi.

Shuningdek, u sovuq ob-havoda zaryadlash sekinlashuvi kabi iste’molchilar e’tirozlari hamon dolzarbligini ta’kidladi. Van yaqin kelajakda kompaniya yangi texnologiyalarni taqdim etishini aytdi, lekin tafsilot bermadi.

Uning so‘zlariga ko‘ra, kompaniya keyingi ikki-uch...

Toshkent shahri transport tizimini 2030-yilgacha rivojlantirishning maqsadli ko‘rsatkichlari tasdiqlandi. Poytaxtda transport tizimini boshqarishni takomillashtirish va tirbandliklarning oldi olishga qaratilgan prezident qarori qabul qilindi.

Unga ko‘ra, aholining jamoat transportidan foydalanish darajasi 60 foizga yetkaziladi, avtobuslarning o‘rtacha tezligi esa 18 km/soatdan 24 km/soatga oshiriladi. Shuningdek, 150 ming o‘rinli avtoturargohlar barpo etiladi va metropoliten tarmoqlari 103 kilometrga kengaytiriladi.

Shaharda «Yo‘l harakatini tashkil etish markazi» tashkil etiladi. Markazning asosiy vazifalari raqamli va «yashil» texnologiyalar orqali transport oqimlarini doimiy kuzatib borish, Toshkentning transport master-rejasini yaratish va asosiy yo‘llar kesishmalarida ko‘p qavatli avtoturargohlar tashkil etishdan iborat bo‘ladi. Shuningdek, yerusti metro liniyalari ostida xavfsizlik talablariga mos...

Nio kompaniyasining Onvo L60 Black Knight Edition maxsus talqindagi elektromobili Xitoyda rasmiy yetkazib berila boshlandi. Fastback kuzovli ushbu SUV BaaS (Battery as a Service) rejasi bilan $21,9 mingdan taklif qilinmoqda. Seriya cheklangan bo‘lib, atigi 666 dona avtomobil ishlab chiqariladi.

Model 2024-yil sentabrda sotuvga chiqarilgan, Tesla Model Y’ga raqib sifatida taqdim etilgan standart Onvo L60 asosida yaratilgan. L60 dastlab 206,9–255,9 ming yuan ($29,26–36,19 ming) oraliq narxlarda taklif qilingan. BaaS rejasi orqali esa akkumulyatorsiz versiya 149,9 ming yuan ($21,2 ming) dan boshlangandi. Shunga qaramay, 2024-yil sentabrdan 2025-yil sentabrgacha bo‘lgan davrda model 68 707 dona sotilgan va bu Nio kutgan ko‘rsatkichlardan past...

Yandex Go ilovasida shaharlararo jo‘natmalarni yetkazib beruvchi xizmat ishga tushirildi. Buyurtmalar Market Yandex Go punktlari orqali bir kundan boshlab yetkazib beriladi. Bu haqda kompaniya Kursiv Uznekistan’ga xabar berdi.

Hozirgi bosqichda jo‘natmalar Toshkent, Samarqand, Buxoro va Farg‘ona shaharlari o‘rtasida amalga oshirilmoqda. Kelgusida xizmat ko‘rsatish hududi bosqichma-bosqich kengaytirlishi rejalashtirilgan. Jarayon to‘liq ilovada rasmiylashtiriladi. Yuboruvchi va qabul qiluvchi ma’lumotlari kiritilib, yaqin oradagi topshirish punkti tanlanadi. Qabul qiluvchi jo‘natmani o‘z shahridagi punktdan olib ketishi mumkin.

Foydalanuvchilar og‘irligi 12 kilogrammgacha bo‘lgan buyurtmalarni yuborish imkoniyatiga ega. Tizimda uchta vazn toifasi mavjud: S (2 kggacha), M (5 kggacha) va L (12 kggacha).

Xizmat narxi dastlabki uchta jo‘natma...

Motorola kompaniyasi Motorola Edge 70 smartfonining maxsus dizayndagi yangi talqinini namoyish etdi. Bu haqda Gizmochina xabar bermoqda.

Qurilma Pantone’ning 2026-yil rangi sifatida tanlangan Cloud Dancer oq tusida ishlangan bo‘lib, orqa paneli Swarovski kristallari bilan bezatilgan.

Ishlab chiqaruvchining ma’lum qilishicha, ushbu versiya texnik jihatdan yangilanmagan va barcha o‘zgarishlar faqat tashqi ko‘rinish bilan bog‘liq.

Maxsus versiya Brilliant Collection kolleksiyasiga kiradi. Bu loyiha doirasida Motorola turli materiallar va dizayn yechimlari bilan tajriba o‘tkazib kelmoqda.

Texnik ko‘rsatkichlari esa o‘zgarishsiz qolgan. Smartfon 50 MP kameraga, tanish displeyga, Moto AI sun’iy intellekt funksiyalariga va oddiy Edge 70 bilan bir xil apparat xususiyatlariga ega.

Narxi va...

2026-yilda Jizzax va Sirdaryo viloyatlarining elektr tarmoqlari boshqaruvi investorlarga beriladi. Bu haqda Shavkat Mirziyoyev energetika sohasidagi obyektlar va loyihalarni ishga tushirish marosimida ma’lum qildi.

Shuningdek, 2027-yilda esa Namangan va Toshkent viloyatlari elektr tarmoqlari boshqaruvi ham investorlar uchun taklif qilinadi.

«Biz elektr energiyasi generatsiyasi yo‘nalishidagi islohotlarimiz natijasida sohaga xorijiy sarmoyalarni davlat-xususiy sheriklik asosida to‘g‘ridan to‘g‘ri jalb etishda katta tajriba orttirdik. Joriy yildan nafaqat elektr energiyasini ishlab chiqarish, balki uni iste’molchilarga yetkazib berishda ham xususiy sheriklik tamoyillarini qo‘llashni boshladik», – deydi davlat rahbari.

Xususan, marosimda Samarqand hududiy elektr tarmoqlarini boshqaruvga berish bo‘yicha Turkiyaning «Aksa elektrik...

O‘zbekistonda $11 milliardlik 42 ta yangi quvvat va infratuzilma obyektlari ishga tushirildi, yana 21 ta yirik loyiha qurilishiga start berildi. Bu haqda prezident matbuot xizmati xabar berdi.

Shavkat Mirziyoyev energetika sohasidagi obyektlar va loyihalarni ishga tushirish marosimida hududlarda jami 3,5 ming megavatt quvvatga ega 16 ta quyosh, shamol, issiqlik va gidro stansiyalar foydalanishga topshirilishini ma’lum qildi. Ular to‘liq quvvat bilan ishlay boshlagach, yiliga 15 mlrd kVt-soat elektr energiyasi ishlab chiqariladi. Natijada 2026-yilda «yashil» energiya hajmi 23 mlrd kVt-soatga yetadi.

«E’tibor bering, bu – O‘zbekiston aholisining yillik elektr energiya iste’moli to‘liq qoplanadi, deganidir», – dedi...

O‘zbekiston Parij bitimi doirasida 2035-yilgacha zararli gazlar chiqindisini 50% ga qisqartiradi. Bu haqda Shavkat Mirziyoyev energetikaga oid marosimda ma’lum qildi.

Ushbu yo‘nalishda Jahon banki bilan hamkorlikda dunyodagi ilk innovatsion «ICRAFT» loyihasi ishga tushirildi. Loyiha doirasida O‘zbekiston tomonidan qisqartirilgan 23 mln tonna issiqxona gazi xalqaro darajada hisobga olindi.

Joriy yilning o‘zida 17 ta yirik sanoat korxonasi «yashil» energiya bo‘yicha xalqaro sertifikatlar tizimiga o‘tdi. Kelgusi ikki yil davomida ushbu tizimga qo‘shiladigan korxonalar sonini 100 taga yetkazish rejalashtirilgan.

Prezident qo‘shni mamlakatlar bilan yagona energetika bozorini shakllantirish borasidagi hamkorlik mustahkamlanayotganini ta’kidladi. Xususan, mintaqaning gidroenergetika salohiyatidan samarali foydalanish va uni birgalikda boshqarish maqsadida 2026-yildan...

Xiaomi’ning Redmi Note 15 Pro 4G smartfoni rasmiy e’lon qilinmasidan avva oshkor bo‘ldi. Qurilma narxi 293 yevro bo‘lib, u 300 yevrodan arzon segmentga kiradi.

Redmi Note 15 Pro 4G 6,77 dyuymli OLED ekran bilan jihozlanadi. Displey o‘lchami 5G-versiyadagi 6,83 dyuymlik paneldan biroz kichik hamda ruxsati 1080p+ darajasida bo‘ladi. 5G modelida esa 1280p+ qo‘llaniladi. Smartfon 6 500 mA/soatli batareya bilan ta’minlangan va 45 Vt quvvatli simli tezkor quvvatlashni qo‘llab-quvvatlaydi. Batareya sig‘imi 5G talqiniga yaqin bo‘lib, u yerda 6 580 mA·soat ko‘rsatkich qayd etilgan.

Protsessor sifatida MediaTek’ning Helio G200 Ultra chipi ishlatiladi. Bu 5G modelidagi Dimensity 7400 Ultra platformasidan pastroq toifaga...

Euromonitor International kompaniyasi 2025-yilgi TOP – 100 shahar reytingini e’lon qildi va unda Parij ketma-ket beshinchi yil birinchi o‘rinni egalladi. Bu haqda CNN nashri xabar berdi.

Fransiyaning poytaxti turizm siyosati, infratuzilma va barqarorlik ko‘rsatkichlari bo‘yicha yetakchilikni saqlab qoldi. Parijning muvaffaqiyati Notr-Damning qayta ochilishi va «PSJ» futbol klubining Chempionlar ligasidagi tarixiy g‘alabasi fonida sayyohlar oqimining oshishi bilan izohlanmoqda.

Xalqaro tashrif buyuruvchilar soni bo‘yicha esa Bangkok dunyoda birinchi bo‘ldi. Yevropaning Madrid, Rim, Milan, Amsterdam va Barselona shaharlari kuchli o‘ntalikda. Osiyo va Tinch okeani mintaqasidan Tokio 3-o‘rinni, Singapur 9-o‘rinni va Seul 10-o‘rinni band etdi. Nyu-York 6-o‘rin bilan kuchli o‘ntalikka kirgan yagona AQSh...

Ichki ishlar vazirligi Gulistondagi oshxonalardan birida gaz balloni portlashi yuzasidan uch nafar shaxs protsessual tartibda qamoqqa olinganini ma’lum qildi.

Tafsilotlarga ko‘ra, joriy yilning 2-dekabr kuni Bek Family Cafe’da noto‘g‘ri o‘rnatilgan gaz balloni sabab portlash sodir bo‘lgan. Hodisa oqibatida 29 kishi jarohat olgan, uch kishi vafot etgan. Shifokorlarning aytishicha, jabrlanganlardan birining ahvoli juda og‘ir.

«Hozirda Ichki ishlar vazirining o‘rinbosari – IIV huzuridagi Tergov departamenti boshlig‘i Ramazon Ashropov boshchiligida hamkor idoralarning mutaxassislaridan tashkil topgan tergov guruhi tomonidan barcha zaruriy tergov harakatlari amalga oshirilmoqda», — deyiladi xabarda.

Eslatib o‘tamiz, 4-dekabr kuni Shavkat Mirziyoyev Sirdaryoga tashrifi doirasida respublika shoshilinch...

Konstitutsiya kuni 8-dekabr joriy yilda dushanba kuniga to‘g‘ri keladi. Shu bois besh kunlik ish haftasida ishlovchilar uchun uch kun shanba, yakshanba va dushanba kunlari dam olish bo‘ladi.

Olti kunliklarda esa ikki kun, ya’ni yakshanba va dushanba kunlari dam olish hisoblanadi. Bayram munosabati bilan qo‘shimcha dam olish kuni belgilanmaydi.

Eslatib o‘tamiz, Kambag‘allikni qisqartirish va bandlik vazirligi 2025-yil dekabr oyidagi dam olish kunlari bo‘yicha ma’lumot bergandi. Unga ko‘ra, 8-dekabr, dushanba kungi dam olishdan tashqari, 31-dekabr ish kuni qisqartiriladi. Bu kunda xodimlar odatdagi ish vaqtidan bir soat oldin ishdan ketish huquqiga ega bo‘ladi. Bunda mehnat tartibiga qarab ish kunlari soni quyidagicha...

«Mortal Kombat» filmidagi mashhur aktyor Keri-Xiroyuki Tagava AQShning Santa-Barbara shahrida 75 yoshida hayotdan ko‘z yumdi. Bu haqda Variety nashri xabar berdi. Aktyorning menejeri bildirgan ma’lumotga ko‘ra, o‘lim sababi yaqinda boshidan kechirgan insultdan keyingi asoratlar bo‘lgan.

Tagava o‘z faoliyati davomida o‘nlab kino va seriallarda rol ijro etdi. U ko‘pincha xarizmatik, kuchli salbiy qahramon obrazlarini yaratgani bilan tanilgan. Televizion loyihalar orasida Amazon platformasida namoyish etilgan «Yuksak qasrdagi odam» («The Man in the High Castle») serialidagi markaziy rollaridan biri alohida e’tirof etiladi.

Aktyorga keng ommaviy mashhurlikni 1995-yilda suratga olingan «Mortal Kombat» filmidagi sehrgar Shan Tsung roli olib keldi. Bu obraz uning eng...

Consumer Reports eng ishonchli avtomobil brendlari bo‘yicha yangi reytingini e’lon qildi. Unga ko‘ra, Subaru ketma-ket ikkinchi yil eng ishonchli avtomobil brendi deb topildi.

Subaru Toyota va Hondani, hatto BMW va Porsche kabi premium brendlarni ham ortda qoldirdi.

Reyting tuzishda modellar bo‘yicha yo‘l sinovlari, taxminiy ishonchlilik darajasi, avtomobil egalarining qoniqish darajasi va xavfsizlik ko‘rsatkichlari hisobga olingan.

Umumiy natijalarda Subaru’dan keyingi o‘rinlarni BMW va Porsche egalladi. Undan keyingi o‘rinlarda Honda, Toyota va Lexus joylashgan. O‘nlikka yana Lincoln, Hyundai, Acura va Tesla kirdi. Tesla ishonchlilik bo‘yicha ko‘rsatkichlarini yaxshilagani uchun reytingda sezilarli o‘sdi.

Umuman 31 ta brend reytingining eng quyi pog‘onasida Jeep...

Isroilga 2026-yilgi Eurovision musiqiy tanlovida qatnashishga ruxsat berilgach Irlandiya, Ispaniya, Sloveniya va Niderlandiya musobaqani boykot qilishini e’lon qildi. Bu haqda The Guardian nashri xabar bermoqda.

Jenevada bo‘lib o‘tgan Yevropa teleradio ittifoqi (EBU) Bosh assambleyasida Isroilning ishtiroki bo‘yicha ovoz berish jarayoni o‘tkazilmadi. Ittifoqning bayonotiga ko‘ra, a’zolarning katta qismi Isroil ishtiroki bo‘yicha qo‘shimcha ovoz berishga hojat yo‘q deb hisoblagan. Delegatlarning 65 foizi o‘zgarishlarni yoqlagan va Isroil masalasini muhokama qilmaslikni tanlagan, 23 foizi qarshi chiqqan, 10 foizi esa betaraf qolgan.

Boykot e’lon qilgan davlatlar ushbu qarorni G‘azo sektoridagi vaziyat bilan izohladi. Ispaniyaning RTVE teleradiokompaniyasi va Irlandiyaning RTVE telekanali tanlovni translatsiya qilmasligini aytdi.

Sun’iy intellektga bo‘lgan ulkan talab yaqin yillarda elektron qurilmalar, jumladan, smartfonlar narxining oshishiga olib kelishi mumkin. Bunga SI infratuzilmasini barpo etish jarayonida yuzaga kelgan komponentlar tanqisligi sabab bo‘lmoqda.

Texnologik gigantlar butun dunyo bo‘ylab sun’iy intellekt data-markazlariga yuzlab mlrd dollar sarmoya kiritmoqda. Buning uchun Nvidia boshchiligida yuqori unumli GPU, xotira modullari va boshqa murakkab chiplar talab qilinmoqda. Ammo ushbu komponentlarni ishlab chiqarishda foydalaniladigan yagona ta’minot zanjiri nafaqat SI sohasi, balki Apple, Samsung, Google va boshqa yirik kompaniyalar uchun ham muhim hisoblanadi. Talab keskin oshgani sabab yetkazib berish tizimi bunga dosh bera olmayapti.

Mutaxassislar fikricha, ayni paytda eng katta bosim xotira...

Apple tomonidan 2026-yil boshida taqdim etilishi kutilayotgan iPhone 17e smartfonining dizayni boshqa modellarga nisbatan sezilarli darajada yangilanadi.

Eng katta o‘zgarish ekran dizaynida bo‘ladi. iPhone 17e yupqaroq ramkalarga ega bo‘ladi. Natijada telefon ancha zamonaviy va qimmatroq ko‘rinishga chiqadi. Biroq ekran texnologiyasi avvalgidek qoladi. Qurilma iPhone 16e’da qo‘llanilgan LTPS OLED panelni saqlab qoladi. Bu esa yangilanish chastotasi 60 Hz atrofida qolishini anglatadi. Ya’ni Android’dagi ko‘plab budjet smartfonlarda mavjud bo‘lgan 120 Hz texnologiyasi bu modelda bo‘lmaydi.

Dizayndagi yupqa ramkalar ekran atrofidagi chegarani kichraytirib, telefonni oddiy xaridor ko‘zida ancha premium ko‘rsatadi. Apple aynan shu vizual effekt orqali texnologik cheklovlarni sezilmas darajaga pasaytirishni maqsad...

Samarqandda avtomobil ballonlarini yoqib, yem tayyorlagan cho‘chqaxona egasiga chora ko‘rildi. Bu haqda Maxsus komissiya xabar berdi.

Unga ko‘ra, viloyatning Pastdarg‘om tumani Kamolot mahallasida kechasi tarqaladigan quyuq, o‘tkir hidli tutun aholini uzoq vaqt bezovta qilib kelgan. Murojaatlar asosida o‘tkazilgan tekshiruvda «Ismoil Zaxro» MChJ avtomashina ballonlarini yoqib, chorva uchun yem tayyorlagani aniqlangan.

Tuman hokimligi tadbirkor bir necha oy davomida hududni yopib olib, ishchi guruhlarni ichkariga kiritmaganini ma’lum qildi. 3-dekabr kuni o‘tkazilgan maxsus o‘rganishda 40 sotix maydonda cho‘chqa boqilganligi aniqlangan.

Viloyat ekologiya boshqarmasi xabariga ko‘ra, tadbirkor ikki yil davomida hayvonlarga ozuqa tayyorlash uchun kechasi ballon yoqib kelgan. Bunda ekologiya va sanitariya...

Angliyaning London shahrida bo‘lib o‘tgan London Chess Classic turnirida Nodirbek Abdusattorov muddatidan avval g‘oliblikni qo‘lga kiritdi.

Musobaqada Abdusattorov 8 imkoniyatdan 7 ochko to‘plab, eng yaqin ta’qibchisi Alirizo Firuzjani (5 ochko) ortda qoldirgan holda turnir yakuniga bir tur qolganda chempionlik masalasini hal qildi. Musobaqaning mukofot jamg‘armasi 50 ming funt sterlingni ( 796 mln so‘m) tashkil etadi. Grossmeyster so‘nggi, 9-turda Pavel Elyanovga qarshi dona suradi.

Turnir davomida Abdusattorov umuman mag‘lubiyatga uchramadi. U AQSh vakili Mishra Abhimanyu, rossiyalik Nikita Vityugov, britaniyaliklar Maykl Adams va Lyuk Maksheyn, gretsiyalik Nikolas Teodoru hamda AQSh chempioni Sem Shenklend ustidan g‘alaba qozondi. Faqatgina Alirizo Firuzja bilan bo‘lib...

Bentley o‘zining ikkinchi elektromodelini Urban SUV deb ataladi va Bentayga’dan kichikroq bo‘lishini ma’lum qildi. Bu haqda Carcoops nashri xabar berdi.

Eng muhimi, yangi model faqat elektr versiyada taqdim etiladi. Bu avtomobil Germaniyadagi Nurburgring trassasida ilk bor sinov paytida ko‘rinish berdi.

Model Bentley’ning Porsche Cayenne Electric bilan umumiy platformada yaratilishi kutilmoqda. Urban SUV Bentayga’dan ixchamroq, pastroq tom chizig‘iga ega, lekin baribir premium o‘lchamdan kichik emas, taxminan Cayenne Electric bilan teng.

Bentley EXP15 konseptidagi vertikal faralar bu modelda bo‘lmaydi, sinov prototipidagi faralar an’anaviy shaklda joylashgan.

Kuzatuvchilar salondan kichik parchalarni ko‘ra olishgan, ammo asosiy detallar yashirinligicha qolgan. Biroq Bentley bozorni to‘ldirib yuborgan...

Bugun Vashington shahridagi Kennedi markazida Jahon chempionatiga qur’a tashlash marosimi bo‘lib o‘tadi.

O‘zbekiston delegatsiyasi ushbu tadbirda ishtirok etish uchun AQShga yetib bordi. Delegatsiya tarkibidan O‘FA rahbariyati, milliy terma jamoa bosh murabbiyi Fabio Kannavaro hamda o‘zbek futbolining tirik afsonasi Mirjalol Qosimov o‘rin olgan.

Jahon chempioni va «Oltin to‘p» sohibi, ayni paytda O‘zbekiston milliy terma jamoasini boshqarayotgan Fabio Kannavaro qur’a oldidan o‘zining fikrlarini bildirdi. Murabbiy jamoaning ruhiy holati va kutilayotgan raqiblar haqida gapirar ekan, shunday dedi:

«Albatta qur’adan oldin barchamiz hayajondamiz. Jamoalarni kutyapmiz, hozircha bilmaymiz. Umid qilamanki, qur’a O‘zbekiston uchun qulay bo‘ladi».

Delegatsiyasi tarkibida FIFA tomonidan...

Rossiyaning Sankt-Peterburg shahridagi AGR zavodida Solaris avtomobillarining kuzovlarini payvandlash ishlari to‘xtatildi. Bu haqda «Russkiy Avtomobil» nashri xabar berdi.

Ma’lum qilinishicha, zavodning 2025-yil uchun reja hajmi to‘liq bajarilgan, ammo yig‘ish jarayonida ayrim texnik ishlanmalar hali yakunlanmoqda.

Manbalarga ko‘ra, dekabr va yanvar oylarida kuzovlar bo‘yicha yangi buyurtmalar qabul qilinmaydi. Shu sabab ishlab chiqarish liniyalari vaqtincha bekor turadi. Kelgusida faoliyatni qayta boshlash bo‘yicha yakuniy qaror hali qabul qilinmagan.

Shuningdek, Rossiyada yig‘ilayotgan Hyundai Creta va Kia Rio modellarining ishlab chiqarilishi ham noma’lum muddatga qoldirilgan. Manbalarga ko‘ra, ishlab chiqarishni qayta boshlash 2026-yil mart oyiga rejalashtirilgan, biroq bu muddat ham qat’iy kafolatlanmagan.

Ma’lumot uchun, Solaris...

Vikipediya 2025-yilda eng ko‘p o‘qilgan maqolalar siyosatchilar, ommaviy madaniyat vakillari, filmlar hamda seriallar haqida bo‘lganini ma’lum qildi. Bu haqda Afisha Daily nashri xabar berdi.

Unga ko‘ra, eng ko‘p o‘qilgan sahifa – Charlie Kirk haqidagi maqola bo‘ldi. Amerikalik, siyosiy faollik bilan tanilgan Kirkning sentabr oyida o‘tkazgan universitet debatlarida o‘ldirilishi jamoatchilikda katta rezonans uyg‘otdi. Voqeadan keyingi bir sutkada maqola 15 million marotaba ko‘rildi, bu soniyasiga 170 dan ortiq o‘qish demakdir. Qiziqarli tomoni, sahifa o‘quvchilarining 43 foizi AQShdan tashqaridagi foydalanuvchilar bo‘lgan.

Ikkinchi o‘rinda an’anaviy tarzda yuqori o‘rinlarni egallab keladigan «2025-yilda vafot etganlar» ro‘yxati turadi. Ushbu sahifani inglizcha Vikipediya volontyorlari doimiy ravishda yangilab...

Google yil yakuniga doir an’anaviy hisobotida 2025-yilda foydalanuvchilar eng ko‘p izlagan mavzularni ma’lum qildi. Unga ko‘ra, film kategoriyasida mutlaq yetakchi «Anora» bo‘ldi. Undan keyin Supermen va «Minecraft: Kino» kartinalari joy olgan.

Aktyorlar boʻyicha eng ko‘p qidirilgan shaxs – aktrisa Mayki Medison. Undan keyin Lyuiz Pullman va Izabela Merse’d ham qiziqish bo‘yicha yuqori o‘rinlarni egallagan.

Seriallar orasida esa «Monstrlar: Ed Gin tarixi» eng ko‘p izlangan loyiha bo‘ldi.

Shuningdek, «Kalmar o‘yini» (Squid Game) va «O‘tish davri» («Perexodnoy vozrast») ham yilning eng ko‘p qidirilgan seriallari qatoridan o‘rin oldi. Ma’lumot uchun, «Kalmar o‘yini»ning uchinchi mavsumi 27-iyun kuni premyera qilingandi.

Kompyuter o‘yinlari...