Yangiliklar

Farg‘ona shahridagi bir nechta davlat maktabgacha ta’lim tashkilotlarida tarbiyalanuvchilarning sog‘lig‘i bilan bog‘liq holat yuzasidan jinoyat ishi qo‘zg‘atildi. Bu haqda Farg‘ona viloyati IIB matbuot xizmati ma’lum qildi.

Joriy yilning 21-fevral kuni Farg‘ona shahar IIB navbatchilik qismiga kelib tushgan xabarga ko‘ra, shahardagi 58, 2 va 61-sonli davlat maktabgacha ta’lim tashkilotining 62 nafar tarbiyalanuvchilari tana harorati ko‘tarilishi, qorin og‘rig‘i va ich ketishi belgilari bilan Yuqumli kasalliklar shifoxonasiga murojaat qilgan.

Keyinchalik, bola huquqlari bo‘yicha vakilning Farg‘ona viloyatidagi mintaqaviy vakili voqea joyiga chiqib, shifoxonada bolalar va ularning ota-onalari bilan suhbatlashgan hamda tibbiy hujjatlarni o‘rgangan edi.

Hozirda mazkur vaziyat Farg‘ona viloyati prokuraturasi...

iQOO Hindiston bozori uchun yangi subflagman – iQOO 15R smartfonini rasman namoyish qildi. Qurilma ilg‘or o‘yin imkoniyatlariga urg‘u berilgan model sifatida talqin qilinmoqda.

Texnik xususiyatlari

Smartfon 6,59 dyuymli OLED displeyga ega bo‘lib, 2750×1260 pikselli ruxsat va 144 Gts yangilanish chastotasini qo‘llab-quvvatlaydi. Ichida Snapdragon 8 Gen 5 protsessori o‘rnatilgan.

Xotira variantlari:

Batareya sig‘imi 7600 mA·soat bo‘lib, 100 Vt tezkor quvvatlashni qo‘llaydi.

Kamera tizimi:

Aloqa imkoniyatlari qatoriga 5G...

O‘zbekistonda tadbirkorlik subyektlari hamda ilmiy hamjamiyat o‘rtasida o‘zaro hamkorlikni kuchaytirishga maqsadida tadbirkorlar va ilmiy hamjamiyat uchun maxsus elektron platforma yaratiladi Bu haqda Adliya vazirligi ma’lum qildi.

Elektron platforma «Tadbirkorlik subyektlari hamda ilmiy hamjamiyat o‘rtasida o‘zaro hamkorlik aloqalarini rivojlantirish chora-tadbirlari to‘g‘risida»gi hukumat qaroriga muvofiq, 2026-yil 1-iyulgacha ishlab chiqiladi. Mazkur platforma tadbirkorlar va ilmiy doiralar o‘rtasida samarali axborot almashinuvini ta’minlashga xizmat qiladi.

Platforma doirasida yangi yaratilgan ishlanmalar bo‘yicha tadbirkorlar hamda investorlar uchun batafsil ma’lumotlarni o‘z ichiga olgan va elektron shaklda yuritiladigan «Yangi ishlanmalar bazasi» tashkil etiladi. Shuningdek, ilmiy izlanuvchilar hamda ularning tadqiqot mavzulari reyestri yuritilib, ilmiy tadqiqot yo‘nalishlari bo‘yicha mualliflar...

Bugun, 24-fevral kuni Shavkat Mirziyoyev mamlakatimizda rasmiy tashrif bilan bo‘lib turgan Aleksandr Turchinni qabul qildi. Bu haqda prezident matbuot xizmati xabar berdi.

Uchrashuv avvalida Belarus prezidenti Aleksandr Lukashenkoning samimiy salomi va ezgu tilaklari yetkazildi.

Tomonlar oliy darajadagi kelishuvlarni amalga oshirish doirasida O‘zbekiston – Belarus ko‘p qirrali sheriklik munosabatlarini yanada kengaytirish masalalarini muhokama qildilar. Ayniqsa, savdo-iqtisodiy hamkorlikda yuqori sur’atlar qayd etildi. O‘tgan yili o‘zaro tovar ayirboshlash hajmi 25 foizga oshib, qariyb $1 milliardga yetgani ta’kidlandi.

Mashinasozlik, elektrotexnika, farmatsevtika, to‘qimachilik va oziq-ovqat sanoati, qishloq xo‘jaligi hamda boshqa ustuvor yo‘nalishlarda qo‘shma loyihalarni ilgari surish orqali iqtisodiy hamkorlikning yangi kun tartibini shakllantirish muhim...

General Motors (GM) elektromobillar strategiyasini kengaytirmoqda. GMAutority nashrining qayd etishicha, kompaniya qo‘llab-quvvatlashi kutilayotgan Thacker Pass litiy konining birinchi bosqichi $1,3 mlrd – $1,6 mlrd oralig‘ida baholanmoqda.

Loyiha Nevada shtatida joylashgan bo‘lib, GM va Lithium Americas o‘rtasidagi qo‘shma korxona hisoblanadi. Qurilish 2027-yil oxirigacha yakunlanishi rejalashtirilgan.

1-bosqich uchun to‘g‘ridan to‘g‘ri qurilish xarajatlari $1,2 – $1,5 mlrdni tashkil etadi. Qo‘shimcha ravishda $30 – $40 mln rivojlantirish xarajatlari va $45 – $55 mln kredit foizlari ham inobatga olingan.

Kompaniya maqsadi – ichki litiy ishlab chiqarishni yo‘lga qo‘yish va xorijiy yetkazib beruvchilarga qaramlikni kamaytirish. To‘liq quvvatga chiqqach, kon yiliga 1 mln dona elektromobil ishlab...

Toyota 2026-yilgi RAV4 modelining quvvatlanadigan gibrid versiyasini Yaponiyada rasman namoyish qildi. Yangi model oddiy o‘z-o‘zidan quvvatlanadigan gibridga muqobil sifatida taklif etiladi.

Krossover 2,5 litrli dvigatel asosidagi gibrid tizim bilan jihozlangan. Umumiy quvvati 329 ot kuchini tashkil qiladi. Bu yangi RAV4 uchun eng kuchli kuch qurilmasi hisoblanadi.

Model to‘liq elektr rejimida 150 km masofa bosib o‘ta oladi. Shuningdek, ikki yo‘nalishli energiya uzatish tizimi mavjud. Bu orqali avtomobil tashqi elektr qurilmalarini ham quvvatlay oladi.

RAV4 ikki ta yuqori komplektatsiyada taqdim etilgan. Har ikkisi ham to‘liq privod tizimiga ega. Z komplektatsiyasi narxi $38,5 mingni tashkil etadi. GR Sport versiyasi esa $40 mingdan...

Turkiyaning Akkuyu atom elektr stansiyasi qurilishida qariyb 200 nafar O‘zbekiston fuqarosi ish boshladi. Bu haqda Migratsiya agentligi ma’lum qildi.

Ular, asosan, Namangan viloyatidan bo‘lgan elektromontyorlar, payvandchilar va qolip ustalaridir. Bandlik Migratsiya agentligining hududiy filiali hamda Turkiyaning ATAMER Holding kompaniyasi hamkorligida tashkil etilgan. Ishchilarga maosh va ijtimoiy kafolatlar ta’minlangan.

O‘zbekiston tomoni vakillari qurilish maydoniga borib, vatandoshlarning mehnat va yashash sharoitlarini o‘rgangan.

Mutaxassislarni qabul qilish jarayoni davom etmoqda. Ishlash istagida bo‘lganlar +99(869)227-97-27 va +99(869)227-94-64 telefon raqamlariga murojaat etishi mumkin.

Eslatib o‘tamiz, Kursiv Uzbekistan nashri xorijga ishlash uchun to‘lov qilgan fuqarolarga mablag‘ qaytarilishi haqida yozgan edi.

Buyuk Britaniya 2026-yilning 24-fevralida Rossiya – Ukraina mojarosining to‘rt yilligi munosabati bilan Rossiyaga qarshi eng yirik sanksiyalar paketini joriy qildi. Bu haqda Buyuk Britaniya Tashqi ishlar vazirligi ma’lum qildi.

Asosiy nishonlardan biri Rossiya neft eksportining 80 foizidan ortig‘ini tashishga mas’ul PJSC Transneft kompaniyasi bo‘ldi. Shuningdek, noqonuniy neft savdosi bilan shug‘ullanuvchi 2Rivers tarmog‘iga kiruvchi 175 ta kompaniya hamda 48 ta neft tankeri sanksiyalar ro‘yxatiga kiritildi.

Rasmiy ma’lumotlarga ko‘ra, xalqaro sanksiyalar natijasida Rossiya qariyb $450 mlrd miqdoridagi mablag‘dan mahrum bo‘lgan va uning neftdan olinadigan daromadlari 2020-yildan buyongi eng past darajaga tushgan.

Yangi cheklovlar ostiga harbiy ta’minotga aloqador 49 ta subyekt va...

Huawei va JAC hamkorligidagi hashamatli elektromobil brendi Maextro bloger ustidan ochilgan tuhmat ishi bo‘yicha g‘alaba qozondi. Bu haqda CarNewsChina nashri xabar bermoqda.

Sud qaroriga ko‘ra, bloger kompaniyaga $43,4 ming miqdorida tovon to‘laydi. Mojoro 2025-yil boshida boshlangan. Maextro S800 sedani reklama roliklarida suv hamda qum to‘ldirilgan chuqurliklardan o‘tish sinovlari namoyish etilgan. Avtomobil Maybach S-Class bilan taqqoslangan. Videolarda S800 sinov maydonida iz qoldirmagani ko‘rsatilgan.

Bunga javoban Fraccino taxallusli avtomobil blogeri testlar soxtalashtirilganini da’vo qilgan. U bunday marketing uslubi Huawei bilan bog‘liq brendlar uchun xos ekanini aytgan.

2025-yil mart oyida Maextro blogerdan raddiya talab qilgan. Ammo u yana tanqidiy video e’lon...

Yosh oilalar uchun ipoteka kreditining 14 foizdan oshgan qismi budjetdan qoplanadi. Bu haqda Shavkat Mirziyoyevning yoshlar bilan muloqotida ma’lum qilindi.

«Yosh oilalar uchun eng avvalo nima kerak? Albatta, qulay va shinam uy-joy zarur. Shuni hisobga olib, yosh oilalarni qo‘llab-quvvatlash maqsadida uy-joy ipoteka dasturi doirasida kredit stavkasini 14 foizdan oshgan qismi budjetdan qoplab beriladi», – dedi prezident.

Shuningdek, «Kitobxonlik madaniyatini rivojlantirish» jamg‘armasi orqali iste’dodli yozuvchilarga ijodiy buyurtmalar beriladi va ularga bir yil davomida har oy 20 mln so‘mdan to‘lov amalga oshiriladi.

Eng yaxshi xorijiy asarlarni o‘zbek tiliga, milliy adabiyotlarni esa xorijiy tillarga tarjima qilish va chop etish xarajatlarining...

Jahon bozoridagi noaniqliklar va global savdo tariflarining e’lon qilinishi ortidan Bitkoin narxi 4 foizga pasaydi. 24-fevral kuni soat 15:40 holatiga ko‘ra, Uznex birjasida Bitkoin narxi $64,5 mingni tashkil qildi.

Bitkoin narxining tushishi AQSh Oliy sudining prezident Tramp tomonidan kiritilgan tariflarni bekor qilish qaroridan so‘ng yuz berdi. Shundan keyin prezident 10 foizlik, so‘ngra 15 foizlik umumiy global tarifni e’lon qildi, bu esa investorlar orasida xavotir uyg‘otdi.

Bitkoin o‘z qiymatining 24 foizini yo‘qotdi va oktabr oyidagi eng yuqori ko‘rsatkichidan salkam 47 foizga pastladi. Ushbu pasayish «kripto qish» hali tugamaganini eslatdi. 2022-yildagi pasayishdan farqli o‘laroq, hozirgi holatda ommaviy vahima sotuvlari kuzatilmayapti.

Eng...

Rossiyada Telegram asoschisi Pavel Durovga nisbatan jinoyat ishi doirasida tekshiruv olib borilayotgani haqida rasmiy ma’lumot e’lon qilindi. Bu haqda «Rossiyskaya gazeta» hukumat materiallariga tayangan holda xabar berdi.

Qayd etilishicha, Durovning harakatlari Rossiya Jinoyat kodeksining 205.1-moddasi 1.1-qismi, ya’ni terrorchilik faoliyatiga ko‘maklashish alomatlari bo‘yicha o‘rganilmoqda.

Nashr maqolasida Telegram platformasi tahdid vositasi sifatida baholanadi. Rasmiylar messenjer noqonuniy kontent tarqalishiga yetarli darajada chek qo‘ymaganini ta’kidlamoqda.

Ma’lumotlarga ko‘ra, 2022-yildan buyon Telegram orqali sodir etilgan jinoyatlar 153 mingdan oshgan. Ulardan 33 mingga yaqini terrorchilik va ekstremistik yo‘nalishga mansub ekani aytiladi. Shuningdek, 475 ta rejalashtirilgan teraktning oldi olingani ma’lum qilingan.

Rossiya tomoni Telegram rahbariyatiga bir necha...

25-fevral uchun valyutalar kursi yangilandi. Unga ko‘ra, dollar 48,45 so‘mga tushib, 12 190 so‘mni tashkil etdi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.

17-fevral kuni esa 29,68 so‘mga tushib, 12 191,30 so‘mni, 18-fevral kuni 53,44 so‘mga tushib, 12 137,86 so‘mni tashkil qildi. 19-fevralga kelib dollar 12 132,48 so‘mga (-5,38), 20-fevral kuni esa 36,93 so‘mga oshib, 12 169,41 so‘mga yetdi. 23-fevral kuni dollar 43,38 so‘mga oshib, 12 212,79 so‘mni tashkil etdi. 24-fevral kuni dollar 23,34 so‘mga oshib, 12 236,13 so‘mga yetgan edi.

Markaziy bank ma’lumotlariga ko‘ra, yevro 73,02 so‘mga tushib, 14 366,84 so‘mni, rubl...

Markaziy bank Boshqaruv qarori bilan yangi MChJlarni mikromoliya faoliyatini amalga oshiruvchi tashkilotlar reyestriga kiritdi. Bu haqda regulyator matbuot xizmati xabar berdi.

Unga ko‘ra, quyidagi MChJlar mikromoliya tashkilotlari reyestriga kiritildi:

Endilikda ushbu kompaniyalar mikromoliya faoliyatini amalga oshirishi mumkin bo‘ladi.

Bundan avval ham Markaziy bank Fincom Invest mikromoliya tashkiloti, Vafo moliya va Qanot Finans mikromoliya tashkilotini mikromoliya tashkilotlari reyestriga kiritgandi.

Eslatib o‘tamiz, O‘zbekistonda mikromoliya tashkilotlariga islomiy moliya xizmatlarini ko‘rsatishga ruxsat berilgan. Yangi tartibga ko‘ra, tashkilotlar faoliyatida zaxira fondlarini shakllantirish, aktivlar sifatini baholash hamda umidsiz qarzlarni hisobdan chiqarish tartiblari aniq belgilandi. Shuningdek, ularning kapital yetarliligi...

Toshkent viloyatining Qibray tumanida hokim yordamchisi davlat zaxirasidagi yerni olib berish evaziga $10 ming olayotgan vaqtida qo‘lga olindi.

Mahallabay ishlash tizimida faoliyat yurituvchi hokim yordamchisi MFY binosi yonidagi 4 sotix yerni xaridor nomiga o‘tkazib berishni va’da qilgan. Buning uchun u hokimlikdagi tanishlari orqali arxiv hujjatlariga soxta ma’lumotlar kiritishni rejalashtirgan va xizmati evaziga $50 ming so‘ragan.

Davlat xavfsizlik xizmati hamda Iqtisodiy jinoyatlarga qarshi kurashish departamenti xodimlari hamkorligida o‘tkazilgan tezkor tadbirda gumondor so‘ralgan pulning $10 mingini olayotganda ashyoviy dalillar bilan ushlangan.

Hozirgi vaqtda mazkur holat yuzasidan Jinoyat kodeksining 168-moddasi (firibgarlik) hamda 28, 211-moddalari (pora berishda ishtirok etish) bilan jinoyat ishi qo‘zg‘atilgan...

O‘zbekistonda «Volontyorlikni qo‘llab-quvvatlash» jamg‘armasi tashkil etiladi. Bu haqda Shavkat Mirziyoyev va yoshlar uchrashuvida qayd etildi. Mamlakatda volontyorlar soni 100 mingdan oshdi.

Jamg‘armaga har yili budjetdan 20 mlrd so‘m ajratiladi. Bundan tashqari, viloyat hokimlari mahalliy budjetdan 3 mlrd so‘mdan mablag‘ yo‘naltiradi.

Mazkur mablag‘lar hisobidan volontyorlik loyihalariga 100 mln so‘mgacha grant beriladi. Ko‘ngilli yoshlar uchun «ijtimoiy faollik kartasi» joriy etiladi.

Ularning ekologiya, ijtimoiy himoya, tibbiyot, ta’lim va jamoat xavfsizligidagi ishtirokiga qarab ball berib boriladi.

Eslatib o‘tamiz, Kursiv Uzbekistan nashri eng yaxshi 40 ta startapga 2 mlrd so‘m ajratilishi haqida yozgan edi.

O‘zbekistonda xorijiy til sertifikati olgan yoshlar soni 600 mingdan oshdi. Bu haqda Shavkat Mirziyoyevning yoshlar bilan uchrashuvida qayd etildi.

Xususiy o‘quv markazlari soni 3 baravar ko‘paydi. Ularning soni 38 mingdan oshdi. Mazkur yo‘nalishdagi yosh tadbirkorlar O‘quv markazlari uyushmasini tashkil etish tashabbusi bilan chiqdi. Prezident bu taklifni qo‘llab-quvvatladi.

Endilikda uyushmaga a’zo xususiy o‘quv markazlariga bino ijaraga bergan tadbirkorlar ijara daromadi va foyda solig‘idan ozod etiladi.

Shuningdek, bunday markazlar o‘qituvchilari Yoshlar ishlari agentligi hisobidan AQSh, Buyuk Britaniya, Singapur va Yaponiya kabi ilg‘or ta’lim markazlariga stajirovkaga yuboriladi.

Eslatib o‘tamiz, Kursiv Uzbekistan nashri «Kelajak tadbirkori» dasturi ishga tushirilishi haqida yozgan edi.

48 yoshli amerikalik bokschi Floyd Meyvezer to‘qqiz yillik tanaffusdan so‘ng professional sportga qaytib, sentabr oyida Menni Pakyao bilan revansh jangini o‘tkazadi. Bellashuv Las-Vegas shahridagi yangi Sphere arenasida bo‘lib o‘tishi belgilangan.

Boks tarixidagi eng mashhur sportchilardan hisoblangan Meyvezer va Pakyaoning dastlabki to‘qnashuvi 11 yil avval MGM Grand Garden arenasida bo‘lib o‘tgan edi. O‘shanda hakamlarning yakdil qaroriga ko‘ra amerikalik bokschi g‘alaba qozongan.

Meyvezer oxirgi marta 2017-yilning avgustida professional ringga chiqib, MMA jangchisi Konor Makgregorni 10-raundda texnik nokaut evaziga mag‘lub etgan. Pakyao esa so‘nggi bor o‘tgan yilning yozida ringga ko‘tarilib, yarim o‘rta vazn toifasida WBC chempioni Mario Barrios bilan durang qayd etgan...

BYD Megawatt Flash Charging tizimini keng ko‘lamda joriy etish uchun 1360 kVtli megavatt quvvatlagichlarni joriy qildi. Bu haqda CarNewsChina xabar berdi.

Yangi infratuzilma elektromobillarni benzin quyish tezligiga yaqin darajada quvvatlashni maqsad qilgan. BYD’ning megavattli quvvatlagichi boshqa ultra-tezkor stansiyalardan farq qiladi. Qurilma «T» shaklida ishlab chiqilgan va ko‘k rangda bezatilgan. Unda ikki tomondan osilgan ikkita kabel mavjud. Bu kabel uzunligi va og‘irligi bilan bog‘liq muammolarni hal qiladi.

Rasmiy ma’lumotlarga ko‘ra, bu yengil avtomobillar uchun ommaviy ishlab chiqarilgan ilk to‘liq suyuqlik bilan sovitiladigan megavatt darajasidagi quvvatlash tizimi hisoblanadi.

Tizim uchta «ming» ko‘rsatkichga ega: 1000V kuchlanish, 1000A tok va 1000 kVt...

Eng yaxshi 40 ta startapga 2 mlrd so‘m ajratiladi. Bu haqda Shavkat Mirziyoyevning yoshlar bilan muloqotida ma’lum qilindi.

Muloqotda Ijtimoiy himoya milliy agentligi va Yoshlar ishlari agentligi «Fikringni ber» (Voice Up) inklyuziv oromgohini tashkil etib, yoshlar tashabbusi asosida o‘ndan ortiq loyihani amalga oshirgani qayd etildi.

Endilikda ushbu loyiha har bir hududda o‘tkazilib, 1 ming nafar yoshni qamrab oladi. Eng yaxshi loyihalarni taklif qilgan yoshlar ishtirokida Samarqand shahrida Xalqaro inklyuziv yoshlar oromgohi tashkil etiladi.

Shuningdek, «O‘sish va rivojlanish» (Upshift) startap loyihasi kengaytiriladi. Bu yil media, dizayn, hunarmandchilik, ishlab chiqarish va innovatsiya yo‘nalishlarida ham tanlovlar o‘tkaziladi.

Yoshlarning eng yaxshi 40 ta startap loyihasini qo‘llab-quvvatlash...

Ijtimoiy tarmoqlarda Jizzax sudi katta yordamchisi MChJning 230 mln so‘m qarzdorligini yo‘q qilib berish hamda bankrotlik orqali jamiyatni tugatish uchun 10 mln so‘m olganda ushlangani haqida xabar tarqaldi. Oliy sud matbuot kotibi Aziz Abidovga ko‘ra, bu xabarlar asossiz.

Rasmiy bayonotga ko‘ra, mazkur ma’lumot haqiqatga to‘g‘ri kelmaydi. Qayd etilishicha, sud tugatish boshqaruvchisi tezkor tadbir davomida qo‘lga olingan. Unga nisbatan Jizzax shahar sudi ajrimi bilan qamoqqa olish ehtiyot chorasi qo‘llangan.

Biroq sudya katta yordamchisining ushbu holatga aloqasi yo‘q. U hozirda o‘z xizmat vazifasini davom ettirmoqda.

Eslatib o‘tamiz, Kursiv Uzbekistan nashri 2025-yilda 135 nafar nomzod ilk bor sudyalik lavozimiga tayinlangani haqida...

Garvard, Stenford va London iqtisodiyot maktabi kabi nufuzli oliygohlar tajribalari asosida «Yangi avlod tadbirkorlari» dasturi yo‘lga qo‘yiladi. Bu haqda Shavkat Mirziyoyevning yoshlar bilan muloqotida ma’lum qilindi.

Unga ko‘ra, Yoshlar ishlari agentligiga kamida 40 ming nafar yoshni biznes asoslariga o‘qitish topshirildi. Dastur doirasida eng yaxshi 1 ming nafar bitiruvchining loyihasiga uch yil muddatga 200 mln so‘mgacha 7 foizli ssuda ajratiladi.

Har yili «Yosh tadbirkorlar» tanlovi o‘tkaziladi. Eng yaxshi 100 ta loyiha brendga aylantiriladi va «Yoshlar venchurs» jamg‘armasidan 1 mlrd so‘mgacha mablag‘ bilan qo‘llab-quvvatlanadi.

Banklar bittadan konsalting kompaniya tashkil etib, joriy yilda 50 ming yosh tadbirkorga biznes reja tayyorlashda yordam beradi...

23-fevral holatiga ko‘ra, tijorat banklarida amal qilayotgan mikroqarz va avtokreditlarning so‘nggi 10 ish kuni bo‘yicha foiz stavkalari e’lon qilindi. Bu haqda Markaziy bank xabar berdi.

Mazkur davrda mamlakatdagi tijorat banklari tomonidan taqdim etilayotgan avtokreditlar bo‘yicha o‘rtacha foiz stavkasi 22,9 foizni tashkil qildi. Shundan jismoniy shaxslarga ajratilayotgan kreditlarning (mikroqarzlardan tashqari) o‘rtacha foiz stavkasi 22,2 foizni, yuridik shaxslar ulushi esa 22,4 foizni ko‘rsatmoqda.

Bunda eng past avtokredit stavkalari quyidagi banklarda kuzatilmoqda:

Eng yuqori avtokredit stavkasi:

Joriy yildan «Kelajak tadbirkori» dasturi boshlanadi. Bu haqda Shavkat Mirziyoyevning yoshlar bilan uchrashuvida qayd etildi.

Dastur doirasida yosh tadbirkorlarga 7 yilgacha 15 foizli kreditlar ajratiladi. O‘zini o‘zi band qilgan yoshlarga garovsiz 20 mln so‘mgacha kredit beriladi. Biznes ko‘nikmasiga ega bo‘lib, yangi ish boshlayotganlarga 300 mln so‘mgacha mablag‘ ajratiladi.

Faoliyatini kengaytirmoqchi bo‘lgan yosh tadbirkorlar 2 mlrd so‘mgacha kredit olishi mumkin. Kamida 5 nafar bitiruvchini ishga olgan tadbirkorlarga esa 10 mlrd so‘mgacha mablag‘ beriladi.

Shuningdek, Oliy ta’lim, fan va innovatsiyalar vazirligi bilan birga «Mening birinchi kasbim» dasturi yo‘lga qo‘yiladi. Unda stajirovka asosida tanlov o‘tkazilib, oliygoh bitiruvchilariga oyiga 2 mln so‘mgacha...