Yangiliklar

Shavkat Mirziyoyev Toshkentdagi yangi Islom sivilizatsiyasi markazining zamonaviy ekspozitsiyasi va infratuzilmasi bilan tanishdi. Bu haqda prezident matbuot xizmati xabar qildi.

Majmua Hazrati Imom majmuasi hududida, 10 gektar maydonda joylashgan. Uch qavatli bino uzunligi 161 metr, kengligi 118 metr, gumbazi balandligi 65 metrni tashkil etadi. Umumiy foydalanuvchi maydoni 42 ming kvadrat metrdan oshadi. Markazda muzey zallari, 45 mingdan ortiq nashr fondiga ega kutubxona, 550 o‘rinli konferensiya zallari, shuningdek, restavratsiya va eksponatlarni raqamlashtirish laboratoriyalari mavjud.

Prezident markazning Qur’on zalidagi gologramma-mapping, yulduzli osmon tasvirlangan interaktiv eksponatlarni ko‘zdan kechirdi. Bu zalda 90 dona Swarovski toshi va 650 dan ortiq yoritqich ishlatilgan, shuningdek, Somoniylar...

O‘zbekistonda 2030-yilga qadar kiberxavfsizlik strategiyasini tasdiqlandi. Mutaxassislar va Ichki ishlar vazirligi vakillari Sputnik matbuot markazida o‘tkazilgan konferensiyada bu strategiyaning banklar faoliyatiga qanday ta’sir qilishini tushuntirdi. Kursiv Uzbekistan ushbu tadbirdan eng muhim ma’lumotlarni jamladi.

Messenjerlarga teginilmagan holda firibgarlarga qarshi kurashiladi

Qabul qilingan hujjat kompaniyalarni eskirgan kiberxavfsizlik tizimlari uchun mas’uliyatni oshirishga chaqiradi. Agar mijoz yangilanmagan xavfsizlik tizimlari sababli pulini yo‘qotsa, bank yoki to‘lov tizimi zararni qoplab beradi. Endi barcha raqamli operatsiyalar qat’iy qayd qilinadi.

Shuningdek, O‘zbekistondagi aloqa operatorlari endi firibgarlar tomonidan ommaviy qo‘ng‘iroqlar qilinayotgan virtual xorijiy AТСlarni aniqlash va bloklashni amalga oshirib boradi.

Biroq, hukumat Telegram yoki WhatsApp kabi messenjerlarni bloklashni...

Qashqadaryoda Ichki ishlar xodimlari qidiruvdagi 25 yoshli yigitni ayol qiyofasida yashirinib yurgan paytda ushladi. Bu haqda viloyat Ichki ishlar boshqarmasi xabar berdi.

Ma’lum qilinishicha, viloyatda o‘tkazilgan xavfsizlik tadbirlari davomida patrul xodimlari yigitning g‘ayrioddiy harakatini payqab, tekshiruv o‘tkazgan. Natijada uning shaxsi aniqlanib, qidiruvda ekani ma’lum bo‘lgan va vaqtinchalik hibsxonaga joylashtirilgan.

Qidiruvdagi shaxs o‘zini tanitmaslik maqsadida ayol kiyimida harakat qilgan va atrofdagilarga o‘zini boshqacha ko‘rsatishga uringan. Holat yuzasidan surishtiruv ishlari davom etmoqda.

Avvalroq Kursiv Uzbekistan Jizzaxda mansabdor shaxs pora bilan qo‘lga tushgani haqida yozgandi.

Poco brendi yangi flagman smartfoni Poco X8 Pro Max’ni rasman taqdim etdi. Bu haqda Poco Global YouTube sahifasida ma’lum qilindi.

Yangi model 6,83 dyuymli AMOLED ekran, 1,5K o‘lcham va 120 Gts yangilanish chastotasiga ega. Qurilmaning asosiy apparat platformasi sifatida Mediatek Dimensity 9500s ishlatilgan. Shu bilan Poco X8 Pro Max Snapdragon 8 Elite Gen5 platformasiga ega modellarga deyarli yutqazmaydi.

Smartfonning asosiy afzalligi batareyadir. Uning sig‘imi 8500 mAh bo‘lib, 100 vatt quvvat bilan tez zaryadlash va 27 vatt quvvatli teskari simli zaryadlash imkoniyatini qo‘llab-quvvatlaydi. Asosiy kamera 50 (Light Fusion 600) va 8 MP sensorlardan iborat.

Qurilma IP69K darajasida himoya...

O‘zbekistonda davlat aktivlarini xususiylashtirish va ijaraga berish tartibini soddalashtirishga qaratilgan o‘zgartirishlar qabul qilindi. Bu haqda Adliya vazirligi xabar berdi.

Kiritilgan qo‘shimchalarga ko‘ra, xalqaro ahamiyatga ega avtomobil yo‘llari bo‘yida zamonaviy xizmat ko‘rsatish majmualari va servis obyektlarini, jumladan, joylashtirish vositalari hamda savdo-ko‘ngilochar markazlarni master-reja asosida joylashtirish tartibi belgilandi.

Bunda bo‘sh yer uchastkalarini elektron onlayn auksion savdolariga chiqarish bo‘yicha Prezident qarori asosida qabul qilingan Vazirlar Mahkamasi qarori prezident bilan kelishilgan holda yer toifasini o‘zgartirish uchun asos bo‘lib xizmat qiladi.

Shuningdek, Soliq kodeksiga kiritilgan o‘zgartirishlarga muvofiq, davlat ko‘chmas mulk obyektini bo‘lib-bo‘lib to‘lash sharti bilan sotib olgan xaridor uchun yer solig‘ini hisoblash tartibi...

Apple kompaniyasi o‘zining rasmiy ro‘yxatini yangilab, yana ikki smartfon — iPhone 5 hamda 8 GB xotirali iPhone 4 modelini eskirgan qurilmalar qatoriga kiritdi. Bu haqda kompaniya rasmiy sahifasida ma’lum qildi.

Mazkur qaror 16-mart kuni e’lon qilingan bo‘lib, kompaniya siyosatiga ko‘ra, sotuvdan olib tashlanganiga yetti yildan oshgan qurilmalar eskirgan deb topiladi. Bunday mahsulotlar endilikda rasmiy servis markazlarida ta’mirlanmaydi.

iPhone 5 2012-yilda taqdim etilgan bo‘lib, u Stiv Jobs vafotidan keyin chiqarilgan ilk iPhone modeli sifatida tarixga kirgan. Ushbu qurilma avvalroq vintaj ro‘yxatiga kiritilgan va ehtiyot qismlar mavjud bo‘lgandagina ta’mirlanib kelgan.

8 GB’li iPhone 4 esa 2011-yilda chiqarilgan bo‘lib, keyinchalik arzonroq variant...

Farg‘ona viloyatida elektr tarmoqlari muhandisi poraxo‘rlik jinoyati bilan qo‘lga olindi. Agar jinoyat amalga oshganida, Davlat budjetiga salkam 1,6 mlrd so‘mlik zarar yetishi mumkin edi.

«Hududiy elektr tarmoqlari» AJning «Energosavdo» filialining Farg‘ona bo‘linmasi muhandisi xizmat mavqeyidan foydalangan holda, O‘zbekiston tumanida yashovchi 1962-yilda tug‘ilgan fuqaroning xonadon va shaxsiy bog‘chadagi elektr energiyasidan noqonuniy foydalanish holati bo‘yicha rasmiylashtirilgan dalolatnoma asosida hisoblangan 1,8 mlrd so‘m jarimani 210 mln so‘mga tushirib berish evaziga $10 ming talab qilgan.

Davlat xavfsizlik xizmati Farg‘ona viloyati boshqarmasi va Iqtisodiy jinoyatlarga qarshi kurashish departamenti xodimlari hamkorligida o‘tkazilgan tezkor tadbirda muhandis talab qilingan pullarning $9 ming miqdorini uchinchi shaxs orqali...

Apple kompaniyasi iPhone 19e modelida yuqori yangilanish chastotali displey joriy etishni rejalashtirmoqda. Bu haqda ZDnet nashri ma’lum qildi.

Unga ko‘ra, iPhone 19e 2028-yil bahorida taqdim etilishi kutilmoqda. Hozirgi iPhone 17e modeli OLED panel bilan 60 Gts yangilanish chastotasiga ega bo‘lib, bitta orqa kamera va nisbatan kichik batareya bilan ishlaydi. iPhone 19e esa sezilarli yangilanishga ega bo‘ladi.

Apple LTPO OLED-displeyni 120 Gts yangilanish chastotasi bilan ishlatishni rejalashtirmoqda. Bu texnologiya ko‘rsatilayotgan ma’lumotga qarab yangilanish chastotasini 1 Gts dan 120 Gts gacha dinamik tarzda o‘zgartirish imkonini beradi. Shu bilan skroll, animatsiya va umumiy javob berish tezligi sezilarli darajada silliqlashadi.

Kompaniya xarajatlarni...

Meta kompaniyasi Instagram platformasida shaxsiy xabarlar uchun joriy etilgan boshidan oxirigacha shifrlash funksiyasini bekor qilishga qaror qildi. Ushbu o‘zgarish shu yilning 8-mayidan kuchga kiradi, deya yozmoqda The Verge nashri.

Unga ko‘ra, mazkur xavfsizlik funksiyasidan foydalanuvchilar orasida talab juda past bo‘lgan. Shu sababli, maxfiy muloqotni davom ettirmoqchi bo‘lganlarga WhatsApp messenjeridan foydalanish tavsiya etilgan.

Shuningdek, agar foydalanuvchilarda shifrlangan chatlar mavjud bo‘lsa, ularga xabarlar va media fayllarni oldindan yuklab olish bo‘yicha ko‘rsatmalar beriladi. Shuningdek, ayrim foydalanuvchilardan ilovani yangilash talab qilinishi mumkin.

Mazkur o‘zgarish haqidagi ma’lumot Instagram’ning yordam markazida ham e’lon qilingan bo‘lib, bunga 9to5Google nashri e’tibor qaratgan. Shu bilan birga, ayrim...

O‘zbekiston terma jamoasi hamda «Manchester Siti» himoyachisi Abduqodir Husanov zamonaviy futbolning yetarlicha e’tirof etilmayotgan o‘yinchilari ro‘yxatiga kirdi. Bu haqda The Athletic nashri xabar berdi.

Unga ko‘ra, futbolchining «Chelsi»ga qarshi ilk o‘yini ko‘pchilikda shubha uyg‘otgan. Shunga qaramay, himoyachi qisqa vaqt ichida o‘zini tikladi, klub esa uning transferi bejiz emasligini amalda ko‘rsatib berdi.

Mutaxassislar Husanovning tezligi, maydondagi vaziyatni tez anglash qobiliyati hamda agressiv himoyaviy uslubini alohida ta’kidlamoqda. U hali yosh bo‘lishiga qaramay, Yevropa top-ligalarida orttirgan tajribasi bilan istiqbolli markaziy himoyachilardan biri sifatida qaralmoqda.

Ro‘yxatga yana bir qator mashhur futbolchilar ham kiritilgan. Jumladan, Federiko Valverde (Real Madrid), Bernardu Silva (Manchester Siti), Harri...

Qashqadaryo viloyatida ijtimoiy va iqtisodiy rivojlanishni jadallashtirishga qaratilgan chora-tadbirlar belgilandi. Bu haqda Adliya vazirligi ma’lum qildi.

Qarorga ko‘ra, Muborak tumanidagi «Konchilar» MFY hududida 200 gektar yer maydonida Muborak innovatsion sanoat zonasi maxsus iqtisodiy zonasi tashkil etiladi.

Chiroqchi tumanidagi «Sohil bo‘yi» majmuasini rivojlantirish va boshqarish bilan bog‘liq vazifa va funksiyalar Qashqadaryo viloyati hokimligi huzuridagi Turizm infratuzilmasini rivojlantirish va boshqarish departamentiga yuklatildi.

Shahrisabz tumanida «Quva agrostari», Qamashi tumanida «Yangiyul agrostari», Ko‘kdala tumanida «Mirzachol agrostari», G‘uzor tumanida «Navoi agrostari» MChJlarning loyiha ofislari tashkil qilinadi.

Viloyatda jami 15 ming gektar, shundan 2026-yilda 5,2 ming gektar yer maydonida chorva uchun ozuqa yetishtiriladi.

2026-yilda...

Geely yangi Galaxy Starshine 7 PHEV sedanini taqdim etdi. CarNewsChina’ga ko‘ra, model to‘liq g‘ildirakdan tortish tizimi bilan jihozlangan.

Yangi avtomobil 0 dan 100 km/soat tezlikka 5,4 soniyada chiqadi. Yonilg‘i sarfi esa 100 km ga taxminan 2 litrni tashkil etadi. Model Arktika hududida sovuq ob-havo sinovlaridan o‘tgan va tez orada sotuvga chiqadi.

Starshine 7 salonida katta sensor ekran va raqamli panel o‘rnatilgan. Markaziy konsolda zamonaviy interfeys bor. Rul ortida uzatma selektori, simsiz zaryadlash va fizik tugmalar ham mavjud.

Avtomobil G-Pilot H3 yordamchi haydovchi tizimi bilan jihozlangan. Unda 11 ta kamera va 3 ta radar bor. Tizim shaharda va trassada avtopilot...

Xitoyning Nanning shahrida elektromobillarni quvvatlash uchun mo‘ljallangan mobil robotlar ommalashmoqda. Bu haqda CarNewsChina xabar bermoqda.

Linlitsyao Szyayuan majmuasidagi 400 dan ortiq elektromobil egalari endilikda mobil ilova orqali quvvatlash robotini chaqirishi mumkin. Balandligi taxminan 1,5 metr bo‘lgan va qariyb 100 kVt·soat sig‘imga ega robot avtomobil yoniga kelib, zaryadi 10 foizga tushib qolgan transport vositasini 40-60 daqiqa ichida tezkor quvvatlaydi.

Loyiha rahbarining ta’kidlashicha, ushbu yechim elektr tarmog‘ini yangilashni talab etmaydi va statsionar joylarni band qilmaydi.

«Uyga kelib mashinani parkovka qilamiz va quvvatlaymiz. Endi quvvatlash stansiyalariga borishga hojat yo‘q», — dedi mahalliy aholi vakillaridan biri.

Ushbu qurilmalar...

Toshkent va Chorvoq orasidagi pulli avtomobil yo‘li uch yil ichida qurilishi rejalashtirilmoqda. Bu haqda Transport vazirligi huzuridagi Avtomobil yo‘llari qo‘mitasining «Avtoyo‘linvest» agentligi direktori o‘rinbosari Asliddin Isayev «O‘zbekiston 24» telekanaliga bergan intervyusida ma’lum qildi.

Isayevning ma’lum qilishicha, 52 km uzunlikdagi Toshkent – Chorvoq yo‘li loyihasi 3 yil ichida amalga oshiriladi. Yo‘l qurib bitkazilgach, Chorvoq suv omboriga borish vaqti hozirgi 80 daqiqadan 35 daqiqagacha qisqaradi.

Loyiha bo‘yicha Qatarning Protocol Capital Group kompaniyasi va Janubiy Koreyaning Korea Expressway Corporation bilan dastlabki kelishuvlarga erishilgan. Protocol Capital Group – Qatarning yirik investitsiya kompaniyasi bo‘lib, uning aktivlari $4 mlrddan ortiq va kompaniya dunyoning...

Eron futbol federatsiyasi Jahon chempionatida milliy terma jamoa oʻyinlarini AQShdan Meksikaga koʻchirish masalasini FIFA bilan muhokama qilmoqda. Bu haqda Reuters agentligi mamlakat federatsiyasi rahbari Mehdi Tojga tayanib xabar berdi.

Unga koʻra, qaror jamoa xavfsizligi bilan bogʻliq xavotirlar fonida koʻrib chiqilmoqda.

«AQSh prezidenti Donald Tramp Eron terma jamoasi xavfsizligini toʻliq kafolatlay olmasligini aytdi. Shunday ekan, biz Amerikaga bormasligimiz mumkin. Hozir FIFA bilan oʻyinlarni Meksikada oʻtkazish boʻyicha muzokara olib boryapmiz», – dedi u.

Avvalroq Tramp Eron jamoasining turnirda ishtiroki mumkinligini tan olgan, biroq xavfsizlik nuqtayi nazaridan AQShda oʻynashi maqsadga muvofiq emasligini bildirgan edi. Shu bilan...

Tojikiston olimlar kengashi yig‘ilish o‘tkazib, Ramazon oyining davomiyligi va bayram kunini belgiladi. Bu haqda Tojikiston Diniy ishlar va an’analar, tantanalar hamda marosimlarni tartibga solish qo‘mitasiga tayanib, Asia-Plus nashri xabar berdi.

Manbaga ko‘ra, 2026-yilda muqaddas Ramazon oyi 29 kun davom etadi va Hayit bayrami 20-mart kuni nishonlanadi.

Olimlar kengashining qaroriga muvofiq, Hayit bayrami namozi 20-mart kuni soat 7:30 da Tojikistondagi barcha masjidlarda o‘qiladi. Shu kun mamlakatda dam olish kuni sifatida e’lon qilindi.

Yig‘ilishda imom-xatiblarga o‘z hutbalarida ehtiyojmandlarga moddiy yordam ko‘rsatish, bayram kunlarida sarf-xarajatlarni kamaytirish va tejamkor bo‘lish zarurligini yetkazish topshirildi. Shuningdek, barcha imom-xatiblarga olimlar kengashining tabrik matnini aholiga yetkazish...

O‘zbekistonda so‘nggi 5 yil ichida chet eldan kelayotgan pul o‘tkazmalari uch baravar oshdi. 2025-yilda bu ko‘rsatkich $18,9 mlrdga yetdi.

Markaziy bank tahliliga ko‘ra, o‘zbekistonliklar asosan Rossiya, Qozog‘iston, Janubiy Koreya va Turkiyada ishlaydi. So‘nggi yillarda Yevropa va boshqa rivojlangan davlatlardan kelayotgan o‘tkazmalar ham oshmoqda.

Xususan, Buyuk Britaniyadan 39%, Yevropa Ittifoqidan 37%, AQSh va Janubiy Koreyadan 15% o‘sish kuzatilgan.

2020-2025-yillarda rivojlangan mamlakatlar va ayrim Osiyo
davlatlaridan O‘zbekistonga kelib tushgan xalqaro pul o‘tkazmalari hajmi (mln dollar)

O‘rtacha o‘tkazma va ish haqi omili

Migratsiyaning asosiy sababi ish haqi farqida. Rivojlangan davlatlarda maosh yuqori bo‘lgani uchun migrantlar oqimi kuchli.

Eng yuqori o‘rtacha ish...

Yevrosiyo taraqqiyot banki (YTB) tahlilchilari 2026-yilda O‘zbekiston Markaziy banki asosiy stavkani 14 foizdan 13 foizgacha pasaytirishini prognoz qilmoqda. Bu haqda moliya institutining mart oyidagi hisobotida qayd etildi.

Ta’kidlanishicha, regulyator asosiy stavkani yilning birinchi yarmida pasaytiradi. YTB hisobotida so‘m kursi vaziyati ham tilga olingan. O‘tgan yili milliy valyuta ilk bor tarixda dollarga nisbatan mustahkamlandi: kurs 12 905 so‘mdan 12 025 so‘mgacha pasayib, 6,8 foiz mustahkamlanish kuzatildi.

So‘mning mustahkamlanishiga bir necha omillar ta’sir qilgan. Jumladan, oltin eksportidan rekord daromadlar ($9,9 mlrd), yanvar–sentabr oylarida pul o‘tkazmalari 23 foizga o‘sishi, shuningdek, to‘g‘ridan to‘g‘ri xorijiy investitsiyalar oqimi $19 mlrd (+46,9%) muhim rol o‘ynadi.

O‘zbekiston hukumati mamlakatning milliy tabiiy meros obyektlari maqomini belgilovchi nizomni tasdiqladi. Bu haqda Adliya vazirligi ma’lum qildi.

Hukumat qarori bilan «O‘zbekiston milliy tabiiy meros obyektlari to‘g‘risida»gi nizom amaliyotga kiritildi. Mazkur nizom milliy tabiiy meros obyektlarining maqomi, turlari, ro‘yxatga kiritish tartibi hamda ularning hududlarida qurilish ishlari olib borish qoidalarini belgilaydi.

Ekologiya va iqlim o‘zgarishi milliy qo‘mitasi ushbu sohada vakolatli organ sifatida faoliyat yuritadi. Nizomga muvofiq, O‘zbekiston milliy tabiiy meros obyektlari to‘rt turga bo‘linadi, ya’ni biologik, geologik, gidrologik va paleontologik.

Tabiiy obyektni milliy tabiiy meros ro‘yxatiga kiritish bo‘yicha takliflar vakolatli organning hududiy bo‘linmasiga taqdim etiladi. Taklifga obyekt haqidagi ma’lumotnoma, uning...

18-mart uchun valyutalar kursi yangilandi. Unga ko‘ra, dollar 37,79 so‘mga oshib, 12 129,01 so‘mni tashkil etdi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.

11-martdan 16-martga qadar dollarda faqat tushish qayd etildi. Xususan, 11-mart kuni dollar 33,12 so‘mga tushib, 12 158,13 so‘mni, 12-mart kuni 22,37 so‘mga tushib, 12 135,76 so‘mni, 13-martda 33,37 so‘mga tushib, 12 102,39 so‘mni va 16-mart kuni yana 20,76 so‘mga tushib, 12 081,63 so‘mni qayd etdi. 17-mart kuniga kelib 9,59 so‘mga oshdi va 12 091,22 so‘mni tashkil etdi. 

Oxirgi besh kunlikdagi o‘zgarish

Markaziy bank ma’lumotlariga ko‘ra, yevro 124,53 so‘mga oshib...

Volkswagen kompaniyasi o‘zining eng arzon ID. Cross elektr krossoverining xususiyatlarini e’lon qildi. Avtomobil Yevropa bozorida shu yilning kuz faslida taxminan 28 ming yevro ($32,2 ming) boshlang‘ich narxda sotuvga chiqariladi.

Elektromobil MEB+ platformasida qurilgan bo‘lib, ID. Polo modeli bilan ko‘p jihatdan o‘xshashliklarga ega. Xaridorlarga 114, 133 va 208 ot kuchiga ega uch xil old dvigatel variantlari taklif etiladi. Shuningdek, krossover 20 dyuymli g‘ildiraklar bilan jihozlanadi hamda 1200 kg vazndagi tirkamani tortish imkoniyatiga ega bo‘ladi.

Avtomobil 37 va 52 kVt/soat sig‘imli akkumulyatorlar bilan sotuvga chiqadi. Kichikroq akkumulyator 90 kVt, kattasi esa 105 kVt quvvatda tez zaryadlanish xususiyatiga ega. Rasmiy ma’lumotlarga ko‘ra...

Isroil Mudofaa vaziri Isroil Kats Eron Milliy xavfsizlik oliy kengashi kotibi Ali Larajoniy va Basij kuchlari qo‘mondoni G‘ulomrizo Sulaymoniy havo zarbasi oqibatida halok bo‘lganini bildirdi. Eron rasmiylari hozircha o‘lim holatini tasdiqlamadi.

Isroil harbiy rasmiylari Larajoniy tungi hujumning asosiy nishoni bo‘lganini tasdiqladi. Ma’lumotlarga ko‘ra, u o‘g‘li bilan birga yashiringan xonadonda hujumga tutilgan. Mudofaa vaziri Kats ushbu operatsiyani yuqori baholab, Eron rahbariyatidagi «kadrlar almashinuvi» tezlashishini kinoya bilan qayd etdi.

Ali Larajoniy Eron siyosiy tizimidagi eng nufuzli shaxslardan biri hisoblangan. U 2008-yildan 2020-yilga qadar Eron parlamenti spikeri lavozimida faoliyat yuritgan. Shuningdek, u uzoq yillar davomida mamlakatning yadroviy dasturi bo‘yicha bosh muzokarachi bo‘lgan...

O‘zbekistonda soliq qarzi 1 mln so‘mdan oshgan fuqarolarga elektr to‘loviga cheklov joriy etiladi. Bu haqda Soliq qo‘mitasi ma’lum qildi.

Unga ko‘ra, jismoniy shaxslarning yer va mol-mulk solig‘i bo‘yicha umumiy qarzdorligi 1 mln so‘mdan oshgan taqdirda, elektr energiyasi to‘lovlariga cheklov qo‘yish amaliyoti tatbiq etiladi. Mazkur tizimni amalga oshirish uchun «Soliq billing» axborot tizimi ishlab chiqilgan.

Ma’lum qilinishicha, ushbu mexanizm 16-apreldan boshlab Namangan viloyatida tajriba tariqasida joriy etiladi. Tizim bosqichma-bosqich ishlaydi. Agar fuqaroning soliq qarzdorligi 1 mlndan so‘mdan oshsa, avvalo, u bir necha marotaba ogohlantiriladi. Dastlab soliq hisoblanganligi haqida xabarnoma yuboriladi. Shuningdek, SMS orqali va agar fuqaro «Soliq» mobil ilovasidan...

Toshkent shahrida Favqulodda vaziyatlar tizimi xodimining pora bilan bog‘liq noqonuniy harakati fosh etildi. Bu haqda DXX matbuot xizmati ma’lum qildi.

Ma’lum qilinishicha, Toshkent shahar Favqulodda vaziyatlar bosh boshqarmasining Yunusobod tumani boshqarmasi Favqulodda vaziyatlar profilaktikasi bo‘limi inspektori Olmazor tumanida joylashgan xususiy klinikaning yong‘inga qarshi holati yuzasidan vakolatli hamkasblari orqali ijobiy xulosa olib berishni va’da qilgan. U joriy yilning fevral oyida MChJ rahbaridan 6,5 mln so‘m miqdorida pul olgan.

Biroq inspektor turli bahonalar bilan o‘z va’dasini bajarmagan. Shundan so‘ng fuqaro undan berilgan pullarni qaytarishni talab qilgan. Davlat xavfsizlik xizmati hamda prokuratura organlari xodimlari hamkorligida o‘tkazilgan tezkor tadbirda inspektor avval olgan...