Yangiliklar

O‘zbekiston 2025-yilning dastlabki olti oyida 24,3 mingdan ortiq avtomobil import qildi. Bu haqda Milliy statistika qo‘mitasi xabar berdi.

Ushbu hajmdan 14,3 mingtasi elektromobillarga to‘g‘ri keladi. Pul ifodasida import hajmi $422,1 millionga baholangan. Shunda ham yetakchilikni Xitoy saqlab turibdi – ushbu mamlakatdan 21,4 mingta avtomobil yetkazib berilgan. Janubiy Koreya hissasiga 2 mingta, Hindistonga esa 168 ta avtomobil to‘g‘ri kelgan.

Faqat iyun oyida O‘zbekistonda to‘rt mingta yangi xorijiy avtomobil sotilgan bo‘lib, oylik sotuv 12,6 foizga kamaygan. Elektromobillar sotuvi esa qariyb 29 mingta bo‘lgan.

O‘zbekistonda avtomobil ishlab chiqarish bo‘yicha ko‘rsatkichlarga ko‘ra, iyul oyi boshiga kelib korxonalar 185,6 mingdan ortiq avtomobil chiqargan.

Bugun, 25-iyul kuni Toshkent vaqti bilan soat 02:40:50 da Qirg‘izistonda yuz bergan zilzila Andijonda ham sezildi. Bu haqda Seysmoprognostik monitoring markazi ma’lum qildi.

Unga ko‘ra, zilzila episentri Toshkentdan 284 km janubiy-g‘arbda bo‘lib, sezilish kuchi 3 ballni tashkil etdi.

Zilzilaning magnitudasi 3,6 ni tashkil etgan bo‘lsa, chuqurligi 15 km edi. Episentri Qirg‘izistonning Jalolobod shahri bo‘ldi.

Shuningdek, zilzila O‘zbekistonning Andijon viloyatidagi quyidagi uchta tumanida ham sezildi:

Episentrning aniq koordinatalari: 41,11 N, 72,61 E. Zilzila oqibatida jiddiy shikastlanishlar haqida hozircha...

Chevrolet kompaniyasi budjet toifasiga mansub yangi modelini taqdim etadi. Bu haqda Carscoops nashri xabar bermoqda.

Yangi avtomobil 2026-yilda Janubiy Amerikada namoyish etiladi. Uni Braziliyadagi zavodda ishlab chiqarish rejalashtirilgan.

Modelning nomi hozircha oshkor etilmagan. Modelning Onix bilan bir xil platformada yig‘ilishi taxmin qilinmoqda. Un 1,0 litrli turbomotor bilan jihozlanadi. Quvvati taxminan 120 ot kuchi bo‘lib, uzatmalar qutisi 6 pog‘onali mexanik yoki avtomat bo‘ladi. Yurituv faqat old g‘ildiraklarga uzatilishi kutilmoqda.

Janubiy Amerika bozorida ushbu model markaning yangilangan Chevrolet Tracker’dan pastroq segmentda joylashadi. Uning uzunligi 4270 mm ni tashkil etadi.

Mazkur ixcham krossoverning asosiy raqobatchilari — Volkswagen Tera, Renault Kardian...

«Uzbekistan Airports» kompaniyasi 2025-yilning olti oylik natijalarini e’lon qildi. Bu haqda aviatashuvchi matbuot xizmati ma’lum qildi.

Hisobotga ko‘ra, xalqaro aeroportlar 7 mlndan ortiq yo‘lovchilarga xizmat ko‘rsatgan, bu esa 2024-yilga nisbatan 10 foizga ko‘pdir. Parvozlar soni 12 foizga oshib, salkam 60 mingtaga yetgan.

Toshkent xalqaro aeroporti 4,5 mln yo‘lovchini qabul qilgan, bu esa o‘tgan yilga nisbatan 18 foizlik o‘sishni anglatadi. Aviakompaniyalar soni 60 taga yetdi, yuk tashish hajmi esa 38 ming tonnadan oshiq bo‘lib, o‘tgan yil darajasida saqlanib qolgan.

Kompaniya o‘sish sabablarini yangi yo‘nalishlar, aviakompaniyalar va xizmatlar sifatining oshishi bilan izohladi.

Eslatib o‘tamiz, avvalroq Uzbekistan Airways bortida chaqaloq dunyoga...

Tijorat banklari 25-iyul kungi xorijiy valyutalarni sotib olish va sotish kurslarini yangiladi. Kursiv Uzbekistan nashri eng qulay narxdagi valyuta kurslari haqidagi ma’lumotlarni taqdim qiladi.

Banklardan sotib olish

Banklarga sotish

Eslatib o‘tamiz, Kursiv Uzbekistan 24-iyul kuni dollar kursi 109,05 so‘mga pasayib, 12 653,48 so‘mni qayd etgani haqida yozgan edi. Shuningdek, Markaziy bank ma’lumotlariga ko‘ra, yevro 106,47 so‘mga tushib, 14 871,64 so‘mni, rubl esa 2,91 so‘mga pasayib, 159,75 so‘mni tashkil qildi.

Varnada Konferensiyalar Ligasi ikkinchi saralash bosqichi doirasida Bolgariyaning «Cherno More» va Turkiyaning «Istanbul Bashakshehir» jamoalari o‘rtasida o‘yin bo‘lib o‘tdi. Yagona gol ikkinchi bo‘limda urildi — uni Omer Shahiner kiritdi. O‘zbekiston terma jamoasi hujumchisi Eldor Shomurodov o‘yinni zaxirada boshladi, ammo ikkinchi bo‘limda maydonga tushdi.

Faol boshlanish va erta hujumlar

Uchrashuvda dastlabki tashabbus «Cherno More» jamoasida bo‘ldi, biroq 2-daqiqada «Bashakshehir» pozitsion hujumga o‘tdi. 4-daqiqada Nunu da Koshta bosh bilan xavfli zarba berdi, lekin darvozadan nishonga tegmadi. Ko‘p o‘tmay mezbonlar ofsaydga tushdi.

Birinchi ogohlantirishlar va xavfli vaziyatlar

6-daqiqada Chelso Sidni qoidani buzdi, natijada «Bashakshehir» jarima zarbasini qo‘lga kiritdi.
10-daqiqada Ivan Brnich yaxshi...

Fransiya prezidenti Emmanuel Makron sentabr oyida Falastin davlatini rasman tan olishini e’lon qildi. Bu haqda CNN axborot agentligi ma’lum qildi.

Bu bilan Fransiya BMT Xavfsizlik Kengashi va «G7» guruhidagi ilk davlat sifatida bu qadamni tashlamoqda. Makronning bu qarori G‘azo sektoridagi og‘ir gumanitar inqiroz fonida yangradi.

Isroil buni keskin tanqid qilib, «terrorizmni mukofotlash» deb atadi. AQSh ham qarorni rad etdi. Hamas esa bu e’londi «ijobiy qadam» deb qabul qildi.

Fransiya uzoq yillardan buyon ikki davlatli yechim tarafdori bo‘lib kelgan. Tan olish qarori G‘arbdagi boshqa davlatlarni ham shunga undashi mumkin. Biroq hozircha bu qadam G‘azodagi vaziyatni darhol o‘zgartirishi ehtimoldan yiroq.

Eslatib...

24-iyul kuni SpaceX kompaniyasining Starlink sun’iy yo‘ldosh internet tarmog‘ida keng ko‘lamli nosozlik yuzaga keldi. Down Detector ma’lumotlariga ko‘ra, butun dunyo bo‘ylab 65 mingdan ortiq foydalanuvchi internetga ulana olmagan.

SpaceX muammoni tan oldi va xizmatni tez orada tiklash ustida ish olib borayotganini bildirdi. Kompaniya asoschisi Ilon Mask foydalanuvchilardan uzr so‘rab, bunday holat takrorlanmasligi uchun sabablar bartaraf etilishini ta’kidladi.

Nosozlik Starlink va T-Mobile kompaniyalari o‘rtasidagi yangi aloqa xizmati beta-testdan chiqib, keng ommaga taqdim etilgan kuni yuz berdi. Yangi xizmat 650 dan ortiq sun’iy yo‘ldosh orqali AQShda mobil aloqa «o‘lik zonalari»ni qamrab olishni maqsad qilgan.

Ayni paytda foydalanuvchilar internetga kirishda uzilishlar...

Shavkat Mirziyoyevning tavallud kuni munosabati bilan ko‘plab davlatlar rahbarlari, xalqaro tashkilotlar va taniqli jamoat arboblaridan samimiy tabriklar yo‘llandi. Bu haqda davlat rahbari matbuot xizmati ma’lum qildi.

Tabrik maktublarida O‘zbekiston rahbari boshchiligida mamlakatda olib borilayotgan izchil islohotlar, xalq farovonligini oshirish va xalqaro maydondagi faol siyosat e’tirof etildi.

Prezident Vladimir Putin (Rossiya), Si Szinpin (Xitoy), Rajab Toyyib Erdo‘g‘on (Turkiya), Qosim-Jomart Toqayev (Qozog‘iston), Ilhom Aliyev (Ozarbayjon), Sadir Japarov (Qirg‘iziston), Imomali Rahmon (Tojikiston), Serdar Berdimuhammedov (Turkmaniston), Abdul-Fattoh as-Sisi (Misr), Sergio Mattarella (Italiya), Aleksandr Lukashenko (Belarus), va boshqa ko‘plab prezidentlar o‘z tilaklarini bildirdi.

Shuningdek, ShHT, MDH, Turkiy davlatlar tashkiloti, Yangi taraqqiyot banki, Yevroosiyo taraqqiyot...

25-iyul kuni O‘zbekiston bo‘ylab yog‘ingarchilik kutilmaydi, harorat kunduzi 28-43 daraja oralig‘ida bo‘ladi. Bu haqda «O‘zgidromet» agentligi ma’lum qildi.

Quyida ob-havo ma’lumoti viloyatlar kesimida:

2025-yil 15-avgustdan boshlab Qozog‘istonda taksi xizmatlarining «Komfort» tarifiga yangi talablar kuchga kiradi. Bu haqda Yandex rasmiy sahifasida ma’lum qilindi.

Yangi qoidalarga ko‘ra, Chevrolet Cobalt, Ravon R4 va Changan Alsvin modellari endi bu tarifda ishlay olmaydi. Bu avtomobillar, hatto yangi yoki to‘liq jihozlangan bo‘lsa ham «Komfort» xizmatiga mos kelmaydi.

Biroq 15-avgustgacha ro‘yxatdan o‘tgan va kamida bir marta buyurtma bajargan mashinalar ushbu tarifda ishlashda davom etadi. Yangi avtomobillar esa faqat «Ekonom» yoki «Yetkazib berish» tariflariga ulanadi.

Yandex Taksi vakillarining ta’kidlashicha, bu o‘zgarishlar sifatni oshirish va mijozlarga qulaylik yaratish maqsadida joriy etilmoqda.

Eslatib o‘tamiz, avvalroq Chevrolet Cobalt qo‘shni davlatlarda qanday narxda sotilayotgani...

Toshkent shahri Shayxontohur tumanida qurilish-montaj ishlari olib borilishi munosabati bilan transport harakati vaqtincha cheklanadi. Bu haqda shahar hokimligi matbuot xizmati ma’lum qildi.

25-iyul soat 15:00 dan 28-iyul soat 06:00 gacha Kichik halqa yo‘lining Beshqayrag‘och va Beruniy ko‘chalari oralig‘idagi bir tomonlama yo‘l yopiladi. Shu sababli haydovchilarga muqobil yo‘nalishlardan foydalanish tavsiya qilinmoqda.

Hokimlik fuqarolardan vaqtincha noqulayliklar uchun uzr so‘raydi.

Eslatib o‘tamiz, avvalroq ham Toshkent ko‘chalaridan biri 18-avgustgacha yopilgan edi.

109 so‘mdan ko‘proqqa pasaygan dollar, narxi oshirilgan majburiy avtosug‘urta, jangi bekor qilingan Bahodir Jalolov, O‘zbekistonda vakolatxonasini ochgan «CitiBank», Ustyurtdan neft qazib olmoqchi bo‘layotgan SOCAR va «O‘zbekneftgaz» – Kursiv Uzbekistan nashri tomonidan 24-iyul sanasida sodir bo‘lgan eng muhim yangilik va xabarlar bitta materialga jamlandi.

Yer qa’ridan noqonuniy foydalanish haqida xabar berganlar rag‘batlantiriladi

Buning uchun huquqbuzarlik videoteknika orqali qayd etilib, «Geomonitoring» tizimi orqali tegishli inspeksiyaga yuborilishi kerak. Video yoki fotomateriallarda huquqbuzarlikning o‘zi, voqea joyi, vaqti hamda agar bo‘lsa, ishtirokchi shaxslar ko‘rsatilishi lozim.

BAA o‘zbekistonlik sayyohlar uchun avtomobil boshqarish tartibini soddalashtirdi

Birlashgan Arab Amirliklari hukumati 50 dan ortiq davlat fuqarolariga...

Qashqadaryo viloyatining Yakkabog‘ tumanidagi bir xonadonda noqonuniy ravishda qalbaki dori vositalari ishlab chiqarayotgan yashirin ustaxona aniqlandi. Bu haqda Bosh prokuratura departamenti ma’lum qildi.

Bosh prokuratura huzuridagi Departament, DXX va bojxona xodimlari hamkorligida o‘tkazilgan tezkor tadbirda Xiyobon mahallasida yashovchi fuqaroning uyida sifati kafolatlanmagan, kelib chiqishi noma’lum dori vositalariga qalbaki yorliqlar yopishtirilib, ularni dorixonalar orqali sotishga tayyorlanayotgani ma’lum bo‘ldi.

Tekshiruv davomida 709 mln so‘mlik 2391 dona turli dori, ularni qadoqlash uchun mo‘ljallangan qutilar va qalbaki etiketkalar ashyoviy dalil sifatida olindi.

Mazkur holat yuzasidan tergovga qadar surishtiruv ishlari olib borilmoqda.

Eslatib o‘tamiz, avvalroq Andijon va Toshkentda kuchli dori vositalari savdosiga chek...

Singapur hukumati global isish tufayli dengiz sathining ko‘tarilishiga qarshi kurashish uchun «Long Island» nomli yirik loyiha ustida ish olib bormoqda. Bu haqda CNN axborot agentligi ma’lum qildi.

Rejaga ko‘ra, janubi-sharqiy sohil bo‘ylab 13 kilometrli sun’iy orol tizimi barpo etilib, u nafaqat himoya devori, balki turarjoy va suv ombori sifatida xizmat qiladi.

Loyiha 2100-yilgacha suv sathi 1,15 metrgacha ko‘tarilishi mumkinligi taxminlariga javobdir. «Long Island» orqali 50 minggacha uy, bog‘lar, tijorat obyektlari hamda Singapur mustaqil suv ta’minotini yaratish uchun ombor qurilishi ko‘zda tutilgan.

Biroq loyiha atrof-muhitga ta’siri, xususan, dengiz jonivorlariga salbiy ta’siri borligi sababli tanqidlarga uchramoqda. Shunga qaramay, rasmiylar uni uzoq...

2025-yil 24-iyul kuni Tailand va Kambodja o‘rtasida chegaraviy mojarolar qurolli to‘qnashuvga aylandi. Bu haqda Reuters agentligi ma’lum qildi.

Tailand F-16 harbiy samolyoti Kambodjadagi harbiy nishonni bombardimon qilganini tasdiqladi. Kambodja esa ikki bomba yo‘lga tashlanganini aytib, bu harakatni «tajovuzkorlik» deb baholadi.

To‘qnashuvlar oqibatida Tailandda kamida 11 nafar tinch aholi va bir askar halok bo‘lgan. Shuningdek, 30 dan ortiq kishi yaralandi. Kambodja tomoni ham Tailandni ayblab, chegarani buzganini ma’lum qildi. Tailand esa o‘z suverenitetini himoya qilishga tayyor ekanini bildirdi.

Bu mojaroga chegara hududidagi yer maydonlariga qo‘yilgan mina portlashi sabab bo‘lgan. ASEAN va Xitoy tomonlar tinchlikka chaqirdi. Tailand chegarani yopgan, 40 mingdan...

Ilon Mask asos solgan Neuralink kompaniyasi miya implantlari sohasida katta rejalarni e’lon qildi. Bu haqda Reuters agentligi ma’lum qildi.

Unga ko‘ra, kompaniya har yili 20 ming bemorga chip o‘rnatishni va 2031-yilga borib yiliga $1 mlrd daromad olishni mo‘ljallamoqda.

Neuralink yaqin olti yil ichida beshta yirik klinika ochishni rejalashtirgan. Ular uch xil implantni taqdim etadi: Telepathy (inson-mashina interfeysi), Blindsight (ko‘rishni tiklash), va Deep (Parkinson kasalligini davolash). Telepathy 2029-yilda, Blindsight esa 2030-yilda foydalanishga topshirilishi kutilmoqda.

2016-yilda tashkil etilgan Neuralink bugunga qadar 1,3 milliard dollar sarmoya jalb qilgan va $9 mlrdga baholanmoqda. 2024-yildan boshlab odamlar ustida sinovlar boshlangan.

Eslatib o‘tamiz, avvalroq Maskning...

Sony korporatsiyasi Bandai Namco xoldingi bilan strategik kelishuvga erishdi. Bu haqda kompaniya matbuot xizmati xabar berdi. Hamkorlik anime va videoo‘yinlar bozoridagi kengayish uchun mo‘ljallangan.

Kelishuvga ko‘ra, Sony Bandai Namco’ning 16 mln aksiyasini 68 mlrd iyenga (taxminan $465 mlnga) sotib oldi. Bu bilan Sony xoldingning eng yirik besh aksiyadori qatoriga kirdi.

«Bandai Namco bu bitim orqali global bozorlarga chiqish va o‘z intellektual mulk huquqlarini yanada samarali monetizatsiya qilish imkoniyatiga ega bo‘ladi», – degan xolding strategiya direktori Toshimoto Mitomo.

Hozirgi kunda ikki kompaniyaga Dark Souls, Dragon Ball va Tekken kabi mashhur o‘yinlar huquqlari tegishli. Bandai Namco, shuningdek...

Shu yilning birinchi yarmi davomida O‘zbekistonda soliq tushumlari sezilarli darajada oshib, mamlakat budjetiga 102,6 trillion so‘m tushdi. Bu 2024-yilning shu davriga nisbatan 20 foizga, ya’ni 16,8 trillion so‘mga ko‘p. Bu haqda Soliq qo‘mitasi ma’lum qildi.

Eng yirik tushum manbalari

Soliq tushumlari tarkibida eng katta ulush foyda solig‘iga to‘g‘ri kelib, yarim yillik yakuniga ko‘ra 22,5 trillion so‘mni tashkil etdi. Shuningdek, qo‘shilgan qiymat solig‘i 21,4 trillion so‘mni (20,3 foizga o‘sdi), jismoniy shaxslardan olinadigan daromad solig‘i esa 19,9 trillion so‘mni (17,5%) tashkil etdi.

Yer qa’ridan foydalanganlik solig‘i bo‘yicha tushum 23,4 foizga oshib, 10,3 trillion so‘mga yetdi.

Hududlar kesimida

Toshkent...

Bugungi avtomobil bozorida xaridorlar uchun tanlov imkoniyatlari keng. Har bir avtomobilning o‘ziga xos ustunliklari va kamchiliklari mavjud bo‘lib, xarid qiluvchilar ehtiyoj va budjetdan kelib chiqib qaror qabul qiladilar. Ayniqsa, O‘zbekiston yo‘llarida ko‘p uchraydigan modellar orasida Cobalt ham alohida e’tiborni tortadi. Ushbu maqolada Chevrolet Cobalt avtomobilining kamchiliklari haqida so‘z yuritiladi.

Arzon plastik va shovqin

Mashinaning paneli va eshik ichki qoplamalari oddiy plastmassadan ishlangan. Bu esa ularni tirnaluvchan va tez eskiradigan qiladi. Ko‘plab foydalanuvchilar avtomobil yangi bo‘lganda ham salonda arzon material ishlatilganini sezishlarini aytishgan.

Yana bir muammo – vaqt o‘tishi bilan salon qismlarining bo‘shashishi. Natijada 1-2 yil ichida turli...

23-iyul kuni Oʻzbekiston Transport vaziri Ilhom Mahkamov va Gruziya Iqtisodiyot va barqaror rivojlanish vaziri Mariam Kvrivishvili ikki davlat oʻrtasida yuk tashuvlarini kengaytirish masalalarini muhokama qildi.

Ma’lum qilinishicha, uchrashuvda gruzin tomoniga Xitoy — Qirgʻiziston — Oʻzbekiston temiryoʻli loyihasida ishtirok etish taklif etildi. Oʻzbekiston ushbu loyihaning mintaqaviy ahamiyatini inobatga olib, uni Oʻrta transport yoʻlagiga integratsiya qilish rejalari doirasida Gruziya bilan yaqin hamkorlikni yoʻlga qoʻymoqchi.

Tomonlar, shuningdek, avtomobil va temiryoʻl tashuvlaridagi hamkorlikni kengaytirish, Gruziya portlari orqali multimodal yuk yoʻlaklarini yoʻlga qoʻyish, hamda ikki davlat oʻrtasida aviaqatnovlar sonini koʻpaytirish masalalarini ham koʻrib chiqdi.

Ma’lumot uchun, Xitoy — Qirgʻiziston — Oʻzbekiston temiryoʻli 532 kilometrdan...

Samsung joriy chorakda ham eng yaxshi smartfonlari bilan bozorga hukmronlik qilmoqda. Apple’ga raqib sifatida qaralayotgan kompaniya bu yil ham kuchli kameralar, tez ishlash va uzoq batareya umriga ega modellarni taqdim etdi. Tom’s Guide nashri eng yaxshi Samsung smartfonlari haqida maqola e’lon qildi.

Bu model eng kuchli flagman hisoblanadi. U 6.9 dyuymli Dynamic AMOLED ekran, Snapdragon 8 Elite chipi va beshta kamera bilan jihozlangan. Asosiy kamera 200MP, qo‘shimcha ravishda 5x va 3x zumli telefoto linzalari ham bor. 12GB operativ xotira va 1TB gacha saqlash hajmi mavjud. Telefon 17 soatdan ortiq batareya ishlash muddati bilan ajralib turadi.

Ijtimoiy tarmoqlarda Bo‘stonliqdagi tog‘li hududda yong‘in yuzaga kelgani haqida xabarlar tarqaldi. Holat yuzasidan Toshkent viloyati favqulodda vaziyatlar boshqarmasi rasmiy ma’lumot taqdim qildi.

Unga ko‘ra, bugun 24-iyul kuni soat 11:16 lar Toshkent viloyati favqulodda vaziyatlar boshqarmasiga Bo‘stonliq tumani Xo‘jakent mahallasi tog‘li hududida yong‘in yuz berayotgani haqida xabar tushgan.

Dastlabki ma’lumotga qaraganda, taxminan 2 gektar maydonda quruq o‘t va shox-shabba yonayotgani aniqlangan.

Hozirda yong‘in-qutqaruv ekipajlari tegishli tashkilotlar xodimlari bilan birgalikda yong‘inni to‘liq bartaraf etish ustida ish olib bormoqda.

Ijtimoiy tarmoqlarda tarqalayotgan videolarga qaraganda, hududdagi yong‘inni bartaraf etishga vertolyotlar ham jalb qilingan.

Bundan oldin Qibray tumanidagi G‘afur G‘ulom...

O‘zbekistonlik Mubashshir Ahmad taxallusi bilan tanilgan Alisher Tursunovga nisbatan ochilgan jinoyat ishi rasmiy ravishda sudga oshirildi. Bu haqda uning advokati Ruslan Sodiqov ma’lum qildi.

Tursunov joriy yil 10-may kuni Turkiyadan ekstraditsiya qilinganidan buyon, ya’ni 75 kundan beri qamoqda saqlanmoqda.

Advokatning ma’lumotiga ko‘ra, Tursunovga Jinoyat kodeksining uchta moddasi — 244-3 (diniy mazmundagi materiallarni noqonuniy tayyorlash yoki tarqatish), 244-1 (ommaviy axborot vositalari orqali jamoat tartibiga tahdid soluvchi materiallar tarqatish) va 156-moddasi 2-qismi (millatlar, irqlar, dinlararo adovat qo‘zg‘atish) bo‘yicha ayblovlar ilgari surilgan.

Bu ayblovlar, asosan, Tursunovning diniy chiqishlari, Azon TV va ijtimoiy tarmoqlardagi faoliyatiga asoslanmoqda.

2025-yilning may oyida, Tursunov hibsga olinganidan...