Yangiliklar

AQSh Oliy sudi Tramp ma’muriyatiga Meksika bilan chegarada boshpana so‘ramoqchi bo‘lgan migrantlarni AQSh hududiga kiritmasdan turib qaytarishga ruxsat berdi. Bu haqda The New York Times nashri xabar berdi.

Sud qarori nimani anglatadi

Oliy sud 6 ga 3 ovoz bilan qabul qilgan qarorida boshpana so‘rash huquqi migrant AQSh hududiga to‘liq kirganidan keyin yuzaga kelishini bildirdi.

Sudning konservativ ko‘pchiligi fikricha, Meksika tomonida turgan va AQSh hududiga kira olmagan migrantlar «AQShga yetib kelgan» hisoblanmaydi.

Bu qaror Tramp ma’muriyatiga avvalgi «turn-back» siyosatini qayta tiklash imkonini beradi. Ushbu siyosat doirasida boshpana so‘rovchilar AQSh hududiga qadam qo‘yishidan oldin to‘xtatiladi.

Bahs nimada

AQSh...

ChatGPT ishlab chiquvchisi OpenAI birlamchi ommaviy joylashtiruvni 2027-yilga qoldirish variantini ko‘rib chiqmoqda. Bu haqda NYT manbalarga tayanib xabar berdi.

Nashr ma’lumotlariga ko‘ra, OpenAI’ga IPO bo‘yicha maslahat berayotgan bankirlar kompaniya rahbariyatiga texnologik aksiyalar bozoridagi beqarorlik va SpaceX aksiyalari dinamikasini hisobga olishni tavsiya qilgan. Ularning fikricha, bozordagi hozirgi vaziyat chakana investorlarning OpenAI aksiyalariga bo‘lgan qiziqishini pasaytirishi mumkin.

Asosiy omillardan biri sifatida SpaceX aksiyalarining IPO’dan keyingi harakati keltirilmoqda. Kompaniya aksiyalari savdolarning birinchi kunida $150 dan ochilgan, keyin bir necha kun ichida $202 gacha ko‘tarilgan. Biroq keyinchalik ular deyarli boshlang‘ich darajaga qaytib, 26-iyun kuni savdolar yakunida $153 ni tashkil qilgan.

NYT yozishicha, so‘nggi...

Jahon chempionati guruh bosqichining 3-turida Turkiya va AQSh terma jamoalari o‘rtasidagi uchrashuvda hisob 3:2 bo‘ldi. O‘yin Los-Anjelesdagi SoFi Stadium’da bo‘lib o‘tdi.

AQSh terma jamoasi uchrashuvni juda faol boshladi. 3-daqiqada Sebastyan Berhalter uzatgan burchak zarbasidan so‘ng Oston Trusti orqa ustun yaqinida to‘pni qabul qilib, darvozani ishg‘ol etdi va amerikaliklarni oldinga olib chiqdi.

Biroq Turkiya tezda javob qaytardi. 11-daqiqada Arda Gyuler jarima maydonida qulay vaziyatdan foydalanib, hisobni tenglashtirdi. Bu gol orqali Gyuler Turkiya terma jamoasi tarixida erkaklar o‘rtasidagi Jahon chempionatida gol urgan eng yosh futbolchiga aylandi. U bu natijaga 21 yosh 120 kunligida erishdi.

31-daqiqada Turkiya ikkinchi golni ham urdi. Arda Gyuler...

Jahon chempionati «D» guruhi 3-turida Paragvay va Avstraliya terma jamoalari o‘rtasidagi uchrashuvda hisob ochilmadi. Santa-Klaradagi Levi’s Stadium’da kechayotgan bahs har ikki jamoa uchun pley-off yo‘llanmasi nuqtayi nazaridan muhim ahamiyatga ega edi.

Uchrashuvning birinchi bo‘limida Avstraliya faolroq harakat qildi. Jamoa to‘pga ko‘proq egalik qildi, hujumlarni asosan o‘ng qanot orqali tashkil etdi va Paragvay himoyasini bosim ostida ushlab turdi. Ayniqsa, Jordan Bos va Kristian Volpato tandemining qanotdagi harakatlari avstraliyaliklarga bir necha bor imkoniyat yaratdi.

4-daqiqada Jekson Irvayn darvozaga xavfli zarba berdi, biroq Paragvay darvozaboni Orlando Gill to‘pni qaytarishga muvaffaq bo‘ldi. Keyinchalik Bos ham pastdan zarba yo‘lladi, ammo uning urinishi ham darvozabon uchun...

Samsung kompaniyasi tomonidan yangi Samsung Galaxy A27 smartfoni rasman taqdim etildi. Bu haqda Sammobile nashri xabar bermoqda.

Galaxy A27 6,7 dyuymli Super AMOLED displey bilan jihozlangan. Ekran Full HD+ aniqlik, 120 Hz yangilanish chastotasi va Corning Gorilla Glass Victus+ himoyasiga ega. Bu Galaxy A2x liniyasidagi Infinity-O, ya’ni old kamera uchun ekrandagi kichik teshikka ega ilk model bo‘ldi. Galaxy A26’da esa U shaklidagi Infinity-U kesik ishlatilgan edi. Samsung‘ga ko‘ra, yangi modelda ekran ramkalari ham ancha yupqalashgan.

Smartfon Qualcomm Snapdragon 6 Gen 3 chipida ishlaydi. Kompaniya ma’lumotiga ko‘ra, Galaxy A27 protsessori Galaxy A26’dagi Exynos 1380 bilan solishtirganda CPU bo‘yicha 7 foiz...

Apple kompaniyasi App Store’dan Rossiyaning VK xoldingi xizmatlariga tegishli bir qator ilovalarni olib tashladi. Ilovalar 25-iyun kuni do‘kondan yo‘qolgan bo‘lib, VK bu qaror Apple tomonidan bir tomonlama va oldindan ogohlantirishsiz qabul qilinganini bildirdi.

App Store’dan «Dzen», VK Video, VK Music, VK Messenger, Mail, VK Dating, «Odnoklassniki», shuningdek, «VKontakte» ijtimoiy tarmog‘ining asosiy ilovasi olib tashlangan.

VK matbuot xizmatining ma’lum qilishicha, kompaniya hech qachon sanksiyalar ostida bo‘lmagan va sanksiya ro‘yxatlariga kiritilmagan. Xolding bu holat xalqaro va amerikalik yuristlar xulosalari bilan tasdiqlanishini ta’kidladi.

«VK hech qachon sanksiyalar ostida bo‘lmagan va sanksiya ro‘yxatlarida qayd etilmagan. Buni xalqaro va amerikalik...

Rossiyada 2026-yilgi yangi Mercedes-Benz S-Class avtomobili sotuvga chiqdi. Mamlakatga olib kelingan ilk avtomobil narxi $438 ming etib belgilangan. Bu narx chegirmalar va maxsus takliflarni hisobga olmagan holda ko‘rsatilgan.

Avtomobil «Avtoforum Sheremetyevo» dilerlik markazida mavjud. Zarurat tug‘ilsa, uni Major tarmog‘idagi istalgan avtosalonga yetkazib berish mumkin. Autonews.ru ma’lumotlariga ko‘ra, boshqa rossiyalik sotuvchilarda restayling qilingan S-Class hozircha faqat buyurtma asosida mavjud.

Yangilanishdan so‘ng Mercedes-Benz S-Class tashqi ko‘rinishida sezilarli o‘zgarishlar oldi. Sedan kattalashtirilgan radiator panjarasi, yangi LED optika, 20 dyuymli g‘ildirak disklari va model uchun ilk bor kapotdagi yoritiladigan Mercedes-Benz yulduzi bilan jihozlangan.

Salon ham yangilangan. Unda MBUX Superscreen multimedia tizimi paydo bo‘ldi...

Jahon chempionati guruh bosqichining 3-turida Yaponiya va Shvetsiya terma jamoalari o‘zaro to‘qnash keldi. Murosasiz va kurashlarga boy kechgan bahsda tomonlar 1:1 hisobidagi durangga imzo chekishdi.

O‘yinning 56-daqiqasida Ritsu Doanning uzatmasidan so‘ng, Daidzen Maeda hisobni ochib, jamoasini oldinga olib chiqdi. Biroq shvetsiyaliklar bu golga tezda javob qaytarishdi: 62-daqiqada Entoni Elanga Viktor Gyekereshning uzatmasini golga aylantirib, muvozanatni tikladi.

Ushbu natija Yaponiya uchun ijobiy yakunlandi. Guruhda ikkinchi o‘rinni band etgan Yaponiya terma jamoasi turnirning pley-off bosqichiga yo‘llanmani qo‘lga kiritdi.

Avvalroq Kursiv nashri Nikolya Pepening dubli Kot-d’Ivuarga g‘alaba keltirgani haqida xabar bergan edi.

Jahon chempionati guruh bosqichining 3-turi doirasida Tunis hamda Niderlandiya terma jamoalari o‘rtasidagi uchrashuv bo‘lib o‘tdi. Bahsda niderlandiyaliklar 3:1 hisobidagi g‘alabani qo‘lga kiritdi.

Uchrashuv taqdiri asosan birinchi bo‘limdayoq oydinlashdi. O‘yinning 3-daqiqasidayoq Tunis terma jamoasi a’zosi Elyes Sxiri o‘z darvozasiga to‘p kiritib qo‘yib, jamoasini qiyin ahvolga soldi.

Ushbu avtogoldan so‘ng ruhiy ustunlikka erishgan «Lolaqizg‘aldoqlar yurti» vakillari oradan ko‘p o‘tmay hisobni ikkitaga oshirdi. 7-daqiqada Virjil van Deykning uzatmasidan so‘ng Brayan Brobbey raqib darvozasini aniq nishonga oldi.

Ikkinchi bo‘limda Tunis terma jamoasi vaziyatni o‘nglashga qattiq kirishdi. Buning natijasida uchrashuvning 54-daqiqasida Hazem Masturi raqib darvozasini ishg‘ol qilib, hisobdagi farqni qisqartirishga muvaffaq bo‘ldi.

Ammo 62-daqiqada...

Jahon chempionati guruh bosqichining hal qiluvchi 3-turida Ekvador va Germaniya terma jamoalari to‘qnash keldi. Uchrashuv 2:1 hisobida Ekvadorning bilan yakunlandi.

Uchrashuv kutilganidek juda shiddatli boshlandi. Hakamning ilk hushtagi yangrashi bilanoq, nemislar hujumga o‘tishdi. Natijada, uchrashuvning bor-yo‘g‘i 2-daqiqasidayoq hisob ochildi. Florian Virtsning ajoyib uzatmasidan so‘ng Leroy Sane raqib darvozasini aniq nishonga oldi va Germaniyani hisobda oldinga olib chiqdi.

Biroq, Ekvador futbolchilari bu tezkor golga xuddi shunday tezlikda javob qaytarishdi. Oradan atigi 7 daqiqa o‘tib Pedro Vitening uzatmasidan keyin Nilson Angulo muvozanatni tikladi – 1:1.

Uchrashuvning asosiy voqealari ikkinchi bo‘limda yuz berdi. Ikkala jamoada ham qator imkoniyatlar yuzaga keldi, biroq 77-daqiqada...

Jahon chempionati guruh bosqichining so‘nggi, 3-tur doirasida Kot-d’Ivuar hamda Kyurasao milliy terma jamoalari o‘zaro ro‘baro‘ keldi. Nikolya Pepening ikkita goli Kot-d’Ivuarga 2:0 hisobidagi ishonchli g‘alabani ta’minladi.

Uchrashuvning asosiy qahramoni Kot-d’Ivuar hujumchisi Nikolya Pepe bo‘ldi. O‘yinning 7-daqiqasidayoq Yan Dyomande tomonidan yetkazib berilgan to‘pni Pepe raqib darvozasiga aniq yo‘llab, hisobni ochishga muvaffaq bo‘ldi. Garchi 35-daqiqada hujumchi hakam tomonidan sariq kartochka bilan ogohlantirilgan bo‘lsa-da, bu uning o‘yin tempiga salbiy ta’sir ko‘rsatmadi.

Ikkinchi taymda ham maydonda tashabbusni o‘z qo‘lida saqlab qolgan afrikaliklar 64-daqiqada hisobdagi farqni oshirishdi. Bu safar yarim himoyachi Sangarening uzatmasidan unumli foydalangan Nikolya Pepe o‘z dublini rasmiylashtirib, uchrashuvning yakuniy nuqtasini qo‘ydi.

Kursiv Uzbekistan 25-iyun kuni mahalliy va xorijiy maydonda yuz bergan yangiliklarni bir joyga jamladi.

O‘zbekistonda qayta tiklanuvchi energiya ulushi 45,3 foizga oshdi

O‘zbekistonda qayta tiklanuvchi energiya manbalari hisobidan ishlab chiqarilgan elektr energiyasi hajmi 5 310 MVtga yetdi. Bu o‘tgan yilning shu davriga nisbatan 1 585 MVtga yoki 42,6 foizga ko‘pdir.

«Yashil» energiyaning umumiy generatsiyadagi ulushi 33,6 foizdan 45,3 foizga oshdi. Respublikada elektr energiyasi iste’moli 11 365 MVtni, ishlab chiqarish hajmi esa 11 728 MVtni tashkil etdi.

Mirziyoyev Andijonni turkiy dunyo madaniyat poytaxti maqomi bilan tabrikladi

Shavkat Mirziyoyev Andijon shahrining 2026-yilda «Turkiy dunyoning madaniyat poytaxti» deb e’lon qilinishi munosabati bilan...

Istiqbolli loyihalar milliy agentligi (ILMA) tomonidan Unex Payments kompaniyasiga kriptodo‘kon faoliyatini yuritish uchun litsenziya berildi. Bu haqda agentlik rasmiy sahifasida ma’lum qilindi.

Shu tariqa, kompaniya O‘zbekistonda rasman faoliyat yuritayotgan 13-kriptodo‘konga aylandi.

Agentlik ma’lumotlariga ko‘ra, litsenziya 2026-yil 22-iyundagi buyruq asosida rasmiylashtirilgan bo‘lib, 24-iyundan kuchga kirgan. Kompaniyaga berilgan litsenziya raqami — CS #0018.

Kompaniya yaqinda tashkil etilgan

Yagona davlat reyestri ma’lumotlariga ko‘ra, Unex Payments 2026-yil 4-may kuni 500 million so‘m ustav fondi bilan ro‘yxatdan o‘tgan. Korxona axborot xizmatlari ko‘rsatish bilan shug‘ullanadi.

Kompaniya rahbari sifatida Karimjon Ubaydullayev qayd etilgan. Ta’sischilar esa ulushlari teng bo‘lgan Shahnoza Mahmudova va Rano Rahimova hisoblanadi.

O‘zbekistonda sug‘urta va elektron tijorat sohalarini takomillashtirishga qaratilgan qonun qabul qilinib, bir qator muhim yangiliklar joriy etildi.

Yangi tartibga ko‘ra, transport vositasi egalari endilikda avtomobilni kim boshqarishidan qat’i nazar, haydovchilar soni cheklanmagan majburiy fuqarolik javobgarligi sug‘urtasi polislarini rasmiylashtirishi mumkin bo‘ladi. Bunday holatda sug‘urta shartnomasida avtomobil egasi yoki uning yaqin qarindoshlarini alohida ko‘rsatish talab etilmaydi.

Sug‘urta tovonini undirish tartibi soddalashtiriladi

Qonundagi yana bir muhim o‘zgarish yo‘l-transport hodisalari bilan bog‘liq. Endilikda jabrlangan tomon sug‘urta tovonini aybdor haydovchining sug‘urta kompaniyasidan to‘g‘ridan to‘g‘ri talab qilish imkoniyatiga ega bo‘ladi. Tegishli arizalar ham aynan aybdor tomon sug‘urtalangan kompaniya tomonidan ko‘rib chiqiladi.

Elektron tijorat...

O‘zbekiston Respublikasi prezidenti tomonidan «O‘zbekiston Respublikasi mustaqilligining 35 yilligi» esdalik nishonini ta’sis etish to‘g‘risidagi farmon imzolandi. Bu haqda prezident matbuot xizmati xabar berdi.

Hujjatga ko‘ra, mamlakat mustaqilligining 35 yilligi munosabati bilan davlat va jamiyat hayotining turli sohalarida samarali mehnat qilayotgan, Yangi O‘zbekiston taraqqiyotiga munosib hissa qo‘shayotgan fuqarolarni taqdirlash maqsadida yangi esdalik nishoni joriy etildi.

Fidokor vatandoshlar taqdirlanadi

Farmonda ta’kidlanishicha, mustaqillik yillarida amalga oshirilgan keng ko‘lamli islohotlar natijasida mamlakatning iqtisodiy salohiyati va xalqaro nufuzi oshib, fuqarolarning ertangi kunga bo‘lgan ishonchi mustahkamlanmoqda.

Shu munosabat bilan o‘zining ko‘p yillik fidokorona mehnati, yuksak kasbiy mahorati va ijtimoiy hayotdagi faol ishtiroki bilan el-yurt...

Umumiy o‘rta ta’lim tashkilotlarida faoliyat yuritayotgan oliy malaka toifasiga ega o‘qituvchilarni pedagogika yo‘nalishi bo‘yicha magistraturaga maqsadli qabul qilish tizimi joriy etiladi. Bu haqda hukumat qarori e’lon qilindi.

Qarorga ko‘ra, xalqaro akkreditatsiyalangan tizimda oliy malaka toifasiga ega bo‘lgan o‘qituvchilar pedagogika sohasining magistratura bosqichida masofaviy ta’lim shaklida tahsil olishi mumkin bo‘ladi.

Maqsadli magistraturaga qabul oliy ta’lim muassasalarining magistratura bosqichiga qabul qilish bo‘yicha amaldagi tartib asosida amalga oshiriladi.

Yangi tizimga muvofiq, oliy toifali o‘qituvchilar magistratura ta’limini asosiy ish faoliyatidan ajralmagan holda, masofaviy shaklda davom ettiradi. Shuningdek, ular magistraturani tamomlagach, kamida 3 yil davomida umumiy o‘rta ta’lim muassasalarida ishlash majburiyatini oladi.

Qarorda yana...

O‘zbekistonda 27-iyun — Matbuot va ommaviy axborot vositalari xodimlari kuni munosabati bilan Shavkat Mirziyoyev bir guruh jurnalistlarni mukofotladi. Bu haqda davlat rahbarining farmoni qabul qilindi.

Unga ko’ra, 40 nafarga yaqin sohaning turli yo‘nalishida faoliyat yuritayotgan jurnalistlar «Do‘stlik» ordeni, II darajali «Sog‘lom avlod uchun», «Sog‘lom turmush», «Kelajak bunyodkori», va «Shuhrat» medali bilan taqdirlandi.

Avvalroq Kursiv UzbekistanpPrezident madaniyat va san’at fidoyilariga davlat mukofotlarini topshirgani haqida yozgandi.

Samsung Galaxy S8, Galaxy S8+ va Galaxy Note 8 smartfonlari uchun kutilmaganda yangi dasturiy yangilanish tarqatishni boshladi. Android Authority ma’lumotiga ko‘ra, ushbu modellar 2017-yilda taqdim etilgan bo‘lib, ularning rasmiy qo‘llab-quvvatlovi bir necha yil avval yakunlangan edi.

Yangilanish qaysi modellarga chiqdi

Yangi proshivka Galaxy S8, Galaxy S8+ va Galaxy Note 8 smartfonlari uchun chiqarilgan. Ushbu qurilmalar deyarli 10 yil oldin taqdim etilganiga qaramay, Samsung ular uchun yana bir yangilanish tayyorladi.

Avvalgi dasturiy yangilanish bu modellarga 2022-yilda chiqqan edi.

Yangilanish nimalarni o‘z ichiga oladi

Verizon operatori ma’lumotiga ko‘ra, yangilanish 11-iyundan boshlab tarqatilmoqda. Unda qurilmalar ishlashini yaxshilash, tizimni optimallashtirish va...

Polymarket prognoz platformasi O‘zbekiston terma jamoasini Kongo DRga qarshi ushrashuvda autsayder deb hisoblamoqda.

25-iyun holatiga ko‘ra, ishtirokchilar Kongo Demokratik Respublikasi terma jamoasining g‘alaba qozonish ehtimolini 55-56% deb baholayotgan bo‘lsa, O‘zbekistonning imkoniyatlari esa atigi 21-22% ni tashkil etadi. Treyderlar durang natija ehtimolini taxminan 23-24 foiz deb hisoblamoqda.

Ushrashuv bozori bo‘yicha savdolar hajmi $180 mingdan oshdi, bu platforma ishtirokchilarining uchrashuvga bo‘lgan qiziqishini ko‘rsatadi. Kotirovkalar dinamikasiga ko‘ra, so‘nggi kunlarda treyderlarning Kongo jamoasining muvaffaqiyatiga ishonchi ortdi, O‘zbekistonning g‘alaba qozonish ehtimoli esa, aksincha, kamaydi.

Kongo va O‘zbekiston terma jamoalari o‘rtasidagi o‘yin 28-iyun kuni bo‘lib o‘tadi. O‘zbekistonliklar uchun bu uchrashuv guruhdan chiqish uchun so‘nggi imkoniyat...

Moody’s Ratings xalqaro reyting agentligi O‘zbekistonning uzoq muddatli emitent reytingi va ustuvor ta’minlanmagan qarz majburiyatlari reytingini Ba3 darajasidan Ba2 darajasiga oshirdi. Reyting bo‘yicha prognoz «ijobiy»dan «barqaror»ga o‘zgartirildi.

Reyting nima uchun oshirildi

Agentlik qaroriga ko‘ra, reytingning oshirilishi O‘zbekistonda institutsional va siyosiy tizim yaxshilanayotgani, iqtisodiy hamda fiskal ko‘rsatkichlar mustahkamlanayotgani bilan bog‘liq.

Moody’s mamlakat iqtisodiyoti tashqi xatarlarga nisbatan barqarorroq bo‘lib borayotganini qayd etdi. Bunga iqtisodiy o‘sishning saqlanib qolayotgani, fiskal intizomning kuchaygani va davlat majburiyatlari bilan bog‘liq xatarlarni boshqarish yaxshilanayotgani ta’sir qilgan.

Iqtisodiy o‘sish barqarorligicha qolmoqda

Agentlik ma’lumotiga ko‘ra, O‘zbekistonda real YIM o‘sishi so‘nggi uch yilda o‘rtacha 6,9% atrofida bo‘lgan. 2025-yilda...

Turkiyaning «Fenerbahche» klubi Oʻzbekiston terma jamoasi sardori Eldor Shomurodovni oʻz safiga qoʻshib olish imkoniyatini koʻrib chiqmoqda. Bu haqda Turkiyaning Fotomac nashri xabar bermoqda.

Manbaga koʻra, Istanbul grandi Shomurodovni hujum chizigʻida raqobatni kuchaytirish uchun maqbul nomzod sifatida ko‘rmoqda. Oʻtgan mavsum Turkiya chempionatini ikkinchi oʻrinda yakunlagan «Fenerbahche» yangi mavsum oldidan tarkibni kuchaytirish niyatida.

Shuningdek, 30 yoshli hujumchiga Turkiyaning yana bir klubi «Trabzonspor» ham qiziqish bildirmoqda. Bundan tashqari, Saudiya Arabistoni klublaridan ham Shomurodovga moliyaviy jihatdan ancha manfaatli takliflar borligi aytilmoqda.

Ma’lumot uchun, Shomurodov «Istanbul Bashakshehir» safida yakunlangan mavsumda Turkiya Superligasida 22 ta gol urib, 5 ta assist amalga oshirdi. Hujumchining ayni damdagi...

26-iyun uchun valyutalar kursi yangilandi. Unga ko‘ra, dollar kursi 10,88 so‘mga tushib, 12 013,52 so‘mni tashkil etdi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.

Dollarning so‘nggi kunlardagi o‘zgarishi

19-iyun kuni 33,51 so‘mga oshib, 12 085,56 so‘m, 22-iyun kuni 27,11 so‘mga tushib, 12 058,45 so‘m, 23-iyun kuni esa 68,19 so‘mga tushib, 11 990,26 so‘m bo‘ldi. 24-iyun kuni 26,78 so‘mga oshib, 12 017,04 so‘mni, 25-iyun kuni esa 7,36 so‘mga oshib, 12 024,40 so‘mni  tashkil etdi.

Markaziy bank ma’lumotlariga ko‘ra, yevro 6,88 so‘mga oshib, 13 649,76 so‘mni, rubl esa 0,46 so‘mga tushib, 169,95 so‘mni tashkil qildi.

Avvalroq Kursiv...

«Kafolat» sug‘urta kompaniyasi hamda Plum Technologies aksiyalari Toshkent fond birjasining kotirovka ro‘yxatiga qaytarildi. Qimmatli qog‘ozlar 2026-yil 25-iyundan savdolar uchun ochiladi.

Ma’lumotlarga ko‘ra, «Kafolat» sug‘urta kompaniyasining oddiy va imtiyozli aksiyalari birjada KFSK hamda KFSKP tikkerlari ostida savdo qilinadi. Ularning qimmatli qog‘oz kodlari mos ravishda UZ7001100005 va UZ700110K018 etib belgilangan.

Shuningdek, Plum Technologies kompaniyasining oddiy aksiyalari ham kotirovka ro‘yxatiga kiritildi. Ushbu aksiyalar PLTG tikkeri ostida savdo qilinadi. Qimmatli qog‘oz kodi — UZ7058490010.

«Kafolat» sug‘urta kompaniyasi

«Kafolat» aksiyalari fond birjasiga ikki yillik tanaffusdan so‘ng qaytmoqda. 2024-yil aprelida kompaniya aksiyalari aksiyadorlar arizasiga ko‘ra Toshkent fond birjasi kotirovka ro‘yxatidan chiqarilgan...

Toshkent shahrida yong‘inga qarshi alohida rejim doirasida bozorlar, savdo majmualari va xizmat ko‘rsatish obyektlarida taom tayyorlash uchun maishiy suyultirilgan gaz ballonlaridan foydalanish holatlariga yo‘l qo‘ymaslik topshirildi.

Poytaxt hokimining qaroriga ko‘ra, yoz mavsumida yong‘in xavfi yuqori bo‘lgani sababli shaharda 2026-yil 15-sentabrgacha «Yong‘inga qarshi alohida rejim» joriy etilgan.

Mazkur rejim doirasida mas’ullarga bozorlar, savdo majmualari va boshqa xizmat ko‘rsatish obyektlarida taom tayyorlash maqsadida maishiy suyultirilgan gaz ballonlaridan foydalanish holatlariga yo‘l qo‘ymaslik choralarini ko‘rish vazifasi yuklatilgan.

Shuningdek, umumiy ovqatlanish shoxobchalariga qonunchilik talablariga zid ravishda tabiiy gaz tarmoqlarini kiritish qat’iyan taqiqlanishi va bu borada nazorat kuchaytirilishi belgilangan.

Tadbirkorlar uchun bu nimani anglatadi