Yangiliklar

Qatar Airways aviakompaniyasi Boeing 777 rusumidagi barcha 54 ta samolyotini Starlink interneti bilan jihozladi. Bu haqda Avianews nashri xabar berdi.

Endi parvoz chog‘ida yo‘lovchilar nafaqat uchish yoki qo‘nish vaqtida, balki samolyot uchayotganda ham to‘liq va bepul internetdan foydalanishlari mumkin bo‘ladi.

Aviakompaniya bergan ma’lumotga ko‘ra, samolyot bortidagi internet tezligi 500 Mbit/s gacha yetadi. Bu ko‘rsatkich hozirda zamonaviy optik tolali internet tarmoqlariga teng va hattoki uydagidan tezroq ishlaydi. Signal kechikishi esa atigi 20 – 40 millisoniyani tashkil etadi.

Dastlab aviakompaniya bu tizimni 2 yil davomida joriy qilishni rejalashtirgandi, biroq muhandislar modernizatsiyani atigi 9 oyda yakunladi. Har bir samolyotni jihozlash ishlari odatdagi...

Bugun, 21-iyul kuni dollar kursi 25,21 so‘mga yuqorilab, 12 603,52 so‘mni qayd etdi. Bu haqda Markaziy bank  xabar bermoqda.

Dollar kursining so‘nggi besh kunlikdagi qiymati

30-iyun kuni dollar kursi 40,84 so‘mga oshib, 12 694,97 so‘mga yetdi. Bu hafta boshidagi eng yuqori ko‘rsatkichlardan biri bo‘ldi.

1-iyuldan boshlab dollar kursida bosqichma-bosqich pasayish boshlandi. 1-iyul kuni kurs 18,86 so‘mga kamayib, 12 676,11 so‘mni tashkil etdi. 2-iyulda esa eng katta tushish qayd etildi – dollar 84,4 so‘mga arzonlab, 12 591,71 so‘mga tushdi. 3-iyulda pasayish davom etdi, kurs yana 34,15 so‘mga kamayib, 12 557,56 so‘m bo‘ldi.

4-iyul kuni vaziyat o‘zgarib, dollar kursi 49,17 so‘mga ko‘tarilib...

O‘zbekiston Milliy gvardiyasi jamoasi «O‘tkir tig‘–2025» xalqaro snayperlar musobaqasida umumiy hisobda birinchi o‘rinni qo‘lga kiritdi. Musobaqa 12–20-iyul kunlari Xitoyning Shinjon-Uyg‘ur avtonom rayonida o‘tkazildi.

Musobaqada 25 ta davlatdan kelgan 45 ta jamoa ishtirok etgan. Bellashuv 4 ta asosiy yo‘nalishda o‘tkazildi va har bir yo‘nalish bo‘yicha alohida sovrinli o‘rinlar belgilandi.

O‘zbekiston jamoasi yakkalik va ekstremal sharoitdagi mashqlarda ham yuqori natijalar ko‘rsatib, jami 8 ta medal, 10 ta diplom, qimmatbaho sovg‘alar va musobaqa kubogi bilan taqdirlandi.

Musobaqada Vyetnam, Janubiy Koreya, Belorussiya, Rossiya, Ispaniya, Liviya, Qirg‘iziston, Qozog‘iston, Indoneziya, Vengriya va Kuba kabi davlatlar vakillari ham qatnashgan.

Eslatib o‘tamiz, «Kursiv» O‘zbekiston va Tojikiston fuqarolari...

Yangi Redmi K90 smartfonlari haqida muhim ma’lumotlar oshkor qilindi. Modellarda katta yangilanishlar bo‘ladi. Bu haqda Gizmochina xabar bermoqda.

Yangi liniyada barcha modellarga 50 MP teleobyektivli kamera, yangi ekran, metall ramka, ultratovushli barmoq skaneri va 7000 mA·soatdan ortiq batareya o‘rnatiladi. Katta ehtimol bilan batareya 7410 mA·soat bo‘ladi.

Shuningdek, smartfonlar 100 Vt tezkor quvvatlash va IP68 himoya darajasiga ega bo‘ladi. Bu funksiyalar Redmi K90 va K90 Pro modelida ham bo‘ladi.

Ularning asosiy farqi — protsessor platformasi bo‘ladi. K90 Pro modeli Snapdragon 8 Elite Gen 2, oddiy K90 esa biroz oddiyroq Snapdragon 8 Elite chipida ishlashi kutilmoqda.

Eslatib o‘tamiz, Kursiv Uzbekistan Redmi...

Oʻzbekiston milliy terma jamoasi va Moskvaning «SSKA» klubi futbolchisi Abbosbek Fayzullayev faoliyatini Turkiyada davom ettiradi. U Istanbulning «Bashakshehir» klubi bilan shartnoma imzoladi.

Fayzullayev yangi jamoasida 11-raqam ostida harakat qiladi. Uning transferi uchun turk klubi «SSKA»ga 7,5 million yevro toʻlagan. Yangi jamoasida u ikkinchi oʻzbekistonlik futbolchi boʻldi. Avvalroq «Bashakshehir» Eldor Shomurodovni «Roma» klubidan sotib olish sharti bilan ijaraga olgan edi.

Ma’lumot uchun, 21 yoshli Fayzullayev oʻtgan mavsum «SSKA» safida barcha musobaqalarda 39 ta oʻyinda maydonga tushib, 3 ta gol urdi va 8 ta golli uzatma amalga oshirdi.

Uning «armiyachilar» bilan amaldagi shartnomasi 2026-yilgacha moʻljallangan edi. Transfermarkt portali futbolchining bozor...

Shensi provinsiyasi hukumati Toshkent davlat transport universitetiga umumiy qiymati $1,8 millionga teng ta’lim granti ajratdi. Bu haqda Transport vazirligi xabar berdi.

Mazkur grant evaziga 10 nafar PhD, 40 nafar magistratura va 60 nafar bakalavriat talabasi Xitoyning Changan universitetida tahsil olish imkoniyatiga ega bo‘ladi.

Bundan tashqari, dasturlar 1+1 magistratura va 2+2 bakalavriat shaklida amalga oshiriladi.

Ushbu grant dasturi O‘zbekiston va Xitoy o‘rtasidagi ta’lim sohasidagi hamkorlikning muhim natijalaridan biri bo‘lib, yoshlarga xalqaro tajriba orttirish, zamonaviy bilim olish va nufuzli diplomga ega bo‘lish imkonini beradi.

Bundan oldin 2025/2026 o‘quv yilidan boshlab davlat OTMlarida bakalavriat va magistratura bosqichlariga ajratiladigan grant o‘rinlari tasdiqlangani...

Yevropa Ittifoqi kengashining 18-sanksiya paketiga muvofiq, Rossiyaning 22 banki va Rossiya to‘g‘ridan to‘g‘ri investitsiyalar jamg‘armasi (RTIJ) ustidan yangi moliyaviy cheklovlar o‘rnatildi. Bu haqda «Kommersant» nashri xabar berdi.

Ular orasida «T-Bank», «Surgutneftgazbank», «Yandeks-bank» va «Ozon-bank» ham bor.

Sanksiyalarga tushgan kredit tashkilotlarining ro‘yxati Yevropa Ittifoqining rasmiy jurnalida chop etildi. Unda quyidagilar ham ko‘rsatilgan: «Sankt-Peterburg» banki, «SentroKredit» banki, «Metkombank», «Severgazbank», «Genbank», «Bistrobank», «Energotransbank», «Tatsotsbank», «Finam», «Zenit», «Ekspobank», «Loko-bank», «DOM.RF», «Transstroybank», «MSP Bank», «Lanta-bank», «Bank 131», «RostFinans Bank».

Endi ushbu banklar bilan har qanday moliyaviy operatsiyalar, jumladan, ilgari SWIFT (Butunjahon banklararo moliyaviy telekommunikatsiya jamiyati) tizimidan uzilgan banklar bilan ham barcha bitimlar...

O‘zbekistonda shu yilning sentabr oyidan AI-80 markali benzinni ishlab chiqarishni to‘xtatish rejalashtirmoqda. Bu haqda «O‘zbekneftgaz» matbuot xizmati Kursiv Uzbekistan’ga ma’lum qildi.

Yil boshida jamoatchilik muhokamasi uchun «Oʻzbekiston – 2030» strategiyasi doirasida 2025-yilni «Atrof-muhitni asrash va «yashil» iqtisodiyot yili» sifatida belgilab, atrof-muhitni muhofaza qilishga qaratilgan davlat dasturi boʻyicha prezident farmoni loyihasi e’lon qilingandi.

Farmonga koʻra, 2025-yil oxirigacha «Yevro-4» ekologik toifasidan past boʻlgan motor yonilgʻisidan foydalanish va sotishni cheklash, shuningdek, respublikaning barcha hududlarida joylashgan issiqlik va elektr energiyasi ishlab chiqarish korxonalariga yonilgʻi sifatida mazutdan foydalanish taqiqlanishi kutilayotgani ma’lum qilingandi.

So‘ng 30-yanvar kuni qabul qilingan prezident farmoniga ko‘ra, Oʻzbekistonda 2025-yil oxirigacha Ai-80 benzini...

Rossiyaga kirishga uringan Tojikiston va O‘zbekiston fuqarolarining qurilmalarida radikal yoki ekstremistik kontent aniqlangan taqdirda mamlakatga kiritilmayapti. Bu holatlar TASS agentligi o‘rgangan 20 dan ortiq sud hujjatlarida qayd etilgan.

Hujjatlardan birida O‘zbekiston fuqarosiga Rossiyaga kirishga rad javobi berilgani keltirilgan. Sababi u radikal qarashdagi diniy blogerlar kanallarini va terroristik tashkilotlar faoliyati haqidagi videolarni ko‘rgan. Chegarachilar bunday holatlarni milliy xavfsizlikka tahdid deb baholagan.

Shuningdek, chegara nazoratidan o‘tmagan bir necha kishida Ukraina tarafdori bo‘lgan kanallarga obuna bo‘lish, Rossiya huquq-tartibot idoralari xodimlarining xatti-harakatlarini qoralangan yozishmalar aniqlangan.

Nashrga ko‘ra, bunday tekshiruvlar 2024-yil 22-mart kuni Crocus City Hallʼdagi teraktdan so‘ng kuchaytirildi. So‘nggi bir yarim yil...

Xorijiy investorlar kengashi huzurida yangi kotibiyat tashkil etiladi. Bu haqda prezident Shavkat Mirziyoyev tegishli qarorni qabul qildi.

Qarorga ko‘ra, kotibiyat nodavlat notijorat tashkiloti maqomida faoliyat yuritadi hamda investitsiya muhitini yaxshilash va xorijiy investorlarni jalb etishga qaratilgan takliflar ishlab chiqish bilan shugʻullanadi.

Mazkur kotibiyat xorijiy investorlar bilan bevosita ishlaydi, loyihalarni amalga oshirish uchun investitsiya mablagʻlarini jalb qilishda koʻmaklashadi.

Shuningdek, mahalliy va xorijiy kompaniyalar bilan maslahatlashuvlar oʻtkazadi va Kengash faoliyatini davlat idoralari bilan muvofiqlashtirib boradi. Yangi tashkilot tarkibiga xalqaro moliyaviy institutlar ham jalb qilinadi.

Shu bilan birga, prezident qarori bilan Xorijiy investorlar kengashining Oʻzbekiston tomoni tarkibi yangilandi. Ma’lumot uchun, Kengash...

O‘zbekiston birinchi prezidentining 26 yoshli nabirasi Maryam Tillayeva ikkinchi bor turmushga chiqishga tayyorlanmoqda. Uning bo‘lajak turmush o‘rtog‘i o‘zidan uch yosh kichik.

Tillayevaning aytishicha, ular ilk bor Fransiya Alp tog‘larida joylashgan Kurshevel tog‘ chang‘i kurortida uchrashgan. Shuningdek, u Instagram obunachilarini sevgiga ishonish va o‘zlariga sodiq qolishga chaqirdi.

«O‘zbekistonda o‘tkazgan uch kun ichida sen barcha do‘stlarimni, butun oilamni va meni so‘zsiz o‘zingga bog‘lab qo‘yding», – deb yozdi u Instagram sahifasida.

Ayrim manbalarga ko‘ra, Tillayevaning bo‘lajak turmush o‘rtog‘i Arnold Kazaryan ismli Rossiya fuqarosi. Uning birinchi turmush o‘rtog‘i esa «Dnevnik Xacha» blogining asoschisi Amiran Sardarov bo‘lgan.

2025-yilning birinchi yarmida Xitoyda Top – 100 talika kirgan brendlar tomonidan 7,2 mln dona avtomobil sotilgan. Shundan 4,5 mln donasi Xitoy brendlari hissasiga to‘g‘ri keladi.

Xitoy avtomobil bozorida 2025-yilning yanvar – iyun oylarida eng ko‘p sotilgan model Geely Xingyuan bo‘ldi. Olti oyda bu modeldan 204,9 ming dona sotilgan.

Ikkinchi o‘rinni BYD Seagull egalladi. Yilning dastlabki yarmida 174,9 ming dona sotilgan. Bu ko‘rsatkich o‘tgan yildagiga nisbatan 4,8 foiz ko‘p.

O‘tgan yilgi yetakchi Tesla Model Y bu safar uchinchi o‘rinda qayd etildi. Olti oyda 171,9 ming dona sotilgan. Biroq bu o‘tgan yilga nisbatan 16,9 foizga kam. Bunga raqobat kuchaygani sabab bo‘lishi...

Honda kompaniyasi Goodwood tezlik festivali doirasida o‘zining yangi elektromobili Honda Super EV Concept nomli kompakt krossoverni namoyish etdi. Bu haqda 4pda nashri xabar bermoqda.

U mashhur Yaponiyadagi N-One modeli asosida yaratilgan. Yangi kontsept avtomobil yopiq radiator panjarasi, zamonaviy old qismlar va yumaloq LED faralar bilan ajralib turadi. Texnik xususiyatlari hozircha oshkor etilmagan, ammo seriyali versiya N-One’ga o‘xshash o‘lchamda bo‘lishi kutilmoqda.

Super EV Concept Honda’ning yangi 0 Series elektromobil qatoriga kiradi. Bu liniyada kompaniya 2030-yilgacha yettita modelni taqdim etishni rejalashtirmoqda. Dastlab sedan va krossover, keyin esa mana shu kichikroq SUV ishlab chiqariladi.

Honda yangi modelni faqat Yaponiyaga emas, balki jahon...

Nepal Telekommunikatsiyalar boshqarmasi (NTB) mamlakatdagi barcha internet-provayderlarga Telegram ilovasiga kirishni taqiqladi. Ushbu chora onlayn firibgarlik va pul yuvish holatlarining ko‘paygani bilan izohlandi. Bu haqda The Kathmandu Post nashri xabar berdi.

«Telegram ilovasining onlayn firibgarlik va pul yuvishda suiiste’mol qilinayotgani inobatga olinib, barcha xizmat ko‘rsatuvchilarga mazkur platformaga kirishni zudlik bilan cheklash topshirildi», – deyiladi NTB e’lon qilgan bayonotda.

Bu qadam Nepal hukumati tomonidan ijtimoiy tarmoqlarga nisbatan qabul qilinayotgan ikkinchi yirik taqiq hisoblanadi. Avvalroq 2023-yil noyabr oyida TikTok ilovasi ham jamiyatga salbiy ta’sir ko‘rsatgani va zararli kontent tarqatilgani sababli taqiqlangandi.

Mazkur taqiq 2024-yil avgust oyida TikTok’ning...

Banklar 21-iyul sanasiga mo‘ljallangan yangi valyuta kurslarini e’lon qildi. Kursiv Uzbekistan ma’lumotlariga ko‘ra, dollarning eng past sotuv narxi va eng yuqori xarid kursi quyidagicha belgilangan.

AQSh dollari

Eng yuqori xarid kursi: 12 570 so‘m — «Mikrokreditbank»

Eng arzon sotuv kursi: 12 600 so‘m — «Asakabank»

Yevro

Eng yuqori xarid kursi: 14 420 so‘m — «NBU»

Eng arzon sotuv kursi: 14 670 so‘m — «Infinbank»

Rossiya rubli

Eng yuqori xarid kursi: 150 so‘m — «Hamkorbank», «Kapitalbank»

Eng arzon sotuv kursi: 161 so‘m — «Infinbank»

Ma’lumot o‘rnida, valyuta kurslari kun davomida o‘zgarib turishi mumkin. Yangilangan narxlar banklarning rasmiy saytlarida...

Koreya Aerokosmik boshqarmasi (KASA) yangi milliy kosmik tadqiqot yo‘l xaritasini e’lon qildi. Bu haqda The Korea Times nashri ma’lum qildi.

Rejaga ko‘ra, mamlakat 2045-yilgacha Oyda ilk iqtisodiy bazasini barpo etishni maqsad qilgan.

KASA Oyga qo‘nish, harakatlanish va resurslardan foydalanish bo‘yicha texnologiyalarni ishlab chiqmoqda. 2040-yilgacha logistikaga xizmat qiluvchi Oy qo‘nuvchisi yaratiladi, 2045-yilgacha esa to‘laqonli Oy bazasi quriladi.

Bundan tashqari, Quyosh faoliyatini kuzatish, chuqur koinotni o‘rganish kabi loyihalar ham rejada mavjud. 2035-yilgacha Quyoshni kuzatuvchi sun’iy yo‘ldoshni Lagrange L4 nuqtasiga uchirish rejalashtirilgan.

Eslatib o‘tamiz, avvalroq NASA suyuq yonilg‘ini saqlash uchun yangi sovitish tizimini sinovdan o‘tkazayotgani haqida yozgan edik.

Qozog‘iston va Rossiya hamkorligida amalga oshirilayotgan «Bayterek» loyihasi xalqaro kosmik xizmatlar bozorida faol ishtirok etishni ko‘zlamoqda. Bu haqda Tass agentligi ma’lum qildi.

Loyiha asosida ishlab chiqilgan «Soyuz-5» raketasi geotranzit va Quyoshga sinxron orbitaga yuklarni chiqarish imkoniyati bilan ajralib turadi.

Mutaxassislarning prognoziga ko‘ra, kelgusi 10 yil davomida har yili 3700 ga yaqin sun’iy yo‘ldosh uchiriladi. Shunday sharoitda «Bayterek» majmuasi global miqyosda talabgir bo‘lishi kutilmoqda.

«Soyuz-5» raketasining ilk sinov parvozi 2025-yil dekabrida Baykonur kosmodromida amalga oshiriladi. Hozirda Qozog‘iston Yer infratuzilmasini tayyorlamoqda, Rossiya esa raketa texnologiyasini ishlab chiqmoqda. Loyiha doirasida aloqa va Yer kuzatuvi sun’iy yo‘ldoshlarini uchirish ham rejalashtirilgan.

Eslatib o‘tamiz, avvalroq...

Milliy statistika qo‘mitasi ma’lumotlariga ko‘ra, 2025-yilning yanvar – may oylarida 15,8 ming nafar O‘zbekiston fuqarosi Vyetnamga turistik maqsadlarda safar qilgan.

Ma’lum qilinishicha, bu ko‘rsatkich o‘tgan yilning mos davriga nisbatan 11,5 ming nafarga yoki 3,7 baravarga ko‘p.

Mazkur davlatga borgan fuqarolarning safar maqsadlari quyidagicha taqsimlangan:

Bundan oldin o‘zbekistonliklarning katta qismi qo‘shni davlatlarga sayohat qilayotgani haqida yozgandik.

Unga ko‘ra, eng ko‘p sayohat Qirg‘izistonga bo‘lib, 1,190 mln nafar fuqaro safar qilgan. Tojikiston 502 ming kishi bilan ikkinchi o‘rinda, Qozog‘iston esa...

Bugun, 21-iyul kuni soat 10:38 da Qirg‘iz Respublikasining O‘sh viloyatida 4 ballik zilzila sodir bo‘ldi.

Respublika Seysmoprognostik monitoring markazi ma’lumotlariga ko‘ra, zilzila magnitudasi 3,7 ballni tashkil etgan. Yer silkinishining chuqurligi 10 km bo‘lib, episentr Toshkent shahridan 348 km janubiy-sharqda joylashgan.

Zilzila O‘zbekiston hududida ham sezildi:

Episentr koordinatalari: 40,66° shimoliy kenglik, 73,28° sharqiy uzunlik.

Avvalroq Kursiv Uzbekistan Buxoroda zilzila sodir bo‘lgani haqida xabar bergan edi.

Jahon bankining Global Findex 2025 hisobotiga ko‘ra, O‘zbekistonda moliyaviy hisobga ega bo‘lgan xotin-qizlarning ulushi 2017-yildagi 28 foizdan 2024-yilda 50 foizgacha oshgan. Tadqiqotda bank hisoblari bilan bir qatorda mobil hisoblar ham inobatga olingan. Ushbu hujjat namunasi Kursiv Uzbekistan’da mavjud.

Mobil ilovalar orqali moliyaviy xizmatlardan foydalanish ham sezilarli darajada kengaydi. 2024-yilda katta yoshdagilar orasida 24 foizi mobil hamyonlardan foydalangan, 2017-yilda bu ko‘rsatkich atigi 5 foizni tashkil etgan.

Ayniqsa, mobil xizmatlar qishloq joylarda ommalashmoqda, chunki bu hududlarda an’anaviy banklar faoliyati sustroq.

Shuningdek, so‘nggi 12 oyda O‘zbekiston aholisining 34 foizi raqamli to‘lovlar amalga oshirgan.

Global Findex ma’lumotlari Jahon banki tomonidan 2011-yildan beri 120 dan...

2025-yilgi Xalqaro matematika olimpiadasi (IMO)da OpenAI kompaniyasining yangi LLM modeli mustaqil ravishda qatnashib oltin medal darajasidagi natijani qayd etdi. Bu haqda kompaniya tadqiqotchisi Aleksandr Vey ma’lum qildi.

Tajriba doirasida model IMO’ning rasmiy savollariga javob bergan. Umumiy oltita murakkab masaladan beshtasini to‘liq yechib, 42 balldan 35 ball to‘pladi. Model tabiiy til orqali izohlangan, tushunarli va to‘liq javoblar taqdim etgan, bunda internet yoki tashqi vositalardan foydalanilmagan.

Bu natija IMO tarixida sun’iy intellekt tomonidan erishilgan eng yuqori ko‘rsatkich bo‘ldi.

OpenAI vakillarining so‘zlariga ko‘ra, model IMO savollariga maxsus tayyorlanmagan. Boshqa tadqiqotchi Noam Braun bu yutuqni sun’iy intellektning yangi bosqichi sifatida ta’kidladi.

Avvalroq...

Ikki karra Olimpiya chempioni Hasanboy Do‘stmatov Bishkekda o‘tgan boks kechasida filippinlik Mark Antonio bilan jang qildi. Ochkolar hisobiga ko‘ra Do‘stmatov g‘alaba qozonib, professional boksdagi yettinchi g‘alabasini qo‘lga kiritdi.

Sakkiz raundga mo‘ljallangan bellashuv yakunida hakamlar bir ovozdan g‘alabani Do‘stmatovga berdi. Bu Hasanboyning professional boksdagi ketma-ket yettinchi g‘alabasi bo‘ldi.

Avvalroq Kursiv Uzbekistan Usik Dyuba ustidan nokaut bilan g‘alaba qozonib, uch karra jahon chempioniga aylangani haqida xabar bergan edi.

19-iyul kuni Londondagi «Uembli» stadionida ukrainalik bokschi Aleksandr Usik britaniyalik raqibi Daniel Dyubani beshinchi raundda nokautga uchratib, professional boksda uchinchi bor mutlaq jahon chempioni bo‘ldi.

Bugun, 21-iyul kuni tongda Toshkent shahrining Olmazor tumanida joylashgan omborxonalardan biridan havoga o‘tkir oltingugurt hidi tarqalgan. Bu haqda Favqulodda vaziyatlar vazirligi (FVV)ga xabar qilingan.

So‘ng vazirlikning Radiatsion, kimyoviy va tibbiy-biologik himoya bo‘limlari zudlik bilan voqea joyiga yetib borgan. Aniqlanishicha, omborxonada saqlanayotgan sig‘imlardan biri orqali perekis vodorod moddasi ochiq havoga sizib chiqqan.

Tegishli xizmatlar tomonidan favqulodda vaziyat soat 04:00 ga kelib to‘liq bartaraf etilgan. FVV holat to‘liq nazoratga olinganini ma’lum qildi. Hozirda mutasaddilar tomonidan surishtiruv ishlari olib borilmoqda.

Avvalroq Kursiv Uzbekistan Navoiyda havo ifloslanishi bo‘yicha tekshiruv boshlangani haqida yozgandi.

19-iyul kuni ertalab «Navoiyazot» AJ atrofida o‘tkazilgan tahlillarda havoda...

Centrum Air aviakompaniyasi o‘zining navbatdagi o‘rta masofali Airbus A321neo samolyotini qabul qilib oldi. Bu haqda kompaniya Kursiv Uzbekistan’ga ma’lum qildi.

Yangi samolyot xaridi bilan kompaniya aviaparki 11 taga yetdi, ulardan beshtasi zamonaviy NEO oilasiga mansub.

UK32132 raqamli yangi A321-253NX samolyoti Germaniyaning Gamburg shahridagi Airbus zavodida ishlab chiqarilgan. U barcha zavod va uchuv sinovlaridan muvaffaqiyatli o‘tgan. Bundan tashqari, joriy yilning 8-iyul kuni samolyot 2 soat 25 daqiqa davomida sinov parvozini amalga oshirgan.

Shuningdek, u CFMI LEAP-1A33 rusumidagi zamonaviy dvigatellarga ega bo‘lib, ular yonilg‘ini tejaydi va shovqin darajasini kamaytiradi. Yangi layner kompaniyaning brend ranglarida bo‘yalgan va tez orada xalqaro hamda mintaqaviy...