3-iyun kuni O‘zbekistonning ayrim joylarida qisqa muddatli yomg‘ir yog‘ishi va momaqaldiroq kuzatilishi mumkin. Harorat kunduzi 26–38°, kechasi esa 12–25° oralig‘ida bo‘ladi. Tog‘oldi va tog‘li hududlarda yomg‘ir kuchliroq bo‘lishi, sel-suv toshqin xavfi saqlanib qolishi mumkin.
Quyida 3-iyun uchun ob-havo ma’lumotlari jadval ko‘rinishida:
Eslatib o‘tamiz, 2 – 5-iyun kunlari 9 ta hududda sel xavfi yuzaga kelishi mumkinligi haqida yozgan edik.
Islomning beshinchi ustuni bo‘lgan haj ibodati jismoniy va moddiy qurbi yetgan har bir musulmon uchun umrida bir marta ado etilishi lozim bo‘lgan farz amal sanaladi. Kursiv Uzbekistan 2026-yilgi haj mavsumi qanday o‘tayotgani, muqaddas maskanlarda hukm surayotgan muhit va millionlab ziyoratchilarning ibodat jarayonini aks ettiruvchi fotolarni jamladi.
Ziyoratchilar haj ziyorati doirasidagi shaytonga tosh otish marosimining birinchi kunida Saudiya Arabistonining Mina vodiysi bo‘ylab harakatlanmoqda.
Makka shahridagi Jabal an-Nur tog‘iga tashrif buyurgan ziyoratchi qoyalar orasidan o‘tmoqda. Ushbu tog‘dagi Hiro g‘ori Islom e’tiqodiga ko‘ra, Muhammad (S.A.V)ga Jabroil orqali Qur’onning ilk oyatlari nozil qilingan maskan hisoblanadi.
Ziyoratchilar Makka shahridagi Jabal an-Nur tog‘ida ibodat qilmoqda.
Makka...
Shavkat Mirziyoyev va Rossiya prezidenti Vladimir Putin O‘zbekiston hududida atom elektr stansiyasi qurilishini boshlash marosimida ishtirok etadi. Bu haqda Kreml matbuot xizmati ma’lum qildi.
Unga ko‘ra, 4-iyun kuni Sankt-Peterburg shahrida Vladimir Putin Shavkat Mirziyoyev bilan muzokaralar o‘tkazadi. Uchrashuv davomida ikki davlat rahbari videokonferensiya formatida O‘zbekistondagi integratsiyalashgan atom elektr stansiyasining birinchi energiya blokini qurishga rasman start beradi.
Shuningdek, Mirziyoyev 4 – 5-iyun kunlari bo‘lib o‘tadigan Sankt-Peterburg xalqaro iqtisodiy forumi (SPIEF)da ham qatnashadi. Forum yalpi majlisida O‘zbekiston rahbari bilan bir qatorda Tanzaniya prezidenti Samia Suluhu Hassan, Xitoy Xalq Respublikasi raisi o‘rinbosari Xan Chjen hamda Saudiya Arabistoni energetika vaziri Abdulaziz bin...
Meta kompaniyasi Instagram va Facebook’da serial tarzda joylashtiriladigan videolarni kuzatishni osonlashtiruvchi yangi «Series» funksiyasini sinov tariqasida ishga tushirdi. Bu haqda Tech Crunch nashri ma’lum qildi.
Unga ko‘ra, yangi imkoniyat dastlab tanlab olingan kontent yaratuvchilari uchun taqdim etilmoqda. Ular yangi yoki avval e’lon qilingan Reels videolarini yagona turkumga birlashtirib, har bir videoni alohida epizod sifatida taqdim etishi mumkin bo‘ladi.
Meta’ning ta’kidlashicha, funksiya foydalanuvchilarga videolarni ketma-ket va tartibli tomosha qilish imkonini beradi. Mualliflar esa qo‘llanmalar, marafonlar va boshqa epizodik kontentlarni qulayroq tarzda joylashtira oladi.
Foydalanuvchilar lenta yoki Reels bo‘limida turkumdagi videolardan biriga duch kelganda, butun seriyani ochib ko‘rishi, keyinroq tomosha...
Buxorodagi «Olot» chegara-bojxona postida o‘rik qoqisi yukiga yashirilgan qariyb 13 kilogramm geroinning Afg‘onistondan Rossiyaga noqonuniy olib o‘tilishiga chek qo‘yildi. Bu haqda Bojxona qo‘mitasi xabar berdi.
Ma’lum qilinishicha, 30-may kuni «Olot» chegara-bojxona posti orqali harakatlangan transport vositasi inspeksion ko‘rik majmuasida tekshirilgan. Rentgen tasvirlarini tahlil qilish jarayonida bojxona xodimlari yuk tarkibidagi shubhali holatlarni aniqlagan.
Shundan so‘ng tirkamadagi 18,6 tonna qadoqlangan o‘rik qoqisi belgilangan tartibda va xolislar ishtirokida batafsil ko‘zdan kechirilgan. Tekshiruv davomida 13 ta qog‘oz quti ichida o‘rik qoqisiga o‘xshatib tayyorlangan hamda mahsulotlar orasiga yashirilgan moddalar borligi aniqlangan.
Ekspert-kriminalistika xulosasiga ko‘ra, ushbu moddalar umumiy og‘irligi qariyb 13 kilogramm bo‘lgan geroin...
Yoz mavsumidagi yuqori harorat tufayli Qirg‘izistonda og‘ir yuk mashinalari harakatiga vaqtinchalik cheklovlar qo‘llanadi. Bu haqda Transport vazirligi ma’lum qildi.
Qirg‘iziston Transport va kommunikatsiyalar vazirligi ma’lumotiga ko‘ra, 2026-yil 1-iyundan boshlab yoz mavsumi yakuniga qadar havo harorati +28 darajadan yuqori bo‘lgan kunlarda yuk avtomobillari harakati kunduzi cheklanadi.
Mazkur tartib, ayrim istisnolardan tashqari, to‘liq ruxsat etilgan og‘irligi 18 tonnadan ortiq bo‘lgan yuk transport vositalariga nisbatan tatbiq etiladi.
Cheklovlardan ko‘zlangan asosiy maqsad yo‘l qoplamalarini yuqori haroratning salbiy ta’siridan himoya qilish hamda ularning xizmat muddatini uzaytirishdan iborat.
Shu munosabat bilan Qirg‘iziston hududi orqali qatnovni amalga oshiruvchi milliy tashuvchilar va logistika kompaniyalariga...
O‘zbekiston tomonidan Afg‘oniston agrar sektorini qo‘llab-quvvatlash maqsadida qishloq xo‘jaligi ekinlari urug‘liklari beg‘araz yordam sifatida topshirildi. Bu haqda Qishloq xo‘jaligi vazirligi ma’lum qildi.
Qishloq xo‘jaligi vazirligi huzuridagi Urug‘chilikni rivojlantirish markazi tomonidan Afg‘oniston fermerlari va agrar tuzilmalariga qishloq xo‘jaligi ekinlari urug‘liklari yetkazib berildi.
Yordam doirasida ob-havo sharoitlariga chidamli va sertifikatlangan 20 tonna chigit hamda 20 tonna sholi urug‘lari topshirildi. Shuningdek, 500 kilogramm miqdorida sabzavot va poliz ekinlarining saralangan, yuqori sifatli urug‘lari ham yetkazib berilgan.
Mazkur amaliy yordam Afg‘onistonda oziq-ovqat xavfsizligini mustahkamlash, qishloq joylarda bandlikni oshirish hamda agrar sohada innovatsion yondashuvlarni joriy etishga xizmat qilishini ta’kidlanmoqda.
Eslatib o‘tamiz, avvalroq Oʻzbekiston Qurbon...
Tojikistonning Xo‘jand shahrida kuchli shamol oqibatida havo shari nazoratdan chiqib, bir nechta uylarga urilishi oqibatida uch kishi jarohat oldi. Ulardan biri O‘zbekiston fuqarosi, deya xabar bermoqda Asia plus.
Voqea 1-iyun kuni kechqurun Kamoli Xo‘jandiy nomidagi teatr yaqinida sodir bo‘lgan. Havo shari «Farovon» kompaniyasi tomonidan Xalqaro bolalarni himoya qilish kuni munosabati bilan olib kelingan. Shar kuchli shamol va yetarlicha mustahkamlanmaganligi sababli boshqaruvdan chiqib ketgan.
Xo‘jand shahar 1-sonli shifoxonasining ma’lumotiga ko‘ra, hodisadan so‘ng ikki nafar jabrlanuvchi tibbiy muassasaga olib kelingan. Ular 46 yoshli O‘zbekiston fuqarosi Rustam Sidaliev hamda Xo‘jand shahrida yashovchi 40 yoshli Firuza Tursunova ekani bildirildi.
Ma’lum qilinishicha, Rustam...
«Sanepidqo‘mita» ma’lumotiga ko‘ra, Ebola virusining O‘zbekistonda tarqalish xavfi past. Mamlakatda epidemiologik vaziyat barqaror.
Ebola og‘ir yuqumli kasallik bo‘lib, asosan, Afrika davlatlarida uchraydi. Joriy yilda Afrikada Ebola bilan kasallanish bo‘yicha 263 ta tasdiqlangan holat qayd etilgan. Kongo Demokratik Respublikasi epidemiya markazi hisoblanmoqda.
JSST Ebola global pandemiya keltirib chiqarish ehtimolini past deb baholamoqda.
«Kasallikni mamlakatimizga kirib kelishini oldini olish maqsadida Sanitariya-epidemiologik osoyishtalik va jamoat salomatligi qo‘mitasi mutaxassislari tomonidan davlat chegaralarida kirib kelayotgan fuqarolar tibbiy kuzatuvi olib borilmoqda», – deyiladi xabarda.
Shuningdek, fuqarolardan virus faol tarqalgan mamlakat va hududlarga bormaslik so‘ralmoqda. Ebola kasallangan odam yoki hayvonning tana...
Toshkentdan Qirg‘izistonning Issiqko‘l hududiga mavsumiy avtobus qatnovlari yo‘lga qo‘yildi. Bu haqda Transport vazirligi ma’lum qildi.
Joriy yilning 8-iyunidan boshlab Uzautotrans Service MChJ tomonidan Toshkent — Cho‘lpon-ota (Issiqko‘l) yo‘nalishida mavsumiy avtobus qatnovlari tashkil etiladi. «Toshkent» avtovokzalidan avtobuslar iyun oyining juft kunlarida jo‘nab ketadi, Issiqko‘ldan Toshkentga qaytish reyslari esa toq kunlarda amalga oshiriladi.
Qatnovlar zamonaviy Yutong avtobuslarida bajariladi. Avtobuslar har kuni soat 15:00 da «Toshkent» avtovokzalidan yo‘lga chiqadi. Yo‘nalish bo‘yicha chipta narxi 365 ming so‘m etib belgilangan.
Qo‘shimcha ma’lumot olish uchun +998 71 207-87-00, +998 94 131-99-99 va +998 88 666-15-15 telefon raqamlariga murojaat qilish mumkin.
Eslatib o‘tamiz, avvalroq Chimyon...
Samarqand viloyatining Paxtachi tumanida elektromopedning «Narpay» kanaliga tushib ketishi oqibatida 4 nafar voyaga yetmagan bola halok bo‘ldi. Bu haqda Favqulodda vaziyatlar vazirligi ma’lum qildi.
Unga ko‘ra, hodisa 31-may kuni soat 20:25 da Paxtachi tumani «Ukrach» MFY hududidan oqib o‘tuvchi «Narpay» kanalida sodir bo‘lgan. «112» tizimi orqali kelib tushgan xabarda yuk tashishga mo‘ljallangan elektromoped haydovchisi boshqaruvni yo‘qotib, unda bo‘lgan fuqarolar bilan birga kanalga tushib ketgani bildirilgan.
Voqea joyiga yetib borgan qutqaruvchilar kanalga tushib ketgan 8 nafar fuqarodan 4 nafari hodisa guvohlari va mahalliy aholi tomonidan qutqarib qolinganini aniqlagan. Shundan so‘ng suvda keng ko‘lamli qidiruv-qutqaruv ishlari tashkil etilgan.
Qutqaruvchilar va...
Davlat budjeti hisobidan davolanish uchun fuqaro avvalo o‘zi biriktirilgan oilaviy poliklinikaga murojaat qilishi va shifokor ko‘rigidan o‘tishi kerak. Bu haqda Sog‘liqni saqlash vazirligi ma’lum qildi.
Unga ko‘ra, bemor biriktirilgan oilaviy shifokor ko‘rigidan o‘tadi. Shundan so‘ng bir ish kuni ichida tuman yoki shahar tibbiyot muassasasidagi tor soha mutaxassisiga yuboriladi.
Tor soha mutaxassisi bemorni amaldagi klinik protokollar asosida tekshiradi va davolanish zaruratini baholaydi.
Agar bemorga tuman yoki shahar darajasidagi shifoxonada statsionar davolanish kerak bo‘lsa, elektron tizim orqali yo‘llanma rasmiylashtiriladi.
Davolanish hududiy yoki respublika darajasidagi tibbiyot muassasasida o‘tkazilishi kerak deb topilsa, murojaat tibbiy tanlov komissiyasiga yuboriladi.
Hududiy komissiya bemor hujjatlarini bir...
Xiaomi o‘z smartfonlarida Apple’ning AirDrop texnologiyasi bilan mos ishlovchi yangi funksiyani joriy etishini bildirdi. Bu haqda kompaniya X ijtimoiy tarmog‘ida ma’lum qildi.
Yangilik Xiaomi foydalanuvchilariga iPhone va boshqa Apple qurilmalariga fayllarni to‘g‘ridan to‘g‘ri yuborish imkonini beradi.
Kompaniya ma’lumotiga ko‘ra, fayl almashish Quick Share xizmati orqali amalga oshiriladi. Endilikda Xiaomi qurilmasidan rasm, video va boshqa hujjatlarni yuborishda yaqin atrofdagi Apple qurilmalari ham qabul qiluvchi sifatida ko‘rinishi mumkin.
Hozircha yangi imkoniyat qaysi smartfon modellari uchun taqdim etilishi to‘liq ochiqlanmagan. Ma’lum bo‘lishicha, funksiya avvalo Xiaomi 17T Pro modelida ishlaydi. Qolgan qurilmalar uchun esa HyperOS tizimi yangilanishlari orqali bosqichma-bosqich joriy etilishi kutilmoqda.
Avvalroq...
Kimyo sanoatida yangi loyihalar sonining ortishi munosabati bilan 35 ta oliy ta’lim muassasasining professor-o‘qituvchilari va kafedra mudirlari ishlab chiqarish loyihalariga biriktirildi. Bu haqda prezident matbuot xizmati ma’lum qildi.
Yig‘ilishda qayd etilishicha, suvda eriydigan o‘g‘itlar, polimerlar, maishiy va noorganik kimyo yo‘nalishlarida amalga oshirilishi rejalashtirilgan yirik loyihalar natijasida nanokimyo, «yashil» kimyo, supermolekulyar kimyo hamda SI asosida kimyoviy modellashtirish kabi zamonaviy yo‘nalishlar bo‘yicha mutaxassislarga talab ortadi.
Shu munosabat bilan kimyo sohasi uchun kadrlar tayyorlaydigan 35 ta oliy ta’lim muassasasining professor-o‘qituvchilari va kafedra mudirlari aniq loyihalarga biriktirildi. Shuningdek, yangi o‘quv yilidan boshlab sohaning ehtiyojlaridan kelib chiqib kadrlar tayyorlash tizimini yo‘lga qo‘yish zarurligi...
Toshkent kimyo-texnologiya instituti va Mendeleyev nomidagi kimyo-texnologiya universitetining Toshkent filiali poytaxtda tashkil etiladigan 60 gektarlik kimyo sanoati innovatsion klasteri hududiga ko‘chiriladi. Bu haqda Shavkat Mirziyoyev kimyo sanoatini rivojlantirish yuzasidan yig‘ilishda ma’lum qildi.
Sohada ta’lim, ilmiy tadqiqotlar, laboratoriyalar va startaplarni o‘z ichiga olgan yaxlit tizim yaratish rejalashtirilmoqda. Buning uchun Toshkent shahrining Mirzo Ulug‘bek tumanida joylashgan 60 gektar yer maydonida Kimyo sanoati uchun innovatsion ilmiy-ishlab chiqarish va ta’lim klasteri tashkil etiladi.
Mazkur klaster hududida Janubiy Koreya bilan hamkorlikda Kimyo texnologiyalari innovatsiya markazi barpo qilinadi. Markazda amalga oshiriladigan tajriba-sinov ishlari bilan bog‘liq xarajatlarning 50 foizi qoplab berilishi belgilandi.
Shuningdek, kelgusi yil...
Janubiy Koreyaga ishga yuborish bilan bog‘liq 10 ta firibgarlik holati fosh etildi. Bu haqda Bosh prokuratura huzuridagi Departament ma’lum qildi.
Xabar berilishicha, Koson tumanida «I.A.» MCHJ rahbari 48 nafar fuqaroning ishonchiga kirgan. U yuqori lavozimlarda ishlovchi tanishlari orqali ularni Koreya Respublikasiga ishga yuborishini aytgan. Buning evaziga jami $384 ming talab qilgan. Tekshiruvda ushbu summadan $28,8 ming firibgarlik yo‘li bilan qo‘lga kiritilgani aniqlangan. Ushbu mablag‘ hisobidan 5 mln so‘m qaytarilgani protsessual tartibda rasmiylashtirilgan.
Sherobod tumanida fuqaro 2 nafar fuqaroni Migratsiya agentligida ishlovchi tanishlari orqali Koreyaga ishga yuborishini aytib, $24 mingni firibgarlik yo‘li bilan olgani aniqlangan. Navoiy viloyatida esa fuqaro...
3-iyun uchun valyutalar kursi yangilandi. Unga ko‘ra, dollar kursi 14,39 so‘mga tushib, 11 934,64 so‘mni tashkil etdi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.
22-may kuni 54,96 so‘mga tushib, 12 021,22 so‘mni tashkil etdi. 25-may kuni dollar kursi 41,58 so‘mga tushib, 11 979,64 so‘m, 26-may kuni esa 18,19 so‘mga oshib, 11 997,83 so‘m bo‘ldi. 1-iyun kuni 4,11 so‘mga oshib, 12 001,94 so‘mni, 2-iyun kuni esa 52,91 so‘mga tushib, 11 949,03 so‘mni tashkil etgan edi.
Markaziy bank ma’lumotlariga ko‘ra, yevro 25,12 so‘mga tushib, 13 896,69 so‘mni, rubl esa 2,14 so‘mga tushib, 164,14 so‘mni tashkil...
Andijon viloyatida soliq keshbeklari bilan bog‘liq yirik firibgarlik holati aniqlandi. Huquqni muhofaza qiluvchi organlar ma’lumotiga ko‘ra, bir guruh shaxslar soxta savdo operatsiyalari orqali Davlat budjetidan 35,1 milliard so‘mdan ortiq mablag‘ni noqonuniy ravishda o‘zlashtirgan.
Tergov materiallariga ko‘ra, gumonlanuvchilar uch nafar fuqaro nomiga jami to‘qqizta korxona tashkil etib, amalda bajarilmagan savdo bitimlari bo‘yicha 1,1 trillion so‘mlik elektron hisob-fakturalarni rasmiylashtirgan. Shundan so‘ng mahsulotlar go‘yoki aholiga sotilgandek ko‘rsatilib, onlayn nazorat-kassa tizimlari orqali xarid cheklari shakllantirilgan.
Natijada 100 mingdan ortiq fuqarolar nomiga Soliq ilovasi orqali keshbek mablag‘lari hisoblangan va budjetdan katta miqdordagi mablag‘lar chiqarib olingan.
Tergov davomida ayrim mas’ul shaxslar tomonidan shubhali operatsiyalar yuzasidan...
Qashqadaryo va Sirdaryo viloyatlarida umumiy qiymati $514 mlnlik yangi o‘g‘it ishlab chiqarish loyihalari ishga tushiriladi. Bu haqda Shavkat Mirziyoyev raisligida kimyo sanoatini rivojlantirish yuzasidan videoselektor yig‘ilishida ma’lum qilindi.
Unda mintaqada maishiy kimyo mahsulotlari bozorining hajmi $2 mlrdga yetishi qayd etildi. Ta’kidlanishicha, «Angren» erkin iqtisodiy zonasida faoliyat yuritayotgan korxona dunyoga mashhur «Henkel» kompaniyasi bilan hamkorlikni yo‘lga qo‘ygan. Hozirda kompaniya ushbu korxonani sotib olib, ishlab chiqarilgan mahsulotlarni MDH davlatlariga eksport qilmoqchi.
Bunday loyihalarni ko‘paytirish maqsadida poytaxtdagi sanoat zonalaridan biridagi maydonlar maishiy kimyo yo‘nalishidagi loyihalar uchun ajratiladi. Shuningdek, ishga tushirilgan korxonalarni brendi bilan birga tayyor daromadli biznes sifatida xususiy sektorga sotish...
«Navoiyazot» hududida yuqori qo‘shilgan qiymatli mahsulotlar ishlab chiqarishga qaratilgan umumiy qiymati $1 mlrdlik 10 ta yangi kimyo loyihasi amalga oshirilishi rejalashtirilmoqda. Bu haqda prezident raisligidagi kimyo sanoatini rivojlantirish yuzasidan videoselektor yig‘ilishida ma’lum qilindi.
Unda mamlakatda yiliga 1,5 mln tonna ammiakli selitra ishlab chiqarilishi va buning uchun 1,07 mlrd kub metr gaz sarflanayotgani qayd etildi. Ta’kidlanishicha, rivojlangan davlatlar qishloq xo‘jaligida karbamid va suvda eruvchan o‘g‘itlardan, tog‘-kon sanoatida esa g‘ovaksimon selitradan keng foydalanishga o‘tmoqda.
Mutaxassislar hisob-kitoblariga ko‘ra, ammiakli selitra bilan tannarxi deyarli bir xil bo‘lgan g‘ovaksimon selitra ishlab chiqarilganda qo‘shilgan qiymat ikki baravar yuqori bo‘ladi. Shu bois mutasaddilar va kimyo...
Rossiya aviakerosin eksportiga 2026-yil 30-noyabrgacha vaqtincha taqiq joriy qildi. Bu haqda mamlakat hukumati saytida ma’lum qilindi. Kursiv Uzbekistan Energetika vazirligi matbuot xizmatidan izoh oldi.
Vazirlikka ko‘ra, ushbu vaqtinchalik taqiq xalqaro hukumatlararo bitimlar doirasidagi kelishuvlarga tatbiq qilinmasligi qayd etilgan. O‘zbekiston va Rossiya o‘rtasida shunday hukumatlararo bitim mavjud. Shu bois Rossiya tomonidan joriy etilgan cheklov O‘zbekistonga aviatsiya yoqilg‘isi importiga ta’sir qilmaydi.
Taqiq birja savdolari orqali xarid qilingan aviayonilg‘iga ham taalluqli bo‘ladi. Qarorda bu chora ichki yonilg‘i bozoridagi barqarorlikni ta’minlash uchun qabul qilingani qayd etilgan. Shu bilan birga, ayrim holatlar uchun istisnolar ham belgilangan.
Xususan, yo‘lda bo‘lgan havo kemalarining texnologik sig‘imlaridagi yonilg‘i...
O‘zbekistonda kimyo mahsulotlari importi yiliga $4,5 mlrdga yetdi. Bu haqda Shavkat Mirziyoyev raisligidagi kimyo sanoatini rivojlantirish yuzasidan videoselektor yig‘ilishida ma’lum qilindi.
Unda mamlakat iqtisodiyoti jadal rivojlanayotgani, so‘nggi yillarda sanoat tarmoqlarida 3 ming turdagi yangi mahsulot ishlab chiqarish yo‘lga qo‘yilgani ta’kidlandi.
Yig‘ilishda qayd etilishicha, bundan 9 – 10 yil avval O‘zbekistonda kimyo mahsulotlarining asosiy qismini mineral o‘g‘itlar tashkil etgan. O‘tgan davrda sohaga $8,3 mlrd investitsiya jalb qilinib, 87 ta yirik ishlab chiqarish quvvati ishga tushirildi. Natijada PVX, «yashil» vodorod, ko‘pikli polipropilen, BOPP plyonka kabi 60 dan ortiq yuqori qo‘shilgan qiymatli yangi mahsulotlarni ishlab chiqarish yo‘lga qo‘yildi.
Mazkur loyihalar iqtisodiyotning...
O‘zbekiston milliy terma jamoasining FIFAga taqdim etilgan 2026 yilgi jahon chempionati uchun yakuniy qaydnomasi ma’lum bo‘ldi. Bu haqda O‘FA xabar berdi.
E’lon qilingan ro‘yxatga ko‘ra, terma jamoaning yakuniy tarkibidan 26 nafar futbolchi o‘rin oldi. Qaydnomaga mahalliy chempionat vakillari bilan bir qatorda Angliya, Turkiya, Eron va BAA klublarida faoliyat yuritayotgan legionerlar ham kiritilgan.
Dastlabki kengaytirilgan tarkibdan Umarali Rahmonaliyev, Ruslanbek Jiyanov, Sherzodbek Temirov va Jasur Jaloliddinov yakuniy ro‘yxatga kira olmadi.
Ma’lumot uchun, O‘zbekiston milliy terma jamoasining guruh bosqichidagi 1-turni 18-iyun tonggi soat 07:00 da Kolumbiyaga qarshi, 2-turni 23-iyun 22:00 da Portugaliyaga qarshi va 3-turni esa 28-iyun 04:30 da Kongo...
May oyida O‘zbekiston Milliy investitsiya jamg‘armasi (UzNIF) aksiyalari Main Board savdo maydonchasida eng faol qimmatli qog‘oz bo‘ldi. Ular bilan 12,2 mlrd so‘mlik, ya’ni qariyb $1 mln hajmida bitimlar amalga oshirildi.
2026-yil may oyida Toshkent Respublika fond birjasida aksiyalar savdosining umumiy hajmi 243,3 mlrd so‘mni tashkil etdi. Oy davomida jami 60,1 mingta bitim tuzilgan.
Shundan 23,7 mlrd so‘mlik savdolar yoki umumiy hajmning 10 foizi Main Board asosiy savdo maydonchasiga to‘g‘ri keldi.
Oy yakunlariga ko‘ra, eng ko‘p savdo qilingan qimmatli qog‘ozlar bo‘yicha UzNIF’dan keyingi o‘rinlarni «Hamkorbank» aksiyalari 2,8 mlrd so‘m va «O‘zRTXB» aksiyalari 2,25 mlrd so‘m hajmdagi savdolar bilan egalladi.
Birja...