Yangiliklar

BAAning yirik xususiy tibbiyot guruhi NMC Healthcare O‘zbekistonda shifoxonalar va tibbiyot markazlari qurilishiga oid investitsiya loyihalarini o‘rganmoqda. Bu haqda «Dunyo» AA ma’lum qildi.

O‘zbekiston elchixonasi diplomatlari BAAning yirik xususiy tibbiyot guruhi hisoblangan NMC Healthcare kompaniyasi bosh direktori Devid Hedli bilan uchrashuv o‘tkazdi. Muzokaralar davomida O‘zbekistonda tibbiyot tizimini rivojlantirish, xalqaro standartlarni joriy qilish hamda zamonaviy tibbiy uskunalar bilan ta’minlash yo‘nalishida amalga oshirilayotgan islohotlar taqdim etildi.

Shuningdek, kompaniya vakillariga Buxoro, Samarqand va Toshkent shaharlarida davlat-xususiy sheriklik asosida zamonaviy shifoxonalar qurish, mamlakatning chegara hududlarida tibbiyot markazlari hamda klinikalar tashkil etishga oid investitsiya loyihalari taklif qilindi.

Uchrashuv yakunida BAA tomoni taqdim etilgan...

Xiaomi Xitoy bozorida yangi Xiaomi 10 ming mAh Pocket Edition Power Bank with Built-in Cable 2026 portativ akkumulyatorini sotuvga chiqardi. Bu haqda Xiaomi Youpin nashri xabar berdi.

Qurilmaning narxi atigi $19 etib belgilangan. Yangi modelning asosiy afzalligi – korpusga o‘rnatilgan USB-C kabeli. Bundan tashqari, qurilmada bitta USB-A va ikkita USB-C port mavjud. Ichki kabel ham, portlar ham alohida ishlatilganda 22,5 vattgacha quvvat uzata oladi.

Powerbank QC 3.0, PD 3.0, PPS, SCP, AFC, FCP va DCP kabi tezkor quvvatlash standartlarini qo‘llab-quvvatlaydi. Shu sababli u nafaqat Xiaomi, Redmi va Poco smartfonlari, balki ko‘plab Android qurilmalari bilan ham mos keladi.

Bir vaqtning...

Hindiston poytaxti Dehli shahridagi mehmonxonalardan birida yuz bergan yong‘in oqibatida kamida 21 kishi halok bo‘ldi. Bu haqda Reuters agentligi ma’lum qildi.

Hodisa 3-iyun kuni Janubiy Dehlining Malviya Nagar hududidagi to‘rt qavatli binoda mahalliy vaqt bilan soat 09:00 ga yaqin sodir bo‘lgan. Guvohlarning aytishicha, alangadan qochishga uringan ayrim odamlar binodan sakrashga majbur bo‘lgan. Mahalliy aholi esa ularning yiqilishini yumshatish maqsadida yaqin atrofdagi do‘kondan matraslar olib chiqib, yo‘lga yoygan.

Dastlabki qutqaruv ishlarida ishtirok etgan fuqarolarning bildirishicha, yong‘in binoning birinchi qavatlari hududida boshlangan va yuqori qavatlardagi odamlarning chiqib ketishiga to‘sqinlik qilgan. Voqea joyiga sakkizta yong‘in o‘chirish ekipaji jalb etilgan.

40 dan...

O‘zbekiston klublari 2026-yilgi Jahon chempionatida qatnashadigan futbolchilari orqali FIFAdan kamida $4,5 mln daromad oladi.

FIFAning Club Benefits Programme dasturiga ko‘ra, mundialga yuborilgan har bir futbolchi uchun klubga kuniga $11 ming to‘lanadi. Guruh bosqichi yakunigacha (11-iyundan 27-iyungacha, shuningdek, o‘yindan oldingi 10 kun tayyorgarlik bilan jami 27 kun) hisob-kitob qilinsa, bir futbolchi uchun kafolatlangan to‘lov $297 mingni tashkil etadi.

O‘zbekiston klublari bo‘yicha hisob-kitob

Bu pul qanday taqsimlanadi

FIFA mablag‘ni futbolchining hozirgi klubiga to‘liq bermaydi. Pul futbolchining so‘nggi ikki yil ichida o‘ynagan klublari o‘rtasida vaqtiga qarab taqsimlanadi.

Yuqoridagi $4,45 mln faqat guruh bosqichi uchun hisoblangan kafolatlangan mablag‘. Agar O‘zbekiston terma jamoasi play-offga...

Honor kompaniyasi yangi Honor 600 Vitality Edition smartfonining Xitoydagi savdosini boshladi. Bu haqda Huawei central nashri ma’lum qildi.

Global bozorlarda Honor 600 seriyasi taqdim etilganidan so‘ng Honor 600 Vitality Edition (Youth Edition) modeli Xitoyda yangicha dizayn bilan debyut qildi. Qurilma 8 yoki 12 GB tezkor xotira hamda 512 GB gacha doimiy xotira variantlarida taklif etilmoqda. Smartfon to‘q sariq, oltinsimon oq va qora ranglarda sotuvga chiqarilgan.

Qurilma 2728 × 1264 piksel aniqlikdagi 6,57 dyuymli AMOLED displey bilan jihozlangan. Ekran 3840 Gts PWM xiralashtirish texnologiyasini qo‘llab-quvvatlaydi va maksimal 8000 nit yorqinlik darajasiga ega.

Smartfon Snapdragon 7 Gen 4 protsessori hamda...

Kuvayt 3-iyun kuni xalqaro aeroportdagi parvozlarni vaqtincha to‘xtatdi. Bunga Eron dronining aeroport hududiga kelib urilgani sabab bo‘lgan.

Kuvayt axborot agentligi mamlakat fuqaro aviatsiyasi boshqarmasi vakiliga tayanib xabar berishicha, hujum oqibatida yo‘lovchi terminallaridan biri jiddiy zarar ko‘rgan.

Parvozlar qo‘shimcha xabargacha muqobil aeroportlarga yo‘naltiriladi. Flightradar24 ma’lumotlariga ko‘ra, o‘nlab rejalashtirilgan reyslar bekor qilingan. Kuvayt Tashqi ishlar vazirligi bayonotida Eron zarbasi oqibatida muhim obyektlar, jumladan, diplomatik vakolatxonalar ham zarar ko‘rgani aytilgan.

Vazirlikka ko‘ra, hujum natijasida bir kishi halok bo‘lgan. Yana bir necha kishi jarohat olgan. Boshqa tafsilotlar hozircha ochiqlanmagan. Keyinroq Kuvayt axborot agentligi Kuwait Airways barcha reyslarni aeroportning 4-terminali orqali qayta tiklayotganini xabar...

2025/2026-o‘quv yili boshida O‘zbekistonda faoliyat yuritayotgan oliy ta’lim tashkilotlari soni avvalgi o‘quv yiliga nisbatan yettitaga qisqarib, 215 tani tashkil etmoqda. Bu haqda Milliy statistika qo‘mitasi ma’lum qildi.

Unga ko‘ra, mamlakatda filiallar bilan birga jami 215 ta oliy ta’lim tashkiloti faoliyat yuritmoqda. Shundan 97 tasi nodavlat oliy ta’lim muassasalari hisoblanadi.

Hududlar kesimida eng ko‘p oliy ta’lim tashkilotlari Toshkent shahrida joylashgan bo‘lib, ularning soni 98 tani tashkil etgan. Toshkent viloyatida 19 ta, Samarqand viloyatida 14 ta, Qoraqalpog‘iston Respublikasi va Buxoro viloyatida 11 tadan oliy ta’lim tashkiloti faoliyat ko‘rsatmoqda.

Shuningdek, Andijon, Qashqadaryo va Farg‘ona viloyatlarida 9 tadan, Surxondaryo hamda Xorazm viloyatlarida...

O‘zbekiston milliy terma jamoasi va Angliyaning «Manchester Siti» klubi himoyachisi Abduqodir Husanov osiyolik futbolchilar orasida eng yuqori transfer qiymatiga ega o‘yinchiga aylandi.

Transfermarkt portali Angliya Premyer ligasida harakat qiladigan futbolchilarning transfer narxlarini yangiladi. Unga ko‘ra, o‘zbekistonlik 22 yoshli himoyachining narxi 15 mln yevroga qimmatlashib, jami 50 mln yevroni tashkil etdi.

Ushbu ko‘rsatkich bilan Husanov osiyoliklar orasida eng qimmat futbolchiga aylandi. Ro‘yxatda «Manchester Siti» a’zosidan tashqari «Mayns» klubining yaponiyalik o‘yinchisi Kaishu Sano (40 mln), «Real Sosyedad» a’zosi Takefusa Kubo (30 mln) va PSJ klubining koreyalik yarim himoyachisi Li Kan In (28) mln) ham joy olgan.

Kuchli o‘nlikka jami yetti...

4-iyun uchun valyutalar kursi yangilandi. Unga ko‘ra, dollar kursi 36,04 so‘mga oshib, 11 970,68 so‘mni tashkil etdi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.

Dollarning so‘nggi kunlardagi o‘zgarishi

25-may kuni dollar kursi 41,58 so‘mga tushib, 11 979,64 so‘m, 26-may kuni esa 18,19 so‘mga oshib, 11 997,83 so‘m bo‘ldi. 1-iyun kuni 4,11 so‘mga oshib, 12 001,94 so‘mni, 2-iyun kuni 52,91 so‘mga tushib, 11 949,03 so‘mni, 3-iyun kuni esa 14,39 so‘mga tushib, 11 934,64 so‘mni tashkil etgan edi.

Markaziy bank ma’lumotlariga ko‘ra, yevro 6,06 so‘mga oshib, 13 902,75 so‘mni, rubl esa 0,96 so‘mga tushib, 163,18 so‘mni tashkil qildi.

Microsoft Build 2026 konferensiyasida kompaniya Windows tizimi uchun Scout nomli yangi sun’iy intellekt yordamchisini taqdim etdi. Bu haqda kompaniya rasmiy sahifasida ma’lum qildi.

Yangi xizmat OpenClaw texnologiyasi asosida ishlab chiqilgan bo‘lib, Microsoft 365 ekotizimi bilan chuqur integratsiyalashgani bilan ajralib turadi.

Microsoft vakili Omar Shahinning ta’kidlashicha, Scout oddiy chatbot emas, balki foydalanuvchining kundalik vazifalarini mustaqil bajarishga yordam beruvchi shaxsiy yordamchi hisoblanadi. Uning aytishicha, kelajakda foydalanuvchilar hatto ushbu yordamchidan qo‘ng‘iroqlar ham qabul qilishi mumkin.

Scout foydalanuvchi topshirig‘iga ko‘ra taqvimdagi uchrashuvlarni kuzatish, hisobotlar tayyorlash, elektron xatlar uchun qoralamalar yozish va boshqa ish jarayonlarini avtomatlashtirish imkoniyatiga ega bo‘ladi.

Yangi xizmatdan foydalanish imkoniyati bosqichma-bosqich...

Malayziyaning O‘zbekistondagi elchisi Ilxam Tua bin Illias mamlakatdagi diplomatik missiyasini yakunladi. Bu haqda O‘zbekiston tashqi ishlar vaziri Baxtiyor Saidov ma’lum qildi.

Unga ko‘ra, Saidov diplomatik faoliyatini yakunlayotgan Malayziyaning O‘zbekistondagi elchisi Ilxam Tua bin Illias bilan xayrlashuv uchrashuvini o‘tkazdi.

Uchrashuv davomida tomonlar so‘nggi yillarda O‘zbekiston va Malayziya o‘rtasidagi siyosiy muloqotlar, savdo-iqtisodiy aloqalar, investitsiyalar, ta’lim, turizm hamda madaniy-gumanitar sohalardagi hamkorlik jadal rivojlanib borayotganini qayd etdi.

Shuningdek, elchining ikki mamlakat o‘rtasidagi munosabatlarni mustahkamlashga qo‘shgan hissasi yuqori baholandi.

Ma’lumot uchun, Ilxam Tua bin Illias 2023-yildan buyon Malayziyaning O‘zbekistondagi elchisi sifatida o‘z missiyasini bajarib kelayotgan edi.

Eslatib o‘tamiz, avvalroq Kuvaytning O‘zbekistondagi yangi elchisi...

Futbol bo‘yicha uchta Jahon chempioni jamoasini to‘g‘ri topgan taniqli ekstrasens Maykl Bruno 2026-yilgi turnir g‘olibi bo‘yicha ham o‘z taxminini e’lon qildi. Bu haqda The Sun xabar berdi.

Uning fikricha, bu safar Jahon chempionati kubogini Portugaliya qo‘lga kiritadi. Bruno 2010-yilda Ispaniya, 2014-yilda Germaniya va 2018-yilda Fransiyaning chempion bo‘lishini oldindan aytgan edi.

Braziliyalik ekstrasensning ta’kidlashicha, u 2022-yildan buyon Portugaliya jahon chempioni bo‘lishini aytib kelmoqda.

Bruno amaldagi chempion Argentina bu safar chorak finalda musobaqani tark etishini taxmin qilmoqda. Uning fikricha, Braziliya esa yarim finaldan nariga o‘ta olmaydi.

Ekstrasens Neymarning jismoniy holati to‘liq tiklanmaganini va jamoa o‘yini yana uning atrofida qurilsa, Braziliya oldingi...

Adliya vazirligi Sug‘urta agentlari to‘g‘risidagi nizomni davlat ro‘yxatidan o‘tkazdi. Yangi tartib sug‘urta agentlarining faoliyati va majburiyatlarini belgilab beradi.

Nizomga ko‘ra, sug‘urta agenti sug‘urtalovchi nomidan va uning topshirig‘i asosida sug‘urta shartnomalarini tuzish hamda ularning bajarilishini tashkil etuvchi jismoniy yoki yuridik shaxs hisoblanadi.

Sug‘urta agenti va sug‘urtalovchi o‘rtasida agentlik bitimi tuziladi. Ushbu bitim tuzilgan kundan boshlab bir kun ichida sug‘urtalovchi tomonidan Yagona avtomatlashtirilgan axborot tizimida ro‘yxatdan o‘tkaziladi va agentga ID raqam beriladi.

Sug‘urta agenti orqali tuzilgan shartnomalar bo‘yicha vositachilik haqi sug‘urtalovchi hisob raqamiga tushgan sug‘urta mukofotlarining 25 foizidan oshmasligi kerak.

Shuningdek, sug‘urtalovchilar sug‘urta agentlari faoliyatini har olti oyda kamida bir marta...

AQSh Savdo vakili idorasi 60 ta iqtisodiyotdan import qilinadigan ayrim mahsulotlarga qo‘shimcha 10 foiz va 12,5 foiz boj joriy etishni taklif qildi. Bu haqda Reuters agentligi xabar berdi.

Unga ko‘ra, Kanada, Ekvador, Yevropa Ittifoqi, Indoneziya, Meksika, Pokiston, Argentina, Bangladesh, Kambodja, Salvador, Gvatemala, Malayziya, Tayvan va Buyuk Britaniyadan import qilinadigan mahsulotlarga majburiy mehnat bo‘yicha tergov natijalari asosida qo‘shimcha 10 foizlik boj qo‘llash rejalashtirilmoqda. Tekshiruv qamrab olgan qolgan 45 ta mamlakat uchun esa qo‘shimcha 12,5 foizlik boj taklif etilgan.

Idora ushbu davlatlar majburiy mehnat asosida ishlab chiqarilgan mahsulotlar savdosini cheklash bo‘yicha yetarli choralar ko‘rmaganini va bu holat AQSh tijorat manfaatlariga...

Yaqin Sharqdagi qurolli mojaro global aviatsiya sanoatiga sezilarli ta’sir ko‘rsatmoqda. Rossiya Turoperatorlar assotsiatsiyasi (ATOR) ma’lumotlariga ko‘ra, dunyo bo‘ylab aviachiptalar narxi odatdagi yozgi mavsumiy o‘sishdan tashqari qo‘shimcha ravishda 10 – 15 foizga qimmatlashgan.

ATOR rahbari Maya Lomidzening ta’kidlashicha, narxlarning oshishiga bir vaqtning o‘zida bir nechta omillar sabab bo‘lmoqda. Eng avvalo, Yaqin Sharq ko‘plab xalqaro reyslar uchun muhim tranzit hudud hisoblanadi. Mintaqadagi beqaror vaziyat tufayli ayrim yo‘nalishlar yopildi, boshqalari esa o‘zgartirildi. Bu esa aviakompaniyalar xarajatlarini oshirdi.

Bundan tashqari, mojaro fonida aviatsiya yonilg‘isi narxi ham keskin ko‘tarildi. Yonilg‘i xarajatlari aviakompaniyalar uchun eng katta sarf-xarajatlardan biri bo‘lgani sababli, bu holat chiptalar narxida ham...

Oliy Majlis Qonunchilik palatasi deputatlari Transport vazirligi rahbaridan temir yo‘l sohasiga xususiy sektorni jalb etishni so‘radi. Muhokamada yo‘lovchi va yuk tashishga talab ortib borayotgani qayd etildi.

Shu bilan birga, mavjud harakat tarkibi va ishlab chiqarish quvvatlari bu ehtiyojlarni to‘liq ta’minlash uchun yetarli emasligi aytildi. Deputatlar sohada davlat ishtirokidagi korxonalar ustunligi saqlanib qolayotganiga ham e’tibor qaratdi.

Shu bois Transport vazirligiga vagonlar soni va sifatini oshirish bo‘yicha tavsiyalar berildi. Shuningdek, xususiy sektor ishtirokini kengaytirish zarurligi ta’kidlandi. Xalq vakillari mavjud temir yo‘l loyihalarini amalga oshirish ishlarini jadallashtirish kerakligini bildirdi.

Temir yo‘l infratuzilmasini modernizatsiya qilish masalasi ham muhokama qilindi. Deputatlar bu jarayonda «yashil...

O‘zbekiston 2026-yil uchun tuzilgan ekologik ifloslanish reytingida dunyoning 115 davlati orasida 59-o‘rindan joy oldi. Bu haqda Numbeo tadqiqoti ma’lumotlarida keltirilgan.

Hisobotga ko‘ra, O‘zbekistonning Pollution Index ko‘rsatkichi 60 ballni, Exp Pollution Index esa 104 ballni tashkil etdi.

MDH davlatlari orasida O‘zbekiston ifloslanish darajasi bo‘yicha yettinchi o‘rinni egalladi. Respublikadan yuqoriroq ko‘rsatkichlar Qozog‘iston (73 ball), Qirg‘iziston (72,3 ball), Ozarbayjon (72 ball), Gruziya (67,8 ball), Armaniston (61,3 ball) va Moldova (60,8 ball)da qayd etilgan. Rossiya 58,4 ball, Belarus esa 44,2 ball bilan O‘zbekistondan pastda joylashgan.

Dunyoning eng ifloslangan davlatlari o‘nligiga Kamerun, Myanma, Livan, Mongoliya, Nigeriya, Gana, Bangladesh, Afg‘oniston, Nepal va Vyetnam kirdi.

Eng...

Surxondaryo viloyatining Uzun tumanida kechasi sodir bo‘lgan yo‘l-transport hodisasi ikki yoshning umriga zomin bo‘ldi. Bu haqda YHXX xabar berdi.

Unga ko‘ra, 28-may kuni soat 23:50 larda Chaqar mahallasi hududidan o‘tuvchi D-169 avtomobil yo‘lida ikki mashina ishtirokida og‘ir yo‘l transport hodisasi yuz bergan.

Aniqlanishicha, 17 yoshli o‘smir haydovchilik guvohnomasisiz Damas avtomobilini boshqargan, yonida esa sinfdoshlari bo‘lgan. Shu paytda u bilan bir yo‘nalishda harakatlanayotgan 20 yoshli yigit Nexia mashinasini boshqarib ketayotgan bo‘lgan.

Dastlabki ma’lumotlarga ko‘ra, ular o‘zaro tezlikda poyga qilib, xavfli harakatlar natijasida yo‘lda halokat yuzaga kelgan.

Oqibatda Damas haydovchisi hamda Nexia yo‘lovchilaridan biri voqea joyida vafot etgan. Qolgan yo‘lovchilar turli darajadagi...

O‘zbekistonda temir yo‘l yo‘lovchi tashish sohasida elektron chipta sotish ulushi 40 foizdan 86 foizgacha oshirildi. Bu Transport vazirligi rahbari Ilhom Mahkamovning Oliy majlis deputatlariga bergan axborotida qayd etildi.

Transport vaziriga ko‘ra, sohada raqamli texnologiyalarni joriy etishga alohida e’tibor qaratilmoqda. Yuk jo‘natuvchilar uchun «Yagona darcha» tamoyili asosida E-nakl axborot tizimi yo‘lga qo‘yilgan. Natijada yuk hujjatlarini rasmiylashtirish jarayoni 7 bosqichdan 3 bosqichga qisqardi. Hujjatlarni rasmiylashtirishga ketadigan vaqt esa 60 soatgacha kamaytirildi.

Yo‘lovchi tashish yo‘nalishida elektron chipta sotish imkoniyatlari kengaytirildi. Respublika bo‘yicha yirik vokzallarga 50 dan ortiq infokiosk o‘rnatildi. Infokiosklar Toshkent-Markaziy, Toshkent-Janubiy, Samarqand, Buxoro, Navoiy, Xiva, Urganch, Nukus, Andijon, Qo‘qon, Marg‘ilon, Namangan...

Braziliya futboli afsonasi Pelening 1958-yilgi jahon chempionati finalida kiygan futbolkasi auksionga qo‘yiladi. Bu haqda Sotheby’s auksion uyi ma’lum qildi.

Auksion 29-iyundan 16-iyulgacha onlayn shaklda o‘tkaziladi. Gap Pelening 10-raqamli o‘yin futbolkasi haqida ketmoqda. Sotheby’s vakili Bram Vakter ushbu libosni futbol tarixidagi eng buyuk o‘yinchilardan biri davri boshlangan kechada kiygan futbolka deb ta’rifladi.

Pele ushbu futbolkani ilk jahon chempionati finalida kiygan. O‘sha paytda Edson Arantes du Nasimentu, ya’ni Pele 17 yoshda edi. 1958-yilgi final Shvetsiya poytaxti Stokgolmdagi Rasunda stadionida bo‘lib o‘tgan. Braziliya mezbon Shvetsiyani 5:2 hisobida mag‘lub etgan.

Ma’lumotlarga ko‘ra, Pele finaldan keyin ushbu qo‘lda tikilgan futbolkani jamoadoshi va xonadoshi Didaga...

Armanistonning Shirak Avia aviakompaniyasi Yerevan – Toshkent – Yerevan yo‘nalishi bo‘yicha muntazam aviaqatnov boshladi. Bu haqda Uzbekistan Airports ma’lum qildi.

2-iyun kuni Yerevandan uchgan ilk reys Toshkent xalqaro aeroportiga qo‘ndi. Samolyot bortida 127 nafar yo‘lovchi bo‘lgan. Shu kuni Toshkentdan Yerevanga uchgan ilk reys yo‘lovchilari ham tantanali tarzda ro‘yxatdan o‘tkazildi. Ushbu reys bilan Armaniston poytaxtiga 177 nafar yo‘lovchi jo‘nab ketdi.

Yangi yo‘nalish ikki davlat o‘rtasida turizm va biznes aloqalarini rivojlantirishga xizmat qiladi. Shuningdek, madaniy hamkorlik uchun ham qo‘shimcha imkoniyat yaratadi. Parvozlar Boeing 737 samolyotlarida haftasiga bir marta amalga oshiriladi.

Avval ushbu yo‘nalishda yo‘lovchilar Moskva, Istanbul, Tbilisi va boshqa shaharlar orqali...

O‘zbekiston Tashqi ishlar vazirligi matbuot xizmati mamlakat hududida Yevropa Ittifoqi uchun migratsiya markazlari ochilishi bo‘yicha muzokaralar olib borilayotgani haqidagi xabarlarni rad etdi. Bu haqda vazirlik matbuot xizmati Kursiv Uzbekistan nashriga ma’lum qildi.

«Bugungi kunda mazkur masala bo‘yicha Yevropa Ittifoqi institutlari bilan hech qanday muzokaralar olib borilmayapti va bunday muzokaralar rejalashtirilmagan», – deya ta’kidlangan TIVda.

Avvalroq Politico nashri saytida Bryussel go‘yoki O‘zbekiston va Qozog‘istonda boshpana berish rad etilgan migrantlar uchun markazlar ochishni rejalashtirayotgani haqida maqola e’lon qilingan edi.

Nashr ma’lumotiga ko‘ra, bunday markazlarni tashkil etish bo‘yicha muzokaralar boshqa davlatlar hukumatlari bilan ham olib borilgan. Tashabbuskorlar...

Chevrolet Traverse 2027 avtomobilining AQSh bozori uchun narxlari e’lon qilindi. Bu haqda GMAutority nashri xabar bermoqda.

Boshlang‘ich LT versiyasi narxi o‘zgarishsiz qolgan. U Traverse oilasidagi eng arzon variant bo‘lib qolmoqda. 2027-yilgi Traverse jami yettita komplektatsiya va uzatma kombinatsiyasida taklif etiladi. Narxlar majburiy yetkazib berish to‘lovi bilan birga hisoblangan.

LT versiyasi old g‘ildirakdan tortuvchi va to‘liq g‘ildirakdan tortuvchi variantlarda sotiladi. Z71 esa faqat AWD tizimi bilan taklif qilinadi.

Eng katta o‘sish High Country komplektatsiyasida kuzatilgan. Ushbu versiya narxi avvalgi model yiliga nisbatan $1 mingga ko‘tarildi. Shu sabab High Country endi Traverse oilasidagi eng qimmat versiyaga aylandi. Avval bu o‘rin RS...

Rossiyaning Sankt Peterburg shahri va Leningrad viloyati 3-iyun tongida dronlar hujumiga uchradi. Leningrad viloyati gubernatori Aleksandr Drozdenko ma’lum qilishicha, havo hujumidan mudofaa kuchlari hudud uzra jami 59 ta dronni urib tushirgan.

Sankt Peterburg gubernatori Aleksandr Beglovning bildirishicha, Kronshtadt, Kirov va Krasnoselskiy tumanlaridagi infratuzilma obyektlariga zarbalar berilgan. Bir nechta obyekt shikastlangan. Hujum oqibatida bir necha kishi jarohat olgan, halok bo‘lganlar yo‘q.

Leningrad viloyatining Luga tumanida dron qoldiqlari qulagani sababli to‘rtta xususiy uyga yengil zarar yetgan. Mahalliy hokimiyat ma’lumotiga ko‘ra, bu hududda jabrlanganlar yo‘q.

Mahalliy OAV va Telegram kanallarida Peterburg neft terminalida yong‘in chiqqani haqida xabarlar tarqaldi. Mazkur terminal mintaqadagi...