Yangiliklar

Shavkat Mirziyoyev sog‘liqni saqlash tizimini yanada rivojlantirish, tibbiy xizmatlar sifatini oshirish va xususiy sektor ishtirokini kengaytirishga qaratilgan chora-tadbirlar taqdimoti bilan tanishdi. Unda Tibbiyot va farmatsevtika tarmog‘ini rivojlantirish agentligi tashkil etilishi ma’lum qilindi.

Xususiy tibbiyot sohasining rivojlanish dinamikasi

Taqdimotda xususiy tibbiyot sektori so‘nggi yillarda sezilarli darajada kengaygani qayd etildi. 2016-yilda 3,2 mingta xususiy klinika faoliyat yuritgan bo‘lsa, 2026-yilga kelib ularning soni 8,7 mingtaga yetishi kutilmoqda. Shu davrda tibbiyot yo‘nalishlari 39 tadan 116 taga, xususiy sektordagi koyka o‘rinlari esa 16 mingdan 57 mingtagacha oshgan. Natijada xususiy sektorning umumiy tibbiy koyka fondidagi ulushi 12 foizdan 31 foizgacha yetishi prognoz qilinmoqda.

O‘zbekiston temir yo‘l transportini modernizatsiya qilish doirasida Chexiyaning Škoda Group kompaniyasi bilan 10 ta elektropoyezd xaridi bo‘yicha kelishuvga erishdi. Bu haqda kompaniya rasmiy sahifasida ma’lum qildi.

Unga ko‘ra, qiymati 120 mln yevro bo‘lgan shartnoma doirasida O‘zbekistonga 10 ta zamonaviy elektropoyezd yetkazib beriladi. Ushbu poyezdlar 1520 mm iz kengligiga moslashtirilgan bo‘lib, mintaqaviy temir yo‘l infratuzilmasi talablariga javob beradi.

Loyiha faqatgina transport vositalarini yetkazib berish bilan cheklanmaydi. Shuningdek, O‘zbekistonda ishlab chiqarishni mahalliylashtirish, texnik xizmat ko‘rsatish uchun qo‘shma korxona tashkil etish hamda Škoda akademiyasini ochish rejalashtirilgan.

Ma’lumot uchun, 30-aprel kuni Toshkentda O‘zbekiston va Chexiya o‘rtasidagi ikki tomonlama hamkorlikni rivojlantirishga qaratilgan muhim...

2026-yil yanvar – mart oylarida O‘zbekistonda pul muomalasi va to‘lov tizimlarida naqd pulsiz hisob-kitoblar ulushining oshishi kuzatildi. Bu haqda Markaziy bank ma’lum qildi.

Unga ko‘ra, 2024 – 2026-yillar 1-choraklari davomida iqtisodiyotda pul aylanishi barqaror o‘sish tendensiyasini ko‘rsatgan. Umumiy pul tushumlari 184 trln so‘mdan 316 trln so‘mga yetib, iqtisodiy faollik sezilarli darajada oshganini qayd etadi.

Shu davr mobaynida bank kartalariga tushgan mablag‘lar hajmi ham sezilarli oshgan bo‘lib, 212 trln so‘mdan 408 trln so‘mga yetgan. Ushbu mablag‘larni naqdlashtirish ulushi esa 23 foizdan 17 foizgacha kamaygan.

Shuningdek, 2026-yil 1-aprel holatiga naqd pullarning umumiy pul massasidagi ulushi 2024-yil 1-apreldagi 20,1 foizdan...

1-may kuni bo‘lib o‘tgan Sanjar Karimov («Real Sanjik»)ga oid sud majlisida davlat ayblovchisi sudlanuvchiga 5 yil ozodlikdan mahrum qilish jazosi hamda 500 BHM miqdorida (206 mln so‘m) jarima tayinlashni so‘radi. Bu haqda sud majlisida qatnashgan Kursiv Uzbekistan muxbiri xabar berdi.

Unga ko‘ra, prokuror hukm chiqarishda jabrlanuvchiga tegishli uy qaytarilganini ham inobatga olish kerakligini ta’kidladi.

Karimov advokatlari esa unga nisbatan ayblovlar asossiz ekanini bildirib, oqlov hukmini so‘radi. Ularning aytishicha, ayrim harakatlar noqonuniy bo‘lgan va bu holatlar jabrlanuvchi tomonidan ham tasdiqlangan. Shuningdek, uyni topshirish kompensatsiya sifatida ko‘rilmagan – bu Karimovning «uzoq davom etgan sud jarayonidan charchagani» va ommaviy axborot vositalari tomonidan bosimga...

O‘zbekistonda may oyining ilk kunlarida bahoriy ob-havo kuzatiladi. «O‘zgidromet»ga ko‘ra, respublikaning katta qismida yomg‘ir yog‘adi, ba’zi hududlarda momaqaldiroq bo‘lishi mumkin.

Qoraqalpog‘iston Respublikasi, Xorazm va Navoiy viloyatlarining shimolida yog‘ingarchilik kutilmaydi. Buxoro va Navoiy viloyatlarining janubida asosiy yomg‘irlar 1-may kuni yog‘adi, keyingi kunlarda esa ayrim joylarda qisqa muddatli yomg‘ir bo‘ladi.

1-may kuni ayrim hududlarda shamol tezligi 13–18 m/s gacha kuchayadi. Ba’zi joylarda chang-to‘zon kuzatilishi mumkin.

Dam olish kunlari havo harorati biroz pasayib, 22–25 darajani tashkil etadi.

Tog‘li hududlarda vaqti-vaqti bilan yomg‘ir yog‘adi. Ba’zi joylarda sel-suv toshqinlari yuzaga kelishi mumkin.

Poytaxtda ob-havo qanday bo‘ladi

Toshkentda bugun kechga yaqin yomg‘ir yog‘adi, momaqaldiroq...

Birlashgan Millatlar Tashkilotining Taraqqiyot dasturi (BMTTD) Yaponiya hukumati ko‘magida Sirdaryo va Toshkent viloyatlarida beshta energiya samarador pilot obyektni rasman foydalanishga topshirdi.

Loyiha doirasida ijtimoiy muassasalarda propan asosidagi issiqlik nasoslari va zamonaviy konditsioner tizimlari o‘rnatilib, eskirgan uskunalar yangilandi. Bu yangilanishlar natijasida yiliga 482 tonna issiqxona gazlari chiqindilarini kamaytirish imkoniyati yaratildi hamda past uglerodli yechimlar amaliyotda sinovdan o‘tkazildi.

BMTTD O‘zbekistondagi doimiy vakili Akiko Fujii ushbu tashabbus «Iqlim va’dasi» doirasida mamlakatlarga iqlim bo‘yicha majburiyatlarni amaliy natijalarga aylantirishda ko‘mak berayotganini ta’kidladi. Uning so‘zlariga ko‘ra, pilot obyektlar innovatsiya va hamkorlik orqali energiya samaradorligini oshirishga xizmat qiladi.

Amaliy natijalarga ko‘ra, 12 ming aholiga xizmat ko‘rsatuvchi oilaviy...

AQShning Kaliforniya shtati prokuraturasi 44 yoshli pop-yulduz Britni Spirsni alkogol va giyohvandlik modda ta’sirida avtomobil boshqarganlikda aybladi. Bu haqda CNN xabar berdi.

Kaliforniya yo‘l-patrul xizmati ma’lumotlariga ko‘ra, Spirs 4-mart kuni o‘z uyiga yaqin bo‘lgan US 101 trassasida o‘zining qora rangli BMW avtomobilini yuqori tezlikda hamda xavfli tarzda boshqargani uchun to‘xtatilgan. Voqea joyida o‘tkazilgan hushyorlik testlaridan o‘ta olmagan xonanda Ventura okrugi turmasiga olib ketilgan va ertasi kuni garov evaziga ozod qilingan.

Jinoiy ish hujjatlarida aynan qanday alkogol yoki giyohvandlik moddalari va qancha miqdorda iste’mol qilingani ochiqlanmagan. Xonandaning vakillari hozircha bu holat yuzasidan rasmiy izoh berishmadi. Politsiya o‘z tekshiruvlarini yakunlab, ishni...

Milliy statistika qo‘mitasi ma’lumotlariga ko‘ra, 2026-yilning birinchi choragida O‘zbekistonning tashqi savdo aylanmasi o‘tgan yilning mos davriga nisbatan 2,7 foizga oshgan va $18 mlrdni tashkil etgan.

Hisobot davrida respublikamiz jahonning 170 dan ortiq davlatlari bilan faol savdo aloqalarini amalga oshirgan. Tashqi savdo aylanmasi tarkibini tahlil qilganda, joriy yilning dastlabki uch oyida eksport hajmi sezilarli darajada qisqargani, import esa tezkor sur’atlarda o‘sgani kuzatiladi.

Xususan, respublika eksporti $5,8 mlrdni (o‘tgan yilning mos davriga nisbatan 29,3 foizga kam) tashkil etgan bo‘lsa, import ko‘rsatkichi 30,8 foizga oshib, umumiy hisobda $12,2 mlrdga yetgan.

Mamlakatning asosiy savdo hamkorlari qatorida hamon an’anaviy yirik iqtisodiyotlar yetakchilik qilmoqda. O‘zbekiston...

O‘zbekiston milliy terma jamoasi a’zosi Umarali Rahmonaliyev to‘p suradigan Bokuning «Sabah» klubi muddatdan oldin Ozarbayjon chempioniga aylandi. Bu haqda O‘FA xabar bermoqda.

Ozarbayjon chempionatining qoldirilgan 21-turida «Neftchi» klubi jadvalda ikkinchi o‘rinda borayotgan «Qorabog‘»ni qabul qilib, 2:1 hisobida ustun keldi. Natijada 59 ochko bilan qolgan «Qorabog‘» turnir jadvalida 72 ochko bilan birinchi o‘rinda ketayotgan «Sabah»ga yetib olish imkoniyatini boy berdi. Bokuliklar chempionat tugashiga 4 tur qolganda g‘alabani tantana qildi.

Umarali Rahmonaliyev «Sabah» tarkibida joriy mavsum barcha musobaqalarda 32 o‘yinda maydonga tushib, 5 gol va 2 golli uzatma amalga oshirgan. Futbolchi O‘zbekistonning turli yosh toifalari, jumladan, U-19, U-20, U-23 va Olimpiya...

4-may uchun valyutalar kursi yangilandi. Unga ko‘ra, dollar kursi 15,13 so‘mga oshib, 11 952,73 so‘mni tashkil qildi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.

Dollarning so‘nggi kunlardagi o‘zgarishi

27-aprel kuni esa 4,52 so‘mga oshib, 12 020,48 so‘m bo‘ldi. 28-aprel kuni esa 52,48 so‘mga oshib, 12 072,96 so‘mga, 29-aprel kuni esa 43,76 so‘mga tushib, 12 029,20 so‘mga tenglashdi. 30-aprel kuni dollar 54,41 so‘mga tushib, 11 974,79 so‘mni, 1-may kuni 37,19 so‘mga tushib, 11 937,60 so‘mni tashkil qildi. 

Markaziy bank ma’lumotlariga ko‘ra, yevro 47,09 so‘mga tushib, 13 961,02 so‘mni, rubl esa 0,17 so‘mga tushib, 159,47 so‘mni tashkil etdi.

Eslatib...

Meta kompaniyasi sun’iy intellektga yo‘naltirilgan yirik investitsiyalarning ortishi sharoitida xarajatlarni qayta taqsimlash va xodimlar sonini qisqartirish rejasini ko‘rib chiqmoqda. Bu haqda Reuters agentligi ma’lum qildi.

Meta bosh ijrochi direktori Mark Sukerberg kompaniyada asosiy xarajatlar ikki yo‘nalishga – hisoblash infratuzilmasi va xodimlar bilan bog‘liq xarajatlarga to‘g‘ri kelishini ta’kidladi. Uning so‘zlariga ko‘ra, sun’iy intellektni rivojlantirish uchun ko‘proq mablag‘ ajratilishi boshqa yo‘nalishlardagi resurslarni qisqartirishni talab qiladi.

Sukerbergning qayd etishicha, bu holat kompaniya hajmini biroz qisqartirish zaruratini keltirib chiqarmoqda. U rejalashtirilayotgan ishdan bo‘shatishlar Meta’ning sun’iy intellektga asoslangan yangi tashkiliy tuzilmasi yoki SI agentlarini rivojlantirish jarayoni bilan bevosita bog‘liq emasligini bildirdi.

Kompaniya may...

«Fond bozorining axborot-resurs markazi» MChJning 100 foiz ulushini «Toshkent» respublika fond birjasiga o‘tkazish hisobiga jamiyatda davlat ulushi oshiriladi. Bu haqda 30-aprel kuni birja aksiyadorlarining navbatdan tashqari umumiy yig‘ilishida ma’lum qilindi.

Unga ko‘ra, birja ustav fondi qo‘shimcha aksiyalar chiqarish orqali 27,7 mlrd so‘mga oshiriladi. Shu maqsadda har birining nominal qiymati 2560 so‘m bo‘lgan 10,8 mln dona oddiy hujjatsiz aksiyalar chiqariladi.

Mazkur aksiyalar Davlat aktivlarini boshqarish agentligiga joylashtiriladi. Aksiyalar uchun to‘lov pul shaklida emas, balki Fond bozorining axborot-resurs markazi ustav kapitalidagi 100% ulushni kiritish orqali amalga oshiriladi.

Eslatib o‘tamiz, avvalroq investorlar qaysi aksiyalardan zarar ko‘rgani haqida ma’lumot berilgandi. Unga ko‘ra...

Ko‘p qavatli uylar atrofidagi hududlarda bolalar maydonchalari va zarur infratuzilma obyektlarini tashkil etish talablari belgilandi. Bu haqda Adliya vazirligi ma’lum qildi.

Unga ko‘ra, boshqaruv organi aholiga qulaylik yaratish uchun uyga tutash yer uchastkasida o‘rindiqlar o‘rnatishi hamda belgilangan masofada chiqindilarni ajratib tashlash uchun maxsus konteynerlar joylashtirishi lozim.

Shuningdek, uylar atrofidagi hududlarda umumiy foydalanish uchun mo‘ljallangan bir qator maydonchalar bo‘lishi shart. Jumladan, maktabgacha va maktab yoshidagi bolalar o‘yin maydonchalari, katta yoshdagilar dam olishi uchun joylar, jismoniy tarbiya bilan shug‘ullanish maydonlari tashkil etilishi zarur.

Bundan tashqari, maishiy chiqindilarni yig‘ish joylari, it va boshqa uy hayvonlarini sayr qildirish hududlari hamda velosiped va...

Ko‘p qavatli uylar va ularga tutash hududlarda tartibni saqlash hamda yashil maydonlarni muhofaza qilish bo‘yicha qator cheklovlar joriy etildi. Bu haqda Adliya vazirligi ma’lum qildi.

Unga ko‘ra, ko‘p qavatli uylar atrofidagi yer uchastkalarida daraxt va butalarni tegishli ruxsatnomasiz ko‘chirib ekish yoki kesish qat’iyan taqiqlanadi. Bu talab yashil hududlarni asrash va ekologik muvozanatni ta’minlashga qaratilgan.

Shuningdek, uylar atrofidagi hududlarni metall parchalari, qurilish chiqindilari yoki maishiy chiqindilar bilan to‘ldirishga yo‘l qo‘yilmaydi. Daraxtlarga arqon yoki sim bog‘lash, belanchaklar osish hamda reklama materiallarini yopishtirish ham man etildi.

Bundan tashqari, gulzorlar, maysazorlar va piyodalar yo‘laklarini ifloslantirish, shuningdek, ko‘kalamzorlashtirilgan hududlar, bolalar va sport maydonchalari...

Toshkent shahrida bomdod namozi soat 03:50 da boshlanadi, quyosh chiqishi esa 05:20 ga to‘g‘ri keladi. «Kursiv» 2-may uchun namoz vaqtlari jadvalini hududlar kesimida taqdim etadi.

Jadval:

Avvalroq Kursiv Uzbekistan nashri Haj – 2026 mavsumi 2-maydan boshlanishi haqida yozgan edi.

1-sentabrdan boshlab Turizmni qo‘llab-quvvatlash jamg‘armasi mablag‘lari hisobidan bir qator xarajatlar qisman qoplab beriladi. Bu haqda Adliya vazirligi xabar bermoqda.

Yangi tartib asosida 2030-yil oxirigacha xorijdan O‘zbekistonga turistlarni jalb qilish maqsadida taklif etiladigan tur operatorlar vakillarining transport, yashash va ovqatlanish xarajatlarining bir qismi kompensatsiya qilinadi. Bu choralar xalqaro hamkorlikni kengaytirish va yangi yo‘nalishlarni ochishga xizmat qiladi.

Shuningdek, mahalliy tur operatorlar tomonidan xorijda o‘tkaziladigan targ‘ibot tadbirlari uchun ham qo‘llab-quvvatlash beriladi. Bunda reklama va marketing xarajatlarining 25 foizigacha, lekin 500 mln so‘mdan oshmagan qismi qoplab beriladi.

Qarorda xususiy tadbirkorlar uchun ham alohida imtiyozlar nazarda tutilgan. Ular tomonidan sayyohlar uchun madaniy, ko‘ngilochar va...

Renault kompaniyasi Renault Scenic modelini yangilashga tayyorlanmoqda. U sotuvlar pasaygani fonida modelni yanada raqobatbardosh qilishni maqsad qilgan.

So‘nggi ma’lumotlarga ko‘ra, yangilangan Scenic’ning yurish zaxirasi 650 km gacha yetkazilishi mumkin. Bu hozirgi maksimal ko‘rsatkichdan sezilarli darajada yuqori bo‘ladi. Model tashqi ko‘rinish jihatidan ham o‘zgaradi. Dizayn yanada soddalashtirilgan va keng auditoriyaga moslashgan uslubda bo‘lishi kutilmoqda. Hozirgi keskin chiziqlar o‘rniga yumshoqroq dizayn elementlari qo‘llanadi.

Salon qismida ham yangilanishlar rejalashtirilgan. Ichki materiallar sifati yaxshilanadi, multimedia tizimi modernizatsiya qilinadi. Bu omillar yuqori narx segmentida raqobat uchun muhim hisoblanadi. Texnik jihatdan eng muhim yangiliklardan biri – LFP turidagi yangi batareya joriy etilishi. Bu modelni arzonlashtirish...

Samoaning Apiya shahrida o‘tkazilayotgan Universal Weightlifting Cup musobaqasida o‘zbekistonlik atlet Ruslan Nurudinov oltin medalga sazovor bo‘ldi. Bu haqda MOQ xabar bermoqda.

-110 kg vazn toifasida ishtirok etgan Ruslan Nurudinov dast ko‘tarish mashqida 178 kg, siltab ko‘tarishda esa 222 kg og‘irlikni muvaffaqiyatli ko‘tardi. Ikki kurash yakunlariga ko‘ra, uning umumiy natijasi 400 kg ni tashkil etdi.

Ushbu ko‘rsatkich evaziga O‘zbekiston vakili o‘zining eng yaqin ta’qibchilari hisoblangan Samoa va Fiji sportchilarini katta farq bilan ortda qoldirishga erishgan.

Ma’lumot uchun, Nuridinov Bahraynda o‘tgan og‘ir atletika bo‘yicha jahon chempionatida siltab ko‘tarish bo‘yicha o‘zining avvalgi jahon rekordini yangilab, jahon chempioniga aylangan edi.

Avvalroq Kursiv...

2026-yil yanvar – mart oylarida «Navoiyuran» davlat korxonasining ishlab chiqarish hajmi 3,7 trln so‘mni tashkil etdi. Bu haqda korxona rasmiy sahifasida ma’lum qildi.

Unga ko‘ra, bu ko‘rsatkich rejaning 0,1 foizi bajarilganini bildiradi. O‘sish sur’ati esa o‘tgan yildagiga nisbatan 6% bo‘ldi.

Geologiya-qidiruv ishlari 11,5 foizga bajarilib, o‘sish 11,7 foizni tashkil etdi. Texnologik burg‘ilash ishlari 37 foizga bajarildi va o‘sish sur’ati 54,3% bo‘ldi. Mahsuldor eritmalar hajmi 5,8 foizga bajarilib, o‘sish 1,8 foizni tashkil etdi. Uran qazib olish esa 2,1 foizga bajarildi.

Bundan tashqari, eksport hajmi 8,8 foizga bajarilib, o‘sish sur’ati 91,2 foizni tashkil qildi. Korxonada investitsiya loyihalari doirasida $35,5 mln mablag...

O‘zbekistonda «Elektron retsept» tizimi bekor qilinishi haqidagi xabarlar rad etildi. Sog‘liqni saqlash vazirligi (SSV) ijtimoiy tarmoqlarda tarqalgan bu ma’lumotlar noto‘g‘ri talqin qilinganini ma’lum qildi.

Vazirlik izohiga ko‘ra, muhokamaga qo‘yilgan hujjat tizimni bekor qilishni emas, balki uni joriy etish tartibini yangilashni nazarda tutadi. Avvalgi tartibda elektron retsept orqali beriladigan dori vositalari bosqichma-bosqich kengaytirilishi belgilangan edi.

Birinchi bosqichda antibiotiklar, sintetik antibakterial preparatlar va gormonal dorilar uchun elektron retsept majburiy qilib joriy etilgan. Endilikda esa tizimni yanada kengaytirish rejalashtirilmoqda.

Yangi loyiha doirasida Toshkent shahri hamda tajriba-sinov o‘tkazilayotgan 15 ta hududdagi barcha tibbiyot muassasalari va dorixonalarda retsept bilan beriladigan dorilar to‘liq elektron tizimga...

Skoda 2026-yilning birinchi choragi yakunlariga ko‘ra, Yevropada avtomobil savdosi bo‘yicha ikkinchi o‘rinni egalladi. Kompaniya bu davrda 222,5 ming dona avtomobil sotgan.

Bu ko‘rsatkich o‘tgan yilning shu davriga nisbatan 17,1 foizga yuqori. Shu bilan birga, global yetkazib berishlar ham oshib, 271,9 ming donaga yetdi. Bu esa 14 foizlik o‘sishni anglatadi.

Moliyaviy natijalar ham yaxshilangan. Kompaniya daromadi 9,1 foizga o‘sib, 7,9 mlrd yevroni tashkil qildi. Sof foyda esa 660 mln yevroga yetib, 20,9 foizga oshdi va birinchi chorak uchun rekord natija qayd etildi. Savdolarning o‘sishi faqat Yevropa bilan cheklanib qolmagan. Skoda Hindiston, Marokash va Misr bozorlarida ham o‘z pozitsiyalarini mustahkamlab bormoqda.

Xalqaro shaxmat federatsiyasi (FIDE) 2026-yil may oyi uchun shaxmatchilarning yangilangan reytingini e’lon qildi. Natijalarga ko‘ra, 22 yoshli Nodirbek Abdusattorov 4-o‘ringa, Javohir Sindarov esa 5-o‘ringa ko‘tarildi.

Reyting peshqadamligini norvegiyalik Magnus Karlsen 2840 ochko bilan saqlab qolmoqda. Ikkinchi va uchinchi o‘rinlarni amerikalik Hikaru Nakamura (2792 ochko) hamda Fabiano Karuana (2788 ochko) band etgan. O‘zbekiston vakillari Abdusattorov va Sindarov hisobida mos ravishda 2780 hamda 2776 reyting ochkosi mavjud.

Reytingning Top – 100 taligiga 5 nafar o‘zbekistonlik o‘rin olgan. Nodirbek Yoqubboyev 2689 ochko bilan 40-o‘rindan joy olgan bo‘lsa, 50-pog‘onadagi Rustam Qosimjonovda 2665 ochko mavjud. Shamsiddin Vohidov esa 2637 ochko bilan 87-o‘rinda bormoqda.

Joriy...

Ichki ishlar boshqarmasi (IIB) Ohangaron shahrida PPX xodimi ishtirokidagi holat yuzasidan tarqalgan xabarlar bo‘yicha yangi tafsilotlarni ma’lum qildi. Voqea guvohi bo‘lgan ayol hodisa tafsilotlarini bayon qilib, ijtimoiy tarmoqlarda tarqalgan ayblovlarni rad etdi.

Guvohning so‘zlariga ko‘ra, voqea vaqtida u avtomobilning old o‘rindig‘ida bo‘lgan, voyaga yetmagan qiz esa orqa o‘rindiqda o‘tirgan. Uning ta’kidlashicha, hech qanday noqonuniy yoki nomaqbul harakat sodir etilmagan.

«Bugun va kecha internetda umuman boshqacha video chiqqanini ko‘rdim. Unda aytilishicha, go‘yoki bizni Diyor mashinaga majburan o‘tqazgan, go‘yoki A.ga nisbatan tegajog‘lik qilganmish. U pedofil emas. Umuman bu soxta va to‘qilgan xabar. Shunchaki o‘sha bolaning qanaqadir alami bo‘lgani uchun shunaqa...

2026-yil yanvar – mart oylarida 15,1 ming nafar chet el fuqarosi o‘qish maqsadida O‘zbekistonga kelgan. Bu haqda Milliy statistika qo‘mitasi ma’lum qildi.

Bu ko‘rsatkich o‘tgan yilning shu davriga nisbatan 8,5 ming nafarga ko‘p. Umumiy o‘sish 2,3 baravarni tashkil etdi.

Tahlillarga ko‘ra, eng ko‘p talabalar Turkmanistondan kelgan. Ularning soni 7,2 ming nafarni tashkil qilgan. Hindistondan 2,8 ming nafar, Tojikistondan 1,2 ming nafar talaba kelgan.

Shuningdek, Xitoydan 641 nafar, Qirg‘izistondan 483 nafar va Pokistondan 438 nafar xorijlik talaba O‘zbekistonda tahsil olishni tanlagan.

Misr (353), Janubiy Koreya (342), Filippin (286) va AQShdan (191) ham talabalar oqimi kuzatilgan. Qolgan davlatlardan jami 1,2 ming...