Yangiliklar

Jahon intellektual mulk tashkiloti tomonidan e’lon qilingan Global innovatsiya indeksi (GII) 2025-yilgi reytingida Oʻzbekiston 139 ta mamlakat ichida 79-oʻrindan joy oldi. Bu haqda Oliy ta’lim, fan va innovatsiyalar vazirligi ma’lum qildi.

Unga ko‘ra, Oʻzbekiston quyi va oʻrta daromadli davlatlar orasida 7-oʻrinni (2024-yilda 10-oʻrin), Markaziy va Janubiy Osiyoda esa Hindiston va Erondan keyin 3-oʻrinni egalladi. «Inson kapitali va ilmiy tadqiqotlar», «bozor rivojlanishi» hamda «bilim va texnologiya mahsulotlari» yoʻnalishlarida Oʻzbekiston oʻz pozitsiyasini ancha yaxshiladi.

Alohida e’tiborga molik jihatlardan biri — Uzum kompaniyasining birinchi yunikorn sifatida xalqaro roʻyxatga kiritilishi va oliy ta’lim muassasalari reytingidagi yutuqlar GII natijalariga ijobiy ta’sir koʻrsatganidir.

Shuningdek, yuqori...

Namangan viloyati Norin daryosida qurilgan gidroelektr stansiyalar kaskadining birinchi bosqichi ishga tushirildi. Davlat rahbari viloyatga tashrifi chog‘ida ushbu energetika inshootini borib ko‘rdi.

GES-1 to‘liq mahalliy uskunalar asosida barpo etilgani bois, u «birinchi milliy GES» hisoblanadi. Stansiya yiliga 171 million kilovatt-soat elektr energiyasi ishlab chiqaradi va 430 mingta xonadonni elektr bilan ta’minlash imkonini beradi. Natijada yiliga 290 million kub metr gaz tejalib, iqtisodiyot uchun 300 milliard so‘mlik foyda keltiradi.

Hozirda «O‘zbekgidroenergo» aksiyadorlik jamiyati tomonidan Norin daryosida oltita GES kaskadi qurilishi boshlangan. Loyihaning umumiy qiymati $428 milliondan ziyod, umumiy quvvati 228 megavatt bo‘ladi.

GES hududida suv to‘sish inshooti, ma’muriy binolar...

Namangan viloyatining Kosonsoy va Norin tumanlariga 100 milliard so‘mdan mablag‘ ajratiladi. Bu haqda prezident matbuot xizmati xabar berdi.

Unga ko‘ra, davlat rahbari Namangan viloyati Norin tumanidagi Sho‘rariq mahallasiga tashrif buyurdi. Hudud aholisining fikrlarini eshitib, mahallani tubdan o‘zgartirish bo‘yicha topshiriqlar berdi.

Endi Sho‘rariq mahallasi namunaviy hududga aylantiriladi. Bu yerda zamonaviy mahalla guzari, sayilgoh, sport va bolalar maydonchalari quriladi. Kutubxona, bank shoxobchasi, kasb va til o‘rgatish markazlari tashkil etiladi. Shuningdek, maktab va bog‘chalar kapital ta’mirlanadi, ko‘chalar asfaltlanib, daraxt va gul ko‘chatlari ekiladi.

Bo‘sh turgan binolar tadbirkorlar uchun davlat-xususiy sheriklik asosida foydalanishga beriladi. Bu mahalla nafaqat o‘z aholisiga, balki atrofdagi...

Kursiv Uzbekistan 16-sentabrda yuz bergan voqea-hodisalarni bitta materialga jamladi.

Ustyurt platosida yirik gaz koni aniqlandi — prezident

Ustyurt platosi hududida 6,5 kilometr chuqurlikda yirik gaz koni topilgani haqida Shavkat Mirziyoyev o‘qituvchilar bilan uchrashuvda ma’lum qildi. Bu haqda davlat rahbari matbuot xizmati xabar berdi.

Avval respublikada neft-gaz ishlari 2,5-3 kilometr chuqurlikda olib borilgan edi. Davlat rahbari ta’kidlashicha, O‘zbekiston sanoati tarixida ilk bor 6 kilometrdan ortiq chuqurlikda quduq burg‘ilandi.

Moliyaviy hisob tizimi xalqaro standartlarga o‘tkaziladi

Prezident qarori bilan O‘zbekistonda moliyaviy hisob (buxgalteriya) tizimini xalqaro standartlarga moslashtirish bo‘yicha chora-tadbirlar belgilandi. Bu haqda Iqtisodiyot va moliya vazirligi ma’lum qildi.

Qarorga ko‘ra, buxgalteriya hisobi tizimini xalqaro...

Farg‘ona viloyatida kuchli ta’sir qiluvchi dori vositalarining noqonuniy savdosi aniqlandi. Bu haqda Bosh prokuratura departamenti ma’lum qildi.

Unga ko‘ra, Uchko‘prik tumanida o‘tkazilgan tezkor tadbirda Qo‘qondagi dorixona sotuvchisi 50 dona «Omnadren 250» dori vositasini shifokor retseptisiz 2,4 mln so‘mga sotayotganda qo‘lga olindi.

Shuningdek, Dang‘ara tumanida o‘tkazilgan tadbirda Buvayda tumanidagi dorixona sotuvchisi 75 dona «Omnadren 250»ni retseptsiz 4,1 mln so‘mga sotganida ushlandi.

Mazkur holatlar yuzasidan Jinoyat kodeksining tegishli moddasi bilan jinoyat ishi qo‘zg‘atilib, tergov harakatlari olib borilmoqda.

Eslatib o‘tamiz, avvalroq Namangan viloyati Namangan shahri va Uychi tumanidagi 5 manzilda uch nafar fuqaroga tegishli yashirin dori omborlari aniqlangan edi.

Prezident Shavkat Mirziyoyev Namangan viloyati Norin tumanidagi «Fishvel Norin» korxonasi faoliyati bilan tanishdi.

Korxonada $3 million hisobiga 76 ta innovatsion baliq havzasi barpo etilgan, hozircha 40 tasi ishga tushirilgan. Super intensiv usulda gulmohi baliqlari yetishtirilmoqda. Loyiha to‘liq quvvat bilan ishlaganda yiliga 2 ming tonna mahsulot yetishtirilib, $5 millionlik eksport amalga oshiriladi.

Korxona mahalliy aholini ham baliqchilikka jalb qilmoqda. Xo‘jaqo‘rg‘oncha mahallasidagi 25 ta xonadon klaster bilan hamkorlikda ishlayapti va har bir oilaga yiliga 150 million so‘mgacha daromad keltirmoqda. Kelgusida Norin va Uchqo‘rg‘on tumanlaridagi 100 ta xonadon bu tizimga qo‘shilib, 300 dan ortiq yangi ish o‘rni yaratilishi rejalashtirilgan.

Davlat rahbari mutasaddilarga...

Oliy Majlis Qonunchilik palatasi deputatlari bolalarni zo‘ravonlikdan himoya qilish tizimini kuchaytirish va bolalar pornografiyasini saqlaganlik uchun jinoiy javobgarlikni nazarda tutuvchi qonun loyihasini ikkinchi o‘qishda qabul qildi. Bu haqda palata matbuot xizmati ma’lum qildi.

Qonun loyihasi bilan Jinoyat kodeksi va Ma’muriy javobgarlik kodeksiga bolalarni jinsiy zo‘ravonlikdan himoyalash hamda bolalar ishtirokidagi pornografik mahsulotlarni saqlaganlik uchun javobgarlikni belgilovchi o‘zgartirishlar kiritilishi ko‘zda tutildi.

Shuningdek, Jinoyat-protsessual kodeksiga voyaga yetmagan guvohlarni so‘roq qilish muddatlarini aniq belgilash bo‘yicha ham tuzatishlar kiritilmoqda.

Muhokamalar chog‘ida qonun loyihasi siyosiy partiyalar fraksiyalari, huquqshunoslar, olimlar va ishchi guruh a’zolari ishtirokida muhokama qilinib, seminar va yig‘ilishlar tashkil etilgani ta’kidlandi.

Eslatib o‘tamiz, avvalroq...

Davlat rahbari ikki yil ichida viloyatdagi barcha nasos stansiyalarini modernizatsiya qilish bo‘yicha topshiriq berdi. Bu haqda prezident matbuot xizmati xabar berdi.

Prezident Shavkat Mirziyoyev Namangan viloyati Chortoq tumanidagi «Ayqiron-1» nasos stansiyasida amalga oshirilgan modernizatsiya ishlari bilan tanishdi. Avval bu inshoot orqali 815 gektar yer sug‘orilar, ammo eskirgan agregatlar sabab samaradorlik past bo‘lib, yiliga olti million kilovatt-soat elektr energiyasi sarflanardi.

Davlat-xususiy sheriklik asosida tadbirkorlar tomonidan yangi, energiya tejamkor uskunalar o‘rnatildi. Natijada elektr sarfi 40 foizgacha kamaydi, suv chiqarish quvvati oshdi va hosildorlikni yaxshilash imkoniyati yaratildi.

Hozirda viloyatda 200 dan ortiq nasos stansiyalari mavjud. Ulardan 43 tasi «Nammotors suv...

Chevrolet Tracker mahalliy bozorda eng ko‘p sotilgan avtomobillardan biri hisoblanadi (Yil boshidan beri 19,5 ming dona Tracker sotilgan). Ammo raqobatning kuchayishi va boshqa modellarning ham ommalashishi o‘zbek xaridori uchun kuchli tanlovni yaratadi. Kursiv Uzbekistan nashrining ushbu maqolasida Chevrolet Tracker va Chery tiggo 7 Pro avtomobillari taqqoslanadi.

Ushbu maqoladan quyidagilarni bilib olasiz:

Texnik xususiyatlari

Chevrolet Tracker 1,2 litrli turbobenzin dvigatelga ega. U 132 ot kuchi va 190 Nm moment ishlab chiqaradi. Chery Tiggo 7 Pro esa 1,5 litrli turbobenzin dvigatel bilan keladi. U...

Xitoyda Changan Nevo Q05 elektromobilining saloni rasman namoyish etildi. Bu haqda CarNewsChina xabar bermoqda.

Model noyabr oyida savdoga chiqadi va BYD Atto 3 (Yuan Plus) bilan raqobatlashadi. Boshlang‘ich narx 110 ming yuan ($15,4 ming) atrofida bo‘lishi kutilmoqda. Nevo Q05 ichki ko‘rinishi Changan Q07 uslubiga yaqin. Markazda katta sensorli monitor, D shaklidagi rul orqasida ingichka LCD panel joylashgan. Devorlarda deyarli tugmalar yo‘q, asosiy boshqaruv ekranga va ovozli buyruqlarga o‘tgan. Markaziy tunnelda ikki simsiz quvvatlovchi panel, havo ventilyatsiyalari va stakan qo‘yish joylari mavjud.

Old yo‘lovchi o‘rindig‘i «nol-gravitatsiya» funksiyasi bilan jihozlangan bo‘lib, umurtqa pog‘onasiga tushadigan yukni kamaytiradi. Ikkinchi qator o‘rindiqlarda...

Toshkent issiqlik elektr markazi endilikda elektr va issiqlik energiyasini faqat tabiiy gaz asosida ishlaydigan zamonaviy qurilmalar orqali ishlab chiqarmoqda. Bu haqda «Issiqlik elektr stansiyalari» AJ xabar berdi.

Davlat rahbari tashabbusi bilan 2024-yilda markazda umumiy quvvati 64 MVt bo‘lgan yangi gaz-turbinalari ishga tushirilgan edi.

Bugungi kunda ushbu uskunalar yordamida yiliga 515 million kVt⋅soat elektr va 630 Gkal issiqlik energiyasi ishlab chiqarilib, poytaxt aholisi va iqtisodiyoti ehtiyojlarini ta’minlashga yo‘naltirilmoqda.

Markaz faoliyati ekologik xavfsizlik talablariga to‘liq moslashtirilgan. Uchta gaz-turbinali qurilmaga o‘rnatilgan ekopostlar orqali atmosferaga chiqarilayotgan gazlar doimiy nazorat qilinmoqda.

«Markazimiz elektr hamda issiqlik energiyasini ishlab chiqarishda to‘liq tabiiy...

Qirg‘izistonda shu yilning 1-oktabridan boshlab pensiyalar miqdori oshiriladi. Bu haqda Vazirlar Mahkamasi raisi va Prezident Administratsiyasi rahbari Adilbek Kasimaliyev yig‘ilishda ma’lum qildi.

Unga ko‘ra, hukumat aholining turmush darajasini yaxshilash uchun barcha choralarni ko‘rmoqda. Jumladan, «Ijtimoiy kontrakt» dasturi doirasida ajratiladigan mablag‘ joriy yilda 100 ming somdan 150 ming somga oshirilgan. Shuningdek, biznesni qo‘llab-quvvatlash bo‘yicha ham qator chora-tadbirlar amalga oshirilmoqda.

Rasmiy ma’lumotlarga ko‘ra, 2024-yilda mamlakatda qashshoqlik darajasi 25,7 foizga tushib, 2023-yilga nisbatan 4,1 punktga kamaygan. Bu jarayonda aholining daromadlarining oshishi muhim omil bo‘lgan. O‘tgan yili aholi jon boshiga pul daromadlari 16,5 foizga o‘sdi. 2025-yilning dastlabki yetti oyida o‘rtacha oylik ish haqi...

37 yoshli amerikalik professional bokschi, uch vazn toifasida amaldagi mutlaq jahon chempioni Terens Krouford The Ring jurnalining yangilangan P4P reytingida birinchi o‘rinni egalladi.

Krouford 14-sentabr kuni Las-Vegasda tashkil etilgan boks oqshomida meksikalik bokschi Saul Alvaresga qarshi ringga ko‘tarilib, g‘alaba qozondi.

Jang to‘liq 12 raund davom etdi va hakamlar bir ovozdan amerikalik bokschining g‘alabasini qayd etishdi. Shuningdek, Krouford zamonaviy boks tarixida uchta vazn toifasida barcha kamarlarni birlashtira olgan ilk sportchiga aylandi.

Terens ushbu g‘alasidan so‘ng P4P reytingida yetakchilik qilib turgan ukrainalik bokschi Aleksandr Usikni ortda qoldirib, birinchi o‘ringa chiqib oldi.

Ikkinchi o‘rinni Usik egallagan bo‘lsa, uchinchi o‘rinda yaponiyalik Naoya Inoue

Samsung Hindistondagi arzon segment bozorida faoliyatini kuchaytirish maqsadida Samsung Galaxy A06 5G smartfoni narxini keskin tushirdi. Endi smartfon atigi 9,899 rupiy ($118) evaziga sotilmoqda.

Yangi narx cheklangan muddatli aksiya sifatida taqdim etilgan. Qurilma Hindistonning barcha yirik operatorlari uchun 12 ta 5G chastotasini qo‘llab-quvvatlaydi va eski 4G telefonlardan voz kechishni istagan foydalanuvchilar uchun mo‘ljallangan.

Galaxy A06 5G MediaTek Dimensity 6300 protsessorida ishlaydi, 6,7 dyuymli HD+ displey bilan jihozlangan. Asosiy kamera 50 MP (1/2.75″ sensor) va 2 MP chuqurlik sensori bilan, old tomonda esa 8 MP selfi kamerasi o‘rnatilgan. 5,000 mA·soat sig‘imli batareya va IP54 namlik hamda changdan himoya darajasi mavjud...

O‘zbekiston va Birlashgan Arab Amirliklari (BAA) hukumati o‘rtasida imzolangan «Investitsiyalarni o‘zaro rag‘batlantirish va himoya qilish to‘g‘risida»gi bitim tasdiqlandi. Bu haqda prezident qarori qabul qilindi.

Mazkur xalqaro shartnoma shu yilning 15-yanvarida Abu-Dabi shahrida imzolangan bo‘lib, O‘zbekiston Investitsiyalar, sanoat va savdo vazirligi uni amalga oshirish uchun vakolatli organ etib belgilandi.

Vazirlar Mahkamasi hamda tegishli vazirlik va idoralar rahbarlariga bitim kuchga kirgach, uning ijrosini belgilangan tartibda ta’minlash vazifasi yuklatildi.

Avvalroq Kursiv Uzbekistan MDH davlatlari o‘rtasidagi qidiruv bitimiga kiritilgan tuzatishlar kuchga kirgani haqida yozgandi.

AQSh prezidenti Donald Tramp The New York Times va bir necha jurnalistlarga qarshi tuhmat bo‘yicha $15 mlrdlik da’vo kiritdi. Bu haqda DW xabar bermoqda.

Da’vo Florida shtatidagi federal sudga 16-sentabr kuni topshirilgan. Tramp bu haqda 15-sentabrda Truth Social’da e’lon qildi. U gazeta uni va oilasini yolg‘on ma’lumotlar bilan obro‘sizlantirganini aytgan.

Arizada gazetaning bir qancha maqolalari va kitobi tilga olingan. Ularda Trampning shaxsiy obro‘si va biznesiga zarar yetkazilgani iddao qilinadi. Da’vo Penguin Random House nashriyotini ham qamrab oladi. Tramp TMTG aksiyalari qadrsizlangani ham ayni materiallar oqibati deb ta’kidladi. The New York Times hozircha sharh bermagan.

Tramp nashrni Demokratlar manfaatiga xizmat...

17-sentabr uchun valyuta kurslari e’lon qilindi. Shu kun uchun AQSh valyutasi 12 285,16 so‘m (-59,45 so‘m) etib belgilandi. Bu haqda Markaziy bank xabar bermoqda.

Dollar kursining so‘nggi besh kunlikdagi o‘zgarishi

Markaziy bank ma’lumotlariga ko‘ra, yevro 13,71 so‘mga oshib, 14 514,92 so‘mni, rubl esa 1,08 so‘mga oshib, 148,62 so‘mni tashkil qildi.

Markaziy bank almashuv kursi moslashuvchanligini oshirdi. Bu haqda 11-sentabr kuni regulyator boshqaruvi raisi Timur Ishmetov matbuot anjumanida ma’lum qildi.

«Almashinuv kursi bo‘yicha oxirgi davrlarda biz ham siyosatni sal o‘zgartirdik. Sal tebranuvchanligi oshib boryapti. Bu ham endi keyingi qadam. Ko‘p yillar davomida tebranish darajasi past bo‘lgani uchun bozor ishtirokchilarida, birinchi navbatda banklar va...

Milliy banklararo protsessing markaziga (Humo) Baxadirov Ulug‘bek Xojito‘rayevich rahbar etib tayinlandi.

Baxadirov bunga qadar «Poytaxt bank»ning Kuzatuv kengashi a’zosi sifatida faoliyat olib borgan. Ma’lumoti bo‘yicha mutaxassisligi — Xalqaro valyuta-kredit munosabatlari, iqtisodchi.

Shuningdek, u Quruq beton aralashmalar ishlab chiqaruvchi «Artmix Trade» MChJning ta’sischilaridan biri bo‘lib, kompaniyaning 50 foiz ulushiga egalik qiladi.

Ma’lumot uchun, may oyida Humo’ning sobiq rahbari Shuhratbek Qurbonov TBC Boshqaruv raisi maslahatchisi lavozimida ish boshlagandi.

Avvalroq Kursiv Uzbekistan Humo’ning olti oydagi sof foydasi 73 foizga o‘sgani haqida yozgandi.

Qatarda bo‘lib o‘tgan Islom hamkorlik tashkiloti va Arab davlatlari ligasi qo‘shma sammitida Turkiya prezidenti Rajab Toyyib Erdo‘g‘on mintaqadagi beqarorlikda Isroilning harakatlarini aybladi.

Erdo‘g‘onning ta’kidlashicha, ba’zi davlatlarning Falastinni tan olish tashabbusi ijobiy qadam sanalsa-da, u sanksiyalar bilan mustahkamlanmasa, samarasiz bo‘lib qoladi.

«Isroil faqat kuchli reaksiya va sanksiyalar orqali to‘xtatilishi mumkin. Aks holda u bosqinchilik va beqarorlik siyosatini yanada kuchaytiradi», dedi Turkiya rahbari.

Prezidentga ko‘ra, Islom dunyosi Isroilga qarshi choralarni kuchaytirishi, diplomatik harakatlarni jadallashtirishi va xalqaro huquq mexanizmlari orqali uni sud oldida javobgarlikka tortishi zarur.

Shuningdek, Erdo‘g‘on iqtisodiy bosimning ahamiyatini ham qayd etdi. U Turkiyaning, ayniqsa...

Shavkat Mirziyoyev Namangan viloyati Yangi Namangan tumanida barpo etilgan «Taraqqiyot» sanoat va servis zonasi faoliyati bilan tanishdi. Bu haqda prezident matbuot xizmati xabar berdi.

Namanganda bugungi kunda 1,5 ming gektar maydonda 73 ta sanoat zonasi faoliyat yuritmoqda. Shu tajribaning yaqqol namunasi Yangi Namangan tumanidagi Sohil mahallasidagi«Taraqqiyot» sanoat va servis zonasida ham ko‘rinmoqda.

«G‘ijduvon tajribasi» asosida 10 gektarda tashkil etilgan bu joyda 113 ta loyiha joylashtirilgan. Ularning samarali ishlashi uchun davlat budjeti hisobidan elektr, ichimlik suvi, kanalizatsiya va ichki yo‘llar qurib berilgan.

Natijada yiliga 500 milliard so‘mlik mahsulot ishlab chiqarish va xizmat ko‘rsatish quvvati yaratildi, 4,8 mingta yangi ish...

O‘zbekistonda islomiy bank tizimini joriy etishga oid qonun loyihasi birinchi o‘qishda qabul qilindi. Bu haqda quyi palataning matbuot xizmati ma’lum qilindi.

Ushbu hujjat bilan Soliq va Fuqarolik kodekslariga, shuningdek, yana sakkizta qonunga o‘zgartirish va qo‘shimchalar kiritish nazarda tutilgan. Unda «islomiy bank», «moliyaviy operatsiyalar va standartlar», «investitsion depozit» kabi tushunchalar qonunchilikka kiritilishi belgilangan.

Qonun loyihasiga ko‘ra, islomiy bank faoliyatini amalga oshirish uchun maxsus litsenziya joriy etiladi hamda uni olish tartibi va shartlari aniq belgilab qo‘yiladi. Shuningdek, litsenziyaga ega bo‘lgan banklarning bajarishi mumkin bo‘lgan moliyaviy operatsiyalari doirasi ham ko‘rsatib o‘tilgan.

Hujjatni birinchi o‘qishda konseptual tarzda 112 nafar deputat qo‘llab-quvvatladi, yana...

FIFA o‘zining rasmiy saytida milliy terma jamoalar o‘yinlari uchun qo‘yilgan sentabr va oktabr oyidagi tanaffusni birlashtirganini ma’lum qildi. Yangi tartib 2026-yilning kuzidan kuchga kiradi.

Endilikda kuzgi FIFA kunlari 21-sentabrdan 6-oktabrgacha davom etadi. Bu davrda terma jamoalar avvalgidek to‘rt o‘yin o‘tkazishi mumkin bo‘ladi. FIFA ushbu qaror futbolchilarda jarohatlar sonini kamaytirishi hamda ularning ortiqcha safarlarini qisqartirishiga umid qilmoqda.

Ma’lumot uchun, avvalgi tizimda FIFA taqvimida alohida ikki «oyna» bo‘lardi:

Sentabr  — odatda 4 – 12-sentabr oralig‘ida o‘tkazilardi.

Oktabr — odatda 7 – 15-oktabr kunlariga belgilangan bo‘lardi.

Ya’ni yilning kuz faslida klublar o‘z futbolchilarini ikki marta terma jamoa yig‘inlariga jo‘natishga majbur bo‘lardi. Har...

Shavkat Mirziyoyev 16-sentabr kuni Chust tumanidagi «Megaton» gazobeton bloklari ishlab chiqarish majmuasiga tashrif buyurdi. Ushbu korxona 500 ta yangi ish o‘rni yaratgan.

Ushbu korxona «Turonbank» tomonidan moliyalashtirilgan bo‘lib, loyiha qiymati 40 mln dollarni tashkil etadi. Ishlab chiqarishda Xitoy, Germaniya va Daniyadan olib kelingan innovatsion uskunalar o‘rnatilgan. Shu sababli mahsulot sifati va samaradorligi yuqori darajada. Xususan, Germaniya texnologiyasi tufayli gazobloklardan qurilgan bino energiya tejamkor bo‘ladi, tashqi izolyatsiya talab etilmaydi, issiqlik va salqinlikning yo‘qotilishi to‘rt barobar kamayadi. Bu esa elektr sarfini 45 foizgacha qisqartiradi.

Korxona mahsulot ishlab chiqarishda o‘ziga qarashli «Namangan sement» korxonasining 550 markali sementidan foydalanadi.

 Bunday innovatsion...

Namangan aeroportida $140 mlnlik investitsiya hisobiga yangi yo‘lovchi terminali barpo etilmoqda. Shavkat Mirziyoyev 16-sentabr kuni Namangan viloyatiga tashrif buyurib, hudud rivoji va aholi hayoti bilan yaqindan tanishdi.

Mavjud aeroport turistlar oqimini qabul qilishda kichiklik qilayotgani bois, 3 qavatli yangi terminal qurilmoqda. U ishga tushgach, yo‘lovchi tashish quvvati 2,5 baravar oshadi. Zamonaviy chegara nazorati va viza bo‘limlari, biznes zali, savdo va ovqatlanish shoxobchalari, tibbiyot xonasi hamda Duty free do‘konlari yo‘lovchilar xizmatiga taqdim etiladi.

Shu bilan birga, aeroportda kuniga 50 tonna yuk qabul qilish imkoniyatiga ega yirik kargo terminali ham qurilmoqda. U orqali 90 ta mamlakatga to‘g‘ridan to‘g‘ri eksport yo‘lga...