Yangiliklar

Yevropa Ittifoqi Google’ning nashriyotlar tomonidan yaratilgan onlayn materiallar va YouTube’ga yuklangan videolardan sun’iy intellekt modellarini o‘qitishda qanday foydalanayotgani ustidan navbatdagi antimonopoliya tergovini boshladi. Bu haqda Reuters nashri xabar berdi.

Bu kompaniyaga nisbatan so‘nggi bir oy ichida ochilgan ikkinchi katta surishtiruv bo‘lib, Yevropa texnologiya gigantlari ustidan nazoratni keskin kuchaytirayotganidan darak beradi.

Brusselning bayonotiga ko‘ra, asosiy e’tiroz Google’ning AI Overviews, ya’ni izlash natijalari ustida paydo bo‘ladigan sun’iy intellekt asosidagi qisqa xulosalar uchun nashriyotlar kontentidan yetarli kompensatsiya to‘lamasdan foydalanayotgani bilan bog‘liq. Xuddi shunday xavotirlar YouTube videolari bo‘yicha ham bildirilgan: foydalanuvchilar yuklagan videolar SI modellarni o‘qitishga jalb etilishi mumkin, lekin yaratuvchilarga bu borada...

Toshkent, Farg‘ona va Navoiy viloyatlarida kuchli ta’sir qiluvchi dorilarning noqonuniy savdosi bo‘yicha bir nechta tezkor tadbirlar o‘tkazildi. Bu haqda Bosh prokuratura departamenti ma’lum qildi.

Toshkent viloyati Zangiota tumanida yashovchi fuqaroning Toshkent shahri Uchtepa tumanidagi ijaraga olingan uyda qiymati 1,5 mlrd so‘mlik kuchli ta’sir qiluvchi moddalarni saqlayotgani aniqlandi. Fuqarodan «Pregabalin Capsules» (15 330 dona), «Chorionig Gonadotropxin Injection» (1 196 dona), «Sodium Chloride Injection I.P» (1 175 dona) va «Iron Sucrose Injection» (501 dona) dorilar hujjatlashtirildi.

Yana bir holat Navoiy viloyatida yuz berdi. Tomdi tumanida fuqaro «Burqut» MFY hududidagi savdo do‘konida boshqa fuqaroga 10 quti «Sibutramin» moddasi mavjud bo‘lgan...

Xitoy Yo‘lovchi Avtomobillari Assotsiatsiyasi (CPCA) joriy yilning yanvar–oktabr oylarida eng ko‘p xarid qilingan krossoverlar reytingini e’lon qildi. Hisobotga ko‘ra, bozor yetakchisi 220 916 dona sotuv bilan Geely Monjaro bo‘ldi.

Model yil boshidan boshlab segmentda birinchi o‘rinda kelgani, yangilangan dizayn va 272 ot kuchiga ega dvigatel uning savdosini yanada oshirganini ko‘rsatdi. Ikkinchi o‘rinni 187 750 dona sotuv bilan Geely Atlas egalladi. Uchinchi pog‘onada 176 669 dona sotilgan Toyota RAV4 qayd etildi. Kuchli beshlikdan Volkswagen Tiguan L (164 867 dona) va Changan CS75 Plus (151 752 dona) ham o‘rin oldi.

Keyingi o‘rinlarda Chery Tiggo 8 — 149 351 dona...

Oppo kompaniyasi yangi A6L smartfonini rasman namoyish qildi. Bu haqda GSMArena nashri ma’lum qildi.

Modelning eng asosiy afzalligi 7000 mA·soat sig‘imdagi yirik akkumulyator bo‘lib, u 80 Vt tezkor quvvatlashni qo‘llab-quvvatlaydi. Bunday sig‘im, ayniqsa, uzoq vaqt video ko‘ruvchilar yoki o‘yin o‘ynaydigan foydalanuvchilar uchun katta ustunlik beradi.

Smartfon Qualcomm Snapdragon 7 Gen 3 protsessori asosida ishlaydi, operatsion tizim Android 15, interfeys esa ColorOS 15. Gadjet zamonaviy talablar darajasida ishlab chiqilgan va unumdorlik bo‘yicha o‘rta sinfning kuchli vakillaridan biri bo‘lishi kutilmoqda.

Ekran va kamera

Oppo A6L AOLED texnologiyasiga ega 6,8 dyuymli displey bilan jihozlangan. Ekran Full HD+ aniqlikni va 120 Gs...

Shavkat Mirziyoyev mahallalarni kambag‘allik va ishsizlikdan xoli hududlarga aylantirish hamda aholi bandligini ta’minlash bo‘yicha olib borilayotgan ishlar yuzasidan axborot bilan tanishdi. Bu haqda prezident matbuot xizmati ma’lum qildi.

Majlisda «mahalla yettiligi» faoliyatida samaradorlik mezonlari yo‘qligi ta’kidlanib, ishsizlik va kambag‘allikni qisqartirishda mas’uliyatni kuchaytirish zarurligi bildirildi. «Yettilik» faoliyati aholi bandligi va daromadlarida aks etishi lozimligi, bu borada manzilli ishlarni kuchaytirish topshirildi. Shuningdek, mahallalardagi muammolarni aniqlab, ularni hal etishga e’tiborni kuchaytirish belgilandi.

Og‘ir toifadagi mahallalardagi ishlar ko‘rib chiqilib, infratuzilma, elektr ta’minoti, internet sifati va tomorqadan foydalanish imkoniyatlarini kengaytirish topshirildi. Joriy yilda kambag‘allik darajasi 8,9 foizdan 6 foizga tushishi, kelgusi yilda uni...

O‘zbekiston hududida 10 – 12-dekabr kunlari kutilayotgan kuchli yog‘ingarchilik va havo haroratining keskin o‘zgarishi tufayli bir nechta tog‘li hududlarda qor ko‘chishi xavfi yuzaga kelmoqda. Bu haqda «O‘zgidromet» ma’lum qildi.

Xususan, Toshkent viloyatining Bo‘stonliq, Ohangaron va Parkent tumanlari (Chotqol tizmasi tog‘lari), Namangan viloyatining Pop tumanida xavf darajasi oshgan.

«O‘zgidromet» tog‘li hududlarda yashovchi aholi, dam oluvchilar va ushbu yo‘nalishlarda qatnovchi haydovchilarga alohida ehtiyotkorlik choralariga amal qilishni tavsiya etmoqda. Ob-havo sharoiti yomonlashishi ortidan ayrim yo‘llarda sirpanchiq holat, ko‘chki xavfi va ko‘rinuvchanlikning pasayishi ehtimoli bor.

Avvalroq «Kursiv» nashri 8-dekabrdan O‘zbekistonga sovuq va nam havo kirib kelishi haqida yozgandi.

9 – 10-dekabr kunlari...

YouTube bosh direktori Nil Moxan Time jurnali tomonidan 2025-yilning «Eng yaxshi bosh direktori» (CEO of the Year) deb e’tirof etildi. Bu haqda Time nashri xabar bermoqda.

Nil Moxan YouTube’ni 2023-yildan beri boshqarib kelmoqda. Ushbu davr mobaynida platforma striming, televideniye va podkastlar yo‘nalishida o‘z pozitsiyalarini keskin mustahkamladi. Shorts qisqa videolari foydalanuvchilari soni esa oyiga 2 mlrd nafarga yetdi. Shuningdek, YouTube sport tadbirlari va jonli translyatsiyalar uchun asosiy maydonlardan biriga aylandi.

Kompaniya kontent mualliflariga e’tiborni kuchaytirib, videolarni yaratish, tarjima qilish va montaj jarayonlari uchun sun’iy intellekt vositalarini faol joriy etmoqda. Time nashrining ta’kidlashicha, Moxan davrida YouTube shunchaki videolarni joylash sayti...

Fermerlarga endi toifalarga qarab kredit ajratiladi. Shavkat Mirziyoyev paxtachilik va g‘allachilikni moliyalashtirish hamda agrar sohada subsidiya berishning yangi tizimi bo‘yicha taqdimot bilan tanishdi.

Unga ko‘ra, hozirda fermerlarga kredit ajratishda moliyaviy barqaror xoʻjaliklarga ham, toʻlov intizomiga rioya etmayotganlariga ham bir xil foiz stavkasi qoʻllanmoqda. Shu bois taqdimotda fermerlar orasida «intizomli boʻlish – arzon kredit» modelini shakllantirish uchun «A» kredit reytingiga ega xoʻjaliklarga 2 foizga, «B» toifadagilarga 1 foizga pasaytirilgan stavkada kredit ajratish va shu orqali intizomli fermerlarning kredit yukini kamaytirish taklif qilindi.

Shuningdek, kelgusi yilda paxta va g‘alla yetishtirish, xarajatlarni qoplash va subsidiyalar uchun jami 34,2 trillion so‘m yo‘naltiriladi...

Davlat soliq xizmati 2025-yil 1-dekabr holatiga ko‘ra, Soliq mobil ilovasidan foydalanish bo‘yicha yangilangan statistikani e’lon qildi.

Ma’lumotlarga ko‘ra, ilovada ro‘yxatdan o‘tgan foydalanuvchilar soni 14,5 mln kishidan oshgan. Shundan 13,7 mln nafari faol foydalanuvchilar hisoblanadi. Shaxsini tasdiqlagan foydalanuvchilar soni esa 8,8 mln nafarga yetgan.

Noyabr oyidagi foydalanish hajmi 89,8 mln martani tashkil etdi. Eng ko‘p foydalanilgan xizmatlar quyidagilar bo‘ldi: eng katta ulush xarid cheklarini keshbekka topshirish xizmatiga to‘g‘ri kelib, 32,4 mln marta ishlatilgan. Soliqlarni to‘lash xizmati orqali 21 mln martadan ortiq murojaat amalga oshirilgan. Soliq Biznes bo‘limi esa 2,6 mln marta foydalanilgan. Soliq hamkori xizmati 1,58 mln marta, quyoshli xonadon...

Angliya milliy terma jamoasi va Saudiya Arabistonining «Al-Ahli» klubi hujumchisi Ivan Touni Londonda hibsga olindi. Bu haqda The Sun nashri xabar bermoqda.

Ma’lumotlarga ko‘ra, mojaro muxlisning futbolchi bilan suratga tushishga urinishi ortidan kelib chiqqan. Muxlislardan biri Touni bilan rasmga tushish uchun uni bo‘ynidan quchoqlamoqchi bo‘lgan. Futbolchi esa esa «Meni tinch qo‘y», deb javob qaytargan.

Guvohlarning ta’kidlashicha, ushbu og‘zaki tortishuvdan so‘ng futbolchi erkakni boshi bilan urib, uning burun sohasiga jarohat yetkazgan. Mahalliy politsiya vakillari hujumda gumonlanib 29 yoshli shaxs qo‘lga olinganini tasdiqladi. Hozirda futbolchi garov evaziga qo‘yib yuborilgan, biroq holat yuzasidan tergov harakatlari davom etmoqda.

Ivan Touni ushbu mavsum barcha...

Transfermarkt portali Eron Pro-ligasida to‘p surayotgan futbolchilarning transfer narxlarini yangiladi. Yangilangan reytingda o‘zbekistonlik futbolchilar kuchli 10 likdan joy oldi.

O‘zbekiston milliy terma jamoasi va «Persepolis» klubi yarim himoyachisi Oston O‘runov 2 mln yevro bilan chempionatning eng qimmat futbolchisi deb topildi. Reytingning kuchli o‘nligiga yana bir o‘zbekistonlik legioner Jaloliddin Masharipov ham kirdi.

24 yoshli Oston O‘runov eng yaqin ta’qibchisini 200 ming yevroga ortda qoldirgan holda yakka peshqadamga aylandi. Ikkinchi o‘rinni «Traktor» klubi a’zosi Husaynzoda va «Istiqlol»dan Jasir Asani band etgan bo‘lib, ularning har biri 1,8 million yevroga baholangan. Shuningdek, «Persepolis» himoyachisi Husayn Kanoni ham xuddi shu narx bilan kuchli to‘rtlikdan...

«Toshkent» respublika fond birjasi (RFB)dan joy olgan yuqori likvidli aksiyalarning aksariyati 28-noyabrdan 5-dekabrgacha bo‘lgan davrda ijobiy dinamikani ko‘rsatib, UCI fond indeksi 3,31 foizga tushdi.

Ushbu davr mobaynida «Hamkorbank» aksiyalari eng katta o‘sishga erishib, 12,56 foizga qimmatlashdi. Shuningdek, «O‘zRTXB» (+8,80%) va «Trastbank» (+6,47%) aksiyalarida ham o‘sish qayd etildi.

O‘z navbatida, «Garant bank» aksiyalari 15,62 foizga arzonlashib, haftaning eng katta pasayishini qayd etdi. Bundan tashqari,«O‘zmetkombinat» (-6,25%) va «UzAuto Motors» (-5,56%) aksiyalari ham pasayish bilan ajralib turdi. Faqatgina «Ipoteka-bank» va «Aloqabank» aksiyalari narxida o‘zgarish kuzatilmadi.

Ushbu davrda bitimlar soni bo‘yicha «O‘zRTXB» (544 ta bitim), «Kapital sug‘urta» (481 ta) va «Hamkorbank» (433 ta) peshqadam...

Las-Vegasda bo‘lib o‘tgan UFC 323 turnirida sportchilarga to‘langan gonorarlar miqdori ma’lum bo‘ldi. Bu haqda Allboxing.ru xabar berdi.

Musobaqaning markaziy jangida yengil vazn toifasidagi Pyotr Yan amaldagi chempion Merab Dvalishvilini mag‘lub etib, besh yillik tanaffusdan so‘ng o‘z kamarini qaytarib oldi. Turnirdagi eng katta gonorar, mag‘lubiyatga qaramay, Merab Dvalishviliga nasib etdi.

Gruziyalik jangchining umumiy daromadi $2,3 millionni tashkil qildi, shundan $1,5 millioni pullik translyatsiyalar (PPV) ulushiga to‘g‘ri keladi. G‘olib Pyotr Yan esa jami $1,4 million ishlab topgan.

Bogdan Guskov polshalik sobiq chempion Yan Blaxovichga qarshi jang qilib, durang natija qayd etdi. Blaxovich ushbu jangdan $321 ming ishlab topgan. O‘zbekistonlik sportchi esa...

TrendForce tahlilchilari smartfonlar uchun xotira chiplaridagi tanqislik 2026-yilda hatto eng arzon modellarning ham sezilarli qimmatlashishiga olib kelishini ko‘rsatdi.

Mutaxassislarning aytishicha, sun’iy intellekt tufayli xotira chiplariga talab oshgan, zavodlarning ombor zaxiralari esa odatdagi sakkiz haftadan to‘rt haftagacha qisqargan. Zaxiralar tugagach ishlab chiqaruvchilar chiplarni yangi ancha yuqori narxlarda xarid qilishga majbur bo‘ladi. Bu esa bevosita smartfon narxlariga ta’sir qiladi.

Coosea Group ma’lumotiga ko‘ra, 4 GB hajmdagi LPDDR4X operativ xotira chipi yil boshidan beri $7 dan $30 gacha qimmatlagan. eMMC saqlash chipi esa $3,2 dan $8 gacha ko‘tarilgan. Kelgusi yillarda arzon smartfonlar uchun asosiy standart sifatida LPDDR4X qo‘llanilishi kutilmoqda, u LPDDR5X’dan sekinroq...

10-dekabr uchun valyuta kurslari e’lon qilindi. Shu kun uchun AQSh valyutasi 12 003,18 so‘m (+13,09 so‘m) etib belgilandi. Bu haqda Markaziy bank xabar bermoqda.

Dollarning so‘nggi kunlardagi o‘zgarishi

1-dekabr kuni valyuta kursi 11 940,95 so‘m etib belgilandi va oldingi kunga nisbatan 38,65 so‘mga oshdi.

2-dekabrda vaziyat o‘zgardi. Dollar 11 895,57 so‘mga tushib, kunlik hisobda 45,38 so‘m pasaydi. 3-dekabr kuni kurs pasayishda davom etdi va 11 880,93 so‘mni tashkil etdi. Bu kunda dollar yana 14,64 so‘mga arzonlashdi.

4-dekabrda bozor yo‘nalishini o‘zgartirdi. AQSh valyutasi yana mustahkamlanib, 11 912,38 so‘mga chiqdi. Kunlik o‘sish 31,45 so‘m bo‘ldi. 5-dekabr kuni esa haftadagi eng katta ko‘tarilish qayd etildi. Dollar 50,85 so‘mga...

O‘zbekistonda «Davlat ijtimoiy sug‘urtasi to‘g‘risida»gi qonun qabul qilindi. Hujjat 2026-yil boshidan kuchga kiradi. Bu haqda Adliya vazirligi matbuot xizmati xabar berdi.

Yangi tartibga ko‘ra, ijtimoiy sug‘urta majburiy va ixtiyoriy shaklda amal qiladi. Sug‘urta hodisasi sifatida fuqaroning kasalligi, homiladorlik va tug‘uruq holatlari, shuningdek, ishini yo‘qotishi yoki daromadidan mahrum bo‘lishi e’tirof etiladi.

Bunday holatlar yuzaga kelganda, sug‘urtalangan shaxslar yoki ularning oila a’zolariga pul to‘lovlari amalga oshiriladi. Ular kasallik bo‘yicha nafaqa, homiladorlik va tug‘uruq bilan bog‘liq nafaqa hamda ishsizlik bo‘yicha to‘lovlarni o‘z ichiga oladi.

Nafaqa miqdori to‘langan sug‘urta badallariga bog‘liq bo‘ladi. Badallarning hajmi va to‘lash muddatlari amaldagi qonunchilik hujjatlari bilan belgilanadi.

Rasmiylarga...

Toshkent tumanlararo iqtisodiy sudi «Humans» MChJni bankrot deb topish bo‘yicha «Octobank» AJ arizasini to‘liq qanoatlantirdi. Kursiv Uzbekistan sud hujjati bilan tanishdi.

Unga ko‘ra, Toshkent tumanlararo iqtisodiy sudining 2025-yil 13-iyundagi qaroriga binoan Humans’dan Octobank’ga qariyb 400 mlrd so‘mdan ortiq mablag‘ni undirilishi belgilangan. Aniqrog‘i, 399,8 mlrd so‘m asosiy qarz, 605,2 mln so‘m mukofot pulidan qarzdorlik, 19,6 mlrd so‘m penya va 9,6 mlrd so‘m davlat boji hamda boshqa xarajatlar mavjud. Biroq hozirgi kungacha qarzdordan pul mablag‘lari undirilmagan.

Toshkent tumanlararo iqtisodiy sudining joriy yil 14-oktabrdagi qarorida «Humans» MChJ doimiy to‘lovga qodir emasligi, sudning avvalgi qarori asosida chiqarilgan ijro varaqasi bo‘yicha ham qarzlar undirilmagani...

Geely tarkibidagi Lotus kompaniyasi yangi Lotus For Me modelini rasman namoyish etdi. Bu haqda CarNewsChina xabar bermoqda.

Modelning bozorga chiqishi 2026-yilning birinchi choragiga rejalashtirilgan. For Me tashqi dizayni Eletre bilan bir xil uslubda ishlangan. Krossoverning uzunligi 5 103 mm, eni 2 019 mm, balandligi esa 1 636 mmni tashkil etadi. G‘ildirak bazasi 3 019 mm. Kenglik va balandlik nisbati 1,24 bo‘lib, bu ko‘rsatkich ham Eletre bilan mos keladi. Avtomobil Pirelli P Zero 5 LTS shinalari va Brembo‘ning olti porshenli old tormoz supportlari bilan jihozlangan. Tormoz masofasi 33,9 metrni tashkil etadi. Orqa qismda faol spoyler o‘rnatilgan.

Rasmiy hujjatlarga ko‘ra, model...

Xiaomi hali global taqdimotni o‘tkazmagan bo‘lsa-da, Redmi Note 15 smartfonlari allaqachon Yevropa bozorida sotuvga chiqarildi. Bu haqda GSMArena xabar bermoqda.

Yevropaning bir qator savdo do‘konlari va mobil operatorlari Redmi Note 15 Pro 4G, Redmi Note 15 hamda Redmi Note 15 Pro modellari uchun narxlar va texnik tavsiflarni saytlarga joylashtirdi. Xaridorlar qurilmalarni rasmiy taqdimot bo‘lmasdan turib ham xarid qilishi mumkin.

Italiyada Redmi Note 15 Pro 4G modeli 289 yevrodan taklif etilmoqda. Bu 8 GB tezkor xotira va 256 GB ichki xotiraga ega versiya hisoblanadi. Smartfon 6,77 dyuymli OLED displey bilan jihozlangan bo‘lib, FHD+ aniqlik va 120 Hz yangilanish chastotasini qo‘llab-quvvatlaydi...

Markaziy bank 9-dekabr holatiga Humans mobil ilovasi orqali «Octagram» AJ tomonidan olib borilayotgan barcha to‘lov xizmatlari vaqtincha to‘xtatilganini ma’lum qildi.

Regulyatorga ko‘ra, 8-dekabr kuni ertalab fuqarolar Humans ilovasi orqali mablag‘lar yechib olingani haqida murojaatlar bildirgan. Shundan so‘ng Markaziy bank Octagram bilan bog‘lanib, xavfsizlikni ta’minlash maqsadida P2P operatsiyalarini to‘xtatish bo‘yicha ko‘rsatma berdi. 9-dekabr holatiga ko‘ra, Humans ilovasi orqali Octagram tomonidan amalga oshiriladigan barcha to‘lov xizmatlari vaqtincha to‘xtatildi.

Ayni paytda holat bo‘yicha tezkor tekshiruv olib borilmoqda. Shubhali tranzaksiyalar, texnik jarayonlar va platformalar o‘rtasidagi hamkorlik to‘liq o‘rganilmoqda.

Markaziy bank Uzcard va Humo kartalari odatdagi tartibda ishlayotgani, to‘lovlar uchun boshqa ilovalardan foydalanish...

O‘zbekistonda Telegram messenjeri ichiga integratsiya qilingan xalqaro kripto hamyon Wallet ishga rasman tushirildi. Foydalanuvchilar endilikda mahalliy to‘lov tizimlari yordamida kriptovalyuta xarid qilish va sotish imkoniga ega bo‘ldi.

Wallet bevosita Telegram interfeysiga o‘rnatilgan bo‘lib, alohida ilova yuklab olishni talab etmaydi. Xizmat Bitcoin, Toncoin, USDT va yana 200 dan ortiq tokenlarni qo‘llab-quvvatlaydi. O‘zbekistonda ushbu loyihaning texnologik hamkori Asterium kompaniyasi hisoblanadi. Foydalanuvchilar Humo, Visa va Mastercard kartalari orqali vositachilarsiz kripto aktivlarni boshqarishi mumkin.

«Asterium’ning missiyasi – kripto aktivlar bilan ishlashni har bir odam uchun oson va qulay qilish. Wallet bizning mahsulotlarga bo‘lgan yondashuvimizga to‘liq mos keladi. U qulay, shaffof...

2026-yilda taqdim etiladigan iPhone 18 Samsung’ning bukiladigan telefonlaridagi kabi ekranosti old kamera texnologiyasini qabul qilishi mumkin. Gizmochina’ga ko‘ra, Apple ekran osti 3D texnologiyasini sinab ko‘rmoqda. Bu texnologiya yordamida Face ID elementlari ekranda ko‘rinmaydi.

Bu yangilik birinchi marta tilga olinayotgani yo‘q. Avval ham iPhone 18’da ekran osti Face ID bo‘lishi haqida xabarlar chiqqandi. Bloomberg nashri Mark Gurmanning hisobotiga ko‘ra, bu texnologiya Dynamic Island uchun hozirgi qalin kesmani kichraytirishga yordam beradi.

Ekranosti kamera boshqa kompaniyalarda ham sinab ko‘rilgan. Samsung Galaxy Z Fold 3’da bu texnologiyani qo‘llagan, ammo surat sifati ancha pasayib ketgani uchun keyingi modellarda yana odatiy kameraga qaytdi. Ba’zi...

Samsung Xitoy bozorida Samsung Galaxy Z TriFold uchun oldindan buyurtmalarni qabul qilishni boshladi. Savdo rasmiy tarzda 12-dekabr kuni start oladi.

Smartfon 16 GB tezkor xotira va 512 GB xotirali talqinda 19 999 yuan bahosida taklif etilmoqda, bu taxminan $2,8 mingga teng. 1 TB xotiraga ega versiya esa 21 999 yuan etib belgilangan bo‘lib, qiymati $3,1 ming atrofida baholanmoqda. Qurilma faqat qora rangda sotiladi va ushbu narx segmentida Huawei Mate XT bilan raqobatlashadi.

Galaxy Z TriFold’ning asosiy jihati – ikki marta buklana oladigan konstruktsiya hisoblanadi. Smartfon 10 dyuymli Dynamic AMOLED asosiy displeyga ega bo‘lib, 120 Hz yangilanish chastotasi hamda...

Yaponiya hukumati Markaziy Osiyoning besh davlati bilan Tokioda sammit o‘tkazish ustida ish olib bormoqda. Bu haqda Nippon ma’lum qildi.

Yaponiyaning hukmron Liberal-demokratik partiyasi (LDP) vitse-prezidenti Taro Aso ushbu rejalarni partiyaning Yaponiya va Osiyo davlatlari o‘rtasidagi do‘stlikni targ‘ib qiluvchi deputatlar yig‘ilishida e’lon qildi. Rejaga ko‘ra, tadbir davomida Yaponiya Bosh vaziri Sanae Takaichi va Markaziy Osiyo davlatlari rahbarlari o‘rtasida alohida ikki tomonlama uchrashuvlar o‘tkazilishi ham ko‘rib chiqilmoqda.

«So‘nggi olti oy ichida Rossiya, Xitoy, AQSh va boshqa davlatlar Markaziy Osiyo davlatlari bilan sammitlar o‘tkazdi. Yaponiyaning ham bunday sammitlarni muvaffaqiyatli o‘tkazishi diplomatik nuqtayi nazardan o‘ta muhimdir», – dedi Aso...