Yangiliklar

Shavkat Mirziyoyev kimyo sanoatida ishlab chiqarish va eksportni oshirish hamda tannarxni pasaytirish bo‘yicha taqdimot bilan tanishdi. Bu haqda davlat rahbari matbuot xizmati ma’lum qildi.

Mamlakatda kimyo sanoatini rivojlantirish va raqamlashtirish bo‘yicha aniq strategiya qabul qilingan. 2030-yilgacha tarmoq hajmini ikki barobar oshirish, mineral o‘g‘itlar ishlab chiqarishni 1,5 barobarga ko‘paytirish va eksportni $1 mlrdga yetkazish rejalashtirilgan.

Hozirgi kunda tarmoqda qiymati $1 mlrdlik 21 ta yirik loyiha amalga oshirilmoqda, kelgusi uch yil uchun esa yana $4,5 mlrdlik tashabbuslar rejalashtirilgan.

Taqdimotda ba’zi yirik korxonalardagi ishlab chiqarish quvvatlari eskirgani, energiya xarajatlari yuqoriligi va raqobatbardoshlik pastligi qayd etildi. Masalan, azotli o‘g‘itlar tannarxining 55 foizi...

OnePlus Ace 6T smartfoni rasmiy ravishda taqdim etildi. Bu haqda ITHome nashri ma’lum qildi.

U dunyodagi ilk Qualcomm Snapdragon 8 Gen 5 chipi asosida ishlab chiqarilgan smartfon hisoblanadi. OnePlus Ace 6T Snapdragon 8 Elite Gen 5 chipli modellarga nisbatan arzonroq bo‘ladi:

Smartfon 6,83 dyuymli OLED ekran, 1,5K piksellar soni va 165 Hz yangilanish tezligi bilan jihozlangan. PWM tezligi 3840 Hz ga yetadi. Qurilmaning eng katta afzalligi — 8300 mAh sig‘imli batareya bo‘lib, maksimal 100 Vt quvvat bilan zaryadlash mumkin.

Asosiy kamera Sony IMX906 (50 MP, asosiy modul) va Sony IMX355 (8 MP, keng burchakli modul) sensorlaridan iborat. Old...

2026-yilda O‘zbekiston iqtisodiyoti jadal o‘sishi kutilmoqda, AQSh hukumati 19 ta davlatdan immigratsiyani vaqtincha to‘xtatdi, «Manchester Siti» esa Husanovsiz o‘tgan o‘yinda 4 gol gol o‘tkazib yubordi. Shuningdek, OpenAI «qizil kod» e’lon qildi — Kursiv Uzbekistan tomonidan 3-dekabrning muhim hodisalari jamlandi.

2026-yilda O‘zbekiston YIM o‘sishi 6,6 foizgacha yetishi kutilmoqda

3-dekabr kuni Oliy Majlis Qonunchilik palatasi O‘zbekiston Respublikasining 2026-yilgi davlat budjeti to‘g‘risidagi qonun loyihasini birinchi o‘qishda qabul qildi. Hujjatga ko‘ra, 2026-yilda mamlakat yalpi ichki mahsulotining real o‘sishi 6,6 foiz etib prognoz qilinmoqda. Aholi jon boshiga to‘g‘ri keladigan YIM hajmi $4,6 darajaga yetishi kutilmoqda.

AQSh 19 ta davlatdan immigratsiyani qisman...

Shavkat Mirziyoyevga davlat idoralarining aholi bilan kommunikatsiyasini samarali tashkil etish bo‘yicha ishlar haqida axborot taqdim etildi. Bu haqda davlat rahbari matbuot xizmati ma’lum qildi.

Mamlakatda davlat va jamiyat hayotining barcha sohalarida islohotlar davom etmoqda, shuningdek, aholi murojaatlarini ko‘rib chiqish tizimi takomillashtirilmoqda. Xalq qabulxonalarining imkoniyatlarini kengaytirish, zamonaviy yondashuvlarni joriy etish va jamoatchilik fikrini qarorlar qabul qilishda hisobga olish dolzarb ahamiyatga ega.

Aholining kayfiyati, ehtiyoji va orzu-intilishlarini aniq o‘rganishda zamonaviy sotsiologik va tahliliy usullardan foydalanish, islohotlarning samaradorligini baholash va taraqqiyot dasturlarini to‘g‘ri ishlab chiqish muhimligi ta’kidlandi.

Prezidentimiz davlat idoralari faoliyatida xalq bilan muloqot madaniyatini yuksaltirish, fuqarolarni eshitish va ularning fikrini...

Jahon oltin kengashi (WGC) ma’lumotlariga ko‘ra, O‘zbekiston Markaziy banki oktabr oyida oltin xaridida eng yirik davlatlar qatoriga kirib, 9 tonna oltin sotib oldi.

Bu ko‘rsatkich markaziy banklar orasida uchinchi natija hisoblanadi. Yetakchi pog‘onada Polsha va Singapur turib, har biri 16 tonna oltin xarid qilgan.

Butun dunyo markaziy banklarining sof oltin xaridi oktabrda 53 tonnaga yetib, sentyabr oyiga nisbatan 36% ga oshdi. Xaridorlar qatorida Indoneziya, Turkiya, Chexiya va Qirg‘iziston ham bor edi.

Yil boshidan oktabrgacha bo‘lgan davrda global markaziy banklar jami 254 tonna oltin sotib olgan. Shu davrda eng yirik xaridor Polsha bo‘lib, uning xaridi 83 tonnani tashkil qilgan...

Toshkentda transport boshqaruvini yaxshilash va tirbandliklarni kamaytirish bo‘yicha yangi choralar ko‘rilmoqda. Shavkat Mirziyoyev 3-dekabr kuni shu masalaga oid taqdimot bilan tanishdi.

So‘nggi yillarda poytaxt jamoat transporti yangilandi: avtobuslar soni 1900 taga yetdi, qatnov intervali 15 daqiqaga qisqardi. Avtobuslardan kunlik foydalanish 1,4 mln nafarga etdi. Metro tarmog‘i kengaytirilib, uning uzunligi 70,5 kmga, bekatlar soni 50 taga yetdi. Metro bir kunda 900 ming yo‘lovchiga xizmat ko‘rsatmoqda.

Shahar ko‘chalarida tartibga solish ishlari davom ettirildi: 2870 ta belgi almashtirildi, 2770 ta yangi belgi va 55 ta svetofor o‘rnatildi. Aholi va transport vositalari ko‘payishi natijasida yo‘l infratuzilmasiga yuklama kuchaydi. Asosiy yo‘laklarda tirbandlik...

O‘zbekistonda toza havo himoyasi uchun 900 mlrd so‘m ajratiladi. Bosh vazir o‘rinbosari, Iqtisodiyot va moliya vaziri Jamshid Qo‘chqorov Oliy Majlis Qonunchilik palatasida deputat so‘roviga javob berdi.

Oliy Majlis Qonunchilik palatasining navbatdagi majlisida Jamshid Qo‘chqorovga sanoat korxonalariga zamonaviy filtrlash va tozalash uskunalarini o‘rnatish, shuningdek, ekologik choralar uchun 2026-yil budjetidan qancha ajratilishi haqida savol berildi.

Qo‘chqorovning aytishicha, 2025-yilning o‘zida 900 mlrd so‘m maxsus jamg‘armaga o‘tkazib beriladi. Bu mablag‘ sanoat korxonalaridagi filtrlash tizimlarini yangilash va ekologiyani yaxshilash ishlariga yo‘naltiriladi.

Ekologiya va iqlim o‘zgarishi milliy qo‘mitasi raisi o‘rinbosari Jusipbek Kazbekovning so‘zlariga ko‘ra, 2026-yilda qo‘shimcha daromadlar hisobidan 548 mlrd so‘m yo‘naltirilishi prognoz qilinmoqda.

Guliston shahrida yuz bergan portlash yuzasidan Hukumat komissiyasi tuzildi. Bu haqda Favqulodda vaziyatlar vazirligi (FVV) matbuot xizmati xabar bermoqda.

Komissiyaga prezident topshirig‘iga binoan Ochilboy Ramatov boshchilik qiladi. Voqea sabablarini atroflicha o‘rganish, jabrlanganlarga yordamni muvofiqlashtirish hamda kelgusida bunday hodisalarning oldini olish choralarini belgilanadi.

Voqea o‘zi qanday bo‘ldi

2-dekabr kuni Sirdaryo viloyatining Guliston shahridagi «Uz Bek Family» MChJga qarashli ovqatlanish shoxobchasida gaz va havo aralashmasining chaqnashi oqibatida yong‘in sodir bo‘ldi.

Hodisa natijasida 29 nafar fuqaro turli darajada tan jarohati oldi. Ulardan 3 nafari vafot etdi. Qolgan jabrlanganlarga tibbiy muassasalarda zarur yordam ko‘rsatilmoqda.

Eslatib o‘tamiz, Kursiv Uzbekistan Samarqandda gaz portlashi ishi...

Doogee kompaniyasi o‘zining yangi Doogee V Max LR smartfonini global bozorda sotuvga chiqarilganini e’lon qildi. Bu haqda Gizmochina xabar bermoqda.

Modelning narxi $580 etib belgilangan. Smartfon IP68 va IP69K standartlari bo‘yicha chang va suvdan to‘liq himoyalangan. Ishlab chiqaruvchiga ko‘ra, qurilma -20°C dan +55°C gacha bo‘lgan harorat oralig‘ida muammosiz ishlay oladi.

V Max LR MediaTek Dimensity 7300 protsessori asosida ishlaydi va Android 15 operatsion tizimida faoliyat ko‘rsatadi. Qurilmaga sig‘imi 20 500 mA/soat bo‘lgan ulkan akkumulyator o‘rnatilgan. U 45 Vt simli tezkor quvvatlash va 10 Vt teskari quvvat berish funksiyalarini qo‘llab-quvvatlaydi.

Old kamera 32 MP bo‘lsa, asosiy blokda 200 MP va...

Hindiston poytaxti Dehlida havo ifloslanishi darajasining ortishi fonida 200 mingdan ziyod o‘tkir respirator kasallik holatlari aniqlandi. Bu haqda BBC xabar berdi.

Statistik ma’lumotlarga ko‘ra, kasallanish ko‘rsatkichlari barqaror yuqoriligicha qolmoqda. 2022-yilda 67 mingta, 2023-yilda 69 mingta va 2024-yilda 68 mingta holat ro‘yxatga olingan. Faqatgina oltita davlat shifoxonasining o‘zida o‘tgan uch yil davomida 30 mingdan ortiq kishilar kasalxonaga yotqizilgan.

Ayni paytda Dehlida havo sifati indeksi Jahon sog‘liqni saqlash tashkiloti tavsiya etgan me’yordan 20 baravar oshib ketgan. Ma’lumotlariga ko‘ra, chorshanba kuni ertalab o‘rtacha indeks 380’ni tashkil qilgan. Mintaqadagi ekologik inqiroz sanoat chiqindilari, transport vositalari, havo haroratining pasayishi va qo‘shni shtatlarda ekin maydonlarining...

1968-yil Mexiko shahrida o‘tgan Yozgi Olimpiada o‘yinlarida boks bo‘yicha og‘ir vazn chempioni Jorj Formanga tegishli bo‘lishi mumkin bo‘lgan oltin medal auksion savdosiga chiqarildi. Bu haqda Lelands auksion uyi saytida ma’lum qilindi.

Jorj Forman Olimpiada oltin medalini sport faoliyatidagi eng katta yutug‘i sifatida baholagan. U turnirda 1/8 finalda polshalik Lyutsian Trela ustidan ochkolar bo‘yicha 4:1 hisobida g‘alaba qozongan. Chorak finalda ruminiyalik Ion Alege bilan jang 3-raundda hakam tomonidan to‘xtatilgan. Yarim finalda italiyalik Jorjo Bambinini 2-raundda nokaut qilgan. Finalda esa Sovet Ittifoqi vakili Jonas Sepulisni 2-raundda texnik nokaut bilan mag‘lub etib, og‘ir vaznda Olimpiada chempioniga aylangan.

G‘alabadan so‘ng Jorj Forman ring...

Qozon shahri aholisi Yangi yil ta’tilini o‘tkazish uchun asosiy xorijiy yo‘nalish sifatida O‘zbekistonni tanlamoqda. Bu haqda Aviasales ma’lumotlariga tayanib Kommersant nashri xabar bermoqda.

O‘zbekiston sayyohlar tanlovi bo‘yicha Tailand (19 foiz), Turkiya (7 foiz) va Xitoy (4 foiz) kabi an’anaviy ommabop yo‘nalishlarni ortda qoldirdi. Qozonliklarning umumiy Yangi yil bronlarining 41 foizi xorijiy davlatlarga, 59 foizi esa Rossiya bo‘ylab ichki parvozlariga to‘g‘ri keladi.

Chet eldagi ta’tilning o‘rtacha davomiyligi o‘n kunni tashkil etmoqda. O‘zbekiston Statistika agentligi ma’lumotlariga ko‘ra, 2025-yilning dastlabki o‘n oyida mamlakatga jami 852 ming nafar rossiyalik sayyoh tashrif buyurgan.

Avvalroq Kursiv Uzbekistan O‘zbekistonga sayyohlar kelishi bo‘yicha Rossiya yetakchi...

O‘zbekiston va Rossiya o‘rtasidagi savdo bo‘yicha hisob-kitoblarning 75 foizdan ortig‘i milliy valyutalarda bajarilmoqda. Bu haqda O‘zbekiston bosh vaziri o‘rinbosari Jamshid Xodjayev ma’lum qildi, deb xabar berdi «RIA Novosti».

Iqtisodiy hamkorlik bo‘yicha Rossiya – O‘zbekiston hukumatlararo komissiyasining 26-yig‘ilishida Xodjayev bu natijani ikki davlat o‘rtasidagi iqtisodiy aloqalar mustahkamlanayotganining muhim belgisi sifatida baholagan. Uning aytishicha, ko‘rsatkichni yanada mustahkamlash uchun to‘lov tizimlarini rivojlantirish, ularni integratsiya qilish, kiberxavfsizlik darajasini oshirish va komplayens talablarini kuchaytirish zarur.

Bundan tashqari, bosh vazir o‘rinbosari O‘zbekiston – Rossiya o‘rtasidagi investitsiya loyihalari portfeli $55 milliarddan oshganini qo‘shimcha qildi. Unga ko‘ra, kelgusi yilda Toshkent Rossiyaning $5 milliardlik sarmoyasini o‘zlashtirishni rejalashtirmoqda.

Qozog‘iston chempionatida o‘ynayotgan 14 ta professional futbol klubining beshtasi xususiy qo‘llarga o‘tdi, yana ikki klub bo‘yicha esa muzokaralar olib borilmoqda. Bu haqda Qozog‘iston Turizm va sport vaziri o‘rinbosari Serik Jarasbayev ma’lum qildi.

Hozirgacha «Aqto‘be», «Qaysar», «Shaxtyor», «Qiziljar» va «Jenis» rasman hususiylashtirilgan. Vazir o‘rinbosari Serik Jarasbayevning ta’kidlashicha, qolgan ikki klub uchun ham homiylar qidirilmoqda. Qozog‘iston prezident Qasim-Jomart Toqayevning topshirig‘iga ko‘ra, xususiylashtirish jarayoni 2026-yil martigacha to‘liq yakunlanishi kerak.

Yirik kompaniyalar klublarni sotib olishga qiziqish bildirgan. Xususiylashtirish doirasida barcha klublar zimmasiga bolalar futboli akademiyalarini tashkil etish majburiyati yuklatildi.

Avvalroq Kursiv Uzbekistan Qozog‘istonning uchta futbol klubi noyabr oyi oxirigacha xususiylashtirilishi haqida xabar...

3-dekabr kuni Oliy Majlis Qonunchilik palatasi O‘zbekiston Respublikasining 2026-yilgi davlat budjeti to‘g‘risidagi qonun loyihasini birinchi o‘qishda qabul qildi. Bu haqda parlament quyi palatasi matbuot xizmati xabar qildi.

Hujjatga ko‘ra, 2026-yilda mamlakat yalpi ichki mahsulotining real o‘sishi 6,6 foiz etib prognoz qilinmoqda. Aholi jon boshiga to‘g‘ri keladigan YIM hajmi $4,6 darajaga yetishi kutilmoqda. Sanoatda o‘sish 6,4%, qishloq xo‘jaligida 4,2%, bozor xizmatlarida 14,5%, qurilish sohasida esa 10,2% bo‘lishi taxmin qilinmoqda. Shu bilan birga, inflyatsiya darajasi pasayishi prognoz qilinmoqda.

2026-yil uchun konsolidatsiyalashgan budjet daromadlari 515,4 trln so‘m, xarajatlar esa 567 trln so‘m miqdorida belgilanishi rejalashtirilgan. Budjet taqchilligi YIMga nisbatan 3% darajasida...

Oliy Majlis Qonunchilik palatasida 2026-yil davlat budjeti loyihasi birinchi o‘qishda ko‘rib chiqildi. Majlisda Iqtisodiyot va moliya vaziri Jamshid Qo‘chqorov budjet taqchilligi va davlat qarzi bo‘yicha izoh berdi.

Qo‘chqorovning aytishicha, budjet taqchilligining so‘mda o‘sishi real vaziyatni to‘liq aks ettirmaydi. Uning fikriga ko‘ra, taqchillikni YIMga nisbatan foizda baholash kerak.

«2023-yilda taqchillik YIMga nisbatan 5 foiz bo‘lgan. Lekin 2026-yilda misol uchun, 59 trln bo‘ladigan bo‘lsa, 2023-yildagidan ko‘proq ko‘rinadi. Lekin buni YIMga nisbatan olinishi real hisobni ko‘rsatadi», – dedi u.

Vazir daromadlar va xarajatlar o‘rtasidagi farq faqat nominal summa emasligini ta’kidladi. Uning so‘zlariga ko‘ra, muhim ko‘rsatkich – taqchillikning YIMdagi...

4-dekabr uchun valyuta kurslari e’lon qilindi. Shu kun uchun AQSh valyutasi 11 912,38 so‘m (+31,45 so‘m) etib belgilandi. Bu haqda Markaziy bank xabar bermoqda.

Dollarning so‘nggi kunlardagi o‘zgarishi

26-noyabr kuni AQSh valyutasi 11 936,89 so‘mga (-51,43 so‘m), 27-noyabr kuni 11 881,60 so‘mga (-55,29 so‘m), 28-noyabr kuni  AQSh valyutasi 11 902,30 so‘mga (+20,7 so‘m) tenglashgan. 1-dekabr kuni dollar 11 940,95 so‘m (+38,65 so‘m), 2-dekabr kuni esa 11 895,57 so‘m (-45,38 so‘m) etib belgilandi.

Markaziy bank ma’lumotlariga ko‘ra, yevro 78,21 so‘mga oshib, 13 873,16 so‘mni, rubl esa 0,11 so‘mga oshib, 153,39 so‘mni tashkil qildi.

Eslatib o‘tamiz, Kursiv Uzbekistan hafta davomida dollar qanchaga pastlagani haqida yozgan edi.

OpenAI direktori Sem Altman kompaniya ichidagi xodimlarga yuborgan ichki murojaatida ChatGPT sifatini keskin yaxshilash bo‘yicha code red — favqulodda rejim joriy etilganini ma’lum qildi. Bu haqda The Wall Street Journal xabar berdi.

Altmanning ta’kidlashicha, OpenAI kundalik foydalanish darajasidagi xizmat sifatini oshirish uchun jiddiy ishlashi lozim. Shuning uchun hozircha boshqa mahsulotlar, jumladan, reklama loyihalari kechiktiriladi.

ChatGPT’da nima o‘zgaradi

Murojaatga ko‘ra, kompaniya quyidagi yo‘nalishlarga ustuvorlik bermoqda:

Altman xodimlarga «asosiy diqqatni ChatGPT tajribasini yaxshilashga qarating», deya topshiriq bergan.

So‘nggi haftalarda Google’ning sun’iy intellektdagi faol harakatlari, yangi modellari...

Toyota 5-dekabr kuni yangi flagman sportkarini namoyish qiladi. Bu haqda kompaniya rasmiy sahifasida ma’lum qildi. Taqdimotda kamida yana ikkita yangi model ham ko‘rsatilishi rejalashtirilgan.

Tizerlardan ko‘rinishicha, tadbirning asosiy yangiligi uzun kapotli va original LED chiroqlarga ega yangi GR GT superkari bo‘ladi. Treklarda haydash uchun alohida versiya ham tayyorlanmoqda.

Unda kengaytirilgan kuzov obvesi, Michelin trek shinalari va xavfsizlik karkasi bo‘ladi. Kadr fonida esa Lexus’ning Sport Concept’ga o‘xshash yangi kupesi ham ko‘ringan.

Hozircha modellarning texnik ma’lumotlari oshkor etilmagan bo‘lsa-da manbalar Toyota va Lexusning ikkala sportkari ham to‘rt litrli, ikki turbinali yangi V8 benzin dvigateli bilan jihozlanishi mumkinligini yozmoqda.

Avvalroq...

Yangi Vivo Geekbench test platformasida aniqlandi. Bu haqda Gizmochina xabar bermoqda. Mutaxassislar aniqlangan model katta ehtimol bilan S50 Pro Mini bo‘lishi mumkinligini qayd etmoqda.

Geekbench ma’lumotlariga ko‘ra, smartfon Qualcomm Snapdragon 8 Gen 5 protsessori asosida ishlaydi. Qurilma Android 16 operatsion tizimida sinovdan o‘tkazilgan. Tezkor xotira hajmi 16 GB etib ko‘rsatilgan. Test natijalarida bir yadroli rejimda 2 778 ball, ko‘p yadroli sinovda esa 9 344 ball to‘plangan.

Qiziqarli jihati shundaki, tizim ma’lumotlarida grafik protsessor sifatida Adreno 829 ko‘rsatilgan. Qualcomm Snapdragon 8 Gen 5 chipi odatda Adreno 840 grafik yadrosi bilan reklama qilinadi. Bu shuni anglatadiki, standart 8 Gen 5 versiyasida...

Google Android 16 yangilanishi bilan birga barcha Android qurilmalariga versiyasi va modelidan qat’iy nazar yangi funksiyalar to‘plamini taqdim qila boshladi. Bu haqda Phone Arena nashri xabar berdi.

Call Reason: Shoshilinch qo‘ng‘iroqlar uchun yangi imkoniyat

Google eng muhim funksiyalardan biri sifatida Call Reason tizimini ishga tushirdi. Endi kontaktga qo‘ng‘iroq qilayotganda, qo‘ng‘iroqni «shoshilinch» deb belgilash imkoni bor.
Bu belgini qabul qiluvchi tomon ekranda ko‘radi va qo‘ng‘iroqning oddiy suhbat emasligini, haqiqatan ham muhim ekanini bilib oladi.

Bu iOS’dagi Notify Anyway funksiyasining o‘ziga xos Android’cha yechimi bo‘lib, ortiqcha shovqin va janjalsiz muloqotni ta’minlaydi.

Chrome Pinned Tabs: Mobil brauzer uchun qulaylik

Mobil...

O‘zbekiston Qozog‘istonda tahsil olayotgan talabalar soni bo‘yicha uchinchi o‘rinda. Bu haqda Qozog‘iston Fan va oliy ta’lim vazirligi xabar berdi.

2025-o‘quv yilida Qozog‘iston oliy ta’lim muassasalarida 88 davlatdan 35 ming nafar xorijiy talaba o‘qimoqda. Bu ko‘rsatkich 2024-yilga nisbatan 11 foiz ko‘p.

Qozog‘istonda eng ko‘p o‘qiyotgan talabalar Hindistondan – 9,9 ming, Turkmanistondan – 9 ming, O‘zbekistondan – 4,1 ming, Xitoydan – 3,4 ming, Rossiyadan – 2,4 ming talaba.

Vazirlik fikricha, bu ko‘rsatkich Qozog‘istonning sifatli o‘quv dasturlari, xalqaro akademik muhit va kelajakdagi kasbiy imkoniyatlar tufayli mintaqadagi yirik ta’lim markaziga aylanib borayotganidan dalolat beradi.

Janubiy Osiyo, Markaziy Osiyo va Xitoydan kelayotgan talabalar oqimi...

Seres kompaniyasi uchinchi avlod Landian E5 Plus modelini rasman taqdim etdi. Bu haqda CarNewsChina xabar bermoqda.

O‘rta o‘lchamli krossover ikki komplektatsiyada sotuvga chiqarildi. Har ikkala variant narxi 119 800 yuan yoki qariyb $16,8 ming etib belgilandi.

Yangi modelda asosiy yangilik sof elektr yurish zaxirasining 230 km gacha oshirilganidir. Dizaynda old tomonda uzluksiz LED chiroq tasmasi paydo bo‘ldi. Old panjara yopiq ko‘rinishga ega. Yon tomonda zich spoke disklar va oynalar atrofida xrom bezaklar ishlatilgan. Orqa qismda ham uzluksiz chiroq bloki qo‘llanilgan. Kuzov uchun «Jinghai Sand» yangi rangi taklif etilmoqda.

Salon tekis panel dizaynida ishlab chiqilgan. Raqamli asboblar paneli va...

Britaniyaning Revolut fintex xizmati Fransiyada yashovchi mijozlar uchun 50 dan ortiq davlat banklari tomonidan chiqarilgan kartalar orqali hisobini to‘ldirishni taqiqladi. Bu haqda Oninvest xabar berdi.

Cheklovlar ro‘yxatiga O‘zbekiston, Qozog‘iston, Turkiya, Isroil, BAA, Gruziya, Belarus, Rossiya, Serbiya, Monako davlatlar kirgan. Afrika, Shimoliy va Janubiy Amerika davlatlarining ham bir qismi kiritilgan.

Revolut’ning Fransiyada istiqomat qiluvchi mijozlari bu haqda maxsus bildirishnoma olishgan. Xabarga ko‘ra, mablag‘ni ushbu davlatlarda chiqarilgan kartalardan Revolut hisobiga texnik tarzda qabul qilmaslik bildirilgan.

Nega cheklov qo‘yildi

Revolut texnik qo‘llab-quvvatlash xizmatiga ko‘ra, bunday qaror xalqaro to‘lov tizimlarining yangi xavfsizlik talablari bilan bog‘liq. Ayrim davlatlar kartalari «yuqori xavfli» hududlar sifatida...