Yangiliklar

O‘zbekiston Davlat aktivlarini boshqarish agentligi «Avto Climate Control» MChJ ustav kapitalidagi 100 foiz davlat ulushini 230 milliard so‘m evaziga xususiylashtirish bo‘yicha kelishuvga erishdi.

Savdoda eng yuqori taklifni bildirgan Best Pipe and Parts kompaniyasi xaridor sifatida tanlab olindi. Savdo jarayonida to‘rtta investor ishtirok etdi, yakunda Best Pipe and Parts eng yuqori – 230 mlrd so‘mlik taklifi bilan g‘olib deb topildi.

Bitimga ko‘ra, xaridor xarid to‘lovining 35 foizini bir oy ichida to‘lashi va korxona faoliyat yo‘nalishini kamida 10 yil davomida saqlab qolishi lozim. Shuningdek, u General Motors bilan tuzilgan texnologik hamkorlik va litsenziya shartlariga qat’iy amal qilishi shart.

Ma’lumot uchun, Best...

Chevrolet Cobalt — O‘zbekiston ko‘chalarida eng ko‘p uchraydigan, ommabop avtomobillardan biridir. Yil boshidan buyon 67,5 ming Cobalt xarid qilingan. Uning dizayni, tejamkorligi va narxi ko‘pchilik uchun ma’qul tanlovga aylangan. Ammo bu mashina haqida ko‘pchilik bilmaydigan qiziqarli faktlar ham bor. Mazkur maqolada Chevrolet Cobalt haqida qiziqarli 5 ta fakt bilan tanishishingiz mumkin.

Birinchi fakt: Braziliyada chizilgan, AQShda nomlangan, O‘zbekistonda yashayotgan mashina

Chevrolet Cobalt General Motors tomonidan yaratilgan xalqaro platformali avtomobil. Uning zamonaviy versiyasi ilk bor 2011-yilda Braziliyada namoyish qilingan. Aynan shu yili San-Paulu avtomobil ko‘rgazmasida GM kompaniyasi rivojlanayotgan bozorlar uchun mo‘ljallangan yangi avlod Cobalt modelini tanishtirgan.

O‘zbekiston BMT bilan barqaror rivojlanish maqsadlariga erishish bo‘yicha yangi besh yillik dasturni imzolashi kutilmoqda. Bu haqda prezident matbuot xizmati xabar berdi.

BMTning dengizga chiqish imkoniyati bo‘lmagan rivojlanayotgan davlatlar bo‘yicha konferensiyasi doirasida O‘zbekiston rahbari Shavkat Mirziyoyev BMT Bosh kotibi Antoniu Guterrish bilan uchrashdi.

Uchrashuvda O‘zbekiston va BMT hamkorligida 160 ta qo‘shma loyiha va dastur amalga oshirilayotgani alohida ta’kidlandi.

So‘nggi yillarda O‘zbekiston tashabbusi bilan BMT Bosh Assambleyasida 13 ta rezolyutsiya qabul qilingan. Shuningdek, Toshkentda «BMT-Ayollar» tashkilotining vakolatxonasi ochildi.

Davlat xizmati masalalariga bag‘ishlangan xalqaro forum ham hamkorlikda o‘tkazildi. Hozirda esa Samarqandda YUNESKO Bosh konferensiyasining 43-sessiyasiga tayyorgarlik ishlari olib borilmoqda.

O‘zbekiston Global...

Samarqand viloyatining Urgut, Tayloq va Payariq tumanlariga yangi hokimlar tayinlandi. Bu haqda viloyat hokimligi matbuot xizmati xabar berdi.

Unga ko‘ra, Payariq tumani xalq deputatlari Kengashining navbatdan tashqari sessiyasida Isroil Jabborov boshqa ishga o‘tishi sababli tuman hokimi lavozimidan ozod etildi.

Uning o‘rniga Shunqor Xudoyberdiyev Payariq tumani hokimi etib tasdiqlandi. U bunga qadar viloyat hokimining qishloq va suv xo‘jaligi bo‘yicha o‘rinbosari lavozimida ishlagan.

Urgut tumaniga Dilmurod Sayidqulov nomzodi deputatlar tomonidan bir ovozdan ma’qullandi. U tayinlovga qadar Samarqand viloyati prokurori o‘rinbosari vazifasida faoliyat yuritib kelayotgan edi.

Shuningdek, Tayloq tumani hokimi Bahodir Bobonazarov o‘z arizasiga ko‘ra, tuman hokimi vazifasidan ozod etildi.

Shavkat Mirziyoyev Turkmanboshi shahrida o‘tkazilayotgan BMTning Dengizga chiqish imkoni bo‘lmagan rivojlanayotgan mamlakatlar bo‘yicha uchinchi konferensiyasida bir nechta muhim takliflarni berib o‘tdi. Bu haqda prezident matbuot xizmati xabar berdi.

O‘zbekiston – Afg‘oniston – Pokiston temir yo‘li qurilishini tezlashtirish

Mirziyoyev O‘zbekiston – Afg‘oniston – Pokiston temir yo‘lini qurish bo‘yicha rejalashtirilgan loyihani tez fursatda amalga oshirish tarafdori ekanini bildirdi. Uning aytishicha, ushbu yo‘lak qurilishi Xitoy–Qirg‘iziston–O‘zbekiston temir yo‘li bilan integratsiyalashgan holda ishlasa, bu nafaqat O‘zbekiston, balki butun Markaziy va Janubiy Osiyo mintaqasi uchun yangi savdo-iqtisodiy makonni yaratadi.

Tranzit kafolatlari to‘g‘risidagi global bitim

Dastlab davlat rahbari BMT shafeligida Tranzit kafolatlari to‘g‘risidagi global...

2025-yil 5-avgust holatiga respublikadagi umumiy ovqatlanish korxonalari, mehmonxonalar, turoperatorlar va chorvachilik xo‘jaliklariga 33 mlrd so‘mlik QQS qaytarildi, deb xabar berdi O‘zbekiston Soliq qo‘mitasi.

Kafe va restoranlar uchun soliq keshbek dasturi 2025-yilning 1-yanvaridan boshlab amalga oshirilmoqda. Yil boshidan buyon mazkur dastur tufayli 500 dan ortiq muassasa 24,6 milliard so‘m miqdoridagi qo‘shilgan qiymat solig‘ini qaytarib olishga erishdi.

Mehmonxonalar va turoperatorlar uchun shunga o‘xshash dastur 2024-yil 10-oktabrdan boshlab amal qiladi. Bu vaqt ichida 33 ta sayyohlik kompaniyasi imtiyozdan foydalanib, 1,3 mlrd so‘mlik QQSni qaytarib oldi. Yana 6 mlrd so‘mni 133 ta mehmonxona oldi.

Chorvachilik va parrandachilik xo‘jaliklari uchun QQS keshbek dasturi 2025-yil...

Tesla kompaniyasi kuzatuv kengashi Ilon Maskka 96 million aksiyadan iborat yangi mukofot paketini tasdiqladi. Paketning umumiy qiymati hozirgi bozor narxlariga ko‘ra $30 milliardga yaqin. Bu haqda Bloomberg agentligi xabar berdi.

Ushbu mukofot Mask kompaniyani kamida yana ikki yil boshqargan taqdirda amalga oshiriladi. Shuningdek, Mask aksiyalarni qo‘lga kiritganidan so‘ng ularni besh yil davomida sotmaslik majburiyatini oladi. Tesla bu qarorni kompaniya asoschisi va rahbarining asosiy loyihalarga diqqatini saqlash sifatida baholagan.

Tesla rahbariyati Maskning kompaniyada qolishini muhim deb hisoblamoqda. U kompaniyada sun’iy intellekt, avtomatik boshqaruv tizimlari va boshqa ilg‘or texnologiyalar bo‘yicha asosiy ishlarni olib bormoqda. Kompensatsiya paketining asosiy maqsadi ham...

Bugun, 5-avgust kuni dollar kursi 96,4 so‘mga pasayib, 12 524,89 so‘mni qayd etdi. Bu haqda Valyuta birjasi xabar bermoqda.

Dollar kursining so‘nggi besh kunlikdagi o‘zgarishi

Shuningdek, Markaziy bank ma’lumotlariga ko‘ra, yevro 140,29 so‘mga pasayib, 14 456,23 so‘mni, rubl esa 1,90 so‘mga pasayib, 156,54 so‘mni tashkil qildi.

Yevro va rubl valyutasining so‘nggi besh kunlikdagi o‘zgarishi

Eslatib o‘tamiz, Kursiv Uzbekistan AQSh valyutasining hafta davomida qanday o‘zgargani haqida yozgan edi.

Elista Google TV operatsion tizimida ishlaydigan yangi QLED televizorlar liniyasini Hindiston bozorida taqdim etdi. Bu haqda Gizmochina nashri ma’lum qildi.

Yangi model qatoriga 32, 43 va 55 dyuymli versiyalar kiradi. Elista televizorlari QLED (Quantum Dot Light Emitting Diode) panellari bilan jihozlangan bo‘lib, ular aniq ranglar, yuqori kontrast va yorqinlik bilan ajralib turadi. Bu texnologiya oddiy LED ekranlarga qaraganda ko‘proq real tasvirlar beradi.

Microsoft olib borgan yangi tadqiqotga ko‘ra, sun’iy intellekt (SI) eng ko‘p xavf ostiga qo‘yadigan 40 ta kasb aniqlandi.

Mazkur ma’lumotlarni taqdim etish uchun kompaniya yuzlab kasblarni tahlil qilib, ularga SI qanday ta’sir ko‘rsatishi mumkinligini aniqladi.

«Bizning tadqiqotimiz SI chat-botlari aynan qaysi kasb toifalarida samarali ishlatilishi mumkinligini o‘rgandi. Tadqiqotimizda SI ko‘plab vazifalarda yordam bera olishini ko‘rsatadi, biroq u butunlay mustaqil kasbni egallay oladi degani emas», – deydi katta ilmiy xodim Kiran Tomlinson.

O‘zining sun’iy intellekt modeliga ega kompaniya tizim matn yozish va tadqiqot materiallarini yig‘ish sohalarida samarali ishlashini ta’kidladi. Tadqiqot davomida har bir kasb...

Shavkat Mirziyoyev BMTning dengizga chiqish imkoni bo‘lmagan rivojlanayotgan mamlakatlar bo‘yicha uchinchi konferensiyasi doirasida Turkmanistonning «Hamkorlikni rivojlantirishga qo‘shgan hissasi uchun» ordeni bilan taqdirlandi. Bu haqda prezident matbuot xizmati xabar berdi.

«Ushbu mukofotni O‘zbekiston va uning ko‘p millatli xalqiga alohida e’tibor va hurmat, Markaziy Osiyo mintaqasida do‘stlik, yaxshi qo‘shnichilik, o‘zaro ishonch va sheriklik munosabatlarini mustahkamlash borasidagi umumiy sa’y-harakatlarimizning e’tirofi sifatida qabul qilaman», – dedi davlat rahbari.

Shuningdek, Mirziyoyev Turkman xalqining milliy yetakchisi Gurbanguli Berdimuhamedov, amaldagi prezident Serdar Berdimuhamedov hamda butun turkman xalqiga chuqur minnatdorlik izhor etdi.

Avvalroq Kursiv Uzbekistan Turkmanboshi shahriga tashrif buyurgan Shavkat Mirziyoyev Turkman xalqining milliy yetakchisi Gurbanguli...

OpenAI muhandisi Stiven Haydel ushbu haftani «hayajonli hafta» deb atadi va bu bilan GPT-5 sun’iy intellekt modelining yaqin kunlarda e’lon qilinishiga sha’ma qildi. Bu haqda ITHome nashri xabar berdi.

GPT-5 avgustda taqdim etiladi

The Verge nashri avvalroq xabar berganidek, OpenAI bu oy ichida GPT-5 modelini taqdim etishni rejalashtirmoqda. Yangi model avvalgi strategiyani davom ettirib, ikkita versiyada – mini va nano shaklida chiqadi va foydalanuvchilarga API orqali taqdim etiladi.

Sam Altman GPT-5 imkoniyatlarini oshkor qilmoqda

OpenAI bosh direktori Sem Altman oxirgi haftalarda yangi model bo‘yicha ko‘plab sirli signallarni ulashmoqda. U GPT-5 bilan suhbatda ilgari hech qachon his qilmagan «ojizlik» tuyg‘usini boshdan...

Navoiy va Samarqand viloyatlarida faoliyat yurituvchi A-Hello, Rayxona Tour va SM Tower Tour firmalari litsenziyasiz Umra safarlarini reklama qilgani uchun javobgarlikka tortildi. Bu haqda Raqobat qo‘mitasi xabar berdi.

Mazkur turoperatorlar zarur litsenziyasiz Haj xizmatlarini taklif etgan. Shu sababli ular ustidan reklamaga oid qonunbuzarlik bo‘yicha ish qo‘zg‘atildi.

Bundan tashqari, Telegram kanali va Instagram sahifalarida Umraga oid noqonuniy reklama bergan sakkizta fuqaro ma’muriy javobgarlikka tortildi.

Avvalroq Umra mavsumi avgust oyida boshlangani haqida yozgan edik.

Samsung yangi One UI 8 grafik interfeysini kengaytirilgan qurilmalar ro‘yxatida sinovdan o‘tkazmoqda. Ushbu tizim allaqachon Galaxy Z Fold7, Flip7 va Flip7 FE modellari bilan debyut qilgan.

Keyingi model Galaxy S25 FE — One UI 8 bilan to‘g‘ridan to‘g‘ri ishlab chiqariladi. Biroq kompaniya oldin chiqarilgan 33 ta smartfon va 6 ta planshet uchun yangilanish ustida ish olib bormoqda.

Smartfonlar

Planshetlar

Final versiyaning tarqatilishi sanasi hozircha noma’lum, lekin quyidagi qurilmalar yangilanishni birinchi bo‘lib oladi.

Samsung One UI 8 bilan qurilmalar dizayni, interfeys tezligi va AI funksiyalarida sezilarli o‘zgarishlar kiritishni va’da qilmoqda. Yangilanish rasmiy chiqishi yaqin orada kutilmoqda.

Eslatib o‘tamiz, Kursiv Uzbekistan...

Joriy yilning dastlabki yarmida O‘zbekistonga tijorat maqsadida kelgan xorijliklar soni 3,4 baravarga oshib 223,6 ming nafarga yetdi. Bu ko‘rsatkich 2024-yilning shu davriga nisbatan 158,6 ming nafarga ko‘p. Bu haqda Milliy statistika qo‘mitasi ma’lum qildi.

Tahlillarga ko‘ra, qo‘shni Afg‘onistondan kelganlar soni keskin oshib, ushbu davlat o‘tgan yilgi uchinchi pog‘onadan, bu yil birinchi pog‘onaga chiqqan. Olti oy ichida bu davlatdan 207 mingdan ortiq fuqarolar tijorat maqsadida O‘zbekistonda bo‘lgan. Undan keyingi o‘rinlarda Tojikiston (12,2 ming), Turkmaniston (1,6 ming), Rossiya (451), Turkiya (276) va Qozog‘iston (255) fuqarolari qayd etilgan.

Shuningdek, boshqa davlatlardan ham 1,1 mingdan ortiq mehmonlar biznes safarlari bilan mamlakatga tashrif buyurgan.

Uzum, O‘zbekistonning yetakchi raqamli ekotizimi, 2024-yil mart oyida yakunlangan birinchi raundning yetakchi investori FinSight Ventures ishtirokida Xitoyning Tencent IT giganti va VR Capital xalqaro investitsiya fondidan qariyb 70 million dollar jalb qildi.

Uzum Xitoyning IT-giganti Tencent’ning O‘zbekistondagi kompaniyasiga kiritgan birinchi texnologik sarmoyasi bo‘ldi. Uzum mablag‘larni jalb qilgandan so‘ng yakuniy bahosi taxminan 1,5 milliard dollarni tashkil etdi.

Uzum allaqachon mamlakatning raqamli iqtisodiyotida asosiy o‘rinni egallab kelmoqda, bugungi kunda ekotizim xizmatlaridan har oyda O‘zbekistonning 17 millionga yaqin aholisi foydalanadi. 3 yildan kamroq vaqt ichida kompaniya mamlakatning eng yirik soliq to‘lovchilaridan biriga aylandi. Ekotizim nafaqat butun mamlakat bo‘ylab 12 000 dan ortiq ish...

GOBankingRates va Kelley Blue Book xalqaro xizmatlari ekspertlari qulaylik, chidamlilik va arzon texnik xizmat xarajatlarini o‘zida mujassam qilgan besh modelni ma’lum qildi.

Toyota RAV4

Yapon avtomobil sanoatining yetakchisi bo‘lgan Toyota’ning ushbu modeli 2025-yilgi Consumer Reports reytingida doimiy ravishda eng ishonchli mashinalar qatorida qayd etilgan. Ayniqsa, 2019–2023-yillarda chiqarilgan modellari sodda elektronika va arzon ehtiyot qismlar bilan ajralib turadi.

«RAV4 juda ishonchli. Uning ehtiyot qismlari oson topiladi, xizmat ko‘rsatish esa arzon. Ustalar bu mashina bilan qimmat diagnostika uskunalarisiz ham ishlay oladi», — deydi Cash Auto Salvage hammuassisi Mark Skirvin.

Honda CR-V

Bu ixcham krossover...

Qozog‘istonning Qoʻstanay viloyatidagi 17 ta qishloq aholisi spirtli ichimliklardan foydalanmaslikka qaror qildi. Bu haqda nur.kz nashri mamlakat Ichki ishlar vazirligiga tayanib xabar berdi.

Ma’lum qilinishicha, bu tashabbus «Madaniy jamiyat» loyihasi doirasida amalga oshirilib, sog‘lom turmush tarzini targ‘ib qilishga qaratilgan.

Viloyat politsiyasi boshlig‘i o‘rinbosari Amanjol Bayzakovga ko‘ra, yil boshidan beri mast holatda sodir etilgan jinoyatlar soni 3,3 foizga kamaygan. Biroq «xavf guruhiga» kiruvchi – jamoat tartibini buzishga moyil shaxslar, oilaviy zo‘ravonlar va surunkali ichkilikbozlar ustidan nazorat davom etmoqda. Sudlar shu yilning o‘zida 2,6 mingta alkogol iste’molini, jumladan, uy sharoitida ham taqiqlovchi qaror chiqargan.

Loyiha doirasida spirtli ichimliklar sotiladigan do‘konlarga...

Samarqand viloyatining Nurobod tumanida Nurobod texnoparki nomli maxsus sanoat zonasi barpo etiladi. Bu haqda prezident qarori qabul qilindi.

Texnopark Nurobod tumanining Sazag‘on massivida joylashgan 115,3 gektar bo‘sh yer maydonida tashkil etiladi. Bu hudud ilgari «Urgut» erkin iqtisodiy zonasiga tegishli bo‘lgan.

Tashabbus doirasida $1,1 milliardga teng xorijiy investitsiyalarni jalb qilish hamda 5 mingdan ortiq yangi doimiy ish o‘rinlarini yaratish rejalashtirilgan.

Shuningdek, New Vision Investment Development xorijiy kompaniyasi ushbu sanoat zonasini boshqaruvchi sifatida belgilandi. Quriladigan ishlab chiqarish binolari 3-4 qavatli bo‘lib, ularda ilg‘or ishlab chiqarish texnologiyalari joriy etilishi kutilmoqda.

Avvalroq Kursiv Uzbekistan Zomin texnoparkida ilk korxona ishga tushgani haqida yozgandi.

Kia kompaniyasi AQShda 300 mingdan ortiq avtomobillarni kuzov qismidagi nuqsonlar sabab chaqirib olish kampaniyasini boshladi. Bu haqda AQSh Milliy yo‘l harakati xavfsizligi boshqarmasi xabar berdi.

Kompaniya quyidagi modellarni qamrab oladi:

Telluride modellarining 201 ming donasida eshiklardagi plastik bezaklar yomon yopishtirilgani aniqlangan. Yetkazib beruvchi Saedong kompaniyasi noto‘g‘ri yelim ishlatgan. Shu sababli bezak yo‘l harakati vaqtida ajralib tushishi mumkin.

Kia ushbu avtomobillarga yangi, kuchliroq yelim bilan mustahkamlangan bezaklarni bepul o‘rnatadi. Bu qismlar 2024-yil sentabrdan keyingi avtomobillarda allaqachon mavjud. Avtomobil egalari 2025-yil 26-sentabrdan boshlab xabarnomalar oladi.

Kia K5 sedanlarining 100 ming donasida...

Toshkentdagi Grand Mir Hotel (sobiq «Rossiya») mehmonxonasi buzilishi rejalashtirilmoqda. Bu ma’lumotni mehmonxonaning o‘zi Kursiv Uzbekistan’ga tasdiqladi.

Kursiv Uzbekistan muxbir bilan suhbatda bo‘lgan mehmonxona xodimining ta’kidlashicha, buzish ishlarining aniq muddati hozircha noma’lum va bino o‘rnida nima bo‘lishi ham noma’lum.

Podrobno.uz saytining Design Factory arxitektura kompaniyasi vakili Shavkat Abdullayevga tayanib xabar berishicha, bino sentabr oyida buzilishi rejalashtirilgan.

Politik.uz nashrining yozishicha, Design Factory Sarıkoc xolding tarkibiga kiradi. Ushbu xolding Tashkent City va Akfa universitetida mehmonxona va Hilton kongress-xollini qurgan Koç Construction kompaniyasiga ham egalik qiladi.

Abdullayevning qo‘shimcha qilishicha, mehmonxona o‘rnida biznes markazi va bir nechta yangi binolar bo‘ladi. Loyihani amalga oshirish...

Avtomobil xarid qilish – mas’uliyatli jarayon. Shunchaki pul to‘lab mashina olish yetarli emas. Uni qonuniy tarzda ro‘yxatdan o‘tkazish ham muhim bosqich hisoblanadi. Kursiv Uzbekistan nashri avtomobilni rasmiylashtirish to‘lovlari va harakatlarni bosqichma-bosqich o‘rgatadi.

Ushbu maqola orqali quyidagilarni bilib olasiz:

Birinchi bosqich

Siz yangi mashina olyapsizmi yoki ishlatilganini – bu katta farq qiladi. Ishlatilgan mashinani sotib olayotganda notarius orqali shartnoma rasmiylashtirish majburiy. Bu yerda sizdan davlat bojlari, gerb yig‘imi, huquqiy maslahat va boshqa...

Davlat xavfsizlik xizmati (DXX) Rossiyadagi «A.U.Y.» jinoiy guruhiga oid ogohlantirish bilan chiqdi. Unga ko‘ra, so‘nggi yillarda Rossiyadagi ko‘plab mehnat muhojirlari va yoshlar ushbu guruh ta’siriga tushib qolmoqda.

«A.U.Y.» – asl nomi «Arestanskiy uklad yedin» («Mahbuslar qoidasi yagona») bo‘lib, u Rossiyada shakllangan. Bu jinoiy guruh o‘z mafkurasida «o‘g‘rilar qonunlari»ni targ‘ib qiladi va qamoqxona madaniyatini jamiyat hayotiga singdirishga urinadi. Rossiyada ushbu harakat 2020-yilda ekstremistik tashkilot sifatida rasman taqiqlangan va uning faoliyati uchun jinoiy javobgarlik belgilangan.

Rossiya qonunchiligiga ko‘ra, ushbu guruhga aloqadorlik uchun 300 mingdan 600 ming rublgacha ($4 mingdan $7,5 minggacha) jarima, 1 yildan 6 yilgacha ozodlikdan mahrum qilish yoki majburiy...

4-avgust holatiga ko‘ra, tijorat banklarida amal qilayotgan mikroqarz va avtokreditlarning so‘nggi 10 ish kuni bo‘yicha foiz stavkalari e’lon qilindi. Bu haqda Markaziy bank xabar berdi.

Mamlakatdagi tijorat banklari tomonidan taqdim etilayotgan mikroqarzlar bo‘yicha o‘rtacha foiz stavkasi 0,8 foizga oshib, 35,7 foizni tashkil etmoqda. Shundan jismoniy shaxslarga ajratilayotgan kreditlarning (mikroqarzlardan tashqari) o‘rtacha foiz stavkasi 23,8 foizni, yuridik shaxslar ulushi esa 22,3 foizni ko‘rsatmoqda.

28-iyul holatiga ko‘ra, mikroqarzlarning o‘rtacha foiz stavkasi 34,9 foizni tashkil etgandi.

Eng yuqori foiz stavkasi quyidagi banklarda qayd etilgan: