Yangiliklar

O‘zbekistonda qoramollar soni 16,5 mlnga, qo‘y va echkilar 30 mlnga, parrandalar esa 141 mlnga yetkaziladi. Bu haqda prezident ishtirokida o‘tkazilgan yig‘ilishda ma’lum qilindi.

Tahlillarga ko‘ra, so‘nggi 25 yilda dunyo mamlakatlarining 42 foizida qoramollar soni 12 foizga qisqargan. O‘zbekistonda esa 16 mln gektar yaylov mavjud bo‘lib, hozirda uning atigi 10 foizidan foydalanilmoqda. Sohani rivojlantirish uchun Qoraqalpog‘iston Respublikasi va har bir viloyatdan bittadan tuman chorvachilikka ixtisoslashtiriladi.

Chorvachilik va yaylov xo‘jaligini rivojlantirish agentligi tashkil etilib, agentlik oldiga go‘sht va sutni qayta ishlashni 50 foizga, nasldor qoramollar ulushini 90 foizga yetkazish vazifasi qo‘yildi. Ixtisoslashgan tumanlarda paxta va g‘alla yerlarining 50 foiziga ozuqabop ekinlar...

AQSh prezidenti Donald Tramp ma’muriyati Markaziy Osiyoda ta’sirini kuchaytirish va mintaqaning Rossiya hamda Xitoyga qaramligini kamaytirish uchun Toshkentda tug‘ilgan diplomat Serjio Gorga muhim vazifalarni topshirmoqda. Bu haqda Politico nashri ma’lum qildi.

Serjio Gor hozirda bir vaqtning o‘zida AQShning Hindistondagi elchisi hamda Markaziy Osiyo bo‘yicha maxsus vakili lavozimlarida ishlamoqda. Nashrning yozishicha, u mintaqa davlatlari bilan noyob yer metallari, investitsiyalar va savdo bitimlari bo‘yicha muzokaralarda faol qatnashmoqda. 2025-yil noyabrida uning ishtirokida AQSh va Markaziy Osiyoning besh davlati o‘rtasida $25 mlrdlik tijorat kelishuvlari imzolangan.

Tramp ma’muriyati Gorning mintaqani yaxshi bilishi, Markaziy Osiyo tillarida erkin gaplashishi va prezidentga yaqin aloqalariga tayanmoqda. AQSh...

Fransiyaning «Olimpik Lion» klubida yorqin o‘yin ko‘rsatayotgan Endrik keyingi hafta «Real Madrid» ixtiyoriga qaytadi. Bu haqda taniqli insayder Fabritsio Romano ma’lum qildi.

Braziliya terma jamoasi a’zosi «Olimpik Lion» bilan xayrlashib, tez orada Ispaniya poytaxtiga yetib kelishi kutilmoqda. «Real Madrid» rahbariyati futbolchining Valdebebas bazasida jismoniy holatini saqlab qolish bo‘yicha so‘rovini qondirgan. Shundan so‘ng, u bor e’tiborini bo‘lajak Jahon chempionatiga qaratadi.

Qirollik klubi rahbariyati Endrikni kelasi mavsumda ham o‘z safida olib qolishni rejalashtirgan. Insayderning qo‘shimcha qilishicha, ayni paytda jamoa boshqaruvini Arbeloadan qabul qilib olish uchun Joze Mourino asosiy nomzod bo‘lib turibdi.

Eslatib o‘tamiz, joriy yil boshida ijara asosida Fransiyaga yo‘l olgan...

Savdo terminali ma’lumotlariga ko‘ra, Toshkent vaqti bilan 13-may soat 13:48 da (Londonda 9:48) O‘zbekiston Milliy investitsiya jamg‘armasi (UzNIF)ning global depozitar tilxatlari (GDR) London fond birjasi (LSE)da shartli savdolar (conditional dealings) rejimida IPO narxiga nisbatan 12 foizga qimmatlashdi.

London birjasida asosiy savdo sessiyasi mahalliy vaqt bilan soat 8:00 dan 16:30 gacha davom etadi.

Asosiy savdolar qachon boshlanadi?

Eslatib o‘tamiz, IPO doirasida UzNIF 600 mln dollardan ortiq mablag‘ jalb...

Yevropa Ittifoqi O‘zbekistondan eksport qilinayotgan qishloq xo‘jaligi mahsulotlari tarkibida pestitsid qoldiqlari mavjudligi yuzasidan 25 ta ogohlantirish yuborgan. Bu haqda Shavkat Mirziyoyev raisligida o‘tkazilgan yig‘ilishda xabar berildi.

Eksport mahsulotlari xavfsizligini ta’minlash va xalqaro bozorlardagi muammolarni bartaraf etish maqsadida O‘zbekistonda Oziq-ovqat mahsuloti xavfsizligi qo‘mitasi tashkil qilindi.

Qo‘mita O‘simliklar karantini va himoyasi agentligi, Veterinariya qo‘mitasi hamda Sanepidqo‘mitaning tegishli yo‘nalishlari asosida faoliyat yuritadi. Ushbu tuzilmaga Azizbek Urunov rahbar etib tayinlangan. Yangi tizimda oziq-ovqat mahsulotlarini majburiy sertifikatlash tartibi bekor qilinib, xavfga asoslangan tekshiruvlar joriy etiladi.

2029-yil 1-yanvardan boshlab meva-sabzavot eksporti faqat agrologistika markazlari orqali amalga oshirilishi belgilangan. Hozirda respublikadagi 80 mingta obyektdan faqat...

General Motors 2027-yilgi Chevrolet Bolt elektromobilini endi Super Cruise tizimi bilan buyurtma qilish imkoniyatini ochdi. Bu haqda GM Authority xabar berdi.

Yangi avlod Bolt modeli 2025-yil oktabrida taqdim etilgan edi. Avtomobil yangi dizayn, yangilangan salon va zamonaviy texnologiyalar bilan jihozlangan.

Asosiy yangiliklardan biri GM’ning yarim avtonom haydash tizimi hisoblangan Super Cruise funksiyasi bo‘ldi. Mazkur paket $3,2 mingdan boshlanadi. Unga Super Cruise, haydovchi diqqatini nazorat qilish tizimi hamda old va orqa park assist funksiyalari kiradi.

Bolt LT versiyasida Super Cruise uchun qo‘shimcha paketlar ham talab qilinadi. Shu sababli umumiy qo‘shimcha xarajat $6,6 minggacha yetadi.

Bolt RS versiyasida esa qo‘shimcha xarajat...

Migratsiya qonunchiligini buzgani uchun Shvetsiyadan deportatsiya qilingan 20 nafar O‘zbekiston fuqarosi charter reys orqali Toshkentga yetib keldi. Bu haqda «Dunyo» axborot agentligi xabar berdi.

Ma’lum qilinishicha, fuqarolarni vatanga qaytarish O‘zbekiston va Shvetsiyaning vakolatli organlari hamkorligida amalga oshirilgan.

Jarayon davomida fuqarolarni aniqlash, hujjatlarni rasmiylashtirish va xavfsiz tashishni tashkil etish bilan bog‘liq barcha masalalar tezkor hal qilingan.

Qayd etilishicha, O‘zbekiston xorijiy davlatlar bilan migratsiya qonunchiligi buzilishining oldini olish hamda chet eldagi fuqarolar huquqlarini himoya qilish bo‘yicha hamkorlikni davom ettirmoqda.

Eslatib o‘tamiz, avvalroq Yaponiyada viza muddatini buzgan o‘zbekistonlik mamlakatdan chiqarib yuborilgandi. Qayd etilishicha, fuqaro Yaponiyaga qisqa muddatli biznes vizasi asosida...

O‘zbekiston oziq-ovqat mahsulotlari eksportini 2030-yilgacha $10 mlrdga yetkazish va eksport yo‘nalishlarini yana 100 ta davlatga ko‘paytirishni maqsad qilgan. Bu haqda prezident raisligida o‘tkazilgan yig‘ilishda xabar berildi.

Yig‘ilishda ushbu marralarga erishish uchun oziq-ovqat xavfsizligi tizimi xalqaro standartlarga to‘liq mos bo‘lishi zarurligi ta’kidlandi. Chunki ayni paytda oziq-ovqat xavfsizligi va nazorati bilan uchta idora shug‘ullanib, ular o‘rtasida yagona ma’lumotlar bazasi mavjud emas.

Vazifa va funksiyalarning bir-birini takrorlashi oqibatida, tadbirkorlar eksport-import jarayonlarida turli to‘siqlarga uchrashmoqda. Xususan, O‘simliklar karantini agentligida 100 ta, Veterinariya qo‘mitasida 115 ta, sanitariya-epidemiologiya tizimida 44 ta vazifa bor bo‘lib, mahsulotni daladan iste’molchigacha kuzatib borish mexanizmi to‘liq ishga tushmagan.

Mamlakatimizda oziq-ovqat...

Joriy yilning yanvar – mart oylarida O‘zbekistonning jami import hajmi $12,2 mlrdni tashkil etdi. Importning katta qismi mashinalar va transport uskunalari ulushiga to‘g‘ri keladi. Bu haqda Milliy statistika qo‘mitasi xabar bermoqda.

Ma’lumotlarga ko‘ra, yilning dastlabki uch oyida eng ko‘p $4,1 mlrd miqdorida (29,9% o‘sish) mashinalar va transport uskunalari import qilingan.

Keyingi o‘rinlarda sanoat tovarlari ($1,7 mlrd, 14,2% ulush) va kimyoviy vositalar ($1,5 mlrd, 21,5% ulush) joylashgan. Oziq-ovqat va tirik hayvonlar importi esa $1,4 mlrdni tashkil etdi (45,9% o‘sish).

Shuningdek, mineral yonilg‘i va moylash materiallari importi qariyb ikki barobarga oshib, $1,2 mlrdga (64,4% o‘sish) yetgan. Xizmatlar importi ham xuddi shunday...

General Motors 2027-yilgi yangilangan Chevrolet Tracker krossoverini taqdim etishga tayyorlanmoqda. GM Authority yozishicha, model kuzov ranglari bo‘yicha o‘zgarishlarga ega bo‘ladi.

Ma’lum qilinishicha, kompaniya uchta mashhur rangni ishlab chiqarishdan olib tashlaydi. Bular Cacti Green, Cypress Gray va Marina Blue Metallic ranglari.

Dilerlar ushbu ranglardagi 2026-yilgi model uchun buyurtmalarni 2026-yil 28-sentabrgacha qabul qiladi. Shundan keyin bu ranglar model qatoridan chiqariladi.

Marina Blue Metallic va Cypress Gray ranglari avtomobil uchun 2025-yilda qo‘shilgan edi. Cacti Green esa ikkinchi avlod Tracker modeli bilan 2024-yilda paydo bo‘lgan.

Yangilangan 2027-yilgi Tracker tashqi ko‘rinishda ham sezilarli o‘zgarishlarga ega bo‘ladi. Sinov paytida ko‘ringan prototiplarga qaraganda, avtomobil old...

Samsung kompaniyasi One UI 9 tizimidagi yangi funksiyalar haqida batafsil ma’lumot berdi. Ma’lumotga ko‘ra, yangilanish interfeys, xavfsizlik va qulaylik borasida bir qator o‘zgarishlarni olib keladi.

Samsung Notes ilovasida endi yozuvlarni bezash uchun dekorativ lentalar va ruchka uslublarining yangi variantlari paydo bo‘ladi. «Kontaktlar» ilovasida esa Creative Studio’ga to‘g‘ridan to‘g‘ri kirish imkoniyati qo‘shiladi. Bu foydalanuvchilarga boshqa dasturga o‘tmasdan profil kartalarini yaratishga yordam beradi.

Tezkor sozlamalar paneli ham yangilanadi. Endi foydalanuvchilar yorqinlik, ovoz va media pleyer bloklarini alohida sozlashi mumkin bo‘ladi. Shuningdek, bloklarning o‘lchamini ham o‘zgartirish imkoniyati paydo bo‘ladi.

Kompaniya maxsus imkoniyatlar funksiyalarini ham yaxshiladi. Mouse Key orqali kursor boshqaruvi yanada moslashuvchan...

«O‘zbekiston Respublikasi Milliy investitsiya jamg‘armasi» AJ (UzNIF) o‘zining birlamchi ommaviy taklifi (IPO) natijalarini rasman e’lon qildi.

Joylashtirishning asosiy natijalari:

Tojikistonda o‘tkazilayotgan CAFA U-20 musobaqasida O‘zbekiston U-20 terma jamoasi ilk uchrashuvida Qirg‘izistonni mag‘lub etdi. Bu haqda O‘zbekiston futbol assotsiatsiyasi xabar bermoqda.

Tursunzoda shahridagi «Talko Arena» o‘yingohida bo‘lib o‘tgan o‘yinda O‘zbekiston termasi Qirg‘iz Respublikasi ustidan 2:0 hisobida ustun keldi. Uchrashuvning 32-daqiqasida Ulug‘bek Maratov hisobni ochdi. O‘yinning 77-daqiqasida zaxiradan maydonga tushgan Sodiqov hisobni 2:0 ko‘rinishiga keltirdi.

O‘zbekiston U-20 terma jamoasi asosiy tarkibida Nematulloh Rustamjonov, Ozodbek Odiljonov, Ozodbek Najmiddinov, Muhammadali Dilshodbekov, Abdulvosid Soliyev, Azizbek To‘lqinbekov, Quvonishbek Saydaliyev, Abubakir Shukurullayev, Nurbek Sarsenbayev, Ulug‘bek Maratov hamda Sadriddin Hasanov maydonga tushdi.

Zaxiradan Odinaev, Shorahmedov, Musaxonov, Baxodirxonov, Abraev, Ko‘paysinov, Shokirov, Abdug‘aniyev, Abdusattorov, Habibullayev va Sodiqov maydonga...

Qozog‘iston poytaxti Ostonada yengil relsli transport tizimi – LRT ishga tushirilishi e’lon qilindi. Bu haqda City Transportation Systems kompaniyasi ma’lumotiga tayangan holda Tengrinews xabar berdi.

Unga ko‘ra, ilk yo‘lovchilar yangi transportdan shu hafta oxirida, 16 – 17-may kunlari foydalanishi mumkin bo‘ladi. Hozir loyiha yakuniy tayyorgarlik bosqichida. Shaharda poyezdlar sinovdan o‘tkazilmoqda, xavfsizlik tizimlari va infratuzilma tekshirilmoqda.

LRT sinov harakati 2025-yil 29-sentabrda boshlangan. Poyezdlar 40 – 50 km/soat tezlikda harakatlanadi. «Nurli yo‘l» vokzalidan aeroportgacha yo‘l taxminan 40 minut davom etadi.

Harakat oralig‘i yo‘nalishga qarab 5 – 10 daqiqani tashkil qiladi. LRT liniyasi xalqaro aeroportdan boshlanib, «Nurli yo‘l» vokzaligacha boradi. Yo‘nalishda jami...

Toshkent shahar Sanitariya-epidemiologik osoyishtalik va jamoat salomatligi boshqarmasi poytaxt bozorlarida kimyoviy bo‘yoqlar bilan ishlov berilgan pomidorlar sotilayotgani haqidagi xabarlarni rad etdi. Bu haqda Toshkent shahar hokimligi ma’lum qildi.

Avvalroq pressa.uz nashrida Toshkent bozorlarida kimyoviy bo‘yoqlar bilan ishlov berilgan pomidorlar ommaviy ravishda sotilayotgani haqida xabar berilgan edi.

Ushbu xabar ortidan Toshkent shahar Sanitariya-epidemiologik osoyishtalik va jamoat salomatligi boshqarmasi xodimlari poytaxtdagi barcha oziq-ovqat bozorlarida o‘rganish ishlari olib bordi. O‘rganishlar natijasida kimyoviy bo‘yoqlar bilan ishlov berilgan sabzavot mahsulotlari sotilayotgani holatlari aniqlanmagan.

Hokimlik aholiga e’tibor uchun minnatdorlik bildirib, OAV va axborot resurslaridan ma’lumotlarni e’lon qilishdan oldin vakolatli organlar orqali tekshirishni so‘radi. Shuningdek, noto‘g‘ri...

Qirg‘iziston sobiq Milliy xavfsizlik davlat qo‘mitasi rahbari Qamchibek Tashiyevga oid jinoyat ishi sudga yuborildi. Bu haqda uning advokati Ikramidin Aytkulov ma’lum qildi, deya xabar bermoqda Akipress.

Qirg‘iziston Bosh prokuraturasi Tashiyevga nisbatan ayblov xulosasini tasdiqlagan. U hokimiyatni kuch bilan egallashga tayyorgarlik ko‘rish va mansab vakolatini suiiste’mol etishda gumon qilinmoqda.

Ish Bishkekdagi Pervomaysk tumani sudiga yuborilgan. Mazkur ish bo‘yicha yana yetti nafar ayblanuvchi ham o‘tmoqda.

Advokatning aytishicha, jinoyat ishi maxfiylashtirilgan. Shu sababli barcha sud majlislari yopiq tarzda o‘tkaziladi va tergov hamda sud materiallarini oshkor qilish taqiqlanadi.

Avvalroq Tashiyev so‘roqqa chaqirilgani, unga ayblov e’lon qilingani va keyin mamlakatdan chiqmaslik sharti bilan qo‘yib...

O‘zbekistonda 2026-yilning 1-aprel holatiga ko‘ra, 353 ming 472 ta dehqon xo‘jaligi faoliyat yuritmoqda. Bu haqda Milliy statistika qo‘mitasi xabar berdi.

Hududlar kesimida dehqon xo‘jaliklarining eng ko‘pi Andijon viloyatiga to‘g‘ri keladi 53,2 mingta. Undan keyingi o‘rinlarni Xorazm (47,2 mingta) va Samarqand (42 mingta) viloyatlari egallagan.

Boshqa hududlardagi ko‘rsatkichlar quyidagicha: Farg‘ona viloyatida 32,5 mingta, Qashqadaryo viloyatida 30,3 mingta, Surxondaryo viloyatida 25,8 mingta, Namangan viloyatida 24,9 mingta, Buxoro viloyatida 20,7 mingta dehqon xo‘jaligi faoliyat yuritmoqda.

Shuningdek, Toshkent viloyatida 20,5 mingta, Jizzax viloyatida 17,3 mingta, Sirdaryo viloyatida 13,8 mingta, Qoraqalpog‘iston Respublikasida 13,3 mingta, Navoiy viloyatida 11,3 mingta dehqon xo‘jaligi ro‘yxatga olingan. Toshkent shahrida...

Saudiya Arabistoni Proligasining 32-turida «An-Nasr» va «Al-Hilol» uchrashuvi 1:1 hisobida durang bilan yakunlandi. So‘nggi daqiqada o‘tkazib yuborilgan gol Krishtianu Ronaldu jamoadoshlari muddatdan oldin chempion bo‘lishiga to‘sqinlik qildi.

Uchrashuvning 37-daqiqasida «An-Nasr» himoyachisi Muhammad Simakan hisobni ochdi. O‘yinning asosiy qismida mezbonlar ustunlikni saqlab qoldi. Biroq 90+8-daqiqada «An-Nasr» darvozaboni Bento o‘z darvozasiga to‘p kiritib qo‘ydi. Natijada «Al-Hilol» mag‘lubiyatdan qutulib qoldi.

Ushbu durangdan so‘ng turnir jadvalida peshqadamlar o‘rtasidagi 5 ochkolik farq saqlanib qoldi. Hozirda «An-Nasr» 83 ochko bilan birinchi o‘rinda bormoqda. «Al-Hilol» esa 78 ochko bilan ikkinchi o‘rinni egallab turibdi. Agar «An-Nasr» g‘alaba qozonganida, muddatidan avval chempion bo‘lishi mumkin edi.

Mavsum yakunlanishi uchun...

O‘zbekistonda maqsadli ipoteka omonati tizimi shu yilning 1-iyul sanasidan sinov tariqasida yo‘lga qo‘yiladi. Bu haqda Iqtisodiyot va moliya vazirligida «O‘zbekistonda ipoteka bozori va uy-joy subsidiyasi: tahlil, imkoniyatlar va yangi yondashuvlar» mavzusida o‘tkazilgan ochiq muloqotda ma’lum qilindi.

Ushbu maqolada quyidagilar bilan tanishish mumkin:

Soliq organlari ayrim tadbirkorlik subyektlarida savdo tushumlari plastik kartadan plastik kartaga pul o‘tkazish orqali qabul qilinayotgan holatlarni o‘rganishni boshladi.

Qo‘mita ma’lumotiga ko‘ra, ayrim hollarda P2P o‘tkazmalar orqali tushgan mablag‘lar soliq hisobotlarida ko‘rsatilmayapti. Natijada Davlat budjetiga tushishi kerak bo‘lgan soliqlar to‘liq shakllanmay qolmoqda.

Shu sababli yuridik shaxslarda faoliyat yurituvchi rahbar xodimlarning bank kartalariga kelib tushgan mablag‘lar tahlil qilinmoqda. Aniqlangan holatlar bo‘yicha hisobotlarda aks etmagan daromadlar uchun tegishli choralar ko‘rilmoqda va soliq to‘lovchilarga xabarnomalar yuborilmoqda.

Qo‘mita bu jarayon jazolash yoki bosim o‘tkazish uchun emasligini ta’kidladi. Asosiy maqsad yashirin iqtisodiyotni kamaytirish, iqtisodiy adolatni ta’minlash va qonuniy ishlayotgan tadbirkorlarni qo‘llab-quvvatlashdan iborat.

Bu kabi...

Tijorat banklari tomonidan 13-may kungi xorijiy valyutalarni ayirboshlash kurslari yangilandi. «Kursiv» eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Avvalroq Kursiv Uzbekistan dollar hafta davomida 162 so‘mga oshgani haqida yozgandi.

O‘smirlar o‘rtasidagi boks bo‘yicha Osiyo chempionatining yarim final bahslari yakunlanib, finalchilar nomi ma’lum bo‘ldi. Unda O‘zbekiston terma jamoasi 16 nafar bokschi bilan finalga yo‘llanma olib, yetakchilik qilmoqda. Bu haqda O‘zbekiston boks federatsiyasi xabar berdi.

O‘zbekiston terma jamoasi tarkibida 6 nafar qiz va 10 nafar o‘g‘il bola finalda ringga ko‘tariladi. Bu borada ikkinchi natijani Qozog‘iston terma jamoasi qayd etdi. Ular 11 nafar bokschi (5 nafar qiz, 6 nafar o‘g‘il bola) bilan final bosqichiga yetib kelgan.

Kuchli uchlikni esa Hindiston terma jamoasi yakunlab turibdi. Hindistonlik 9 nafar (8 nafar qiz, 1 nafar o‘g‘il bola) charm qo‘lqop ustasi finalda ishtirok etish huquqini...

Google kompaniyasi Gemini Intelligence va ChromeOS bilan integratsiyalashgan yangi Googlebook premium noutbuklar liniyasini taqdim etdi. Bu haqda kompaniya rasmiy saytida e’lon qilindi.

Googlebook bitta aniq noutbuk emas, balki turli kompaniyalar tomonidan ishlab chiqariladigan va Gemini’ning barcha funksiyalarini qo‘llab-quvvatlaydigan qurilmalar qatoridir. Bu Google’ning oldingi Chromebook Plus liniyasiga o‘xshash yondashuv hisoblanadi.

Yangi noutbuklar qatoriga maxsus Gemini tugmasi va Magic Pointer funksiyasi qo‘shiladi. Magic Pointer yordamida foydalanuvchilar kursorni ko‘rsatkichga aylantirishi mumkin, bu esa Gemini’ga yo‘naltirilgan obyektni aniqlash va kontekstga mos yordam berish imkonini beradi.

Shuningdek, Android ilovalari bilan sinxronizatsiya yaxshilanib, smartfon va kompyuter o‘rtasida fayllarni bitta tugma yordamida uzatish imkoniyati paydo bo‘ladi.

13-may sanasi siyosat maydonidagi keskin burilishlar hamda musiqa, kino va sport olamida iz qoldirgan yorqin yulduzlarning tavalludi bilan yodda qolgan. Kursiv Uzbekistan kunning eng muhim voqealarini xronologik tartibda taqdim etadi.

1940-yili Buyuk Britaniya Bosh vaziri Uinston Cherchill parlamentning Jamoatlar palatasida o‘zining ilk tarixiy nutqini so‘zladi. U xalqqa yuzlanib, «Men sizga qon, mehnat, ko‘z yoshlari va terdan boshqa hech narsa va’da qila olmayman», degan mashhur so‘zlarini aytdi. Ushbu jasoratli chiqish Ikkinchi jahon urushining eng og‘ir pallasida mamlakatni ruhan birlashtirishga xizmat qildi.

1950-yilda dunyodagi eng mashhur ko‘zi ojiz xonanda va kompozitor Stivi Uander dunyoga keldi. R&B, pop va soul yo‘nalishlarida...