Yangiliklar

Angliya Premyer-ligasining qoldirilgan 31-turida «Manchester Siti» o‘z muxlislari ko‘z o‘ngida «Kristal Pelas»ni qabul qilib, 3:0 hisobida ishonchli g‘alaba qozondi. O‘zbekiston terma jamoasi a’zosi Abduqodir Husanov uchrashuvda asosiy tarkibda maydonga tushdi.

Kuchli yomg‘ir ostida kechgan uchrashuvning dastlabki daqiqalarida mehmonlar chuqur himoyalanishdi. 32-daqiqada Fil Fodenning tovon bilan bergan ajoyib uzatmasidan so‘ng Antuan Semenyo uchrashuvda hisobni ochdi.

Oradan ko‘p o‘tmay, 40-daqiqada yana o‘sha Fodenning sa’y-harakatlari va Yoshko Gvardiolning uzatmasidan keyin Umar Marmush yaqin masofadan darvozani ishg‘ol qilib, hisobni 2:0 ko‘rinishiga keltirdi. Uchrashuvga yakuniy nuqtani esa 84-daqiqada zaxiradan maydonga tushgan Rayan Sherkining uzatmasidan unumli foydalangan Savinyo qo‘ydi.

O‘zbekistonlik himoyachi Abduqodir Husanov bahsni asosiy...

Buryatiya Respublikasi hududida qurilish maydonida yuz bergan baxtsiz hodisa oqibatida ikki nafar O‘zbekiston fuqarosi jabrlangani ma’lum qilindi. Bu haqda «Dunyo» axborot agentligi xabar berdi.

Hodisa 8-may kuni Ulan-Ude shahrida qurilayotgan ko‘p qavatli uyda sodir bo‘lgan. Dastlabki ma’lumotlarga ko‘ra, minorali kran qurilish havozasiga zarar yetkazgan va shu paytda xavfsizlik kamarisiz ishlayotgan ikki ishchi 7-qavatdan qulab tushgan.

O‘zbekistonning Novosibirskdagi Bosh konsulxonasi vaziyat nazoratga olinganini bildirgan. Diplomatlar mahalliy huquqni muhofaza qiluvchi organlar bilan hamkorlikda ish olib bormoqda.

Jabrlanganlardan biri og‘ir ahvolda shifoxonaga yotqizilgan. Ikkinchi fuqaro esa olgan tan jarohatlari oqibatida vafot etgan.

Holat yuzasidan Rossiya tergov organlari tomonidan mehnat xavfsizligi qoidalarini buzish...

Lego kompaniyasi «Uzuklar hukmdori» asari asosida yasalgan, Minas Tirit qal’asi tasvirlangan yangi to‘plamni ommaga namoyish etdi. To‘plam 4-iyun kuni AQSh bozoriga chiqariladi. Bu haqda Lego xabar berdi.

Ma’lumotlarga ko‘ra, bu Lego so‘nggi yillarda ishlab chiqargan eng katta konstruktorlardan biri, shuningdek, «Uzuklar hukmdori» olami uchun yaratilgan eng yirik to‘plam hisoblanadi. Konstruktor 8 278 ta qismdan iborat bo‘lib, yig‘ilgan qal’aning balandligi 59 santimetrga yetadi.

To‘plam faqatgina qal’aning tashqi ko‘rinishini emas, balki taxt zali kabi ichki xonalarni ham o‘z ichiga oladi. Shuningdek, Gendalf, Aragorn va Denetor kabi asarning mashhur qahramonlari figurkalari ham mavjud. Yangi to‘plam narxi $650 ni tashkil qiladi.

Avvalroq Kursiv...

O‘zbekiston U-17 terma jamoasi Osiyo kubogi doirasida Avstraliya ustidan 2:0 hisobida g‘alaba qozonib, guruhni birinchi o‘rinda yakunladi va chorak finalda Janubiy Koreyaga qarshi maydonga tushadi.

O‘zbekiston o‘smirlar terma jamoasi Osiyo kubogi guruh bosqichining so‘nggi o‘yinida Avstraliyaga qarshi ishonchli o‘yin namoyish etib, muhim g‘alabani qo‘lga kiritdi. Uchrashuv 2:0 hisobida o‘zbekistonlik yosh futbolchilarning foydasiga hal bo‘ldi.

Gollarga uchrashuvning 28-daqiqasida Mirkomil Murodov va 45-daqiqasida Ahror Ravshanbekov mualliflik qildi. Ushbu g‘alaba evaziga Sergey Chigodayev shogirdlari o‘z guruhida peshqadam sifatida chorak final bosqichiga yo‘llanma olishdi.

Chorak finalda O‘zbekiston U-17 terma jamoasi «C» guruhida ikkinchi o‘rinni egallagan Janubiy Koreya o‘smirlariga qarshi bahs olib boradi...

14-may sanasi jahon tarixida sportdagi unutilmas finallar, texnologiya olamidagi burilishlar va san’at yulduzlarining tavalludi bilan yodda qolgan. Kursiv Uzbekistan kunning eng muhim voqealarini xronologik tartibda taqdim etadi.

1969-yili Avstraliyaning Melburn shahrida mashhur aktrisa Keyt Blanshett dunyoga keldi. U «Uzuklar hukmdori» filmidagi Galadriel roli bilan tanilgan bo‘lib, keyinchalik «Aviator» hamda «Moviy Jasmin» kartinalaridagi ishtiroki uchun ikki karra «Oskar» mukofotiga sazovor bo‘lgan.

1984-yilda smartfonlarimizdagi asosiy ilovalarning «otasi» hisoblangan Mark Sukerberg tavallud topdi. U 2004-yili Garvard universiteti talabasi bo‘lgan vaqtidayoq ijtimoiy tarmoqqa asos solgan bo‘lib, bugungi kunda «Meta» (Facebook, Instagram, WhatsApp) kompaniyasi rahbari sanaladi.

1997-yili zamonaviy futbolning eng qimmat va kuchli...

14-may kuni O‘zbekiston hududining katta qismida havo biroz bulutli bo‘lib, yog‘ingarchilik kutilmaydi. Harorat esa hududlarga qarab kechasi 8–20°, kunduzi 17–35° atrofida bo‘ladi.

Quyida ob-havo ma’lumoti viloyatlar kesimida:

Poytaxtdagi «Aviasozlar» (xalq orasida «Kadishev») bozori faoliyati va uning atrofidagi hududlarning buzilishi bo‘yicha xabarlar tarqaldi. Toshkent shahar hokimligi matbuot xizmati bu kabi xabarlarga rasmiy munosabat bildirdi.

«Bozor odatdagi tartibda ishlamoqda. Olib borilayotgan ishlar qonuniy asosda faoliyat yuritayotgan savdo rastalari va obyektlariga daxl qilmaydi», – deyiladi izohda.

Ta’kidlanishicha, masala bozor atrofida uzoq yillardan buyon tartibsiz va o‘zboshimchalik bilan yo‘lga qo‘yilgan savdo faoliyatini tartibga solish bilan bog‘liq. Ushbu hududda ayrim shaxslar meva-sabzavot, go‘sht mahsulotlari va boshqa oziq-ovqat mahsulotlarini ruxsat beruvchi hujjatlarsiz hamda sanitariya talablariga zid ravishda sotgan holatlar qayd etilgan.

Shuningdek, tartibsiz savdo piyodalar harakatiga...

Shavkat Mirziyoyev mamlakatga rasmiy tashrif bilan kelgan BMTning Aholishunoslik jamg‘armasi (UNFPA) ijrochi direktori Diyene Keytani qabul qildi. Tomonlar O‘zbekiston va jamg‘arma o‘rtasidagi hamkorlikni yanada kengaytirish masalalarini muhokama qildi.

Uchrashuv avvalida mehmon prezidentga BMT Bosh kotibi Antoniu Guterrishning salomi va samimiy tilaklarini yetkazdi.

Muloqot davomida BMT Aholishunoslik jamgʻarmasi bilan hamkorlikning dolzarb yo‘nalishlari ko‘rib chiqildi. So‘nggi yillarda O‘zbekiston va jamg‘arma o‘rtasidagi hamkorlik sifat jihatdan yangi bosqichga ko‘tarilgani ta’kidlanib, reproduktiv salomatlik, gender tenglik va demografik barqarorlik sohalarida bir qator loyihalar amalga oshirilgani qayd etildi.

Shuningdek, jamg‘arma O‘zbekistonda o‘tkazilgan birinchi aholi va qishloq xo‘jaligini ro‘yxatga olish jarayonida faol ishtirok etgani alohida e’tirof...

Shavkat Mirziyoyev Toshkent metropolitenida yo‘lovchilarga xizmat ko‘rsatish sifati va xavfsizligini oshirish bo‘yicha taqdimot bilan tanishdi. Unda poytaxt metropolitenini kengaytirish maqsadida Toshkentda yangi metro liniyasini qurish bo‘yicha loyiha ishlab chiqilishi ma’lum qilindi.

Unda 2030-yilgacha metropolitenda kunlik yo‘lovchilar sonini 1,8 mln nafarga yetkazish, bekatlar sonini 79 taga, liniyalar uzunligini esa 103 kilometrgacha oshirish rejalari taqdim etildi. Shuningdek, poyezdlar harakati oralig‘ini bosqichma-bosqich 1,5 – 3 daqiqagacha qisqartirish ko‘zda tutilmoqda.

Yo‘lovchilar xavfsizligini oshirish maqsadida Shahriston metro bekati platformalarida sinov tariqasida oynali himoya to‘siqlarini o‘rnatish taklif etildi. Xalqaro tajribaga ko‘ra, bunday to‘siqlar platformalardagi baxtsiz hodisalarni 80 – 90 foizgacha kamaytirishi mumkin. Shu bilan...

Oliy Majlis Qonunchilik palatasining navbatdagi majlisi bo‘lib o‘tdi. Unda xorijda grant asosida o‘qiyotgan davlat xizmatchisining lavozimi saqlab qolinishiga qaratilgan yangi qonun loyihasi birinchi o‘qishda qabul qilindi.

Muhokama qilingan «Davlat fuqarolik xizmati to‘g‘risida»gi Qonunga qo‘shimcha kiritish haqidagi qonun loyihasi davlat fuqarolik xizmatchilarining kasbiy malakasini oshirish kafolatlarini belgilashni nazarda tutadi.

Unga ko‘ra, davlat xizmatchisi nufuzli xorijiy ta’lim muassasasining magistratura yoki doktorantura bosqichiga grant asosida qabul qilinsa, ish beruvchining yozma roziligi bilan uning ish o‘rni va lavozimi saqlab qolinadi. Bunda ta’lim yo‘nalishi davlat organi faoliyati bilan bevosita bog‘liq bo‘lishi inobatga olinadi.

Shuningdek, loyiha asosida davlat xizmatchisining xorijda tahsil olgan davri mehnat...

Shavkat Mirziyoyev «O‘zbekiston energetika haftaligi – 2026» forumida ishtirok etish uchun mamlakatga kelgan SOCAR bosh direktori Ravshan Najaf hamda British Petroleum rahbariyati vakillari Ariel Flores va Jovanni Kristofolinini qabul qildi. Unda SOCAR kompaniyasining O‘zbekistonda vakolatxona ochishi ma’lum qilindi.

Uchrashuvda energetika va neft-gaz sohasida o‘zaro manfaatli hamkorlikni kengaytirish masalalari muhokama qilindi. Xususan, SOCARning Ustyurt platosidagi uglevodorod konlarini o‘zlashtirish loyihasida O‘zbekistonning hamkori ekani qayd etildi. Shuningdek, kompaniyaning O‘zbekistondagi vakolatxonasini ochish to‘g‘risida qaror qabul qilingani ma’lum qilindi.

Mazkur yirik loyihaga British Petroleum (BP) qo‘shilgani yuqori baholandi. Tomonlar uglevodorod xomashyosini qidirish, qazib olish va chuqur qayta ishlash, neft mahsulotlarini uzoq...

Xiaomi yangi Xiaomi Band 10 Pro fitnes bilaguzugining ilk tafsilotlarini taqdim etdi. Undagi yengil dizayn kundalik foydalanishda qulaylik yaratishga mo‘ljallangan.

Lu Weibingning ma’lum qilishicha, yangi modelning qalinligi atigi 9,7 mm, og‘irligi esa 21,6 grammni tashkil etadi. Qurilma alyuminiy qotishmadan tayyorlangan bo‘lib, dizaynda yengillik va qulaylikka alohida e’tibor qaratilgan.

Kompaniya vakillariga ko‘ra, bilaguzuk silliq va biroz egri ekran bilan jihozlangan bo‘lib, u yoqimli his beradi. Alyuminiy korpus va ekran dizayni qurilmaning tashqi ko‘rinishini yanada nafislashtiradi hamda kundalik uslubga moslashadi.

Shuningdek, Xiaomi Band 10 Pro Ceramic Edition nomli keramika versiyasi ham taqdim etiladi. Ushbu model yumshoq va qulay ftorelastomer bilaguzuk...

Oliy Majlis Qonunchilik palatasining navbatdagi majlisi bo‘lib o‘tdi. Unda safarbarlik davrida fuqarolarning ish joyi saqlab qolinishi kafolatlanishi belgilandi.

Muhokama qilingan qonun loyihasida safarbarlik tayyorgarligi va safarbarlikning asosiy maqsadlari, prinsiplari hamda davlat organlari va tashkilotlarning vakolatlari belgilab berildi.

Shuningdek, hujjatda umumiy va qisman safarbarlikni e’lon qilish tartibi, iqtisodiyot tarmoqlarini urush davri sharoitiga moslashtirish hamda oziq-ovqat, yonilg‘i, tibbiy xizmat, transport va aloqa tizimlarining uzluksiz ishlashini ta’minlash choralari nazarda tutilgan.

Eng muhim jihatlardan biri sifatida safarbarlik davrida chaqirilgan fuqarolarga ish joyini saqlab qolish, kredit to‘lovlarini kechiktirish va yetkazilgan zararlarni kompensatsiya qilish kabi ijtimoiy kafolatlar mustahkamlanmoqda.

Deputatlar mazkur qonun loyihasi mamlakat...

Oliy Majlis Qonunchilik palatasining navbatdagi majlisida «Harbiy xizmatchilar maqomi va ularni ijtimoiy himoya qilish to‘g‘risida»gi qonun loyihasi birinchi o‘qishda qabul qilindi. Unda 20 yildan kam bo‘lmagan xizmat stajiga ega harbiy xizmatchilarga yiliga bir marta BHM miqdorining 100 baravarigacha (41,2 mln so‘m) moddiy yordam ajratish nazarda tutilgan.

Qonun loyihasida O‘zbekiston Respublikasi Qurolli Kuchlari tarkibiga kiruvchi vazirlik va idoralar harbiy xizmatchilarining huquqiy maqomi, xizmat o‘tash shartlari, intizom talablari hamda ularning huquq va majburiyatlari aniq belgilab berilmoqda. Shuningdek, harbiy xizmatchi maqomini olish va bekor qilish tartibi ham hujjatda aks ettirilgan.

Loyihada harbiy xizmatchilarni moddiy ta’minlash, tibbiy xizmat, uy-joy bilan ta’minlash, pensiya...

Toshkent shahrida III an’anaviy «Inson uchun» festivali doirasida Respublika Imkoniyatlar olimpiadasi – Abilympics 2026 bo‘lib o‘tdi. Unda O‘zbekistonning barcha hududlaridan final bosqichida 182 nafar nogironligi bo‘lgan yoshlar ishtirok etdi. Bu haqda Xalqaro inklyuziv hab Kursiv Uzbekistan’ga xabar berdi.

Unga ko‘ra, bu yilgi olimpiadaga jami 739 nafar nomzod ro‘yxatdan o‘tdi. Saralash bosqichlari yakuniga ko‘ra, 14 hududdan 182 nafar ishtirokchi final bosqichiga yo‘llanma oldi.

Finalchilar 13 ta kasbiy yo‘nalishda o‘z mahoratini namoyish etdi. Jumladan, axborot texnologiyalari, robototexnika, fotografiya, oshpazlik, floristika, kulolchilik, rassomchilik, sartaroshlik, tikuvchilik, kashtachilik, manikyur, karving va g‘isht terish yo‘nalishlari bo‘yicha bellashuvlar tashkil etildi.

«Bugungi kunda Abilympics...

Qozog‘istonda islomiy tamoyillarga asoslangan yangi ipoteka mahsuloti 2026-yilning kuzida joriy etilishi mumkin. Bu haqda Otbası bank boshqaruvi raisi Lazzat Ibragimova Kazinform agentligiga bergan intervyusida ma’lum qildi.

Uning ta’kidlashicha, hozirda islomiy ipoteka mahsuloti chuqur o‘rganilmoqda va mamlakatda unga bo‘lgan talab yuqori hisoblanadi.

Shuningdek, Qozog‘istonda moliyaviy tartibga solishni takomillashtirishga qaratilgan yangi qonun loyihasi parlamentda ko‘rib chiqilmoqda. Mazkur tashabbus doirasida Otbası bankga islomiy moliyalashtirish xizmatlarini yo‘lga qo‘yish huquqini berish rejalashtirilgan.

Qonun qabul qilinib, litsenziyalash jarayonlari yakunlangach, yangi ipoteka mahsuloti 2026-yil sentabr – oktabr oylarida rasmiy ravishda taqdim etiladi. Islomiy moliyalashtirish tamoyillariga ko‘ra, kredit va depozitlar bo‘yicha foiz undirish taqiqlangan. Shu sababli...

Toshkentda tijorat bank mijozining omonat mablag‘larini o‘zlashtirgan xodimlarga nisbatan jinoyat ishi qo‘zg‘atildi. Bu haqda Bosh prokuratura departamenti ma’lum qildi.

Departamentning Uchtepa tumani bo‘limi tomonidan o‘tkazilgan tergovga qadar tekshiruvda bankining mas’ul xodimlari fuqaroning bank omonatiga qo‘yilgan $500 ming miqdordagi pulini soxta hujjatlar asosida qo‘lga kiritib, o‘zlashtirish yo‘li bilan talon-toroj qilgani aniqlangan.

Mazkur holat yuzasidan Jinoyat kodeksining 167-moddasi (o‘zlashtirish yoki rastrata yo‘li bilan talon-toroj qilish) hamda 228-moddasi (hujjatlar, shtamplar, muhrlar, blankalarni tayyorlash, qalbakilashtirish, sotish yoki ulardan foydalanish) bilan jinoyat ishi qo‘zg‘atilib, hozirda tergov harakatlari olib borilmoqda.

Eslatib o‘tamiz, avvalroq Buxoro viloyati Kogon tumani hokimi o‘rinbosari 12 ming dollar pora bilan...

«Manchester Siti» bosh murabbiyi Pep Gvardiola klubning o‘zbekistonlik himoyachisi Abduqodir Husanovning jarohat olganini ma’lum qildi. Bu haqda klub matbuot xizmati xabar bermoqda.

«Siti» ustozi Husanov hamda Rodri haqida ma’lumot berarkan, ularning har ikkisi ham o‘zini yaxshi his qilayotganini ta’kidlagan. Murabbiyning aytishicha, Husanov «Everton» jamoasi hujumchisi Beto bilan to‘qnashuvda qattiq zarba qabul qilib olgan, ammo ayni paytda o‘zbekistonlik himoyachining holati yaxshi.

Eslatib o‘tamiz, Abduqodir Husanov «Everton» bilan 3:3 hisobida yakunlangan o‘yinda jarohat olgan va shu sababli «Brentford»ga qarshi o‘yinni (3:0) o‘tkazib yuborgandi. Shuningdek, «Siti» yarim himoyachisi Rodri ham o‘tgan oyda «Arsenal» ustidan qozonilgan g‘alabadan (2:1) so‘ng mushaklaridan jarohat olib, safdan...

Markaziy bank huzuridagi Bank nazorati qo‘mitasi 2026-yil aprel oyida o‘tkazilgan 6 ta yig‘ilish davomida jami 30 ta masalani ko‘rib chiqdi. Bu haqda regulyator matbuot xizmati xabar berdi.

Tekshiruvlar davomida aniqlangan kamchiliklar va qonunchilik talablariga rioya qilinmagani sababli ikkita bank hamda ikkita mikromoliya tashkilotiga nisbatan jarima sanksiyalari qo‘llanildi.

Qo‘mita tomonidan ro‘yxatga olish va ruxsat berish yo‘nalishidagi 21 masala muhokama qilindi. Ular orasida kredit tashkilotlari ustaviga o‘zgartirish kiritishni ro‘yxatdan o‘tkazish, ustav fondidagi ulushlarga egalik qilish uchun ruxsat berish hamda banklarda audit o‘tkazish huquqini olish bilan bog‘liq masalalar bor.

Shuningdek, tijorat banklari kuzatuv kengashi va boshqaruvi a’zolari, muhim ahamiyatga ega xodimlar lavozimlariga...

Samsung Electronics aksiyalari Janubiy Koreyada ishchilar bilan kelishmovchilik sabab birjada keskin tushib ketdi. CNBC nashriga ko‘ra, kompaniya qiymati kun davomida 99 trln vondan ortiq, ya’ni qariyb $66 mlrdga kamaydi.

Bunga Samsung va kasaba uyushmasi o‘rtasida ish haqi bo‘yicha kelishuvga erishilmagani sabab bo‘ldi. Kasaba uyushmasi 21-maydan boshlab 18 kunlik ish tashlash o‘tkazish bilan tahdid qilgan. Aksiya narxi birjada 6 foizdan ko‘proq pasaydi.

Ma’lumotlarga ko‘ra, ish tashlashda 41 mingdan ortiq xodimlar qatnashishi mumkin. Kasaba uyushmasi Samsung’dan operatsion foydaning 15 foizini bonus sifatida xodimlarga ajratishni talab qilmoqda. Kompaniya esa 10 foiz bonus va bir martalik qo‘shimcha to‘lov taklif qilgan.

Uyushma aprel oyidagi...

O‘zbekiston Xitoy bilan hamkorlikda ishlab chiqilayotgan «Samarqand 2028» sun’iy yo‘ldoshini shu yilning 20-iyun sanasida parvozga tayyorlayotganini ma’lum qildi. Bu haqda Kosmik tadqiqotlar va texnologiyalar agentligi direktorining o‘rinbosari Muxiddin Ibragimov ma’lum qildi.

13-may kuni Toshkentda bo‘lib o‘tgan matbuot anjumanida «O‘zbekkosmos» vakillari mamlakat kosmik dasturi bo‘yicha eng muhim uch yo‘nalishni ochiqladi: ilk kosmonavt parvozi, sun’iy yo‘ldosh loyihalari va kosmik monitoring tizimlarining amaliy samarasi.

Samarqand 2028: Xitoy bilan sun’iy yo‘ldosh va SI texnologiyasi

Muxiddin Ibragimovning ma’lum qilishicha, eng muhim loyihalardan biri – Xitoy bilan hamkorlikda ishlab chiqilayotgan «Samarqand 2028» sun’iy yo‘ldoshi hisoblanadi.

Sun’iy yo‘ldosh to‘liq Xitoyda ishlab chiqarilsa-da, O‘zbekiston tomoni unga sun’iy...

14-may uchun valyutalar kursi yangilandi. Unga ko‘ra, dollar kursi 72,23 so‘mga tushib, 12 073,42 so‘mni tashkil qildi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.

Dollarning so‘nggi kunlardagi o‘zgarishi

Dollar 6-may kuni 43,68 so‘mga oshib, 12 037,21 so‘mni, 7-may kuni 37,07 so‘mga oshib, 12 074,28 so‘mni, 8-may kuni 40,69 so‘mga oshib, 12 114,97 so‘mni va 12-may kuni yana 26,97 so‘mga oshib, 12 141,94 so‘mga yetdi. 13-mayda kurs yana 3,71 so‘mga oshib, 12 145,65 so‘mni tashkil qildi.

Markaziy bank ma’lumotlariga ko‘ra, yevro 134,36 so‘mga tushib, 14 134,35 so‘mni, rubl esa 0,14 so‘mga oshib, 164,47 so‘mni tashkil etdi.

Avvalroq...

Buyuk Britaniyaning xalqaro energetika kompaniyasi BP (British Petroleum) O‘zbekistonning Ustyurt mintaqasidagi neft-gaz loyihasiga mahsulot taqsimotiga oid bitim asosida qo‘shildi. Bu haqda Energetika vazirligi ma’lum qildi.

Toshkent shahrida o‘tkazilgan «O‘zbekiston neft va gazi – 2026» xalqaro konferensiyasi doirasida imzolangan kelishuv Qoraqalpog‘iston Respublikasining Ustyurt hududidagi Boyterak, Terengquduq, Birqori, Haroy, Qoraqalpoq va Qulboy bloklarini qamrab oladi. Bitimda Energetika vaziri Jo‘rabek Mirzamahmudov, «O‘zbekneftgaz» AJ boshqaruvi raisi Abdug‘ani Sanginov, SOCAR prezidenti Rovshan Najaf hamda BP’ning Ozarbayjon, Gruziya va Turkiya bo‘yicha mintaqaviy prezidenti Djiovanni Kristofoli ishtirok etgan.

Kelishuvga ko‘ra, Londonda joylashgan BP transmilliy neft-gaz kompaniyasi mazkur loyihadagi 40 foiz ulushga ega bo‘ladi. SOCAR va...

O‘zbekistonda qoramollar soni 16,5 mlnga, qo‘y va echkilar 30 mlnga, parrandalar esa 141 mlnga yetkaziladi. Bu haqda prezident ishtirokida o‘tkazilgan yig‘ilishda ma’lum qilindi.

Tahlillarga ko‘ra, so‘nggi 25 yilda dunyo mamlakatlarining 42 foizida qoramollar soni 12 foizga qisqargan. O‘zbekistonda esa 16 mln gektar yaylov mavjud bo‘lib, hozirda uning atigi 10 foizidan foydalanilmoqda. Sohani rivojlantirish uchun Qoraqalpog‘iston Respublikasi va har bir viloyatdan bittadan tuman chorvachilikka ixtisoslashtiriladi.

Chorvachilik va yaylov xo‘jaligini rivojlantirish agentligi tashkil etilib, agentlik oldiga go‘sht va sutni qayta ishlashni 50 foizga, nasldor qoramollar ulushini 90 foizga yetkazish vazifasi qo‘yildi. Ixtisoslashgan tumanlarda paxta va g‘alla yerlarining 50 foiziga ozuqabop ekinlar...