Yangiliklar

AQSh hukumati yanvar oyida Eronda internet uzib qo‘yilgandan so‘ng mamlakatga 6 mingga yaqin Starlink terminalini yashirincha kiritdi. Bu haqda The Wall Street Journal xabar bermoqda.

Eron hukumati keng ko‘lamli aksilhukumat namoyishlariga javoban butun mamlakat bo‘ylab internetni o‘chirib qo‘ygan edi. Inson huquqlari faollari agentligi ma’lumotlariga ko‘ra, xavfsizlik kuchlari tomonidan namoyishchilarni bostirish oqibatida halok bo‘lganlar soni 7 ming kishiga yetgan.

Eron hukumati esa 21-yanvar holatiga ko‘ra 3,1 ming kishi vafot etganini rasman ma’lum qilgan. Eron prezidenti Masud Pezeshkiyan Islom inqilobining 47 yilligiga bag‘ishlangan marosimda hukumatning kamchiliklari uchun uzr so‘radi.

«Afsuski, 8 va 9-yanvar kunlari sodir bo‘lgan voqealar...

O‘zbekistonda «Eng yaxshi startap g‘oyasi» va «Eng innovatsion g‘oya» tanlovlari yo‘lga qo‘yiladi. Bu haqda Adliya vazirligi xabar bermoqda.

«Eng yaxshi startap g‘oyasi» tanlovining tuman bosqichi g‘oliblariga 5 mln so‘mgacha, viloyat bosqichi g‘oliblariga esa 10 mln so‘mgacha mukofot puli beriladi. Loyihalar har chorakda ota-onalar, biznes vakillari va ilmiy hamjamiyat ishtirokida taqdimot qilinadi. Shuningdek, marketplace platformalari bilan hamkorlik yo‘lga qo‘yilib, ta’lim muassasalarida ishlab chiqilgan mahsulotlarni sotish imkoniyati yaratiladi.

2026-yil 1-apreldan boshlab kraudsorsing tizimi ham ishga tushiriladi. Bunda davlat organlari va davlat ulushi mavjud korxonalar o‘z sohasidagi muammolarni maxsus elektron platformaga joylashtirib, yechim uchun tanlov e’lon qiladi. Har oy «Startap kuni» uchrashuvlari...

Zeekr Malaysia rahbari Eddi Lu kompaniya 2026-yilda bir vaqtning o‘zida uchta yangi modelni taqdim etishini ma’lum qildi. Bu haqda u Xitoy Yangi yili munosabati bilan o‘tkazilgan tadbirda e’lon qildi, deb yozgan Tarantas News.

Unga ko‘ra, eng asosiy yangilik Zeekr 9X flagman gibrid modeli. U 2,0 litrli benzin dvigateli bilan jihozlanadi. Dvigatel quvvati taxminan 279 ot kuchini tashkil etadi. Modelning asosiy ustunligi esa kuchli elektr tizimidir. Elektr motorlarining umumiy quvvati 1400 ot kuchiga yetadi. Avtomobil 0 dan 100 km/soat tezlikka atigi 3,1 soniyada chiqadi.

Shuningdek, kompaniya Zeekr 009 minivenining yangilangan versiyasini ham taqdim etadi. Yangi model Zeekr Grand 009 nomini...

Casio kompaniyasi AQSh bozorida G-Shock GMWBZ5000D-1, GMWBZ5000BD-1 va GMWBZ5000GD-9 soatlarini taqdim etdi. Bu haqda Gizmochina nashri ma’lum qildi.

Soatlar 49,3 x 43,6 x 13 mm o‘lchamdagi zanglamaydigan po‘lat korpus va uch martali qulflanish tizimiga ega metall bilaguzuk bilan jihozlangan. GMWBZ5000D-1 kumush rangga, GMWBZ5000BD-1 qora, GMWBZ5000GD-9 esa oltin rangga ega. Yangi zarbaga chidamli konstruksiya polimer himoya qatlam bilan qoplangan bo‘lib, korpus mustahkamligini saqlaydi.

Soat yuqori kontrastli MIP LCD-ekranga ega bo‘lib, o‘qish qulayligini va energiya samaradorligini oshiradi. U sakkiz turdagi ko‘rsatish rejimini taqdim etadi, jumladan vaqt, sana va kunni, shuningdek uchta vaqt zonasini ikki turdagi shrift bilan ko‘rsatadi. LCD-ekran keng...

Germaniya tashqi ishlar vaziri Yohann Vadeful Markaziy Osiyo mamlakatlari tashqi ishlar vazirlari bilan uchrashuvdan oldin Rossiyaga qarshi sanksiyalarni kuchaytirish va Ukrainani qo‘llab-quvvatlash zarurligini ta’kidladi. Bu haqda n-tv xabar berdi.

Nashrning yozishicha, diqqat markazida O‘zbekiston, Qozog‘iston, Turkmaniston, Tojikiston va Qirg‘iziston bor. Vadeful Yevropa Ittifoqi Rossiyaning «urush mashinasini» jilovlash uchun unga qarshi keng ko‘lamli sanksiyalar joriy etganini aytdi. Ammo uning urg‘ulashicha, Markaziy Osiyo mamlakatlari Rossiyaga Yevropa cheklovlarini chetlab o‘tishga imkon bermoqda.

«Ushbu sanksiyalarni chetlab o‘tishga urinishlar Rossiyaning urushini qo‘llab-quvvatlaydi va shu tariqa Yevropa Ittifoqining xavfsizlik manfaatlariga bevosita tahdid soladi», – dedi Vadeful.

11-fevral kuni O‘zbekiston...

Rossiyada yangilangan Haval H7 krossoverining 2026-yilgi versiyasi savdosi boshlandi. Bu haqda Great Wall Motor kompaniyasi ma’lum qildi.

Yangi model 2,0 litrli turbomotor bilan jihozlangan. Dvigatel 231 ot kuchi ishlab chiqaradi va 7 pog‘onali robotlashtirilgan uzatma bilan ishlaydi. Endilikda to‘liq uzatma barcha modifikatsiyalarda standart tarzda taqdim etiladi.

Texnik imkoniyatlar

Komplektatsiyalar soni uchtadan ikkiga qisqartirildi. Xaridorlarga Premium va Tech Plus versiyalari taklif etiladi. Asosiy Premium komplektatsiyada adaptiv kruiz-nazorat, harakat yo‘lagida ushlab turish tizimi, avtomatik favqulodda tormozlash funksiyasi, elektr bagaj eshigi, ikki zonali iqlim-nazorat va 14,6 dyuymli sensorli multimedia tizimi mavjud. Multimedia masofadan boshqaruvni qo‘llab-quvvatlaydi.

Tech Plus versiyasida panoramali tom, proyeksion...

13-fevral kuni soat 11:00 dan Qamchiq dovoni transport harakati uchun qayta ochiladi. Bu haqda Favqulodda vaziyatlar vazirligi ma’lum qildi.

Unga ko‘ra, dovon yo‘li qor ko‘chkisi xavfini kamaytirish bo‘yicha profilaktik tadbirlar o‘tkazilgach ochilmoqda. Ishlar FVV va boshqa tegishli idoralar hamkorligida amalga oshirilgan.

Biroq prognozlarga ko‘ra, bugun soat 19:00 atrofida dovon orqali harakat yana to‘xtatilishi mumkin. Bunga kechki payt qor ko‘chkisi xavfi ortishi sabab bo‘lishi kutilmoqda.

Eslatib o‘tamiz, Qamchiq dovoni 12-fevral kuni soat 13:00 dan qor ko‘chkisi xavfi sabab yopilgandi. Keyinroq hududda umumiy hajmi 6675 kub metr bo‘lgan 19 ta qor ko‘chkisi aniqlandi. «O‘zgidromet»ga ko‘ra, talafot va jabrlanganlar yo‘q.

Shuningdek...

Honor kompaniyasi va Telesin brendi hamkorlikda Magic8 Pro flagmanini ixcham raqamli kameraga aylantiruvchi maxsus aksessuarni e’lon qildi.

Ma’lumotlarga ko‘ra, yangi g‘ilof dizayni ikki asosiy elementdan iborat. Unda DSLR kameralar uslubidagi, maxsus suratga olish tugmasiga ega bo‘lgan tutqich mavjud. U smartfonning orqa kamerasiga o‘rnatiladigan almashtiriluvchi obyektivlar va yorug‘lik filtrlari uchun mahkamlagichga ega.

Kompaniya ma’lumotlariga ko‘ra, yangilik 67 mm o‘lchamdagi neytral, qutblovchi va tuman filtrlari bilan to‘liq mos keladi. Bundan tashqari, smartfonni Telesin’ning 200 mmli teleobyektivi bilan birga ishlatish imkoniyati mavjud. Aksessuarning sotuvga chiqish sanasi va narxi bo‘yicha ma’lumotlar keyinroq e’lon qilinishi kutilmoqda.

Avvalroq Kursiv Uzbekistan iPhone 17 Pro uchun qo‘shimcha...

«Arsenal» klubi APLning 26-turida «Brentford» bilan 1:1 hisobida durang o‘ynadi. Mikel Arteta jamoasining turnir jadvalidagi «Manchester Siti»dan ustunligi to‘rt ochkoga qisqardi.

O‘yinning 60-daqiqasida Noni Madueke bosh bilan aniq zarba yo‘llab, «Arsenal»ni hisobda oldinga olib chiqdi. Biroq oradan atigi 10 daqiqa o‘tib, mezbonlar muvozanatni tiklashga muvaffaq bo‘lishdi. Maykl Kayodening uzoq masofadan uzatgan to‘pini Kin Lyuis-Potter bosh bilan darvozaga yo‘llab, hisobni 1:1 ko‘rinishiga keltirdi.

«Arsenal» tarkibida betobligi sababli himoyachi Vilyam Saliba maydonga tushmadi va jamoa o‘zining eng yaxshi o‘yinini namoyish eta olmadi. Raqib hujumchisi Igor Tyagoning bosh bilan bergan xavfli zarbasini David Raya qaytarib qoldi. Ikkinchi bo‘limda Martin Edegor o‘rniga maydonga...

Kolesa.kz portalida 1989-yilda ishlab chiqarilgan Toyota Corolla Levin sotuvga qo‘yildi. Ikki eshikli ushbu avtomobil narxi 10 mln tenge (249 mln so‘m) deb belgilangan. O‘zbekiston sharoitida bu narxga yangi Hyundai Elantra olish mumkin.

Model AE92 indeksiga ega bo‘lib, afsonaviy AE86 avlodining davomchisi hisoblanadi. U sport ruhini saqlab qolgan, biroq orqa g‘ildirakdan tortish tizimi o‘rniga old g‘ildirakdan tortish tizimiga ega.

E’longa ko‘ra, avtomobil qora rangda va yaxshi holatda. Egasi mashina original bo‘yoqda ekanini, zang yo‘qligini va kolleksionerlar uchun qimmatli nusxa ekanini ta’kidlagan.

Mazkur versiya oddiy komplektatsiya emas. Unda raqamli asboblar paneli va TEMS elektron osma tizimi mavjud. Bu tizim amortizator...

Sony kompaniyasi yangi flagman to‘liq simsiz quloqchinlari WF-1000XM6 ni taqdim etdi. Yangi model avvalgi avloddan tashqi ko‘rinishi bilan farq qiladi.

Quloqchinning ichki tarkibi ham yangilangan. Ichida V2 audio protsessori mavjud bo‘lib, u 32-bitli ovoz ishlov berishni qo‘llab-quvvatlaydi. Sony ma’lumotiga ko‘ra, bu yangi protsessor aniqroq ovoz, kengroq dinamik diapazon va yuqori detalizatsiya bilan audio sifatini yaxshilaydi.

Qurilma 8,4 mm diametrli drayverlarga ega. Audio kodeklar sifatida AAC, SBC, LC3 va LDAC qo‘llaniladi, shuningdek, siqilgan audio fayllar sifatini oshirish uchun Sony DSEE Extreme sun’iy intellekt algoritmi ishlatiladi. Ulanish imkoniyatlari sifatida Bluetooth 5.3 (LE), Auracast, Fast Pair va Swift Pair mavjud.

Shovqinni...

2026-yilning ilk oyida Chevrolet Cobalt ishlab chiqarish hajmi 5,4 ming donani tashkil etdi. Bu haqda «O‘zavtosanoat» AJ ma’lum qildi. 2025-yilda bu ko‘rsatkich 9,2 ming (-3,8 ming) dona bo‘lgan.

Damas 3,4 ming dona bilan deyarli pozitsiyasini saqlab qoldi. Uning kamayishi atigi 321 dona bo‘ldi.

Tracker esa 4,1 ming dona bilan keskin o‘sdi va ikkinchi o‘ringa chiqdi. Onix 3,6 ming dona bilan uchinchi pog‘onani egalladi. Sonet 2,1 dona, Labo ham 1,3 dona ishlab chiqarildi.

Brendlar kesimida

2025-yilda Chevrolet 17,1 ming dona natija ko‘rsatgan. 2026-yilda esa savdo 18,1 ming donaga yetdi. Cobalt kamaygan bo‘lsa ham, boshqa Chevrolet modellari hisobiga umumiy...

2026-yil 16-fevraldan boshlab Toshkent shahrida ayrim avtobus yo‘nalishlariga o‘zgartirish kiritiladi. Bu haqda Тоshkent shahar transport bosh boshqarmasi xabar berdi.

Boshqarmaga ko‘ra, mazkur qaror bir-birini takrorlaydigan yo‘nalishlarni muvofiqlashtirish va interval vaqtini qisqartirish maqsadida qabul qilingan.

Xususan, 45-sonli avtobus endilikda Food City savdo markazigacha bormaydi. Yo‘nalish «Qushbegi mavzesi – Qo‘yliq dehqon bozori» oralig‘ida harakatlanadi. Hozirda Qo‘yliq dehqon bozori va Food City oralig‘ida 39, 93, 117, 128, 130 va 183-sonli yo‘nalishlar qatnaydi. Ushbu yo‘nalishlarda jami 64 ta katta sig‘imli avtobus xizmat ko‘rsatmoqda.

137-sonli avtobus ham qisqartiriladi. U Qo‘shqo‘rg‘on mahallasidan Yangi Qo‘yliq ko‘chasi bekatigacha bo‘lgan qismda harakatlanmaydi. Yo‘nalish endi «Yangi Qo‘yliq ko‘chasi...

Tijorat banklari tomonidan 13-fevral kungi xorijiy valyutalarni ayirboshlash kurslari yangilandi. «Kursiv» eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Eslatib o‘tamiz, avvalroq Kursiv Uzbekistan hafta davomida dollar kursi qanday o‘zgargani haqida yozgan edi.

Ispaniya kubogi yarim finalining dastlabki bahsida «Atletiko Madrid» o‘z maydonida «Barselona» ustidan 4:0 hisobida ishonchli g‘alaba qozondi. Uchrashuv taqdiri birinchi bo‘limdayoq hal etildi.

O‘yin kataloniyaliklar uchun omadsiz boshlandi. 6-daqiqada Erik Garsiya o‘z darvozasini ishg‘ol qilib qo‘ydi. Shundan so‘ng mezbonlar hujumkorlikni oshirdi va Antuan Grizman (14-daqiqa), Ademola Lukman (33-daqiqa) hamda Xulian Alvaresning (45+2-daqiqa) gollari evaziga tanaffusga yirik hisob bilan chiqib ketishdi.

Ikkinchi bo‘limda «Barselona» hisobni qisqartirishga urindi, biroq Pau Kubarsining goli ofsayd sababli inobatga olinmadi. O‘yin yakunida, 85-daqiqada Erik Garsiya Aleks Baenaga nisbatan qo‘pollik ishlatgani uchun maydondan chetlatildi.

Diyego Simeone shogirdlari final sari dadil qadam tashlashdi. Javob uchrashuvi 3-mart...

Qashqadaryo viloyatining Shahrisabz tumani Sarchashma mahallasida to‘rtta sun’iy muzlik, ya’ni Ice Stupa barpo etildi. Bu haqda Ekologiya qo‘mitasi xabar berdi.

Unga ko‘ra, loyiha suv tanqisligini kamaytirish va bahor-yoz mavsumida sug‘orish uchun qo‘shimcha suv manbai yaratishga qaratilgan.

Har bir sun’iy muz qish mavsumida o‘rtacha 450 kub metr muz to‘plash quvvatiga ega. Bahor va yoz oylarida esa bu muz asta-sekin erib, taxminan 250 kub metr foydali suv beradi. Ushbu suv erta bahorgi sug‘orish, bog‘ va tomorqa yerlari hamda ayrim xo‘jalik ehtiyojlari uchun ishlatiladi.

Ice Stupa texnologiyasi sovuq mavsumda mavjud suv manbalaridan foydalanib, suvni muz shaklida saqlash imkonini beradi. Keyinchalik u tabiiy...

Tojikiston o‘tgan yili xorijga 558,7 ming tonna ko‘mir yetkazib berdi, uning 99,91 foizini O‘zbekiston sotib oldi. Bu haqda Tojikiston sanoat va yangi texnologiyalar vaziri Sherali Kabir Dushanbeda bo‘lib o‘tgan matbuot anjumanida ma’lum qildi.

2025-yilda Tojikiston 2,8 million tonnadan ortiq ko‘mir qazib oldi. Bu 2024-yilga nisbatan 235 ming tonnaga yoki 10 foizga ko‘p. Qazib olish ishlari 15 ta konda 20 ta kompaniya tomonidan amalga oshirildi.

Mamlakatning o‘tgan yilgi eksport hajmi 2024-yilga nisbatan 42 foizga ko‘p. O‘zbekiston asosiy xaridor bo‘lib, umumiy hajmning 99,91 foizini yoki 558,2 tonnani sotib oldi. Afg‘oniston atigi 474 tonna ko‘mir oldi.

Eng yirik ko‘mir eksportchilari orasida...

YouTube platformasi Apple Vision Pro uchun maxsus ilova taqdim etdi. Bu haqda Tech Crunch nashri ma’lum qildi.

YouTube ilovasi foydalanuvchilarga standart videolar va YouTube Shorts’ni kinoteatr o‘lchamidagi virtual ekranda, to‘liq immersiv muhitda tomosha qilish imkonini beradi. Apple Vision Pro birinchi chiqqanida YouTube web-asosidagi yechimni tanlagan va foydalanuvchilarni Safari orqali kontentga yo‘naltirgan edi. Shu sababli offline yuklab olish funksiyasidan foydalanish mumkin emas edi.

Yangi ilova Spatial tab bilan ta’minlangan bo‘lib, foydalanuvchilar 3D, VR180 va 360-daraja formatidagi videolarni kashf etishi mumkin. M5 chipli Apple Vision Pro modellari uchun 8K videoni qo‘llab-quvvatlash imkoniyati mavjud. Ilovadan imo-ishora boshqaruvi orqali oyna o‘lchamini o‘zgartirish...

Chevrolet Malibu’ga raqobatchi sifatida qaraladigan Kia K5 modeli yana savollar markaziga chiqdi. Threads ijtimoiy tarmog‘ida @zhak1yanova nomli foydalanuvchi kuzatuvchilariga avtomobilning qulayliklari haqida savol berdi.

Maqola quyidagilardan iborat:

Asosiy e’tirozlar

Tanqid qiluvchilar, avvalo, shovqin izolyatsiyasini tilga oladi. Ba’zilar avtomobilning tortishi va tormoz tizimini ham keskin baholaydi. Past klirens va qattiq osma haqida ham ko‘plab mulohazalar bildirildi.

Ayrim haydovchilar rul qoplamasi tez yeyilishini yozgan. Ularning fikricha, bu muammo nafaqat K5, balki boshqa Kia va Hyundai modellari uchun ham xos.

2,0 litrli turboversiyalar egalari motorni «injiq» deb ataydi. Ular moyni...

YouTube’dagi Freedom_Motors kanali yangi sharhida Chevrolet Monza modelini iqtisod va dizayn o‘rtasidagi muvozanat deb atadi. Blogerga ko‘ra, bu sedan hashamat illyuziyasini arzon narx bilan uyg‘unlashtira olgan mahsulotdir. Model Chevrolet uchun og‘ir davrda muhim rol o‘ynagan.

Mundarija:

Inqirozdan keyingi strategiya

Monza tarixi 2008-yilgi global moliyaviy inqirozdan so‘ng boshlandi. O‘sha paytda General Motors katta moliyaviy yo‘qotishlarga uchradi va restrukturizatsiya jarayonini boshdan kechirdi. Kompaniya asosiy e’tiborini Xitoy bozoriga qaratdi. Chunki bu yerda xaridor tashqi ko‘rinish va «premium...

Shavkat Mirziyoyev tartibga solish sohasini xalqaro talablar asosida tubdan yangilash bo‘yicha taqdimot bilan tanishdi. Unda UzTest markazi tugatilishi va akkreditatsiya markazi Vazirlar Mahkamasi bo‘ysunishi ma’lum qilindi.

So‘nggi to‘rt yil ichida milliy standartlarning yarmi xalqaro talablar bilan to‘liq uyg‘unlashtirildi. Shu bilan birga, mamlakat akkreditatsiya tizimi 185 davlat orasida 29-o‘rinni egalladi. Milliy laboratoriyalar natijalari Germaniya, Koreya va Yaponiya kabi 37 davlat tomonidan tan olinmoqda.

Majburiy sertifikatlash va bozor nazorati

Havf darajasi yuqori bo‘lgan 156 ta tovar pozitsiyasi bo‘yicha majburiy davlat ro‘yxati bekor qilindi va majburiy sertifikat olish talab etiladigan tovarlar soni 27 foizga kamaytirildi. Bu esa adolatli raqobat muhiti...

Rossiyada yangi Kia Sportage 2026 sotuvi boshlandi. Bu haqda carsweek nashri ma’lum qildi. Bozorda takliflar kam bo‘lib, avtomobillar asosan parallel import orqali olib kirilgan.

Yangi beshinchi avlod yangilangan krossover Chelyabinskdagi dilerda mavjud. Sotuvchi avtomobilni 5,49 mln rubl ($59 ming)ga baholagan. Bu to‘liq yuritmaga ega Prestige komplektatsiyasidir.

Kapoti ostida 1,6 litrli 180 ot kuchiga ega benzin dvigateli o‘rnatilgan. Uzatmalar qutisi avtomatik. Model LED optika, haydovchi charchoqligini aniqlash tizimi, yon oynalar, old o‘rindiqlar va rul isitilishi bilan jihozlangan.

Salonida raqamli asboblar paneli bor. Shuningdek, parktronik, bir zonali iqlim nazorati va adaptiv kruiz nazorati taqdim etiladi. 17 dyuymli disklar va eko-teri qoplamasi...

Bozor yetakchilaridan biri Huawei hozirgi ko‘pchilik smartfonlardan kengroq ekranli yangi model tayyorlamoqda. Bu haqda GSMArena ma’lum qildi.

Yangi qurilmaning ekran nisbati 16:9 yoki 16:10 bo‘ladi. Oldingi to‘liq ekranli smartfonlar, asosan, 18:9 nisbatda bo‘lgan, ammo vaqt o‘tishi bilan ekranlar balandroq va ingichka shaklga ega bo‘lmoqda. Masalan, iPhone 17 Pro Max va Galaxy S25 Ultra modellari 19,5:9 nisbatga ega, ayrim bozor modellari esa 21:9 nisbatda ishlab chiqarilgan.

16:9 ekranlar, asosan, iPhone 6/7/8 kabi eski modellarda ishlatilgan. Bozorda 16:10 panelga ega smartfonlar esa deyarli uchramagan.

Manbaga ko‘ra, Huawei hozirda shunday smartfon ustida ishlamoqda. Kompaniyaning portfelida mavjud Huawei Pura X modeli...

Shavkat Mirziyoyev Andijon viloyatini ijtimoiy-iqtisodiy rivojlantirish bo‘yicha olib borilayotgan ishlar va 2026-yil uchun ustuvor vazifalar yuzasidan yig‘ilish o‘tkazdi. Bu haqda prezident matbuot xizmati ma’lum qildi.

Viloyat aholisi eng zich hududlardan biri bo‘lib, 3,5 mlndan ortiq kishilar istiqomat qiladi. Har yili 80 mingga yaqin tug‘ilish qayd etiladi. Yer resurslari cheklangani sababli har bir gektar, loyiha va investitsiya yuqori qo‘shilgan qiymat va barqaror ish o‘rinlari yaratishi shartligi ta’kidlandi.

Iqtisodiy ko‘rsatkichlar va maqsadlar

2025-yil yakunlariga ko‘ra, viloyatning yalpi hududiy mahsuloti 107,7 trln so‘mni tashkil qilib, 6,8 foizga oshdi. Sanoatda 7,2 foiz, xizmatlar sohasida 15,1 foiz, qishloq xo‘jaligida 4,7 foiz o‘sish...