Yangiliklar

«Suvta’minoti» DUK tomonidan olib borilayotgan rejali ishlar sabab Toshkent shahrining ayrim manzillarda issiq suv ta’minoti vaqtincha cheklanadi. Bu haqda Veolia Energy Tashkent ma’lum qildi.

Unga ko‘ra, 2026-yil 13-may kuni soat 10:00 ga qadar qator ko‘cha, daha va mahallalarda issiq suv ta’minoti vaqtincha to‘xtatiladi. Cheklovlar Bunyodkor shohko‘chasi, Navoiy, Olmazor, Beruniy, Islom Karimov, Qoratosh, Furqat, Afrosiyob, Kichik halqa yo‘li, Shifonur, Ziyo, Qoraqamish, Talabalar, Universitet, Samarqand Darvoza, Abay, Abdulla Qodiriy, Ko‘kcha Darvoza, Beshyog‘och, Nurafshon, Paxtakor, Huvaydo va Gulobod ko‘chalarini qamrab oladi.

Shuningdek, Chorsu maydoni, Chorsu, Qoratosh, Olmazor, Beshyog‘och, M-10, M-11, M-13, M-14, M-26, M-27, M-28, B-1, B-2, B-3 hamda Qoraqamish...

General Motors kompaniyasi Braziliyada yangi 2027-yilgi Chevrolet Sonic krossoverini rasman taqdim etdi. Bu haqda GM Authority xabar berdi.

Unga ko‘ra, kompaniya ushbu modelni Chevrolet’ning Janubiy Amerikadagi eng muhim yangi avtomobillaridan biri deb atadi. Yangi Sonic ilk bor budjet segmentidagi kupe uslubidagi krossover sifatida ishlab chiqarildi.

Avtomobil Premier va RS komplektatsiyalarida sotuvga chiqdi. Har ikki versiya zamonaviy xavfsizlik va texnologik tizimlar bilan jihozlangan. Ular orasida yangi avlod Chevrolet Intelligent Driving tizimi ham bor.

Yangi Sonic 1 litrli turbomotor bilan taqdim etildi. Uch silindrli dvigatel 115 ot kuchi va 186 Nm moment ishlab chiqaradi. Motor 6 pog‘onali avtomat uzatma bilan ishlaydi.

Tailanddagi ko‘rshapalaklarda koronavirusning yangi varianti aniqlandi. Bu haqda Tailand sog‘liqni saqlash vazirligining kasalliklarni nazorat qilish departamenti xabar bermoqda.

Dastlabki o‘rganishlar natijasiga ko‘ra, mazkur virus insoniyat uchun jiddiy xavf tug‘dirmaydi.

Yangi virus yovvoyi tabiatni kuzatish tizimi orqali kasalliklarning hayvonlardan insonlarga tarqalish ehtimolini o‘rganish maqsadida o‘tkazilgan «Yagona salomatlik» dasturi doirasida kashf qilingan.

Hozirgacha ushbu virus bilan odamlarning kasallanishi qayd etilmagan. U COVID-19 ga nisbatan yuqumliligi va tarqalish tezligi bo‘yicha ancha past ekani aytilmoqda.

Shu yilning 9-may kuni Tailand ijtimoiy tarmoqlarida yangi koronavirus haqida ko‘plab xabarlar tarqalib, aholi o‘rtasida xavotir uyg‘otdi. Raqamli iqtisodiyot vazirligining rasmiy vakili Vetxang Pxuangsap bu xabarlarning to‘g‘riligini...

Shavkat Mirziyoyev 29-Yevroosiyo iqtisodiy sammiti doirasida boʻlib oʻtgan xalqaro anjuman qatnashchilari faoliyatiga omad va katta amaliy natijalar yor boʻlishini tiladi.

Nutqda Turkiyaning global siyosiy va iqtisodiy jarayonlardagi roli, shuningdek, O‘zbekiston bilan strategik sheriklik munosabatlari yangi bosqichga chiqqani alohida ta’kidlandi. Ikki davlat o‘rtasidagi hamkorlik tenglik va o‘zaro ishonch tamoyillariga asoslanayotgani qayd etildi.

Shuningdek, chiqishda bugungi global muammolar, ya’ni suv tanqisligi, iqlim o‘zgarishi, cho‘llanish va ekologik muammolar haqida ham to‘xtalib o‘tildi. Markaziy Osiyoda bu jarayonlar yanada keskinlashayotgani, muzliklarning erishi va suv resurslarining kamayishi dolzarb masalaga aylangani aytildi.

O‘zbekiston ekologik barqarorlik yo‘lida «yashil» iqtisodiyotga o‘tish jarayonini davom ettirayotgani, «Yashil makon» umummilliy loyihasi...

Paxta va bug‘doy yetishtiruvchi xo‘jaliklarni qo‘llab-quvvatlashning qo‘shimcha mexanizmlari joriy qilinadi. Bu haqda prezident farmonida keltirib o‘tildi.

Hujjatga ko‘ra, 2026-yil hosilidan boshlab Qishloq xo‘jaligi vazirligi huzuridagi Agrar sohada to‘lovlar agentligi tomonidan fermer va klasterlarning ayrim kredit xarajatlari qisman qoplab beradi.

Yangi tartib bo‘yicha paxta yetishtirish uchun olingan imtiyozli kreditlarni belgilangan muddatda qaytargan xo‘jaliklarga foiz to‘lovining 2,5 foizlik punkti kompensatsiya qilinadi. Agar kredit hosil yilining oxirigacha – 31-dekabrga qadar yopilsa, kompensatsiya miqdori 5 foizlik punktgacha oshiriladi.

Bug‘doy yetishtirish xarajatlari uchun ajratilgan imtiyozli kreditlarni 1-avgustgacha to‘liq qaytargan xo‘jaliklarga esa foiz to‘lovining 4 foizlik punkti qoplab beriladi.

Farmonda paxta-to‘qimachilik klasterlari uchun ham alohida...

Qishloq xo‘jaligi korxonalarini qo‘llab-quvvatlash maqsadida dizel yonilg‘isi xarajatlarining bir qismi davlat tomonidan qoplab beriladi. Bu haqda prezident farmoni e’lon qilindi.

Unga ko‘ra, 2026-yil 1-apreldan 1-iyulgacha birja orqali dizel yonilg‘isi xarid qilgan xo‘jaliklarga subsidiya ajratiladi. Bunda har bir tonna dizel narxining 13 million so‘mdan oshgan qismi uchun kompensatsiya beriladi. Subsidiyaning maksimal miqdori 2 million so‘mdan oshmaydi.

Shuningdek, shu yilning 1-sentabridan boshlab qishloq xo‘jaligini qo‘llab-quvvatlashga oid bir qator vakolatlar maxsus Agentlikka o‘tkaziladi.

Yangi tartibga ko‘ra, paxta yetishtiruvchi xo‘jaliklar o‘z mablag‘i yoki bank krediti hisobidan yetishtirilgan paxta xomashyosini birjada sotganda elektron hisobvaraq-faktura qiymatining bir qismini subsidiya sifatida qaytarib olishi mumkin bo‘ladi.

Bundan...

Olmaotada 10 – 11-may kunlari 50,4 mm yog‘ingarchilik kuzatilib, bu holat oylik me’yorning yarmidan ko‘prog‘ini tashkil etdi. Bu haqda Kursiv Kazakhstan ma’lum qildi.

10-may soat 11:00 dan 11-may 20:00 ga qadar tushgan yomg‘ir miqdori 50,4 mm ga yetdi. Shahar uchun bu ko‘rsatkichning oylik me’yori 99 mm hisoblanadi. Hozirda kommunal xizmatlar yig‘ilgan suvni tortib olish ishlarini uzluksiz davom ettirmoqda.

Ushbu jarayonga maxsus suv tortish mashinalari va 15 ta ko‘chma nasos jalb etilgan. Qozog‘iston Favqulodda vaziyatlar departamenti tomonidan mintaqada 240 nafar xodim hamda 53 ta maxsus texnika safarbar qilingan.

So‘nggi bir sutka davomida suvni tortish hamda tozalash ishlarida jami 3 ming...

Bosh vazir o‘rinbosari Jamshid Xodjayev «Uzbekistan Energy Week – 2026» forumida energetika sohasiga kiritilgan yirik investitsiyalar va erishilgan natijalar haqida to‘xtalib o‘tdi. Bu haqda Energetika vazirligi xabar berdi.

«So‘nggi yillarda O‘zbekiston energetika sohasiga qariyb $35 mlrd miqdorida to‘g‘ridan to‘g‘ri investitsiyalar jalb qilindi», – dedi Xodjayev.

Bosh vazir o‘rinbosarining ta’kidlashicha, O‘zbekiston energetikani sanoat, investorlar, aholi va «yashil» transformatsiya uchun eng kuchli ustunlardan biriga aylantirishni maqsad qilgan.

Prezident Shavkat Mirziyoyev rahbarligida energetika sohasi xususiy investitsiyalar uchun ochilgan, davlat-xususiy sheriklikning zamonaviy mexanizmlari joriy etilgan va investorlar uchun shaffof qoidalar yaratilgan.

Natijada so‘nggi yillarda sohaga qariyb $35 mlrd...

Mutaxassisligi bo‘yicha kamida 5 yil ishlagan, ammo oliy ma’lumotga ega bo‘lmagan xotin-qizlar uchun davlat OTMga kirishda tavsiyanoma berish jarayoni boshlandi. Bu haqda Oila va xotin-qizlar qo‘mitasi ma’lum qildi.

Imtiyozdan foydalanish uchun qo‘mita tavsiyanomasini olish kerak bo‘ladi. Buning uchun nomzod o‘rta maxsus yoki professional ta’lim diplomiga ega bo‘lishi, oliy ma’lumot olmagan bo‘lishi hamda diplomdagi mutaxassisligi bo‘yicha kamida 5 yil ishlagan bo‘lishi kerak.

Bu yil barcha jarayonlar to‘liq onlayn shaklga o‘tkazildi. Arizani my.gov.uz portali orqali mustaqil topshirish mumkin. Elektron tizimdan foydalanishda qiyinchilik bo‘lsa, Davlat xizmatlari markazlariga murojaat qilish mumkin.

Tavsiyanoma abituriyentni avtomatik ravishda talaba qilmaydi. U faqat alohida qabul kvotasi bo‘yicha...

Istiqbolli loyihalar milliy agentligi (ILMA) Global Insurance Group sug‘urta kompaniyasining faoliyat litsenziyasini bekor qilish haqida qaror qabul qildi. Mazkur qaror 9-maydan kuchga kirgan.

Agentlik ma’lumotiga ko‘ra, kompaniya 2022-yilda olingan sug‘urta faoliyati litsenziyasidan mahrum etilgan. Shunga qaramay, Global Insurance Group ilgari tuzilgan sug‘urta va qayta sug‘urta shartnomalari bo‘yicha o‘z majburiyatlarini bajarishda davom etishi kerak bo‘ladi.

Bundan tashqari, ILMA 6-may kuni Leo Finance Sug‘urta Broker kompaniyasi litsenziyasini ham bekor qilgan. Ushbu qaror 10-maydan amal qila boshlagan.

Ma’lumot uchun, Global Insurance Group bilan bog‘liq muammolar 2025-yil kuzida yuzaga kelgan edi. O‘sha paytda regulyator moliyaviy tekshiruvlar davomida qonunbuzarliklarni aniqlab, kompaniya faoliyatini...

«Forsaj» (Fast & Furious) yulduzi va prodyuseri Vin Dizel franshiza asosida to‘rtta ko‘rsatuv yaratilayotganini e’lon qildi. Bu haqda Deadline nashri xabar berdi.

Manbalarga ko‘ra, seriallardan biri Peacock platformasida tayyorlanmoqda, boshqalari esa Universal Television tomonidan turli rivojlanish bosqichlarida. Serialga Vin Dizel prodyuserlik qiladi. Dastlabki qism ssenariysini Mayk Daniels va Vulf Koulman yozadi.

Universal Television tomonidan taqdim etilayotgan serial haqida hozircha to‘liq ma’lumot berilmagan. Vin Dizel va Sem Vinsent One Race orqali loyihaga prodyuserlik qilishadi. Shuningdek, «Forsaj» franshizasi prodyuseri Nil Morits, Original Film vakili Pavun Shetti hamda Kris Morgan va Jeff Kirshenbaum ham jamoada ishtirok etmoqda.

Vin Dizel avvaliga original filmning...

Hindiston Yaqin Sharqdagi ziddiyatlar sababli yuzaga kelgan energiya taqchilligiga qaramay, AQSh sanksiyalari ostida qolgan Rossiya suyultirilgan tabiiy gazi (STG)ni qabul qilishdan bosh tortdi. Bu haqda Reuters agentligi xabar bermoqda.

Agentlik ma’lumotlariga ko‘ra, Hindiston vakillari o‘z qarorini 30-aprel kuni Nyu-Dehliga tashrif buyurgan Rossiya energetika vaziri o‘rinbosari Pavel Sorokinga ma’lum qilgan. Rad etilgan gaz Gazprom SPG Portovaya terminalidan Kunpeng tankeriga yuklangan bo‘lib, mazkur zavod 2025-yil oxirida AQSh sanksiyalariga uchragan edi.

Aprel oyi o‘rtalarida Hindiston tomon yo‘l olgan Kunpeng tankeri hozirda manzilini ko‘rsatmagan holda Singapur hududida bo‘lib turibdi va uning yuki taqdiri noma’lum. Manbalarga ko‘ra, Hindiston sanksiya ostida bo‘lmagan Rossiya gazini xarid...

2026-yil aprel oyida jahon oziq-ovqat narxlari yana ko‘tarildi. Bunga asosan o‘simlik yog‘lari, don mahsulotlari va guruch narxining oshishi sabab bo‘lgan. Bu haqda BMTning Oziq-ovqat va qishloq xo‘jaligi tashkiloti (Food and Agriculture Organization (FAO) ma’lumotlari e’lon qilindi.

FAO oziq-ovqat narxlari indeksi aprel oyida 130,7 punktni tashkil etib, mart oyiga nisbatan 1,6 foizga, o‘tgan yilning shu davridagiga nisbatan esa 2 foizga oshgan.

Tashkilot ekspertlari Yaqin Sharqdagi mojaro va Hormuz bo‘g‘ozidagi vaziyat global bozorlarga ta’sir qilayotganini qayd etdi. Energiya narxining yuqoriligi ham oziq-ovqat ishlab chiqarish xarajatlarini oshirgan.

Don mahsulotlari

Don mahsulotlari indeksi aprel oyida 0,8 foizga ko‘tarildi. Ayniqsa, bug‘doy narxi AQShdagi qurg‘oqchilik...

BAAning Unison Capital Investment kompaniyasi O‘zbekistonda 100 ta zamonaviy diagnostika markazini tashkil etish loyihasini taqdim qildi. Bu haqda «Dunyo» axborot agentligi xabar berdi.

Bu masala O‘zbekistonning BAAdagi elchisi Umid Shodiyev va kompaniya ijrochi direktori Tamer Akl uchrashuvida muhokama qilindi.

Tomonlar davlat-xususiy sheriklik asosida sog‘liqni saqlash infratuzilmasini rivojlantirish istiqbollarini ko‘rib chiqdi. Xususan, Farg‘ona viloyatida kompyuter tomografiyasi bo‘limlarini tashkil etish loyihasi muhokama qilindi.

Kompaniya respublika bo‘ylab to‘liq siklli 100 ta diagnostika markazini ochishni rejalashtirmoqda. Markazlarda MRT, MSKT, rentgen, gemodializ va laboratoriya xizmatlari yo‘lga qo‘yiladi.

Shuningdek, Unison Capital Investment rahbariyati Toshkent xalqaro investitsiya forumida ishtirok etadi. Forum doirasida Investitsiyalar, sanoat va savdo...

Buxoro viloyatida yashovchi ayol o‘zini bank tizimi vakili sifatida tanishtirgan noma’lum shaxslarning gapiga ishonib, bir milliard so‘mdan ortiq mablag‘ini firibgarlar hisobiga o‘tkazib yuborgan. Bu haqda Ichki ishlar vazirligi xabar berdi.

Unga ko‘ra, hodisa 2025-yil dekabr oyida sodir bo‘lgan. Telegram orqali bog‘langan shaxslar ayolning bank omonatlari xavf ostida ekanini aytib, pullarni xavfsiz kartalarga ko‘chirish kerakligiga ishontirgan.

Natijada jabrlanuvchi turli banklardagi jamg‘armalaridan jami 1 milliard 9 million so‘mni firibgarlar ko‘rsatgan plastik kartalarga o‘tkazgan. Bir necha kun o‘tib aldanib qolganini anglagach, ichki ishlar organlariga murojaat qilgan.

Tergov davomida pullarni naqdlashtirish va jinoiy sxemani boshqarishda gumon qilingan ikki shaxs Toshkent shahrida qo‘lga olindi...

Netflix mashhur Money Heist (La Casa de Papel) franshizasi, ya‘ni «Qog‘oz bino»(Bumajniy dom) filmi yana davom ettirilishini rasman ma’lum qildi. Bu haqda Afisha Daily nashri xabar berdi.

Platforma loyiha qanday formatda qaytishini hozircha ochiqlamadi. Bu yangi mavsum, spin-off yoki to‘g‘ridan to‘g‘ri davomi bo‘lishi mumkin.

Ushbu e’lon Berlin serialining ikkinchi mavsumi premyerasi arafasida yangradi. Yangi mavsum 15-may kuni tomoshabinlarga taqdim etiladi. Netflix ijtimoiy tarmoqlarida «Bella Ciao hanuz yangramoqda. «Qog‘oz bino» (Bumajniy dom) olami davom etadi» degan izoh bilan maxsus videoni ham joyladi.

Kompaniya vakillari serial oddiy ispan loyihasidan platformaning eng mashhur ingliz tilida bo‘lmagan shoularidan biriga aylanganini ta’kidladi. Loyiha xalqaro...

Eron parlamenti spikeri Muhammad Boqir G‘olibof mamlakat har qanday ssenariy bo‘yicha harakat qilishga shay holatda ekanini ma’lum qildi. Bu haqda IRNA xabar bermoqda.

G‘olibofning ta’kidlashicha, Eron qurolli kuchlari to‘liq jangovar shay holatda va har qanday tajovuzga javob berishga tayyor. Uning so‘zlariga ko‘ra, noto‘g‘ri strategiya hamda qarorlar falokatli oqibatlarga olib kelishi muqarrar va bu avvalgi tajribalarda o‘z isbotini topgan.

«Biz barcha variantlarga tayyormiz. Ular hayratda qolishadi», – deya ta’kidladi G‘olibof.

U noto‘g‘ri strategiya har doim noto‘g‘ri natijaga olib kelishini aytib, mamlakat kuchlari har qanday tajovuzga barchaga dars bo‘ladigan tarzda javob qaytarishga qodirligini qo‘shimcha qildi.

Avvalroq...

Xiaomi kompaniyasining yangi YU7 GT sport krossoveri Xitoy ko‘chalarida sinov vaqtida ko‘rindi. CarNewsChina’ga ko‘ra, model may oyining oxirida rasman taqdim etilishi kutilmoqda.

Avtomobil Cherry Red rangida paydo bo‘ldi. Yangi model yuqori tezlik va uzoq safarlar uchun qulaylikni birlashtirgan GT krossover sifatida taklif qilinayotir.

YU7 GT aerodinamik dizaynga ega bo‘ladi. Kuzovda 10 ta havo kanali, katta orqa diffuzor va spoyler mavjud. Spoyler markazida haydovchiga yordam beruvchi sensorlar joylashishi mumkin.

Krossover 21 dyuymli disklar va qizil tormoz kaliperlari bilan jihozlangan. Shuningdek, karbon-keramik tormoz tizimi ham bo‘lishi kutilmoqda.

Modelning uzunligi 5015 mm, eni 2007 mm, balandligi 1597 mmni tashkil qiladi. G‘ildirak bazasi...

TikTok Buyuk Britaniyada oyiga 4 funt sterling ($5,10) evaziga ilovadan reklamasiz foydalanish imkonini beruvchi obunani ishga tushirdi. Bu haqda ilova rasmiy sayti xabar bermoqda.

Yangi obuna orqali TikTok’ning asosiy bo‘limlaridagi barcha reklamalar olib tashlanadi. Biroq blogerlar tomonidan joylashtirilgan pullik integratsiya haqidagi bildirishnomaga ega kontentlar ko‘rsatilishda davom etadi.

Ma’lumotlarga ko‘ra, ushbu xizmatning faqat Buyuk Britaniyada ishga tushirilishi tasodif emas. Mamlakatda raqamli ma’lumotlarni himoya qilish qonuni mavjud bo‘lib, u xizmatlardan foydalanuvchilarning shaxsiy ma’lumotlaridan faqat ularning roziligi bilan foydalanishni talab etadi.

Eslatib o‘tamiz, 2023-yilda TikTok xuddi shunday obunani AQShda oyiga $5 evaziga sinovdan o‘tkazgan edi, biroq u rasman ishga tushirilmagan.

Avvalroq Kursiv...

Aviasales Uzbekistan tahliliga ko‘ra, 2026-yilda o‘zbekistonlik sayohatchilar eng ko‘p tranzit parvozlarni Istanbul orqali amalga oshirgan. Barcha tranzitlarning qariyb 19 foizi aynan shu shaharga to‘g‘ri kelgan.

Tahlilchilarga ko‘ra, Istanbulning mashhurligi Yevropa, Yaqin Sharq va Shimoliy Amerikaga qulay aviaqatnovlar mavjudligi bilan bog‘liq.

Reytingda Moskva va Boku keyingi o‘rinlarni egalladi. Ularning ulushi mos ravishda qariyb 11 foiz va 10 foizni tashkil etdi. Ushbu yo‘nalishlar MDH davlatlari va Yevropaga parvozlar uchun talab yuqori bo‘lib qolayotganini ko‘rsatdi.

Shuningdek, Osiyo yo‘nalishlariga qiziqish ham oshgan. Pekin, Urumchi, Guanchjou va Sian kabi Xitoy shaharlari orqali amalga oshirilgan tranzitlar umumiy hajmning 20 foizidan ortig‘ini tashkil etdi.

BAA shaharlari ham...

Tijorat banklari tomonidan 12-may kungi xorijiy valyutalarni ayirboshlash kurslari yangilandi. «Kursiv» eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Avvalroq Kursiv Uzbekistan dollar hafta davomida 162 so‘mga oshgani haqida yozgandi.

Toshkent shahridagi «O‘zbeksirk» binosi va infratuzilmasini modernizatsiya qilish bo‘yicha ishchi guruh tashkil etiladi. Bu haqda Madaniyat vazirligida o‘tkazilgan yig‘ilishda ma’lum qilindi.

Unda sirk majmuasini rekonstruksiya qilish, hayvonlar uchun qo‘shimcha saqlash joylarini barpo etish, zamonaviy texnik jihozlar o‘rnatish hamda xodimlarni moddiy rag‘batlantirish tizimini takomillashtirish yuzasidan takliflar ko‘rib chiqildi.

Muhokamalarda Bosh prokuratura, Iqtisodiyot va moliya vazirligi, Qurilish va uy-joy kommunal xo‘jaligi vazirligi, Toshkent shahar hokimligi hamda boshqa qator tashkilotlar vakillari qatnashdi.

Yakunda bildirilgan takliflarni amaliyotga tatbiq etish uchun maxsus ishchi guruh shakllantirish va loyiha bo‘yicha tegishli ishlarni boshlashga kelishib olindi.

Avvalroq Kursiv Uzbekistan Toshkent «Brodveyi» yangilanishi haqida yozgandi.

Surxondaryo viloyatining Denov tumanida o‘tkazilgan kurash musobaqasi fojia bilan yakunlandi. Musobaqa vaqtida yigit ukasining mag‘lubiyati alamida raqibining otasiga qasddan pichoq sanchib o‘ldirdi. Bu haqda Bosh prokuratura matbuot xizmati rahbari Hayot Shamsutdinov Kursiv Uzbekistan nashriga ma’lum qildi.

2026-yil 9-may kuni soat 14:30 larda Yangiariq mahallasidagi «Abu Ali Ibn Sino» nomidagi tibbiyot texnikumi o‘yingohida sportning milliy kurash turi bo‘yicha ommaviy tadbir o‘tkazilayotgan bo‘lgan. Doston Jabborov ukasi raqibidan mag‘lubiyatga uchraganidan g‘azablanib, mudhish jinoyatga qo‘l urgan.

U raqibining otasi el orasida mashhur kurashchi sifatida hurmat qozongan 41 yoshli Nizomiddin Cho‘tboyevning orqa tomonidan kelib, qasddan odam o‘ldirish maqsadida o‘zi bilan olib kelgan oshxona pichog‘ini uning...

Kuvayt davlati O‘zbekistonga o‘zining yangi elchisi sifatida Turki Xolid Hamad al-Mikradni tayinladi. Elchi Toshkentda qabul qilinib, ikki davlat o‘rtasidagi hamkorlik istiqbollari muhokama qilingan. Bu haqda Tashqi ishlar vaziri Baxtiyor Saidov xabar berdi.

«O‘zbekiston va Kuvayt o‘rtasidagi ko‘p qirrali hamkorlikni yanada rivojlantirish istiqbollari kun tartibimiz markazida bo‘ldi», – deyiladi rasmiy xabarda.

Shuningdek, uchrashuv doirasida yangi tayinlangan elchi ishonch yorliqlari nusxalarini topshirgan.

Suhbat chog‘ida O‘zbekiston Respublikasi prezidenti Shavkat Mirziyoyevning 2025-yil fevral oyida Kuvaytga amalga oshirgan davlat tashrifi ahamiyati alohida ta’kidlangan. Rasmiylarning qayd etishicha, ushbu tashrif ikki tomonlama munosabatlarni yangi bosqichga olib chiqqan.

Tomonlar Ko‘rfaz arab davlatlari...