Yangiliklar

Redmi Xitoy bozori uchun yangi Redmi K90 Ultra smartfonini tayyorlamoqda. U 2025-yil iyunda chiqqan Redmi K80 Ultra modelining vorisi bo‘ladi. Gizmochina’ga ko‘ra, yangi model avvalgisiga qaraganda erta, aprel oyida taqdim etilishi mumkin.

Qurilma Dimensity 9500 protsessorida ishlashi kutilmoqda. Smartfon 2604FRK1EC model raqami bilan GSMA IMEI bazasida ham qayd etilgan. 2604 kodi uning 2026-yil aprel oyida debyut qilishi mumkinligini anglatadi.

Redmi K90 Ultra’ning asosiy jihatlaridan biri faol sovutish tizimi bo‘ladi. Bu Xiaomi telefonlarida ilk bor qo‘llanilishi kutilmoqda. Qurilma 6,8 dyuymli 1,5K ekran va 165 Hz yangilanish tezligiga ega bo‘lishi aytilmoqda.

Smartfon 8500 mA/soat sig‘imli batareya bilan jihozlanadi va 100 Vt...

Xitoyda Zeekr 007 va Zeekr 007 GT modellarining yangilangan talqinlari ommaviy ishlab chiqarishga ruxsat oldi. Bu haqda «Kitayskie avtomobili» nashri xabar bermoqda. Elektromobillar quvvatni 150 ot kuchigacha oshiradi va yangi avtonom haydash tizimi bilan jihozlanadi.

Tashqi ko‘rinishda old bamper o‘zgardi. Qo‘shimcha havo kanallari sabab old qismi yanada agressiv ko‘rinadi. Sedan endi deyarli universal bilan bir xil dizaynga ega. Ixtiyoriy karbon kuzov paketi ham paydo bo‘lgan. Dislar yangi dizaynda taklif etiladi.

007 sedanning o‘lchamlari 4858×1900×1450 mm. 007 GT balandligi pnevmoosma sabab 1460 mm. Asosiy yangilik haydovchi yordam tizimida. Avtomobillar 700 TOPS quvvatga ega Nvidia Drive Thor protsessorini oldi. Shu asosda...

2026-yilgi Chevrolet Blazer EV avvalgi modelga nisbatan ko‘proq AQSh va Kanadada ishlab chiqarilgan ehtiyot qismlar bilan yig‘ilmoqda. Bu haqda GM Authority xabar berdi.

Yangi ma’lumotlarga ko‘ra, 2026 modelida detallarining 43 foizi AQSh va Kanadadan yetkazib beriladi. Bu 2025-yilda atigi 12 foizni tashkil etgan edi.

Taqqoslash uchun, 2024-yilda model ilk bor taqdim etilganda AQSh va Kanada ulushi 62 foiz bo‘lgan. Shundan so‘ng 2025-yilda ishlab chiqarish zanjiri keskin o‘zgargan va Meksika asosiy yetkazib beruvchiga aylangan. O‘sha yili qismlarning 46 foizi Meksikadan, 20 foizi Janubiy Koreyadan keltirilgan.

2026-yilgi modelda yana o‘zgarish kuzatilmoqda. AQSh va Kanada yana eng katta ulushni egalladi...

Chinorkent – Yusufxona – Chimyon – Amirsoy yo‘nalishida yangi yo‘lovchi tashish tizimi joriy etilmoqda. Bu haqda Transport vazirligi ma’lum qildi.

Unga ko‘ra, «Toshavtobustrans» MChJ tomonidan 20 dona zamonaviy Ford rusumli mikroavtobus xarid qilingan. Tog‘li hudud sharoitini hisobga olib, maxsus sinov qatnovlari o‘tkazilgan. Shu sababli Ford mikroavtobuslari tanlangan.

Yangi transport vositalari hudud aholisi hamda Chinorkent, Chimyon va Amirsoyga borayotgan sayyohlar uchun qulay sharoit yaratadi. Loyiha ekoturizmni rivojlantirish hamda hududlar o‘rtasidagi transport aloqasini mustahkamlashga xizmat qilishi kutilmoqda.

Eslatib o‘tamiz, avvalroq Chinorkentga boruvchi tezyurar elektropoyezd narxi oshirilgandi. Endilikda kattalar uchun yo‘l haqi 30 ming so‘m, bolalar uchun esa 16,5 ming so‘mni...

Yangi «Mumiyo» filmi 2028-yil 19-may kuni premyera qilinadi. Loyiha ustida Universal Pictures kinokompaniyasi ishlamoqda. Bu haqda Deadline nashri xabar bermoqda.

Filmda Rik O’Konell roliga yana Brendan Fraser qaytadi. Evelin obrazini esa yana Rachel Ueisz gavdalantiradi.

Syujet tafsilotlari hozircha oshkor etilmagan. Avvalgi xabarlarga ko‘ra, yangi qism 2008-yilda chiqqan uchinchi film voqealarini e’tiborga olmasligi mumkin.

Rejissyorlar Tayler Jillett va Mett Bettinelli-Olpin bo‘ladi. Ssenariyni Devid Koggesholl yozishi ma’lum qilindi.

Shuningdek, aprel oyida yana bir «Mumiyo» filmi chiqishi kutilmoqda. Uni rejissyor Li Kronin suratga olgan. Ushbu loyiha Fraser ishtirok etayotgan yangi qism bilan bog‘liq bo‘lmaydi.

Eslatib o‘tamiz, Kursiv Uzbekistan nashri «Ta’sischi» filmi haqida...

10-fevral kuni Angliyada Chempionship doirasida kechgan bahsda «Sautgempton» birinchi bo‘limda 0:3 hisobida ortda qolayotganiga qaramay, yakunda «Lester Siti» ustidan 4:3 hisobida g‘alaba qozondi.

«King Pauer» stadionida o‘tgan o‘yinning dastlabki 30 daqiqasida mezbonlar yaqqol ustunlik qildi. Divayn Mukasa 9-daqiqada hisobni ochgan bo‘lsa, oradan to‘rt daqiqa o‘tib Patson Daka oradagi farqni ikkitaga oshirdi. 29-daqiqada Abdul Fatavu hisobni yirik 3:0 ko‘rinishiga keltirdi. Bu natija yaqinda olti ochkosi olib tashlangan va xavfli zonaga yaqin turgan «Lester» uchun muhim edi.

Tanaffusdan so‘ng «Sautgempton» o‘yinni butunlay o‘zgartirib yubordi. Zaxiradan maydonga tushgan Ross Styuart 61-daqiqada mehmonlarning ilk javob to‘pini kiritdi. O‘yin yakunlanishiga 8 daqiqa qolganida jamoa...

Infinix yangi Infinix Note 60 Pro smartfoni uchun oldindan buyurtmalarni ochdi. Qurilmaning rasmiy savdosi yaqin kunlarda boshlanishi kutilmoqda. Bu haqda Gizmochina nashri ma’lum qildi.

Model Qualcomm Snapdragon 7s Gen 4 protsessorida ishlaydi. Smartfonning asosiy o‘ziga xos jihati orqa panelidagi yashirin matritsali ekran bo‘ldi. U kamera moduli yoniga joylashtirilgan. Ekran vaqt, ob-havo, batareya zaryadi, musiqa va bildirishnomalarni asosiy displeyni yoqmasdan ko‘rsatadi. Konsepsiya Nothing brendining Glyph yoritish tizimini eslatadi.

Note 60 Pro 1,5K aniqlikdagi AMOLED displey bilan jihozlangan. Yangilanish tezligi 144 Hzni tashkil etadi. Asosiy kamera – 50 MP.

Qurilmada 6 500 mAh sig‘imli batareya o‘rnatilgan. 90 Vt simli tez zaryadlash...

2026-yil yanvar oyida Rossiyada eng yuqori maosh to‘lanadigan vakansiyalar reytingida payvandlovchilar yetakchilik qildi. Bu haqda RIA Novosti nashri hh.ru tahlillariga tayanib xabar bermoqda.

Tahlil natijalariga ko‘ra, yanvar oyida payvandlovchilar uchun taklif etilgan o‘rtacha maosh 267,3 ming rubl (42,5 mln so‘m)ni tashkil etgan. Kuchli uchlikdan data-sayentistlar (250 ming rubl – 39,7 mln so‘m) va DevOps-muhandislar (216,8 ming rubl – 34,5 mln so‘m) o‘rin oldi.

«Yanvar oyida so‘rovnomalar bo‘yicha o‘rtacha taklif qilingan maoshlar aynan shu kasb egalarida yuqori bo‘ldi», – dedi hh.ru tadqiqotlar bo‘yicha direktori Mariya Ignatova.

Hisobot davrida ish izlovchilarga maoshi 200 ming rubl...

Apple’ning 2026-yilgi flagmani – iPhone 18 Pro Max rekord sig‘imli batareya bilan (Apple uchun) jihozlanishi kutilmoqda. Bu haqda Gagadjet ma’lum qildi.

Manbaga ko‘ra, fizik SIM-slotli versiyada batareya sig‘imi 5 000 mAh’ga yetadi. Faqat eSIM’li variantda esa ko‘rsatkich 5 200 mAh bo‘ladi. Taqqoslash uchun, iPhone 17 Pro Max modeli 4 823 mAh va 5 088 mAh batareyaga ega.

Apple odatda batareya sig‘imi bo‘yicha raqobatchilardan ortda qoladi. Biroq amaliy avtonomlik yuqori bo‘lib kelgan. Yangi modelda esa nafaqat sig‘im oshadi, balki energiya samaradorligi ham yaxshilanadi.

Xabarga ko‘ra, smartfon 2 nm texnologiyada ishlab chiqariladigan Apple A20 Pro chipi bilan ishlaydi. Shuningdek, yangi Apple...

Farg‘ona viloyatining Qo‘qon shahrida tabiiy gazdan noqonuniy foydalanish holati fosh etildi. Bu haqda «Hududgazta’minot» AJ ma’lum qildi.

Nazorat tadbiri davomida Alisher Navoiy ko‘chasida joylashgan do‘konda qoidabuzarlik aniqlangan. Xatlov jarayonida bino loyiha-texnik hujjatlarsiz yashirin ravishda gaz tarmog‘iga ulangani ma’lum bo‘ldi.

Holat yuzasidan dalolatnoma rasmiylashtirildi. Qayta hisob-kitob natijasida 116,6 mln so‘mlik zarar aniqlangan. Hujjatlar huquqni muhofaza qiluvchi organlarga taqdim etildi.

Eslatib o‘tamiz, Kursiv Uzbekistan nashri Samarqandda 440 mln so‘mlik gazdan noqonuniy foydalangan issiqxona aniqlangani haqida yozgan edi.

Unga ko‘ra, inspeksiya va gaz ta’minoti korxonasi hamkorligida o‘tkazilgan nazorat tadbirlari davomida Kattaqo‘rg‘on tumanida fuqaroga qarashli issiqxona hech qanday rasmiy hujjatlarsiz tabiiy gazdan...

Leapmotor kompaniyasining yangi Leapmotor A10 modeli bo‘yicha rasmiy tafsilotlar e’lon qilindi. Bu haqda CarNewsChina xabar bermoqda. To‘liq elektr ixcham SUV joriy yilning birinchi choragida savdoga chiqadi. Oldindan buyurtmalar allaqachon boshlangan.

Regulyator hujjatlariga ko‘ra, A10 ikki xil batareya variantida taklif etiladi. 39,8 kVt/soat sig‘imli akkumulyator 403 km masofa ta’minlaydi. 53 kVt/soat batareya esa zaxirani 505 km gacha oshiradi. Ko‘rsatkichlar CLTC sikli bo‘yicha berilgan.

Model tezkor zaryadlashni qo‘llab-quvvatlaydi. Batareyani 30 foizdan 80 foizgacha to‘ldirish uchun 16 daqiqa yetarli.

Tashqi ko‘rinishda «Texnologik tabiiy estetika 2.0» uslubi qo‘llanilgan. Avtomobil uzunligi 4270 mm, g‘ildirak bazasi 2605 mm. Xaridorlarga oltita yorqin kuzov rangi taklif etiladi.

9-fevral holatiga ko‘ra, tijorat banklarida amal qilayotgan mikroqarz va avtokreditlarning so‘nggi 10 ish kuni bo‘yicha foiz stavkalari e’lon qilindi. Bu haqda Markaziy bank xabar berdi.

Mazkur davrda mamlakatdagi tijorat banklari tomonidan taqdim etilayotgan avtokreditlar bo‘yicha o‘rtacha foiz stavkasi 23 foizni tashkil qildi. Shundan jismoniy shaxslarga ajratilayotgan kreditlarning (mikroqarzlardan tashqari) o‘rtacha foiz stavkasi 22,7 foizni, yuridik shaxslar ulushi esa 23,4 foizni ko‘rsatmoqda.

Bunda eng past avtokredit stavkalari quyidagi banklarda kuzatilmoqda:

Eng yuqori avtokredit stavkasi:

Audi 2027-yilgi A6 e-tron va Q6 e-tron elektomobillarini yangilangan dizayn va funksiyalar bilan taqdim etildi. Bu haqda Car & Driver avtonashri ma’lum qildi.

Interyer dizayni

Yangilangan rul dizayni Concept C modelining ichki dizaynidan ilhomlangan bo‘lib, oson boshqaruv imkonini beradi. Konditsioner va iqlim nazorati kabi muhim funksiyalar hali-hanuz ekran orqali boshqariladi.

Dasturiy ta’minoti

Ikkala modelga ham yangilangan dasturiy ta’minot joriy qilinadi. U foydalanuvchi interfeysini soddalashtiradi, menyularni osonroq navigatsiya qilish imkonini beradi. Ikonalar va fonlar orasidagi kontrastni oshiradi. Ba’zi menyularda avtomobilning 3D modeli, shu jumladan, rang varianti ham ko‘rsatiladi.

Narxlar va sotuvga chiqish

2027-yilgi modellar 2026-yilning ikkinchi choragida...

Rossiya oila a’zolarini o‘zlari bilan olib borayotgan migrant ishchilar uchun talablarni kuchaytirishni rejalashtirmoqda. Bu haqda «Rossiyskaya gazeta» xabar berdi.

Nashrning yozishicha, hukumat komissiyasi tegishli qonun loyihasini ko‘rib chiqqan. Hujjat mualliflarining fikriga ko‘ra, taklif qilingan yangiliklar migrantlarning farzandlari va turmush o‘rtoqlari oldidagi ijtimoiy mas’uliyatini oshiradi.

Qonun loyihasida migrantga oilasi va bolalarini Rossiyaga faqat uning daromadi har bir oila a’zosiga kamida yashash uchun zarur bo‘lgan minimal miqdorni mintaqaviy koeffitsyientga ko‘paytirgan taqdirdagina olib kirishga ruxsat berish, shuningdek, migrantlardan Rossiyaga olib borilgan har bir voyaga yetmagan bola uchun shaxsiy daromad solig‘ining belgilangan oldindan to‘lovining bazaviy stavkasining 50 foizini to‘lashni talab qilish belgilangan.

GM kompaniyasi Cadillac Escalade va Escalade ESV modellari sovuq havoda tormoz muammosiga uchrashi mumkinligini e’lon qildi. Bu haqda GMAuthority nashri xabar berdi.

Muammo tafsilotlari

Ogohlantirish 2022 – 2026-yilgi modellarga taalluqli bo‘lib, barcha mavjud dvigatel va transmissiya kombinatsiyalarini qamrab oladi. Sovuq haroratda tormoz pedalining sezgirligi o‘zgarishi va turli ogohlantiruvchi xabarlar yoki indikatorlarni kuzatishi mumkin. Masalan, instrument panelida «Service StabiliTrak», «Service Engine Soon» yoki «Service Brake System» kabi xabarlar paydo bo‘lishi mumkin.

Muammoni aniqlash

Texniklar muammoni aniqlash uchun avvalo DTC (Diagnostic Trouble Code) kodlarini tekshirishlari kerak. Asosiy kodlardan biri – DTC C055F, u K160 Brake System Control Module...

Kuchli shamol sabab Qo‘shrabotda yirik elektr uzilishi sodir bo‘ldi. Bu haqda Energetika vazirligi xabar bermoqda. Tabiiy ofat oqibatida qator elektr tayanchlari zarar ko‘rgan.

Ayni paytda mutaxassislar tomonidan eski va nosoz ustunlar o‘rniga yangi, mustahkam beton tayanchlar o‘rnatilmoqda. Tiklash ishlari belgilangan reja asosida olib borilyapti.

Jarayonga qariyb 20 ta maxsus texnika jalb etilgan. Shuningdek, 17 ta brigada va 90 ga yaqin muhandis hamda malakali xodimlar uzluksiz ish olib bormoqda.

Rasmiy ma’lumotlarga ko‘ra, ishlar bosqichma-bosqich tartibda amalga oshirilmoqda.

Kursiv Uzbekistan nashri yetkazilgan zarar ko‘lami haqida ma’lumotlar yuzasidan vazirlik va «Hududiy elektr tarmoqlari» AJ matbuot xizmatlariga so‘rov yubordi.

Avvalroq O‘zbekistonning 6 ta...

Kuniga bir necha finjon kofeinli kofe va choy ichish uzoq muddatda kognitiv funksiyalarni yaxshilashi mumkin. Tahlillar davomida 130 mingga yaqin insonlarning ma’lumotlari o‘rganib chiqildi.

Olimlarning xulosasiga ko‘ra, o‘rta yoshda kofe ixlosmandlarida demensiya rivojlanish ehtimoli 18 foizga, choy ichuvchilarda esa 14 foizga kamroq bo‘lishi mumkin. Tadqiqotchilarning ta’kidlashicha, kofeinsiz ichimliklar bunday ta’sirga ega emas.

Shu bilan birga, mutaxassislar salomatlikni yaxshilash maqsadida kofe va choy iste’molini sun’iy ravishda oshirmaslik kerakligini qayd etmoqda. Ayniqsa, xavotir, uyqusizlik yoki yurak ritmi buzilishidan aziyat chekadiganlar, shuningdek, kofeinga nisbatan salbiy reaksiyasi bor insonlar ehtiyot bo‘lishlari lozim.

Avvalroq Kursiv Uzbekistan Arabika qahvasi narxi 13 yildagi eng yuqori darajaga...

Xitoydagi rasmiy ro‘yxatga olish hujjatlarida BYD kompaniyasining yangi BYD Denza Z9 va Denza Z9 GT modellari haqida ma’lumotlar paydo bo‘ldi. Bu haqda CarNewsChina xabar bermoqda. Yangi versiyalar batareya sig‘imi va yurish zaxirasi bo‘yicha yaxshilangan ko‘rsatkichlarga ega.

Batareya va yurish masofasi

Har ikkala model 102,326 kWh va 122,496 kWh sig‘imli batareyalar bilan taklif etiladi. Denza Z9 102,3 kWh batareya bilan 905 km masofa bosib o‘tadi. 122,5 kWh batareyada zaxira 1 068 km yoki 1 030 kmni tashkil qiladi.

Denza Z9GT 102,3 kWh batareya bilan 820 km dan 880 km gacha yuradi. 122,5 kWh batareyada esa ko‘rsatkich 1 002 km...

«Oʻzbekneftgaz» AJ xodimlarining turmush darajasini oshirish va ularning moddiy manfaatlarini yanada himoyalash maqsadida oylik maoshlarini oshirishini ma’lum qildi.

Unga ko‘ra, «Oʻzbekneftgaz» tizim korxona va tashkilotlaridagi xodimlarning lavozim okladlari (tarif stavkalari) 1-apreldan boshlab 10 foizga oshiriladi.

Qaror 32 mingdan ziyod xodimlarni qamrab oladi va tizimning moliyaviy imkoniyatlari hamda ishlab chiqarish koʻrsatkichlariga tayanadi.

Ma’lumot uchun, 2026-yil uchun tarif setkasi avvaldan oshirilgan miqdorda tasdiqlangan korxona va tashkilotlarga bu norma tatbiq etilmaydi.

Avvalroq Kursiv Uzbekistan «O‘zbekneftgaz»da tekshiruv: 5 xodimga chora ko‘rildi, 16 nafari ogohlantirilgani haqida yozgandi.

Roskomnadzor 1,5 yillik sekinlashtirish jarayonidan so‘ng YouTube’ni Rossiya hududida to‘liq bloklashni boshladi. Bu haqda The Moscow Times xabar bermoqda.

Yangi cheklov usuli sayt manzilini IP-manzil bilan bog‘lashga to‘sqinlik qiladi, natijada foydalanuvchilar xatolik xabarini oladi. Bloklash uchun 2021-yildan beri barcha aloqa operatorlari uchun majburiy bo‘lgan Milliy domen nomlari tizimi (NSDI) qo‘llanilmoqda.

«Ushbu tizim regulyatorga saytlarga kirishni markazlashgan holda boshqarish imkonini beradi», – dedi «Ultiatek» infratuzilma integratori boshqaruvchi direktori Jemali Avalishvili RBK nashriga bergan intervyusida.

Mustaqil telekom-ekspert Aleksey Uchakinning so‘zlariga ko‘ra, YouTube’ning bloklanishi Telegramga qarshi cheklovlarning kuchayishi bilan bir vaqtga to‘g‘ri kelgan. Mutaxassisning fikricha...

Toshkent shahrining Mirzo Ulug‘bek tumanidagi tezkor tadbir davomida ijarada yashagan ikki yosh fuqaro uyida narkolaboratoriya tashkil etgani aniqlandi. Bu haqda Ichki ishlar vazirligi xabar berdi.

Ichki ishlar vazirligi hamda Davlat xavfsizlik xizmati xodimlari o‘tkazgan tadbirda 2007-yilda tug‘ilgan qiz va 2003-yilda tug‘ilgan talaba yigit sintetik giyohvandlik vositalarini tayyorlab kelgani ma’lum bo‘ldi.

Ma’lumotlarga ko‘ra, ular 2025-yil sentabrdan buyon Telegram’dagi narkodo‘kon orqali kuratorlar topshirig‘i asosida prekursorlar tayyorlash va mefedron ishlab chiqarish bilan shug‘ullangan. Xonadondan 1 kilogramm mefedron hamda narkolaboratoriya uchun zarur asbob-uskunalar daliliy ashyo sifatida olingan.

Tezkor tadbir davomida qo‘lga olingan yigitning telefoniga kelgan geolokatsiya asosida Yangihayot tumanidagi dala maydonidan yana...

9-fevral kuni Qirg‘iziston parlamentida suv masalasi muhokamasi chog‘ida deputat Umbetali Qidiraliyev qo‘shni davlatlar Qirg‘iziston tomonidan yetkazib beriladigan sug‘orish suvi uchun pul to‘lamayotganidan norozi bo‘ldi.

Qidiraliyevning aytishicha, Qirg‘izistondagi suv zaxiralarining qariyb 80 foizi O‘zbekiston va Qozog‘istonga yo‘naltiriladi.

«Ayni paytda gidroelektrostansiyalarimizdagi suv omborlaridagi suvning qariyb 80 foizi Qozog‘iston va O‘zbekistonga ketadi. Bu muammoni ular bilan qanday hal qilamiz?», – deb so‘radi deputat.

Uning ta’kidlashicha, suv omborlarini saqlash, ta’mirlash va xavfsizligini ta’minlash xarajatlari Qirg‘iziston zimmasida qolmoqda. Deputat suv uchun to‘lov masalasini ko‘tarib, bu xalqaro amaliyot ekanini aytgan.

U Kempir-Obod suv ombori O‘zbekiston bilan 50/50 nisbatda boshqarilishini...

«RG» nashri yangi Jetour T1 krossoverini test-drayvdan o‘tkazdi. Avtomobil 5 000 km dan ortiq masofani bosib o‘tdi. Yo‘nalish tezkor magistrallar va tog‘li serpantinlarni o‘z ichiga olgan.

Texnik xususiyatlar

Sinovdan o‘tgan versiya 2 litrli benzinli dvigatel bilan jihozlangan. U 245 ot kuchi ishlab chiqaradi. Uzatma qutisi 8 pog‘onali avtomat bo‘lib, to‘liq privod mavjud.

Modelda bagaj hajmi 547 litrga yetadi. Model sayohat uchun mo‘ljallangan avtomobil sifatida taqdim etilmoqda.

Interyer va qulaylik

Salon keng va old o‘rindiqlar avtomatik sozlanadi. Old yo‘lovchi o‘rindig‘ida maxsus oyoq qo‘yish qismi bor.

Ikkinchi qator ham keng qilib ishlangan. Orqa o‘rindiq suyanchig‘i burchagi sozlanadi. Markaziy qo‘ltiqtayoq...

2025-yilda dunyo bo‘yicha faol ishlatilayotgan smartfonlar soni 2 foizga oshdi. Bu haqda Counterpoint Research ma’lum qildi.

Tahlilchilarga ko‘ra, foydalanuvchilar telefonni avvalgidan uzoqroq ishlatmoqda va qurilmalarni almashtirish davri deyarli to‘rt yilga yetgan. Shuningdek, ikkilamchi bozorda qayta foydalanilayotgan qurilmalar ulushi ham oshgan.

Hisobotga ko‘ra, 2025-yilda sakkizta yirik smartfon ishlab chiqaruvchining har biri 200 milliondan ortiq faol qurilmaga ega bo‘lgan. Ular jami global faol smartfonlar bazasining 80 foizdan ortig‘ini tashkil etadi. Faqat ikki kompaniya, Apple va Samsung 1 mlrddan ortiq faol qurilma ko‘rsatkichidan o‘tgan.

Apple dunyoda yetakchi o‘rinni egalladi. Hozir har to‘rt faol smartfondan biri iPhone hisoblanadi. 2025-yilda Apple yangi qo‘shilgan...