Yangiliklar

Hukumat qarori bilan O‘zbekiston iqtisodiyoti uchun muhim ahamiyatga ega yirik korxonalar tomonidan bank krediti va tashqi qarzlarni jalb qilish tartibi tasdiqlandi.

Unga ko‘ra, bunday korxonalar moliyaviy holatiga qarab «past xatarli», «o‘rta xatarli» va «yuqori xatarli» toifalarga bo‘linadi.

Agar yirik qarzdorning moliyaviy ahvoli yomonlashsa, Muvofiqlashtiruvchi komissiya ularni sog‘lomlashtirish bo‘yicha tavsiyalar beradi. Bunga...

Statistika qo‘mitasi ma’lumotiga ko‘ra, yanvar – sentabr oylarida mamlakatga 8,6 mln nafar turist tashrif buyurgan. Bu o‘tgan yilga nisbatan 2,8 mln kishiga yoki 49,3 foizga ko‘p.

Eng ko‘p sayyoh Qirg‘izistondan kelgan. Ularning soni 2,4 mln kishiga yetdi. Keyingi o‘rinda Qozog‘iston (2 mln) va Tojikiston (1,9 mln) fuqarolari qayd etilgan. Shuningdek, Rossiyadan 757 ming, Afg‘onistondan 343 ming, Turkmanistondan esa 275 ming sayyoh tashrif buyurgan.

Bundan tashqari, Xitoy (176 ming), Turkiya (129 ming), Hindiston (55 ming) va Janubiy Koreyadan (35 ming) ham turistlar oqimi sezilarli darajada bo‘lgan.

Eslatib o‘tamiz, Kursiv Uzbekistan Xiva 2026-yil uchun eng yaxshi sayohat yo‘nalishlari ro‘yxatiga kirgani haqida...

28-oktabr uchun valyuta kurslari e’lon qilindi. Shu kun uchun AQSh valyutasi 12 053,46 so‘m (-63,89 so‘m) etib belgilandi. Bu haqda Markaziy bank xabar bermoqda.

Dollarning so‘nggi besh kunlikdagi o‘zgarishi

So‘nggi besh kun ichida dollar kursida pasayish ustun bo‘ldi. 20-oktabr kuni dollar 12 108,24 so‘m (-52,75 so‘m) etib belgilangan edi. 21-oktabr kuni dollar 2 060,15 so‘mga (-48,09 so‘m) tenglashgan edi. 22-oktabr kuni dollar 12 011.02 so‘m (-49,13 so‘m) etib belgilangandi. 23-oktabr kuni dollar 12 101,29 so‘mga (+90,27 so‘m) tenglashdi. 24-oktabr kuni dollar 12 129,33 so‘m (+28,04 so‘m) etib belgilandi. 

Markaziy bank ma’lumotlariga ko‘ra, yevro 42,85 so‘mga tushib, 14 026,61 so‘mni, rubl esa 2,94 so‘mga oshib...

Serbiya prezidenti Aleksandr Vuchich va Finlyandiya prezidenti Aleksandr Stubb rasmiy tashrif bilan O‘zbekistonga keladi. Bu haqda davlat rahbari matbuot xizmati xabar berdi.

Ushbu davlat rahbarlari bilan bo‘ladigan uchrashuvlarda ikki tomonlama hamkorlik masalalari muhokama qilinadi. Shuningdek, hafta davomida Shavkat Mirziyoyev Samarqandda YUNESKO Bosh konferensiyasining 43-sessiyasi ochilishida ishtirok etadi va xalqaro hamkorlikni rivojlantirish tashabbuslarini ilgari suradi.

Prezident matbuot xizmatiga ko‘ra, bugun davlat rahbari iqtisodiyotdagi joriy yil natijalari va 2026-yil uchun asosiy ko‘rsatkichlar yuzasidan yig‘ilish o‘tkazadi. Shuningdek, prezident AQSH vakillari Serjio Gor va Kristofer Landauni qabul qiladi.

Avvalroq AQSHning maxsus vakili Serjio Gor hamda Davlat kotibi o‘rinbosari Kristofer Landau Toshkentga yetib kelgani...

Smartfon ishlab chiqaruvchilari har yili o‘nlab yangi modellarga start beradi. Natijada hatto eng sifatli flagmanlar ham tezda eski ko‘rinishga ega bo‘lib qoladi. Ushbu maqolada 2025-yil kuzida bemalol xarid qilsa arziydigan 5 ta smartfon haqida so‘z yuritiladi.

Samsung Galaxy S24

Janubiy Koreyaning Samsung kompaniyasi o‘zining S24 modeli bilan haqiqiy kompakt flagman tushunchasini tikladi. Qurilma atigi 167 gramm vaznga va 7,6 mm qalinlikka ega 6,2 dyuymli LTPO AMOLED 2X ekrani 120 Hz yangilanish chastotasi, HDR10+ qo‘llovi va 2600 nit yorqinligi bilan ajralib turadi.

Exynos 2400 protsessori tufayli telefon hatto og‘ir o‘yinlarda ham silliq ishlaydi. Kamera tizimi ham yuqori darajada...

Mutaxassislar bu safar iPhone 17 Pro smartfonida kulgili kamchilik topishdi. Bu haqda Iphones vlogi muallifi Artyom Bausov ma’lum qildi.

U iPhone 17 Pro’ni sotuvga chiqqanidan beri bir oy davomida sinovdan o‘tkazdi. U smartfonning dizayni, ishlashi va kamerasi haqida ijobiy fikr bildirib, faqat bitta noqulaylikni qayd etdi.

Ekspertning so‘zlariga ko‘ra, iPhone 17 Pro zo‘r va o‘yinchoqday jozibali. Yangi Cosmic Orange rangi oldingi modellardan yorqinroq, quvnoqroq va ko‘zga yoqimli. Hatto ekran atrofidagi to‘q sariq ramkalar ham foydalanishga xalal bermaydi.

Apple bu safar korpus uchun alyuminiy tanlagan. Bu esa sovitish tizimini yaxshilashga xizmat qilgan. Endi issiqlik faqat bitta nuqtada to‘planmaydi, balki butun...

26-oktabr kuni Milliy olimpiya qo‘mitasida Norvegiyada bo‘lib o‘tgan og‘ir atletika bo‘yicha jahon chempionatida g‘olib va sovrindor bo‘lgan sportchilarni taqdirlash marosimi o‘tkazildi. Bu haqda MOQ xabar berdi.

Jahon chempionatida 110 kg vazn toifasida mutlaq chempionlikni qo‘lga kiritib, 3 ta oltin medalni qo‘lga kiritgan Akbar Jo‘rayev prezident sovg‘asi BYD avtomobili hamda bir martalik pul mukofoti bilan taqdirlandi. Turnirda 2 ta bronza medalini qo‘lga kiritgan Ruslan Nurudinov va murabbiylariga ham pul mukofoti topshirildi.

Eslatib o‘tamiz, Akbar Jo‘rayev og‘ir atletika bo‘yicha «Tokio – 2020» Olimpiadasida oltin va «Parij – 2024» olimpiadasida kumush medallari sohibi hisoblanadi.

Avvalroq Kursiv Uzbekistan Ruslan Nurudinov jahon rekordini yangilagani...

«Toshkent» respublika fond birjasidan (RFB) joy olgan yuqori likvidli aksiyalarning aksariyati 17-oktabrdan 24-oktabrgacha bo‘lgan davrda turli dinamikani ko‘rsatib, UCI fond indeksi 2,5 foizga oshdi.

Ushbu davr mobaynida «O‘zbektelekom» aksiyalari eng katta o‘sishga erishib, 44,12 foizga qimmatlashdi. Shuningdek, «Qashqadaryo texnologik transport» (+20,45%) va «Garant bank» (+19,04%) aksiyalarida ham o‘sish qayd etildi.

O‘z navbatida, «Dori-Darmon» aksiyalari 7,56 foizga arzonlashib, haftaning eng katta pasayishini qayd etdi. Bundan tashqari, «Aloqabank» (-6,62%) va «Ipoteka bank» (-5,17%) aksiyalari ham pasayish bilan ajralib turdi. Faqatgina «Ipak yo‘li» aksiyalarida narxida o‘zgarish kuzatilmadi.

Ushbu davrda yuqori likvidli aksiyalardan 16 tasi haftani ijobiy, bittasi o‘zgarishsiz va 12 tasi salbiy natija...

Yaqinda taqdim etilgan Buick Electra L7 avtomobili ADAS (Navigate On Autopilot) sinovida raqobatchilarni ortda qoldirdi. Bu haqda CarNewsChina xabar bermoqda.

Sinov 26-oktabr kuni o‘tkazilgan. U «Xitoyning ikkinchi aqlli haydovchi tizimlar tanlovi» deb nomlandi. Unda shahar sharoitidagi avtopilot tizimlari 29 kilometrli yo‘nalishda sinovdan o‘tkazildi. Yo‘l davomida 28 ta svetofor, 5 ta nazorat nuqtasi va 8 ta maxsus sinov joyi mavjud edi.

Umumiy hisobda 17 ta elektromobil ishtirok etgan. Ular orasida Aito M5, Avatr 07, Denza N7, Nio ES6, Li Auto L9, Xpeng G6, Zeekr 9X, Xiaomi YU7 va Tesla Model 3 kabi mashinalar bor edi.

Yo‘nalish oldindan e’lon qilinmagan bo‘lib...

Koreya Adliya vazirligi, politsiya va boshqa idoralar 12-dekabrgacha davom etadigan keng ko‘lamli reydlarni boshladi, natijada hozirgacha 26 nafar o‘zbekistonlik ushbu davlatda noqonuniy bo‘lib turgani aniqlandi. Bu haqda O‘zbekiston Migratsiya agentligi xabar berdi.

Unga ko‘ra, reydlar noqonuniy yashayotgan xorijliklar, mahalliy aholining ish o‘rinlarini egallayotgan chet elliklar, vositachilar va axloqqa zid faoliyat yuritayotgan shaxslarni aniqlashga qaratilgan.

APEC 2025 sammiti oldidan Gyonju shahri va yaqin hududlarda nazorat kuchaytirilgan. Qonun buzgan shaxslar jarimaga tortiladi, deportatsiya qilinadi yoki mamlakatga kirish taqiqi qo‘llanadi. Adliya vazirligi ma’lum qilishicha, reydlar davomida xorijliklarning inson huquqlarini himoya qilishga ham e’tibor qaratiladi.

Migratsiya agentligiga ko‘ra, joriy yilda E-9 vizasi asosida...

2026-yil 1-yanvardan boshlab moped va skuterlarni boshqarish uchun haydovchilik guvohnomasida «A1» kichik toifasi joriy etiladi.

Endilikda bu turdagi transport vositalarini boshqarishni istagan fuqarolar o‘quv kurslarida – onlayn yoki oflayn shaklda o‘qishlari yoki mustaqil tayyorgarlik ko‘rishlari mumkin. Nazariy imtihonda 20 ta savol beriladi va ulardan kamida 16 tasiga to‘g‘ri javob bergan talabgorlar amaliy imtihonga qo‘yiladi.

Shuningdek, 2026-yil 1-apreldan boshlab yo‘l harakati qoidabuzarliklarini foto va video qayd etish tizimlari orqali aniqlashda ham jarima ballari hisoblanadi.

Bundan tashqari, 2026-yil 1-fevraldan «A» va «B» toifali haydovchilik guvohnomasini olish uchun fuqarolar o‘quv dasturining nazariy qismini mustaqil o‘rganishlari mumkin bo‘ladi. Shu bilan avtomaktablarda o‘qish...

Joriy mavsumni «Istanbul Bashakshehir» safida o‘tkazayotgan O‘zbekiston milliy terma jamoasi hujumchisi Eldor Shomurodov joriy mavsumni yuqori saviyada o‘tkazmoqda.

Turkiya Superligasining 10-turida «Alaniyaspor» o‘z maydonida «Istanbul Bashakshehir»ni qabul qildi. Uchrashuvda mehmonlar 0:4 hisobida yirik g‘alabaga erishdi. Eldor ushbu bahsda ikkita gol urib, jamoasining g‘alabasiga munosib hissa qo‘shdi. U 22 va 88-daqiqalarda raqib darvozasini ishg‘ol qildi va WhoScored portali tomonidan 8,6 ball bilan baholandi.

To‘purarlar ro‘yxatida hozircha 7 gol bilan «Trabzonspor» hujumchisi Pol Onuachu yetakchilik qilmoqda. 6 tadan gol bilan esa «Galatasaray» yulduzi Mauro Ikardi va Eldor Shomurodov ikkinchi o‘rinni bo‘lishib turibdi.

Eslatib o‘tamiz, Istanbul klubi yozda Shomurodovni «Roma»dan 5,7 mlnga sotib...

Rossiya tarixi va qonunchilik asoslari bo‘yicha imtihon topshirgan migrantlarning 35 foizdan ortig‘i birinchi urinishda muvaffaqiyat qozona olmadi. Bu haqda «RIA Novosti» nashri ma’lum qildi.

Ta’kidlanishicha, 2025-yilning uchinchi choragida jami 275 mingdan ortiq chet ellik fuqarolar imtihon topshirgan, ulardan faqat 86,9 foizi testlarni muvaffaqiyatli yakunlagan. Qolgan qariyb 35,1 foiz ishtirokchi rus tilidan birinchi urinishda o‘ta olmagan.

Imtihon topshirish imkoniyati Rossiyaning barcha mintaqalarida va xorijdagi ayrim davlatlarda – Toshkent va Dushanbe shaharlaridagi maxsus markazlarda ham tashkil etilgan. Hozirda 203 ta punkt faoliyat yuritmoqda, shundan 88 tasi Rossiya universitetlari huzurida joylashgan.

Imtihon uch darajada o‘tkaziladi:

2025-yilning yanvar – sentabr oylarida O‘zbekistonda o‘rtacha oylik ish haqi 6,2 mln so‘mni tashkil etdi. Milliy statistika qo‘mitasi ma’lumotlariga ko‘ra, bu ko‘rsatkich o‘tgan yilning shu davriga nisbatan 19,2 foizga oshgan.

Hududlar kesimida eng yuqori o‘rtacha ish haqi Toshkent shahrida qayd etildi – 10,3 million so‘m. Keyingi o‘rinlarda Navoiy viloyati (7,6 mln so‘m) va Toshkent viloyati (5,8 mln so‘m) turadi. Eng past o‘rtacha ish haqi esa Surxondaryo va Qashqadaryo viloyatida – 4,3 million so‘m.

Soha bo‘yicha tahlilga ko‘ra, eng yuqori oylik bank va sug‘urta sohasida kuzatildi – 16,82 million so‘m. Axborot va aloqa sohasida o‘rtacha ish haqi 15 million so‘mni...

O‘zbekistonda «bo‘lib to‘lash» (BNPL — buy now, pay later) xizmatlari bozorini tartibga solish jarayoni birlamchi bosqichga kirdi. Bu haqda Markaziy bank raisi Timur Ishmetov matbuot anjumanida ma’lum qildi. Uning so‘zlariga ko‘ra, hozircha bu yo‘nalishda qonunchilik asosida tartibga solishdan avval o‘zini o‘zi boshqarish mexanizmi joriy etiladi.

Axloq kodeksi

«Birlamchi oraliq yechim sifatida biz bozor ishtirokchilari bilan kelishdik – o‘z-o‘zini boshqarish tizimini joriy qilamiz. Fintex assotsiatsiyasi orqali axloq kodeksini birgalikda ishlab chiqdik va muhokamaga qo‘ydik», – dedi Timur Ishmetov.

Uning so‘zlariga ko‘ra, kodeksda bozor ishtirokchilari uchun bir qator talablar belgilangan. Jumladan, ma’lumotlarni oshkora...

Vivo kompaniyasi tomonidan Vivo X300 va X300 Pro smartfonlari 30-oktabr kuni jahon bozoriga chiqariladi. Bu haqda Gizmochina xabar bermoqda.

Model avvalroq Xitoyda taqdim etilgan bo‘lib, endi xalqaro miqyosda sotuvga chiqadi. Har ikkisi ham kompaniya uchun yangi bo‘lgan MediaTek Dimensity 9500 protsessorida ishlaydi va bu Vivo kompaniyasining ushbu chipdan foydalangan ilk flagman seriyasi hisoblanadi.

Jahon bozorida u 16 GB tezkor xotira va 512 GB doimiy xotira bilan sotiladi, biroq Xitoyda mavjud 1 TB versiya xalqaro bozorda chiqmaydi.

Vivo X300 modeli 6,31 dyuymli BOE Q10 Plus LTPO AMOLED displeyga ega. Ramkalari atigi 1,05 mmni tashkil etadi. Displey TÜV sertifikatiga ega. U...

AQSh va Xitoy delegatsiyalari Malayziyada bo‘lgan ASEAN sammitida savdo kelishuvi bo‘yicha dastlabki kelishuvga erishdi. AQSh moliya vaziri Skot Bessentning aytishicha, bitim Xitoy importiga 100 foizlik boj joriy etilishi xavfini bartaraf etadi va TikTok’ning AQShdagi faoliyati bo‘yicha yakuniy yechimni o‘z ichiga oladi.

Kelishuv bir necha oy davom etgan savdo keskinligidan so‘ng yuzaga keldi bu jarayon Trampning aprel oyida bojlar kiritish haqidagi bayonoti bilan boshlangan edi. AQSh prezidenti Donald Tramp Malayziyaga ASEAN sammitida ishtirok etib va keyinchalik Janubiy Koreyada Si Szinpin bilan uchrashish uchun boradi.

«Biz Xitoy bilan bitim tuzamiz deb o‘ylayman», – dedi Tramp muzokaralardan so‘ng.

Huawei Mate 80 seriyasida butun lineykada 3D yuzni aniqlash texnologiyasini joriy etishi kutilmoqda. Bu haqda ITHome nashri ma’lum qildi.

Texnobloger Siaonlo Jian yilning flagman smartfoni uchun 3D yuzni tanish tizimi to‘liq mahalliy ishlab chiqaruvchilar tomonidan ta’minlanayotganini ma’lum qilgan. Modul, transmitter va sensorlar Xitoyning yetakchi kompaniyalari tomonidan ishlab chiqiladi. Ularning buyurtma hajmi ham juda katta. Bu texnologiya Mate 80 seriyasining barcha modellari uchun mo‘ljallanganini ko‘rsatadi.

Blogerning yozishicha, Huawei Mate 80 seriyasi noyabr oyida rasman taqdim etiladi. Loyiha ichida ikki asosiy model – standart versiya (Voyager) va Pro versiya (Sagittarius) sinovdan o‘tkazilmoqda. Ular orasidagi asosiy farq zaryadlash quvvatida: standart model...

BYD kompaniyasi tomonidan BYD K-Car elektromobili Yaponiya Mobility Show 2025 ko‘rgazmasi arafasida namoyish qilindi. Bu haqda CarNewsChina xabar bermoqda.

Ushbu model kompaniyaning eng arzon elektr avtomobili bo‘lib, uning narxi 2 mln iyen (taxminan $13 ming) atrofida bo‘ladi.

Model haqida nimalar ma’lum

BYD K-Car – Yaponiyada mashhur bo‘lgan kei car (kichik o‘lchamli avtomobillar) segmentiga kiruvchi to‘liq elektr modeldir. Bu turdagi avtomobillar uzunligi 3,4 metr, eni 1,48 metr va balandligi 2 metrdan oshmasligi kerak. Shuningdek, dvigatel hajmi 670 kub santimetrdan ortiq bo‘lmasligi lozim.

2024-yilda kei car avtomobillari Yaponiyada 38 foizlik bozor ulushi bilan eng ommabop transport vositalaridan biri bo‘ldi. Endi...

Bryusselda O‘zbekiston transport vaziri Ilhom Maxkamov Rhenus Group kompaniyasi bosh ijrochi direktori Tobias Bartz bilan hamkorlik uchrashuvi o‘tkazdi. Bu haqda vazirlik matbuot xizmati ma’lum qildi.

Tomonlar transport-logistika sohasidagi hamkorlikni kengaytirish masalalarini muhokama qildi. Jumladan, UzContargo Andijon qo‘shma korxonasi tomonidan Andijonda zamonaviy logistika markazini barpo etish jarayonini jadallashtirish hamda konteyner yuk tashuvlarini rivojlantirish bo‘yicha yangi loyihalarni amalga oshirish rejalari belgilandi.

Eslatib o‘tamiz, avvalroq prezident Toshkent shahrini rivojlantirish, sanoat va transport infratuzilmasini takomillashtirish masalalari bo‘yicha taqdimot bilan tanishgan edi.

26-oktabr kuni La Liganing 10-turi doirasida «Real Madrid» o‘z maydonida «Barselona»ni qabul qilib, 2:1 hisobida g‘alaba qozondi.

O‘yin ilk daqiqalardanoq qizg‘in boshlandi. Dastlab Vinisius jarima maydonida yiqildi, penaltini VAR bekor qildi. Kilian Mbappe kiritgan gol esa ofsayd sabab hisoblanmadi. Bahsning 22-daqiqasida Bellingemning uzatmasidan so‘ng Mbappe hisobni ochdi.

«Barselona» 38-daqiqada Fermin Lopesning aniq zarbasi bilan hisobni tenglashtirdi, biroq tanaffusga qadar Bellingem «Real»ni yana oldinga olib chiqdi. Ikkinchi bo‘limning 52-daqiqasida mehmonlar himoyachisi Erik Garsiya jarima maydonchasi ichida qo‘l bilan o‘ynadi. Mbappe penaltini golga aylantira olmadi.

O‘yinning yakunida Pedri ikkinchi sariq kartochkadan keyin maydondan chetlatildi, to‘qnashuvlar va janjallar esa uchrashuv oxirigacha davom etdi...

2025-yilda TikTok kontent yaratuvchilari uchun telefon – bu endi shunchaki aloqa vositasi emas. Kursiv Uzbekistan Gizmochina nashriga tayanib, mazkur yildagi TikTok uchun eng yaxshi smartfonlar ro‘yxatini tuzib chiqdi.

iPhone 17 Pro / Pro Max — mobil studiya darajasidagi imkoniyatlar

Apple’ning iPhone 17 Pro va Pro Max modellari jiddiy kontent yaratuvchilar uchun mo‘ljallangan. Har ikkisi ham 48 MP’lik uch kamerali tizimga ega bo‘lib, yangi 200 mm’lik 8x optik zumli teleobyektiv bilan jihozlangan.

Old kamera 18 MP kvadrat sensorga ega. bu vloglar va kadrlar orasida kengroq, kino uslubidagi tasvir olish imkonini beradi.

A19 Pro chipi va 16 yadroli Neural...

Stelato brendi tomonidan yangilangan Stelato S9 2026 avtomobili namoyish etildi. Bu haqda CarNewsChina xabar bermoqda.

Model tashqi dizayn, texnologik imkoniyatlar va Huawei ADS 4 aqlli haydovchi yordam tizimi bilan yangilandi. Yangi avtomobilning savdosi noyabr oyida boshlanishi kutilmoqda.

Yangilangan dizayn

2026-yilgi Stelato S9 o‘zining avvalgi ko‘rinishini saqlab qolgan, biroq ayrim tafsilotlar zamonaviylashtirilgan. Old qismda Universe Headlight dizayni o‘rniga yangi Brilliant Star River faralar o‘rnatilgan. Shuningdek, mashina endi Universe Star nomli yangi brend belgisi bilan jihozlangan.

Yon tomonda minimalistik chiziqlar saqlanib qolgan bo‘lib, endi yangi disk turlari va elektron orqa ko‘rish oynalari opsiya sifatida taqdim etiladi. Orqa qismda esa Nebula...

Fransiya politsiyasi Luvr muzeyidan taxminan 88 mln yevrolik qirollik taqinchoqlarini o‘g‘irlashda gumon qilingan ikki erkakni hibsga oldi. Ulardan biri Sharl de Goll aeroportida, ikkinchisi Parij yaqinidagi Sena-Sen-Deni hududida qo‘lga olingan.

Parij prokuraturasi tasdiqlashicha, Fransiyaning eng yirik o‘g‘irliklaridan biri sodir bo‘lganidan bir hafta o‘tib gumonlanuvchilar qo‘lga olingan. Tergovchilar ularni jinoyat joyida qolgan qo‘lqop, xavfsizlik jileti, elektr asboblar va boshqa izlar orqali aniqlagan. France Inter ma’lumotiga ko‘ra, erkaklar Parij shimolidagi ijtimoiy jihatdan og‘ir ahvoldagi Sena-Sen-Deni hududida yashagan va ilgari ham jinoyat uchun sudlangan.

Ichki ishlar vaziri Loran Nunez tergovchilarga minnatdorlik bildirib, ular tinmay ishlaganini aytdi, biroq tergov sir saqlanishi zarurligini ta’kidladi...