Yangiliklar

Joriy yilda yangi tizim orqali sport bilan doimiy shug‘ullanuvchilar soni ikki karra oshirib, 1 mln nafarga yetkazilishi maqsad qilindi. Bu haqda prezident matbuot xizmati ma’lum qildi.

«Mahalla – maktab – sport muassasasi – federatsiya» zanjiri asosida sportga jalb qilish va seleksiya ishlari tashkil etiladi. Ushbu tizim doirasida oliygoh rektorlari, federatsiya rahbarlari va hokimlar o‘rtasida uch tomonlama shartnomalar tuziladi. Hokimlar hududidagi maktab, texnikum va boshqa sport obyektlarida darsdan tashqari sport to‘garaklarini tashkil qilish uchun sharoit yaratadi.

Mutasaddilarga 9 ming mahalla 26 ta federatsiya rahbarlariga biriktiriladi va maktablardagi to‘garaklar zarur sport anjomlari bilan ta’minlanadi. Sport yo‘nalishidagi oliygohlarning 2 va...

General Motors yangilangan Chevrolet Blazer 2028 modelini ishlab chiqarishni 2027-yil boshida boshlashni rejalashtirmoqda. Bu haqda Tarantas News nashri xabar berdi.

Ma’lum qilinishicha, 2028-yilgi modelning seriyali ishlab chiqarilishi 2027-yilning birinchi choragida boshlanadi.

Yangi model Spring Hill Manufacturing zavodida ishlab chiqariladi. Ushbu korxonada hozirda Cadillac krossoverlari ham yig‘ilmoqda. Ishlab chiqarishni AQShga ko‘chirish kompaniyaning ichki bozor imkoniyatlarini kengaytirish strategiyasiga mos keladi.

Shu bilan birga, GM ichki yonuv dvigatelli krossoverlar segmentidagi o‘z pozitsiyasini saqlab qolishni rejalashtirmoqda. Kompaniya 2027-yildan boshlab aynan benzinli Blazer modelini ushbu zavodda ishlab chiqarishini tasdiqlagan.

Hozirgi Blazer modeli Ramos Arizpe zavodida yig‘ilmoqda, ammo yangi avlod ishlab chiqarishga o‘tilishi bilan bu...

Endilikda mahallalarda sport qamrovi va aholining salomatlik natijalariga qarab yil yakuni bilan 15 mln so‘mgacha mukofot beriladi. Bu haqda Shavkat Mirziyoyev raisligidagi jismoniy tarbiya va sport sohasidagi kelgusidagi ustuvor vazifalarga bag‘ishlangan yig‘ilishda ma’lum qilindi.

Endilikda har bir viloyatdagi bittadan tumanda «salomatlik balansi» shakllantiriladi. Sport vaziri, Mahallalar uyushmasi raisi, Ijtimoiy himoya milliy agentligi direktorining birinchi o‘rinbosariga sport bilan faol shug‘ullanuvchi aholi orasidan «sog‘lom hayot volontyorlari» korpusi shakllantirish topshirildi. Ushbu korpus mahallalarda sport va sog‘lom turmush tamoyillarini targ‘ib qiladi hamda eng namunali bo‘lgan 10 tadan mahallaga bepul sport formasi va anjomlarini yetkazadi.

Shuningdek, barcha maktab va texnikumlarda 1-maygacha kross-fit bo‘yicha...

Qozog‘istonda Chery Tiggo 9 krossoveri Rossiyadagiga nisbatan taxminan 37% arzon narxda sotilmoqda. Bu haqda Tarantas News nashri xabar berdi.

Xususan, ushbu model mamlakatda 16 mln tenge yoki taxminan $30 ming atrofida baholanmoqda. Bu 2025-yilgi avtomobillar uchun bo‘lib, chegirmalarsiz narx hisoblanadi.

Mazkur krossover bazaviy Ultra komplektatsiyasida to‘liq privod, 2,0 litrli 245 ot kuchiga ega turbomotor hamda 8 pog‘onali avtomat uzatmalar qutisi bilan jihozlangan.

Rossiyada esa shu avtomobil Prime komplektatsiyasida taxminan $47 ming narxda taklif etilmoqda. Har ikkala versiya nomi turlicha bo‘lsa-da, jihozlanishi deyarli bir xil.

Shu tariqa ikki davlat o‘rtasidagi narx farqi qariyb $17 ming yoki 37% ni tashkil qiladi.

Google Yaponiyada Pixel smartfonlari 10 yilligiga bag‘ishlangan maxsus dizayndagi Pixel 10a Isai Blue Edition modelini taqdim etdi. Bu haqda kompaniya rasmiy sahifasida ma’lum qildi.

Yangi versiya odatiy ranglardan farqli o‘laroq, Isai – ya’ni individuallik g‘oyasiga urg‘u beradi va Heralbony brendi uslubini aks ettiradi. Qurilmada Google’ning Material You tizimi ishlatilgan bo‘lib, u foydalanuvchi tanlagan dizaynni interfeysga moslashtiradi. Uch xil dizayn to‘plami va to‘qqizta fon rasmi orqali ikonlar va ranglar avtomatik o‘zgaradi.

Smartfon mustahkam shisha bilan jihozlangan va orqa kamerasi butunlay tekis, chiqib turmaydigan dizaynda ishlab chiqilgan. To‘plamga dizayner Nozomi Fudzita tomonidan yaratilgan original stikyerlar hamda korpus rangiga mos bamper-g‘ilof kiritilgan.

O‘zbekistonda har bir ixtisoslashtirilgan tibbiyot markazi sport federatsiyalari bilan hamkorlikda sportchilar salomatligini har oyda diagnostika qilishi belgilandi. Bu tizim sportchilarning jismoniy yuklamasini ilmiy tahlil qilish va jarohat olish xavfini baholashga xizmat qiladi.

Hozirgi vaqtda sportchilarni jarohatdan tiklash va mushak holatini tekshirish ishlari, asosan, xorijda o‘tkazilayotgani sababli federatsiyalar chetdan mutaxassislarni yuqori maoshga jalb etishga majbur bo‘lmoqda.

Sportchilardagi suyak sinishi va pay uzilishi kabi jarohatlar bo‘yicha zamonaviy protokollar o‘zimizda joriy etilmayotgani sohadagi asosiy kamchilik sifatida qayd etildi. Endilikda tibbiyot markazlari murabbiylarga muntazam ravishda tibbiy tavsiyalar berib boradi.

Kadrlar tayyorlash tizimi ham qayta ko‘rib chiqilmoqda. Yangi o‘quv yilidan boshlab Toshkent tibbiyot universitetida...

O‘zbekiston Farmatsevtika tarmog‘ini rivojlantirish agentligi hamda Pokistonning The Searle Company Limited kompaniyasi onkologiya va yurak-qon tomir kasalliklari uchun dori vositalari ishlab chiqarishni muhokama qildi. Bu haqida Dunyo AA xabar bermoqda.

Agentlik direktori Abdulla Azizov va The Searle Company Limited direktori Said Nadim Ahmed o‘rtasidagi suhbatda O‘zbekiston farmatsevtika bozorining investitsiyaviy jozibadorligi ko‘rib chiqildi. Tomonlar tarmoqni tartibga solish mexanizmlari va xorijiy loyihalar uchun yaratilgan huquqiy asoslarga alohida e’tibor qaratdi.

Said Nadim Ahmedning ta’kidlashicha, hozirda kompaniya yurak-qon tomir, onkologik va metabolik kasalliklarni davolashga mo‘ljallangan yangi avlod dori vositalarini ishlab chiqaruvchi yuqori texnologiyali korxonani ishga tushirish imkoniyatini o‘rganmoqda. Ushbu loyihani amalga oshirish uchun...

O‘zbekiston maktablarida yutuqlarga erishgan sport maktablarini rag‘batlantirish maqsadida qo‘shimcha 500 million so‘mlik mukofot ajratilishi belgilandi. Bu haqda prezident raisligidagi jismoniy tarbiya va sport sohasidagi kelgusidagi ustuvor vazifalarga bag‘ishlangan yig‘ilishda ma’lum qilindi.

Toshkent shahridagi 15 ta maktabda to‘garaklar faqat «nomiga» tashkil qilingan bo‘lib, ularda 3-4 nafar bola qatnashayotgani aniqlangan. Shuningdek, o‘tgan yili Jizzax, Qashqadaryo va Farg‘ona viloyatlaridagi maktab o‘quvchilarining to‘rtdan biri jismoniy tayyorgarlik bo‘yicha minimal talabni bajara olmagan.

Hokimlar oldiga har bir maktabda sport to‘garaklari uchun sharoit yaratish va to‘garaklarga qamrovni oshirish vazifasi qo‘yildi. Shu bilan birga, sport maktablari iqtidorli yoshlarni mahalla-mahalla yurib topish o‘rniga, ko‘pincha o‘zlariga kelgan tayyor...

O‘zbekiston o‘zi ishtirok etayotgan ilk mundialni Kolumbiya milliy terma jamoasiga qarshi boshlaydi. Luis Diaz boshchiligidagi Janubiy amerikaliklar o‘z tarixidagi yettinchi jahon chempionatida ishtirok etadi.

«Qahvachilar» (Los Cafeteros) laqabi bilan mashhur bo‘lgan Kolumbiya termasi futbol dunyosida o‘zining texnik o‘yin uslubi bilan ajralib turadi. Jamoa shu vaqtgacha jami 6 marta (1962, 1990, 1994, 1998, 2014, 2018) Jahon chempionati final bosqichiga yo‘llanma olgan.

Kolumbiya o‘z tarixidagi eng yorqin natijani 2014-yilgi Braziliya mezbonlik qilgan mundialda qayd etib, chorak finalga qadar yetib borgan va turnir yakuniga ko‘ra 5-o‘rinni egallagan. Shuningdek, Kolumbiya 2001-yili o‘z maydonida o‘tgan Kopa Amerika musobaqasida g‘olib chiqib, qit’a chempioni unvoniga sazovor bo‘lgan.

«Aholini asosiy turdagi oziq-ovqat mahsulotlari bilan ta’minlashni qo‘llab-quvvatlashning qo‘shimcha chora-tadbirlari to‘g‘risida»gi prezident qarori bilan go‘sht mahsulotlari narxlarining barqarorlashtirish maqsadida tadbirkorlarga subsidiya ajratiladi. Bu haqda Adliya vazirligi ma’lum qildi.

Qarorga muvofiq, 2026-yil 1-aprelidan 2026-yil 1-avgustga qadar tadbirkorlarga mol va qo‘y go‘shtini import qilishda, shu jumladan, ularni havo transporti orqali tashish xarajatlarining 50 foizi subsidiya orqali qoplanadi, biroq har bir kilogramm g‘osht uchun $0,8 dan oshmagan miqdorda.

Shuningdek, 2026-yil 1-aprelidan 2026-yil 31-dekabrgacha xorijiy davlatlardan havo transporti orqali import qilingan nasldor qoramol qiymatining 10 foizi subsidiya shaklida to‘lanadi, lekin har bir bosh qoramol uchun 4 mln so‘mdan oshmasligi belgilangan.

Mazkur subsidiya...

Shavkat Mirziyoyev raisligida o‘tgan yig‘ilishda sport sohasini rivojlantirish masalalari muhokama qilinib, ayrim hududlardagi sustkashlik tanqid qilindi. Bu haqda prezident matbuot xizmati xabar berdi.

Yig‘ilishda qayd etilishicha, so‘nggi 9 yilda 1,5 mingdan ortiq mahallalarda 1 774 ta zamonaviy sport maydonchasi qurilgan. Shuningdek, hududlarda 200 dan ziyod yirik sport inshootlari va qariyb 4 mingta xususiy sport klublari faoliyati yo‘lga qo‘yilgan. Natijada professional sport bilan shug‘ullanayotgan yoshlar soni 2 baravar oshgan, olimpiya terma jamoalari sportchilari 2 barobar, paralimpiya yo‘nalishida esa 3 barobar ko‘paygan.

O‘tgan yil davomida o‘zbekistonlik sportchilar xalqaro musobaqalarda 452 ta oltin, 418 ta kumush va 501 ta bronza medalni qo‘lga...

Xitoyning Geely kompaniyasi Galaxy A7 EV elektromobilining ilk rasmiy suratlarini e’lon qildi. Bu haqda CarNewsChina nashri xabar bermoqda. Model o‘rta toifadagi sedan bo‘lib, to‘liq elektr versiya sifatida taqdim etildi.

Yangi avtomobil dizaynida yopiq radiator panjarasi va zamonaviy chiroqlar qo‘llanilgan. Kuzov uzunligi 4 935 mm, kengligi 1 905 mm va balandligi 1 500 mmni tashkil etadi. G‘ildirak bazasi esa 2 845 mm. Bu ko‘rsatkichlar uni plagin-gibrid versiyadan biroz kattaroq qiladi. Salon dizayni, asosan, gibrid versiya bilan bir xil qolgan.

Model 10,2 dyuymli raqamli panel va 14,6 yoki 15,4 dyuymli markaziy displey bilan jihozlanadi. Unda Galaxy Flyme Auto aqlli tizimi ishlaydi...

WhatsApp Android foydalanuvchilari uchun ovozli va video qo‘ng‘iroqlarda fon shovqinini avtomatik ravishda bekor qiluvchi yangi funksiyani ishlab chiqmoqda. Bu haqda GSM Arena nashri ma’lum qildi.

Ushbu yangi imkoniyat yordamida foydalanuvchilar atrof-muhitdagi shovqin, tirbandlik yoki shamolli joylarda ham aniq va ravon suhbat qurishlari mumkin bo‘ladi. Funksiya avtomatik ravishda fon shovqinini filtrlab, gaplashayotgan insonlar sizni yaxshiroq eshitish imkoniyatini yaratadi.

Shovqinni bekor qilish funksiyasi qo‘ng‘iroq davomida xohlasa yoqish yoki o‘chirish mumkin bo‘lgan tarzda ishlab chiqilgan va u dastlab avtomatik yoqilgan holda bo‘ladi. Sozlamani qo‘ng‘iroq menyusida topish mumkin.

Yangi funksiyaning tarqatilishi beta-versiya foydalanuvchilari orasida bosqichma-bosqich amalga oshirilmoqda. Agar beta-sinovlar muvaffaqiyatli o‘tsa, bu...

Yevroosiyo taraqqiyot banki yaqin yillarda global investitsiyalar uchun eng istiqbolli yo‘nalishlar sifatida biotexnologiya, robototexnika va virtual reallikni ko‘rsatdi. Mazkur trendlar bo‘yicha batafsil tahlil «Kursiv»da mavjud.

7-aprel kuni Olmaota shahrida Yevroosiyo taraqqiyot banki Investitsion megahayp to‘lqinlari nomli hisobotini taqdim etdi. Unda kelgusi yillarda yangi texnologiyalarga global qiziqish qaysi yo‘nalishlarda kuchayishi mumkinligi tahlil qilingan.

Hisobotga ko‘ra, so‘nggi yillarda dunyo iqtisodiyoti bir necha yirik investitsiya to‘lqinlarini boshdan kechirdi: digital yo‘nalish 2021-yilda, ESG 2023-yilda, sun’iy intellekt esa 2025-yilda eng yuqori cho‘qqiga chiqdi. Shu bilan birga, har bir yangi bosqich avvalgisini inkor etmay, balki uning asosida rivojlanadi.

Mutaxassislar keyingi 20 yil ichida yirik investitsiyalar...

Rossiyalik olimlar 2030-yillarning ikkinchi yarmida Venera sayyorasida hayot izlarini aniqlashga qaratilgan yangi ilmiy tadqiqotlarni boshlamoqchi. Bu haqda TASS agentligi ma’lum qildi.

RAN vitse-prezidenti Sergey Chernyshovning ma’lum qilishicha, sayyoralarni o‘rganish bo‘yicha asosiy e’tibor aynan Venera tadqiqotlariga qaratiladi. Ilmiy ma’lumotlar shuni ko‘rsatadiki, taxminan 3 mlrd yil oldin Venera yuzasida suv mavjud bo‘lgan va hatto hayot paydo bo‘lgan bo‘lishi mumkin. Hozirda bunday hayot mavjud emas, ammo uning izlari yoki murakkab organik birikmalar topilishi ehtimoli bor.

Shu maqsadda 2036-yilda «Venera D» loyihasi amalga oshiriladi. Loyiha doirasida orbital va qo‘nish apparatlari, shuningdek, havoda suzuvchi zondlar ishlatiladi. Ushbu stansiya Venerani chuqur o‘rganishga mo‘ljallangan bo‘lib...

Ijtimoiy tarmoqlarda eshitish qobiliyati cheklangan haydovchini haqorat qilgan shaxslar videosi tarqaldi. Holatga aloqador shaxslarga ma’muriy qamoq jazosi tayinlandi, deya xabar bermoqda Samarqand viloyati IIB JXX YHXB.

Ma’lum bo‘lishicha, ushbu voqea Samarqand shahrida sodir bo‘lgan. Video ijtimoiy tarmoqlarda mashhurlikka erishish maqsadida ikki nafar yigit tomonidan ataylab tashkil qilingan. Videoda haqoratga uchragan haydovchi esa aslida kar bo‘lmagan.

Mashinani boshqargan yigitning haydovchilik guvohnomasi bo‘lmagani ham aniqlangan. Bu bo‘yicha bayonnoma rasmiylashtirilib, avtomobil vaqtinchalik jarima maydonchasiga joylashtirildi.

Hodisa yuzasidan tegishli chora-tadbirlar ko‘rilib, haydovchiga nisbatan 8 sutka ma’muriy qamoq jazosi, mashinadagi ikki yo‘lovchiga esa 10 sutkadan ma’muriy qamoq jazosi tayinlandi.

Eslatib o‘tamiz, avvalroq...

Chipmeyker Nvidia 2026-yil uchun Rubin yangi avlod sun’iy intellekt chiplari ishlab chiqarish rejasini 2 milliondan 1,5 million birlikka kamaytirishga majbur bo‘ldi. Bu haqda Oninvest nashri xabar berdi.

Sababi – SK Hynix va Micron Technology’dan yuqori tezlikdagi HBM xotirasini yetkazib berishdagi kechikishlar sifatida qaralmoqda.

KeyBanc tahlilchisi Jon Vinning fikricha, GPU Rubin bozoriga chiqarish sur’ati HBM4 sertifikatsiyasi bilan bog‘liq muammolar tufayli sekinlashgan, ammo bu investorlarga katta xavf tug‘dirmaydi. Analitik Nvidia aksiyalarini Overweight reytingida qoldirdi va ularning maqsadli narxini $275 deb baholadi, bu 2-aprel yakuniy narxidan 55 foiz yuqori.

Shu bilan birga, Vin yil davomida 60 mingdan ortiq NV72 server staklarini yetkazib...

8-aprel uchun valyutalar kursi yangilandi. Unga ko‘ra, dollar 32,74 so‘mga oshib, 12 208,08 so‘mni tashkil qildi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.

AQSh valyutasi 1-apreldan pasayishni boshladi: 1-aprel kuni 16,50 so‘mga tushib, 12 194,21 so‘m, 2-aprel kuni esa 52,11 so‘mga tushib, 12 142,10 so‘m bo‘ldi. 3-apreldan dollar yuqorilashni boshladi: shu kuni AQSh valyutasi 7,74 so‘mga oshib, 12 149,84 so‘mni, 6-aprelda 20,83 so‘mga oshib, 12 170,67 so‘mni, 7-aprelda esa 4,67 so‘mga oshib, 12 175,34 so‘mni tashkil etdi.

Markaziy bank ma’lumotlariga ko‘ra, yevro 52,46 so‘mga oshib, 14 116,20 so‘mni, rubl esa 0,71 so‘mga oshib, 155,00 so‘mni tashkil qildi.

Eronning amaldagi oliy rahbari Mojtaba Xomanaiy hushsiz holatda ekani va Qum shahrida davolash muolajalarini o‘tayotgani ma’lum bo‘ldi. Bu haqda The Times xabar bermoqda.

AQSh va Isroil razvedka xizmatlari Mojtaba Xomanaiyning og‘ir kasallikka chalinganini tasdiqlamoqda. Manbalarga ko‘ra, u ayni damda hushsiz holatda bo‘lib, davlat ishlari bilan shug‘ullanish layoqatiga ega emas.

Shu bilan birga, Qum shahrida Ali Xomanaiyni dafn etish uchun tayyorgarlik ko‘rilayotgani aniqlangan. Bu yerda bir nechta qabr uchun mo‘ljallangan yirik maqbara qurilishi rejalashtirilmoqda. Qum shahri Tehrondan 130 km janubda joylashgan bo‘lib, islomdagi shia olamida muqaddas maskan hisoblanadi.

Avvalroq Kursiv Media Ali Xomanaiyning bevasi tirik ekani rasman tasdiqlangani haqida xabar...

5-aprel kuni Chilonzor tumanidagi «Beshqo‘rg‘on» bozorida sodir bo‘lgan yong‘indan keyin hudud atrofidagi yonilg‘i quyish shoxobchasi va savdo kompleksi tekshirildi. Bu haqda FVV xabar bermoqda.

Tekshiruv davomida jiddiy qoidabuzarliklar aniqlangan. Xususan, yonilg‘i saqlash sig‘imiga juda yaqin joylashgan binodan ombor sifatida foydalanilayotgani ma’lum bo‘ldi. Savdo kompleksidagi avtomatik yong‘in o‘chirish tizimi esa nosoz holatda ekani aniqlangan.

Boshqara yana bir nechta yong‘in xavfsizligi talablariga amal qilinmaganini qayd etgan. Shu sababli barcha kamchiliklar to‘liq bartaraf etilgunga qadar ushbu obyektlar faoliyati vaqtincha to‘xtatildi.

Yong‘in o‘zi qanday sodir bo‘ldi

5-aprel kuni soat 15:56 atrofida Toshkent shahrining Chilonzor tumanidagi «Beshqo‘rg‘on» savdo majmuasida yong‘in yuz berdi. Savdo...

Oliy Majlis Qonunchilik palatasining navbatdagi majlisida «Harbiy xizmatchilar (xodimlar) va ularning oila a’zolarining davlat pensiya ta’minoti to‘g‘risida»gi yangi qonun loyihasi birinchi o‘qishda qabul qilindi. Bu haqda palata matbuot xizmati ma’lum qildi.

Qonun loyihasida harbiy xizmatchilar va ularning oila a’zolarini davlat pensiyalari bilan ta’minlashning huquqiy asoslarini belgilash, pensiya tayinlash shartlari, turlari, miqdorlari hamda hisoblash tartibini takomillashtirish nazarda tutilgan.

Xususan, 30 yildan ortiq xizmat qilgan harbiylar uchun pensiyaning bazaviy miqdorini aniqlashda ish haqining hisobga olinadigan qismi 75 foizdan 100 foizga oshirilishi taklif etilmoqda. Shuningdek, pensiyani hisoblashda bazaviy miqdorni o‘n baravar o‘rniga o‘n ikki baravar asosida belgilash ko‘zda tutilgan.

Deputatlar...

Andijon, Namangan va Farg‘ona viloyatlarida korrupsiyaga oid bir nechta holatlar aniqlanib, mansabdor shaxslar qo‘lga olindi. Bu haqda DXX xabar bermoqda.

Andijon viloyatida hokim o‘rinbosari fuqaroga yer ajratib berish va qurilish uchun ruxsatnoma olib berishni va’da qilib, $50 ming talab etgan. U pulni yashash xonadonida olayotgan vaqtida ashyoviy dalillar bilan ushlangan.

Namangan viloyatida tuman bosh arxitektori avtomobil yuvish shoxobchasini rasmiylashtirib berish va taqiqni bekor qilish evaziga $1,5 ming so‘ragan. U avval $500 olgan, keyin qolgan $1 mingni xizmat xonasida olayotganida qo‘lga tushgan. Ma’lum bo‘lishicha, tadbirkor avval hujjatsiz qurilish uchun 43,3 mln so‘m jarima to‘lagan bo‘lsa-da, mansabdor unga qonuniy yo‘l ko‘rsatmagan.

O‘zbekiston va Afg‘oniston farmatsevtika mahsulotlari savdosini $500 millionga yetkazish bo‘yicha kelishuvga erishdi. Bu haqda Sog‘liqni saqlash vazirligi xabar berdi.

Farmatsevtika tarmog‘ini rivojlantirish agentligi direktori Abdulla Azizov boshchiligidagi delegatsiya Kobul shahriga xizmat safari doirasida Afg‘oniston Bosh vazirining ijtimoiy soha bo‘yicha o‘rinbosari Abdul Salom Hanafi bilan uchrashuv o‘tkazdi.

Muloqotda qayd etilganidek, Afg‘oniston farmatsevtika bozori hajmi taxminan $1 mlrdga teng. Uni sifatli va arzon narxlardagi dori vositalari bilan ta’minlashda O‘zbekiston ishlab chiqaruvchilarining imkoniyatlari katta.

Tomonlar O‘zbekistonda tayyorlanayotgan dori vositalari sifatiga bo‘lgan ishonch yuqori ekaniga to‘xtalib, bu yo‘nalishdagi aloqalarni yanada mustahkamlash zarurligini ta’kidladi. Shuningdek, afg‘on korxonalari bilan kooperatsiya aloqalarini yo‘lga qo‘yish, qo‘shma loyihalarni...

Prezident farmoni bilan chet tillariga ixtisoslashtirilgan o‘quv markazlarini ochish va ilmiy ishlanmalarni tijoratlashtirish bo‘yicha imtiyozlar doirasi kengaytirildi. Bu haqda Adliya vazirligi xabar berdi.

Unga ko‘ra, shu yilning 1-may sanasidan boshlab yangi ishlanmalarga asoslangan spin-off korxonalari reyestri joriy qilinadi. Reyestrga kiritilgan va belgilangan tartibda patentlangan ilmiy tadqiqotlar natijasida yaratilgan ishlanmalar asosida mahsulot ishlab chiqarishni yo‘lga qo‘ygan korxonalar va ularning xodimlariga 2017-yil 30-iyundagi PF–5099-son farmonda belgilangan imtiyoz va preferensiyalar tatbiq etiladi.

Shuningdek, patentsiz ilmiy tadqiqot natijasida yaratilgan ishlanmalar asosida mahsulot ishlab chiqarishni yo‘lga qo‘ygan korxonalar 2026-yil 1-maydan 2029-yil 1-maygacha bo‘lgan davrda foyda solig‘ini belgilangan stavkadan 50% pasaytirilgan stavkada to‘laydi.

Olimlar...