Yangiliklar

Apple kompaniyasi yangi iOS 26.5 yangilanishini ommaviy reliz arafasida ishlab chiquvchilar uchun taqdim etdi. Bu haqda GSM Arena nashri ma’lum qildi.

Apple iOS 26.5 operatsion tizimining chiqishdan oldingi so‘nggi sinov (release candidate) versiyasini e’lon qildi. Bu esa yakuniy ommaviy yangilanish yaqin kunlarda – ehtimol bir necha kun ichida yoki kelasi hafta chiqarilishini anglatadi. Shu bilan birga, kompaniya yangilanishga oid rasmiy o‘zgarishlar ro‘yxatini ham taqdim etdi.

Yangilanishning asosiy yangiliklaridan biri – RCS xabar almashish tizimida end-to-end shifrlashni qo‘llab-quvvatlashdir. Ushbu texnologiya xabarlarni faqat yuboruvchi va qabul qiluvchi o‘qiy olishini ta’minlaydi va yozishmalar xavfsizligini oshiradi.

Biroq mazkur funksiya dastlab beta rejimida...

Kia kompaniyasi XCeed kross-xetchbek modelining ikkinchi restaylingini amalga oshirib, uni zamonaviy dizayn va yangilangan texnik yechimlar bilan taqdim etdi. Bu haqda Carscoops nashri ma’lum qildi.

Kia XCeed yangilangan versiyasi tashqi ko‘rinishda brendning yangi elektromobil dizayn tiliga yaqinlashtirilgan. Model EV3 va yangilangan Stonic uslubida ishlab chiqilgan bo‘lib, vertikal LED faralar, toraytirilgan radiator panjarasi, yangi old bamper hamda qayta ishlangan orqa qismga ega bo‘ldi. Orqa bamper yanada ifodali ko‘rinishga keltirilib, himoya plastinasi imitatsiyasi bilan to‘ldirilgan.

Avtomobil salon qismida ham sezilarli yangilanishlar amalga oshirilgan. XCeed’ga ikki dona 12,3 dyuymli ekrandan iborat raqamli kokpit o‘rnatilgan. Ichki dizaynda yangi old panel, soddalashtirilgan ventilyatsiya...

Jismoniy shaxslarning oʻz bank kartalari oʻrtasidagi pul o‘tkazmalar komissiyasiz amalga oshirilishi mumkin. Shavkat Mirziyoyevga taqdim etilgan tadbirkorlarni oʻylantirayotgan muammoli masalalarni hal etish yuzasidan taqdimotda shu masaladagi taklif bildirildi.

Taqdimotda tijorat banklari balansida qiymati 10 mlrd so‘mdan yuqori bo‘lgan 70 ta mol-mulk mavjud ekani qayd etildi. Ushbu aktivlarni iqtisodiyotga qayta jalb qilish, ularga investor topish va ishlab chiqarish maydonlariga aylantirish bo‘yicha alohida mexanizmlar ishlab chiqilishi belgilandi.

Shuningdek, 2021 – 2025-yillarda amalga oshirilgan qariyb 17 mingta investitsiya loyihasi natijalari tahlil qilindi. Ayrim korxonalar o‘z faoliyatini soliq va statistika hisobotlarida to‘liq aks ettirmayotgani aniqlanib, har bir loyihani alohida o‘rganish va hisobotlarni...

O‘zbekistonda endilikda ish haqida kechiktirilganda kompensatsiya to‘lash tartibiga aniqlik kiritiladi. Oliy Majlis Qonunchilik palatasi muhokamalaridan so‘ng, qonun loyihasi deputatlar tomonidan birinchi o‘qishda qabul qilindi. Bu haqda quyi palata matbuot xizmati xabar berdi.

Hujjatning asosiy maqsadi – ishga joylashish jarayonini yengillashtirish, ortiqcha rasmiyatchiliklarni kamaytirish hamda xodimlar huquqlarini yanada kuchli himoya qilishdan iborat.

Muhokamalarda ta’kidlanishicha, yangi tartiblar ish beruvchi va xodim o‘rtasidagi munosabatlarni soddalashtiradi hamda jarayonlarni tezlashtiradi. Shu bilan birga, mehnat munosabatlarini rasmiylashtirishdagi byurokratik bosqichlarni qisqartirish rejalashtirilmoqda.

Taklif etilayotgan o‘zgarishlarga ko‘ra, ishga qabul qilishda talab qilinadigan hujjatlar soni sezilarli darajada kamaytiriladi. Endilikda asosiy talab sifatida fuqarolarning shaxsiy identifikatsiya raqami yetarli bo‘lishi...

Shavkat Mirziyoyev reklama peshlavhalariga oid tartiblarni soddalashtirish bo‘yicha takliflarni ko‘rib chiqdi. Bu haqda davlat rahbari ma’lum qildi.

Unga ko‘ra, tadbirkorlik subyektlari faoliyatini yengillashtirish hamda reklama va axborot belgilariga oid amaldagi tartiblarni soddalashtirish bo‘yicha taqdim etilgan takliflar taqdim qilindi. Unda korxonalar uchun qo‘shimcha yuk bo‘layotgan ayrim ma’muriy talablarni qayta ko‘rib chiqish masalasi ko‘tarildi.

Xususan, amaldagi tartibga ko‘ra, korxona nomi, faoliyat turi yoki savdo belgisi aks etgan peshlavhalar ayrim hollarda reklama sifatida baholanib, ular uchun alohida pasport rasmiylashtirish va to‘lovlar undirish amaliyoti mavjud ekani qayd etildi. Bu holat tadbirkorlar uchun qo‘shimcha xarajat va ortiqcha ma’muriy yuk bo‘lib kelayotgani ta’kidlandi.

Shu...

Motorola kompaniyasi o‘zining yangi avlod smartfonlaridan biri – Edge 70 Pro+ modelini taqdim etishga tayyorlanmoqda. Bu haqda insayder Mukul Sharma ma’lum qildi.

Unga ko‘ra, Motorola Edge 70 Pro+ modeli joriy Edge 70 Pro’ning takomillashtirilgan versiyasi bo‘lib, u may oyining oxirigacha rasman debyut qilishi kutilmoqda. Yangi qurilma uchta asosiy yangilanish bilan ajralib turadi.

Eng muhim yangiliklar qatorida periskopli teleobyektivli kamera, simsiz quvvatlashni qo‘llab-quvvatlash hamda 16 GB tezkor xotiraga ega versiyaning taqdim qilinishi qayd etilgan. Shuningdek, smartfon turli dizayn variantlarida, jumladan, Satin Wine Red rangli va yog‘och teksturali bezakli modellar bilan ham chiqishi rejalashtirilgan.

Texnik jihatdan qurilma 6,8 dyuymli 1.5K...

2026-yilning I choragida O‘zbekiston tashqi savdo aylanmasi 4 foizga oshib, $18 mlrdni tashkil etdi. Bu haqda Milliy statistika qo‘mitasi ma’lum qildi.

Unga ko‘ra, ushbu ko‘rsatkich 2025-yilning shu davridagi $17,3 mlrd bilan solishtirilganda taxminan 4,0 foizga o‘sish qayd etilgan.

2026-yilgi ilk chorakdagi hamkor TOP – 10 davlatlar orasida Xitoy ($4,6 mlrd), Rossiya ($3,3 mlrd) va Qozog‘iston ($1,3 mlrd) yetakchilik qilgan. Keyingi o‘rinlarda Turkiya ($653,4 mln), Afg‘oniston ($508 mln), Fransiya ($488,9 mln), Koreya Respublikasi ($463,6 mln), BAA ($458,7 mln), Turkmaniston ($357,5 mln) va Germaniya ($304,8 mln) qayd etilgan.

2025-yilning ilk choragida yirik hamkor davlatlar bilan tashqi savdo aylanmasida...

4-may holatiga ko‘ra, tijorat banklarida amal qilayotgan mikroqarz va avtokreditlarning so‘nggi 10 ish kuni bo‘yicha foiz stavkalari e’lon qilindi. Bu haqda Markaziy bank xabar berdi.

Mazkur davrda mamlakatdagi tijorat banklari tomonidan taqdim etilayotgan avtokreditlar bo‘yicha o‘rtacha foiz stavkasi 22,8 foizdan 22,3 foizga tushdi. Shundan jismoniy shaxslarga ajratilayotgan kreditlarning (mikroqarzlardan tashqari) o‘rtacha foiz stavkasi 22,8 foizni, yuridik shaxslar ulushi esa 22,8 foizni ko‘rsatmoqda.

Bunda eng past avtokredit stavkasi «BRB» tomonidan taklif qilingan bo‘lib, 18,3 foizni tashkil etdi. Bungacha eng kam foiz «Infinbank» (18,5%) tomonidan taklif qilingandi.

Xususan, eng kam foizli avtokreditlar quyidagi banklarda ham kuzatilmoqda:

Xalqaro qidiruvda bo‘lgan uch nafar O‘zbekiston fuqarosi Birlashgan Arab Amirliklarida qo‘lga olinib, Interpol orqali mamlakatga qaytarildi. Bu jarayon Interpolning O‘zbekistondagi Milliy markaziy byurosi hamkorligida amalga oshirildi, deya xabar berdi Ichki ishlar vazirligi.

Unga ko‘ra, ushbu shaxslar respublika huquqni muhofaza qiluvchi organlar tomonidan ilgari xalqaro qidiruvga berilgan bo‘lib, ulardan ikki nafari firibgarlik, yana biri esa odam savdosi bilan bog‘liq jinoyatlarda gumon qilinadi.

Tergovdan qochgan shaxslar BAA hududida yashiringan. Interpolning Abu-Dabidagi bo‘linmasi bilan hamkorlikda o‘tkazilgan tezkor chora-tadbirlar natijasida ularning joylashuvi aniqlanib, qo‘lga olingan.

Keyingi bosqichda maxsus huquqiy tartiblar asosida ularni O‘zbekistonga topshirish jarayoni tashkil etildi. Ekstraditsiya Interpolning Toshkent va Abu-Dabi markazlari...

5-may kuni Toshkent shahrida tundan 15:00 ga qadar G1 – G2 darajasidagi magnit bo‘roni kuzatildi. Bu haqda Rossiya Fanlar akademiyasining Kosmik tadqiqotlar instituti quyosh astronomiyasi laboratoriyasi (XRAS) xabar bermoqda.

Hozirgi vaqtda geomagnit vaziyat biroz mo‘tadillashgan va tebranishlar pasayishni boshlagan. Laboratoriya ma’lumotlariga ko‘ra, 6-maydan 14-mayga qadar poytaxtda magnitosfera holati barqaror saqlanib qoladi.

Uzoq muddatli prognozlarga asosan, 15 va 16-may kunlari 5 balli magnit bo‘ronlari takrorlanishi kutilmoqda. Shuningdek, 17 – 18 hamda 23-may kunlari magnitosferaning 4 balli holati qayd etilishi taxmin qilinmoqda.

Umumiy oylik tahlillarga ko‘ra, joriy davrda magnitosfera holati 68 foiz tinch, 25 foiz biroz qo‘zg‘algan va 7 foiz magnit...

Saudiya Arabistoni o‘zbekistonlik mutaxassislarni, xususan, tibbiyot va qurilish sohalarida faol jalb etishni rejalashtirmoqda. Bu haqda Migratsiya agentligi ma’lum qildi.

Agentlik direktori Behzod Musayev delegatsiya bilan Saudiya Arabistoniga tashrif buyurdi. Safarda Tashqi ishlar vazirligi hamda O‘zbekistonning Ar-Riyod shahridagi elchixonasi vakillari ham ishtirok etdi. Uchrashuvlarda o‘zbekistonliklarni tizimli va qonuniy tarzda ishga joylashtirish masalalari muhokama qilindi.

Saudiya Arabistoni Inson resurslari va ijtimoiy rivojlanish vaziri o‘rinbosari Ahmad Al-Sharqiy bilan o‘tkazilgan muzokaralarda mehnat bozorining yangi strategiyasi hamda xorijiy ishchi kuchini jalb etish mexanizmlari ko‘rib chiqildi. Shuningdek, malaka darajasiga qarab beriladigan mehnat vizalari – boshlang‘ich, o‘rta va yuqori toifalarga ajratilishi haqida ma’lumot berildi.

Uchrashuv yakunida...

6-may uchun valyutalar kursi yangilandi. Unga ko‘ra, dollar kursi yana 43,68 so‘mga oshib, 12 037,21 so‘mni tashkil qildi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.

Dollarning so‘nggi kunlardagi o‘zgarishi

Dollar 29-aprel kuni 43,76 so‘mga tushib, 12 029,20 so‘mga, 30-aprel kuni 54,41 so‘mga tushib, 11 974,79 so‘mni, 1-may kuni esa yana 37,19 so‘mga tushib, 11 937,60 so‘mga tenglashdi. 4-may kuni kurs 15,13 so‘mga oshib, 11 952,73 so‘mni, 5-may kuni yana 40,8 so‘mga oshib, 11 993,53 so‘mni qayd etdi.

Markaziy bank ma’lumotlariga ko‘ra, yevro 17,48 so‘mga oshib, 14 071,50 so‘mni, rubl esa 1,1 so‘mga...

Braziliyaning Belo Horizonte shahrida kichik samolyot turarjoy binosiga qulab tushdi. Hodisa oqibatida uch kishi halok bo‘ldi, deya xabar bermoqda Reuters.

Voqea 2026-yil 4-may kuni Braziliyaning janubi-sharqida sodir bo‘lgan. Dastlab besh kishi bo‘lgan kichik samolyot Pampulha aeroportidan uchib chiqqan va San-Paulu shahriga yo‘l olgan. Biroq u havoda bir necha daqiqa bo‘lgach, shahardagi uch qavatli turarjoy binosiga qulab tushgan.

Favqulodda xizmatlar va mahalliy rasmiylarga ko‘ra, halokat oqibatida uch kishi halok bo‘lgan. Yong‘in xizmati xabarida uchuvchi va ikkinchi uchuvchi voqea joyida vafot etgani qayd etilgan. Keyinchalik yo‘lovchilardan biri shifoxonada hayotdan ko‘z yumgani ma’lum qilingan.

Qolgan ikki yo‘lovchi og‘ir jarohat bilan shifoxonaga...

O‘zbekiston milliy terma jamoasining 6 – 26-may kunlari Toshkentda bo‘lib o‘tadigan o‘quv-mashg‘ulot yig‘inida ishtirok etadigan futbolchilar ro‘yxati tasdiqlandi. Yig‘in doirasida Milliy futbol markazida Superliga klublariga qarshi yopiq nazorat o‘yinlari o‘tkazilishi rejalashtirilgan.

Terma jamoa bosh murabbiyi Fabio Kannavaro mazkur yig‘in uchun 4 nafar darvozabon, 14 nafar himoyachi, 12 nafar yarimhimoyachi va 10 nafar hujumchini chaqirgan. Italiyalik mutaxassis Nodirbek Abdurazzoqov, Sardor Bahromov, Muhammadrasul Abdumajidov hamda Diyor Ortiqboyev kabi yosh futbolchilarni ham tarkibga kiritgan.

Tarkibga jalb qilinganlardan Abdulla Abdullayev, Behruz Karimov, Jaloliddin Masharipov va Husayn Norchayevda kichik jarohat borligi qayd etilgan.

Shuningdek, qator o‘yinchilar yig‘inga kechroq kelib qo‘shiladi. Xususan, Abduqodir Husanov, Otabek...

Samarqand tumanida tabiiy gazdan noqonuniy foydalanish holati aniqlanib, katta miqdordagi zarar hisoblab chiqildi. Bu haqda «Hududgazta’minot» AJ ma’lum qildi.

Gaz ta’minoti filiali komplayens nazorat tuzilmalari, tuman gaz ta’minoti bo‘limi xodimlari, prokuratura ishchi guruhi hamda «O‘zenergoinspeksiya» hamkorligida o‘tkazilgan tezkor tadbirda «O‘rta Arabxona» MFY hududida yashovchi fuqaro tomonidan tabiiy gazdan noqonuniy foydalangani fosh etildi.

Tekshiruv davomida uning xonadonida hisoblagichdan tashqari yashirin tarmoq tortilgani va ushbu yo‘l bilan tabiiy gaz metall eritish jarayonida ishlatilgani aniqlandi.

Holat yuzasidan tegishli dalolatnoma rasmiylashtirilib, qariyb 1,4 mlrd so‘m miqdoridagi tabiiy gaz hajmlari qayta hisob-kitob qilindi. Shuningdek, to‘plangan barcha hujjatlar huquqni muhofaza qiluvchi organlarga yuborildi.

Ijtimoiy tarmoqlarda maktab o‘quvchilari davomatini «aqlli» kameralar orqali aniqlash haqida xabarlar tarqaldi. Masala ko‘plab muhokamalarga sabab bo‘lgach holat yuzasidan Maktabgacha va maktab ta’limi vazirligi rasmiy munosabat bildirdi.

Unga ko‘ra, hozirda Toshkent shahri Mirzo Ulug‘bek tumanidagi ayrim maktablarda «aqlli» kameralar sinov tariqasida o‘rnatilmoqda.

«Bu nafaqat maktab jamoasi, balki ota-onalarning ham oʻz farzandlarini ta’lim olishi va darslarga qatnashishini onlayn nazorat qilish, shuningdek, ularning xavfsizligini ta’minlashda muhim ahamiyat kasb etadi», – deyiladi xabarda.

Shuningdek, vazirlik o‘quvchilar davomatini belgilash sinf darajasida o‘qituvchilar va sinf rahbarlari tomonidan «e-maktab» platformasi orqali har kuni amalga oshirilishini ma’lum qildi.

Agar...

Buxoro viloyatining Olot tumanida ekologiyaga zarar yetkazgan tadbirkor 1,3 mlrd so‘m miqdordagi jarimaga tortildi. Bu haqda Ekologiya va iqlim o‘zgarishi milliy qo‘mitasi ma’lum qildi.

Ish Iqtisodiy ishlar bo‘yicha Buxoro tumanlararo sudida ko‘rib chiqildi. Aniqlanishicha, Olot tumani hududidan o‘tuvchi Jondor kanalida qazish ishlari olib borilishi jarayonida yuridik shaxs, ya’ni firma rahbari 154 tup qimmatbaho turung‘ul daraxtlarini noqonuniy ravishda kesgan.

Mazkur huquqbuzarlik oqibatida tabiatga 1, 3 mlrd so‘m miqdorida zarar yetkazilgan va ushbu holat yuzasidan ish sudga oshirilgan. Sud hukmiga ko‘ra, yetkazilgan zarar to‘liq miqdorda javobgar yuridik shaxsdan undirib olinadi.

Eslatib o‘tamiz, avvalroq Zangiotada nobud bo‘lgan baliqlarni kanalga oqizgan korxona...

5-may kuni soat 11:13 da Samarqand shahrining Buyuk Ipak yo‘li ko‘chasida joylashgan avtomobillarga yonilg‘i quyish shoxobchasida yong‘in yuz berdi. Bu haqda viloyat Favqulodda vaziyatlar boshqarmasiga xabar kelib tushgan.

Tezkor choralar ko‘rilib, 5 ta qutqaruv bo‘linmasi soat 11:18 da voqea joyiga yetib borgan. Yong‘in 11:30 da qurshab olingan va 11:50 da to‘liq bartaraf etilgan.

Ma’lumotlarga ko‘ra, hodisa oqibatida tan jarohati olganlar yo‘q. Ayni paytda yong‘inning kelib chiqish sabablari hamda yetkazilgan moddiy zarar miqdori aniqlanmoqda.

Avvalroq Kursiv Uzbekistan yong‘in xavfsizligi qoidalarini buzganlik uchun jarima miqdori oshirilishi haqida yozgandi.

O‘zbekiston birinchi xonimi Ziroat Mirziyoyeva mamlakatga tashrif bilan kelgan Malayziya qirolichasi Raja Zarith Sofiah bilan uchrashuv o‘tkazdi. Bu haqda Ziroat Mirziyoyeva Telegram sahifasida e’lon qilindi.

Suhbat davomida mehmon o‘zbek xalqining boy madaniy merosi, amaliy san’at namunalari hamda milliy liboslar bilan tanishtirildi. Shuningdek, O‘zbekistonning qadimiy an’analari va urf-odatlari haqida batafsil ma’lumot berildi.

Uchrashuvda ikki davlat o‘rtasidagi do‘stlik aloqalarini yanada mustahkamlash masalalari muhokama qilindi. Tomonlar madaniy va gumanitar sohalardagi hamkorlikni kengaytirish muhimligini ta’kidladilar.

Avvalroq Kursiv Uzbekistan Ziroat Mirziyoyeva ijtimoiy tarmoqlarda rasmiy sahifalarini ochgani haqida yozgandi.

Angliya Premyer-ligasining 35-turida Londonning «Chelsi» klubi «Nottingem Forest»ni qabul qildi. Uchrashuvda «o‘rmonchilar» 1:3 hisobida ustun keldi. Ushbu mag‘lubiyat «aristokratlar» uchun ketma-ket oltinchisi bo‘ldi.

Uchrashuvda tezkor gol kiritildi, 2-daqiqadayoq Tayvo Avonye boshi bilan Robert Sanches qo‘riqlayotgan darvozani ishg‘ol qildi. Oradan ko‘p o‘tmay Avonye jarima maydoni ichida yiqitildi. 11 metrlik jarima zarbasini «o‘rmonchilar»ning braziliyalik hujumchisi Igor Jezus aniq amalga oshirib, hisobni 0:2 ga oshirdi.

Birinchi taymga qo‘shib berilgan daqiqalarda mezbonlar penalti tepish huquqiga ega bo‘lishdi. Biroq Koul Palmer imkoniyatdan foydalana olmadi. Ikkinchi taymda esa «Nottingem Forest» hujumlarni kuchaytirdi, gol ham o‘zini ko‘p kuttirmadi. 52-daqiqada Morgan Gibbs-Uayt uzatgan to‘pni yana o‘sha Avonye...

2026-yilning 1-aprel holatiga O‘zbekistonda faoliyat yuritayotgan yakka tartibdagi tadbirkorlar (YTT) soni 324 mingtani tashkil etdi. Bu haqda Milliy statistika qo‘mitasi xabar bermoqda.

Hududlar kesimida tahlil qilinganda, Toshkent shahri eng yuqori ko‘rsatkichga ega bo‘lib, poytaxtda 49,2 mingta YTT ro‘yxatdan o‘tgan. Undan keyingi yetakchi o‘rinlarni Farg‘ona (34,8 mingta) va Samarqand (32,5 mingta) viloyatlari band qildi.

Toshkent, Andijon hamda Qashqadaryo viloyatlarida ro‘yxatga olingan tadbirkorlar soni 24 mingdan 30 minggacha bo‘lgan oraliqni tashkil etmoqda.

Namangan (22,7 mingta), Buxoro (19,4 mingta) va Qoraqalpog‘iston Respublikasida (18,9 mingta) ham ro‘yxatga olingan biznes subyektlari soni barqarorligicha qolmoqda. Surxondaryo (18,1 mingta) va Xorazm (15,7 mingta) viloyatlarida o‘rta darajadagi...

Oliy Majlis Qonunchilik palatasining navbatdagi majlisida «Faxriylar to‘g‘risida»gi qonun loyihasi birinchi o‘qishda ko‘rib chiqildi. Quyi palata matbuot xizmatiga ko‘ra, loyihada faxriylar maqomi, ularning toifalari hamda mas’ul vazirlik va idoralarning vakolatlari belgilab qo‘yilmoqda.

Qonun loyihasiga ko‘ra, ma’lum bir soha yoki kasbda uzoq yillar davomida vijdonan va namunali mehnat qilgan, davlat va jamiyat e’tirofiga sazovor bo‘lgan fuqarolarga faxriy maqomi beriladi.

Mazkur maqomni olgan shaxslar bir qator imtiyozlarga ega bo‘ladi. Ular sanatoriy va sog‘lomlashtirish maskanlarida bepul davolanishi, kommunal to‘lovlar uchun kompensatsiya olishi, soliq va pensiya bo‘yicha yengilliklardan foydalanishi mumkin bo‘ladi.

Shuningdek, faxriylar ambulator davolanishda dori vositalari bilan imtiyozli ta’minlanadi. Ular teatr, muzey...

Uzbekistan Airports kompaniyasi tomonidan Toshkent xalqaro aeroporti hududidagi yirik avtoturargohlarni ijaraga berish huquqi auksionga qo‘yildi. Bu haqda kompaniya matbuot xizmati xabar berdi.

Savdolar E-auksion platformasi orqali amalga oshiriladi. Loyihaga ko‘ra, umumiy maydoni 40 ming kvadrat metrdan ortiq bo‘lgan, 1,5 mingga yaqin avtomobillarni sig‘dira oladigan P1, P3, P4, P5, P7 va P8 avtoturargohlar 3 yil muddatga ijaraga berilishi rejalashtirilgan.

Rejalarda hududni raqamlashtirish, bo‘sh joylarni ko‘rsatib turuvchi elektron tizimlar, avtomatik to‘lov imkoniyatlari hamda elektromobillar uchun quvvatlash stansiyalarini joriy etish ko‘zda tutilgan. Shuningdek, operatorga turargohlarni tunu kun boshqarish, qo‘riqlash va rivojlantirish majburiyati yuklanadi.

Asosiy talablar orasida to‘liq avtomatlashtirilgan boshqaruv tizimi, raqamni aniqlash...

Toshkent shahrida o‘zining shar’iy nikohdagi rafiqasini o‘ldirish uchun qotil yollagan erkak huquq-tartibot organlari tomonidan qo‘lga olindi. Bu haqda Toshkent shahar Ichki ishlar bosh boshqarmasi (IIBB) ma’lum qildi.

Unga ko‘ra, gumonlanuvchi qotillikni amalga oshirish evaziga $10 ming taklif etgan, oldindan esa $2 ming miqdorida pul bergan. U yollangan shaxsga jabrlanuvchining yashash manzili, uy-joyi, avtomobili, kun tartibi hamda ijtimoiy aloqalari haqida batafsil ma’lumotlarni ham taqdim etgan.

IIBB xabariga ko‘ra, jinoyatning oldi olinishi uchun maxsus tezkor tadbir tashkil qilingan. Unda ayolning hayoti xavfsizligini ta’minlash maqsadida uning o‘limi sahnalashtirilgan. Jarayonda jabrlanuvchi hamda tezkor xodimlar hamkorlikda ishlagan.

Yollanma qotil rolidagi shaxs oldindan nazoratga olingani...