Yangiliklar

Toshkent «Brodveyi» — Sayilgoh ko‘chasi va unga tutash hududlarni kompleks yangilash rejalashtirilmoqda. Bu haqda poytaxt hokimligi matbuot xizmati xabar berdi.

Loyiha doirasida Sayilgoh ko‘chasi, xiyobonlar, yashil hududlar, piyodalar yo‘laklari va boshqa infratuzilma obyektlari bosqichma-bosqich rekonstruksiya qilinadi.

Toshkent hokimligi ma’lum qilishicha, loyihada piyodalar yo‘laklari va qoplamalari yangilanadi, yoritish tizimi modernizatsiya qilinadi, favvoralar ta’mirlanadi hamda ko‘kalamzorlashtirish ishlari olib boriladi.

Shuningdek, yangi o‘rindiqlar, chiqindi qutilari va boshqa kichik infratuzilma elementlari o‘rnatiladi. Videokuzatuv tizimlari ham joriy qilinadi.

Hududdagi noqonuniy qurilmalar olib tashlanadi, reklama va peshlavhalar yagona dizayn talablari asosida tartibga solinadi.

Mutaxassislar mavjud daraxtlarni ko‘rikdan o‘tkazmoqda. Bundan tashqari, kamida ming tup yangi daraxt...

O‘zbekistonda yuqori texnologik tibbiyot markazlarini tashkil etish uchun tadbirkorlarga $200 million miqdorida imtiyozli kredit liniyasi yo‘lga qo‘yiladi. Bu haqda prezident farmonida keltirib o‘tildi.

Yangi qarorga asosan, «O‘zmilliybank» AJ tomonidan $200 million miqdorida imtiyozli kredit liniyasi ochiladi. Ushbu mablag‘lar Qoraqalpog‘iston Respublikasi va viloyat markazlaridan tashqari tuman va shaharlar, shuningdek, chegara hududlarida zamonaviy klinikalar qurish uchun ajratiladi. Kreditlar 10 yil muddatga, 3 yil imtiyozli davr bilan taqdim etilib, yillik foiz stavkasi Markaziy bank asosiy stavkasidan 3 foiz band yuqori bo‘ladi.

Shuningdek, loyiha tashabbuskorlariga boshqa tijorat banklari orqali ham kredit ajratish imkoniyati beriladi. Klinikalarni barpo etgan tadbirkorlar uchun esa Tadbirkorlikni rivojlantirish kompaniyasi...

2026-yil 1-iyuldan boshlab O‘zbekistonda sog‘liqni saqlash tizimini isloh qilish va tibbiy xizmatlarda sog‘lom raqobatni shakllantirishga qaratilgan yangi tartiblar kuchga kiradi. Bu haqda prezident farmoni qabul qilindi.

Yangi tizimga ko‘ra, nodavlat tibbiyot tashkilotlari ham davlat tibbiy sug‘urtasi doirasida bemorlarga Davlat budjeti mablag‘lari hisobidan xizmat ko‘rsatishi mumkin bo‘ladi. Bunda davolash xarajatlari barcha tibbiyot muassasalari uchun yagona bazaviy narxlar asosida qoplab beriladi.

Shuningdek, xalqaro akkreditatsiyadan o‘tgan tibbiyot tashkilotlari uchun davlat bilan shartnoma tuzish jarayoni soddalashtiriladi. Bunday klinikalar uchun qo‘shimcha ekspert xulosasini olish talabi bekor qilinadi.

Shu bilan birga, bemorlarni davlat hisobidan davolash, jarrohlik amaliyotlari va ixtisoslashtirilgan xizmatlarga yo‘llashning yangi tartibi joriy etiladi...

AQShda sud Google kompaniyasiga qarshi bolalar ma’lumotlarini noqonuniy yig‘ish bilan bog‘liq jamoaviy da’vo yuzasidan tuzilgan kelishuvni dastlabki bosqichda ma’qulladi. Kelishuvga ko‘ra, kompaniya $8,25 million to‘lashga rozi bo‘lgan, deya yozmoqda MediaPost nashri.

Kaliforniya shimoliy okrugi sudyasi Keysi Pitts ushbu bitimni adolatli va asosli deb baholadi. Uning ta’kidlashicha, agar ish sudgacha yetib borganida, tomonlar katta xarajatlar, murakkab huquqiy masalalar va uzoq davom etadigan jarayonlarga duch kelishi mumkin edi.

Kelishuv doirasida 2015-yildan 2026-yil yanvarigacha Google Play orqali ilovalardan foydalangan va o‘sha paytda 13 yoshdan kichik bo‘lgan AQSh fuqarolari kompensatsiya olish huquqiga ega bo‘ladi. Ularga to‘lanadigan mablag‘ miqdori da’vo qiluvchilar soniga qarab taxminan...

Xiaomi kompaniyasining yangi SU7 elektromobili bozorda tez ommalashmoqda. CarNewsChina’ga ko‘ra, savdo boshlanganidan 48 kun o‘tib, model uchun tasdiqlangan buyurtmalar soni 80 mingdan oshdi.

So‘nggi to‘rt kun ichida yana 10 mingdan ortiq buyurtmalar qabul qilingan. Odatda yangi avtomobillarda ilk qiziqishdan keyin talab pasayadi. Biroq SU7’da aksincha, xaridorlar soni oshishda davom etmoqda.

Avtomobilning bazaviy versiyasi 219,9 ming yuan ($32,2 ming) narxda taklif qilinmoqda. U 235 kVt quvvatli motor va 73 kVt/soat sig‘imli batareya bilan jihozlangan. Bir quvvatlanishda 720 km masofa bosib o‘tadi.

SU7 Pro versiyasi 96,3 kVt/soat batareya va 902 kmgacha yurish zaxirasiga ega. Eng kuchli Max versiyasi esa ikki motorli...

Toshkent shahridagi Xalqaro Vestminster universitetida (WIUT) yilning muhim tadbirlaridan biri — «Toshkent BMT Xalqaro Modeli» – TIMUN 2026 (Tashkent International Model United Nations) anjumani bo‘lib o‘tdi. Kapitalbank iqtidorli yoshlarni qo‘llab-quvvatlashga qaratilgan strategik maqsadiga sodiq qolgan holda, tadbirning rasmiy bosh hamkori sifatida ishtirok etdi.

Kapitalbankning TIMUN anjumanidagi ishtiroki ketma-ket ikkinchi yildirki, faqat hamkorlik ko‘magi bilangina cheklanib qolmay, tadbir dasturida o‘zining mazmunli davomiga ega bo‘lmoqda. Qo‘mitalar ishida Kapitalbank Akademiyasining biznes-murabbiylari ishtirok etib, ikkita ixtisoslashtirilgan sessiya o‘tkazishdi: Xavfsizlik Kengashi qo‘mitasida energiya menejmenti mavzusi, UNESCO maydonchasida esa nogironligi bo‘lgan shaxslar uchun moliyaviy inklyuzivlikni rivojlantirishga bag‘ishlangan ma’ruza taqdim etildi.

TIMUN 2026 amaliy dasturi BMT tizimining...

Osiyo taraqqiyot banki 2035-yilgacha Pan-Osiyo energetika tizimini rivojlantirish uchun $50 mlrd jalb qilishni rejalashtirmoqda. Bu haqda Samarqandda bo‘lib o‘tayotgan Osiyo taraqqiyot banki Boshqaruvchilar kengashining 59-yillik yig‘ilishida OTB Prezidenti Masato Kanda ma’lum qildi.

Kandaning aytishicha, loyiha Osiyo va Tinch okeani mintaqasida energiya xavfsizligini mustahkamlash, xarajatlarni kamaytirish va elektr ta’minoti barqarorligini oshirishga xizmat qiladi. Bank yangi Pan-Osiyo energetika tashabbusi orqali mamlakatlar o‘rtasidagi elektr energiyasi savdosini rivojlantirishni maqsad qilgan.

OTB hisob-kitobiga ko‘ra, 2035-yilgacha 20 gigavatt qayta tiklanuvchi energiya tizimga integratsiya qilinadi. Shuningdek, 22 ming kilometr elektr uzatish liniyalari quriladi.

Loyiha doirasida 200 mln aholining energiyaga kirish imkoniyati yaxshilanadi va 840 mingta...

Apple kompaniyasi foydalanuvchilarga uchinchi tomon sun’iy intellekt modellarini tanlash huquqini taqdim etadi. Ushbu imkoniyat iOS 27 doirasida amalga oshiriladi. Bu haqda Bloomberg xabar bermoqda.

iOS 27 tizimida bu funksiya Extensions deb ataladi. U foydalanuvchilarga qurilma sozlamalari orqali Apple Intelligence tizimini quvvatlantiruvchi SI xizmatlarini mustaqil tanlash imkonini beradi. Dasturchilar o‘z SI modellarini App Store ilovalari orqali tizimga moslashtirishlari mumkin bo‘ladi.

Xabarlarga ko‘ra, Apple hozirgacha ichki sinovlarda Alphabet tarkibidagi Google hamda Anthropic kompaniyalari bilan integratsiyani tekshirib ko‘rgan. Shuningdek, Google kompaniyasining Gemini modeli shu yili yangilanadigan Siri yordamchisini quvvatlantirishi kutilmoqda.

Mazkur qadam Apple kompaniyasining SI sohasida ilgariroq harakat qilayotgan Alphabet va Microsoft...

Qozog‘istonning Ust-Kamenogorsk shahrida joylashgan metallurgiya majmuasida kuchli portlash sodir bo‘ldi. Hodisa Kazsink kompaniyasiga tegishli ishlab chiqarish hududida yuz bergan. Bu haqda Qozogʻiston Favqulodda vaziyatlar vazirligi xabar berdi.

Unga ko‘ra, portlash oqibatida bir necha kishi jarohat olgan va ular shifoxonaga yetkazilgan. Kompaniya esa ikki nafar xodim halok bo‘lganini hamda yana bir necha kishi jabrlanganini tasdiqladi.

Dastlabki ma’lumotlarda keltirilishicha, changni ushlash qurilmasida nosozlik yuzaga kelib, portlashdan so‘ng yong‘in chiqishi va ayrim konstruksiyalarning qisman qulashiga sabab bo‘lgan.

Kompaniya hodisa ishlab chiqarish jarayonida, xususan, uskunalarni tozalash vaqtida sodir bo‘lganini bildirgan. Voqeaning aniq sabablari va tafsilotlari maxsus tekshiruv yakunida ma’lum qilinadi.

Dastlabki...

Davlat xavfsizlik xizmati hamda Bosh prokuratura huzuridagi Departament tomonidan hamkorlikda o‘tkazilgan tezkor tadbirlar davomida bir qator hududlarda ishga qabul qilish, ruxsatnoma berish va nafaqa tayinlashdagi noqonuniy holatlarga chek qo‘yildi.

Xorazm viloyati Ichki ishlar boshqarmasi kichik inspektori fuqaroni tizimga ishga kiritib qo‘yish evaziga $4,5 ming talab qilgan. U kelishilgan puldan $1,8 ming va 2,4 mln so‘mni olayotgan vaqtida ashyoviy dalillar bilan qo‘lga olingan.

Toshkent viloyatida maktabgacha ta’lim bo‘limi metodisti xususiy bog‘cha faoliyati uchun sanitariya va yong‘in xavfsizligi ruxsatnomalarini olib berishni va’da qilib, 1,5 mln so‘m hamda $200 talab qilgan. Tadbir davomida ushbu $200 ni metodistdan olayotgan tuman Favqulodda vaziyatlar bo‘limi...

«O‘ztemiryo‘lyo‘lovchi» AJ 5 – 6-may kunlaridan boshlab ayrim poyezdlar harakat jadvaliga o‘zgartirish kiritilganini ma’lum qildi.

O‘zgarishlar Buxoro, Qarshi, Toshkent, Termiz, Qo‘ng‘irot, Xiva, Andijon, Olot va boshqa yo‘nalishlardagi poyezdlarga taalluqli. Ayrim poyezdlar bekatlarga oldinroq yetib keladi, ayrimlari esa kechroq harakatlanadi.

Jumladan, 5-maydan boshlab:

Bundan tashqari, 6-may sanasidan boshlab:

Yo‘lovchilarga safar oldidan poyezdlar jadvalini oldindan tekshirish tavsiya etildi.

Eslatib o‘tamiz, avvalroq Toshkent metrosining yerusti halqa yo‘li yo‘nalishida ish vaqti uzaytirilgandi. Endi Toshkent metropoliteni yerusti halqa yo‘li yo‘nalishida poyezdlar ertalab 05:00 dan boshlab harakatlanadi.

AQShning Nyu-York shahridagi Brighton Beach hududida o‘zbekistonlik xonanda Yulduz Usmonova ishtirokida o‘tkazilishi rejalashtirilgan konsert keskin bahs-munozaralarga sabab bo‘lmoqda. Bu haqda Gothamist nashrida siyosatchilar va tadbir tashkilotchilarining fikrlari keltirib o‘tildi.

Ma’lumot uchun, namoyishlardan so‘ng konsert dasturi bekor qilingandi. Onalar kuni munosabati bilan Oceana teatrida o‘tishi kerak bo‘lgan tadbir uchun chiptalar oldindan to‘liq sotilganiga qaramay, so‘nggi pallada o‘tkazilmaydigan bo‘ldi.

Mazkur qarorga mahalliy siyosatchilar, xususan, Nassau okrugi ijrochi rahbari hamda Nyu-York shtati gubernatori lavozimiga nomzod Bryus Bleykman boshchiligidagi guruhning noroziligi sabab bo‘ldi. Ular xonandaning avvalgi chiqishlari va ijtimoiy tarmoqlardagi bayonotlarini tanqid qilib, ularni yahudiylarga nisbatan haqoratli va xavfli deb baholadi. Bleykman va...

Rossiyada 2026-yilning dastlabki uch oyida antidepressantlar savdosi o‘tgan yilning mos davriga nisbatan pul hisobida 34 foizga oshdi. Bu haqda RBK xabar bermoqda.

2026-yilning birinchi choragida antidepressantlar savdosi hajmi 2025-yilning shu davriga nisbatan o‘ramlarda 22 foizga ko‘paygan. Shu bilan birga, xavotir va qo‘rquvni kamaytiruvchi anksiolitik preparatlar savdosi 4,8 mln o‘ramni tashkil qilib, ularning qiymati 2,6 mlrd rublga ($34,4 mln) yetgan. Anksiolitiklar savdosi hajmi 1 foizga kamaygan bo‘lsa-da, pul hisobida 11 foizga o‘sgan.

Taqqoslash uchun, 2025-yilning birinchi yarmida rossiyaliklar qiymati qariyb 9 mlrd rubl ($119,2 mln) bo‘lgan 11 mlndan ortiq o‘ram antidepressant xarid qilgan. Shuningdek, xuddi shu davrda 9,3 mlndan ortiq...

Tijorat banklari tomonidan 6-may kungi xorijiy valyutalarni ayirboshlash kurslari yangilandi. «Kursiv» eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Avvalroq Kursiv Uzbekistan 6-may uchun valyutalar kursi e’lon qilingani haqida yozgandi.

O‘zbekiston Jazoirda ilk bor o‘z elchisini tayinladi. Mansurbek Qilichev ushbu davlatdagi elchi sifatida faoliyat boshladi va Jazoir tashqi ishlar, xorijdagi vatandoshlar va Afrika ishlari vaziri Ahmad Attafga ishonch yorliqlari nusxalarini topshirdi, deya xabar berdi «Dunyo» axborot agentligi.

Uchrashuv davomida tomonlar ikki davlat o‘rtasidagi hamkorlikni yangi bosqichga olib chiqish masalalarini muhokama qildi. Xususan, savdo-iqtisodiy aloqalarni rivojlantirish, investitsiya imkoniyatlarini kengaytirish hamda turli sohalarda qo‘shma loyihalarni amalga oshirish istiqbollari ko‘rib chiqildi.

Jazoir tomoni mavjud hamkorlik salohiyatidan to‘liq foydalanilmayotganini qayd etib, ayniqsa sanoat, farmatsevtika va to‘qimachilik yo‘nalishlarida hamkorlikni kuchaytirish zarurligini ta’kidladi. Shuningdek, Afrika bozoriga chiqish imkoniyatlari ham alohida qayd etildi.

Muzokaralarda ta’lim, sog‘liqni saqlash...

O‘zbekiston hududi bo‘ylab 6-may kuni asosan yog‘ingarchiliksiz ob-havo saqlanib qoladi va kunduzgi harorat 30-35 darajagacha yetadi. Bu haqda Gidrometeorologiya xizmati agentligi xabar bermoqda.

Poytaxt Toshkent shahrida kunduzi yog‘ingarchilik kutilmaydi. Shamol 3-8 m/s tezlikda esadi, havo harorati esa 30-32 daraja bo‘ladi. Tog‘li hududlarda ham quruq ob-havo saqlanib qoladi, harorat 17-22 darajani tashkil etishi aytilgan. Qoraqalpog‘iston Respublikasida qisqa muddatli yomg‘ir yog‘ishi hamda momaqaldiroq bo‘lishi kutilmoqda.

Mamlakat bo‘yicha shamol o‘rtacha 7-12 m/s tezlikda esadi. Biroq Qoraqalpog‘iston Respublikasi, Xorazm, Buxoro va Navoiy viloyatlarida shamol tezligi 13-18 m/s gacha kuchayishi prognoz qilingan.

Shamol kuchayishi oqibatida shimoliy va cho‘l hududlarining ayrim joylarida chang-to‘zonlar ko‘tarilishi ehtimoli...

Londonda bo‘lib o‘tgan UEFA Chempionlar ligasi yarim finalining javob uchrashuvida «Arsenal» Madridning «Atletiko» klubini 1:0 hisobida mag‘lub etdi. Ispaniyadagi dastlabki bahsda 1:1 hisobi qayd etilgan bo‘lib, umumiy natijaga ko‘ra London klubi finalga yo‘l oldi.

Uchrashuv taqdirini yagona gol hal qildi. Birinchi bo‘lim so‘ngida «Arsenal» hujumchisi Viktor Gyokerish darvozabon bilan yakkama-yakka holatga chiqib borib, to‘pni Leandro Trossardga oshirdi. Trossardning zarbasidan so‘ng darvozabondan qaytgan to‘pni Bukayo Saka golga aylantirdi. Diego Simeone shogirdlarining hisobni tenglashtirishga qaratilgan urinishlari London klubining ishonchli himoyasi sababli besamar yakunlandi.

«Arsenal» joriy mavsumda Chempionlar ligasi doirasida o‘tkazilgan 12 ta uchrashuvning 9 tasida o‘z darvozasi daxlsizligini saqlab qoldi. Mikel...

6-may sanasi nafaqat yirik muhandislik yutuqlari va texnologik inqiloblar, balki jahon fani hamda madaniyatiga ulkan hissa qo‘shgan shaxslarning tavalludi bilan ham yodda qolgan. Kursiv Uzbekistan kunning eng muhim voqealari xronologik tartibda taqdim etadi.

1856-yili psixoanaliz asoschisi, inson ruhiyati haqidagi qarashlarni butunlay o‘zgartirgan avstriyalik olim Zigmunt Freyd dunyoga keldi. Uning ong osti, tushlar ta’biri va psixologik rivojlanish haqidagi nazariyalari nafaqat tibbiyotda, balki XX asr san’ati va adabiyotida ham katta burilish yasagan.

1961-yilda Gollivudning eng nufuzli aktyorlaridan biri, ikki karra «Oskar» mukofoti sohibi Jorj Kluni tavallud topdi. U «Oushenning 11 do‘sti» va tez tibbiy yordam haqidagi seriallardagi rollari bilan mashhurlikka...

«Primadonna»ning konserti bekor qilindi, ikkinchi ayolini o‘ldirish uchun qotil yollagan erkak qo‘lga olindi — 5-may kuni e’lon qilingan yangiliklar Kursiv Uzbekistan dayjestida.

Uzr so‘raydi deb o‘ylasangiz qattiq adashasiz — Yulduz Usmonova yahudiylarga javob qaytardi

O‘zbekiston xalq artisti Yulduz Usmonovaning 9-may kuni Nyu-York shahrida o‘tkazilishi rejalashtirilgan konserti yahudiy jamoasi vakillarining noroziligiga sabab bo‘ldi. Bunga «Primadonna» ijtimoiy tarmog‘i orqali munosabat bildirdi.

Konsert dasturi atrofidagi ziddiyatlar fonida Yulduz Usmonova Instagram ijtimoiy tarmog‘i orqali videomurojaat yo‘llab, chiptalar to‘liq sotilganini ta’kidladi va uzr so‘rash talabini qat’iyan rad etdi.

Nyu-Yorkdagi norozilik ortidan «Primadonna»ning konserti bekor qilindi

Nyu-Yorkda bo‘lib o‘tgan norozilik namoyishlaridan so‘ng Bruklindagi Oceana Theater...

2026-yil 5-may kuni soat 16:25 larda Toshkent shahrining Mirzo Ulug‘bek tumanidagi M. Ulug‘bek ko‘chasida 15 ta avtomobil ishtirokida yo‘l-transport hodisasi sodir bo‘ldi. Bu haqda YHXX ma’lum qildi.

Dastlabki ma’lumotlarga ko‘ra, 73 yoshli haydovchining sog‘lig‘i yomonlashgani sababli u transport vositasini boshqarishni yo‘qotgan.

Natijada avtomobil svetoforning qizil chirog‘ida to‘xtab turgan bir nechta transport vositalariga urilib, to‘qnashuv yuzaga kelgan. Hodisa oqibatida halok bo‘lganlar yo‘q.

YTH natijasida jami 15 ta transport vositasi texnik shikastlangan. Equinox haydovchisi esa tan jarohati olib, shifoxonaga yetkazilgan.

Hozirda mazkur holat yuzasidan Toshkent shahar IIBB JXX Yo‘l harakati xavfsizligi boshqarmasi tomonidan surishtiruv ishlari olib borilmoqda.

Eslatib o‘tamiz, avvalroq...

6-may kuni O‘zbekistonning aksariyat hududlarida yog‘ingarchilik kutilmaydi. Harorat esa kechasi 10–22 daraja, kunduzi 28–38 daraja atrofida bo‘ladi.

Quyida ob-havo ma’lumoti viloyatlar kesimida:

Eslatib o‘tamiz, avvalroq may oyining boshida qanday ob-havo kuzatilishi haqida yozgan edik.

Shavkat Mirziyoyevning qaror va farmonlariga muvofiq Sog‘liqni saqlash vazirligi rahbar va o‘rinbosarlari yangilandi. Eldor Erkinovich Adilov sog‘liqni saqlash vaziri etib tayinlandi.

Unga ko‘ra, tayinlovga qadar Adilov Prezident Administratsiyasi Huquqiy ekspertiza va kompleks tahlil qilish departamenti sho‘ba mudiri lavozimida faoliyat yuritgan.

Shu bilan birga, Asilbek Anvarovich Xudayarov boshqa ishga o‘tishi munosabati bilan sog‘liqni saqlash vaziri lavozimidan ozod etildi. U 2024-yildan ushbu lavozimda ishlashni boshlagan.

Alisher Shukrullayevich Boboyev boshqa ishga o‘tishi munosabati bilan sog‘liqni saqlash vazirining birinchi o‘rinbosari lavozimidan, Elmira Irkinovna Basitxanova va Farxodjon Muxammadjonovich Tashpulatov esa vazir o‘rinbosari lavozimlaridan ozod etildi.

Shuningdek, qarorga muvofiq Otabek Sunnatovich Imamov sog‘liqni saqlash...

Abdulla Abdisalamovich Azizov Sog‘liqni saqlash vazirligi huzuridagi Tibbiyot va farmatsevtika tarmog‘ini rivojlantirish agentligi direktori etib tayinlandi. Bu haqda prezident matbuot kotibi ma’lum qildi.

Ushbu tayinlovga qadar Abdulla Azizov Sog‘liqni saqlash vazirligi huzuridagi Farmatsevtika tarmog‘ini rivojlantirish agentligi direktori lavozimida faoliyat yuritgan. Yangi lavozimga tayinlanishi munosabati bilan Azizov avvalgi lavozimidan ozod etildi.

Eslatib o‘tamiz, avvalroq Shavkat Mirziyoyev sog‘liqni saqlash tizimini yanada rivojlantirish, tibbiy xizmatlar sifatini oshirish va xususiy sektor ishtirokini kengaytirishga qaratilgan chora-tadbirlar taqdimoti bilan tanishgan edi. Unda Tibbiyot va farmatsevtika tarmog‘ini rivojlantirish agentligi tashkil etilishi ma’lum qilingan.

Agentlik huzurida «Health Invest» kompaniyasi yaratilishi ham rejalashtirilgan. Ushbu tuzilmalar investitsiya loyihalarini shakllantirish...

Shavkat Mirziyoyev charm-poyabzal sanoatida amalga oshirilayotgan ishlar va kelgusidagi rejalar yuzasidan taqdimot bilan tanishdi. Unda 2030-yilgacha charm sanoatida ishlab chiqarish hajmining 12 trln so‘mga yetkazilishi ma’lum qilindi.

Xomashyo va qayta ishlashdagi muammolar

Shu bilan birga, sohada mavjud imkoniyatlardan to‘liq foydalanilmayotgani qayd etildi. Mamlakatda teri va jun xomashyosi yetarli bo‘lsa-da, ularni chuqur qayta ishlash darajasi pastligicha qolmoqda.

Xususan, qo‘y va echki terisini qayta ishlash darajasi 30 foiz atrofida. Yiliga tayyorlanadigan 40 ming tonna junning esa atigi 6 ming tonnasi, ya’ni 15 foizi qayta ishlanmoqda.

Yangi sanoat zonalari va infratuzilma

Taqdimotda charm-poyabzal sanoatini rivojlantirish uchun yangi sanoat zonalari...