Yangiliklar

8-aprel kuni Braziliyaning Rio-de-Janeyro shahridagi Olimpiya parkida joylashgan velodromda (stadion) yirik yong‘in yuz berdi. Hodisa tongda sodir bo‘lgan.

Yong‘inni o‘chirishga 80 ga yaqin o‘t o‘chiruvchilar va 20 ta maxsus texnika jalb qilingan. Mutasaddilar alanga tezda nazoratga olinganini bildirdi. Dastlabki ma’lumotlarga ko‘ra, inshootning tom qismi zarar ko‘rgan. Biroq velotrek saqlanib qolgan. Shahar meri Eduardo Kavaliere trek to‘liq butun ekanini aytdi.

Unga ko‘ra, velodrom qayta ishga tushirilishidan oldin tozalash va texnik xizmat ishlari o‘tkaziladi. Shundan so‘ng obyekt yana foydalanishga topshiriladi. Velodrom 2016-yilgi Olimpiya va Paralimpiya o‘yinlari uchun qurilgan.

Inshoot ichida Olimpiya muzeyi ham joylashgan. Yong‘in vaqtida o‘t o‘chiruvchilar eksponatlarni himoya qilishga...

9-aprel kuni buyuk sarkarda va davlat arbobi Amir Temur tavalludiga 690 yil to‘ldi. U nafaqat Markaziy Osiyo, balki butun dunyo tarixida chuqur iz qoldirgan shaxs sifatida e’tirof etiladi.

Amir Temur 1336-yilda Keshda, bugungi Shahrisabz hududida tug‘ilgan. Yoshligidan harbiy san’atga qiziqib, qisqa vaqt ichida kuchli qo‘mondon sifatida tanildi. U tashkil etgan imperiya o‘z davrida eng qudratli davlatlardan biri bo‘ldi.

Temur davlatni markazlashgan tizim asosida boshqardi. Uning siyosati tartib-intizom va qat’iy qonunlarga tayangan edi. Aynan shu yondashuv orqali u katta hududlarni nazorat qilishga erishdi.

Uning davrida Samarqand yirik siyosiy va madaniy markazga aylandi. Shahar ilm-fan, me’morchilik va savdo rivojlangan maskan sifatida tanildi...

iPhone va Samsung Galaxy smartfonlari eng yomon ta’mirlanadigan smartfonlar deb topildi. AQShdagi US PIRG tashkiloti yangi yillik «Failing the Fix» hisobotini e’lon qildi.

Hisobotga ko‘ra, Apple va Samsung qurilmalari ham yaxshi natija ko‘rsatmagan hamda D bahoga ega bo‘lgan. Bu ikki brend qurilmalari ta’mirlash uchun eng noqulay smartfonlar qatoriga kiritildi.

Bu yilgi baholash avvalgi fransuz metodikasiga emas, balki Yevropaning EPREL tizimiga asoslandi. Ushbu tizim qurilmalarni real sharoitda ta’mirlash qanchalik oson yoki qiyin ekanini ko‘rsatishga mo‘ljallangan. Baholashda bir nechta muhim omillar hisobga olingan. Ular orasida qurilmani ochish qulayligi, kerakli asboblar, ehtiyot qismlar mavjudligi va texnik hujjatlarning ochiqligi bor.

Yangi tizimga o‘tish...

Eron va AQSh o‘rtasida tuzilgan ikki hafta muddatdagi sulhga qaramay Eron hukumati Hormuz bo‘g‘ozini yopishga buyruq berdi. Bu qaror Isroilning Livan hududlariga amalga oshirgan qaqshatqich hujumidan keyin qabul qilingan.

AQSh Oq uy matbuot kotibi Karolin Levitt jurnalistlarga bayonot berib, prezident Donald Tramp Hormuz orqali harakatlanish hech qanday cheklovlarsiz tiklanishini istayotganini ta’kidladi. Uning so‘zlariga ko‘ra, asosiy ustuvor vazifa bo‘g‘ozni tez va xavfsiz ochishdir.

Eron davlat OAVi esa bu qaror Isroilning Livanga uyushtirgan hujumlariga javoban qabul qilinganini ma’lum qildi. Ma’lumotlarga ko‘ra, dastlab ikki neft tankeri Eron ruxsati bilan o‘tgan, ammo keyinchalik harakat to‘xtatilgan.

Eron Islom inqilobi qo‘riqchilari korpusi vakili Sayid Majid...

Kiprda o‘tayotgan 2026-yilgi Nomzodlar turnirida o‘zbekistonlik grossmeyster Javohir Sindarov germaniyalik shaxmatchi Matias Blubaumga qarshi ikkinchi bahsda ham durang qayd etdi. Bahs 59-yurishdan so‘ng yakunlangan.

Tomonlar ochkoni bo‘lishishga rozi bo‘lgan. O‘yindan so‘ng Sindarov 7 ochko bilan turnir jadvalidagi yetakchiligini saqlab qolmoqda. Bu Javohir uchun tarixiy ishtirok hisoblanadi. U o‘zbekistonliklar orasida ilk bor Nomzodlar turnirida qatnashmoqda. Grossmeyster hozircha birorta ham mag‘lubiyat qabul qilgani yo‘q.

U musobaqa davomida kuchli raqiblar ustidan g‘alaba qozondi. Jumladan, Andrey Yesipenko, Rameshbabu Praggnanandhaa, Fabiano Caruana, Hikaru Nakamura va Wei Yiga qarshi partiyalarda ustun keldi.

Shuningdek, u Matthias Bluebaum bilan ikki bor, Anish Giri hamda Yesipenko bilan javob uchrashuvida...

Parijda UEFA Chempionlar ligasining chorak final uchrashuvi bo‘lib o‘tdi. Unda PSJ klubi Angliyaning «Liverpul» jamoasini qabul qilib, 2:0 hisobida ishonchli g‘alaba qozondi.

Uchrashuvning 11-daqiqasida PSJ yarim himoyachisi Dezire Due hisobni ochdi. Erta urilgan goldan so‘ng mehmonlar o‘yin nazoratini qo‘lga olishga harakat qildi. Ikkinchi bo‘limning 65-daqiqasida parijliklar vakili Xvicha Kvaratsxeliya Joau Neveshning uzatmasidan so‘ng jamoasining ikkinchi goliga mualliflik qildi.

Luis Enrike boshqaruvidagi PSJ o‘yin oxiriga qadar himoyada bexato harakat qilib, o‘z darvozasi daxlsizligini saqlab qoldi. Endi «Liverpul» keyingi bosqichga o‘tish uchun «Enfild» stadionida bo‘lib o‘tadigan javob uchrashuvida kamida uchta to‘p farqi bilan g‘alaba qozonishi talab etiladi.

Avvalroq Kursiv Uzbekistan «Barselona...

Kataloniyaning «Barselona» klubi UEFA Chempionlar ligasi chorak finalining dastlabki bahsida «Atletiko Madrid»ni qabul qilib, 0:2 hisobida imkoniyatni boy berdi.

Uchrashuv jamoalarning keskin hujumlari bilan boshlandi. Mezbonlar safida Lamin Yamal va Markus Reshfordda hisobni ochish uchun imkoniyatlar bo‘ldi, ammo to‘p darvozadan o‘rin olmadi. Birinchi taym oxirida Pau Kubarsi so‘nggi umid foli uchun maydondan chetlatildi. Belgilangan jarima zarbasini esa Xuliyan Alvarez qoyilmaqom ijro etib, hisobni ochdi.

Ikkinchi taymda kamchilik bo‘lib qolganiga qaramay «Barselona» hujumkor boshladi. 70-daqiqada qarshi hujumga o‘tgan madridliklar hisobni 0:2 ga oshirdi. Rudjeri qanotdan uzatgan to‘pni Serlot darvozaga joylab qo‘ydi.

Ma’lumot uchun, jamoalar o‘rtasidagi javob uchrashuvi 15-aprelga o‘tar kechasi...

Kursiv Uzbekistan 8-aprel kuni e’lon qilingan yangiliklarning muhimlarini bir joyga jamladi

500 ming so‘mlik banknota chiqariladimi — Markaziy bank izoh berdi

O‘zbekistonda 500 ming so‘mlik banknota muomalaga kiritilishi haqidagi gap-so‘zlar haqiqatga to‘g‘ri kelmaydi. Bu haqda Markaziy bank rasmiy bayonot bilan chiqdi. So‘nggi kunlarda ijtimoiy tarmoqlarda yangi yirik nominaldagi pul chiqarilishi, hatto unda Mirzo Ulug‘bek tasviri bo‘lishi haqida turli yangiliklar tarqaldi. Biroq regulyator bularni mutlaqo asossiz va yolg‘on ma’lumot sifatida rad etdi.

«Bavariya» safarda «Real»dan ustun keldi

Madriddagi «Santiago Bernabeu» stadionida UEFA Chempionlar ligasining 1/4 finali doirasida «Real Madrid» Germaniyaning «Bavariya» klubini qabul qilib, imkoniyatni...

9-aprel kuni O‘zbekistonning ayrim hududlarida yomg‘ir va momaqaldiroq kuzatilishi mumkin. Kunduzgi harorat 20-25°, kechasi esa 6-13° atrofida bo‘ladi, deya prognoz qilmoqda «O‘zgidromet».

Quyida ob-havo ma’lumoti viloyatlar kesimida:

Jamoat xavfsizligini yanada mustahkamlash maqsadida inspektorlarga ayrim huquqbuzarliklar bo‘yicha mustaqil qaror qabul qilish vakolati berilishi rejalashtirilmoqda. Shavkat Mirziyoyev jamoat xavfsizligini ta’minlash tizimini yanada takomillashtirish yuzasidan takliflar taqdimoti bilan tanishdi.

Ichki ishlar vazirligida Jamoat xavfsizligi departamenti tashkil etilgan bo‘lib, unga huquqbuzarliklarni profilaktika qilish, jamoat tartibini saqlash, yo‘l harakati xavfsizligi va probatsiya xizmatlari birlashtirilgan. Hozirda mazkur departament IIV shaxsiy tarkibining qariyb 30 foizini tashkil etadi.

Taqdimotda zamonaviy boshqaruv va raqamli nazorat mexanizmlarini joriy etish, samaradorlikni «Jazolovchi tizimdan – aholiga xizmat koʻrsatuvchi tizimga» tamoyili asosida qayta ishlab chiqish bo‘yicha takliflar muhokama qilindi. Mahallalarda profilaktika ishlarini samarali tashkil etish maqsadida inspektorlar ortiqcha...

Toshkent viloyatida turizm sohasini rivojlantirish orqali eksportni $600 mlnga, sayyohlar sonini esa 16,5 mlnga yetkazish rejalashtirilmoqda. Shavkat Mirziyoyev Toshkent viloyatida amalga oshirilayotgan ishlar natijadorligi va kelgusidagi ustuvor vazifalar yuzasidan yigʻilish oʻtkazdi.

Sanoat va investitsiya loyihalari

2024 – 2025-yillarda viloyatda 23 ta qaror qabul qilinib, budjet, bank kreditlari va xorijiy investitsiyalar hisobidan yirik resurslar yo‘naltirildi. Shu davrda 14 ta yangi sanoat zonasi tashkil etildi, 115 ta investitsiya loyihasi amalga oshirildi, 237 ta yangi eksportchi paydo bo‘ldi va 300 mingdan ortiq yangi ish o‘rinlari yaratildi. Parkent, Ohangaron va Olmaliqda elektrotexnika, metallurgiya, farmatsevtika, to‘qimachilik, mashinasozlik va tog‘-kon sohalaridagi yirik loyihalar...

NASAning Artemis II missiyasi doirasida Oy atrofini muvaffaqiyatli aylanib chiqqan Orion kosmik kemasi Yerga qaytish bosqichiga o‘tdi. Dastlabki hisob-kitoblarga ko‘ra, kema 2026-yil 11-aprelga o‘tar kechasi Tinch okeaniga qo‘nadi.

8-aprelning tungi soatlarida kema trayektoriyasiga kichik tuzatish kiritildi. Buning uchun dvigatellar 15 soniya davomida ishga tushirilib, kapsulaning Yer atmosferasiga to‘g‘ri burchak ostida kirishi hamda belgilangan hududga xavfsiz qo‘nishi uchun tayyorlanmoqda. Parvozning asosiy qismi esa erkin trayektoriya bo‘ylab, qo‘shimcha manevrlarsiz davom etmoqda.

Qidiruv va qutqaruv operatsiyalari uchun USS John P. Murtha desant transport kemasi jalb qilingan. Mazkur kema allaqachon portni tark etib, qo‘nish hududiga yo‘l olgan. Uning maxsus cho‘kadigan platformasi mavjud...

9-aprel kuni Toshkent metrosida Amir Temur siymosi bilan maxsus bezatilgan metro poyezdi harakatga qo‘yiladi. Bu haqda «Toshkent metropoliteni» DUK matbuot xizmati ma’lum qildi.

Ma’naviy-ma’rifiy tadbirlar Sohibqiron Amir Temur tavalludining 690 yilligi munosabati bilan «Toshkent metropoliteni» DUK hamda Yoshlar ishlari agentligi hamkorligida o‘tkaziladi.

«Ushbu tashabbus buyuk ajdodimizga bo‘lgan yuksak hurmat va ehtiromning yana bir ifodasi bo‘lib, yo‘lovchilar qalbida milliy g‘urur hamda tariximizga bo‘lgan qiziqishni yanada mustahkamlashga xizmat qiladi», – deyiladi xabarda.

Maxsus metro poyezdi Chilonzor yo‘nalishi bo‘ylab harakatlanadi va «Amir Temur xiyoboni» metro bekatida qo‘shimcha 1 daqiqa to‘xtab turadi. Bu esa tadbirga ishtirok...

Google kompaniyasi foydalanuvchilarga Maps orqali mahalliy ma’lumotlarni osonroq qo‘shish imkonini beruvchi yangi funksiyalarni joriy etdi. Bu haqda Tech Crunch nashri ma’lum qildi.

Endi Gemini sun’iy intellekti foydalanuvchilar joy haqida foto yoki video ulashmoqchi bo‘lganda avtomatik sarlavha yaratadi. Foydalanuvchilar ulashmoqchi bo‘lgan fotosuratlarni tanlagach, Gemini ularni tahlil qilib, sarlavha taklif etadi. Keyin foydalanuvchilar sarlavhani o‘zgartirish yoki o‘chirish imkoniga ega bo‘ladi.

Shuningdek, foydalanuvchilarga jamoa bilan ulashish uchun mos rasmni topish osonlashtirildi. Agar telefon sozlamalarida Google Maps uchun media kirish huquqi yoqilgan bo‘lsa, foydalanuvchilar so‘nggi tajribalaridagi foto va videolarni «Contribute» (Hissa qo‘shish) tabida ko‘rishlari mumkin. Shu yerda ular istalgan rasmni bosib, post...

Oliy Majlis Senatining o‘n to‘rtinchi yalpi majlisida prezidentning taqdimnomasi asosida Umid Rustamovich Shodiyev O‘zbekistonning Birlashgan Arab Amirliklaridagi Favqulodda va muxtor elchi lavozimiga tayinlandi.

Ushbu qaror ikki davlat o‘rtasidagi ishonchga asoslangan diplomatik munosabatlarni yanada mustahkamlash hamda savdo-iqtisodiy, investitsion, innovatsion va turizm sohalaridagi amaliy hamkorlik imkoniyatlarini kengaytirishga qaratilgan.

Senatorlar Shodiyevning tashqi siyosat sohasidagi chuqur bilimlari va amaliy ko‘nikmalarini, shuningdek, mamlakatimiz milliy manfaatlarini xalqaro maydonda samarali tarzda ilgari surish qobiliyatini alohida ta’kidladilar.

Muhoqama natijasida Umid Rustamovich Shodiyev BAAdagi Favqulodda va muxtor elchi lavozimiga rasmiy ravishda tayinlandi.

Eslatib o‘tamiz, avvalroq qatarlik madaniyat vakili «O‘zbek madaniyati elchisi» unvoniga sazovor bo‘lgan edi.

Google Chrome foydalanuvchilari endi vertikal tablar va yangilangan Reading Mode imkoniyatlaridan foydalanishlari mumkin. Bu haqda Tech Crunch nashri ma’lum qildi.

Unga ko‘ra, vertikal tablar funksiyasi tablarni brauzer oynasining yon tomoniga joylashtirish imkonini beradi. Bu orqali sahifa sarlavhalarini to‘liq o‘qish va tab guruhlarini boshqarish osonlashadi. Yoqilgandan so‘ng, vertikal tablar foydalanuvchi uni qayta o‘zgartirmaguncha standart sozlama sifatida qoladi.

Vertikal tablarni istalgan vaqtda Chrome oynasida o‘ng tugmani bosib, «Show Tabs Vertically» variantini tanlash orqali yoqish mumkin. Ushbu tablar gorizontal tablar kabi ishlaydi va har bir Chrome oynasida o‘z tablari yoki tab guruhlari bo‘lishi mumkin. Kompaniya foydalanuvchi apparaturasi imkon beradigan darajada cheklovsiz...

2026-yil 10-aprel kuni tunda Toshkent shahridagi ba’zi qozonxonalar boshqaruvidagi issiqlik tarmoqlari yuqori bosim ostida sinovdan o‘tkaziladi. Bu haqda Veolia Energy Tashkent ma’lum qildi.

Mazkur sinovlar 10-aprel tungi soat 00:00 da boshlanib, 11-aprel tongi soat 06:00 gacha davom etadi.

«9-IM» qozonxonasi boshqaruvidagi issiqlik tarmoqlari quyidagi ko‘chalarni qamrab oladi: Taqachi, Guliston, Shirin, Lutfiy, Katta halqa yo‘li, O‘rikzor, Katta Xirmontepa, Kichik halqa yo‘li, Beshqayrag‘och, To‘qimachi, Nashriyot, Yusuf Sakkokiy, Foziltepa, Farhod ko‘chalari, Sharq, Al-Xorazmiy-1,2, Beshqayrag‘och, Guliston, Izza dahalari, Chilonzor dahasi 7, 13 – 15, 21 – 25, 30, 31-mavzelari hamda O‘rikzor bozori hududi.

Shuningdek, «ToshIEM» (M-5, M-8) qozonxonasi boshqaruvidagi tarmoqlar quyidagi hududlarda...

O‘zbekistonda avtomobilni ro‘yxatdan o‘tkazish xarajatlari oshgani ma’lum bo‘ldi. Bunga asosiy sabab – davlat raqam belgilari uchun undiriladigan boj stavkasining ko‘tarilgani sifatida qaralmoqda, deb yozadi Avtostrada nashri.

Endilikda raqam olish uchun to‘lanadigan summa 3,5 BHM o‘rniga 5,5 BHM etib belgilangan. Shu bois avtomobilni rasmiylashtirish umumiy qiymati sezilarli darajada qimmatlashgan.

Haydovchilarning aytishicha, yangi tariflar haqida oldindan rasmiy e’lon berilmagan. Ko‘pchilik bu o‘zgarishlardan faqatgina avtomobilni rasmiylashtirish jarayonida – to‘lov kvitansiyasida yangi summani ko‘rganidan keyin xabar topgan.

Yangi tartibga ko‘ra, endi foydalanilgan avtomobilni ro‘yxatdan o‘tkazishda eski davlat raqamlarini saqlab qolish imkoni yo‘q. Ya’ni avtomobilni hisobga qo‘yishda majburiy ravishda yangi raqam olish va buning...

Uzbekistan Airways yonilg‘i narxi oshib borayotganiga qaramay, aviachiptalar keskin qimmatlashishining oldini olishga harakat qilmoqda. Bu haqda kompaniya Kursiv Uzbekistan’ga ma’lum qildi.

Aviakompaniya vakiliga ko‘ra, hozircha samolyot yonilg‘isi ichki bozordan barqaror yetkazib berilmoqda va bu yo‘nalishda muammo kuzatilmayapti. Shu sababli chipta narxlarini keskin oshirish rejalashtirilmagan.

Biroq kompaniya kelgusida tariflar qayta ko‘rib chiqilishi ehtimolini ham inkor etmadi. Chunki aviatsiya yonilg‘isi narxlari global bozordagi vaziyatga bog‘liq bo‘lib, ularning o‘zgarishini oldindan aniq taxmin qilish qiyin.

Xalqaro havo transporti assotsiatsiyasi (IATA) ma’lumotlariga ko‘ra, 3-aprel holatiga dunyoda aviatsiya yonilg‘isining o‘rtacha narxi bir barrel uchun $209 ni tashkil etgan. Bu esa mart oyidagi $157lik ko‘rsatkichga nisbatan sezilarli...

Bitkoin asoschisi Satoshi Nakamoto aslida Buyuk britaniyalik tadbirkor Adam Bek (Adam Back) bo‘lishi mumkinligi haqidagi taxminlar ommalashdi. New York Times jurnalistlari bu borada bir yarim yil davomida tergov olib bordi.

Maqola mualliflari Bekning ko‘plab elektron xatlari va onlayn nashrlarini Satoshi xabar va postlari bilan solishtirib, ular orasida sezilarli o‘xshashliklar mavjudligini qayd etgan. Ushbu tahlilda Bekning Satoshi faol bo‘lgan davrdagi internetdagi onlayn faolligi ham hisobga olingan.

Adam Bek kriptovalyuta olamida noma’lum shaxs emas. Britaniyalik tadbirkor kriptografiya sohasida ham yetuk mutaxassis sifatida tanilgan. Ma’lumki, u internetda Satoshi Nakamoto bilan muloqot qilgan va aynan 1997-yilda Hashcash tizimini ishlab chiqqan. Bu tizim...

AQShning yetakchi yarim o‘tkazgich ishlab chiqaruvchisi Intel Ilon Mask boshchiligidagi SpaceX va Tesla kompaniyalari bilan hamkorlikka kirishdi. Bu haqda Tech Crunch xabar berdi.

Texas shtatida yangi yarim o‘tkazgich zavodini qurish loyihasida Intel ham ishtirok etadi. Uning loyihaga qo‘shadigan hissasi hozircha noma’lum. Kompaniya X’dagi rasmiy postida o‘zining yuqori unumdorlikdagi chiplarni loyihalash va ishlab chiqarish qobiliyati Terafabning yillik 1 TW hisoblash quvvatini yaratish maqsadini tezlashtirishga yordam berishini ma’lum qildi.

Mart oyida Ilon Mask SI hisoblash, sun’iy yo‘ldoshlar va SpaceX rejalashtirayotgan kosmik ma’lumotlar markazi uchun chiplar ishlab chiqish hamda avtonom Tesla avtomobillari va robotlarni qo‘llab-quvvatlash maqsadida kompaniyalar o‘rtasida hamkorlik e’lon qilgan...

Jahon boks kengashi (WBC) professional bokschilarning yangilangan reytingini e’lon qildi. Ro‘yxatning turli vazn toifalarida O‘zbekistonning besh nafar vakili kuchli o‘nlikka kiritildi.

O‘ta og‘ir vazn toifasi (+90,7 kg)da ishtirok etayotgan ikki karra Olimpiada va jahon chempioni Bahodir Jalolov WBC reytingida 10-o‘rinni egallab turibdi. Ushbu vazn toifasida dastlabki 3 ta o‘rinni mos ravishda Lourens Okoli, Mozes Itauma va Entoni Joshua band etgan.

Ikkinchi o‘rta vazn toifasi (76,2 kg)da «Bully» laqabi bilan tanilgan Bektemir Meliqo‘ziyev ketma-ket g‘alabalari evaziga yangilangan ro‘yxatda 5-o‘rindan joy oldi. Mazkur vaznning peshqadamlari qatorida Diyego Pacheko, Luka Planchich hamda Yakob Bank qayd etilgan bo‘lsa, mutlaq chempionlik maqomi Saul Alvaresga...

O‘zbekiston fuqarolar uchun Rossiyada issiqxona yo‘nalishida ish o‘rinlari taklif etilmoqda. Mazkur vakansiya Qadam Global xususiy bandlik agentligi orqali e’lon qilingan bo‘lib, ish beruvchi Rossiyadagi Globaltreydkomplekt kompaniyasi hisoblanadi. Bu haqda Migratsiya agentligi xabar berdi.

Taklifga ko‘ra, umumiy hisobda 250 nafar ishchi bir yil muddatga mehnat shartnomasi asosida ishga qabul qilinadi. Oylik maosh 70 ming rubldan boshlanishi, shuningdek, bir oylik sinov muddati mavjudligi bildirilgan.

Nomzodlardan 18 yoshdan 60 yoshgacha bo‘lish, jismonan sog‘lom va mas’uliyatli ishlash talab etiladi. Ish beruvchi tomonidan yashash joyi, kuniga uch mahal ovqat, ish kiyimi va transport xizmati kabi sharoitlar taqdim etilishi aytilmoqda.

Ma’lum qilinishicha, mehnat shartnomasi bevosita...

Qatar poytaxti Doha shahridagi «Katara Cultural Village» majmuasi markaz direktori Xolid bin Ibrohim Al-Sulaytiyga «O‘zbek madaniyati elchisi» faxriy unvoni berildi. Bu haqda «Dunyo» AA ma’lum qildi.

«Katara Cultural Village» Dohadagi eng yirik va nufuzli madaniy markazlardan biri hisoblanadi. U zamonaviy infratuzilmasi, amfiteatri, opera teatri va turli san’at maskanlari bilan ajralib turadi. Majmua turli madaniyatlar o‘rtasida g‘oyalar almashinuvi va ijodiy hamkorlikni rivojlantirishga xizmat qiladigan noyob maydon sifatida e’tirof etilgan.

Taqdirlash marosimida Xolid Al-Sulaytiy O‘zbekiston prezidenti, Madaniyat vazirligi va o‘zbek xalqiga minnatdorlik bildirdi. U mamlakatimizning boy madaniy merosini yuqori qadrlashini ta’kidlab, «O‘zbek madaniyati elchisi» unvoni uning uchun katta sharaf va...