Yangiliklar

Telegram messinjeri o‘zining navbatdagi yangilanishini e’lon qildi. Ushbu yangilanishda ilova ichida bir qator AI bilan bog‘liq bo‘lgan xizmatlar taqdim etiladi. Bu haqda messenjer rasmiy sayti xabar berdi.

Yangi qo‘shilgan imkoniyatlardan biri shundaki, Telegram botlari sifatida yaratilgan AI yordamchilari va avtomatlashtirilgan vositalarni endi har qanday shaxsiy yoki guruh chatida @ belgisi orqali zikr qilish mumkin bo‘ladi, hatto ular a’zo bo‘lmasalar ham.

Bu botlar so‘rovni qayta ishlagach, bevosita o‘sha chatda javob beradi. Ular faqat o‘zlari belgilangan xabarga va unga yozilgan javoblarga kira oladi, boshqa xabarlarni o‘qiy olmaydi.

Botlar endi nafaqat foydalanuvchilarga, balki boshqa botlarga ham javob berish imkoniyatiga ega. Bu avtonom...

O‘zbekistonning oltin-valyuta zaxiralari 2026-yil 1-may holatiga $70,9 mlrdni tashkil qildi. Bu ko‘rsatkich 1-aprelga nisbatan $1,9 mlrdga oshganini ko‘rsatadi.

«Oʻzbekiston Respublikasining yalpi xalqaro zaxiralari hajmi 2026-yil aprel oyida $1,9 mlrdga oshdi. Xususan, oy davomida oltin narxining $4,5 mingdan $4,6 minggacha oshishining ta’siri $1,0 mlrd oshishni tashkil etdi», – deyiladi regulyator izohida.

O‘sish xorijiy valyutadagi aktivlar hisobiga ham yuz berdi. Ularning hajmi aprel oyidagi $7,6 mlrddan $8,7 mlrdga oshdi. Naqd valyuta va depozitlar hajmi ham o‘sib, $6 mlrddan $7,2 mlrdga yetdi.

Shu bilan birga, oltin zaxiralari ham ko‘tarildi. Aprel oyida $60,8 mlrd bo‘lgan oltin qiymati may boshida...

Instagram’da mashhur blogerlar va oddiy foydalanuvchilarning obunachilari keskin kamayib ketgani kuzatildi. Ijtimoiy tarmoq foydalanuvchilari bu holatni katta tozalash deb atamoqda, deb yozdi VC.ru nashri.

Ma’lumotlarga ko‘ra, platformada o‘n millionlab akkauntlar o‘chirib tashlangan bo‘lishi mumkin. Bu jarayon dunyo yulduzlari auditoriyasiga ham sezilarli ta’sir ko‘rsatgan. Xususan, Kayli Jenner 15 million, Krishtianu Ronaldu 8 million, Selena Gomez va Ariana Grande 6 milliondan, Jastin Biber esa 5 million obunachisini yo‘qotgan. Blackpink guruhi auditoriyasi ham 10 millionga kamaygan.

Obunachilar sonining kamayishi oddiy foydalanuvchilarda ham kuzatilmoqda. Ayrim mualliflar yuzlab, boshqalari esa o‘n minglab kuzatuvchisidan ayrilganini yozmoqda.

Meta kompaniyasi hozircha bu holat yuzasidan rasmiy izoh bermagan...

Shvetsiyaning Malmyo shahrida bo‘lib o‘tgan «Tepe Sigeman – 2026» turnirida o‘zbekistonlik shaxmatchi Nodirbek Abdusattorov mag‘lubiyatsiz ishtirok etib, kuchli uchlikdan joy oldi. Turnir chempionligi esa norvegiyalik Magnus Karlsenga nasib etdi.

Nodirbek Abdusattorov turnir davomida barqaror o‘yin namoyish etdi. U 7 tur natijasiga ko‘ra, 1 ta g‘alaba va 6 ta durang qayd etib, jami 4 ochko jamg‘arishga muvaffaq bo‘ldi. Bironta ham partiyada mag‘lub bo‘lmagan hamyurtimiz yakunda kuchli uchlikka kirdi.

Turnir g‘olibligi norvegiyalik shaxmat afsonasi Magnus Karlsenga nasib qildi. Klassik bahslarning so‘nggi turida 14 yoshli turkiyalik Yagiz Kaan Erdogmusni mag‘lub etgan Karlsen hindistonlik Arjun Erigaisi bilan bir xil – 5 ochko to‘pladi...

Amir Temur xiyoboni atrofida aqlli svetoforlar o‘rnatilib, yo‘llarning o‘tkazuvchanligi soatiga 6 mingtagacha avtomobilga yetkaziladi. Bu haqda Toshkent shahrida Yo‘l harakatini tashkil etish markazi xabar berdi.

Loyiha «Shahar piyodalar uchun» tamoyili asosida ishlab chiqilgan bo‘lib, unda avtomobillar oqimi, jamoat transporti, piyodalar yo‘nalishlari hamda hududning kelajakdagi rivojlanishi kompleks tarzda hisobga olingan.

Loyiha doirasida «Sayilgoh» (Brodvey)dan Amir Temur xiyoboniga olib boruvchi o‘tish qismidagi metall to‘siqlar olib tashlanadi. Ularning o‘rniga piyodalar uchun to‘siqsiz muhit yaratilib, aqlli svetofor tizimi o‘rnatiladi.

Bundan tashqari, Maxtumquli ko‘chasi — Forumlar saroyi hududi, Amir Temur ko‘chasi hamda Temuriylar tarixi davlat muzeyi tomonidagi kirish qismlarida piyodalar uchun maxsus xavfsizlik...

«Real Madrid» klubi futbolchilari Federiko Valverde va Orelen Chuameni o‘rtasida yuzaga kelgan mushtlashuv ortidan Valverde shifoxonaga yotqizildi, deb xabar bermoqda Sky Sports.

«Real Madrid futbol klubi ertalabki mashg‘ulot paytida Federiko Valverde hamda Orelen Chuameni o‘rtasida ro‘y bergan vaziyat yuzasidan surishtiruv ishlarini boshlanganini ma’lum qiladi», – deyiladi klub bayonotida.

Klub rahbariyati va futbolchilar o‘rtasida inqirozli vaziyatni muhokama qilish maqsadida favqulodda yig‘ilish o‘tkazilgan. Xabarlarga ko‘ra, 6-may kungi mashg‘ulot oxirida yuzaga kelgan kelishmovchilik bir kun o‘tib jismoniy to‘qnashuvga aylanib ketgan. «Real Madrid» har ikki futbolchiga nisbatan intizomiy ish ochgan.

Klub bayonotida Valverdeda miya chayqalishi tashxisi qo‘yilgani...

O‘zbekiston musulmonlari idorasi Ulamolar kengashi aholini qabristonlarni obod qilish va ziyorat odoblariga rioya etishga chaqirdi.

Murojaatda ajdodlar xotirasini e’zozlash, qabristonlarni toza va tartibli saqlash xalqimizning ezgu qadriyatlaridan biri ekani ta’kidlangan. Qayd etilishicha, qabristonlar nafaqat dafn joyi, balki insonni hayot va oxirat haqida o‘ylashga undaydigan maskan hisoblanadi.

Shuningdek, ayrim hududlarda qabristonlar qarovsiz qolayotgani, yo‘laklar va hududlar ta’mirtalab holga kelgani qayd etildi. Shu sababli «Qabristonlarni obod qilish dolzarb oyligi» tashabbusi ilgari surildi.

Ulamolar kengashi masjidlar, mahallalar va nuroniylarni qabristonlarni tozalash, obodonlashtirish va ziyorat madaniyatini oshirish ishlarida faol bo‘lishga chaqirdi.

Murojaatda ziyoratchilar qabristonda odob saqlashi, qabrlarga oyoq bosmasligi, marhumlar haqqiga duo va...

O‘zbekistonda 9-may — Xotira va qadrlash kuni dam olish kuniga to‘g‘ri kelgani sababli, besh kunlik ish haftasida ishlovchilar uchun dam olish kuni 11-may – dushanbaga ko‘chirildi.

Shu munosabat bilan Maktabgacha va maktab ta’limi vazirligi 11-may kuni umumta’lim maktablarida dars mashg‘ulotlari o‘tkazilishini ma’lum qildi. Bunda boshlang‘ich sinf o‘quvchilari uchun ushbu tartib amal qilmaydi.

Davlat maktabgacha ta’lim tashkilotlarida esa 11-may dam olish kuni hisoblanadi.

Shuningdek, nodavlat ta’lim muassasalarida ish va dam olish kunlari ichki tartib-qoidalarga muvofiq belgilanishi qayd etildi.

Ma’lumot uchun, 9-may, shanba kuni barcha xodimlar uchun dam olish kuni hisoblanadi. 10-may, yakshanba kuni esa barcha uchun odatiy dam olish...

Google kompaniyasi o‘zining yangi ekransiz fitnes-bilaguzugi Fitbit Air’ni rasman taqdim etdi. Bu haqda Google rasmiy sayti ma’lum qildi.

Yangi bilaguzuk Whoop kabi ekransiz qurilmalarning analogi hisoblanadi. Unda qadamlar, yurak urishi, uyqu sifati, qondagi kislorod miqdori hamda teri haroratini kuzatuvchi standart datchiklar majmuasi mavjud. Fitbit Air bir marta quvvatlanganda qariyb bir hafta uzluksiz ishlashi mumkin.

Ekran o‘rniga bilaguzukda quvvat darajasini ko‘rsatuvchi svetodiodli indikator va bildirishnomalar uchun tebranish dvigateli o‘rnatilgan. Qurilma oldindan buyurtma qilish uchun $99 narxda mavjud. Xaridorlarga Google uch oylik Health Premium obunasini sovg‘a sifatida taqdim etadi. Almashtiriladigan tasmalar esa $35 dan sotuvga chiqariladi.

Shu bilan birga, kompaniya yangilangan...

Tijorat banklari tomonidan 8-may kungi xorijiy valyutalarni ayirboshlash kurslari yangilandi. «Kursiv» eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Avvalroq Kursiv Uzbekistan 8-may uchun valyutalar kursi e’lon qilingani haqida yozgandi.

O‘zbekistonda 9-may – Xotira va qadrlash kuni munosabati bilan bayram oldi ish kuni qisqartiriladi. Shu sababli 8-may kuni xodimlar odatdagidan bir soat oldinroq ishni yakunlashlari mumkin.

Bu tartib Mehnat kodeksining 187-moddasida belgilangan bo‘lib, unga ko‘ra bayram arafasidagi ish kuni kamida bir soatga kamaytiriladi.

Biroq ishlab chiqarish jarayoni uzluksiz davom etadigan yoki ish vaqtini qisqartirish imkoniyati bo‘lmagan tashkilotlarda ortiqcha ishlangan vaqt keyinchalik qo‘shimcha dam olish vaqti yoki qo‘shimcha haq to‘lash orqali qoplanadi.

Ma’lumot uchun, 9-may, shanba kuni barcha xodimlar uchun dam olish kuni hisoblanadi. 10-may, yakshanba kuni esa barcha uchun odatiy dam olish kuni bo‘lib qoladi. 11-may, dushanba kuni haftasida...

O‘zbekistonda joriy yilning 11-aprelidan 4-mayigacha o‘tkazilgan chet tilini bilish darajasini aniqlash malaka imtihoni natijalari 12-may kuni e’lon qilinishi ma’lum bo‘ldi. Bu haqda Ta’lim nazorati Telegram kanali xabar berdi.

Prezidentning 2025-yil 24-dekabrdagi PF-257-son Farmoniga muvofiq, 9-may – Xotira va qadrlash kuni shanba kuniga to‘g‘ri kelgani sababli 11-may dushanba kuni qo‘shimcha dam olish kuni etib belgilangan. Shu sababli imtihon natijalarini e’lon qilish 12-mayga ko‘chirilgan.

Talabgorlar o‘z natijalarini @milliy_sertifikat_natijabot Telegram-boti orqali bilishlari mumkin. Shuningdek, ular muvaffaqiyatli o‘tgan taqdirda elektron sertifikatni ushbu bot orqali yuklab oladilar. Ushbu imtihon chet tili bo‘yicha milliy sertifikatga ega bo‘lish istagidagi nomzodlar uchun o‘tkazilgan.

Avvalroq Kursiv Uzbekistan buxgalterlarning...

AQSh harbiylari Eronning Qeshm orolidagi porti va Bandar-Abbos shahriga zarba berdi. Biroq AQSh rasmiylari bu harakatlarni mamlakatlar o‘rtasidagi urushning qayta boshlanishi deb hisoblamaydi. Bu haqda Reuters xabar bermoqda.

Eronning OAViga ko‘ra, AQSh zarbalari natijasida Qeshm orolidagi Bahman savdo pirsiga zarar yetgan. Shu bilan birga, Eron harbiy-dengiz floti Hormuz bo‘g‘ozi yaqinida uchta AQSh esminesiga hujum qilgan. Eron tomonining ta’kidlashicha, ushbu chora AQSh harbiylarining Eron neft tankeriga qilgan hujumiga javoban amalga oshirilgan.

AQSh Markaziy qo‘mondonligi (CENTCOM) o‘z navbatida ushbu zarbalar «o‘zini mudofaa qilish maqsadida» amalga oshirilganini ma’lum qildi. Qayd etilishicha, Hormuz bo‘g‘ozi orqali O‘mon ko‘rfaziga yo‘l olgan uchta AQSh esminesiga Eron...

8-may sanasi jahon tarixida siyosiy arboblarning dunyoga kelishi, musiqa olamidagi unutilmas relizlar hamda sport afsonalarining tavalludi bilan yodda qolgan. Kursiv Uzbekistan kunning eng muhim voqealarini xronologik tartibda taqdim etadi.

1884-yili AQShning 33-prezidenti Garri Trumen dunyoga keldi. U Ikkinchi jahon urushini tugatish va sovuq urushning boshlanish davridagi eng asosiy siyosiy arboblardan biri hisoblanadi. Uning prezidentligi davrida BMT tashkil etilgan va Yevropani iqtisodiy tiklash bo‘yicha qator xalqaro dasturlar amalga oshirilgan.

1932-yilda og‘ir vazn toifasidagi afsonaviy amerikalik bokschi, jahon chempioni Sonni Liston tavallud topdi. U o‘zining qaqshatqich zarbalari bilan nom qozongan bo‘lib, ayniqsa, Muhammad Ali bilan o‘tkazgan tarixiy janglari orqali boks...

Huawei kompaniyasi yangi avlod ultra-yupqa flagman planshetini rasman taqdim etdi. Bu haqda Gizmochina nashri ma’lum qildi.

Kompaniya ma’lumotiga ko‘ra, ushbu model 4,7 mm qalinlik va 499 gramm og‘irlik bilan bozordagi eng yupqa va eng yengil flagman planshet sifatida taqdim etilgan.

Qurilma 13,2 dyuymli OLED PaperMatte displey bilan jihozlangan bo‘lib, 3K aniqlik, 144 Gts yangilanish chastotasi va 1600 kandel/m² maksimal yorqinlikni taqdim etadi. Planshet old tomonida 12 megapikselli kamera, orqa panelida esa 50 megapikselli asosiy kamera o‘rnatilgan. Shuningdek, qurilma klaviatura va stilus kabi qo‘shimcha aksessuarlarni qo‘llab-quvvatlaydi.

Energiya ta’minoti 10 400 mA/soat sig‘imli akkumulyator orqali ta’minlanadi va ishlab chiqaruvchi ma’lumotiga...

8-may kuni O‘zbekistonning aksariyat hududida yog‘ingarchilik kutilmaydi. Harorat esa hududlarga qarab kechasi 11–24°, kunduzi 22–40° atrofida bo‘ladi.

Quyida ob-havo ma’lumoti viloyatlar kesimida:

To‘lovga qobiliyatsizlik ishlari agentligi tashkil etiladi

To‘lovga qobiliyatsizlik ishlari agentligi tashkil etiladi. 2026-yil 6-may kuni prezidentning «To‘lovga qobiliyatsizlik institutini yanada takomillashtirish chora-tadbirlari to‘g‘risida»gi farmoni qabul qilindi.

Davomi…

Shahar jamoat transporti yagona aglomeratsiya tizimiga o‘tkaziladi

O‘zbekistonda jamoat transporti tizimini yanada rivojlantirish va xizmat sifatini oshirish ishlari yuzasidan Shavkat Mirziyoyevga taqdimot amalga oshirildi. Unda shahar jamoat transportining yagona aglomeratsiya tizimiga o‘tkazilishi ma’lum qilindi.

Davomi…

Toshkent avtobuslarida konditsionerlar 7-maydan ishga tushadi

Poytaxt bo‘ylab jamoat transportlarida sovitish tizimi 7-maydan boshlab bosqichma-bosqich yoqiladi. Bu haqda «Toshshahartransxizmat» kompaniyasi xabar berdi.

Davomi…

Harbiy kursantlarga sun’iy intellekt va IT chuqur o‘qitiladi

O‘zbekistonda harbiy kadrlar tayyorlash tizimida...

Parvoz vaqtida yuqori tezlikdagi internet xizmatini taqdim etish maqsadida 37 ta aviakompaniya SpaceX kompaniyasiga tegishli Starlink sun’iy yo‘ldosh internetini joriy etmoqda.

Ushbu ro‘yxatga Aer Lingus, Air Baltic, Air Busan, Air Canada, Air Dolomiti, Air France, Air New Zealand, Air Seoul, Alaska Airlines, Asiana Airlines, Austrian Airlines, British Airways, Brussels Airlines, Discover Airlines, Edelweiss Air, Emirates, Eurowings, flydubai, Gulf Air, Hawaiian Airlines, Iberia, ITA Airways, Jin Air, JSX, Korean Air, LEVEL, Lufthansa, Qatar Airways, Scandinavian Airlines, Singapore Airlines, Southwest Airlines, SWISS, United Airlines, Virgin Atlantic, Vueling, WestJet va ZipAir kabi yirik xalqaro aviakompaniyalar kiradi.

Investor Sawyer Merrittning ta’kidlashicha, Starlink...

Davlat tibbiyot muassasalari faoliyatini yagona tartib asosida nazorat qilish maqsadida ular uchun majburiy litsenziyalash tizimi joriy etiladi. Bu haqda Adliya vazirligi ma’lum qildi.

Qarorga ko‘ra, davlat tibbiyot muassasalariga litsenziya berish hamda ularda litsenziya talablari va shartlariga rioya etilishini nazorat qilish tizimi yo‘lga qo‘yiladi. Shu bilan birga, davlat tibbiyot muassasalari uchun litsenziya olish majburiy etib belgilandi.

Belgilangan muddatlarga muvofiq, respublika darajasidagi davlat tibbiyot muassasalari 2027-yil 1-aprelga qadar, hududiy darajadagi muassasalar 2028-yil yakuniga qadar, tuman va shahar darajasidagi davlat tibbiyot muassasalari esa 2030-yil yakuniga qadar litsenziya olishi shart bo‘ladi.

Shuningdek, 2028-yil 1-apreldan boshlab Davlat tibbiy sug‘urtasi jamg‘armasi bilan tibbiy xizmatlar...

O‘zbekistonda faoliyat yuritayotgan nodavlat umumiy o‘rta ta’lim tashkilotlari soni bir yil ichida 96 taga ko‘payib, 551 tani tashkil etdi. Bu haqda Milliy statistika qo‘mitasi ma’lum qildi.

Unga ko‘ra, mazkur ko‘rsatkich avvalgi o‘quv yiliga nisbatan 21,1 foizga oshganini ko‘rsatadi. Hududlar kesimida eng ko‘p nodavlat umumta’lim tashkilotlari Toshkent shahrida – 145 ta hamda Farg‘ona viloyatida – 121 ta qayd etilgan.

Shuningdek, Samarqand viloyatida 43 ta, Andijon va Namangan viloyatlarida 37 tadan, Buxoro viloyatida 32 ta, Qashqadaryo viloyatida 31 ta, Toshkent viloyatida 30 ta, Xorazm viloyatida 26 ta, Sirdayo viloyatida 17 ta, Jizzax viloyatida 12 ta, Qoraqalpog‘iston Respublikasida 10 ta, Navoiy...

O‘zbekistonda jamoat transporti tizimini yanada rivojlantirish va xizmat sifatini oshirish ishlari yuzasidan Shavkat Mirziyoyevga taqdimot amalga oshirildi. Unda shahar jamoat transportining yagona aglomeratsiya tizimiga o‘tkazilishi ma’lum qilindi.

Unga ko‘ra, oxirgi uch yilda poytaxt va viloyat markazlariga 2650 ta zamonaviy elektrobus va avtobus olib kelinib, brutto-shartnoma asosida 279 ta muntazam yo‘nalish yo‘lga qo‘yildi.

Natijada har kuni yo‘nalishga chiqayotgan avtobuslar soni 3 150 taga yetdi. Kunlik qatnovlar soni 2022-yildagi 18 mingdan 45,2 mingtagacha, yo‘lovchilar oqimi esa 900 mingdan 2,3 mln nafargacha oshdi. Shu jarayonda 4,8 mingta yangi ish o‘rni yaratildi.

Jamoat transportini rivojlantirishga doir kelgusi vazifalar

Urbanizatsiya jarayonlari tezlashgani...

Fuqarolar uchun diniy mazmundagi materiallar va rasmiy ma’lumotlarni tezkor tekshirish imkonini beruvchi yangi Telegram bot ishga tushirildi. Bu haqda Din ishlari bo‘yicha qo‘mita ma’lum qildi.

Endilikda @dinuzbbot maxsus chat boti orqali diniy mazmundagi materiallarning holati haqida tezkor va qulay tarzda xabardor bo‘lish mumkin. Tizim taqiqlangan yoki ruxsat etilgan kontent bo‘yicha ochiq ma’lumotlarni taqdim etishga xizmat qiladi.

Botning Taqiqlangan profillarni tekshirish bo‘limi orqali Oliy sud qaroriga asosan taqiqlangan ijtimoiy tarmoq profillari haqida ma’lumotlar beriladi. Unda profil nomi, ijtimoiy tarmoq, xulosa va izoh kabi ma’lumotlar aks ettiriladi.

Diniy adabiyotlarni tekshirish bo‘limida esa adabiyot nomi, muallif, nashriyot, chop etilgan sanasi hamda...

Yaponiyada parvarishlash sohasida ishlash istagidagi ayollar uchun bepul ta’lim va ishga joylashish imkonini beruvchi grant dasturi ishga tushirildi. Bu haqda Migratsiya agentligi ma’lum qildi.

Agentlik hamda Yaponiyaning Onodera User Run kompaniyasi hamkorligida ayol va qizlar uchun parvarishlash sohasida ishlash imkoniyati taklif etilmoqda. Dastur doirasida Toshkent shahrida 6 oy davom etadigan o‘quv kurslari tashkil etiladi va ta’lim mutlaqo bepul grant asosida amalga oshiriladi.

Dasturda 18 – 35 yosh oralig‘idagi nomzodlar ishtirok etishi mumkin bo‘lib, hamshiralik sohasi vakillariga ustunlik beriladi. O‘qish davomida ishtirokchilar uchun zarur sharoitlarga ega turarjoy ham ta’minlanadi.

Shuningdek, dastur doirasida yapon tilini noldan o‘rganish imkoniyati yaratiladi. Viza...

Toshkentda yo‘l infratuzilmasidagi yangi inshoot ishga tushirilishi munosabati bilan beshta avtobus yo‘nalishlarining harakat sxemasiga o‘zgartirishlar kiritildi. Bu haqda O‘zA ma’lum qildi.

Avtobuslarda tashish xavfsizligini ta’minlash hamda Bektemir yo‘li va Katta halqa yo‘li ko‘chalarida yo‘l inshooti qurilib, avtotransport harakati yo‘lga qo‘yilgani sababli 93, 110, 117, 128 va 130-sonli avtobus yo‘nalishlarining «Food city» savdo markazidan qaytish yo‘nalishi o‘zgartirildi.

Yangi tartibga ko‘ra, ushbu yo‘nalishlar 2026-yil 6-maydan boshlab Katta halqa yo‘li, ko‘prik osti yo‘li, ko‘prik ustiga chiqish qo‘shimcha yo‘l bo‘lagi hamda Bektemir yo‘li ko‘chalari orqali bir tomonlama harakatlanadi.

39-sonli avtobus yo‘nalishining esa bir tomonlama harakati o‘zgarishsiz qoldirilib, Katta halqa yo‘li va Furqat...