Yangiliklar

Navoiy viloyatining Nurota tumanida sodir bo‘lgan yo‘l-transport hodisasi oqibatida bir kishi halok bo‘ldi, bir nechta voyaga yetmagan bolalalar jarohatlandi. Bu haqda Yo‘l harakati xavfsizligi xizmati xabar berdi.

Unga ko‘ra, hodisa 5-may kuni «Yangi hayot» MFY hududidan o‘tuvchi mahalliy ahamiyatdagi yo‘lning 8 – 9-kilometr oralig‘ida yuz bergan. 1992-yilda tug‘ilgan haydovchi Matiz rusumli avtomobilni tegishli hujjatlarsiz boshqarib ketayotgan bo‘lgan. Tajribasizlik va chalg‘ish oqibatida u rul boshqaruvini yo‘qotib, yo‘lning chap tomoniga chiqib ketgan va transport vositasi ag‘darilgan.

Oqibatda haydovchi og‘ir tan jarohatlari bilan shifoxonaga olib borilgan, biroq ko‘rsatilgan tibbiy yordamga qaramay vafot etgan. Avtomobilda bo‘lgan 14 nafar voyaga yetmagan yo‘lovchi esa turli...

AQSh va Eron o‘rtasidagi urushni yakunlash hamda yadroviy dastur bo‘yicha muzokaralarga asos yaratuvchi memorandum imzolanishi arafasida turibdi. Bu haqda Axios nashri manbalarga tayanib xabar bermoqda.

14 banddan iborat memorandum loyihasi AQSh maxsus vakillari Stiv Uitkoff hamda Jared Kushner tomonidan Eron rasmiylari bilan kelishilmoqda. Hujjatda urushni to‘xtatish, Hormuz bo‘g‘ozini ochish, sanksiyalarni bekor qilish va Eron bandargohlari qamalini olib tashlash bo‘yicha 30 kunlik muzokaralar boshlanishi nazarda tutilgan.

Muzokaralar Islomobod yoki Jenevada o‘tkazilishi kutilmoqda va jarayon to‘xtab qolsa, AQSh harbiy harakatlarni qayta tiklash huquqini saqlab qoladi. Kelishuvga ko‘ra, Eron yadro qurolidan voz kechishi, yuqori darajada boyitilgan uranni mamlakatdan olib chiqishi va BMTning...

O‘zbekistonlik bir guruh vatandoshlar Eron hududidan Turkmaniston orqali tranzit tarzda vatanga olib kelindi. Bu haqda «Dunyo» axborot agentligi xabar berdi.

Unga ko‘ra, Ashxobod va Tehron shaharlaridagi diplomatik vakolatxonalar Turkmaniston idoralari bilan hamkorlikda barcha tashkiliy masalalarni qisqa muddatda hal qilgan. Natijada 41 nafar fuqaro chegaradagi maxsus punktlarda kutib olinib, ularning xavfsiz ravishda uyiga yetib kelishi ta’minlangan.

Rasmiylar ta’kidlashicha, xorijdagi har bir O‘zbekiston fuqarosining huquq va manfaatlarini himoya qilish ustuvor yo‘nalishlaridan biri bo‘lib qoladi.

Avvalroq «Kursiv» nashri AQShdan 26 nafar o‘zbekistonlik vatanga deportatsiya qilingani haqida yozgandi.

Germaniyada transport va logistika sohasida malakali mutaxassislar uchun yangi ish imkoniyatlari e’lon qilindi. Bu haqda Migratsiya agentligi ma’lum qildi.

«Talantum Group xususiy bandlik agentligi» ma’lumotiga ko‘ra, Germaniyaning Myunxen shahrida uzoq muddatli mehnat shartnomasi asosida ish o‘rinlari taklif etilmoqda.

Loyihaga muvofiq, jami 50 ta bo‘sh ish o‘rni mavjud. Taklif etilayotgan lavozimlar orasida lokomotiv mashinisti, xom-ashyo yuklash operatori hamda ombor logistika xodimi kabi yo‘nalishlar bor. Oylik maosh 2 – 3 ming yevro miqdorida belgilangan.

Nomzodlarga qo‘yilgan talablar orasida 20 – 45 yosh oralig‘i, soha bo‘yicha o‘rta maxsus yoki oliy ma’lumot hamda ish tajribasi mavjud bo‘lishi ko‘rsatilgan. Shuningdek, nemis tilini «A...

7-may uchun valyutalar kursi yangilandi. Unga ko‘ra, dollar kursi yana 37,07 so‘mga oshib, 12 074,28 so‘mni tashkil qildi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.

Dollarning so‘nggi kunlardagi o‘zgarishi

Dollar 30-aprel kuni 54,41 so‘mga tushib, 11 974,79 so‘mni, 1-may kuni esa yana 37,19 so‘mga tushib, 11 937,60 so‘mga tenglashdi. So‘ng kurs ko‘tarildi. 4-may kuni dollar 15,13 so‘mga oshib, 11 952,73 so‘mni, 5-may kuni 40,8 so‘mga oshib, 11 993,53 so‘mni va 6-may kuni yana 43,68 so‘mga oshib, 12 037,21 so‘mni tashkil qildi.

Markaziy bank ma’lumotlariga ko‘ra, yevro 147,17 so‘mga oshib, 14 218,67 so‘mni, rubl esa...

Janubiy Koreyada Samsung kompaniyasining marhum rahbari Li Kun Xi oilasi rekord miqdordagi meros solig‘ini to‘lashga majbur bo‘ldi. Bu haqda BBC nashri xabar berdi.

Ma’lum qilinishicha, ular umumiy hisobda qariyb 12 trillion von, ya’ni taxminan $8 milliard miqdorida soliq to‘lagan.

Li Kun Xi 2020-yilda vafot etganidan so‘ng uning aktivlari 26 trillion von ($17,8 milliard) atrofida baholangan. Ushbu meros tarkibiga aksiyalar, ko‘chmas mulk hamda qimmatbaho san’at asarlari kirgan. Janubiy Koreya qonunchiligiga ko‘ra, meros solig‘i stavkasi juda yuqori bo‘lib, ayrim hollarda mulkning qariyb yarmigacha yetadi.

Shu sababli oilaga soliqni to‘liq to‘lash uchun 6 yil muddat berilgan. Ushbu davr mobaynida ular davlatga san’at...

O‘zbekistonda sanoat, radiatsiya va yadro xavfsizligi qoidalari buzilishi haqida xabar bergan fuqarolarni rag‘batlantirish tizimi joriy etilmoqda. Bu haqda Adliya vazirligi ma’lum qildi.

2026-yil 1-avgustdan boshlab xavfli ishlab chiqarish obyektlari va texnik qurilmalardan foydalanishda aniqlangan huquqbuzarliklar haqida Sanoat, radiatsiya va yadro xavfsizligi qo‘mitasiga foto va (yoki) videomateriallar orqali xabar berish tizimi yo‘lga qo‘yiladi. Mazkur tartib orqali murojaat qilgan shaxslarni rag‘batlantirish ham nazarda tutilgan.

Qaror bilan tasdiqlangan nizomga muvofiq, taqdim etiladigan materiallarda huquqbuzarlikning mohiyati, sodir etilgan manzil (geolokatsiya), sana va vaqt aniq ko‘rsatilgan bo‘lishi shart. Bu talablar kelib tushgan ma’lumotlarni tezkor va aniq ko‘rib chiqish imkonini beradi.

Axborot tizimi orqali...

Telegram asoschisi Pavel Durovning bayonotidan so‘ng Toncoin kriptovalyutasi narxi ikki kun ichida 53 foizga oshib, $2 ga yetdi. Bu haqda CoinMarketCap xabar berdi.

Ma’lumotga ko‘ra, Toncoin kapitalizatsiya bo‘yicha dunyodagi eng yirik 20 ta kriptovalyuta qatoriga kirib, 18-o‘rinni egalladi.

Kriptovalyutaning kunlik savdo hajmi $120 mln dan $929 mlngacha oshgan. Bozor qiymati esa $5,4 mlrdni tashkil qilmoqda.

$2 narx Toncoin uchun so‘nggi besh oydagi eng yuqori ko‘rsatkich bo‘ldi. Oxirgi marta bunday narx 2025-yil noyabr oyida qayd etilgan edi.

Pavel Durov 4-may kuni TON tarmog‘idagi komissiyalar deyarli nol darajagacha tushganini ma’lum qilgan. Uning aytishicha, bu ekotizim rivojlanishining yangi bosqichini boshlaydi.

Shuningdek...

O‘zbekistondagi oliy ma’lumotli hamshiralarga Milan shahrida ishlash uchun yangi dastur e’lon qilindi. Bu haqda Migratsiya agentligi xabar berdi.

Dasturga ko‘ra, nomzodlar avvalo Perugia universiteti bilan hamkorlikda tashkil etilgan italyan tili kurslarida tahsil oladi. Ta’lim jarayoni onlayn shaklda 7 oy davom etadi va ishtirokchilar uchun qulay jadval asosida olib boriladi. Muhimi, o‘qish xarajatlari Migratsiya agentligi tomonidan qoplanadi.

Kursni muvaffaqiyatli yakunlagan ishtirokchilar Italiyada tibbiyot sohasida ish bilan ta’minlanadi. Ma’lumotlarga ko‘ra, ish haqi o‘rtacha 1800 yevroni tashkil qiladi. Dastur allaqachon ishga tushirilgan bo‘lib, dastlabki qatnashchilar Yevropa tibbiyot standartlari asosida bilim va ko‘nikmalarni egallashga kirishgan.

Avvalroq «Kursiv» nashri o‘zbekistonlik shifokor va quruvchilar Saudiya...

Qatar Airways’da ishlash uchun 65 nafar o‘zbekistonlik tanlab olinadi. Migratsiya agentligi, Tashqi ishlar vazirligi va O‘zbekistonning Qatardagi elchixonasi vakillari Doha shahrida mehnat migratsiyasi bo‘yicha uchrashuvlar o‘tkazdi.

Qatar mehnat vaziri Ali bin Saeed bilan muzokaralarda tibbiyot, turizm, aviatsiya va axborot texnologiyalari sohalarida talab yuqori ekani muhokama qilindi. Shuningdek, O‘zbekistonda Qatar standartlari asosida maxsus tayyorlov kurslarini tashkil etish masalasi ko‘rib chiqildi.

Uchrashuv yakunida Qatar Bandlik va Sog‘liqni saqlash vazirliklari vakillarining O‘zbekistonga tashrifi, idoralararo ishchi guruh tuzish hamda tibbiyot xodimlarini tayyorlash bo‘yicha maxsus dastur yaratishga kelishildi.

Qatar davlat bandlik tashkiloti – Jusour bilan muzokaralarda esa 2026-yil sentabr oyida Toshkentda «O‘zbekiston — Qatar...

Janubiy Koreyada mamlakat sobiq prezidenti Yun Sok Yolning rafiqasi, sobiq birinchi xonim Kim Kon Xi bilan bog‘liq sud ishini ko‘rgan sudya o‘lik holda topildi. Bu haqda CNA nashri xabar berdi.

Politsiya ma’lumotiga ko‘ra, Seul yuqori sudida faoliyat yuritgan sudya Shin Jong-o 6-may kuni tungi soat taxminan 01:00 atrofida sud binosida hushsiz holda topilgan. U zudlik bilan shifoxonaga olib borilgan, biroq shifokorlar uning vafot etganini aytgan.

Huquq-tartibot idoralari vakillari o‘limda zo‘ravonlik alomatlari aniqlanmaganini ma’lum qildi. Mahalliy OAV sudya tomonidan o‘z joniga qasd qilish bilan bog‘liq xat qoldirilgani haqida xabar bergan bo‘lsa-da, tergovchi bu ma’lumotni tasdiqlamadi.

Ma’lumot uchun, sudya Shin Jong-o o‘tgan oy...

Osiyo taraqqiyot banki va ACWA Power tomonidan Buxoro viloyatida quvvati 300 megavatt bo‘lgan shamol elektr stansiyasini barpo etish uchun jami $116 million ajratiladi. Bu haqda bankning rasmiy sahifasida ma’lum qilindi.

Moliyalashtirish paketi bir nechta manbadan shakllantiriladi, Jumladan, OTB tomonidan ajratiladigan kreditlar, tijorat banklari mablag‘lari hamda infratuzilmani rivojlantirish fondi hissasi. Bank loyiha doirasida nafaqat investor, balki ekologik va ijtimoiy standartlar bo‘yicha ham muvofiqlashtiruvchi sifatida ishtirok etadi.

Bash-2 deb nomlangan ushbu loyiha avval amalga oshirilgan shamol energetikasi dasturining davomi bo‘ladi. Stansiya tarkibiga 39 ta zamonaviy shamol turbinalari kiradi, ularning har biri yuqori quvvatda elektr energiyasi ishlab chiqarishga mo‘ljallangan. Shuningdek, yangi podstansiya...

Samarqand viloyatining Nurobod tumanidagi 50 ming gektarlik hududda pista plantatsiyalarini tashkil etish bo‘yicha keng qamrovli loyiha amalga oshiriladi. Bu haqda Ekologiya va iqlim o‘zgarishi milliy qo‘mitasi ma’lum qildi.

Ma’lum qilinishicha, 2026 – 2036-yillar davomida tumanda jami 50 ming gektar maydonda pista plantatsiyalari tashkil etish rejalashtirilgan. Joriy yilning o‘zida 5 ming gektar maydonda intensiv plantatsiyalar barpo qilish, suv ta’minoti infratuzilmasini yaratish va zamonaviy agrotexnologiyalarni joriy etish ko‘zda tutilgan. Bahorgi mavsumda esa 252 gektarda ko‘chatdan, 290 gektarda urug‘dan pista ekilgan.

Loyihaning dastlabki bosqichida 500 ta yangi ish o‘rni yaratish rejalashtirilmoqda. Mutaxassislarning ta’kidlashicha, agrotexnik talablar asosida pista daraxtlari 6-7 yilda hosilga...

O‘zbekistonda suv va alkogolsiz ichimliklarni raqamli markirovkalash tizimidagi agregatsiya mexanizmini joriy etish kechiktiriladi. Biznes-ombudsman Abdumannop Buriyev prezident topshirig‘i bilan tadbirkorlarni qiynayotgan 15 ta tizimli muammo o‘rganilib, davlat rahbariga taqdim etilganini ma’lum qildi.

Uning aytishicha, so‘nggi paytda tadbirkorlar eng ko‘p ko‘tarayotgan masalalardan biri markirovkalash tizimi bo‘lgan. Xususan, ichimlik suvi ishlab chiqaruvchi korxonalar yangi tizimga to‘liq tayyor emasligi aytilgan.

«2026-yilning 1-aprelidan boshlab markirovkalash tizimi yoʻlga qoʻyilgan. Ayniqsa, suv mahsuloti ishlab chiqaruvchi korxonalarga bu ta’sir oʻtkazyapti va bu boʻyicha ham bizda hali korxonalarimizni tahlil qilganimizda koʻrdikki, 10 ta katta yirik ishlab chiqaruvchi boʻladigan boʻlsa, ya’ni 90% bozorni egallagan, shundan beshtasi...

Samsung kompaniyasi Galaxy S26 smartfonlari uchun One UI 8.5 tizimining yangi versiyasini Yevropada tarqatishni boshladi. Bu haqda Tarun Vats xabar berdi.

Yangilanish avval Janubiy Koreyada chiqarilgan edi. Endilikda u boshqa hududlarda ham bosqichma-bosqich paydo bo‘lmoqda.

Yangi versiya S948BXXU2AZDE va S948BOXM2AZDE raqamlari bilan chiqdi.

Kompaniya ma’lumotiga ko‘ra, yangilanishda tizimning umumiy barqarorligi va ishlash ishonchliligi yaxshilangan.

Xavfsizlik darajasi esa o‘zgarmagan. Smartfonlarda 2026-yil aprel oyidagi xavfsizlik patchi saqlab qolingan.

Eslatib o‘tamiz, avvalroq Samsung kompaniyasining foydasi birinchi chorakda 750 foizdan oshgani xabar qilingandi.

Hisobotga ko‘ra, kompaniya daromadi 133,9 trln von ($89,96 mlrd)ni tashkil etdi. Operatsion foyda esa 57,2 trln von...

Volkswagen Golf R 24H modeli rasmiy ravishda taqdim etildi va u brend tarixidagi eng ekstremal Golf sifatida baholanmoqda. Bu haqda Motor1 nashri xabar berdi.

Yangi avtomobil, ayniqsa, Germaniyadagi mashhur Nürburgring trassasida o‘tkaziladigan poygalar uchun tayyorlanmoqda.

Ushbu loyiha Volkswagen tomonidan Max Kruse Racing jamoasi bilan hamkorlikda ishlab chiqilgan bo‘lib, R seriyasining 25 yilligiga bag‘ishlangan.

Yangi Volkswagen Golf R 24H tashqi ko‘rinishi bilan oddiy Golf modellaridan keskin farq qiladi. Unda kengaytirilgan kuzov, katta aerodinamik spoyler, old qismda yirik splitter, kuchaytirilgan diffuzor va g‘ildirak kamarlarining kengaytirilgan dizayni mavjud. Orqa qismida esa poyga talablariga mos ravishda yengillashtirilgan panel o‘rnatilgan.

Avtomobilning texnik qismi haqida...

Erondagi urush va Hormuz bo‘g‘ozining to‘sib qo‘yilishi oqibatida aprel oyida jahon neft zaxiralari rekord darajada qisqardi. Talabning pasayishiga qaramay, global miqyosdagi yo‘qotish kuniga 6,6 mln barrelni tashkil etgan. Bu haqda S&P Global Energy tahlilchilariga tayanib, DW xabar bermoqda.

Neftga bo‘lgan talab kuniga 5 mln barrelga tushib ketdi. Bu kuzatuvlar tarixidagi ikkinchi eng yirik pasayish bo‘lib, bundan kattaroq qulash faqat COVID-19 pandemiyasi davrida qayd etilgan edi. Goldman Sachs ekspertlarining ta’kidlashicha, global neft zaxiralari so‘nggi 8 yildagi eng past darajaga yaqinlashmoqda.

Argus agentligi ma’lumotlariga ko‘ra, aprel oyida Shimoliy Yevropada aviatsiya yonilg‘isi zaxiralari so‘nggi olti yillik minimumga tushgan. Financial Times nashri esa...

BMW X5 G65’ning yangi avlodi 2026-yil avgust oyida ishlab chiqarishga qo‘yiladi. Bu haqda Autohome nashri xabar berdi.

Unga ko‘ra, yangi X5 Neue Klasse dizayn uslubida ishlab chiqiladi va o‘lchamlari biroz kattalashadi. Standart versiya taxminan 5 metrga yaqin uzunlikka ega bo‘ladi. Model uchun bir nechta kuzov ranglari – oq, qora, kulrang, yashil va ko‘k tuslar taklif etiladi.

Eng muhim yangiliklardan biri dvigatel variantlarining kengaytirilganidir. Yangi X5 uchun jami besh xil kuch tizimi tayyorlanmoqda: benzinli, dizelli, plug-in gibrid, to‘liq elektr va hatto vodorodli versiya.

Benzinli model 3,0 litrli dvigatel va yumshoq gibrid tizim bilan jihozlanadi. Gibrid versiyalarda esa elektr va benzin...

Qozog‘iston 2027-yilga borib Rossiyadan elektr energiyasi import qilishni butunlay to‘xtatishni rejalashtirmoqda. Bunga mamlakat ichida keng ko‘lamli yangi energiya quvvatlarining ishga tushirilishi asos qilib olinmoqda.

Ma’lumotlarga ko‘ra, mamlakatda energiya defitsiti bosqichma-bosqich qisqarib bormoqda. Xususan, 2024-yilda Rossiyadan 2,1 mlrd kV energiya xarid qilingan bo‘lsa, 2025-yilda bu ko‘rsatkich taxminan 1,5 mlrd kVtni tashkil etgan. 2026-yilga kelib esa import hajmini 1 – 1,2 mlrd kVtgacha kamaytirish ko‘zda tutilgan.

«Yangi energiya obyektlarining ishga tushirilishi bilan 2026-yil oxiriga kelib Rossiyadan elektr energiyasi xarid qilishni to‘xtatishimiz mumkin», – dedi Qozog‘iston energetika vaziri o‘rinbosari Sungat Yesimxanov.

Vazirlik vakilining qo‘shimcha qilishicha, hozirda Rossiyadan...

2026-yilning aprel oyi holatiga ko‘ra, O‘zbekiston hududlari bo‘ylab 1 kg palov tayyorlash uchun zarur bo‘lgan oziq-ovqat mahsulotlarining o‘rtacha qiymati hisoblab chiqildi. Bu haqda Milliy statistika qo‘mitasi xabar bermoqda.

Qo‘mita hisobotiga ko‘ra, palov tayyorlash uchun eng yuqori xarajat Toshkent shahrida qayd etilgan bo‘lib, u 122,5 ming so‘mni tashkil qiladi. Undan keyingi o‘rinlarni Farg‘ona (120,2 ming so‘m) va Samarqand (118 ming so‘m) viloyatlari egallagan. Eng arzon ko‘rsatkich esa Qoraqalpog‘iston Respublikasida 102,2 ming so‘m etib belgilangan.

Boshqa hududlardagi ko‘rsatkichlar o‘rtacha 109 ming so‘mdan 117 ming so‘mgacha bo‘lgan oraliqda o‘zgarib turadi. Xususan, xarajatlar Sirdaryo viloyatida 109 092 so‘m, Andijonda 111,2 ming so‘m, Xorazmda...

AQSh qamog‘ida saqlanayotgan Venesuelaning sobiq prezidenti Nikolas Maduro o‘g‘li bilan ilk bor telefon orqali muloqot qildi. Suhbat davomida sobiq davlat rahbari Kataloniyaning «Barselona» klubi Chempionlar ligasidan chiqib ketganidan qattiq g‘azablangan. Bu haqda El Pais nashri xabar bermoqda.

Muloqot davomida Maduro avvalo oilasi, Milliy Assambleya va mamlakatdagi oziq-ovqat holati haqida so‘ragan. Shundan so‘ng u o‘g‘lidan qiziqish bilan «Barselona»ning Chempionlar ligasidagi natijalari haqida so‘ragan. O‘g‘li esa klub musobaqaning chorak finalida «Atletiko»ga yutqazgani haqida aytgan.

«Jin ursin, bu qanday sharmandalik», – deya munosabat bildirgan sobiq prezident o‘z g‘azabini yashirmay.

Ma’lumot o‘rnida, «Barselona» 2025/26-yilgi mavsum turnirini chorak final...

Interpolning O‘zbekistondagi Milliy markaziy byurosi xalqaro hamkorlik doirasida qidiruvdagi shaxsni Peru Respublikasidan O‘zbekistonga olib kelish jarayonini amalga oshirdi. Bu haqda Ichki ishlar vazirligi xabar berdi.

Unga ko‘ra, ushbu fuqaro Jinoyat kodeksining 168-moddasi 4-qismi bilan nazarda tutilgan, o‘ta yirik miqdordagi firibgarlik jinoyatini sodir etishda ayblanmoqda. U uzoq vaqt davomida Peru hududida yashirinib yurgan va xalqaro qidiruvga berilgan.

Ekstraditsiya jarayoni Interpolning O‘zbekiston va Peru Milliy markaziy byurolari, shuningdek, O‘zbekiston Bosh prokuraturasi hamda Peru Adliya vazirligi hamkorligida amalga oshirildi. Jarayonga tranzit davlatlar sifatida Fransiya va Birlashgan Arab Amirliklari ham ko‘maklashgan.

Avvalroq «Kursiv» nashri BAAda qo‘lga olingan xalqaro qidiruvdagi o‘zbekistonliklar Toshkentga ekstraditsiya qilingani...

Toshkent «Brodveyi» — Sayilgoh ko‘chasi va unga tutash hududlarni kompleks yangilash rejalashtirilmoqda. Bu haqda poytaxt hokimligi matbuot xizmati xabar berdi.

Loyiha doirasida Sayilgoh ko‘chasi, xiyobonlar, yashil hududlar, piyodalar yo‘laklari va boshqa infratuzilma obyektlari bosqichma-bosqich rekonstruksiya qilinadi.

Toshkent hokimligi ma’lum qilishicha, loyihada piyodalar yo‘laklari va qoplamalari yangilanadi, yoritish tizimi modernizatsiya qilinadi, favvoralar ta’mirlanadi hamda ko‘kalamzorlashtirish ishlari olib boriladi.

Shuningdek, yangi o‘rindiqlar, chiqindi qutilari va boshqa kichik infratuzilma elementlari o‘rnatiladi. Videokuzatuv tizimlari ham joriy qilinadi.

Hududdagi noqonuniy qurilmalar olib tashlanadi, reklama va peshlavhalar yagona dizayn talablari asosida tartibga solinadi.

Mutaxassislar mavjud daraxtlarni ko‘rikdan o‘tkazmoqda. Bundan tashqari, kamida ming tup yangi daraxt...

O‘zbekistonda yuqori texnologik tibbiyot markazlarini tashkil etish uchun tadbirkorlarga $200 million miqdorida imtiyozli kredit liniyasi yo‘lga qo‘yiladi. Bu haqda prezident farmonida keltirib o‘tildi.

Yangi qarorga asosan, «O‘zmilliybank» AJ tomonidan $200 million miqdorida imtiyozli kredit liniyasi ochiladi. Ushbu mablag‘lar Qoraqalpog‘iston Respublikasi va viloyat markazlaridan tashqari tuman va shaharlar, shuningdek, chegara hududlarida zamonaviy klinikalar qurish uchun ajratiladi. Kreditlar 10 yil muddatga, 3 yil imtiyozli davr bilan taqdim etilib, yillik foiz stavkasi Markaziy bank asosiy stavkasidan 3 foiz band yuqori bo‘ladi.

Shuningdek, loyiha tashabbuskorlariga boshqa tijorat banklari orqali ham kredit ajratish imkoniyati beriladi. Klinikalarni barpo etgan tadbirkorlar uchun esa Tadbirkorlikni rivojlantirish kompaniyasi...