Yangiliklar

Bu yil o‘zbekistonlik yo‘lovchilar orasida o‘tgan yilga nisbatan biznes-klass chiptalarini bron qilish 36 foizga ko‘paygan. Bu haqda Aviasales.uz «Kursiv» nashriga xabar berdi.

Unga ko‘ra, har bir parvoz uchun o‘rtacha to‘lov 11,7 million so‘mni tashkil etgan. Bu o‘tgan yilga nisbatan 9 foizga yuqori.

Eng ko‘p talab yuqori qulaylikni ta’minlovchi yo‘nalishlarga bo‘lmoqda. Ulardan, ayniqsa, Dubay yo‘nalishi ajralib turadi. Bu yo‘nalishdagi chipta narxi 35 foizga ko‘tarilgan.

Shuningdek, Seul va Istanbul yo‘nalishlarida ham sezilarli narx o‘sishi kuzatilgan. Faqatgina Moskva yo‘nalishida chipta narxi 2 foizga kamaygan.

So‘nggi uch yilda qayd etilgan eng qimmat parvozlar esa uzoq masofali va nufuzli yo‘nalishlarga to‘g‘ri kelmoqda. 2023-yilda...

O‘zbekiston Markaziy bank ma’lumotlariga ko‘ra, 25-iyun kuni dollar kursi 75,53 so‘mga yuqorilab, 12 531,78 so‘m qilib belgilandi.

 16-iyun kuni 1 dollar 12 715,13 so‘m bo‘lgan bo‘lsa, 17-iyunda 12 668,14 so‘mga tushdi. AQSh valyutasi 18-iyunda 12 618,63 so‘mga pastladi. 19-iyun kuni dollar yana biroz arzonlab, 12 559,26 so‘mni tashkil etdi.

Oxirgi ma’lumotlarga ko‘ra, 20-iyun kuni dollar kursi 12 496,94 so‘mga tenglashdi. 23-iyun kuni dollar kursi 85,95 so‘mga yuqorilab, 12 410,99 so‘m qilib belgilandi.

Shuningdek, Markaziy bank ma’lumotlariga ko‘ra, yevro 76,41 so‘mga oshib, 14 538,12 so‘mni, rubl esa 1,46 so‘mga oshib, 159,82 so‘mni tashkil qildi.

Qaysi banklarda AQSh...

AQSh prezidenti Donald Tramp NATO sammiti doirasida jurnalistlarga bergan bayonotida, Isroil agentlari AQSh zarbasidan keyin Erondagi Fordo yadroviy obyektiga kirgani va u yerda to‘liq vayronagarchilik yuz berganini aytdi. Bu haqda Times of Israel xabar bermoqda. Unga ko‘ra, missiya a’lo darajada bajarilgan.

«Isroil harbiylari zarbadan keyin ichkariga kiradigan yigitlarga ega va ular bu joy butunlay yo‘q qilinganini aytishdi», – dedi Tramp.

Uning so‘zlariga ko‘ra, Isroil hozirda bu bo‘yicha hisobot tayyorlamoqda. Baza to‘liq yo‘q qilingani aytilmoqda. Amera rahbariga ko‘ra, Eron hech narsani qutqara olmagan.

AQSh mudofaa vaziri Pit Hegseth ham bu operatsiyani «mukammal missiya...

Xalqaro valyuta jamg‘armasi (XVJ) O‘zbekiston hukumatiga banklarni xususiylashtirish jarayonini qayta boshlashni tavsiya etdi. Bu haqda XVJning O‘zbekiston moliyaviy sektori bo‘yicha hisobotida bayon etilgan.

Jamg‘arma ilgari amalga oshirilgan aktivlar savdosi asosida yangi xususiylashtirish bosqichini boshlash zarurligini ta’kidladi.

Hisobotda sotuvga qo‘yilayotgan aktivlar sifati bo‘yicha hisobotlarning aniqligini oshirish kerakligi ta’kidlandi. Shuningdek, korporativ boshqaruvni mustahkamlash va bank sohasi bo‘yicha tajribaga ega investorlarni jalb qilish bo‘yicha choralar ko‘rib chiqilishi lozimligi aytildi.

Shuningdek, hisobotda ijtimoiy dasturlar doirasida ajratilayotgan to‘g‘ridan to‘g‘ri va imtiyozli kreditlarning samaradorligi bo‘yicha ochiq ma’lumotlar mavjud emasligi tanqid qilindi. Shu bois, ushbu kreditlar taqsimotida shaffoflikni oshirish uchun ochiq platforma yaratish taklif etildi.

Konditsionerli kichik elektromobil taqdim etildi. Bu haqda Microlino kompaniyasi xabar berdi.

Kompaniya shahar uchun mo‘ljallangan elektromobilning ikki yangi yozgi versiyasini taqdim etdi: Spiaggina seriyasi va Cool & Connect paketi bilan jihozlangan model. Taqdimot Shveysariyaning Syurix ko‘li bo‘yida o‘tkazilgan.

Spiaggina versiyasi o‘tgan asrning plyaj avtomobillari uslubida ishlab chiqilgan – yon va orqa oynalarsiz ochiq kuzovga ega. Matodan tayyorlangan olinadigan tom va dengiz uslubidagi interyer unga kurort ruhini bag‘ishlaydi. Elektr zaxirasi 177 km gacha, kuzov ranglari esa Italiya sohillaridan ilhomlangan.

Ikkinchi versiya esa kundalik shahar hayoti uchun qulaylikni ta’minlashga qaratilgan. Microlino ilk bor to‘liq konditsioner tizimi bilan jihozlanmoqda. Cool & Connect...

UzAuto Motors Asakadagi zavodning konveyeridan besh millioninchi avtomobili, ya’ni Onix modelini chiqardi. Bu haqda kompaniya matbuot xizmati xabar berdi.

Kompaniyaning avtomobil ishlab chiqarish tarixida har bir millionlab avtomobil: 2008-yilda Lacetti, 2014-yilda Gentra, 2018-yilda Spark, 2022-yilda esa Tracker modeli bo‘lgan. 2025-yilda bu model Onix bo‘ldi.

Ma’lumot uchun, yil boshidan beri O‘zbekistonda 16 215 dona Onix ishlab chiqarilgan. Bu ko‘rsatkich o‘tgan yilning shu davriga nisbatan 8,8 foizga o‘sgan.

Shuningdek, may oyida ko‘p foydalanilgan Onix narxi $800 ga arzonlagan.

Toshkentdagi yer usti metro yo‘nalishi qurilishi davomida bir qator kamchilik va xatoliklar aniqlangan. Bu haqda Bosh prokuratura ma’lum qildi.

«Texnopark – Qipchoq» stansiyalari oralig‘ida olib borilayotgan qurilish ishlari joyiga chiqib tekshirildi. Ushbu qurilish ishlari «O‘zbekiston temir yo‘llari» AJ buyurtmasi asosida pudratchi «Ko‘prikqurilish» AJ tomonidan amalga oshirilmoqda.

O‘rganish jarayonida aniqlangan kamchilik va xatolarni bartaraf etish, ishlarni loyiha talablariga muvofiq qayta ko‘rib chiqish va belgilangan muddatda sifatli yakunlash bo‘yicha mas’ullarga topshiriqlar berilgan.

Bundan tashqari, Bosh prokuratura mazkur yo‘nalishdagi ishlar doimiy nazoratga olinganini ham qo‘shimcha qilgan.

Ma’lumot uchun, «Texnopark» metro bekati 2020-yilda, «Qipchoq» esa 2024-yilda foydalanishga topshirilgan. Ayni paytda ushbu ikki bekat...

BYD’ning premium brendi Yangwang o‘zining kuchli elektr Yangwang U9 avtomobili bilan 2025-yil iyul oyida Germaniyaning mashhur Nurburgring Nordschleife trekiga yana qaytadi. Bu haqda CarNewsChina nashri xabar bermoqda. Maqsad – avvalgi natijalarni yangilash.

2024-yilda U9 mashinasi 391,94 km/soat tezlik bilan Xitoy mashinalari orasida rekord o‘rnatgan va Nürburgringda 7 daqiqa 17,900 soniya natijani ko‘rsatgan edi.

Yangi testlar oldidan muhandislik sinov avtomobillari Germaniyaga yetkazildi. Texnik jamoa esa ATP poligonida tayyorgarlik ko‘rganidan so‘ng Nürburgring trekiga chiqadi.

Bu poyga yo‘li dunyodagi eng murakkab trassalardan biri hisoblanadi.

Kompaniya vakillariga ko‘ra, 2024-yil davomida muhim texnologiyalar ustida ishlangan. Natijada kuchli test ma’lumotlari jamlangan va ular U9’ning...

iRonCub3 nomli ucha oladigan qutqaruv roboti sinovdan o‘tkazildi. Bu haqda Italiya texnologiya instituti xabar berdi.

Ushbu loyiha institut tarkibidagi Sun’iy va mexanik intellekt guruhi tomonidan ishlab chiqilmoqda. Unda avvalgi sun’iy intellekt tadqiqotlari uchun mo‘ljallangan, bolaga o‘xshash ikki oyoqli iCub roboti asos qilib olingan va unga reaktiv dvigatellar yordamida uchish imkoniyati qo‘shilmoqda.

Bundan tashqari, robot qo‘llari insonnikiga o‘xshash bo‘lib, faqat JetCat olov purkagichlari bilan almashtirilgan. Qurilmadan olinadigan maksimal tortish kuchi 1 000 N (taxminan 225 funt-kuch), chiqayotgan gazlar harorati esa 800 daraja (1 472 °F) ga yetadi.

«iRonCub3 – bu loyihaning oldingi versiyalariga nisbatan katta...

TBC Uzbekistan O‘zbekistondagi barcha faoliyatini muvofiqlashtiruvchi yangi bosh kompaniya «TBC Digital» AJni tashkil qildi. Bu haqda kompaniya «Kursiv»ga ma’lum qildi.

TBC Uzbekistan CEO Nika Kurdiani rahbarligidagi boshqaruvchi kompaniya — «TBC Digital» AJda Kuzatuv kengashi shakllantirilganini e’lon qildi. TBC Digital’ga TBC PLC (79,7%), Xalqaro moliya korporatsiyasi (XMK – 10,15%) va Yevropa tiklanish va taraqqiyot banki (YTTB – 10,15%) birgalikda egalik qiladi.

Kengash raisi etib TBC Bank Group xalqaro biznes yo‘nalishi rahbari Oliver Xyuz tayinlandi. U ilgari Tinkoff bankida va Visa International’da yuqori lavozimlarda faoliyat yuritgan. Xyuz O‘zbekistonni raqamli bank xizmatlari uchun dunyodagi eng istiqbolli bozorlardan biri deb atadi.

Shuningdek...

Samsung AQShdagi operatorga bog‘langan Samsung Galaxy S24 telefonlariga iyun 2025 xavfsizlik yangilanishini tarqatmoqda. Bu haqda Sammobile xabar bermoqda.

Yangilanish Galaxy S24, S24+ va S24 Ultra modellariga tegishli.

Yangi dasturiy ta’minot S92xUSQS4BYF2 raqamli firmvare versiyasiga ega. U ko‘plab xavfsizlik muammolarini tuzatadi. Bu yangilanish ilgari xalqaro modellarga ham chiqarilgan edi.

Telefoningiz modelini bilmoqchi bo‘lsangiz, «Sozlamalar → Qurilma haqida» bo‘limiga kiring. Agar model raqamida SM-S921U, SM-S926U yoki SM-S928U ko‘rsatilgan bo‘lsa, sizda AQSh uchun mo‘ljallangan operator versiyasi bor.

Yangilanishni ikki usulda o‘rnatish mumkin:

Shuningdek...

O‘zbekiston Mo‘g‘ulistonga 200 ming dollarlik qishloq xo‘jaligi mahsuloti eksportini rejalashtirmoqda. Bu haqda Qishloq xo‘jaligi vazirligi xabar berdi.

O‘zbekiston Qishloq xo‘jaligi vaziri Ibrohim Abdurahmonov Mo‘g‘uliston Oziq-ovqat, qishloq xo‘jaligi va yengil sanoat vaziri Jadambe Enxbayar bilan uchrashdi.

Uchrashuvda ikki tomonlama hamkorlikning yangi yo‘nalishlari bo‘yicha muhim kelishuvlarga erishildi. Mo‘g‘ulistonda sug‘oriladigan yerlar faqat bir foiz (100 ming gektar)ni tashkil qilishi inobatga olinib, bu boradagi salohiyat to‘liq ishlatilmayotgani ta’kidlandi.

Shu munosabat bilan O‘zbekiston bu boradagi tajribasi bilan o‘rtoqlashishga tayyor ekanini bildirdi. Tomonlar sabzavot, poliz ekinlari, kartoshka va g‘allani moslashtirish, yetishtirish va seleksiya qilish bo‘yicha hamkorlik qilishga kelishib oldi.

Hamkorlikning dastlabki bosqichida Mo‘g‘ulistonga...

Budjet planshetlar tanlovida asosiy e’tibor quvvat, ekran sifati va narx-moslikka qaratiladi. Palach nashri 5 ta eng yaxshi budjet planshetlarni taqdim qildi.

Ekspertlar tomonidan tuzilgan reytingga ko‘ra, budjet toifasidagi eng yaxshi beshta planshet orasida Xiaomi Redmi Pad 2 modeli hamyonbop narxi va yaxshi xususiyatlari bilan ajralib turadi. Ushbu qurilma kuchli o‘yinlar uchun mo‘ljallanmagan bo‘lsa-da, Helio G100 protsessori kundalik foydalanish uchun yetarli darajada ishlaydi. Uning 11 dyuymli, 90 Gs yangilanish chastotasiga ega displeyi kontent tomosha qilishni yanada yoqimli qiladi. 9000 mA/soat sig‘imga ega katta batareya esa uzoq muddatli ishlashni ta’minlaydi. 4 ta karnay yordamida ovoz sifati ham yetarlicha yaxshi.

Huawei MatePad...

Oppo o‘zining Reno14 seriyasiga yangi model – Oppo Reno14 F ni qo‘shdi. Avval Reno14 va Reno14 Pro modellari mavjud edi, endi esa ularning soni uchtaga yetdi. Bu haqda GSMArena xabar bermoqda.

Yangi Reno14 F modeli Snapdragon 6 Gen 1 chipi bilan jihozlangan. U 12 GB gacha tezkor xotira (LPDDR4X) va 512 GB ichki xotira (UFS 3.1) bilan birga ishlaydi. Qurilmada Android 15 asosidagi ColorOS 15 operatsion tizimi o‘rnatilgan.

Telefon 6,57 dyuymli Full HD+ AMOLED ekran bilan ta’minlangan. Ekran 120 Hz yangilanish tezligiga ega va 1 400 nit yorqinlikka chiqadi. Ekranni ho‘l qo‘l yoki qo‘lqop bilan ham ishlatish mumkin...

Telegram asoschisi Pavel Durov messenjer jamoasiga yangi yuqori malakali dasturchi qidirilayotganini e’lon qildi.

Uning so‘zlariga ko‘ra, tanlab olingan mutaxassisga yiliga $1 million maosh taklif etiladi. Bu texnologiyalar sohasida eng yirik ish haqlaridan biri hisoblanadi.

Nomzod tanlov asosida saralanadi. Faqatgina Durov tomonidan tayyorlangan maxsus kod yozish sinovidan muvaffaqiyatli o‘tganlar suhbatga chaqiriladi.

Sinov shartlari, texnik topshiriqlar va talablar Telegram tomonidan ochilgan maxsus sahifada batafsil ko‘rsatilgan.

«Menga haqiqiy koding qahramoni kerak. Bu oson ish emas – siz xavfsiz, samarali va tezkor kod yoza olishingiz kerak», – deya izoh berdi Durov.

Tanlov 2025-yil 11-iyulga qadar davom...

Rossiya Davlat Dumasi deputati, «Yangi odamlar» partiyasidan saylangan Sardana Avksentyeva farzandlari uzrli sababsiz maktabga qatnamayotgan migrant oilalarini Rossiyadan deportatsiya qilishni taklif etdi. Bu haqda u Ichki ishlar vazirligiga yo‘llagan murojaatida ma’lum qilgan.

Uning so‘zlariga ko‘ra, Rossiyada 638 mingdan ortiq migrantlar farzandlari yashaydi, biroq ularning taxminan yarmi maktabga bormaydi. Masalan, Moskvada 80 mingdan ortiq migrant bolalari bor, lekin ularning atigi 25 mingtasi ta’lim olmoqda.

Avksentyeva bu holatni jiddiy muammo deb hisoblaydi. Unga ko‘ra, ta’limning yo‘qligi migrant bolalarning jamiyatga to‘liq integratsiyalashuviga to‘sqinlik qiladi. Bu esa o‘smirlar orasida jinoyatchilikning ko‘payishi, yopiqlikdagi etnik guruhlarning shakllanishi va kelajakda ish topishda qiyinchiliklar yuzaga kelishiga olib...

Mazda 365 ot kuchiga ega sportkar ishlab chiqaradi. Bu haqda Speedme xabar berdi.

Yorqin dizaynga ega bo‘lgan Mazda Iconic SP yangi Miata’dan alohida model sifatida ishlab chiqariladi. U kattaroq, kuchliroq va qimmatroq bo‘ladi.

Brendning muhandislik bo‘limi rahbari bu yangilik MX-5’ga qaraganda yuqoriroq toifaga mansub bo‘lishini va RX-7’ning «merosxo‘ri» sifatida qaralayotganini aytdi. Bu esa kompaniya ikki sportkarni bir vaqtning o‘zida ishlab chiqarishga jur’at qilayotganini anglatadi. Bu esa cheklangan resurslarga ega brend uchun kutilmagan, jasoratli qaror.

Iconic SP o‘lchamlari ham uning maqomini tasdiqlaydi. U Miata’dan 26 sm uzunroq va deyarli 12 sm kengroq, biroq faqat ikki o‘rinli bo‘lib qoladi. Konsept model...

Jizzax viloyatining Arnasoy tumanida o‘tkazilgan tezkor tadbirda MCHJ dorixonasida fuqaroga 15 quti kuchli ta’sir qiluvchi dori vositasi shifokor retseptisiz 4,4 mln so‘mga sotilgani aniqlandi. Bu haqda Bosh prokuratura departamenti ma’lum qildi.

Unga ko‘ra, MCHJ rahbari xarid evaziga to‘lovni o‘zining plastik kartasiga qabul qilib olgan vaqtida qo‘lga olingan.

Mazkur holat yuzasidan Jinoyat kodeksining 186-3-moddasi asosida jinoyat ishi qo‘zg‘atilib, tergov harakatlari olib borilmoqda.

Eslatib o‘tamiz, avvalroq Namanganda qalbaki AQSh dollarlarini sotayotgan shaxslar qo‘lga olingan edi.

Toshkent shahrida istiqomat qiluvchi fuqaro tomonidan uy sharoitida bir dona Nil timsohi qonunga zid tarzda saqlab kelingani aniqlandi. Bu haqda Ekologiya vazirligi axborot xizmati xabar berdi.

Vazirlik huzuridagi Davlat ekologik nazorat inspeksiyasi tomonidan o‘tkazilgan tekshiruv davomida mazkur holat tasdiqlangan. Natijada fuqaro Ma’muriy javobgarlik to‘g‘risidagi kodeksning 921-moddasi 1-qismiga asosan javobgarlikka tortilib, uning nomiga ma’muriy bayonnoma rasmiylashtirildi. Holat yuzasidan tuzilgan hujjatlar sud organlariga yuborilgan.

Aniqlangan Nil timsohi esa Toshkent hayvonot bog‘iga topshirilgan.

Eslatib o‘tamiz, Vazirlar Mahkamasining tegishli qaroriga ko‘ra, 2025-yil 1-yanvardan boshlab yovvoyi hayvonlarni jismoniy shaxslar tomonidan tutqunlikda saqlash va ularni tomosha maqsadlarida ishlatish taqiqlangan.

Avvalroq Kursiv Uzbekistan «Qizil kitob»dagi echkiemarga...

Realme kompaniyasi tomonidan Realme P3 Ultra smartfoni taqdim etilgan edi. Ushbu materialda bu modelning texnik xususiyatlari haqida hikoya qilinadi.

Telefon dizayni juda ajralib turadi. Neptune Blue va Orion Red versiyalarida sun’iy teri ishlatilgan. Glowing Lunar White modeli esa butunlay boshqacha. Uning orqa paneli oy yuzasi kabi ishlangan. Maxsus material tufayli qorong‘ida yashil rangda yorug‘lik chiqaradi.

Orqa tomonni biroz nur bilan yoritish kifoya – u qorong‘ida porlaydi. Bu effekt bolalikdagi soat ko‘rsatkichlarini eslatadi. Lekin bu funksiya vaqt o‘tishi bilan unutiladi.

Qutida telefon bilan birga g‘ilof, USB-A to USB-C kabel va 80 vattlik zaryadlovchi mavjud. Realme P3 Ultra avval Hindiston...

Markaziy bank va Omonatlarni kafolatlash agentligi bilan birgalikda sanatsiya qilish jamg‘armasini tashkil etadi. Bu haqda Adliya vazirligi xabar berdi.

Bu jamg‘arma muammoli banklarni sog‘lomlashtirish (ya’ni sanatsiya qilish) jarayonida moliyaviy qo‘llab-quvvatlashni ta’minlaydi.

Markaziy bank sanatsiya qilish to‘g‘risida qaror qabul qilinishidan oldin bankning aktivlari, majburiyatlari va balansdan tashqari moddalari bo‘yicha baholash o‘tkazilishini ta’minlaydi.

Baholash natijasida bankni tugatish taklifi berilganda, aksiyadorlar va kreditorlar duch keladigan zarar miqdori aniqlanadi. Shuningdek, sanatsiya amalga oshirilgach, ularning ko‘rgan haqiqiy zararlari ham hisoblab chiqiladi. So‘ng ularning o‘rtasidagi farq hisoblanadi.

Shu bilan birga, Markaziy bank sanatsiya jarayonidagi bank tuzgan ayrim shartnomalar bo‘yicha to‘lov va o‘tkazmalarni to‘xtatishga haqli...

Honor Magic V5 hali rasmiy taqdimotga chiqmagan bo‘lsa-da (2-iyulga belgilangan), qurilma haqida videolar paydo bo‘ldi. Bu haqda GSMArena xabar berdi.

Qutida 66 vattlik zaryadlovchi, USB A-to-C kabel va himoya g‘ilof bor. G‘ilof orqa panel va mentešaga to‘liq yopishadi, lekin old ekranni qoplamaydi. Kamera atrofida halqa mavjud bo‘lib, u tayanch (kickstand) vazifasini bajaradi.

Magic V5 buklangan holatda 8,8 mm, yozilgan holatda esa atigi 4,1 mm qalinlikda. Kamerasi orqa tomonda ancha yirik, lekin avvalgi Magic V3’dan kichikroq.

Rasmiy og‘irligi 217 gramm deb ko‘rsatilgan. Ammo videodagi tarozida u 224 gramm chiqdi – ehtimol, bunga oldindan o‘rnatilgan ekran himoyasi sabab. G‘ilof og‘irligi...

Ijtimoiy tarmoqlarda Eron va Isroil o‘rtasidagi keskinlik ortidan Eronda katta raketa tashilayotgani tasvirlangan video tarqaldi. Biroq faktlarni tekshirish bu da’voni rad etdi: video eski bo‘lib, harbiy texnikaga hech qanday aloqasi yo‘q bo‘lib chiqdi.

Hindistonlik The Quint nashri jurnalisti Rudjuta Txetening ma’lumotiga ko‘ra, ushbu video ilk bor internetda 2018-yilda paydo bo‘lgan. Unda sanoat uskunasi, ya’ni O‘zbekistondagi gazni qayta ishlash zavodiga olib borilayotgan shlam bunkeri ko‘rsatilgan.

Video ilgari ham Markaziy Osiyodagi infratuzilma loyihalarining rivoji kontekstida e’lon qilingan edi.

2025-yilda esa ushbu video kontekstdan uzib olingan holda ijtimoiy tarmoqlarda «raketa tashilmoqda» degan yolg‘on bilan yana tarqatila boshlandi. Mazkur video yuz minglab ko‘rishlar...

Shvetsiya O‘zbekistondan mehnat muhojirlarini qabul qilish imkoniyatini ko‘rib chiqmoqda. Bu haqda Migratsiya agentligi ma’lum qildi. Mazkur idora va Shvetsiya Migratsiya vazirligi ushbu yo‘nalishda hamkorlik qilish bo‘yicha deklaratsiya imzoladi.

Shvetsiya Migratsiya vaziri Yuxan Forssell imzolangan hujjatni tarixiy deb atadi. Toshkent va Stokgolmning rejalarida noqonuniy migratsiyaga qarshi kurashish masalasi ham bor.

Uchrashuv davomida tomonlar raqamli platforma yaratish va o‘zbekistonlik fuqarolarni Shvetsiyaning qurilish, logistika va tibbiyot sohalarida ishlashga tayyorlash kabi bir nechta tashabbuslarni muhokama qildi.

Migratsiya agentligining qayd etishicha, Shvetsiyada transport, qurilish, ta’lim va boshqa sohalarda mutaxassislar yetishmayapti. Shu bilan birga, O‘zbekistonda malakali kadrlar tayyorlash imkoniyati mavjud.

Avvalroq «Kursiv» nashri O‘zbekiston Rossiyaning...