3-sentabr kuni O‘zbekiston hududida harorat kechalari 13–22°, kunduzi esa 30–37° atrofida bo‘lishi kutilmoqda, tog‘li hududlarda esa biroz salqin — kechasi 9–14°, kunduzi 22–27°. Bu haqda «O‘zgidromet» agentligi ma’lum qildi.
Quyida ob-havo ma’lumoti viloyatlar kesimida:
CAFA Nations Cup – 2025 musobaqasining «A» guruhi 2-turida O‘zbekiston milliy jamoasi Toshkentdagi «Olimpiya» stadionida Turkmanistonga qarshi maydonga tushib, 2:1 hisobida g‘alaba qozondi.
Uchrashuvda «Paxtakor» hujumchisi Igor Sergeyev 37-daqiqada hisobni ochib, 44-daqiqada penaltidan ikkinchi golni urdi. Mehmonlar safida Didar Durdiyev 84-daqiqada penaltidan gol urdi. 59-daqiqada Farruh Sayfiev qo‘pollik uchun qizil kartochka olib maydondan chetlatildi.
Mazkur natijadan so‘ng O‘zbekiston 4 ochko to‘plab, guruhda Ummon bilan birinchi o‘rinni bo‘lishib turibdi. So‘nggi turda (5-sentabr kuni) O‘zbekiston Qirg‘iziston bilan Ummon esa Turkmaniston bilan to‘qnash keladi. G‘alabani yirik hisobda qo‘lga kiritgan jamoa final yo‘llanmasiga ega bo‘ladi.
Eslatib o‘tamiz, avvalroq O‘zbekiston ilk o‘yinda O‘mon bilan...
37,8 so‘mga tushgan dollar, uy-joy savdosidagi keshbek, bir qismida harakat tiklanayotgan Shota Rustaveli, Xitoy bilan imzolangan hujjatlar, yarmini aholi qoplashi kutilayotgan loyihalar — Kursiv Uzbekistan 2-sentabrning muhim yangiliklarini bir joyga jamladi.
Toshkent shahridagi Shota Rustaveli ko‘chasining Oybek metro bekatidan Birodarlik qabrlari yodgorligigacha bo‘lgan qismda asfalt-beton qoplamaning birinchi qatlami to‘liq yotqizildi.
Pekin shahrida bo‘lib o‘tgan muzokaralar yakunida Shavkat Mirziyoyev Xitoy Xalq Respublikasi Raisi Si Szinpin bilan imzolangan ikki tomonlama hujjatlarni almashish marosimi o‘tkazildi. Unga ko‘ra, uchta bitim, 11 ta muhim kelishuvga erishildi.
O‘zbekistonda avtomobillarni...
Pekin shahrida Shavkat Mirziyoyev va Rossiya prezidenti Vladimir Putin uchrashuv o‘tkazdi. Bu haqda davlat rahbari matbuot xizmati ma’lum qildi.
Unga ko‘ra, suhbat avvalida Rossiya yetakchisi davlatimiz rahbari va xalqimizni Mustaqillik kuni bilan tabrikladi.
Tomonlar O‘zbekiston – Rossiya strategik sheriklik va ittifoqchilik munosabatlarini kengaytirish, savdo-iqtisodiy hamkorlikni rivojlantirish, qo‘shma sanoat loyihalari va hududlararo aloqalarni jadallashtirish masalalarini muhokama qildilar.
Madaniyat, ta’lim, fan va san’at sohalaridagi hamkorlik ijobiy baholandi. Shuningdek, xalqaro ahamiyatga molik masalalar yuzasidan ham fikr almashildi.
Eslatib o‘tamiz, avvalroq prezident Xitoyning yetakchi energetika va yadro kompaniyalari bilan hamkorlik masalalarini muhokama qilgan edi.
Mashhur insayder Ice Universe o‘zining Weibo sahifasida iPhone 17 Pro Max’ga oid videoni e’lon qildi. Unga ko‘ra, yangi qurilma allaqachon do‘kon peshtaxtasida ko‘rinish bergan.
Rolikda tasvirlangan iPhone 17 Pro Max dizayni avvalgi ma’lumotlarga to‘liq mos keladi: orqa panelning deyarli butun kengligini egallagan yirik kamera bloki qurilmaning asosiy o‘zgarishi sifatida ajralib turibdi. Shu kabi yechim keyingi Samsung Galaxy S26 Ultra modelida ham qo‘llanilishi kutilmoqda. Bunday konstruksiya kameraga yirikroq sensorlar va obyektivlarni joylashtirish imkonini beradi.
Shuningdek, iPhone 17 liniyasi nafaqat yangilangan kameraga, balki takomillashtirilgan antennaga ega bo‘lishi haqida xabarlar tarqalmoqda. Bu esa 5G, LTE, Wi-Fi va Bluetooth aloqalarini ancha barqarorlashtirishi, shuningdek...
Xalqaro shaxmat federatsiyasi (FIDE) avgust oyiga oid yangilangan reytingni e’lon qildi. Unda Nodirbek Abdussattorov iyul oyida 7-o‘rinda bo‘lgan bo‘lsa, avgustda 11-pog‘onaga tushib ketdi. Uning reytingi 2771 dan 2748 gacha kamaydi.
Shu bilan birga, top-100 talikka yana to‘rt nafar o‘zbekistonlik grossmeyster ham kiritilgan. Javohir Sindorov 25-o‘rindan 24-o‘ringa ko‘tarilib, 2722 ochko to‘pladi.
Eng katta o‘sishni Nodirbek Yoqubboyev qayd etdi – u 59-o‘rindan 45-pog‘onaga ko‘tarilib, 2681 ochko bilan tajribali Rustam Qosimjonovni (2675) ortda qoldirdi.
Shamsiddin Vohidov esa o‘z pozitsiyasini boy berib, 76-o‘rindan 83-pog‘onaga tushdi va 2645 ochko bilan qayd etildi.
Jamoaviy reytingda O‘zbekiston shaxmat federatsiyasi 2601 ochko bilan 13-o‘rinda turibdi.
Jahon shaxmatida esa...
Pekin shahriga tashrifi doirasida Shavkat Mirziyoyev qator yirik Xitoy kompaniyalari rahbarlari bilan uchrashuvlar o‘tkazdi. Bu haqda davlat rahbari matbuot xizmati ma’lum qildi.
Unga ko‘ra, Mirziyoyev «China National Petroleum Corporation» (CNPC) direktorlar kengashi raisi Day Xoulyan bilan muzokara olib bordi. CNPC dunyoning eng yirik energetika kompaniyalaridan biri bo‘lib, O‘zbekistonga kiritilgan investitsiyalar hajmi $5 mlrddan oshgani qayd etildi. Uchrashuvda gaz saqlash inshootlari qurish, infratuzilmani modernizatsiya qilish va innovatsion texnologiyalarni joriy etish masalalari ko‘rib chiqildi.
Shuningdek, davlat yetakchisi «China National Nuclear Corporation» (CNNC) raisi Shen Yanfen bilan muloqot qildi. Atom sanoatining 70-yilligi bilan korporatsiya jamoasi tabriklandi. Muzokaralarda uran konlarini o‘zlashtirish, geologiya-qidiruv ishlari...
Farg‘ona viloyatida fuqaro tadbirkordan dorixona qurish uchun shifoxona hududidan yer ajratib berishini va’da qilib, yirik miqdordagi pora olgan paytda qo‘lga olindi. Bu haqda Bosh prokuratura departamenti ma’lum qildi.
Departamentning Bag‘dod tumani bo‘limi hamda IIB xodimlari hamkorligida o‘tkazilgan tezkor tadbirda aniqlanishicha, fuqaro «B.F.» korxonasi rahbariga ishonch hosil qilib, yer maydoni tayyor bo‘lgani va hujjatlar rasmiylashtirilishi uchun yana $3 ming talab qilgan. U soxta da’volari ortidan $1,5 ming olgan vaqtida dalillar bilan ushlangan.
Mazkur holat yuzasidan Jinoyat kodeksining 168-moddasi (firibgarlik) hamda 28 va 211-moddalari (pora berish) bo‘yicha jinoyat ishi qo‘zg‘atilib, tergov harakatlari olib borilmoqda.
Eslatib o‘tamiz, avvalroq Chegaradan 19 kg noqonuniy...
O‘zbekistonda Chevrolet Gentra (Lacetti) mashhur sedanlardan biridir. Biroq 2021-yildan keyingi Gentra modellariga nisbatan tanqidlar ham ko‘p uchraydi. Haydovchilar mashinaning texnik nuqsonlari, qulaylikdagi kamchiliklar va narx-navosiga oid e’tirozlarini ommaviy axborot vositalari hamda ijtimoiy tarmoqlarda ochiq bildirishmoqda. Kursiv Uzbekistan nashrining ushbu maqolada Chevrolet Gentra avtomobilining kamchiliklari haqida hikoya qilinadi.
Texnik kamchiliklar
Gentra dvigateli konstruktsiyasi eski bo‘lsa-da, umuman ishonchli hisoblanadi. Shu bilan birga, ba’zi kichik muammolar kuzatilgan. Masalan, gaz tarqatuvchi drossel yig‘ilganda dvigatel bo‘sh holatda notekis ishlashi mumkin.
Shuningdek, forumlarda dvigatel moy qistirgichlari va qopqog‘i atrofidan moy sizib chiqishi kabi holatlar haqida shikoyatlar ham uchragan. Ushbu motorda gidravlik kompensatorlar yo‘qligi...
Kishinyov shahrida O‘zbekiston va Moldova o‘rtasida avtomobil transportida yuk tashuvlarini rivojlantirish masalalari muhokama qilindi. Bu haqda Transport vazirligi xabar berdi.
Uchrashuvda ikki davlat vakillari avtomobil transportida xalqaro yuk tashuvlariga oid amaldagi kelishuvlarga o‘zgartirish kiritish bo‘yicha bayonnoma imzoladi.
Yangi kelishuvga ko‘ra, 2026-yil boshidan boshlab O‘zbekiston va Moldova o‘rtasida ikki tomonlama hamda tranzit yuk tashuvlari ruxsatnomasiz amalga oshiriladi.
Mazkur kelishuv Yevropa yo‘nalishida yuk tashuvlarini rivojlantirish, milliy tashuvchilarga qulaylik yaratish hamda eksport zanjiri barqarorligini ta’minlashga xizmat qiladi.
Bundan avval O‘zbekistondan o‘tadigan xorijiy yuk transportlari uchun to‘lovlar kamaytirilgandi.
Bundan tashqari, xorijiy yuk transportlarini mamlakat hududidan olib o‘tishda topshirilgan arizalar ko‘rib...
Hukumat qarori bilan «O‘zbekiston Respublikasida suv xo‘jaligi balanslarini tuzish tartibi to‘g‘risida»gi nizom tasdiqlandi.
Nizomda suv xo‘jaligi balanslari quyidagi turlarga ajratiladi:
daryolar havzalari suv xo‘jaligi balanslari; irrigatsiya tizimlari havzalari suv xo‘jaligi balanslari; iqtisodiy hududlar suv xo‘jaligi balanslari; respublikaning yagona suv xo‘jaligi balansi.Suv xo‘jaligi vazirligi va uning tizimidagi tashkilotlar balanslarni tuzish, amalga oshirish va muvofiqlashtirish bo‘yicha vakolatli organ hisoblanadi.
Bundan tashqari, balanslarda mavjud suv resurslari, suvga bo‘lgan talab, taqsimot, resurslarning yetishmasligi yoki ortiqchaligi haqida ma’lumotlar aks etadi. Shuningdek, suv xo‘jaligi balanslari elektron shaklda yuritilib, maxsus ma’lumotlar bazasi shakllantirib boriladi.
Bundan avval Koreyaning K-water kompaniyasi O‘zbekistonda suv xo‘jaligini rivojlantirishga ko‘maklashishi ma’lum...
Afg‘onistonning sharqida yuz bergan kuchli zilzila oqibatida 1124 kishi halok bo‘ldi, 3251 kishi jarohat oldi. 8000 dan ortiq uy vayron bo‘ldi. Bu haqda CNN ma’lum qildi.
Qurbonlar va vayronagarchiliklar
CNN va Afg‘oniston Qizil Yarim Oy Jamiyati ma’lumotlariga ko‘ra, zilzila oqibatida 1124 kishi halok bo‘ldi, 3251 kishi turli jarohatlar oldi. Vayron bo‘lgan uylar soni 8000 dan ortiq. Eng ko‘p zarar ko‘rgan hudud Kunar viloyati bo‘lib, kamida uchta qishloq butunlay vayronaga aylangan.
Xalqaro yordam
Afg‘onistonning hokimiyatdagi Tolibon harakati xalqaro yordam so‘radi. Bunga javoban:
BMT o‘zining CERF fondidan $5 mln ajratdi. Buyuk Britaniya 1 mln funt sterling yordam ajratishini bildirdi. Xitoy, Hindiston va Shveysariya...
O‘zbekiston 2025-yilning yanvar – iyun oylarida xorijga 130,6 ming tonna tarvuz eksport qildi. Eksport hajmi o‘tgan yilning shu davriga nisbatan 52,7 ming tonnaga ko‘proq bo‘lib, umumiy qiymati $29,9 millionni tashkil etdi. Bu haqda «Dunyo» axborot agentligi ma’lum qildi.
Milliy statistika qo‘mitasi ma’lumotlariga ko‘ra, O‘zbekiston tarvuzining eng katta xaridorlari — Rossiya (66 ming tonna), Qozog‘iston (44 ming tonna) va Qirg‘iziston (19 ming tonna) bo‘ldi. Shuningdek, Belarus (968 tonna), Mo‘g‘uliston (618 tonna), Latviya (76 tonna), Gruziya (66 tonna) va Polsha (61 tonna) bozorlariga ham yetkazib berildi. Boshqa davlatlarga esa jami 121 tonna mahsulot eksport qilindi.
Eksport hajmining o‘sishi ichki bozor narxlariga...
2-sentabrdan boshlab AI-80 benzini birja savdolariga qo‘yilmaydi. O‘rniga AI-92 benzini taklifi oshirildi.
Ta’kidlanishicha, bu choralar 2025-yilgi davlat dasturi doirasidagi prezident farmoni ijrosi bilan bog‘liq. Shu sababli 2-sentabrdan AI-80 markali benzin birjada sotilmaydi.
Kompaniya bayonotida aytilishicha, AI-92 benzini hajmlari keskin oshirilgan. Avval 1000 tonna hajmda birjaga qo‘yilgan bo‘lsa, hozir bu raqam 1720 tonnaga yetkazildi.
«Ichki bozor talabidan kelib chiqib, bu hajmni yanada oshirish imkoniyati bor», – deyiladi xabarda.
Shu bilan birga, avgust oyida tadbirkorlar xarid qilgan AI-80 benzini hajmlari sentabrda ham o‘z egalariga yetkazib beriladi. Yetkazib...
O‘zbekistonning ilk uchuvchi talabalar guruhi Koreya aerokosmik universitetida o‘qishni davom ettirish uchun jo‘nab ketdi. Bu haqda Transport vazirligi xabar berdi.
Mazkur talabalar Toshkent davlat transport universitetida 1-kursni tamomlab, endi Koreyada 2 va 3-kurslarda tahsil oladi. Ular nafaqat nazariy bilimlarni, balki parvoz amaliyotlarini ham o‘zlashtiradi.
Ushbu dastur Transport vazirligi tashabbusi bilan 2023-yilda tashkil etilgan bo‘lib, O‘zbekistonda uchuvchilik bo‘yicha milliy kadrlar zaxirasini shakllantirishga qaratilgan.
Talabalarga Koreya aerokosmik universiteti professor-o‘qituvchilari bilan bir qatorda Korean Air hamda Asiana Airlines aviakompaniyalari uchuvchi-instruktorlari tomonidan bilim beriladi.
Koreya aerokosmik universitetida 3-kursni muvaffaqiyatli bitirgan talabalar O‘zbekistonga qaytib 4-kursda parvoz amaliyotlarini davom ettiradi. O‘qishni tugatgan talabalar...
Endilikda uy-joy oldi-sotdisida yangi tartib, ya’ni keshbek tizimi joriy etishi mumkin. Bu haqda 29-avgust kuni Savdo-sanoat palatasi tomonidan qurilish sohasi vakillari bilan o‘tkazilgan ochiq muloqotda ma’lum qilindi.
Savdo-sanoat palatasi raisi Davron Vahobovning ta’kidlashicha, hozirda uy-joylarning atigi 10 foizi qo‘shilgan qiymat solig‘i (QQS) bilan rasmiylashtiriladi, qolgan 90 foizi esa soliqsiz sotiladi.
Shu sababli yashirin iqtisodiyot ulushi yuqori bo‘lib qolmoqda. Taklif etilayotgan mexanizmga ko‘ra, jismoniy shaxslar uchun 4-5% miqdorda keshbek joriy etilishi mumkin.
Bu orqali xaridorlar quruvchidan hisobvaraq-faktura talab qilishga manfaatdor bo‘ladi.
Avvalroq Kursiv Uzbekistan Toshkentda kvartiralarning yangilangan ijara narxlari ma’lum bo‘lgani haqida yozgandi.
Bugun, 3-sentabr kuni uchun dollar kursi 12 422,90 so‘mni (-37,8 so‘m)qayd etdi. Bu haqda Markaziy bank xabar bermoqda.
Dollar kursining so‘nggi besh kunlikdagi o‘zgarishi
Markaziy bank ma’lumotlariga ko‘ra, yevro 87,61 so‘mga tushib, 14 457,77 so‘mni, rubl esa 0,76 so‘mga tushib, 154,30 so‘mni tashkil qildi.
Yevro va rubl valyutasining so‘nggi besh kunlikdagi o‘zgarishi
Quyida yevro va rubl kurslarining o‘zgarishi bo‘yicha jadval keltirilgan:
Eslatib o‘tamiz, Kursiv Uzbekistan AQSh valyutasining hafta davomida qanday o‘zgargani haqida yozgan edi.
BMW Group 1-sentabr kuni Vision CE nomli elektromotosikl konseptini namoyish etdi. Bu haqda ITHome nashri ma’lum qildi.
Modelning asosiy o‘ziga xosligi ramkaga birlashtirilgan metall naychali himoya karkasi va besh nuqtali xavfsizlik kamari. Kompaniya ma’lumotiga ko‘ra, bu tizim ag‘darilish yoki yiqilish holatida haydovchini samarali himoya qilib, shlem va maxsus kiyimga ehtiyojni bartaraf etadi.
Karkas ichki tomoniga maxsus yumshatuvchi ko‘pik qatlami qo‘shilgan. Bu esa zarba kuchini yengillashtiradi va xavfsizlikni yanada mustahkamlaydi.
Vision CE dizayni bundan 25 yil avval taqdim etilgan BMW C1 kontseptsiyasidan ilhomlangan, ammo zamonaviy materiallar va texnologiyalar yordamida yengillashtirilgan. Uzoq g‘ildirak bazasi, keng old qismi...
O‘zbekiston prezidenti Shavkat Mirziyoyev Xitoyga rasmiy tashrifi doirasida ushbu mamlakatning yetakchi kompaniyalari rahbarlari bilan uchrashuvlar o‘tkazdi. Bu haqda prezident matbuot xizmati xabar berdi.
Tadbirda China Gold, China Coal Resources, China Datang Corporation, Tianjin Rail Transit Group, Poly Changda, Tianjin Urban Construction, Jinchuan Group, China Synfuels, ST Wonderful, Mizuda, World Agriculture, Dongzhu Ecology va boshqa kompaniyalar ishtirok etdi.
Davlat rahbari Xitoy biznesining O‘zbekistonga qiziqishi yuksak ekanini ta’kidladi. O‘tgan yilning o‘zida ikki davlat o‘rtasidagi investitsiyalar hajmi $10 milliarddan oshgan. Shuningdek, uchrashuvlarda energetika, geologiya, qishloq va suv xo‘jaligi, kimyo, zargarlik sanoati, jamoat transporti va turizm kabi sohalarda hamkorlikni kengaytirish masalalari muhokama...
Chevrolet global elektromobil strategiyasini kengaytirishda davom etmoqda. Kompaniya turli segmentlarga mo‘ljallangan modellari qatoriga arzonroq krossoverlarni ham qo‘shmoqda. GMAutority nashri tomonidan Chevrolet Captiva va Chevrolet Equinox elektromobillari taqqoslandi.
Captiva EV
Captiva EV asosan Janubiy Amerika, Meksika va Yaqin Sharq uchun mo‘ljallangan. Model GM, SAIC va Wuling hamkorligida ishlab chiqilgan Wuling Starlight S platformasiga asoslangan.
Dizayni keskin chiziqlar bilan ajralib turadi. Old qismida ingichka LED kunduzgi chiroqlar va burchakli faralar joylashgan. Radiator panjarasi minimal ko‘rinishda. Yon profilda keskin yelka chizig‘i va ikki rangli tom dizayni avtomobilga zamonaviy ko‘rinish beradi. Orqa qismda esa keskin burchakli LED fonarlar va haykaldek ishlangan konturlar...
Realme yangi Realme 15T smartfonini taqdim etdi. Bu haqda Gizmochina ma’lum qildi.
Asosiy e’tibor 7000 mA·soat sig‘imli batareyaga qaratilgan. Kompaniya vakillari uni bunday quvvatga ega eng yengil smartfon sifatida ta’riflamoqda. Qurilma 60 Vt tezkor zaryadlash va 6 Vt quvvatda teskari zaryadlashni qo‘llab-quvvatlaydi.
Smartfon 6,57 dyuymli AMOLED displey bilan jihozlangan. Uning imkoniyati 2372×1080 piksel, yangilanish chastotasi esa 120 Hz. Ekran yorqinligi 4000 nitga yetadi, PWM chastotasi 2160 Hzga teng.
Smartfonning asosiy va old kamerasi 50 MP OmniVision OV50D40 sensorga ega. Orqa blokda qo‘shimcha 2 MP mono sensor mavjud. Qurilma MediaTek Dimensity 6400 Max protsessori asosida ishlaydi, sovitish uchun...
1-sentabr holatiga ko‘ra, tijorat banklarida amal qilayotgan mikroqarz va avtokreditlarning so‘nggi 10 ish kuni bo‘yicha foiz stavkalari e’lon qilindi. Bu haqda Markaziy bank xabar berdi.
Mamlakatdagi tijorat banklari tomonidan taqdim etilayotgan mikroqarzlar bo‘yicha o‘rtacha foiz stavkasi 0,2 foizga pasayib, 35,9 foizni tashkil etmoqda. Shundan jismoniy shaxslarga ajratilayotgan kreditlarning (mikroqarzlardan tashqari) o‘rtacha foiz stavkasi 24,1 foizni, yuridik shaxslar ulushi esa 23,1 foizni ko‘rsatmoqda.
19-avgust holatiga ko‘ra, mikroqarzlarning o‘rtacha foiz stavkasi 36,1 foizni tashkil etgandi.
Eng yuqori foiz stavkasi quyidagi banklarda qayd etilgan:
«TBC bank» – 42,1%; «Anor bank» – 41,1%; «Tenge bank» – 39,8%; «Ipoteka bank» – 36,9%; «Davr bank...
Hukumat qarori bilan prezident huzuridagi Davlat siyosati va boshqaruvi akademiyasining magistraturasiga qabul qilish tartibi tasdiqlandi. Bu haqda Adliya vazirligi xabar berdi.
Akademiyada quyidagi mutaxassisliklar bo‘yicha kadrlar tayyorlanadi:
Hududlarni kompleks rivojlantirish; Davlat boshqaruvi; Inson resurslarini rivojlantirish; Davlat siyosati; Davlat moliyasini boshqarish.Magistraturaga qabul davlat buyurtmasi asosida davlat granti va to‘lov-kontrakt shaklida amalga oshiriladi.
Shuningdek, davlat buyurtmasi bo‘yicha qabulni tashkil etish uchun idoraviy komissiya tuziladi. Nomzod komissiyaga quyidagi hujjatlarni taqdim etadi:
so‘nggi ikki yildagi faoliyati davomida amalga oshirgan ishlari haqida ma’lumot; ma’lumotnoma (obyektivka); qo‘shimcha yutuqlari (ilmiy daraja va unvon, xorijiy til sertifikati va boshqalar).Magistraturaga qabul qilinganlarning kamida 30 foizi ayollardan...
Prezident Administratsiyasi huzuridagi OAV uchun kontent tayyorlash markaziga rahbar va o‘rinbosarlar tayinlandi. Bu haqda Prezident Administratsiyasi farmoyishi qabul qilindi.
Unga ko‘ra, Qobuljon Xoliqovich Ahmedov Prezident Administratsiyasi huzuridagi OAV uchun kontent tayyorlash markazi direktori etib tayinlandi. Tayinlovga qadar u avval MY5 telekanali bosh direktori, so‘ngra MTRK «Yoshlar» ijodiy birlashmasi direktori lavozimida faoliyat yuritgan.
Shuningdek, Husan Ravshanovich Salixov mazkur markaz direktori o‘rinbosari lavozimiga tayinlandi. Salixov taniqli rejissyor, tayinlovga qadar prezident Matbuot xizmati Media markaziga rahbarlik qilgan.
Shu bilan birga, Jahongir Muhammadali o‘g‘li Abdurahmonov ham markaz direktori o‘rinbosari sifatida ish boshladi. U prezident Matbuot xizmatida bosh konsultant bo‘lgan, undan oldin UZREPORT telekanalida...