Yangiliklar

«TePe Sigeman – 2026» shaxmat turnirining 3-turida o‘zbekistonlik Nodirbek Abdusattorov dunyoning birinchi raqamli shaxmatchisi Magnus Karlsen bilan durang qayd etdi. Bu haqda O‘zbekiston shaxmat federatsiyasi xabar bermoqda.

Nodirbek Abdusattorovning ta’kidlashicha, partiya yuqori sifatli va mustahkam o‘tgan. Debyutda Karlsen o‘zining kutilmagan Qc2 yurishi bilan raqibini hayron qoldirgan.

«Balki tomoshabop bo‘lmagandir, ochig‘ini aytsam, o‘yin biroz sokin va zerikarli kechdi, biroq elita darajasidagi shaxmat kurashi mana shunday bo‘ladi», – dedi o‘zbekistonlik grossmeyster.

Turnirning diqqatga sazovor jihatlaridan biri norvegiyalik shaxmatchining o‘yinga qariyb 10 daqiqa kechikib kelgani bo‘ldi. Abdusattorov bu holatni xotirjam qabul qildi va Karlsenning unga qarshi o‘yinlarda...

Lufthansa Group xoldingiga kiruvchi ITA Airways aviakompaniyasining Senegal poytaxti Dakardan Rimga uchayotgan samolyotida ilk bor chaqaloq dunyoga keldi. Havo kemasi parvozni boshlaganidan taxminan bir soat o‘tgach, yetti oylik homilador ayol ko‘z yorgan.

Ona va yangi tug‘ilgan chaqaloqqa bort kuzatuvchilari, shuningdek, yo‘lovchilar orasida bo‘lgan bir shifokor va hamshira zudlik bilan yordam ko‘rsatgan. Hozirda ona va bolaning ahvoli yaxshi ekani ta’kidlangan.

Chaqaloq qaysi davlat fuqaroligini olishi hozircha ochiq savol bo‘lib qolmoqda. Senegal va Italiya o‘rtasidagi havo yo‘li Afrika davlatlari va dengiz ustidan o‘tadi. Ma’lumotlarga ko‘ra, bunday holatlarda fuqarolik samolyot qayerda ro‘yxatdan o‘tgani yoki qaysi hudud ustidan uchib o‘tayotganiga emas, balki ota-onaning...

Atlantika okeanida suzib yurgan MV Hondius kruiz kemasida kamyob hantavirus infeksiyasi tarqalishi oqibatida uch kishi halok bo‘ldi. Qurbonlar orasida keksa er-xotin ham bor bo‘lib, yana kamida uch kishi kasallangani aytilmoqda. Bu haqda CNN xabar bermoqda.

Kemada jami 150 ga yaqin sayyohlar va 70 nafar ekipaj a’zosi bo‘lgan. Kema uch hafta oldin Argentinadan Antarktida va Folklend orollari bo‘ylab yo‘lga chiqqan edi. Niderlandiya bayrog‘i ostida harakatlanuvchi ushbu layner hozirda Kabo-Verde poytaxti Praya portida to‘xtab turibdi.

Kasallikning birinchi qurboni kemada vafot etgan 70 yoshli erkak bo‘lib, uning jasadi Avliyo Yelena orolida tushirilgan. Marhumning ayoli Janubiy Afrikadagi aeroportda xushini yo‘qotgan va shifoxonada halok...

Qoraqalpog‘iston Respublikasi tumanlaridan biridagi kadastr bo‘limi boshlig‘i $2 ming miqdorida pora olayotgan vaqtida ashyoviy dalillar bilan qo‘lga olindi. Bu haqda Davlat xavfsizlik xizmati xabar bermoqda.

Ma’lumotlarga ko‘ra, mazkur mansabdor shaxs 1987-yilda tug‘ilgan fuqaro tomonidan o‘zboshimchalik bilan egallab olingan 132 kvadrat metr yer maydonidagi muammoni hal etib berishni va’da qilgan. Bu yerda qurilgan bino fuqarolik ishlari bo‘yicha sudning 2024-yildagi hal qiluv qaroriga asosan majburan buzilishi belgilangan edi.

Bo‘lim boshlig‘i ushbu noqonuniy binoga nisbatan mulk huquqini e’tirof etish va uning kadastr hujjatlarini rasmiylashtirib berish evaziga fuqarodan pul talab qilgani aniqlangan.

Hozirgi vaqtda ushlangan shaxsga nisbatan jinoyat ishi qo‘zg‘atilib, dastlabki tergov harakatlari...

Italiya A Seriyasining 35-turida «Inter» klubi «Parma»ni 2:0 hisobida mag‘lub etib, muddatidan avval chempionga aylandi. Milandagi «Juzeppe Meatsa» stadionida o‘tgan uchrashuv jamoaga o‘z tarixidagi 21-titulni taqdim etdi.

Uchrashuvning 45+1-daqiqasida Pyotr Zelinskiyning uzatmasidan so‘ng Markus Tyuram hisobni ochgan bo‘lsa, 80-daqiqada Lautaro Martinesning yordami bilan Genrix Mxitaryan ikkinchi golni kiritdi. Shuningdek, uchrashuvning 64-daqiqasida italiyaliklar yarim himoyachisi Zelinskiy sariq kartochka bilan jazolandi.

Ushbu g‘alaba evaziga «Inter» 35 o‘yindan so‘ng 82 ochko to‘plab, turnir jadvalida eng yaqin ta’qibchisi «Napoli»dan 12 ochkoga o‘zib ketdi. O‘yinda mag‘lubiyatga uchragan «Parma» esa 42 ochko bilan 12-pog‘onadan joy olgan.

2025-yil iyun oyida Simone Inzagining o‘rniga bosh murabbiy etib...

3-may kuni kechqurun soat 20:00 atrofida yopirilgan kuchli yomg‘ir Toshkent ko‘chalarini daryoga aylantirdi. Shahar infratuzilmasi navbatdagi sinovga duch keldi.

Yog‘ingarchilik nafaqat yo‘llarni, balki strategik obyektlarni ham chetlab o‘tmadi. Shayxontohur tumanidagi «Chorsu» metro bekatini suv bosdi, tuman hokimiyati esa vaziyatni nazoratga olganini ma’lum qildi. Kuchli jala oqibatida qator mahallalarda elektr ta’minoti 2 soatdan ortiq vaqtga uzilib qoldi. Shuningdek, Mirzo Ulug‘bek tumanidagi qator mavzelarda ham o‘chishlar kuzatildi.

Lutfiy ko‘chasidagi vaziyat: do‘kon ichidagi «suv toshqini»

Eng og‘ir holatlardan biri Uchtepa tumanidagi Farhod va Lutfiy ko‘chalari chorrahasida qayd etildi. Lutfiy ko‘chasidagi 7a-uy oldidagi piyodalar yo‘lagidan o‘tishning mutlaqo imkoni bo‘lmadi.

Shu hududda joylashgan Korzinka...

Toshkent shahrida 4-may kuni bomdod namozi soat 03:50 da boshlanadi, quyosh chiqishi esa 05:20 ga to‘g‘ri keladi. «Kursiv» 4-may uchun namoz vaqtlari jadvalini hududlar kesimida taqdim etadi.

Jadval:

Avvalroq 3-may uchun uchun namoz vaqtlarini yozgan edik.

O‘zbekistonda 12 jarima ballidan oshgan ilk haydovchi aniqlandi

O‘zbekistonda yil davomida yo‘l harakati qoidalarini buzib, 12,5 jarima balli to‘plagan birinchi haydovchi aniqlandi. Uning ishi ko‘rib chiqilishi uchun sudga yuborilmoqda. Bu haqda Davlat YHXX axborot xizmati rahbari Zoyir Yo‘ldoshov o‘z Telegram-kanalida ma’lum qildi.

Davomi…

O‘zbekiston Škoda kompaniyasidan 10 ta elektropoyezd xarid qiladi

O‘zbekiston temir yo‘l transportini modernizatsiya qilish doirasida Chexiyaning Škoda Group kompaniyasi bilan 10 ta elektropoyezd xaridi bo‘yicha kelishuvga erishdi. Bu haqda kompaniya rasmiy sahifasida ma’lum qildi.

Davomi…

«Real Sanjik» ishi: prokuror 5 yil qamoq so‘radi

1-may kuni bo‘lib o‘tgan Sanjar Karimov («Real Sanjik»)ga oid sud majlisida davlat ayblovchisi sudlanuvchiga 5 yil...

Shavkat Mirziyoyev 3-may kuni Samarqand viloyatiga tashrif davomida Imom Buxoriy majmuasida bo‘lib, ziyorat va bunyodkorlik ishlari bilan tanishdi. Bu haqda davlat rahbari matbuot xizmati ma’lum qildi.

Dastlab davlat rahbari Imom Buxoriy majmuasini ziyorat qilib, buyuk muhaddis maqbarasida Qur’on tilovat qildi va duo o‘qidi. Ushbu majmua prezident tashabbusi bilan qayta bunyod etilgan bo‘lib, ziyoratchilar uchun zamonaviy va qulay sharoitlar yaratilgan.

Ma’lumotlarga ko‘ra, Ramazon hayiti arafasida majmua yana ziyoratchilar uchun ochilgan bo‘lib, bir kunda 60 mingdan ortiq fuqaro va xorijlik mehmonlar hayit namozini shu yerda ado etgan. Ilgari bir kunda 12 ming ziyoratchiga xizmat qilgan majmua hozirda 65 ming nafar...

2026-yilning birinchi choragida O‘zbekistonda chakana va ulgurji savdo ko‘rsatkichlarida 25,4 va 10,9 foizlik o‘sish qayd etildi. Bu haqda Milliy statistika qo‘mitasi ma’lum qildi.

Unga ko‘ra, 2026-yil yanvar – mart oylarida mamlakatda chakana savdo tovar aylanmasi qariyb 124 trln so‘mni tashkil etgan. Bu ko‘rsatkich o‘tgan yilning shu davridagiga nisbatan 25,4 foizga oshganini anglatadi.

1-aprel holatiga ko‘ra, chakana savdo sohasida faoliyat yuritayotgan tijorat korxonalari soni 86 527 taga yetgan.

Shuningdek, shu davrda ulgurji savdo aylanmasi 109,9 trln so‘mni tashkil qilib, o‘tgan yilning mos davridagiga nisbatan 10,9 foiz o‘sish qayd etilgan. Ulgurji savdo sohasida faoliyat yuritayotgan korxonalar soni esa...

Prezidentning Jahon savdo tashkiloti (JST) masalalari bo‘yicha vakili Azizbek Urunov LinkedIn’dagi sahifasida O‘zbekistondagi ayrim xomashyolar eksportiga bojlar joriy etilishidagi ijobiy jihatlari haqida fikr bildirdi.

Unga ko‘ra, eksport bojlarini qo‘llash xomashyoni mamlakat ichida qayta ishlashni rag‘batlantirish hamda qo‘shimcha qiymat yaratishni oshirishga xizmat qiladi. Mazkur yondashuv ichki ishlab chiqarishni rivojlantirish va iqtisodiy samaradorlikni kuchaytirish vositasi sifatida baholanmoqda.

Ma’lum qilinishicha, eksport bojlari 2025-yildan boshlab O‘zbekistonning Jahon savdo tashkilotiga qo‘shilish jarayonidagi islohotlar doirasida joriy etilgan. Ushbu chora-tadbirlar prezident tomonidan qo‘llab-quvvatlangan bo‘lib, strategik ahamiyatga ega xomashyo eksportiga bojlar joriy etish orqali ularni mamlakat ichida qayta ishlashni rag‘batlantirish ko‘zda tutilgan.

Shuningdek, ayrim ijtimoiy ahamiyatga...

O‘zbekistonning AQShdagi elchisi Furqat Sidiqov AQShning «Head Honchos LLC» rekruting kompaniyasi direktori Todd Miller bilan mehnat migratsiyasi masalalarini muhokama etdi. Bu haqda «Dunyo» AA ma’lum qildi.

Unga ko‘ra, muzokaralar davomida tomonlar uyushgan mehnat migratsiyasi, xususan, «H-2A» mavsumiy qishloq xo‘jaligi bandligi dasturi doirasida hamkorlikni kengaytirish istiqbollarini ko‘rib chiqdi. Qayd etilishicha, O‘zbekiston fuqarolarining ushbu dasturda ishtirok etishiga ruxsat berilgan mamlakatlar ro‘yxatiga kiritilishi elchixona sa’y-harakatlari natijasi sifatida yuqori baholandi.

Todd Millerning ta’kidlashicha, bu qaror AQShdagi rekruting kompaniyalari va qishloq xo‘jaligi ishlab chiqaruvchilari orasida katta qiziqish uyg‘otgan. Shuningdek, Amerika tomonida agrar sektorda ishchi kuchiga bo‘lgan talab yuqoriligicha qolayotgani, ichki resurslar esa cheklangani...

Surxondaryo viloyatining Boysun tumanida kuzatilgan kuchli sel oqibatida yana neft aralash suyuqlik oqib chiqishi holati kuzatilmoqda. Bu haqda Ekologiya va iqlim o‘zgarishi milliy qo‘mitasi ma’lum qildi.

Hozirda vaziyat Surxondaryo viloyati Ekologiya bosh boshqarmasi Ekopolitsiya xodimlari hamda tegishli tashkilotlar vakillaridan iborat ishchi guruh tomonidan voqea joyida o‘rganilmoqda. Dastlabki ma’lumotlarga ko‘ra, bugun tong soat 06:30 atrofida yuzaga kelgan kuchli sel oqimi xandaqni buzib yuborgan, natijada neft aralash suyuqlik tashqariga oqib chiqqan.

Mutaxassislar tomonidan hududda o‘rganish ishlari davom ettirilmoqda. Vaziyatning kelib chiqish sabablari va oqibatlari yuzasidan to‘liq ma’lumotlar yig‘ilmoqda hamda tegishli chora-tadbirlar belgilanmoqda.

Ma’lumot uchun, sal oldinroq ham xuddi shunday hodisa...

O‘zbekistonning yirik sanoat korxonalaridan biri – Navoiy kon-metallurgiya kombinati (NKMK) aksiyalarini xalqaro bozorga joylashtirish (IPO)ga tayyorgarlik jarayoni vaqtincha to‘xtatdi. Bu haqda xalqaro Bloomberg nashri ma’lum qildi.

Unga ko‘ra, O‘zbekiston hukumati kompaniyaning fond bozoriga chiqish muddati va shartlarini qayta ko‘rib chiqmoqda. Shu bilan birga, IPO uchun eng maqbul vaqtni aniqlash bo‘yicha tahlillar olib borilmoqda.

Dastlab NKMK aksiyalarini London va Toshkent fond birjalarida joylashtirish rejalashtirilgan edi. Biroq hozircha loyiha muddatlari hamda uni qayta boshlash masalasi noaniq bo‘lib qolmoqda.

Manbalarda qayd etilishicha, IPO muddatini qayta ko‘rib chiqish qaroriga mulkchilik tuzilmasidagi o‘zgarishlar natijasida Davlat budjetiga dividend tushumlari kamayishi mumkinligi haqidagi...

Namangan viloyatining Chust tumanida qalbaki xorijiy valyuta savdosi bilan bog‘liq noqonuniy faoliyat fosh etildi. Bu haqda DXX matbuot xizmati ma’lum qildi.

Iqtisodiy jinoyatlarga qarshi kurashish yo‘nalishida Davlat xavfsizlik xizmatining Namangan viloyati boshqarmasi xodimlari Bosh prokuratura departamenti hamda Bojxona idoralari bilan hamkorlikda Chust tumanida tezkor tadbir o‘tkazdi.

Tadbir davomida 1984-yilda tug‘ilgan Yangi Namangan tumanida yashovchi shaxs hamda 1980-yilda tug‘ilgan Chust tumanida istiqomat qiluvchi, ilgari sudlangan fuqaro o‘zaro til biriktirib, qalbaki $10 ming sotayotgan vaqtda qo‘lga olingan. Ular ushbu qalbaki valyutani shartli xaridorga $7,5 mingga sotishga uringan.

Hozirda mazkur holat yuzasidan jinoyat ishi qo‘zg‘atilib, tergov harakatlari olib borilmoqda.

Eslatib o‘tamiz...

O‘zbekistonning birinchi prezidenti Islom Karimovning nabirasi Maryam Tillayeva va tadbirkor Arno Kosyan «Pyatnitsa!» (Пятница) telekanalidagi «Sevgi uchun stavka» («Ставка на любовь») realiti-shousining yangi mavsumiga qo‘shilishdi. Loyiha premyerasi 2026-yil 15-mayga rejalashtirilgan.

Juftlikning aytishicha, shouda ishtirok etish ular uchun jiddiy emotsional sinov bo‘lgan. Peopletalk nashriga bergan intervyusida Tillayeva suratga olish jarayonida kuchli stressga tushgani va loyiha yakunlangach asabiy zo‘riqishni boshdan kechirganini tan olgan. U bunday darajadagi psixologik bosimga tayyor bo‘lmaganini aytgan.

Arno esa qiyinchiliklarga qaramay, loyiha ularning ikkisini ham shaxsiy jihatdan o‘stirganini ta’kidladi. Uning so‘zlariga ko‘ra, juftlik bir-biriga nisbatan yanada ochiqroq bo‘lishni o‘rgangan va nafaqat kuchli tomonlarni, balki zaif jihatlarni...

Toshkent metrosining «G‘afur G‘ulom» bekatida yo‘lovchi ayol relsga tushib ketdi. Metropoliten matbuot xizmati holat yuzasidan munosabat bildirdi.

Joriy yilning 2-may kuni soat 21:35 atrofida «G‘afur G‘ulom» metro bekatiga kirib kelayotgan 40-sonli harakat tarkibi yo‘liga ehtiyotsizlik oqibatida ayol kishi tushib ketgan. Voqea bekat hududida sodir bo‘lgan.

Mazkur vaziyatda mashinist tomonidan tezkor harakat qilinib, poyezd zudlik bilan to‘xtatilgan hamda barcha xavfsizlik choralari ko‘rilgan.

Dastlabki ma’lumotlarga ko‘ra, fuqaro jiddiy tan jarohati olmagan. U tez tibbiy yordam xodimlari tomonidan ko‘rikdan o‘tkazish uchun olib ketilgan.

Hodisa metro harakati jadvaliga ta’sir ko‘rsatmagan bo‘lib, barcha poyezdlar belgilangan jadval asosida harakatlanishda davom etgan.

Eslatib o‘tamiz, avvalroq...

Toshkent viloyatining Zangiota tumanida baliqlarning nobud bo‘lishi bilan bog‘liq holat yuzasidan korxonaga katta miqdorda kompensatsiya hisoblandi. Bu haqda Ekologiya va iqlim o‘zgarishi milliy qo‘mitasi ma’lum qildi.

Ijtimoiy tarmoqlarda Zangiota tumani Achchisoy kanalida baliqlar nobud bo‘layotgani aks etgan video tarqaldi. Mazkur holat Ekologiya va iqlim o‘zgarishi milliy qo‘mitasi huzuridagi Davlat ekologik nazorat inspeksiyasi tomonidan o‘rganildi.

O‘rganishlar davomida tumanning Ittifoqchi mahallasida faoliyat yuritayotgan «Damachi baliq» MChJga qarashli baliqchilik ko‘lida suv sathi pasaytirilgani oqibatida baliqlarda kislorod yetishmasligi yuzaga kelgani aniqlandi. Natijada 200 – 300 grammli baliqlar nobud bo‘lgan. Nobud bo‘lgan baliqlar esa korxona ishchisi tomonidan tozalanib, Achchisoy kanaliga oqizib yuborilgan.

Shuningdek...

Toshkent shahrining Uchtepa tumani IIO FMB Huquqbuzarliklar profilaktikasi bo‘limi katta profilaktika inspektori $10 ming miqdorida pora talab qilib, aynan shu summani olayotgan vaqtida qo‘lga olindi. Bu haqda DXX ma’lum qildi.

Davlat xavfsizlik xizmatining Toshkent shahar bo‘yicha boshqarmasi hamda Bosh prokuratura departamenti xodimlari o‘tkazgan tezkor tadbir davomida profilaktika inspektori qo‘lga olindi. 1995-yilda tug‘ilgan ushbu mansabdor shaxs fuqarodan noqonuniy ravishda $10 ming olayotgan vaqtida ashyoviy dalillar bilan ushlandi.

Aniqlanishicha, inspektor 2025-yil dekabr oyida fuqaroga tegishli MChJ hujjatlarini soxtalashtirish orqali IT xizmati ko‘rsatish bahonasida firibgarlik sodir etgan shaxsga nisbatan jinoiy ish qo‘zg‘atish va uni javobgarlikka tortishni va’da qilgan. Mazkur holatda 1990-yilda...

Kursiv Uzbekistan 2-may kuni e’lon qilingan yangiliklarning muhimlarini bir joyga jamladi.

O‘zbekistonda 12 jarima ballidan oshgan ilk haydovchi aniqlandi

O‘zbekistonda yil davomida yo‘l harakati qoidalarini buzib, 12,5 jarima balli to‘plagan birinchi haydovchi aniqlandi. Uning ishi ko‘rib chiqilishi uchun sudga yuborilmoqda. Bu haqda Davlat YHXX axborot xizmati rahbari Zoyir Yo‘ldoshov o‘z Telegram-kanalida ma’lum qildi.

Respublika miqyosida yana 11 nafar haydovchida 8 dan 10 ballgacha jarima yig‘ilgan. Ularning besh nafari Toshkent shahri, uch nafari Surxondaryo viloyatiga to‘g‘ri keladi. Qolgan uch holat Namangan, Samarqand va Toshkent viloyatlarida bittadan qayd etilgan.

Ikkinchi jahon urushida o‘zbek askarini qutqargan britaniyaliklar...

Toshkent shahrida bomdod namozi soat 03:38 da boshlanadi, quyosh chiqishi esa 05:20 ga to‘g‘ri keladi. «Kursiv» 3-may uchun namoz vaqtlari jadvalini hududlar kesimida taqdim etadi.

Jadval:

Avvalroq 2-may uchun namoz vaqtlarini yozgan edik.

AQShning budjet aviakompaniyasi Spirit Airlines hukumat bilan muzokaralar muvaffaqiyatsizlikka uchragach, faoliyatini zudlik bilan to‘xtatdi. Bu haqda BBC xabar bermoqda.

Spirit Airlines Donald Tramp ma’muriyati bilan $500 mlnlik moliyaviy yordam bo‘yicha kelishuvga erisha olmadi. Aviakompaniya avvalroq ikkinchi marta bankrotlik e’lon qilganidan so‘ng tiklanish arafasida edi. Biroq AQSh va Isroilning Erondagi harakatlari ortidan fevral oyi oxiridan beri aviayonilg‘i narxining ikki barobar oshishi vaziyatni boshi berk ko‘chaga kiritgan.

Bekor qilingan reyslar uchun chipta puli bank kartalari orqali to‘langan va mablag‘lar mijozlarga avtomatik ravishda qaytariladi. Kredit yoki aviakompaniya ballari orqali xarid qilingan chiptalar taqdiri esa bankrotlik sudi jarayonida hal etiladi. Kompaniya bekor qilingan...

2-may kuni Nodirbek Abdusattorov TePe Sigeman 2026 turnirining ikkinchi turida amerikalik grossmeyster Endi Vudvardga qarshi oq donalarda bahs olib boradi. Bu haqda O‘zbekiston shaxmat federatsiyasi xabar bermoqda.

Abdusattorovning bugungi raqibi Endi Vudvard 2010-yilda tug‘ilgan bo‘lib, 2024-yilda atigi 13 yoshu 8 oyligida grossmeyster unvoniga erishgan. U tarixdagi eng yosh grossmeysterlardan biri hisoblanadi. 2025-yilda u AQSh yoshlar chempionatida g‘olib chiqqan.

Shuningdek, amerikalik shaxmatchi 2025-yilgi FIDE Grand Swiss turnirida Raunak Sadxvani, Daniil Yuffa, Levon Aronyan va Parham Magsudlu kabi tajribali raqiblarni yenggan. 2026-yilda esa u Tata Steel Challengers turnirida birinchi o‘rinni egallab, keyingi yilgi Masters guruhiga yo‘llanmani qo‘lga kiritgan.

Nodirbek Abdusattorov TePe...

Toshkent shahrida joriy yilning 7 – 9-may kunlari o‘tkaziladigan «Tashkent Flowers Fest – 2026» gullar bayrami sababli qator ko‘chalarda avtomobillar harakati cheklanadi. Cheklovlar 2-maydan boshlanib, 11-maygacha davom etishi rejalashtirilgan. Bu haqda Toshkent shahar hokimligi ma’lum qildi.

Transport harakati cheklanadigan hududlar qatoriga Zarafshon ko‘chasining Hyatt Regency Tashkent mehmonxonasi qo‘riqlash punkti va Mustaqillik shohko‘chasi oralig‘idagi qismi kiradi. Shuningdek, Istiqlol ko‘chasining Amir Temur shoh va Buyuk Turon ko‘chalari oralig‘idagi qismi ham yopiladi.

Buyuk Turon ko‘chasining Istiqlol ko‘chasi kesishmasidan Yoshlar ijod saroyigacha bo‘lgan qismida ham transport harakati vaqtincha to‘xtatiladi. Barcha cheklovlar Alisher Navoiy nomidagi O‘zbekiston Milliy kutubxonasi oldidagi maydonga tutash ko‘chalarni qamrab oladi.