Yangiliklar

Samsung Galaxy S26 Ultra yangi flagman sifatida katta qiziqish uyg‘otmoqda. Modelning boshlang‘ich narxi $1,3 ming. Tom’s Guide nashriga ko‘ra, qurilma kuchli imkoniyatlarga ega, biroq ayrim kamchiliklari ham bor.

Quyida mazkur modelni sotib olish uchun beshta sabab va undan voz kechish uchun asosiy uchta sabab keltiriladi.

Sotib olish uchun besh sabab

Birinchi sabab bu Privacy Display. Bu funksiya ekran ma’lumotlarini begona ko‘zlardan himoya qiladi. U piksel darajasida ishlaydi va maxfiy ma’lumotlarni yashiradi. Uni tezkor sozlamalar orqali yoki tugma bosish bilan yoqish mumkin. Ayrim ilovalarda avtomatik ishga tushishi ham mumkin.

Ikkinchi sabab foydali sun’iy intellekt funksiyalari. Now Nudge suhbat mazmuniga...

2026-yilgi «Moskviсh 3» modeli kichik, lekin sezilarli o‘zgarishlar bilan taqdim etildi. Bu haqda Auto.ru kanali ma’lum qildi.

Eng katta yangilik – avvalgi kombinatsiyalangan (mato + ekoteri) yoki to‘liq teri salon o‘rniga endi faqat qora matodan iborat salon ishlatiladi. Bu o‘zgarish salonning qulayligi va sodda ko‘rinishini ta’minlaydi.

Bundan tashqari, orqa bamper yangilanib, unga diffuzor imitatsiyasi qo‘shildi. Shu sababli avtomobilning uzunligi 4510 mm ga yetdi. Boshqa o‘zgarishlar mavjud emas — yangilanishlar asosan dizayn va interyerga qaratilgan.

Texnik jihatdan «Moskviсh 3» 1,5 litrli turbodvigatel bilan jihozlangan bo‘lib, u 136 ot kuchiga ega. Mashina mexanik yoki variator qutisi bilan sotuvga chiqariladi. Narxi taxminan...

«Kapital sug‘urta» AJning imtiyozli aksiyalari narxi qisqa muddat ichida 257,14% ga oshgani sababli, savdolar vaqtincha to‘xtatildi. Bu haqda «Toshkent» Respublika fond birjasida ma’lum qilindi.

Ushbu ko‘tarilish 16-fevraldan 27-fevralgacha bo‘lgan 10 ish kunida qayd etildi.

Birja ma’lumotlariga ko‘ra, narxlarning keskin o‘sish sabablarini aniqlash va holatni chuqur o‘rganish maqsadida 2-martdan boshlab emitentning imtiyozli aksiyalari bilan savdolar vaqtincha to‘xtatilgan.

Bu qoidalar Qimmatli qog‘ozlar savdosi qoidalari, 1687-bandga muvofiq amalga oshirilmoqda.

Avvalroq Kursiv Uzbekistan O‘zRTXBda qimmatbaho metallar savdosi 59 foizga o‘sgani haqida yozgandi.

Tijorat banklari tomonidan 2-mart kungi xorijiy valyutalarni ayirboshlash kurslari yangilandi. «Kursiv» eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Eslatib o‘tamiz, avvalroq Kursiv Uzbekistan hafta davomida dollar kursi qanday o‘zgargani haqida yozgan edi.

1-mart kuni Birlashgan Arab Amirliklari (BAA)da joylashgan Amazon Web Services (AWS) ma’lumotlar markaziga noma’lum obyektlar kelib urilishi oqibatida yong‘in sodir bo‘ldi. Bu haqda Reuters xabar bermoqda.

Eronning AQSh va Isroil hujumlariga javoban amalga oshirayotgan raketa va dron zarbalari fonida BAA aeroportlari, portlari hamda turarjoylariga xavf tug‘ilgan. AWS vakillari ma’lumotlar markazidagi hodisaning ushbu harbiy zarbalarga aloqadorligini tasdiqlamadi, ammo inkor ham etmadi.

Markazning bitta ulanish hududiga tashqi obyektlar urilgan. Ushbu obyektlarning kelib urilishi oqibatida uchqunlar va yong‘in kelib chiqqan.

O‘t o‘chirish xizmati yong‘inni bartaraf etish vaqtida markazning elektr ta’minotini butunlay uzib qo‘ygan. AWS operatorlarining ma’lum qilishicha, zarar ko‘rgan hududda tarmoqqa...

Noqonuniy savdoga chiqarilishi rejalangan 33,4 ming dona kuchli ta’sir qiluvchi dori vositalari musodara etildi. Bu haqda Davlat xavfsizlik xizmati (DXX) xabar bermoqda.

Birinchi holatda Toshkent viloyatining Zangiota tumanida yashovchi 1996-yilda tug‘ilgan shaxs va uning 1999-yilda tug‘ilgan samarqandlik tanishi poytaxt hududida to‘xtatilib tekshirildi. Ularning yonidan 8,4 ming dona «Regapen» preparati aniqlandi.

Tadbir davomida Chilonzor tumanidagi vaqtinchalik ombor sifatida foydalanib kelingan xonadonda ham tintuv o‘tkazildi. Natijada 12,6 dona «Regapen», 10 ming dona ishlab chiqaruvchisi noma’lum, qo‘lbola usulda tayyorlangan dorilar, 500 dona qadoqlash idishi hamda qalbaki qadoqlar uchun mo‘ljallangan markerlovchi mini-printer musodara qilindi.

Ikkinchi holatda esa 1994-yilda tug‘ilgan shaxs 6 dona «Zardeks...

2026-yilgi Formula-1 mavsumida Cadillac rasmiy konstruktor sifatida maydonga chiqmoqda va bu bilan General Motors’ning korporativ logotipi ham qaytmoqda. Bu haqda Tarantas news nashri xabar berdi.

Ushbu ramz 2009-yildagi bankrotlikdan so‘ng yo‘qolgan edi. Yangi logotip – yumaloq burchakli kvadrat ichida kichik gm harflari bilan, 2021-yilgi GM elektrifikatsiya strategiyasi asosida taqdim etilgan. Endi esa u Cadillac F1 bolidining yon panelida namoyon bo‘ldi. Bu nafaqat dizayndagi detal, balki GM’ning korporativ birlik va kelajakka ishonch ramzi sifatida qabul qilinmoqda.

2009-yildan oldin deyarli har bir GM avtomobili ushbu logotip bilan chiqqan bo‘lsa, moliyaviy inqirozdan so‘ng kompaniya Chevrolet, Cadillac, GMC va Buick’ni alohida brend sifatida...

Xitoyning Changsha shahridagi Kaifu tumani xalq sudi 12-fevral kuni Xiaomi kompaniyasining rasmiy dileri ustidan kiritilgan firibgarlik va shartnomani buzish da’vosini rad etdi. Bu haqda CarNewsChina ma’lum qildi.

Da’vogar 10 ming yuanlik ($1,3 ming) oldindan to‘lovni ikki barobar qilib qaytarishni talab etgan. Biroq sud 2025-yil 5-martda imzolangan xarid shartnomasi 13-sentabr kuni tomonlarning o‘zaro kelishuvi bilan bekor qilinganini inobatga oldi. 800 yuan ($110) miqdoridagi sud xarajatlari bo‘linib, 500 yuan ($70) da’vogar, 300 yuan ($40) Xiaomi zimmasiga yuklatilgan.

Sud qarorida qayd etilishicha, reklamada qo‘llangan yuqori samarali havo oqimi atamasi qisman havo chiqarish funksiyasiga zid emas. Shuningdek, kompaniya ichki konstruksiyaga oid ma’lumotlarda ataylab...

General Motors 2027-yilgi Chevrolet Silverado va GMC Sierra 1500 modellari prototiplarida tuman chiroqlari burilishlarda ichki yo‘lni yoritish funksiyasiga ega bo‘lishi mumkinligi aniqlangan. Bu haqda Tarantas news nashri xabar berdi.

Ijtimoiy tarmoqlardagi suratlarida ko‘rinib turibdiki, burilish o‘ngga qaratilganda faqat o‘ng tuman chirog‘i yoqilib, chap tomoni o‘chiriladi. Bu past tezlikdagi burilishni xavfsizroq qilishga yordam beruvchi aqlli optika tizimlarida odatiy holat.

Yangi Silverado va Sierra modellari tuman chiroqlarini alohida burilish moduli o‘rniga ikki funksiyali tizim sifatida ishlatishi kutilmoqda. Shu bilan birga, chiroqlar bampersning tashqi chekkalariga yaqinroq joylashtiriladi, bu burilishlarda yoritishni kuchaytiradi va old qismini yanada masshtabli ko‘rsatadi.

Shuningdek, yangi avlod pikaplarining salonlari...

O‘zbekiston fuqarolarini Umradan xavfsiz tarzda qaytarish maqsadida maxsus repatriatsiya reyslari tashkil etilishi e’lon qilindi. Bu haqda Uzbekistan Airways matbuot xizmati ma’lum qildi.

Shu munosabat bilan O‘zbekiston aviatsiya rasmiylari barcha mahalliy aviakompaniyalarga Saudiya Arabistoniga Umra ziyoratlari bo‘yicha parvozlarni vaqtincha to‘xtatishni tavsiya etgan. Bu cheklov Toshkent – Jidda – Toshkent yo‘nalishidagi Uzbekistan Airways reyslariga ham taalluqlidir.

Qaytish reyslari bugun, 2-martdan boshlab amalga oshiriladi va Saudiya Arabistonidan O‘zbekiston fuqarolarini xavfsiz tarzda vatanga olib kelish vazifasini bajaradi.

Avvalroq Kursiv Uzbekistan Yaqin Sharqdagi keskin vaziyat ortidan Umra safarlari vaqtincha kechiktirilgani haqida yozgandi.

SAIC Audi yangi elektr krossoveri – Audi E7X modelining ilk rasmiy tizerlarini e’lon qildi. Bu haqda Tarantas news nashri xabar berdi.

Here it comes shiori ostida taqdim etilgan suratlarda brendning o‘ziga xos yorug‘lik dizayni namoyish etilgan. Modelning to‘liq premyerasi 2026-yilgi Pekin avtosalonida bo‘lib o‘tishi kutilmoqda, savdolar esa yilning birinchi yarmida boshlanadi.

Audi an’anaviy ravishda ilg‘or optik texnologiyalari bilan tanilgan. Yangi E7X’da ham aynan shu jihatga urg‘u berilgan: tizerlarda yorqin to‘rtburchak shakldagi orqa chiroqlar va o‘ziga xos yorug‘lik grafikasi ko‘zga tashlanadi. Vertikal raqamli matritsali LED faralar yuqori aniqlikdagi proyeksiya va atrof-muhit bilan muloqot funksiyalarini qo‘llab-quvvatlaydi.

Seriyali versiya dizayn jihatidan Audi...

1 – 8-mart kunlari respublika hududlarida ob-havo o‘zgaruvchan bo‘ladi, ayrim viloyatlarda yog‘ingarchilik kuzatiladi, ba’zi hududlarda esa iliq harorat saqlanib turadi. Bu haqda «Oʻzgidromet» xabar berdi.

Qoraqalpog‘iston Respublikasi va Xorazmda bugun, 2-martdan boshlab yog‘ingarchilik kutilmaydi. Kechalari havo harorati dastlab 0–5 daraja sovuq atrofida bo‘ladi, hafta o‘rtalariga borib asta-sekin iliqlashadi. Kunduz kunlari 0–7 daraja iliqdan 6–11 daraja iliqqacha ko‘tariladi.

Buxoro va Navoiy viloyatlarida 1–6-mart kunlari ayrim joylarda yomg‘ir yog‘adi, 7–8-mart kunlari esa yog‘ingarchilik to‘xtaydi. Kunduzgi harorat asosan 10–17 daraja iliq bo‘ladi. Navoiy viloyatining shimoliy hududlarida esa tunlari ayrim kunlari sovuq kuzatilishi mumkin.

Toshkent, Sirdaryo, Jizzax va Samarqand viloyatlarida 2-martdan boshlab ba’zi...

MWC 2026 ko‘rgazmasi doirasida Xiaomi o‘zining ilk giperkari — Xiaomi Vision Gran Turismo modelini namoyish qildi. Biroq avtomobil hozircha faqat raqamli formatda mavjud. Bu haqda ArenaEV nashri xabar berdi.

Vision Gran Turismo mashhur poyga simulyatori Gran Turismo uchun maxsus ishlab chiqilgan. Shunga qaramay, loyiha ustida ishlagan dizaynerlar jamoasi unga real avtomobil darajasidagi muhandislik yondashuvini qo‘llagan.

Model tomondan qaralganda tomchi shaklini eslatadi, kokpit esa havo kanallari tizimiga uyg‘unlashtirilgan. Aerodinamik ko‘rsatkichlar ham e’tiborga molik – qarshilik koeffitsiyenti 0,29 ga teng. Giperkarga Active Wake Control tizimi va g‘ildiraklar atrofidagi havo oqimini boshqaruvchi maxsus Accretion Rims diskalari o‘rnatilgan.

Gran Turismo seriyasi yaratuvchisi Kazunori...

Xitoyda Voyah brendi o‘zining mashhur miniveni — Voyah Dreamer’ning maxsus Champion Edition talqini uchun oldindan buyurtmalarni qabul qilishni boshladi. Bu haqda Autohome xabar berdi.

Yangi versiya 2026-yil mart oyida Dreamer’ning 200 minginchi nusxasi konveyerdan chiqishi munosabati bilan taqdim etilmoqda. Maxsus talqin cheklangan miqdorda ishlab chiqariladi va rasmiy narxi 319 900 yuan (taxminan $45 ming) etib belgilangan.

Champion Edition standart model o‘lchamlarini saqlab qolgan: uzunligi 5315 mm, g‘ildirak bazasi esa 3200 mm. Biroq tashqi ko‘rinishda o‘ziga xos uslub qo‘llanilgan — kuzov to‘liq qora rangda bo‘lib, obsidian qora tusidagi yirik radiator panjarasi bilan uyg‘unlashtirilgan.

Modelning asosiy ustunligi — zamonaviy elektron tizimlar...

1-mart kuni Yaqin Sharqda vaziyat yanada keskinlashdi. Eron AQSh va Isroilning avvalgi zarbalariga javoban Fors ko‘rfazi hududidagi Amerika harbiy bazalari, Iroq Kurdistoni hamda Isroil shaharlariga hujumlarni qayta boshladi. Bunga javoban Isroil ham Eron hududlariga yangi aviazarbalar berganini ma’lum qildi, deb yozmoqda BBC.

Xomanaiy halok bo‘ldi

28-fevral, shanba kuni AQSh va Isroil tomonidan amalga oshirilgan qo‘shma hujum natijasida Eronning oliy rahbari Ali Xomanaiy halok bo‘lgani haqida xabarlar tarqaldi. Rasmiy Tehron vaqtinchalik boshqaruv kengashi ish boshlaganini tasdiqladi.

Eron prezidenti Masoud Pezeshkian videomurojaat bilan chiqib, mamlakat qurolli kuchlari javob zarbalarini davom ettirishini bildirdi. Uning aytishicha, vaqtinchalik uch kishilik qo‘mita hokimiyat...

Yaqin Sharqda xavfsizlik bilan bog‘liq vaziyat murakkablashib borayotgan bir paytda O‘zbekistonning Isroildagi diplomatik vakolatxonasi vatandoshlar uchun shoshilinch ogohlantirish e’lon qildi. Elchixona ma’lumotiga ko‘ra, Isroilda bo‘lib turgan fuqarolarga vaziyat barqarorlashguniga qadar mamlakatni vaqtincha tark etish tavsiya etilmoqda.

Diplomatik missiya fuqarolardan hushyorlikni oshirishni, Isroil rasmiylari tomonidan joriy etilgan xavfsizlik talablari va cheklovlariga qat’iy amal qilishni so‘radi. Zarur bo‘lmagan hollarda ko‘chaga chiqmaslik, boshpanalar va maxsus jihozlangan xavfsiz hududlarda bo‘lish muhimligi ta’kidlandi.

Elchixona Isroil – Misr chegarasidagi «Begin» nazorat-o‘tkazish punkti orqali chiqish imkoniyatiga alohida e’tibor qaratdi. Qayd etilishicha, O‘zbekiston fuqarolari Sinay yarimoroliga kirishda viza rasmiylashtirishlari shart emas. Chegaradan o‘tish jarayonini tezlashtirish uchun boj...

O‘zbekiston terma jamoasi nufuzli Strandja Tournament musobaqasi finallarida muvaffaqiyatli ishtirok etib, uchta oltin va ikkita kumush medalni qo‘lga kiritdi. Bu haqda Boks federatsiyasi xabar berdi.

75 kilogramm vazn toifasida Fazliddin Erkinboyev finalda Rami Kivanga qarshi ringga chiqdi. Jang davomida Erkinboyev tashabbusni qo‘ldan bermadi va yakunda hakamlar yakdil qarori bilan 5:0 hisobida g‘alaba qozonib, oltin medalni qo‘lga kiritdi.

85 kilogramm vazn toifasida Akmaljon Isroilov ukrainalik Matviy Rojba bilan to‘qnash keldi. O‘zbekistonlik bokschi jangni to‘liq nazorat qildi va 5:0 hisobidagi ishonchli g‘alaba bilan shohsupaning eng yuqori pog‘onasiga ko‘tarildi.

90 kilogramm vazn toifasida Turabek Habibullayev ukrainalik Bogdan Tolmachyovga qarshi bahs olib bordi...

O‘zbekistonda qishda har doim ham juda sovuq bo‘lmasa-da, ayrim hududlarda — ayniqsa Qoraqalpog‘iston, Jizzax, Navoiy yoki tog‘li viloyatlarda harorat −15…−20 darajagacha tushishi mumkin. Bunday sharoitda ko‘pchilik haydovchilar ertalab mashina o‘t olmay qolganidan shikoyat qiladi. Hatto Toshkent shahrida ham nam va sovuq havo akkumulyator hamda yoqilg‘i tizimiga salbiy ta’sir ko‘rsatadi.

Past harorat dvigatel moyini quyuqlashtiradi, akkumulyator quvvatini kamaytiradi va yoqilg‘i tizimidagi muammolarni yuzaga chiqaradi. Agar avtomobil qish mavsumiga tayyorlanmagan bo‘lsa, sovuq tongda u o‘t olmay qolishi hech gap emas.

Kursiv Uzbekistan sovuq havoda mashina nega o‘t olmasligi va bunga qanday yechim topish mumkinligi haqida tavsiyalarni keltirib o‘tadi.

Akkumulyator — eng...

2-mart, dushanba kuni muborak Ramazon oyining o‘n ikkinchi kuni boʻlib, Toshkent shahrida saharlikning tugashi soat 5:38 ni tashkil qiladi. Iftorlik esa 18:19 da boshlanadi.

Oʻzbekistondagi qolgan shaharlardagi vaqtlar quyidagi jadvalda keltirilgan:

Roʻza tutish (saharlik, ogʻiz yopish) duosi

Navaytu an asuvma sovma shahro ramazona minal fajri ilal magʻribi, xolisan lillahi taʼaalaa, Allohu akbar.

Iftorlik (ogʻiz ochish) duosi

Allohumma laka sumtu va bika amantu va aʼalayka tavakkaltu va ʼala rizqika aftartu, fagʻfirli, ya Gʻoffaru, ma qoddamtu vama axxortu.

Avvalroq Kursiv Uzbekistan Ramazonda suvsizlanishning oldini qanday olish mumkinligi haqida yozgandi.

Angliya Premyer-ligasining 28-turida «Manchester Yunayted» o‘z maydonida «Kristal Pelas» ustidan 2:1 hisobida irodali g‘alabaga erishdi va musobaqa jadvalida uchinchi o‘ringa ko‘tarildi.

Uchrashuvning 4-daqiqasidayoq Maksens Lakrua hisobni ochib, mehmonlarni oldinga olib chiqdi. Biroq 56-daqiqada Lakrua jarima maydonchasiga kirib borayotgan Mateus Kunyani ushlab qolgani uchun qizil kartochka oldi va belgilangan penaltini 57-daqiqada Bruno Fernandesh aniq amalga oshirib, muvozanatni tikladi.

Oradan sakkiz daqiqa o‘tib, Benjamin Sheshko Fernandeshning uzatmasidan so‘ng bosh bilan g‘alaba to‘pini kiritdi. Ushbu natijadan so‘ng Maykl Karrik boshqaruvidagi jamoaning ko‘rsatkichi yettita o‘yinda oltita g‘alaba va bitta durangga yetdi. Jamoa to‘plar nisbatiga ko‘ra «Aston Villa»ni ortda qoldirib, 2023-yildan beri ilk bor...

Kursiv Uzbekistan o‘tgan hafta mobaynida respublika va xorijda yuz bergan yangiliklarni bir joyga jamladi.

O‘zbekistonning uch hududida 5 ta quduqdan gaz chiqdi

Foto: Ohio Farm Bureau

O‘zbekistonning uch hududida 5 ta quduqdan gaz chiqdi. Bu haqda «O‘zbekneftgaz» AJ matbuot kotibi ma’lum qildi.

Ma’lum qilinishicha, Qashqadaryo viloyatining Muborak tumanida joylashgan Yangi Kultak konida 5-son qidiruv hamda 10-son baholovchi ishlab chiqarish quduqlaridan sanoat ahamiyatiga ega gaz oqimi olindi. Burg‘ulash ishlari 3200 metr chuqurlikkacha olib borilgan. Hozirda har bir quduqdan kuniga taxminan 245 ming metr kub tabiiy gaz olinayotgani aniqlangan. Ajratib olinayotgan gaz Muborak neft va gaz qazib chiqarish boshqarmasiga yuborilmoqda.

1-mart kuni Angliya Premyer-ligasining 28-turi doirasida markaziy bahslardan biri bo‘lib o‘tdi. Unda «Arsenal» o‘z maydonida azaliy raqibi «Chelsi»ni qabul qilib, 2:1 hisobida g‘alaba qozondi.

Uchrashuv kutilganidek keskin kurashlarga va kutilmagan burilishlarga boy bo‘ldi. O‘yinning 21-daqiqasida «Arsenal» himoyachisi Vilyam Saliba Gabrielning uzatmasidan so‘ng hisobni ochdi. Biroq birinchi bo‘lim yakunlanishi arafasida «Arsenal» himoyachisi Pyero Inkape o‘z darvozasiga gol kiritib qo‘yishi natijasida muvozanat tiklandi.

Ikkinchi bo‘limda maydon egalarining yana bir himoyachisi Yurrien Timber qahramonga aylandi. 66-daqiqada u Deklan Raysning pasini golga aylantirib, «kanonirlar»ni yana oldinga olib chiqdi.

O‘yinning ikkinchi qismi keskin kurashlarga boy bo‘ldi. Xususan, «Chelsi» futbolchisi Pedru Netu 67 va 70-daqiqalarda...

Samsung o‘zining eng ommabop o‘rta segment smartfonlari – Samsung Galaxy A56, A55, A54 hamda A53 modellari uchun fevral oyiga mo‘ljallangan xavfsizlik yangilanishini tarqatishni boshladi. Bu haqda Sammobile nashri ma’lum qildi.

Yangilanish dastlab Janubiy Koreyada foydalanuvchilarga yetib borgan, yaqin kunlarda esa boshqa mamlakatlarda ham bosqichma-bosqich ishga tushirilishi kutilmoqda.

Yangilanishning asosiy maqsadi – tizimdagi muhim zaifliklarni bartaraf etishdan iborat. Patch Android operatsion tizimi va One UI qobig‘idagi jami 37 ta xavfsizlik muammosini yopadi. Odatda Samsung xavfsizlik yangilanishlarini oy boshida chiqaradi, biroq bu safar grafik kompaniyaning Samsung Galaxy S26 flagman seriyasi taqdimoti va Galaxy Unpacked 2026 tadbiriga tayyorgarlik sabab biroz kechikdi.

Avvalroq...

MWC 2026 ko‘rgazmasida Honor o‘zining yangi yuqori toifadagi qurilmalarini ultra yupqa planshet Honor MagicPad 4 hamda kuchli noutbuk Honor MagicBook Pro 14 modelini namoyish qildi. Bu haqda IXbt.com xabar berdi.

Honor MagicPad 4 — atigi 4,8 mm qalinlikda

Yangi planshet korpusi bor-yo‘g‘i 4,8 mm qalinlikka ega bo‘lib, shu bilan birga, ichida eng so‘nggi avlod protsessori – Qualcomm Snapdragon 8 Gen 5 o‘rnatilgan. Qurilma 10 100 mA·soat sig‘imli batareya bilan jihozlangan, bu esa yupqa korpus uchun juda katta ko‘rsatkich hisoblanadi.

Ekrani 12,3 dyuymli AMOLED panel bo‘lib, 3K aniqlik va 165 Gs yangilanish chastotasini taklif etadi. Bu esa planshetni nafaqat...