Yangiliklar

O‘simlik parazitlariga mansub zamburug‘lar atrof-muhitda yashirin hayot kechirib, qulay sharoit tug‘ilishi bilan inson salomatligiga jiddiy ziyon yetkazishi mumkin. Sog‘liqni saqlash vazirligi hamda soha mutaxassislarining ma’lumotlariga ko‘ra, gigiyena qoidalariga rioya qilmaslik, pala-partish dori ichish va immunitet zaiflashuvi ushbu xastaliklarning keng tarqalishiga asosiy sabab bo‘lishi mumkin.

Mundarija

Yuqish yo‘llari va yashovchanlik xususiyati

O‘simlik parazitlariga mansub zamburug‘lar odatda havoda, tuproqda va suv havzalarida nofaol hayot kechiradi. Ammo ular odam yoki hayvon terisiga tushganda turli noxush kasalliklarni...

1-may uchun valyutalar kursi yangilandi. Unga ko‘ra, dollar kursi 37,19 so‘mga tushib, 11 937,60 so‘mni tashkil qildi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.

Dollarning so‘nggi kunlardagi o‘zgarishi

24-aprel kuni 26,53 so‘mga tushib, 12 015,96 so‘mni tashkil etdi. 27-aprel kuni esa 4,52 so‘mga oshib, 12 020,48 so‘m bo‘ldi. 28-aprel kuni esa 52,48 so‘mga oshib, 12 072,96 so‘mga, 29-aprel kuni esa 43,76 so‘mga tushib, 12 029,20 so‘mga tenglashdi. 30-aprel kuni dollar 54,41 so‘mga tushib, 11 974,79 so‘mni tashkil qildi. 

Markaziy bank ma’lumotlariga ko‘ra, yevro 47,09 so‘mga tushib, 13 961,02 so‘mni, rubl esa 0,17 so‘mga tushib, 159,47 so‘mni tashkil etdi.

O‘zbekistonda investitsiya faoliyatini tartibga solish va bu yo‘nalishdagi shaffoflikni oshirish maqsadida pay fondlarining yagona reyestrini yuritish tartibi tasdiqlandi. Bu haqda Adliya vazirligi xabar berdi.

Mazkur hujjat pay fondlari reyestrini shakllantirish, yuritish, unga o‘zgartirish kiritish, shuningdek pay fondini reyestrdan chiqarish hamda undagi ma’lumotlarni taqdim etish tartibini belgilaydi.

Hujjatga ko‘ra, «Investitsiya va pay fondlari to‘g‘risida»gi qonunning 4-moddasida investitsiya faoliyatini amalga oshirish maqsadida ikki va undan ortiq investorlarning ishonchli boshqaruvga topshirilgan pul mablag‘lari yig‘indisi pay fondi sifatida e’tirof etiladi.

Shuningdek, pay fondi Istiqbolli loyihalar milliy agentligi tomonidan yagona reyestrga kiritilib, agentlikning rasmiy veb-saytida e’lon qilingan paytdan boshlab tashkil etilgan deb hisoblanadi...

O‘zbekistonda tadbirkorlik subyektlarini qo‘llab-quvvatlash maqsadida imtiyoz va preferensiyalar yagona reyestri joriy etiladi. Bu haqda Adliya vazirligi ma’lum qildi.

«O‘zbekiston Respublikasi Yagona interaktiv davlat xizmatlari portalida tadbirkorlik subyektlari uchun imtiyozlar va preferensiyalarning yagona reyestrini shakllantirish hamda yangilab borish tartibi to‘g‘risida»gi nizom tasdiqlandi. Ushbu hujjat imtiyoz va preferensiyalar bo‘yicha yagona reyestrni shakllantirish hamda uni doimiy yangilab borish mexanizmlarini belgilaydi.

Nizomga ko‘ra, imtiyoz va preferensiyalar haqidagi ma’lumotlar Iqtisodiyot va moliya vazirligining subsidiya.mf.uz platformasida shakllantiriladi. Ushbu ma’lumotlar o‘zaro integratsiya orqali Yagona interaktiv davlat xizmatlari portalida tadbirkorlarga bepul taqdim etiladi.

Shu bilan birga, davlat organlari va tashkilotlari o‘z vakolati doirasida taqdim etiladigan...

Toshkentda O‘zbekiston va Chexiya o‘rtasidagi ikki tomonlama hamkorlikni rivojlantirishga qaratilgan muhim muzokaralar bo‘lib o‘tdi. Bu haqda prezident matbuot xizmati xabar berdi.

Muzokaralar yakunida Shavkat Mirziyoyev hamda Chexiya Respublikasi bosh vaziri Andrey Babish Kengaytirilgan hamkorlikni ilgari surish to‘g‘risidagi qo‘shma deklaratsiyani imzoladilar. Ushbu hujjat ikki davlat o‘rtasidagi aloqalarni yangi bosqichga olib chiqishga xizmat qilishi kutilmoqda.

Shuningdek, uchrashuv doirasida qator muhim yo‘nalishlarni qamrab olgan ikki tomonlama kelishuvlar imzolandi. Ular orasida iqtisodiyot va sanoat sohalaridagi hamkorlikni rivojlantirish, ilmiy va texnologik aloqalarni kengaytirish, diplomatik kadrlarni tayyorlash masalalari alohida o‘rin oldi.

Bundan tashqari, metrologiya laboratoriyasini birgalikda loyihalashtirish va tashkil etishni qo‘llab-quvvatlash, mazkur sohada ilmiy-innovatsion...

Volkswagen kompaniyasi qayta tiklangan Scout Motors brendi orqali yangi Scout Traveler elektr yo‘ltanlamasini ishlab chiqarishga hozirlamoqda. Bu haqda CarBuzz nashri xabar bermoqda.

Scout Traveler modelining to‘liq elektr versiyasi bir marta quvvatlanish orqali 563 kilometr masofani bosib o‘tishi aytilmoqda. Shuningdek, 805 kilometrgacha harakatlanish imkonini beruvchi qo‘shimcha dvigatelli modifikatsiyasi ham taklif etiladi. Avtomobil qariyb 1000 funt-fut aylanma harakatga ega bo‘lib, soatiga 96 kilometr tezlikka taxminan 3 soniyada erishadi.

Mashina boshqa Volkswagen modellaridan mutlaqo alohida platformada yig‘iladi va uning tirkama tortish quvvati 7 ming funtni tashkil etadi. Dastlabki ma’lumotlarga ko‘ra, ushbu yo‘ltanlamas o‘tgan asrning 60-yillaridagi klassik Scout dizaynidan ilhomlangan holda yaratilgan.

Elektr...

Motorola kompaniyasi tomonidan yangi Moto G47 smartfoni taqdim etildi. Bu haqda kompaniya rasmiy saytida xabar berildi.

Yangi model o‘rta segmentda joylashgan. U yangilangan dizayn va kuchliroq chip bilan chiqdi. Qurilma 6,67 dyuymli Full HD+ ekran bilan jihozlangan. Ekran yangilanish tezligi 120 Hzni tashkil etadi. Smartfon MediaTek Dimensity 6300 protsessorida ishlaydi. 8 GB tezkor xotira va 256 GBgacha ichki xotira mavjud. Xotirani 1 TBgacha kengaytirish mumkin.

Asosiy kamera 108 MP sensor bilan keladi. U 3 karra yo‘qotishsiz zumni qo‘llab-quvvatlaydi. Shuningdek, qo‘shimcha makro kamera ham bor.

Batareya sig‘imi 5 200 mA/soatni tashkil etadi. Qurilmada stereo karnaylar, NFC va eSIM mavjud. Smartfon...

O‘zbekiston va Chexiya o‘rtasidagi savdo hajmi $1 mlrdga yetkaziladi. Bu haqda Ko‘ksaroy qarorgohida Shavkat Mirziyoyev va Chexiya bosh vaziri Andrey Babish o‘rtasida o‘tkazilgan muzokaralarda ma’lum qilindi.

Unda tomonlar savdo hajmini oshirish va uni $1 mlrdga yetkazish vazifasini qo‘ydi. Shu maqsadda Chexiyada O‘zbekistonning birinchi sertifikatlash markazi filiali tashkil etilishi rejalashtirilmoqda.

Mashinasozlik, yashil energetika, geologiya, kimyo va farmatsevtika sohalarida qo‘shma loyihalarni amalga oshirish bo‘yicha kelishuvga erishildi. Shuningdek, «aqlli» shaharlar va raqamlashtirish yo‘nalishida hamkorlikni kuchaytirish masalalari ko‘rib chiqildi.

Madaniy va ta’lim sohasida ham aloqalarni kengaytirish rejalashtirilmoqda. Ikki davlat poytaxtlari o‘rtasida to‘g‘ridan-to‘g‘ri aviareysni qayta tiklash masalasi ham muhokama qilindi.

Uchrashuv yakunida barcha...

Xalqaro futbol federatsiyasi (FIFA) Vankuverdagi yig‘ilishida afg‘onistonlik ayol futbolchilarga rasmiy musobaqalarda milliy terma jamoa sifatida ishtirok etishga ruxsat beruvchi qoidaga o‘zgartirish kiritdi. Bu haqda CNN xabar bermoqda.

Tolibon 2021-yilda hokimiyatga kelganidan so‘ng mahalliy federatsiya o‘z sportchilarini tan olishdan bosh tortgan va o‘nlab futbolchilar mamlakatni tark etishga majbur bo‘lgan edi. Yangi qoida FIFA kengashiga istisno tariqasida o‘yinchilarni kamsitishlardan himoya qilish va terma jamoani mustaqil tasdiqlash vakolatini beradi.

«Afg‘onistonlik ayollarga rasmiy o‘yinlarda o‘z mamlakati nomidan ishtirok etishiga imkon berish orqali biz tamoyillarni harakatga aylantiryapmiz», – dedi FIFA prezidenti Janni Infantino.

Shuningdek, jamoaning sobiq sardori Xalida Popal

Samsung kompaniyasining foydasi joriy yil birinchi chorakda 750 foizdan ortiq o‘sdi. Bu haqda CNBC nashri xabar bermoqda.

Hisobotga ko‘ra, kompaniya daromadi 133,9 trln von ($89,96 mlrd)ni tashkil etdi. Operatsion foyda esa 57,2 trln von ($38,3 mlrd)ga yetdi. Bu prognozlardan yuqori natija bo‘lib, o‘sishga sun’iy intellekt bilan bog‘liq chiplar talabi sabab bo‘lmoqda. Xotira chiplariga bo‘lgan talab oshgani narxlarni ko‘tardi. Natijada, kompaniya daromadi keskin ortdi.

Samsung kompaniyasining chiplar bo‘limi asosiy daromad manbaiga aylandi. U umumiy foydaning 90 foizidan ortig‘ini ta’minladi. Kompaniya yil davomida ham kuchli o‘sish kutayotganini bildirdi. Tahlilchilar 2026-yil Samsung uchun eng muvaffaqiyatli yil bo‘lishi mumkinligini aytmoqda.

Eslatib o‘tamiz, Kursiv...

Audi kompaniyasi tomonidan Audi E7X elektromobili 8-maydan oldindan buyurtmaga chiqariladi. Bu haqda CarNewsChina nashri xabar bermoqda.

Yangi model yilning birinchi yarmida bozorga chiqadi. U Advanced Digitised Platform platformasida yaratilgan. Avtomobil AI asosidagi Audi Assistant 2.0 tizimi bilan jihozlangan. E7X uzunligi 5 049 mm. Kengligi 2 002 mm, balandligi 1 710 mm. G‘ildirak bazasi 3 060 mmni tashkil etadi. Dizaynda halqa shaklidagi chiroqlar va LiDAR texnologiyasi qo‘llangan.

Salonida 59 dyuymli keng ekran mavjud. Tizim Qualcomm Snapdragon 8295 chipida ishlaydi. Multimedia, navigatsiya va OTA yangilanishlar qo‘llab-quvvatlanadi. Model bitta va ikkita motorli versiyada taklif etiladi. Bitta motor 300 kW quvvat beradi. Ikki...

30-aprel kuni Ko‘ksaroy qarorgohida Chexiya bosh vaziri Andrey Babish rasmiy kutib olindi. Bu haqda prezident matbuot xizmati xabar berdi.

Marosimda faxriy qorovul saf tortdi. Prezident Shavkat Mirziyoyev mehmonni kutib olib, shohsupaga taklif qildi. Harbiy orkestr ikki davlat madhiyalarini ijro etdi. Yetakchilar faxriy qorovul oldidan o‘tdi. Shundan so‘ng delegatsiya a’zolari bilan salomlashilgan.

Marosim yakunida qo‘shma suratga tushilib, oliy darajadagi muzokaralar boshlandi.

Eslatib o‘tamiz, Kursiv Uzbekistan nashri Chexiya bosh vaziri Andrey Babish O‘zbekistonga kelishi haqida yozgan edi.

Samarqand viloyatining Oqdaryo tumanida bank xodimi fuqaro kreditidan 33 mln so‘mni o‘zlashtirgani aniqlandi. Bu haqda Bosh prokuratura huzuridagi Departament xabar berdi.

Tekshiruvda aniqlanishicha, tijorat banki mutaxassisi fuqaroning ishonchiga kirgan. U 50 mln so‘m kredit ajratishni va’da qilgan. Mablag‘ fuqaroning plastik kartasiga tushirilgan. Biroq xodim unga faqat 17 mln so‘m ajratilganini aytgan. Qolgan 33 mln so‘mni naqdlashtirib, o‘z ehtiyojlariga ishlatgan.

Tekshiruv davomida 33 mln so‘m qaytarilgani rasmiylashtirilgan. Mazkur holat bo‘yicha Jinoyat kodeksining firibgarlik moddasi bilan ish qo‘zg‘atildi. Hozirda tergov harakatlari davom etmoqda.

Eslatib o‘tamiz, Kursiv Uzbekistan nashri Jalaquduqda 3 ming dollar olgan kadastr rahbari ushlangani haqida yozgan edi.

AQShning Texas shtatiga qarashli Mineral Uells shahrida yuz bergan kuchli tornado tufayli sanoat binolari vayron bo‘ldi va kamida besh kishi kasalxonaga yotqizildi. Bu haqda AP axborot agentligi xabar bermoqda.

Dallasdan 130 km g‘arbda joylashgan shaharda shamol tezligi soatiga 193 km yetgan. Hududda qariyb 15 ming kishi istiqomat qiladi. Tarmoq uzilishlarini kuzatuvchi saytlar chorshanba kuni Texas bo‘ylab 9 mingdan ortiq, xususan, ofat hududida 230 ga yaqin obunachilar elektr ta’minotisiz qolganini ko‘rsatgan.

«Bu yerdagi vayronagarchiliklarni ko‘rib, bunga ishonish qiyin», – dedi shahar meri Regan Jonson qurbonlar yo‘qligini ta’kidlar ekan.

Ventamatic kabi yirik ishlab chiqarish korxonalari jiddiy...

General Motors (GM) Chevrolet Tracker 2027 modelini yangilash ustida ishlamoqda. Yangi modelning ichki qismi ilk bor sinov vaqtida suratga tushirildi.

Suratlarga ko‘ra, avtomobilning asboblar paneli sezilarli o‘zgargan. Hozirgi Tracker’da mavjud «kapotli» panel o‘rniga ochiqroq va zamonaviy dizayn qo‘llanilgan. Bu esa kattaroq yoki yaxlitroq displey paydo bo‘lishidan darak berishi mumkin.

Infotainment tizimi to‘liq ko‘rinmagan. Suratdagi katta ekran vaqtinchalik bo‘lib, sinov jarayonida muhandislar tomonidan ishlatiladi. U seriyali modelga kiritilmaydi. Hozirgi Tracker turli komplektatsiyalarda farq qiladi. Boshlang‘ich versiyalarda analog panel va kichik displey bor. Yuqori versiyalarda esa to‘liq raqamli panel va katta sensor ekran qo‘llaniladi.

Yangi modelda to‘liq raqamli tizim asosiy standartga...

Elektr va gazni o‘chirish hisobidan tejashga yo‘l qo‘yilmaydi. Bu haqda Adliya vazirligi xabar berdi.

Unga ko‘ra, 2026-yilda energiya samaradorligini oshirish va tejash bo‘yicha prezident farmoni qabul qilindi. Farmonga ko‘ra, 1-iyuldan boshlab yangi quriladigan va ta’mirlanadigan davlat obyektlari energiya samaradorligi bo‘yicha kamida «C» toifasiga ega bo‘lishi shart.

Shuningdek, elektr energiyasi va tabiiy gazni iste’molchilarni tarmoqdan ajratish va cheklov kiritish hisobidan tejashga yo‘l qo‘yilmaydi. Energiya samaradorligi milliy agentligiga energiya servis xizmatlari uchun kafolatlangan to‘lovlarni amalga oshirish vakolati berildi.

Davlat obyektlarida energiya sarfi yuqori bo‘lsa, ularni xalqaro standartlar asosida yaxshilash dasturlari joriy etiladi. Bu ishlar har yili amalga oshiriladi.

Shuningdek, 1-oktabrgacha energiya...

Xiaomi kompaniyasining yangi Xiaomi 17 Max smartfoni haqida ilk ma’lumotlar paydo bo‘ldi. Gizmochina ma’lumotiga ko‘ra, qurilma may oyining ikkinchi yarmida Xitoyda taqdim etilishi kutilmoqda.

Ma’lumotlarga ko‘ra, smartfon 6,9 dyuymli OLED displeyga ega bo‘ladi. Ekran 1.5K rezolyutsiyani qo‘llab-quvvatlaydi va LIPO texnologiyasi tufayli deyarli ramkasiz dizaynga ega bo‘ladi. Model muhim o‘zgarishlardan birini olgan. Pro versiyalardan farqli ravishda, u orqa paneldagi qo‘shimcha ekrandan voz kechadi. Bo‘shagan joy esa batareyani kattalashtirish uchun ishlatiladi.

Smartfon 8000 mA/soat sig‘imli akkumulyatorga ega bo‘lishi mumkin. Agar bu tasdiqlansa, bu Xiaomi tarixidagi eng katta batareya bo‘ladi. Shuningdek, 100 Vt simli va 50 Vt simsiz tezkor zaryadlash qo‘llab-quvvatlanishi kutilmoqda...

Andijon viloyatining Jalaquduq tumanida $3 ming olgan kadastr bo‘limi rahbari ushlandi. Bu haqda Bosh prokuratura huzuridagi Departament ma’lum qildi.

Ma’lumotga ko‘ra, mansabdor fuqaroga uy-joy va dehqonchilik uchun 25 sotix yer ajratib berishni va’da qilgan. Evaziga u 2024-yilda $3 mingni qo‘lga kiritgan. Shubhani yashirish uchun u go‘yoki «Sharxoncheki» MFY hududidan 8 sotix yer ajratilgani haqida qaror borligini aytgan.

Tezkor tadbir davomida kadastr bo‘limi xodimi rahbar topshirig‘i bilan pullarni qaytarayotgan vaqtida qo‘lga olingan. Mazkur holat yuzasidan Jinoyat kodeksining firibgarlikka oid moddasi bilan ish qo‘zg‘atilgan. Hozirda tergov harakatlari davom etmoqda.

Eslatib o‘tamiz, Kursiv Uzbekistan nashri Buxoro va Surxondaryoda salkam 13 kg «opiy...

Joriy haftada Pentagon rasmiylari Kongressda Eron bilan bo‘layotgan urushning hozirgi kungacha bo‘lgan xarajatlarini $25 mlrd deb e’lon qildi. Ammo haqiqiy yo‘qotishlar miqdori $40 – 50 mlrd atrofida bo‘lishi taxmin qilinmoqda. Bu haqda CNN xabar berdi.

Urushning dastlabki kunlaridayoq Eron tomonidan berilgan zarbalar natijasida atigi 48 soat ichida Fors ko‘rfazidagi kamida to‘qqizta Amerika harbiy obyekti zarar ko‘rgan. Ular qatorida Bahrayn, Kuvayt, Iroq, BAA va Qatardagi AQSh harbiy bazalari mavjud.

Hujumlar oqibatida Yaqin Sharqdagi bir nechta muhim radiolokatsion tizimlar va boshqa qimmatbaho uskunalar ishdan chiqqan. Xususan, Iordaniyadagi THAAD raketaga qarshi mudofaa tizimi radari hamda BAAning ikkita hududidagi shunga o‘xshash binolar...

Apple qurilmalarini modernizatsiya qilishga ixtisoslashgan Caviar kompaniyasi iPhone 17 Pro va Pro Max smartfonlarining Rose Collection deb nomlangan yangi pushti rangli liniyasini taqdim etdi. Kolleksiyadagi eng qimmat modelning narxi qariyb $22 mingni tashkil qiladi.

Yangi liniya to‘rtta modeldan iborat. Ulardan eng hamyonbopi Queen of Thorns bo‘lib, uning narxi tanlangan qurilma va xotira hajmiga qarab $8 ming (424 ming rubl) dan $10 ming (559 ming rubl) gacha o‘zgaradi. Uning pushti rangga bo‘yalgan korpusining orqa panelida zargarlik emali bilan qoplangan atirgullar kompozitsiyasi tushirilgan, Apple logotipi esa tilla bilan ishlangan.

Sex and the City modeli xuddi shu nomdagi mashhur serialdan ilhomlanib yaratilgan...

O‘zbekistonda energiyadan samarali foydalanishni kengaytirish maqsadida «Energiya samaradorligi – farovon hayot garovi» umummilliy harakati yo‘lga qo‘yiladi. Bu haqda prezidentning tegishli farmoni qabul qilindi.

Farmonga ko‘ra, iqtisodiyot tarmoqlarida energiya sig‘imini har yarim yilda hisoblash va natijalarni ochiq e’lon qilish amaliyoti joriy etiladi. Bu orqali tarmoqlarda energiya samaradorligini oshirishga qaratilgan aniq choralar belgilab boriladi.

2026-yil 1-sentabrgacha oliy ta’lim muassasalarida energiya tejamkorligiga oid amaliy bilimlar o‘quv dasturlariga kiritiladi. Ushbu yo‘nalishdagi bilim va ko‘nikmalar talabalarga tizimli ravishda o‘qitiladi.

2026/2027-o‘quv yilidan boshlab barcha ta’lim bosqichlarida energiya tejash madaniyatini shakllantirishga qaratilgan tadbirlar tashkil etiladi. Bu maktabgacha ta’limdan tortib oliy ta’limgacha qamrab oladi.

Shuningdek, texnika yo‘nalishidagi...

27-aprel holatiga ko‘ra, tijorat banklarida amal qilayotgan mikroqarz va avtokreditlarning so‘nggi 10 ish kuni bo‘yicha foiz stavkalari e’lon qilindi. Bu haqda Markaziy bank xabar berdi.

Mazkur davrda mamlakatdagi tijorat banklari tomonidan taqdim etilayotgan avtokreditlar bo‘yicha o‘rtacha foiz stavkasi 22,8 foizni tashkil qildi. Shundan jismoniy shaxslarga ajratilayotgan kreditlarning (mikroqarzlardan tashqari) o‘rtacha foiz stavkasi 23,3 foizni, yuridik shaxslar ulushi esa 22,8 foizni ko‘rsatmoqda.

Bunda eng past avtokredit stavkalari quyidagi banklarda kuzatilmoqda:

Eng yuqori avtokredit stavkasi:

Motorola kompaniyasi tomonidan yangi Motorola Razr 70 Ultra smartfoni rasman taqdim etildi. Bu haqda Notebookcheck nashri xabar bermoqda.

Asosiy o‘zgarish batareyada bo‘lib, endi smartfon 5000 mA/soat sig‘imga ega. Oldingi modelda bu ko‘rsatkich 4700 mA/soat edi. Bu esa qurilmaning ishlash vaqtini uzaytirishi kutilmoqda.

Kamera ham yangilanib, asosiy modulda 50 megapikselli yangi LOFIC sensor qo‘llanildi. Kompaniya ma’lumotiga ko‘ra, u dinamik diapazonni 6 barobar kengaytiradi. Asosiy kamera diafragmasi f/1.8. Shuningdek, 50 MP ultra keng burchakli kamera va 50 MP old kamera ham mavjud.

Smartfon Snapdragon 8 Elite protsessorida ishlaydi. Operativ xotira 16 GB gacha, ichki xotira esa 1 TB gacha yetadi. Ichki...

Toshkent shahrida Bunyodkor shohko‘chasi va Cho‘pon ota ko‘chalari kesishmasidagi yo‘l o‘tkazgichda qurilish-montaj ishlari olib boriladi. Bu haqda poytaxtda Yo‘l harakatini tashkil etish markazi xabar berdi.

Unga ko‘ra, ushbu qurilish ishlari sabab ko‘prikning 250 metr qismida, birinchi harakat yo‘lagida transport harakati vaqtincha cheklanadi.

Cheklov 30-aprel soat 08:30 dan 16-may soat 17:00 gacha amal qiladi. Bunda yo‘l to‘liq yopilmaydi, faqat bitta yo‘lakda harakat to‘xtatiladi. Bu hududda transport oqimi sekinlashishi mumkin.

Eslatib o‘tamiz, avvalroq O‘zbekistonda yo‘llarda sun’iy to‘siqlar o‘rnatish taqiqlanishi haqida xabar berilgandi. Senat tomonidan ma’qullangan yangi qonunga ko‘ra, yo‘llarni pullik yoki bepul etib belgilash tartibi aniq tartibga solindi. Mazkur vakolatlar...