Yangiliklar

Xalqaro futbol federatsiyasi (FIFA) 2026-yilda AQSh, Kanada va Meksikada bo‘lib o‘tadigan Jahon chempionati ishtirokchilari uchun mukofot pullarini oshirdi. Turnirga yo‘llanma olgan har bir terma jamoa o‘z ishtiroki uchun eng kamida $12,5 mln kafolatlangan pulga ega bo‘ladi.

Tayyorgarlik va ishtirok xarajatlarini qoplash maqsadida jamoalar uchun ajratiladigan subsidiyalar miqdori qayta ko‘rib chiqildi. Xususan, tayyorgarlik uchun beriladigan mablag‘ $1,5 mlndan $2,5 mlngacha, yo‘llanma uchun to‘lov esa $9 mlndan $10 mlngacha ko‘tarildi.

Qatnashuvchi delegatsiyalarning yashash hamda logistika xarajatlari uchun alohida mablag‘lar, shuningdek, ishtirokchilarga jami $16 mln qiymatidagi chipta kvotalari taqdim etilishi belgilangan. 48 ta jamoa ishtirok etadigan musobaqada davlatlar guruhdagi natijasidan qat’iy nazar...

General Motors (GM) Braziliyada yangi Chevrolet S10 Trail Boss modelini rasman taqdim etdi. Bu haqda GMAutority nashri xabar bermoqda.

Yangi model qiyin yo‘llarda harakatlanish uchun moslashtirilgan. U ko‘tarilgan suspenziya, maxsus shinalar va mustahkam dizayn bilan ajralib turadi. Old qismi 30 mm ga balandroq qilib sozlangan bo‘lib, bu ekstremal sharoitlarda harakatni osonlashtiradi.

Model General Motors ning performance bo‘limi bilan hamkorlikda ishlab chiqilgan. Muhandislar suspenziya va geometrik sozlamalarni yo‘ldan tashqarida yurish, qulaylik va xavfsizlik o‘rtasida muvozanat yaratish uchun qayta ishlagan.

Tashqi ko‘rinishda qora radiator panjarasi, qora bamperlar va kengaytirilgan g‘ildirak arkalari mavjud. 18 dyuymli all-terrain shinalar esa modelning off-road imkoniyatlarini oshiradi...

AQSh Davlat departamenti tomonidan ishlab chiqilgan yangi yo‘riqnoma vaqtinchalik viza olish uchun murojaat qilayotgan shaxslardan qo‘shimcha savollarga javob berish va ayrim ma’lumotlarni majburiy tasdiqlashni talab etmoqda. Bu haqda The Guardian nashri ma’lum qildi.

Yangi tartibga ko‘ra, viza arizachilari konsullik xodimiga o‘z mamlakatiga qaytishda hech qanday zarar yoki yomon muomaladan qo‘rqmasligini tasdiqlashi kerak bo‘ladi. Agar arizachi ushbu savollarga ijobiy javob bersa yoki javob berishdan bosh tortsa, viza rad etilishi ehtimoli sezilarli darajada oshishi qayd etilgan.

Shuningdek, arizachilarga «O‘z fuqaroligingiz yoki so‘nggi yashash mamlakatingizda sizga nisbatan zarar yoki yomon muomala bo‘lishganmi?» hamda «Vatanga qaytishdan qo‘rqasizmi?» degan ikki asosiy savol...

30-aprel uchun valyutalar kursi yangilandi. Unga ko‘ra, dollar kursi 54,41 so‘mga tushib, 11 974,79 so‘mni tashkil qildi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.

Dollarning so‘nggi kunlardagi o‘zgarishi

Dollar payshanba kuni pasayishni ko‘rsatib, 23-aprel kuni 12 042,49 so‘mga (-18,06 so‘m) tenglashdi. 24-aprel kuni 26,53 so‘mga tushib, 12 015,96 so‘mni tashkil qildi. 27-aprel kuni esa 4,52 so‘mga oshib, 12 020,48 so‘m bo‘ldi. 28-aprel kuni esa 52,48 so‘mga oshib, 12 072,96 so‘mga, 29-aprel kuni esa 43,76 so‘mga tushib, 12 029,20 so‘mga tenglashdi.

Markaziy bank ma’lumotlariga ko‘ra, yevro 57,63 so‘mga tushib, 14 008,11 so‘mni, rubl esa 0,62 so‘mga tushib...

Ijtimoiy tarmoqlarda ichki ishlar organlari xodimining voyaga yetmagan qizga nisbatan nojo‘ya harakatlar qilgani haqida ma’lumotlar tarqaldi. Holat yuzasidan IIBB matbuot xizmati rasmiy munosabat bildirdi.

Unga ko‘ra, vakolatli organlar tomonidan vaziyatni o‘rganish ishlari olib borilgan va dastlabki tekshiruvlar natijasi e’lon qilindi.

Aniqlanishicha, joriy yil 27-aprel kuni soat 00:40 da Ohangaron shahar IIB PPX xodimiga 22 yoshli ayol qo‘ng‘iroq qilib, maslahat olish maqsadida uni chaqirgan. Xodim voqea joyiga yetib borganda, ayol va uning 14 yoshli tanishi birga chiqib, xizmat avtomashinasiga o‘tirgan.

Shu vaqtda 18 yoshli shaxs o‘zining to‘rt nafar tanishlari bilan yetib kelib, xodimga nisbatan haqoratli so‘zlar ishlatgan va janjal...

Kaiyi Auto kompaniyasi tomonidan E‑Qute 04 Max elektromobili taqdim etildi. Bu haqda CarNewsChina nashri xabar bermoqda. Model narxi $7 – 7,6 ming atrofida belgilangan.

Yangi versiya tashqi ko‘rinishda yangilangan bamper va yon havo kirish teshiklari bilan ajralib turadi. Orqa qismda ham dizayn biroz o‘zgargan.

Salon esa to‘liq qayta ishlangan. Fizik tugmalar olib tashlanib, minimalist uslub tanlangan. Markazda 12,8 dyuymli katta ekran o‘rnatilgan. O‘rindiqlar soni 5 tadan 4 taga qisqartirilgan.

Texnik jihatdan model 55 kVt quvvatli elektromotor bilan jihozlangan. Batareya sig‘imi 28,08 kVt/soatni tashkil etadi va bir zaryadda 310 km masofa bosib o‘tadi. Avtomobil tezkor zaryadlashni qo‘llab-quvvatlaydi. 30 foizdan...

Isaqov Hojiqo‘zijon Qosimjonovich Farg‘ona viloyatining Bag‘dod tumani hokimi etib tayinlandi. Bu haqda viloyat hokimligi matbuot xizmati ma’lum qildi.

Xalq deputatlari Bag‘dod tumani Kengashining navbatdan tashqari sessiyasi bo‘lib o‘tdi. Unda Farg‘ona viloyati hokimi Xayrullo Bozorov ishtirok etdi.

Sessiyada Bag‘dod tumani hokimi lavozimidan ozod etilgan G‘anijon Soliyev o‘rniga yangi hokim tayinlash bilan bog‘liq tashkiliy masala muhokama qilindi.

Viloyat hokimi tomonidan taqdim etilgan Isaqov Hojiqo‘zijon Qosimjonovich nomzodi tuman deputatlari tomonidan qo‘llab-quvvatlandi va Bag‘dod tumani hokimi etib tayinlandi.

Ma’lumot uchun, Isaqov 1985-yilda Farg‘ona viloyati Qo‘shtepa tumanida tug‘ilgan. U Farg‘ona politexnika instituti hamda Toshkent davlat iqtisodiyot universitetini tamomlagan.

Mehnat faoliyati davomida 426-xo‘jaliklararo...

Bag‘dod tumanida hokimlik jamg‘armasidan 600 mln so‘m mablag‘ni firma hisobiga o‘tkazgan bo‘lim boshlig‘i fosh etildi. Bu haqda Bosh prokuratura huzuridagi Departament ma’lum qildi.

Departamentning tuman bo‘limi tomonidan o‘tkazilgan tekshiruvda tuman iqtisodiyot va moliya bo‘limining sobiq boshlig‘i noqonuniy harakatlarga yo‘l qo‘ygani aniqlangan. Ma’lum bo‘lishicha, u hokimlik jamg‘armasidan 600 mln so‘m mablag‘ni obodonlashtirish ishlari uchun firma hisobiga o‘tkazgan. Shundan 380 mln so‘m naqdlashtirilib, ushbu mablag‘ hisobidan korxona rahbaridan $27 ming olib, o‘zlashtirilgani aniqlangan.

Holat yuzasidan Jinoyat kodeksining 167-moddasi bilan jinoyat ishi qo‘zg‘atilgan. Hozirda tergov harakatlari olib borilmoqda.

Eslatib o‘tamiz, Kursiv Uzbekistan nashri Sirdaryoda soliq xodimi pora bilan qo‘lga tushgani haqida...

OpenAI smartfon bozorini o‘zgartirishi mumkin bo‘lgan yangi qurilma ustida ishlamoqda. Tahlilchi Min-Chi Kuoga ko‘ra, kompaniya MediaTek va Qualcomm bilan birga maxsus protsessorlar ishlab chiqmoqda.

Qurilma ishlab chiqarishida Luxshare asosiy hamkor bo‘lishi kutilmoqda. Ommaviy ishlab chiqarish 2028-yilda boshlanishi rejalashtirilgan.

Yangi smartfon konsepsiyasi ilovalarga emas, balki foydalanuvchining vazifalarini bajarishga qaratiladi. AI agent foydalanuvchi ehtiyojlarini tushunib, ko‘plab ishlarni mustaqil bajaradi. Bu esa smartfonlardan foydalanish uslubini tubdan o‘zgartirishi mumkin.

OpenAI bunday qurilma yaratish orqali dasturiy ta’minot va apparat qismini to‘liq nazorat qilishni maqsad qilgan. Smartfon foydalanuvchining kundalik holati haqida eng ko‘p ma’lumot beruvchi qurilma bo‘lgani uchun AI agentlar uchun muhim platforma hisoblanadi.

Qirg‘izistonda mineral o‘g‘itlar narxi keskin oshib, ayrim mahsulotlar deyarli ikki baravar qimmatlashdi. Bu haqda deputat Gulay Mashrapova ma’lum qildi.

Uning aytishicha, Qora-Suv tumani agrarlari og‘ir vaziyatga tushib qolgan. So‘nggi haftalarda fermerlar o‘g‘itlar narxining keskin oshgani bo‘yicha ommaviy murojaatlar qilmoqda. Deputat keltirgan raqamlarga ko‘ra, karbamid narxi 28 somdan 56 somgacha (taxminan $0,32 dan $0,64 gacha) oshgan. Ammofos 48 somdan 60 somga (taxminan $0,55 dan $0,69 gacha) qimmatlagan. Azotli o‘g‘itlar esa 17 somdan 38 somga (taxminan $0,19 dan $0,43 gacha) chiqib, ikki baravardan ko‘proq o‘sish qayd etilgan.

Mashrapova ta’kidlashicha, qishloq aholisining daromadi asosan hosilga bog‘liq. Shu sababli o‘g‘it narxining oshishi ular...

AQShlik pop-yulduz Teylor Svift sun’iy intellekt tomonidan yaratiladigan soxta kontentlardan himoyalanish maqsadida AQSh Patent va savdo belgilari idorasiga arizalar topshirdi. Murojaat xonandaning ikkita ovozli xabarini va qiyofasini himoya qilishga qaratilgan. Bu haqda CNN xabar bermoqda.

Huquqshunos Josh Gerbenning ta’kidlashicha, ushbu arizalar xonandani sun’iy intellekt xavfidan asrash uchun maxsus ishlab chiqilgan. Bugungi kunda sun’iy intellekt vositalari taniqli ijrochilarning ishtirokisiz ularning realistik videolarini yaratayotgani va striming platformalarini raqamli musiqa bilan to‘ldirayotgani ko‘ngilochar sanoat uchun jiddiy muammoga aylanmoqda.

Teylor Sviftning arizalari unga tegishli bo‘lgan TAS Rights Management kompaniyasi nomidan topshirilgan bo‘lib, ular savdo belgilarini himoya qilishning kamroq ma’lum bo‘lgan toifasi ovozli belgilarni...

Andijon viloyatida tuyaqushchilik yo‘nalishi uchun ajratilgan yer maydonini noqonuniy ravishda pullashga uringan fermer xo‘jaligi rahbari qo‘lga olindi. U kadastr idoralaridagi tanishlari orqali hujjatlarni to‘g‘rilab berishni va’da qilgan.

Prokuratura departamentining Xonobod shahri bo‘limi va boshqa huquq-tartibot idoralari hamkorligida tezkor tadbir o‘tkazildi. Unda «F-D.» fermer xo‘jaligi rahbari jinoyat ustida ushlandi.

Ma’lum qilinishicha, Xo‘jaobod tumani hokimi qarori bilan mazkur fermer xo‘jaligiga tuyaqushchilik tarmog‘ini rivojlantirish uchun yer maydoni ajratilgan bo‘lgan. Gumonlanuvchi ushbu hududning 1 gektarini fuqaroga $20 mingga sotishga kelishgan.

Shuningdek, u kadastr idoralarida ishlovchi tanishlari orqali yerni chorvachilik yo‘nalishiga o‘zgartirib, qurilish ishlari uchun tegishli hujjatlarni tayyorlab berishni aytgan. Fermer oldindan bo‘nak sifatida...

General Motors (GM) 2026-yilning birinchi choragida operatsion foydasi tahlilchilar prognozidan salkam 45 foizga ko‘proq bo‘ldi.

GM operatsion foydasi $4,3 mlrdni tashkil etdi, bu kutilgan $3 mlrdlik prognozdan 43 foizga yuqori. Ushbu natijada AQSh Oliy sudi tomonidan Donald Trampning import yig‘imlari bekor qilingach, qaytarilgan $500 mlnlik bojlar hisobga olingan. Biroq sof foyda o‘tgan yildagiga nisbatan 5,7 foizga pasayib, $2,6 mlrdga tushdi.

Sotuvlar hajmi birinchi chorakda 626,4 mingta avtomobilgacha (9,7 foizga) kamaydi. Sotuvlar pasayishini tahlilchilar ikki sabab bilan izohlamoqda. Bular 2025-yil mart oyidagi xaridlarning ortishi hamda joriy yil boshidagi qattiq sovuq. 2026-yil uchun GM operatsion foyda prognozini $500 mlnga oshirib...

GM Chevrolet Tracker 2027 modelining yangilangan versiyasini sinovdan o‘tkazmoqda. Model ilk bor kamuflyaj ostida suratga tushirildi, deya xabar bermoqda GMAutority.

Rasmlarga ko‘ra, avtomobil dizaynida sezilarli o‘zgarishlar bo‘ladi. Old qism yanada keskin va tik shaklga o‘tayotgani ko‘rinadi. Hozirgi vertikal chiroqlar o‘rniga yangi modelda gorizontal joylashuv qo‘llanilishi kutilmoqda.

Faralar ham qayta ishlangan. Ular yuqoriroq joyga ko‘chirilgan va ikki blokli tuzilishga ega bo‘ladi. Radiator panjarasi dizayni ham yangilanib, umumiy ko‘rinish Chevrolet Blazer’ning yangi avlodiga o‘xshash bo‘lishi mumkin.

Orqa qismda ham jiddiy o‘zgarishlar bor. Stop-chiroqlar ikki qavatli ko‘rinishda bo‘ladi. Orqaga yurish chiroqlari markazga yaqinroq joylashtirilgan. Bumper shakli ham qayta ishlangan.

Prototipda yangi disk...

O‘zbekistonda 2026-yilgi Haj mavsumi 2-maydan boshlanadi. O‘zbekiston musulmonlari idorasi 18-mayga qadar har kuni mamlakatdan Saudiya Arabistoniga aviareyslar amalga oshirilishini ma’lum qildi.

Bunda ziyoratchilar Toshkent, Namangan, Farg‘ona, Andijon, Samarqand, Buxoro, Qarshi, Termiz va Urganch aeroportlaridan Madina shahriga to‘g‘ridan to‘g‘ri uchadi. Hajga olib borish FlyAdeal aviakompaniyasi tomonidan, qaytish esa Uzbekistan Airways orqali tashkil etiladi.

Hozirda ziyoratchilarni safarga tayyorlash ishlari yakunlanmoqda. Ular tibbiy ko‘rikdan o‘tkazilib, zarur emlashlar qilindi. Haj vizalari va boshqa hujjatlar rasmiylashtirildi. Guruh rahbarlari biriktirilib, safar oldi tushuntirish ishlari olib borilmoqda.

Shuningdek, har bir ziyoratchiga zarur buyumlar berilmoqda. Saudiya Arabistonida esa ishchi guruhlar mehmonxonalar va ibodat joylarida sharoitlarni tayyorlash ustida...

«Manchester Siti» va O‘zbekiston milliy terma jamoasi himoyachisi Abduqodir Husanov FMInside portali tomonidan 2026-yilgi istiqbolli yosh futbolchilar ro‘yxatiga kiritildi. Futbolchining taxminiy transfer qiymatini 119 mln yevrogacha baholandi.

Husanov ushbu reytingda «Barselona» vingeri Lamine Yamal, PSJ a’zolari Joau Nevesh va Uoren Zair-Emeri kabi yosh futbolchilar bilan bir ro‘yxatda e’tirof etilgan. 22 yoshli markaziy himoyachining hozirgi qobiliyati 75, potensial imkoniyati esa 87 ball bilan baholangan.

Shuningdek, ro‘yxatdan PSJ’ning yana bir futbolchisi Dizere Due, «Yuventus» hujumchisi Kenan Yildiz, «Komo» yarimhimoyachisi Niko Paz hamda «Barselona»ning yana ikki vakili Gavi va Pau Kubarsi o‘rin olgan.

Husanovning taxminiy transfer qiymati 63 mlndan 119 mln yevrogacha...

SAIC Motor tarkibidagi MG Motor yangi MG 07 modelini ilg‘or avtopilot tizimi bilan jihozlaydi. Bu haqda Pekin avtosalonida ma’lum qilindi.

Model Momenta ishlab chiqqan R7 tizimini oladi. Ushbu tizim maxsus X7 chipi bilan qo‘llab-quvvatlanadi. Kompaniyalar bu texnologiyani Tesla ning FSD V14 tizimi bilan bir darajada deb baholamoqda. Shu orqali MG global avtopilot bozorida jiddiy raqobatchiga aylanishni maqsad qilgan.

R7 tizimi ilg‘or modellarda qo‘llaniladigan texnologiyani nisbatan arzon segmentga olib kiradi. MG vakillariga ko‘ra, bu foydalanuvchilarga yuqori darajadagi funksiyalarni arzonroq narxda taqdim etadi. Momenta ma’lumotiga ko‘ra, tizim 100 mln kilometrdan ortiq haydash ma’lumotlari asosida o‘qitilgan. Kompaniya 2026-yil oxirigacha ushbu texnologiya o‘rnatilgan...

O‘zbekiston Milliy investitsiya jamg‘armasi (UzNIF) aksiyalarini ommaviy joylashtira boshladi. IPO 29-apreldan start oldi va 12-may atrofida yakunlanishi kutilmoqda.

Taklif narxi bitta GDR uchun $25 etib belgilandi. Oddiy aksiya narxi esa 4,65 so‘mni tashkil qiladi. Bitta GDR 64 700 ta aksiyaga teng. Mazkur joylashtirish orqali kompaniya taxminan $1,95 mlrd bozor kapitallashuviga baholanmoqda. IPO doirasida jamg‘arma aksiyalarining qariyb 30 foizi sotuvga chiqarilmoqda.

Taklif ikki qismdan iborat bo‘ladi. Birinchisi Toshkent birjasida mahalliy va ayrim xorijiy investorlar uchun aksiyalar savdosidir. Ikkinchisi esa xalqaro investorlar uchun GDR shaklida taqdim etiladi.

Toshkent birjasida jismoniy shaxslar uchun imtiyoz ham bor. Ular 12 mlrd so‘mgacha bo‘lgan buyurtmalar...

Yevroparlament Yevropa Ittifoqining uzoq muddatli budjetini qariyb 200 mlrd yevroga oshirishni talab qildi. Bu 2028 – 2034-yillar davrini qamrab oladi, deya xabar bermoqda Euronews.

Deputatlar umumiy budjetni taxminan 10 foizga kengaytirishni taklif qilmoqda. Shuningdek, ular Yevropa darajasida yangi soliqlar joriy etishni ham ilgari surdi. Parlament bu pozitsiyani ko‘pchilik ovoz bilan qabul qildi. Biroq u a’zo davlatlar bilan keskin muzokaralarga olib kelishi kutilmoqda. Chunki ko‘plab davlatlar o‘z badallarini oshirishga qarshi.

Yangi budjet bo‘yicha yakuniy qaror Yevroparlament va 27 ta a’zo davlat tomonidan birgalikda tasdiqlanishi kerak. Muzokaralar murakkab kechishi prognoz qilinmoqda. Taklifga ko‘ra, qo‘shimcha mablag‘lar innovatsiya, raqobatbardoshlik va tashqi siyosat yo‘nalishlariga...

Jahon banki prognoziga ko‘ra, 2026-yilda xomashyo narxlari so‘nggi to‘rt yil ichidagi eng yuqori darajaga chiqadi. Bank hisob-kitoblariga ko‘ra, umumiy narx indeksi bu yil taxminan 16 foizga oshadi.

Hisobotda aytilishicha, bu o‘sish energiya va o‘g‘it narxlarining keskin qimmatlashuvi bilan bog‘liq. Yaqin Sharqdagi mojaro va Hormuz bo‘g‘ozining yopilishi global bozorlarga kuchli zarba bergan. Bu hudud orqali ilgari dunyo dengiz orqali tashiladigan neftining qariyb uchdan bir qismi o‘tgan.

Jahon banki bosh iqtisodchisi Indermit Gillning aytishicha, urush global iqtisodiyotga bosqichma-bosqich ta’sir qiladi. Avval energiya narxlari oshadi, keyin oziq-ovqat qimmatlashadi, oxirida esa inflyatsiya kuchayadi.

Prognozga ko‘ra, energiya narxlari indeksi bu yil 24 foizga...

Qirg‘izistonda davlat to‘ntarishiga urinish bilan bog‘liq ish doirasida Qamchibek Tashiyevga yangi ayblov qo‘yildi. Bu haqda mahalliy 24.kg nashri xabar bermoqda.

Advokat ma’lumotiga ko‘ra, sobiq maxsus xizmat rahbari Qamchibek Tashiyev, sobiq deputat Qurmanqulu Zulushev hamda parlament sobiq spikeri Nurlanbek Shakiyevga ayblov qo‘yilgan. Ular ommaviy tartibsizliklarni tashkil etish va tergov tomonidan davlat to‘ntarishiga urinish sifatida baholanayotgan harakatlarda gumon qilinmoqda.

Huquq-tartibot organlaridagi manbalarga ko‘ra, uchala shaxs Ichki ishlar vazirligining bosh tergov boshqarmasida bir necha soat davomida so‘roq qilingan. Shundan so‘ng ular binoni tark etgan. Hozircha ayblov tafsilotlari ochiqlanmayapti.

Mazkur ishning boshlanishiga 2026-yil fevral oyida 75 nafar fuqaro tomonidan prezident Sadir Japarov nomiga...

2026-yilning yanvar – mart oylarida O‘zbekistonda hududlar kesimida yalpi hududiy mahsulot (YHM) hajmi bo‘yicha Toshkent shahri eng yuqori natijani qayd etib, mutlaq yetakchiga aylandi. Bu haqda Milliy statistika qo‘mitasi xabar bermoqda.

Respublika bo‘yicha umumiy yalpi ichki mahsulot hajmi joriy narxlarda 447,9 trln so‘mni, mamlakat iqtisodiyotining real o‘sish sur’ati esa 2025-yilning mos davridagiga nisbatan 8,7 foizni tashkil etgan.

Hududlar orasida birinchi o‘rinni egallagan Toshkent shahrining ko‘rsatkichi 94,5 trln so‘mga, yillik o‘sish esa 13 foizga teng bo‘ldi. Yetakchilar uchligini mos ravishda Navoiy (52,6 trln so‘m) va Toshkent (43,2 trln so‘m) viloyatlari to‘ldirgan.

Bugun, 29-aprel kuni Markaziy bank asosiy stavkani yana o‘zgartirmay, 14 foiz darajasida saqlab qolish haqida qaror qabul qildi. Bu haqda regulyator matbuot xizmati ma’lum qildi.

«Umumiy inflyatsiya pasayishda davom etib, yil yakuniga prognozlarga koʻra 6,5 foizgacha sekinlashishi kutilmoqda. Shu bilan birga, narxlarning barqarorlashuv jarayonlari sustlashib, bunga ta’sir koʻrsatuvchi tashqi omillarning kuchayishi kuzatilmoqda.

Iqtisodiy faollikning jadallashuvi, yuqori yalpi talab va tashqi iqtisodiy muhitdagi noaniqliklar fonida inflyatsiyani 5 foizlik target darajasiga barqaror pasaytirish maqsadida qat’iy pul-kredit sharoitlarini davom ettirish lozim deb topildi», – deyiladi xabarda.

2026-yil mart oyida umumiy inflyatsiya prognoz doirasida yillik 7,1 foizgacha pasaydi. Ushbu...

Apple kompaniyasi iPhone, iPad va Mac qurilmalaridagi rasm tahrirlovchisiga keng ko‘lamli yangilanishlarni tayyorlamoqda. Yangi tizimlarda Apple Intelligence bazasidagi sun’iy intellekt imkoniyatlari kengaytiriladi. Bu haqda Bloomberg nashri xabar bermoqda.

iOS 27, iPadOS 27 va macOS 27 tizimlarining asosiy yangiligi sifatida aqlli kesish hamda rasm chegaralarini generativ kengaytirish funksiyalari qo‘shiladi. Barcha jarayonlar bevosita qurilmaning o‘zida amalga oshiriladi va tahrirlash uchun bir necha soniya sarflanadi.

Apple vakillari ushbu ma’lumotlarga izoh berishdan bosh tortgan. Hozirgi vaqtda kompaniya qurilmalari sun’iy intellekt yordamida faqat kadrdagi keraksiz obyektlarni o‘chira oladi xolos.

Google Pixel va Samsung Galaxy kabi asosiy raqobatchilar tahrirlash uchun ancha kengroq sun’iy intellekt funksiyalariga...