Yangiliklar

O‘zbekistonda transport tizimini modernizatsiya qilishga oid prezident qarori ijrosini ta’minlash choralari ko‘rilmoqda. Toshkentda o‘tkazilgan taqdimotda tirbandliklarni kamaytirish va jamoat transportini boshqarishning yangi mexanizmlari namoyish etildi.

Mazkur loyiha ijrosi uchun maxsus tuzilgan Yo‘l harakatini tashkil etish markazida Toshkent shahridagi tirbandliklar va ekologiya masalalarini hal qilishga qaratilgan taqdimot o‘tkazildi. Unda poytaxtning umumiy jamoat transporti nazoratini yangi bosqichga olib chiqish bo‘yicha strategik rejalar belgilab olindi.

Hisobotlarga ko‘ra, yaqin muddat ichida «aqlli» svetoforlar o‘rnatish, yo‘llarga xalqaro standartlarga mos chiziqlar tortish hamda avtoturargohlarni tartibga solish bo‘yicha keng ko‘lamli ishlar boshlanadi. Ushbu chora-tadbirlar poytaxtning ekologik holatini yaxshilash va yo‘llardagi harakat xavfsizligini ta’minlashga xizmat qilishi ko‘zda...

Adliya vazirligiga xususiy korxona tomonidan bepul foydalanish uchun berilgan Kia K9 avtomobili egasiga qaytarildi. Vazirlik matbuot xizmatining «Kursiv» nashriga ma’lum qilishicha, transport vositasidan foydalanish zarurati qolmagan.

«Hukumatning E-qaror platformasi»da 2026-yil 12-fevraldagi 46-sonli buyruq joylashtirilgan, keyinchalik esa o‘chirib tashlangan. Tarmoqlarda tarqalgan skrinshotda «Roodel» MCHJ bilan bepul foydalanish shartnomasi tuzilgani qayd etilgan.

Hujjatga ko‘ra, korxona vazirlikka Kia K9 avtomobilini tekin foydalanishga taqdim etgan. Yonilg‘i va texnik xizmat xarajatlari davlat organi zimmasiga yuklatilgan. Buyruqqa bosh vazir o‘rinbosarining 2026-yil 30-yanvardagi topshirig‘i asos qilib ko‘rsatilgan.

Mazkur holat ijtimoiy tarmoqlarda muhokamalarga sabab bo‘ldi. Ayrim faollar davlat organlarining xususiy kompaniyadan yuqori toifadagi avtomobilni bepul qabul qilishi etika...

Samsung Galaxy S24 va Galaxy S23 flagman smartfonlari uchun yangi dasturiy yangilanish chiqarildi. Sammobile’ga ko‘ra, unda 2026-yil fevral oyi xavfsizlik tuzatmasi mavjud.

Yangilanish EZB2 texnik indeksiga ega bo‘lib, hajmi taxminan 442 MBni tashkil etadi. Yangilanishning asosiy maqsadi foydalanuvchi ma’lumotlari himoyasini kuchaytirishdan iborat.

Mazkur patch Android tizimi va One UI qobig‘ida aniqlangan 37 ta zaiflikni bartaraf etadi. Hozircha yangilanish Janubiy Koreyada tarqatila boshlandi. Yaqin kunlarda boshqa hududlardagi foydalanuvchilarga ham taqdim etiladi.

Eslatib o‘tamiz, avvalroq Samsung Galaxy S26 Ultra’da yangi Ocean Mode paydo bo‘lgani haqida xabar berilgandi. Ushbu texnologiya ilgari faqat olimlar uchun mo‘ljallangan maxsus vosita edi. Endi u...

O‘zbekiston 2025-yilda 12 ta xorijiy davlatga umumiy qiymati $36 mlnga teng bo‘lgan 45,2 ming tonna pomidor eksport qildi. Bu haqda Milliy statistika qo‘mitasi xabar berdi.

Ta’kidlanishicha, 2025-yildagi pomidor eksporti hajmi 2024-yilgi ko‘rsatkichlardan 3,3 ming tonnaga qisqargan. Shunga qaramay, mahsulotning asosiy qismi an’anaviy bozorlarga yo‘naltirilgan. Xususan, O‘zbekiston pomidorlarining eng yirik xaridori Rossiya bo‘lib, yil davomida bu davlatga 32 ming tonna mahsulot yetkazib berilgan.

Eksport hajmi bo‘yicha keyingi o‘rinlarni qo‘shni respublikalar egalladi. Qozog‘istonga 6,8 ming tonna, Qirg‘iz Respublikasiga esa 5,1 ming tonna pomidor eksport qilingan. Shuningdek, xaridor davlatlar ro‘yxatidan Birlashgan Arab Amirliklari (325,8 tonna) va Tojikiston (48,2 tonna) ham joy olgan...

8-mart Xalqaro xotin-qizlar kuni munosabati bilan Ostonada ayrim ayollarga bir martalik pul to‘lovi ajratiladi. Kursiv Qozog‘istonga ko‘ra, mablag‘lar avtomatik tarzda o‘tkaziladi, ariza topshirish talab qilinmaydi.

2026-yilda to‘lov miqdori har bir kishi uchun 10 813 tengeni (yoki $21,6) tashkil etadi.

Mazkur yordam ko‘p bolali onalarga, jumladan, «Oltin alqa» va «Kumush alqa» nishonlari sohibalariga, shuningdek, kam ta’minlangan va poytaxtda doimiy ro‘yxatda turuvchi ayollarga beriladi. Jami 36-37 ming nafar ayol qo‘llab-quvvatlanishi ko‘zda tutilgan.

To‘lovlar mahalliy budjet hisobidan moliyalashtiriladi. Oluvchilar ro‘yxati davlat bazalari orqali oldindan shakllantirilgan. Shu sababli davlat organlariga alohida murojaat qilish shart emas.

Eslatib o‘tamiz, avvalroq Turkmanistonda ham Xalqaro xotin-qizlar kuni...

Germaniyada 2026-yil kuz oyida boshlanadigan Ausbildung dasturi uchun qabul ochildi. Bu haqda Migratsiya agentligi ma’lum qildi.

Dasturga qatnashish uchun nemis tilidan kamida B1 daraja sertifikati (Goethe, ECL, Telc, ÖSD, TestDAF) talab etiladi. Shuningdek, ishtirokchilar 18 – 25 yosh orasida bo‘lishi va o‘rta maktab, kollej, litsey yoki texnikumni tamomlagan bo‘lishi kerak.

Dastur yo‘l qurilishi, kanal qurilishi, quvurlar yotqizish va maxsus qurilish ishlari kabi yo‘nalishlarda amalga oshiriladi. Ta’lim 2 yil davom etadi va muvaffaqiyatli tugallangach, doimiy ishga joylashish imkoniyati beriladi.

Birinchi kursda 822 yevro, ikkinchi kursda esa 1,057 yevro stipendiya beriladi. Doimiy ishga o‘tilganidan so‘ng, oylik maosh 2,400 yevro bo‘ladi.

Tijorat banklari tomonidan 27-fevral kungi xorijiy valyutalarni ayirboshlash kurslari yangilandi. «Kursiv» eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Eslatib o‘tamiz, avvalroq Kursiv Uzbekistan hafta davomida dollar kursi qanday o‘zgargani haqida yozgan edi.

24-fevral kuni Ko‘ksaroy qarorgohida o‘tkazilgan uchrashuvda Shavkat Mirziyoyev oldida jonli ijro qilgan o‘quvchi Otamurod Rayimboyev va’daga muvofiq avtomobil bilan taqdirlandi. Bu haqda Xorazm viloyati hokimligi matbuot xizmati ma’lum qildi.

Ma’lumot uchun, Rayimboyev Urganch tumanidagi 11-son bolalar musiqa va san’at maktabining 4-sinfida o‘qiydi. Tadbir davomida Komiljon Otaniyozov repertuaridan qo‘shiq ijro qilib, yig‘ilganlarda katta taassurot qoldirgan. Davlat rahbari uning iste’dodini e’tirof etib, mas’ullarga sovg‘a sifatida avtomobil ajratish bo‘yicha topshiriq bergan edi.

BYD Chazor avtomobili kaliti viloyat hokimi Jo‘rabek Rahimov tomonidan o‘quvchiga oila a’zolari va ustozlari ishtirokida topshirildi.

Avvalroq Kursiv Uzbekistan Andijonda rassomlar festivali o‘tkazilib, g‘oliblarga Chevrolet Onix berilgani haqida yozgandi.

Bolgariya poytaxti Sofiya shahrida boks bo‘yicha Stranja xalqaro turniri davom etmoqda. 26-fevral kuni o‘tkazilgan janglarda O‘zbekistonning 9 nafar vakili g‘alaba qozondi, 3 nafar bokschi esa mag‘lubiyatga uchradi. Bu haqda O‘zbekiston boks federatsiyasi xabar bermoqda.

O‘tkazilgan bahslarda 48 kg vaznda Farzona Fozilova va Sabina Boboqulova o‘z raqibalarini bir xil 5:0 hisobida mag‘lub etdi. 57 kg vazn toifasida ishtirok etgan Nigina O‘ktamova ukrainalik Karina Vovk ustidan 2-raunddayoq texnik nokaut bilan g‘alabaga erishdi.

Shuningdek, Feruza Kazakova, Navbahor Hamidova, Aziza Zokirova va Oltinoy Sotimboyeva kabi bokschilar ham navbatdagi bosqichga yo‘llanma oldi. Erkaklar o‘rtasidagi bahslarda Shavkatjon Boltayev 70 kgda va Abdulloh Madaminov 65 kgda...

AQSh prezidenti Donald Trampning rafiqasi Melaniya Tramp 2-mart kuni BMT Xavfsizlik kengashi yig‘ilishiga raislik qiladi. Bu haqda 26-fevral kuni AQShning BMTdagi doimiy vakili Mayk Uolts ma’lum qildi.

Uning aytishicha, bu AQSh raisligining birinchi kunida amalga oshadi. Bu amaldagi davlat rahbari rafiqasi ilk bor Xavfsizlik kengashiga raislik qilishi bilan tarixiy voqea bo‘ladi.

BMT vakillari bu 15 a’zodan iborat kengash yig‘ilishiga ilk bor amaldagi dunyo yetakchisi rafiqasi raislik qilayotganini ta’kidlagan. Odatda kengashga mamlakat elchisi yoki hukumatning yuqori martabali vakili boshchilik qiladi.

Melaniya Tramp avval ham Ukrainadan Rossiyaga olib ketilgan bolalarni qaytarish masalasini ko‘targan edi. AQSh prezidenti Donald Tramp BMTni uzoq yillardan...

Pokiston Afg‘onistonning Kobul va Qandahor shaharlariga zarba berdi. Bu haqda BBC ma’lum qildi.

Unga ko‘ra, hujumlar erta tongda amalga oshirilganini rasmiylar tasdiqlagan. Pokiston Kobul, Qandahor viloyatlaridagi «Tolibon» harbiy obyektlariga aviazarba berdi. Hujum oqibatida 72 afg‘on harbiysi halok bo‘lgan, 120 nafari jarohat olgan. Afg‘oniston tomoni esa chegarada o‘tkazilgan operatsiya natijasida 55 pokistonlik harbiy halok bo‘lgani, 11 nafari yaralangani hamda 19 ta nazorat-o‘tkazish punktlari egallab olinganini bildirgan.

Afg‘oniston tomoni bunga javoban chegarada qarshi hujum boshlaganini bildirdi. Islomobod zarbalarni oldindan ogohlantirilmagan afg‘on hujumlariga javob deb atagan.

Tomonlar bir-birini chegarani buzishda ayblamoqda. Pokiston shimoli-g‘arbida Xaybar Paxtunxva viloyatida o‘q uzish holatlari qayd...

Huawei kompaniyasi yangi Band 11 va Band 11 Pro smart bilaguzuklarini rasman taqdim etdi. Bu haqda GSMArena nashri ma’lum qildi.

Band 11 va Band 11 Pro

Band 11 seriyasi bu yil ikki xil variantda taqdim etildi. Ikkala model ham 1,62 dyuymli AMOLED ekran, 286 × 482 piksel o‘lcham, 60Hz yangilanish tezligi va Always on Display (AOD) funksiyasiga ega. Band 11 Pro biroz egilgan ekran va mustahkamroq korpusda. U 2,000 nits maksimal lokal yorqinlikka ega bo‘lsa, Band 11 modeli maksimal 1,500 nits bilan ishlaydi.

Ikkala model ham alyuminiy qotishma korpus va 5 ATM suvga chidamlilikka ega, shuning uchun...

Buyuk Britaniyaning avtomobil ishlab chiqaruvchisi Aston Martin moliyaviy bosim kuchaygani sababli shtatni sezilarli darajada kamaytirishga qaror qildi. The Guardian xabariga ko‘ra, kompaniya jami xodimlarning qariyb beshdan bir qismini qisqartirishni rejalashtirmoqda.

Ma’lumotlarga ko‘ra, bu choralar orqali ishlab chiqaruvchi taxminan 40 mln funt sterling ($54 mln atrofida) mablag‘ni tejashni ko‘zlamoqda. Rejaga binoan, 500 ga yaqin ish o‘rinlari optimallashtiriladi. Yil boshida esa kompaniya allaqachon 170 nafar xodim bilan mehnat shartnomasini bekor qilgan.

Kompaniya bayonotida aytilishicha, biznesni barqarorlashtirish va strategik rejalarni amalga oshirish uchun tashkiliy o‘zgarishlar zarur bo‘lgan. Rahbariyat bu qarorni qiyin, ammo majburiy qadam sifatida baholagan.

So‘nggi yillarda Aston Martin moliyaviy yo‘qotishlarni...

Toyota kompaniyasi tomonidan Toyota bZ Woodland 2026 taqdim etildi. Vietnam.vn nashrining yozishicha, yangi bZ Woodland ikki motorli to‘liq uzatmali tizim bilan jihozlangan. Umumiy quvvat 375 ot kuchini tashkil etadi.

Modelning batareya sig‘imi 74,7 kVt/soatni tashkil qiladi. EPA standartiga ko‘ra yurish zaxirasi 452 km. All-Terrain shinalar bilan bu ko‘rsatkich 418 km bo‘ladi. Uning yo‘l oralig‘i 213 mm bo‘lib, yuk tortish quvvati 1 588 kgga yetadi. Kuzov oddiy bZ versiyasidan 150 mm uzunroq va orqa qismi 25 mm balandroq. U 0 dan 96 km/soat tezlikka 4,4 soniyada chiqadi.

Toyota bZ Woodland 18 dyuymli yengil qotishma disklar bilan taklif etiladi. Qora...

Audi kompaniyasi yangi avlod Audi Q7 krossoverini ommaviy yo‘llarda sinovdan o‘tkazmoqda. Bu haqda Daily Motor nashri ma’lum qildi. Model 2000-yillardan beri ishlab chiqariladi va brendning eng mashhur avtomobillaridan biri hisoblanadi.

Ma’lumotlarga ko‘ra, yangi avlod Q7 tashqi ko‘rinishda jiddiy o‘zgaradi. Renderlarga qaraganda, avtomobil old qismi yanada yirikroq va agressivroq bo‘ladi. Faralar ikki qismli dizaynda bajariladi. Sakkiz burchakli radiator panjarasi qayta ishlanadi.

Kattaroq havo kirish qismi mashinaga sportcha ko‘rinish beradi. An’anaviy eshik tutqichlari o‘rniga elektr mexanizmli yashirin tutqichlar qo‘llanadi. Bu aerodinamikani yaxshilaydi.

Salon ham to‘liq yangilanadi. Ichki makon raqamli va yuqori texnologiyali bo‘ladi. Asimmetrik virtual panel multimedia ekrani bilan bitta oynali...

Dasturchi va sobiq Oculus muhandisi Kaleb Lik o‘z iti Momoni sun’iy intellekt yordamida o‘yinlar yaratishga o‘rgatdi. Bu haqda muhandis o‘zining blogida yozdi.

«Agar biror g‘alati yoki yaxshi ishlamaydigan ilovaga duch kelsangiz, ehtimol uni kimningdir iti yaratgan bo‘lishi mumkin», – deya hazillashadi muallif.

Kaleb iti Claude chat-botidan o‘zini daho geymdizayne sifatida tasavvur qilishni va sirli belgilar orqali berilgan topshiriqlarni o‘yin kodi ko‘rinishiga keltirishni so‘ragan.

Shundan so‘ng u itini klaviaturada tugmalarni bosishga o‘rgatgan: har safar Momo klaviaturani bosganda, avtomatik oziqlantirgichdan yegulik berilgan. Natijada tasodifiy belgilar tezda kodga aylangan, Claude esa ularni o‘yinga mos dastur satrlariga aylantirgan.

Instagram platformasi yaqin haftalarda o‘smirlar xavfsizligini ta’minlash maqsadida ota-onalarni ogohlantirish tizimini joriy etadi. Bu haqda Tech Crunch nashri ma’lum qildi.

Unga ko‘ra, agar o‘smir qisqa vaqt ichida o‘z joniga qasd qilish yoki o‘ziga zarar yetkazishga oid atamalarni bir necha bor qidirsa, ota-onasiga bu haqda xabar yuboriladi. Ogohlantirishlar Instagram’da ota-onaviy nazorat tizimiga ulangan foydalanuvchilarga taqdim etiladi.

Meta’ga tegishli platforma hozir ham bunday kontentni qidirishni bloklaydi. Yangi mexanizm esa ota-onalarga farzandining xavfli holatga yaqinlashayotganidan xabardor bo‘lish imkonini beradi. Ogohlantirishga sabab bo‘lishi mumkin bo‘lgan qidiruvlar orasida o‘z joniga qasd qilishni targ‘ib qiluvchi iboralar va «self-harm» kabi so‘zlar bor.

Ota-onalar xabarni elektron...

Rossiya rasmiylari Telegram messenjerini bloklash muddatlari bo‘yicha yakuniy qarorga kelgani aytilmoqda. RBK manbalariga ko‘ra, messenjer faoliyati aprel oyining dastlabki kunlarida cheklanishi mumkin.

Nashr suhbatdoshlarining bildirishicha, bu qaror vazirliklar darajasida muhokama qilingan va Kremlga yaqin ikki manba uni yakuniy deb atagan. Cheklov joriy etilishiga sabab sifatida so‘nggi vaqtlarda messenjer orqali, jumladan, voyaga yetmaganlarni noqonuniy harakatlarga jalb qilish holatlari ko‘paygani keltirilgan.

Avvalroq Raqamli rivojlanish vaziri Maksut Shadayev Telegram faoliyatini maxsus harbiy operatsiya hududida cheklash rejalashtirilmayotganini ma’lum qilgan edi. Biroq RBK manbalariga ko‘ra, aprel oyidan messenjer faqat front hududida ishlashi mumkin.

Fevral oyida Rossiya OAVi Telegram asoschisi Pavel Durovga nisbatan terrorchilik faoliyatiga...

iQOO brendi yaqinda chiqariladigan yangi smartfoni Z11x’ni namoyish etmoqda. Bu haqda Gizmochina nashri ma’lum qildi.

Qurilma arzon narxda bo‘lib, taxminan $250 atrofida sotilishi kutilmoqda. Z11x eng yuqori darajadagi xususiyatlarga ega bo‘lmasa-da, Dimensity 7400-Turbo protsessori asosida ishlaydi, bu narx segmentida yetarlicha samarali hisoblanadi.

Smartfon 8 GB operativ va 256 GB ichki xotira bilan jihozlangan bo‘ladi. Qurilma Android 16 asosida ishlaydigan OriginOS 6 operatsion tizimi bilan taqdim etiladi.

Z11x modeli iQOO Z10x’ning o‘rnini egallashi kutilmoqda. Z10x 120 Hz ekran va 6500 mAh quvvatga ega batareya bilan ishlab chiqarilgan edi. Ta’kidlanishicha, Z11x taqdimoti shu yilning mart oyida amalga oshiriladi.

Eslatib o‘tamiz...

Yo‘llarda noqonuniy poygalar tashkil etish va ularda ishtirok etganlik uchun ma’muriy hamda jinoiy javobgarlik belgilashni nazarda tutuvchi qonun loyihasi ishlab chiqildi. Bu haqda Adliya vazirligi ma’lum qildi.

Qayd etilishicha, so‘nggi paytlarda avtomobil yo‘llarida o‘tkazilayotgan noqonuniy poygalar yo‘l harakati ishtirokchilari xavfsizligiga jiddiy tahdid solmoqda. Bunday holatlar nafaqat jamoat tartibini buzmoqda, balki og‘ir yo‘l-transport hodisalari va inson o‘limigacha olib kelayotgan salbiy oqibatlarni keltirib chiqarmoqda.

Vazirlik ma’lumotiga ko‘ra, mazkur tashabbus aholining, xususan, haydovchilar va piyodalarning xavotirlariga javoban ilgari surilgan. Qonun loyihasi yo‘l-transport hodisalarining oldini olish va huquqbuzarliklar profilaktikasini kuchaytirishga qaratilgan.

Hujjat joriy yilning 17-fevral kuni vazirlik va idoralarga kelishish uchun yuborilgan. Belgilangan...

27-fevral sanasi siyosiy o‘zgarishlar, yirik tabiiy ofatlar hamda madaniyat va fan olamidagi yorqin voqealar bilan tarix sahifalaridan o‘rin olgan. Kursiv Uzbekistan kunning eng muhim voqealarini xronologik tartibda taqdim etadi.

1844-yili Dominikan Respublikasi Gaiti davlatidan o‘z mustaqilligini e’lon qildi. Xuan Pablo Duarte boshchiligidagi milliy ozodlik harakatlari natijasida 22 yillik Gaiti ishg‘oliga chek qo‘yildi. Oqibatda Karib dengizi havzasida mustaqil rivojlanish yo‘liga o‘tgan yangi davlat tashkil topdi.

1932-yilda Gollivudning eng afsonaviy aktrisalaridan biri Elizabet Teylor dunyoga keldi. U kinematografiya tarixidagi eng nufuzli shaxslardan biri hisoblanib, nufuzli «Oskar» mukofotini uch marta qo‘lga kiritgan. Teylor o‘zining yorqin rollari bilan bir qatorda ijtimoiy sohadagi...

27-fevral, juma kuni muborak Ramazon oyining to‘qqizinchi kuni boʻlib, Toshkent shahrida saharlikning tugashi soat 5:43 ni tashkil qiladi. Iftorlik esa 18:15 da boshlanadi.

Oʻzbekistondagi qolgan shaharlardagi vaqtlar quyidagi jadvalda keltirilgan:

Roʻza tutish (saharlik, ogʻiz yopish) duosi

Navaytu an asuvma sovma shahro ramazona minal fajri ilal magʻribi, xolisan lillahi taʼaalaa, Allohu akbar.

Iftorlik (ogʻiz ochish) duosi

Allohumma laka sumtu va bika amantu va aʼalayka tavakkaltu va ʼala rizqika aftartu, fagʻfirli, ya Gʻoffaru, ma qoddamtu vama axxortu.

Avvalroq Kursiv Uzbekistan Ramazonda suvsizlanishning oldini qanday olish mumkinligi haqida yozgandi. 

O‘zbekiston musulmonlari idorasi Fatvo markazi direktor o‘rinbosari G‘ulomiddin domla Xolboyev «Ramazonda yotishdan oldin ro‘zaga niyat qilib, saharlikka turmasa bo‘ladimi?» degan savolga quyidagicha javob berdi:

«Bismillahir rohmanir rohim. Alhamdulillah, vas solatu vas salamu ala Rasulillah. Saharlikka turmasdan, ya’ni saharlik qilmasdan ro‘za tutish bilan u ro‘zasi ro‘za bo‘ladi. Lekin bu kishi, ya’ni bitta sunnatni bajarmagan, bitta sunnatni tark qilgan hisoblanadi. Chunki Payg‘ambarimiz sollallohu alayhi vasallamning bir hadisi shariflari bor: «Tasahharu fa inna fis sahuri barokatan», deydilar. Saharlik qilinglar, chunki saharlikda baraka bor, deydilar. Mana shu hadisi sharifga muvofiq, ulamolarimiz saharlik qilish kerak ekanligini, saharlik qilishning bir qancha fazilatlari...

O‘zbekistonning birinchi kosmonavti kim bo‘ladi

O‘zbekiston anchadan buyon kosmosga parvoz dasturi ustida ish olib bormoqda. Shunday ekan, O‘zbekistonning ilk kosmonavti kim bo‘lishi barchaga qiziq. «O‘zbekkosmos» agentligi matbuot kotibi ushbu savolga javob berdi.

O‘zbekistondagi «zapravka»larda 1-apreldan benzin faqat karta orqali sotiladi

1-apreldan boshlab O‘zbekistonda avtomobillarga yonilg‘i quyish uchun to‘lovlar faqat naqdsiz shaklda amalga oshiriladi. Bu haqda prezident farmonida keltirilgan.

Bill Geyts Epshteyn bilan aloqalari uchun uzr so‘radi

Amerikalik tadbirkor, Microsoft hammuassisi Bill Geyts Jeffrey Epshteyn bilan aloqalari uchun uzr so‘radi va turmush o‘rtog‘iga xiyonat qilganini tan oldi. Bu haqda The Wall Street Journal nashriga bergan intervyusida ma’lum qildi.

Qo‘qondagi uyda portlash...