Yangiliklar

Xalqaro valyuta jamg‘armasi (XVJ)ning yangi hisobotiga ko‘ra, 2030-yilga kelib dunyo davlatlarining qarzi yalpi ichki mahsulot (YaIM)ning 100 foizidan oshib ketishi mumkin.

Bu ko‘rsatkich Ikkinchi jahon urushidan keyingi eng yuqori daraja bo‘lishi taxmin qilinmoqda, deb yozadi Bloomberg.

Unga ko‘ra, qarzlarni qaytarish xarajatlarining oshishi, mudofaa sohasiga yo‘naltirilgan mablag‘lar ko‘payishi hamda aholi qarishi davlat byudjetlariga katta bosim o‘tkazmoqda.

Jamg‘arma bayonotida qayd etilishicha, yuqori defitsit va qarz darajasi, shuningdek, soliq daromadlariga nisbatan xarajatlarning ortishi davlat qarzining yanada o‘sishiga olib keladi. Bu esa iqtisodiy barqarorlik va moliyaviy tizim uchun jiddiy xavf tug‘diradi.

Hisob-kitoblarga ko‘ra, agar hozirgi tendensiyalar saqlanib qolsa, 2029-yilga borib global qarz YaIMning...

Endilikda mikromoliya, faktoring tashkilotlari va lombardlar islomiy moliya xizmatlarini taklif etishi mumkin. Bu haqda Markaziy bank qarori e’lon qilindi.

Yangi tartib shariat tamoyillariga asoslangan ijara, murabaha, muzoraba, mushoraka va salam kabi moliyaviy mexanizmlarni joriy etishga imkon beradi.

Bu o‘zgarishlar «Mikromoliya tashkilotlari va lombardlar faoliyatini tartibga solish to‘g‘risidagi nizom»ning yangilangan tahriri asosida kuchga kirdi. Endilikda faktoring tashkilotlari ham ushbu nizom doirasiga kiritilgan.

Yangi tartibga ko‘ra, tashkilotlar faoliyatida zaxira fondlarini shakllantirish, aktivlar sifatini baholash hamda umidsiz qarzlarni hisobdan chiqarish tartiblari aniq belgilandi. Shuningdek, ularning kapital yetarliligi jami xususiy kapitalning jami aktivlarga nisbati orqali hisoblanadi va bu koeffitsiyent 10 foizdan kam bo‘lmasligi...

Qozog‘istonning Kostanay shahrida yangi Kia avtomobil yig‘ish zavodi ishga tushdi. Bu haqda Kolesa.kz nashri xabar berdi.

Unga ko‘ra, bu korxonada birinchi bo‘lib budjet toifasidagi Kia Soluto sedani ishlab chiqariladi. Uning narxi taxminan 8 million tenge (ya’ni $14,8 ming) atrofida bo‘ladi. Bu esa uni Chevrolet Cobalt modelining to‘g‘ridan to‘g‘ri raqobatchisiga aylantiradi.

Kia Soluto 2025-yil oxirigacha sotuvga chiqarilishi kutilmoqda. Modelning uzunligi 4,3 metr, g‘ildirak bazasi esa 2,57 metrni tashkil etadi. Bu ko‘rsatkich Lada Grantadan biroz kattaroq.

Avtomobil 1,4 litr hajmdagi 95 ot kuchiga ega benzin dvigateli va klassik 4 pog‘onali avtomatik uzatma bilan jihozlanadi.

Kia Qozog‘iston zavodining loyihaviy...

O‘zbekistonda PayWay to‘lov tizimi hammuassisi va kuzatuv kengashi a’zosi Bexzod Botirov noqonuniy qimor o‘yinlarini tashkil etishda gumonlanib qamoqqa olingan. Bu haqda kompaniya rasmiy sahifasida ma’lum qildi.

Botirov avval Humans Group tarkibidagi UPay to‘lov tashkilotini 6,5 yildan ortiq boshqargan. U 2025-yil 4-iyul kuni Toshkent shahrining Yakkasaroy tumani sudi qarori bilan hibsga olingan.

Sud unga nisbatan qamoqda saqlash tarzidagi ehtiyot chorasi qo‘llagan. Sentabr oyida sud hibs muddatini 2026-yil fevraligacha uzaytirgan, bunga gumonlanuvchining yashirinib ketishi yoki dalillarni yo‘q qilish xavfi sabab qilib ko‘rsatilgan.

Tergovga ko‘ra, Botirovga «qimor yoki xavfga asoslangan o‘yinlarni noqonuniy tashkil etish yoki o‘tkazish» ayblovi qo‘yilgan.

Tadbirkorga 7 yildan...

Telegram messenjeri asoschisi Pavel Durov Fransiyaning mashhur Luvr muzeyidan o‘g‘irlangan qimmatbaho buyumlarni sotib olib, muzeyga qaytarishga tayyor ekanini ma’lum qildi. Bu haqda o‘zining X (sobiq Twitter) sahifasida yozgan.

«O‘g‘irlangan taqinchoqlarni sotib olib, ularni Luvrga qaytaraman. Albatta, men Abu-Dabi Luvrini nazarda tutyapman», – deb hazillashgan Durov. – Axir hech kim Abu-Dabi Luvridan o‘g‘irlik qilmaydi», — deya qo‘shimcha qilgan u.

Durov, shuningdek, Parijdagi Luvrda sodir bo‘lgan o‘g‘irlikni Fransiyaning tanazzulga yuz tutganining belgisi deb atadi. Uning fikricha, bu hodisa ajablanarli emas, chunki Fransiya hukumati o‘z majburiyatlarini bajara olmayapti.

Voqea tafsilotlari

19-oktabr kuni ertalab noma’lum shaxslar sariq...

AQShning NASA agentligi SpaceX kompaniyasi bilan $2,9 milliardlik oyga qo‘nish moduli bo‘yicha shartnomani qayta ko‘rib chiqishi yoki bekor qilishi mumkin. Bu haqda agentlik rahbari vazifasini bajaruvchi Shon Daffi CNBC telekanaliga bergan intervyusida ma’lum qildi.

Daffining so‘zlariga ko‘ra, SpaceX kompaniyasi ishlab chiqayotgan Starship kemasi loyihasi jadvaldan ortda qolmoqda va bu NASA’ning oyga inson yuborish bo‘yicha rejasini kechiktirishi mumkin.

«Biz Xitoy bilan yangi kosmik poygada ishtirok etyapmiz. Shuning uchun bitta kompaniyani kutib o‘tirmaymiz», — dedi NASA rahbari.

Agar NASA SpaceX bilan shartnomani bekor qilsa, bu 2021-yilda boshlangan Artemida-3 dasturi uchun salbiy o‘zgarish bo‘ladi. Mazkur missiya...

Prezident farmoniga ko‘ra, favqulodda vaziyatlar xavfini kamaytirish va ularning oqibatlarini yengillashtirish bo‘yicha bir qator yangi chora-tadbirlar belgilandi.

Endilikda bu sohada sun’iy intellekt, robototexnika va raqamli texnologiyalar keng joriy etiladi. Shu orqali turli idora va tashkilotlarning axborot tizimlari yagona texnologik platformaga birlashtiriladi.

Shuningdek, quyidagi yo‘nalishlar ustuvor vazifa etib belgilandi:

Mazkur farmon orqali favqulodda...

2028-yil 1-dekabrga qadar favqulodda vaziyatlar tizimida zamonaviy axborot texnologiyalari va raqamli yechimlarni joriy etish orqali raqamlashtirish darajasi 60 foizga yetkaziladi. Bu haqda prezident qarori qabul qilindi.

2030-yilgacha sohada ishlatiladigan import o‘rnini bosuvchi qutqaruv va yong‘in texnikasi mahsulotlarining mahalliylashtirish darajasi 30 foizga yetkazilishi rejalashtirilgan. Shuningdek, innovatsion mahsulotlar yaratish, sinov-tadqiqot ishlari, muvofiqlikni baholash va yong‘in-texnik ekspertiza tizimi yanada rivojlantiriladi.

2026-yil 1-dekabrga qadar idoralararo raqamli jamoa yagona texnologik talablar asosida butun sohani raqamlashtiradi. 2027-yil 1-dekabrga qadar esa vazirlik va idoralarning axborot tizimlari Favqulodda vaziyatlar vazirligining axborot-tahliliy platformalariga integratsiya qilinadi.

Avvalroq IT-parkning ikkinchi bosqichi start olgani haqida yozgan edi.

Prezident Shavkat Mirziyoyev o‘zbek tiliga davlat tili maqomi berilganining 36 yilligi munosabati bilan xalqni tabrikladi. Davlat rahbari nutqida o‘zbek tilining mavqeyini oshirish, uni zamonaviy ilm-fan va texnologiyalar tili sifatida rivojlantirish bo‘yicha amalga oshirilayotgan ishlarni ta’kidladi.

Xususan, bugungi kunga qadar 250 mingga yaqin geografik obyekt, jumladan, 200 mingdan ortiq ko‘cha nomlari davlat tiliga muvofiqlashtirilib, reyestrga kiritildi. Faqat keyingi ikki yilda tog‘ va cho‘qqilar, daryo, ko‘l, suv omborlari, foydali qazilma konlari, metro bekatlari, temiryo‘l vokzali va stansiyalari, aeroport va avtostansiyalar singari 2,6 ming obyekt davlat tili talablari asosida qayta nomlandi.

Davlat rahbari til siyosatini ilmiy asosda yuritish, xorijiy so‘zlarni o‘zbekchalashtirish va...

O‘zbekiston Respublikasi mudofaa vaziri, general-leytenant Shuxrat Xalmuxamedov uchrashuv doirasida Qozog‘iston, Tojikiston, Turkmaniston va Qirg‘iziston mudofaa vazirlari bilan alohida muloqotlar olib bordi.

Suhbatlarda harbiy sohadagi o‘zaro hamkorlikni yanada kuchaytirish, qo‘shma tayyorgarlik tizimini takomillashtirish, tajriba almashish hamda mintaqaviy xavfsizlikni mustahkamlashga qaratilgan yangi tashabbuslarni amalga oshirish masalalari muhokama qilindi.

Uchrashuvning bosh maqsadi — Markaziy Osiyo hududida tinchlik, barqarorlik va o‘zaro birdamlikni ta’minlashga xizmat qiluvchi amaliy hamkorlikni chuqurlashtirishdir. Do‘stona muhitda o‘tgan muloqotlar davlatlar o‘rtasidagi ishonchni yanada oshirishga, mintaqada tinchlik va barqaror taraqqiyot sari yangi qadamlar tashlashga zamin yaratdi.

Shuningdek, tomonlar harbiy va harbiy-texnik yo‘nalishlardagi hamkorlikni kengaytirish, xalqaro terrorizmga qarshi kurashda birlashgan yondashuvni kuchaytirish...

Fransiya sobiq prezidenti Nikolya Sarkozi Liviya tomonidan saylov kampaniyasi uchun noqonuniy mablag‘ yig‘ish fitnasida ayblanib, besh yillik qamoq jazosini o‘tashni boshladi. Bu haqda Reuters xabar berdi.

21-oktabr kuni u Parijdagi La Sante qamoqxonasiga yetib keldi. Bu Ikkinchi jahon urushidan keyin sobiq fransuz rahbarlari qamoqqa tushgan ilk holatdir.

70 yoshli siyosatchi 2007–2012-yillarda mamlakatni boshqargan. U uyidan chiqib, rafiqasi Karla Bruni bilan mashinada qamoqxonaga yo‘l oldi. Yig‘ilganlar ularni Fransiya madhiyasini kuylab kuzatib qo‘yishdi.

Sarkozi o‘zini aybsiz deb hisoblaydi va ishni siyosiy sabablarga asoslangan deb atadi. X ijtimoiy tarmog‘ida e’lon qilgan murojaatida u shunday yozdi:

«Bugun qamoqqa olinayotgan kishi sobiq prezident...

Prezident Shavkat Mirziyoyev sun’iy intellektni rivojlantirish uchun malakali kadrlar tayyorlashni maktabdan boshlash zarurligini ta’kidladi.

Keyingi o‘quv yilidan informatika faniga sun’iy intellekt mavzulari kiritiladi. Buning uchun Massachusets texnologiyalar instituti bilan hamkorlikda yangi darslik ishlab chiqiladi.

Yangi O‘zbekiston universitetida esa bu yil 100 nafar, kelasi yilda esa 1 300 nafar o‘qituvchi sun’iy intellekt bo‘yicha tayyorlanadi. Ular maktab va oliygohlarda informatika fanini o‘qituvchi ustozlarni qayta tayyorlaydi.

Shuningdek, «Bir million sun’iy intellekt yetakchisi» loyihasi boshlandi — bu yil 100 ming, kelasi yilda esa kamida 500 ming yosh o‘qitiladi. Har yili o‘tkaziladigan milliy tanlovda:

22-oktabr uchun valyuta kurslari e’lon qilindi. Shu kun uchun AQSh valyutasi 12 011.02 so‘m (-49,13 so‘m) etib belgilandi. Bu haqda Markaziy bank xabar bermoqda.

Dollarning so‘nggi besh kunlikdagi o‘zgarishi

So‘nggi besh kun ichida dollar kursida pasayish ustun bo‘ldi. 15-oktabr kuni dollar 35,56 so‘m oshib 12 185,11 so‘mga teng bo‘ldi. 16-oktabr uchun 12 233,67 so‘m (+48,56 so‘m) etib belgilandi. 17-oktabr kuni AQSh valyutasi 12 160,99 so‘mga (-72,68 so‘m) tenglashdi. 20-oktabr kuni dollar 12 108,24 so‘m (-52,75 so‘m) etib belgilangan edi. 21-oktabr kuni dollar 2 060,15 so‘mga (-48,09 so‘m) tenglashgan edi.

Markaziy bank ma’lumotlariga ko‘ra, yevro 106,54 so‘mga tushib, 13 958,01 so‘mni, rubl esa 0,79 so‘mga...

AQSh prezidenti Donald Trampning tashabbusi bilan Oq uyning sharqiy qanotida yangi ball zali qurilishi boshlandi. Qurilish ishlari boshlanganidan so‘ng, sharqiy tomondagi kirish qismi va derazalarning bir qismi buzib tashlandi.

Trampning so‘zlariga ko‘ra, $250 mlnlik loyiha Oq uy binosiga zarar yetkazmaydi va mavjud tuzilmani to‘liq saqlab qolgan holda amalga oshiriladi.

«Bu Oq uyga tegmaydi, yaqin joyda bo‘ladi. Men bu joyni juda yaxshi ko‘raman, bu mening eng sevimli binoyim», — degan edi Tramp iyul oyida.

Prezident o‘z ijtimoiy tarmog‘ida zarur va tarixiy loyiha boshlanganini e’lon qilib, 150 yildan beri prezidentlar katta tantanalar va davlat mehmonlarini qabul...

Changan kompaniyasi tomonidan yangi Deepal S05 S05 520 Lite elektromobili rasman taqdim etildi. Bu haqda CarNewsChina xabar bermoqda.

Yangi avtomobil narxi $16,4 ming qilib belgilangan bo‘lib, u S05 seriyasidagi eng arzon variant hisoblanadi. Mazkur modelning maqsadi — bozorda arzon, ammo to‘liq elektr transport vositalariga bo‘lgan talabni qondirish.

Dizayn

Deepal S05 520 Lite dizayni avvalgi modellarga o‘xshash bo‘lib, yopiq radiator panjarasi bilan yaratilgan zamonaviy tashqi ko‘rinishga ega. Avtomobilning o‘lchamlari o‘zgarmagan: uzunligi — 4620 mm, eni — 1900 mm, balandligi — 1600 mm, g‘ildiraklar bazasi — 2880 mm.

Eksteryerda ramkasiz eshiklar, mexanik eshik tutqichlari, qo‘lda ochiladigan yukxonasi, elektr oynalar, kalitsiz...

Olis hududlarni yuqori tezlikdagi internet bilan ta’minlash maqsadida kelasi yildan yo‘ldoshli internet operatorlari faoliyati yo‘lga qo‘yiladi. Bu haqda prezident sun’iy intellekt texnologiyalarini rivojlantirishga oid videoselektor yig‘ilishida ma’lum qildi.

Unga ko‘ra, ushbu operatorlar besh yil davomida yer, mol-mulk, foyda va qo‘shilgan qiymat solig‘idan (QQS) ozod etiladi.

Eslatib o‘tamiz, joriy yil 13-avgustdan olis hududlarni internet bilan ta’minlaydigan Starlink kompaniyasi sun’iy yoʻldosh internetini Qozog‘istonda ishga tushgandi. Servisning rasmiy saytida esa Starlink xizmati Oʻzbekistonda 2026-yildan boshlab ishga tushirilishi ma’lum qilingan.

Sun’iy intellektga sarmoya kiritganlarga maxsus imtiyozlar

Davlat rahbari yig‘ilishda sun’iy intellekt infratuzilmasiga $100 milliondan ortiq sarmoya kiritganlarga maxsus imtiyozlar berilishini...

Prezident Shavkat Mirziyoyev sun’iy intellektni rivojlantirish uchun 16 ta superkompyuter xarid qilishga $50 mln ajratilganini ma’lum qildi. Kelgusi yilda bu mablag‘ ikki baravar oshiriladi.

Davlat rahbari ta’kidlashicha, sun’iy intellekt sohasida raqobatbardosh bo‘lish uchun uch yo‘nalishga — infratuzilma, ochiq ma’lumotlar va kadrlar tayyorlashga e’tibor kuchaytiriladi.

So‘nggi sakkiz yilda 300 ming kilometr optik tolali aloqa tarmoqlari qurildi, aholi punktlarining 99 foizi mobil aloqa bilan qamrab olindi. Shuningdek, katta hajmdagi ma’lumotlarni qayta ishlash uchun 7 ta data-markaz ishga tushirilgan.

Kelgusi yilda sog‘liqni saqlash, energetika, bank-moliya, bojxona-soliq, transport, tog‘-kon va qishloq xo‘jaligi sohalarida sun’iy intellekt bo‘yicha 100 ta loyiha amalga oshiriladi.

Prezidentning so‘zlariga...

Shahar va tumanlarda hokimlarning raqamlashtirish va sun’iy intellekt bo‘yicha maslahatchisi lavozimi kiritiladi. Bu haqda prezident sun’iy intellekt texnologiyalarini rivojlantirishga oid videoselektor yig‘ilishida ma’lum qildi.

Shuningdek, endilikda vazirlar va tarmoq rahbarlarining raqamlashtirish uchun mas’ul o‘rinbosarlari sohada sun’iy intellektni rivojlantirishga ham javobgar bo‘ladi.

Alohida bo‘linma

Barcha vazirlik va hokimliklarda sun’iy intellektni rivojlantirish bilan shug‘ullanuvchi alohida bo‘linma tashkil etiladi. Ularning asosiy vazifasi — ish samaradorligini oshirish, xizmat sifatini yaxshilash, ortiqcha xarajat va byurokratiyani kamaytirishdan iborat.

Bundan tashqari, xorijiy tillarni biladigan va texnologik salohiyati yuqori bo‘lgan 100 nafar mutaxassis AQSh, Yevropa, Singapur va Yaponiya kabi davlatlarda olti oylik malaka oshirish kurslariga...

Hokimlarga yil yakunigacha o‘z hududlarida «Aqlli shahar» tizimini joriy etish topshirildi. Bu haqda davlat rahbari sun’iy intellekt texnologiyalarini rivojlantirishga oid videoselektor yig‘ilishida ma’lum qildi.

Yig‘ilishda hududlarda sun’iy intellektni joriy etish borasida yaxshi misollar keltirildi. Xususan, Urganch shahrida «Aqlli shahar» tizimi ishga tushirilgan bo‘lib, u elektr, gaz, suv, issiqlik ta’minoti, transport, obodonlashtirish va chiqindi korxonalarini yagona tizimga birlashtirgan.

Tizim sun’iy intellekt asosida fuqarolarning murojaatlarini tahlil qilib, tezkor yechim taklif etadi. Natijada yiliga 16 milliard so‘m mablag‘ tejalmoqda.

Shu bois prezident viloyat markazlari va poytaxt tumanlari hokimlariga Urganch tajribasini o‘rganib, uni o‘z hududlarida joriy etishni topshirdi.

Avvalroq O‘zbekiston sun’iy intellektga tayyorgarlik...

Oliy iqtisodiyot maktabi hisob-kitoblariga ko‘ra, migrantlarning Moskva iqtisodiyotiga qo‘shadigan hissasi har yili Ichki mintaqaviy mahsulotning (YaMM) 23-25 foiziga yetadi, deb yozadi Forbes.

Mutaxassislarning ta’kidlashicha, muhojirlarning mehnati poytaxtga xarajatlardan ko‘ra ko‘proq daromad keltiradi, bu esa ularning iqtisodiyotdagi ishtirokini nafaqat samarali, balki moliyaviy jihatdan ham foydali qiladi.

OTM ma’lumotlariga ko‘ra, 2017-yildan 2023-yilgacha migrantlarning umumiy hissasi 20 foizdan past bo‘lmagan, faqat 2020-yilda pandemiya tufayli bu ko‘rsatkich 21 foizga tushdi.

Tadqiqotda ish bilan bandlarning beshta toifasi ajratib ko‘rsatilgan: moskvaliklar, doimiy migrantlar, kunlik, vaxta va xalqaro mehnat migrantlari.

Kunlik ishchilar har kuni qo‘shni viloyatlardan, vaxtachilar uzoq muddatga keladi, chet ellik mutaxassislar esa vaqtinchalik shartnoma...

Uzbekistan Airways Andijon – Istanbul – Andijon yo‘nalishidagi aviaqatnovlarga aksiya e’lon qildi. Aviakompaniya to‘rt kishidan to‘qqiz kishigacha bo‘lgan guruhlar uchun maxsus tarif taklif qiladi.

Aksiya bo‘yicha chiptalarni 21-oktabrdan 28-oktabrgacha, sayohat qilishni esa 27-oktabrdan 27-noyabrgacha xarid qilish mumkin. Bir tomonga parvoz narxi 1 815 000 so‘mdan, borish va qaytish esa 3 389 000 so‘mdan boshlanadi.

Chiptalar booking.uzairways.com saytida, Uzbekistan Airways Sales filialida va aviakompaniyaning rasmiy agentlarida mavjud.

Avvalroq Kursiv Uzbekistan Andijon – Istanbul yo‘nalishida yangi aviaqatnovlar yo‘lga qo‘yilishi haqida xabar bergan edi.

Uzbekistan Airways joriy yil 27-oktabrdan boshlab Andijon – Istanbul – Andijon yo‘nalishi bo‘yicha to‘g‘ridan to‘g‘ri muntazam...

Prezident Shavkat Mirziyoyev 21-oktabr kuni poytaxtning Mirzo Ulug‘bek tumanida joylashgan IT-parkka tashrif buyurib, loyiha ikkinchi bosqichining tamal toshini qo‘ydi.

Avval $200 million investitsiya evaziga to‘rt gektar maydonda oltita ofis binosi va kongress-xoll barpo etilgan edi. Hozir IT-parkda uch mingdan ortiq kompaniyalar va 14 mingdan ziyod mutaxassislar faoliyat yuritmoqda. Joriy yilda park rezidentlari tomonidan $2,5 milliardlik xizmat ko‘rsatish rejalashtirilgan, eksport esa ilk bor $1 milliarddan oshadi.

Yangi bosqich doirasida hudud 1,5 barobar kengayadi. Saudiya Arabistonining DataVolt kompaniyasi bilan hamkorlikda 12 megavatt quvvatga ega, $150 millionlik data-markaz quriladi. Kelgusida yana $3 milliard investitsiya kiritilib, quvvat 500 megavattga yetkaziladi.

Shuningdek, bu...

O‘zbekiston sun’iy intellektga tayyorgarlik darajasi bo‘yicha xalqaro reytingda 17 pog‘ona yuqoriladi. Mamlakat hozirda 70-o‘rinni egalladi. Bu haqda Shavkat Mirziyoyevning IT-parkka tashrifida qayd etildi.

2030-yilgacha sun’iy intellektga asoslangan xizmatlar hajmini $1,5 mlrdga yetkazish rejalashtirilgan edi, biroq xorijiy ekspertlar O‘zbekiston salohiyatini $10 mlrd atrofida baholamoqda.

Prezident topshirig‘i

Prezident ta’kidlashicha, Raqamli texnologiyalar vazirligi bu borada faolroq ishlashi, vazirlar, hokimlar va tarmoq rahbarlari haftasiga bir kunni sun’iy intellekt sohasini rivojlantirishga bag‘ishlashi zarur.

«Hamma vazirlar, hokimlar chet elga borganida sun’iy intellekt iqtisodiyot tarmoqlari rivojiga qanday hissa qo‘shayotgani, aholiga, biznesga nima yengillik berayotganini ko‘ryapti. Bizda ham shuni qilsa bo‘ladimi? Albatta, bo‘ladi...

Hukmron Liberal-demokratik partiya yetakchisi Sanae Takaichi parlamentning quyi palatasida 237 ta ovoz to‘plab, hukumat rahbari lavozimini egalladi. Uning nomzodi keyinchalik yuqori palata tomonidan ham tasdiqlandi, deb xabar berdi Reuters.

Takaichi bu lavozimda iste’foga chiqqan Sigeru Isibani almashtirdi. Isiba partiyaning saylovdagi mag‘lubiyatidan so‘ng iste’fo bergan edi.

Takaichi o‘zining konservativ qarashlari bilan tanilgan. U Yaponiyaning tinchlikparvar konstitutsiyasini qayta ko‘rib chiqish va Tayvan bilan munosabatlarni mustahkamlash tarafdori.

Iqtisodiyot sohasida Takaichi Abenomika siyosatini davom ettirish niyatida. Bu siyosat iqtisodiy o‘sishni rag‘batlantirish uchun yumshoq pul-kredit siyosatini yuritish va davlat xarajatlarini oshirishni ko‘zda tutadi. Tahlilchilarning ta’kidlashicha, bu yondashuv moliya bozorlariga bosimni kuchaytirishi mumkin.

Mutaxassislar fikricha...